تتزوج أو تتزوجين واحد أو وحدة أمة أجنبية!؟

[شخابيط بنات]

السلام عليكم ورحمة الله وبركاتة00
الأخبار وش مسوووووووووووووووين^^^^^أختصري أولاه
ابي أطرح لكم موضوع طبعاً هو ماعمره جاء على بالي ولا خيالي ولا عمري عطيته أهمية بحياتي لكني أبطرحه لكم عشاني والله عشت هالموقف
في يوم من الأيام كنت جالسة في غرفتي أفكر في حال الدنيا لماذا الأشرار كثيرون والأخيار قليلون^^^^^^أبوك يالنصب قاعدة افكر وش ألبس بكرا للعزيمة00المهم
دخلت على أمي العزيزة وقالت ترا ناس اتصلوا وخطبوك طبعاً سويت نفسي ماهمن يقالي ثقلللللللل ولا أنا ودي اقول منهم تكفيييييييين قالت فلان الفلان وطلعت انا أول ما قالت عجزت استوعب ولا قدرت تدخل مزاجي سكرت باب الغرفة وقعدت اناقز فوق السرير واصفررررررر تقل فايز المنتخب موب عشاني مخطوبة هذا مو شي جديد^^^^^^^^^أبوك يالثقة00
الشي الجديد أني هالعائلة كنت أتمناه من كل قلبي وعيالهم معروفين بالأخلاق ويحشمووووووووون الحريم وغير كذا مزاااااااااااين
طبعاُ يوم صار المغرب اجتمعت العائلة الكريمة وقالت أمي لخواني أن أختكم انخطبت فلان الفلان طبعاً اللي قعد يصفررررررر واللي قال اخيراً بنفتك من روحة السوق(للدرجة مثقلة إهي إهي إهي)واللي قال بصير خال يعني مايفكرون إلا بانفسهم المهم قالت أمي ان أمهم سورية أول ما قالت كلهم ناظرون وتغيرت وجيههم قال أخوي الكبير عساك موافقة قلت وش المشكلة قال إلا فيه مشكلتين بعد يكفي أن أمة أجنبية وقال الثاني لو تاخذينة ابتبرى منك والثالث قال ابسمي عيالك عيال الأجنبية أنا الصراحة انصدمت نفسياً ومعنوياً وجسدياً طبعاً أبوي قال أسأل عنة وأشوف ويوم صار بعد أسبوع أخذ أبوي جميع المعلومات عنهم أنه ولد أخلاق وشغلة زين والولد تمام ويكفي أن أبوه أمام مسجد طبعاً أخواني رافضينة يقولون مانببية وابوي يقول استخيري وشوفي00 جاء أخوي لمي بالليل قالي فكري(المشكلة يوم يقولة شكلة يوحش أحس اني مرتكبة جريمة) قالي تخيلي تصير أمة(اللي هي خالتي ام زوجي إهي إهي إهي)تصير له أخت ماخذة عائلة سعوديه غير خطنا وبعدين كذا يصير فيه خلط بالنسل و قالي ترا العرق دساس ودايم الناس يسألون عن الخوال إذا خطبوا ويمكن الولد يصير تربيته تربية أجانب ويصير عاداته تختلف عنا وطلع أنا حسيييييييييت أن راسي داخ وأنفجر واستخرت عشررررررر مرات تدرون وش اللي متحسفة فيه أول شي انه ساكن ببريدة وأنا ماودي اصير بعيدة عن اهلي وثانياً أنه أخلاق ومزيون(فرحة بذي قوة) على الأقل اضمن أن عيالي يصيرون مزاين وثالثاً شغلة حلووووووووووووو ومرتبة زين(يعني أقدر اروح لم النخيل كل شهر) وباقي اسبوع ثاني عشان نرد عليهم وأنتم وش رايكم !!؟؟؟ والسؤال موجه للبنات والشباب لو تخطب وحدة وتطلع أمه أجنبية توافق ولا لا أو واحد يخطب اختك وتطلع أمه أجنبية توافق؟
وأنتم يالبنات نفس الكلام0تراي مالي خلق اكرر الهرج قوووووووة دخت
ردودكم تهمني تكفوووووووووووووووووون

[عبود زمان]

الأبناء ينسبون للأب يعني انتي وشدخلك بأمه
وبدين وين حديث الرسول صلى الله عليه وسلم عن أهلك
وهالرجال ماشاءالله اجتمع فيه الدين والخلق خلاص لا يهمك احد واخوتك مردهم بيرضون لما يقابلون هالرجال

والله يعين بس على العموم انتي اللي بالنهياة بتخسرين إن تركتيه لأنه لئطه وحسافة

[نيزك]

امممممممممممممممممممممممم


راحة موضوع يحير مادري بس لكل حدث حديث ..


ترجع لنفس العائلة و تربيتهم ....

باعتقتدي البنت عادي تاخذ و احد أمه أجنبيه اما الولد مادري وشلون ....!!


عموماً إخوانك أبخص لا توافقين و يبي يعوضك الله .

[صريح جد]

اقول وافقي وبقوة وفرصة لاتفوتيها لان كل المواصفات في العريس متوفرة الي هي انة من عائلة مشهورة والولد مزيون واخلاقة زينة على كلامك بس انة امة سورية ما فيها شي عادي لو يجي احد ويخطب احد قريباتي وامة سورية وفي المواصفات الي قلتيها اوافق بكرا اذا ماتزوجتية واخذتي واحد امة سعودية بس يكون ناقص في احد ها المواصفات مثل اخلاقة او مو مزيون راح تتحسفي طول عمرك وربي يوفقك ويكتب الي فية خير لك

[ابو فارس الحمادا]

توكلي على الله 000إذاهبت رياحك فاغتنمها

[العبرى]

إذا كان والدك راضي..وأمك

وقمتِ بالإستخاره..والأمور مطمئنة فلاتترددي..!

أن تكون أمه أجنبية فهذا عذر غير كافي..والتحجج به تعصب غير منطقي..!

والله يوفقك




تحيتي,,,

[T5ToO5a]

باعتقتدي البنت عادي تاخذ و احد أمه أجنبيه اما الولد مادري وشلون ....!!


>>هذآ المخلووق مصدووووووم...!

وش ذا العقليآآتـ ..!!

طيب واذا صآرتـ الوحده امهآ اجنبيه ..!
ما تآخذونهآ ..يعني ..
هههههههههههههه

استغفر الله بس ..


اقوول وانا اختس ..خووذيه بس اذا كآن عآجبكـ ..
بالعكس ..يمكن الام "الاجنبيه" هاللي مهيب عآجبه اخوانكـ
عآملك احسن من مليوون قصيميه ..!اذا كنتي من جد بتتزووجين ..!
بالتووفيق سلفآآ..

[كيان طفله]

استخيري ,

ومن رأيي وافقي بهالزمان نادرين المزايين <~ هذا اللي هامك http://forum.buraydh.com/forum/images/smilies/icon_mrgreen.gif


ومافي مشكله لو أمه اجنبيه يكفي انها عربيه و عايشه ببريده صح..؟!

أكيد فيها من عاداتكم مافيها شيء عااااادي ,

تقبلي مروري

:)

[مضيعه بريده]

اقولك توكلي على الله واعرسي وش عقليات اخوتك المتحجره


والله احيانا الي امه غير سعوديه والله انهم احسن منا تربيه وازين منا بالستر ومتربين صح يكفي ان بزارينهم اذا طيرو عيونهم عليهم اسكتو مو مثل بزاريننااااااا الله يخلف

وانا اعرف اكثر من بنات وعيال امهم اجنبيااات بس والله متربين عدل


من جائكم من ترضون دينه وخلقه ............


اختك مضيعه بريده

[ღ♥ همس الغروب ♥ღ]

توكلي على الله ووافقي والله يكتب لك الخير

اهم شي اخلاقه زينه لانك بتعيشين معه مو مع امه بالتوفيق ان شاء الله

[الواثقة]

الفرصة تجي بالعمر مره وحده


استخيري واطلبي من ربك الخيره


الله يوفقك

[الطرف الحنون]

أنا برأي بالعكس هالنقطة ممكن تكون لصالحك أكثر منها ضدك
لعدت أسباب
لاكن المهم إنتي أسنخيري واذا كنتي مرتاحة وأبوك موافق
لاتهتمين لأحد ثاني وبعدين الزواج قصمة ونصيب وتوفيق
من رب العالمين يعني أمة سورية أو مصرية أو حتى سعودية
مو هذا الي رح يضمنلك السعادة والتوفيق بحياتك
وانا بنظري هذه توافة لازم مانوقف عندها ....
واذا إخوانك صدق متخوفين من كون أمة سورية
أسألو عن الأم وعلاقتها نع أهل زوجه والي حواليها
وبناء عليه تقدرون تحكمون عليها وعلى تربيتها ....
الله يوفقك يارب ويتمملك بخير

[جبل السكر]

لو تخطب وحدة وتطلع أمه أجنبية توافق ولا لا أو واحد يخطب اختك وتطلع أمه أجنبية توافق؟



معلييييييييش هدا السؤال اسأليه
لناس غبيه جاهله متحجره
هل يعقل عزيزتي ارفض شخص
توافق فيه الدين والخلق بسبب
غير مقنع الا وهو (امه اجنبيه)
ههههههههه بصراحه موضوع مضحكـ
متل يلي ترفض العريس بالرغم من توافر جميع الصفات المرغوبه بسبب(اسمه)
والله عجييب هادي مضروب على مخها
الين ماسارت ماتفرق بين الحق والباطل
والصح والخطأ

معلييش على اسلوبي شخابيط بنات
اعذريني ومع احترامي الشديد لأهلكـ
نصيحتي لكـ استخيري ولو اراد الله لكـ
تكوني من نصيبه سيكون كذلكـ ولا تجعلي
احد يسيطر على عقلكـ فالشخص من كلامكـ
يحمل صفات تحلم بها كل فتاة واولهم إنتي كما ذكرتي :)
يعني اتمسكي فيه بايدكـ واسنانكـ هههههه
وحاولي تسايسي اهلكـ بعد استخارتكـ
فالنهايه إنتي يلي بتتزوجي مش هما
وبتعيشي مع زوجكـ وليس امه
وان كانت اجنبيه فهدا حكم جائر عليهن
فلسنا نحن الملاكـ وليسو هما شياطين
بالنهايه اتمنى لكـ التوفيق والسداد
وان تعيشي حياه هنيئه مريئه في ظل زوجكـ وحبيبكـ :)


تحيتي

[شخابيط بنات]

ياحبيلكم مشكووووووووووووورين عطتوني راحة بال
ورد مديني00يمكن أنتي حجازية عشان كذا عندكم عادي
بس ببريدة فيهم عرق تطنز شوي مو كلهم بس بعضهم ومثل ماتعرفين المجتمع مايرحم

[جبل السكر]

ورد مديني00يمكن أنتي حجازية عشان كذا عندكم عادي


بس ببريدة فيهم عرق تطنز شوي مو كلهم بس بعضهم ومثل ماتعرفين المجتمع مايرحم




مش حكاية حجازيه ولا قصيميه

انا اعرف الشخص مايرفض حاجه الا لسبب مقنع
مش لسبب غبي!!
وان يكون الشخص المعني هوا صاحب القرار
مش غيرو!!
طيب بما ان مجتمعكم فيه عرق تطنز ومايرحم
طلقيه :)





موفقه قلبي

[eivl girl]

اذا جد شي علمينا<<متحمسه بس ماعنده رد

[عاشقة الفردوس]

اهم شي الولد

اذا كان اخلاق وملتزم بالفروض خلاص

وش امه سوريه وامه مصريه

احيانا الام ماتقوم من السجاده والله يخلف على عياله والاستخاره الاستخار الاستخاره

اتمنى لك التوفيق

[نيزك]

الخوف من بعض ردودي إذا رديت أنها تفهم بمعنى خاطئ و سلبي و هذا و الله العظيم ما لا أقصدهـ .

و نعم بالرجال و ونعم بــ أمه و بكل أم أجنبيه.


لكن ردي كان لترددك فمن و جهة نظري أن ما حصل عندك هالتردد إلا لأن في أشياء داخلية عندك (تتصارع) إن صح التعبير و لا خرجت من فراغ فلو أنتي مقتنعه و أهلك مقتنعين و مجتمعك لا يخالف مثل هذه الزيجات لما استشرتي في منتدى .
أخــــــــــــــتـــــــــــي :

نصيحة لا تستشيرين عن أمورك الشخصية و خصوصاً الزوجية في منتديات فالعقليات و القيم و الأعراف تختلف من عائلة لعائلة ثانية كيف من منطقة و أخرى .

باختصار أنتي من يحدد هذا الزواج و لا تصرين ما دام اخوانك معارضين .

و على فكرة ردي لا يمثل و جهة نظر عامة و إنما لهذا الموضوع فقط .

[جوهرة بريدة]

وافقي :)

وياويلك ماتعزمينن على العرس هههههههههه

[رانســـــــــّي]

اذا حطيت نفسي مكانك والله كان احتار مليون مره لكن لاتنسين صلاة الاستخارة والله راح يرتاح بالك...ْْْْ ْ ْ ْ~>الحمدلله اني تزوجت ولا مريت في هالحاله؛؛؛

[عاشقة الفردوس]

الخوف من بعض ردودي إذا رديت أنها تفهم بمعنى خاطئ و سلبي و هذا و الله العظيم ما لا أقصدهـ .

و نعم بالرجال و ونعم بــ أمه و بكل أم أجنبيه.


لكن ردي كان لترددك فمن و جهة نظري أن ما حصل عندك هالتردد إلا لأن في أشياء داخلية عندك (تتصارع) إن صح التعبير و لا خرجت من فراغ فلو أنتي مقتنعه و أهلك مقتنعين و مجتمعك لا يخالف مثل هذه الزيجات لما استشرتي في منتدى .
أخــــــــــــــتـــــــــــي :

نصيحة لا تستشيرين عن أمورك الشخصية و خصوصاً الزوجية في منتديات فالعقليات و القيم و الأعراف تختلف من عائلة لعائلة ثانية كيف من منطقة و أخرى .

باختصار أنتي من يحدد هذا الزواج و لا تصرين ما دام اخوانك معارضين .

و على فكرة ردي لا يمثل و جهة نظر عامة و إنما لهذا الموضوع فقط .


ردك صح مليون بالميه

لازم تاخذين بالاعتبار مجتمعك وبيئتك

لان اخوانك ماترددوا الا فيه شئ هم يشوفونه لا انتى ولا حنا نشوفه

استشيري وفكري جيدا واستخيري

يارب يكتب لك الخيره

[شخابيط بنات]

مشكووووووووووورين الله يوفقكم

[شهلا]

هم سعودين بنهايه
وبوك يمدح الولد والعمد عند التربيه امه سوريه او يونانيه
العمد عند المراجل وذكنتي مقتنعه وعاجبك اتكلي على ربك

[مزاج الثعلب]

أهم شيء اخوانك ... وصارحي ابوك وقولي له انا موافقة لكن اخواني كن ماودهم ...

وموافقتي مشروطه بموافقة اخواني ...

وخلي الوالد يقنعهم انه مافيها شيء ...

[عبدالله بريدة]

http://buraydhs.com/vb/images/smilies/sm(51).gif<<< شوفين انا لي سنه ونص ادور مالقيت كلهم يقولون اقضب الباب انت اتتن مانبيك ولا صحــت ولا شي http://buraydh.com/forum/images/icons/icon10.gif
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7



لعـن ابــو ابليسكـــم والله لـو القــى بنــت مواصفتها الي براسي طبعا بعد الأهم دينها واخلاقهـا وحفاظها على حقوق الله قبل حقوق العباد والله لا اخـذها امبغــت تصيــر امهــا يهــوديــه مهــب سوريــه وش علينا من الناس قالو امها ولا ابوها مهب سعودي حنا ماذبحنا ببريده لا نقل الكلام وكثرة القيل والقال وفلان فيه وفلان مافيه لابو هالطبع 000

من زينكم يابــريدة تتشــرطون اذا طرت عليهم قالو عصــل بصل ولا لا يتتن ولالا نبـي لبنتنا بيت لحالها <<< طلع الي بسبده متكسفhttp://buraydh.com/forum/images/icons/icon10.gif


ياخيـتي اهم شي دينه هاذي الزبــده وغير لاتناظرين والتوفيق بيدالله 00


تقبل مروري ولقافتي شكرا

[جبل السكر]

الخوف من بعض ردودي إذا رديت أنها تفهم بمعنى خاطئ و سلبي و هذا و الله العظيم ما لا أقصدهـ .



و نعم بالرجال و ونعم بــ أمه و بكل أم أجنبيه.


لكن ردي كان لترددك فمن و جهة نظري أن ما حصل عندك هالتردد إلا لأن في أشياء داخلية عندك (تتصارع) إن صح التعبير و لا خرجت من فراغ فلو أنتي مقتنعه و أهلك مقتنعين و مجتمعك لا يخالف مثل هذه الزيجات لما استشرتي في منتدى .
أخــــــــــــــتـــــــــــي :

نصيحة لا تستشيرين عن أمورك الشخصية و خصوصاً الزوجية في منتديات فالعقليات و القيم و الأعراف تختلف من عائلة لعائلة ثانية كيف من منطقة و أخرى .

باختصار أنتي من يحدد هذا الزواج و لا تصرين ما دام اخوانك معارضين .

و على فكرة ردي لا يمثل و جهة نظر عامة و إنما لهذا الموضوع فقط .




عفوا اخوي لو اختك خطبها شاب امه اجنبيه توافق او لا
لو لا اتمنى اعرف سبب الرفض معليش رأيك بالموضوع مبهم بالنسبه لي :)
ممكن توضيح لقولكـ لأختنا لاتصرين مادام اخوانك معارضين!!

معليش على تدخلي انما كان لشيء بنفسي :)


تحيتي

[أمــ الحب ــير]

مرحبآ آختي

وش ذآلتخلف ؟!!!!! وأذآ صآرت آمه سوريه ؟؟؟
يمكن آتكون آطهر من 1000 سعوديه ,,

سمعي وآنآ آخوك آذآ آهلك موآفقين آستخيري وآلله يكتب لك آللي فيه آلخير ,,

من نآحية آخوك آسمحي لي آقولك آنه غبي ومتخلف من آلدرجه آلآولى , وآذآ حآبه تعيشين مبسوطه لآتسمعين كلآمه لآنه غبي صدق ومتخلف ,,

آسف على كلامي بس هذآ آللي ينطبق على آخوك .


آورفوآر

[" TWIX "]

تصير له أخت ماخذة عائلة سعوديه غير خطنا وبعدين كذا يصير فيه خلط بالنسل
أنا قايل تفكير القصيم وخاصة بريدة ما يروح بعيــد عن هالنقطــة !!
:for1:

وبدين وين حديث الرسول صلى الله عليه وسلم عن أهلك
الحديت يؤتى به عند لزومهم بس ..!!

أنا رأيي
إن كان هذا تفكير أخوك تروحين لموفنبيك بآخر دور وتطبين راس !!
:)

أما بخصوص سؤالكِ..
تتزوج أو تتزوجين واحد أو وحدة أمة أجنبية!؟
لا عيب وشق جيب :) ويزعلون أخوك ..عفوا ..أخوتــــي

[نيزك]

عفوا اخوي لو اختك خطبها شاب امه اجنبيه توافق او لا
لو لا اتمنى اعرف سبب الرفض معليش رأيك بالموضوع مبهم بالنسبه لي :)
ممكن توضيح لقولكـ لأختنا لاتصرين مادام اخوانك معارضين!!

معليش على تدخلي انما كان لشيء بنفسي :)


تحيتي





أهلي ورد مديني

أن بالنسبة لي عادي إن جاء لأختي من نرضى دينه و خلقه و خصوصاً في هالزمن الي بصراحة الرجال ينعدون بالأصابع و لو كانت أمه أجنبيه عاااااادي وش فيها ؟

لكن ردي لصاحبة الموضوع أن أهلها معارضين و بالذات إخوتها ..و في نفس الوقت إنشاء الله تحصل واحد ثاني ...يكون بعد أحسن منه .

[جبل السكر]

أهلي ورد مديني


أن بالنسبة لي عادي إن جاء لأختي من نرضى دينه و خلقه و خصوصاً في هالزمن الي بصراحة الرجال ينعدون بالأصابع و لو كانت أمه أجنبيه عاااااادي وش فيها ؟


لكن ردي لصاحبة الموضوع أن أهلها معارضين و بالذات إخوتها ..و في نفس الوقت إنشاء الله تحصل واحد ثاني ...يكون بعد أحسن منه .



اهلين
الله يعلي مقداركـ ويرضى عنكـ
تشكر لتنويرنا :)


تحيتي

[ترحاب بريده]

السلام عليكم ورحمة الله وبركاته

توكلي على الله وافقي اهم شي ابوك ومامتك موافقين

استخيري ولا يهمك احدا



من جا ئكم من ترضون دينه وخلكه زوجه (معناء الحديث)



ماقال من امه سعوديه

[ملكة الجوارح]

انا لو مكانك وافقت مافيها شيء واذا امه اجنبيه ~!

بنت خالتي ماخذه واحد امه مصريه ومافيه احسن منها حبوبه مره

الله يكتب لك اللي فيه الخير

>

[شخابيط بنات]

كلكم ابعزمكم على عرسيييييييييييييييييييييييييييي
الدعوة عااااااااااااااامة للجميع منتدى بريدة

[المميزه]

انا من رايي وافقي وبدون ترددمن يحصله عرق سوري...يجيك عيال حلوين من قدك..استخيري وتوكلي على الله بلا اخوان بلا هم

[قلب الحجاز]

شكلك تزوجتي <<<< جايه متأخر
بس مستغربه ماتوافقي عشين أمو سوريه عجبي

عادي أحنا تزوجنا سوريين أصل حتى ماعندهم جنسيه سعوديه
وأنتي تقولي أمو سوريه طيب هو سعودي موأبوه سعودي<< هدا أهم شيء عندكم خلا ص يكفي :)

على العموم أختي أستخيري وربي يكتبلك اللي فيه الخير
بالتوفيق

[رواسي]

أنتي فكري ووافقي عاد بس بشرط
يودي أمه دار العجزة وبذلك أفتكيتوا من السورية
ذذذذ
أمزح والله

مدري ماأشوف فيهـــا شيء

بس بصراحة السعودين مايصلح يتزوجون غير سعوديات والعكس

لأن عاداتنا وتقاليدنا تختلف
ولازم يكون بينكم كفائه


أقول أستخيري
مابطيره عليك شكله لؤطه ومايتفوت

:)

[~عاليه~]

عزيزتي ..

الزواج مشروع العمر ..

لو والدينك موافقين ويرئ والدك أنه زوج مناسب لك ..
وأستخرتي فتوكلي على الله ..

ولكن لا تخسري أخوتك حاوريهم وناقشيهم بالأمر ..

أختي الصلاح والهدايه والأخلاق والتربيه هبات من الله يهبه من يشأ من عباده
وليست حكراً على السعوديين عن غيرهم ..

قولي لأخوتك ..
شوفوا المجتمع يعج بمشاكل الحموات وزوجات الأولاد وهن سعوديااات ..
مع بعضهن البعض ..

أحد صديقاتي زوجها أخواله من مصر وماشاء الله ماخذ منهم الذرابه والسنع مع الست : )

سلفة خالتي مصريه عيني عليها بارده ربت عيالها أحسن تربيه على الأخلاق وحب الأقارب ..

موفقه أختي :for12:

[***مسك***]

اختي انا ناصحه لكـ

فكري بالرجال ودينه واخلاقه

واتركي عنكـ امه اجنبيه وإلا سعوديه (يعني اذا بغيتي تشرطين عالأم شوفي على قولة الحريم هي حليله وإلا لا؟؟ سواءسعوديه والا غيرها )

هذا اذا بغيتي تشرطين وتشوفين امه ====هههه

والا اذا بغيتي الولد مواصفاته ممتازه وكذلك امه مواصفاته ممتازه وابوه واهله وجدانه السابع عشر فما راح تحصلين الكامل

لأن الكمال لله وحده

هذا مجرد رأي اذا عجبكـ جودي علي بدعوة في ثلث الليل

حتى لو ما اعجبكـ !! لاتحرميني من دعواتك

[فتاة بني خالد]

أهم شي استخيري..

وعادي لا صارت أمه أجنبيه.. أهم شي أخلاق الأم مو جنسية الأم..

وفيه أجنبيات أخلاق ودين وفيه سعوديات عكس..

والله يوفقك ان شاء الله..:)

[ماتهاب]

عزيزتي شخابيط ..

انا حصلي مثل ماحصل لك وبصراحة رفضت وكانت جنسية امه من الاسباب الرئيسية غيرعاداتهم وطريقة لبسهم للحجاب "وهذي الأمور عندي مهمة" ..
وبصراحة كلام أخوك منطقي وماأشوف ان فيه تشدد ولا شي !!..

ونصيحة اللي مايبغون اخوانك في امور الزواج بعدي عنه "اذا كانوا من الاخوان الحريصين طبعاً" ..

عموماً اذا حسيتِ انك موافقة
لاتنسين تسألين عن امه وعن طبايعها علشان ماتنصدمين ..

بالتوفيق للجميع ..