انتي بنت اجل انتي للتجربه !!!!! [الأرشيف]

عاشق ديرتي بريده

10-02-09, 07:57 pm

مدام منعم الله علي بالمال اجل راح العب على بنات الناس وتزوجهن واللي ماتجوزلي اطلقه ... ابتزوج واطلق لين القى اللي تصلح لي !!!!!

حلال محله الله وانا ماسويت شي حرام

هذا كلام اكثر الرجال عن النساء

ماادري ليش الرجال يستحقرون النساء ويعتبرونهن تجربه !

الغريبه ان مافيه رادع لهم ولاستهتارهم !!!

من يحمي نسائنا من هؤلاء المجرمين !!!!

عاشق الخير

10-02-09, 08:02 pm

يحميهم والد الفتاة بالسؤال ثم السؤال

عن الخاطب

فالبنت مسؤوليته وامانه في عنقه

عاشق ديرتي بريده

10-02-09, 08:06 pm

يحميهم والد الفتاة بالسؤال ثم السؤال

عن الخاطب

فالبنت مسؤوليته وامانه في عنقه

قد يجد والد البنت افضل الصفات بالخاطب فهل سوف يسأل هل هو يطلق ويتزوج !!

فتاة المستقبل

10-02-09, 08:38 pm

ماعتقد هالشئ موجود بين الرجال ...إلا نسبة ضئيلة لا تكاد تذكر ...

وانا اشوف ان اغلبهم داج من الفقر وده بس لو يحصل قيمة المهر ,وش عاد يتزوج ويطلق

وإذا كان مغنيه الله فهو راح يدور له زوجه ثانيه ..عاد من من البنات تقبل بالمتزوج ؟؟؟..

ما قبلن بالشاب اللي ماله زوجه عاد يقبلن بالمتزوج ..

جوهرة بريدة

10-02-09, 09:37 pm

يا كثرهم ياعاشق

ياكثرهم

لكن الله حسيبهم يمهل ولايهمل

مجرمين قليلة بحقهم

To Be

10-02-09, 09:42 pm

اكره الحلال عند الله الطلاق
سورة في القرآن الكريم تتحدث عن الطلاق
اتفق مع اخوي عاشق الخير
ان المسئول عن حمايتها من ذلك ولي امرها
كذلك الفتاة هي مسئولة عن نفسها
يجب ان تسعى في البحث عن الشخص المتقدم
قد ( تقول ) كيف هي تبحث ؟
فأقول لك اليوم ليس مثل الامس ..
لا بد ان تحدد ( شروطها ) في الزوج وذلك على صورة ( أسأله ) تطلب الاجابة عليها !!
وان تترجم لغة ( الصمت ) إلى لغة ( الحرف ) فهي اكثر فهماً .

اطيب تحية

shahd2007

10-02-09, 10:58 pm

]ابتزوج واطلق لين القى اللي تصلح لي !!!!!

موب لاقي اللي تصلح له هالشكل

ودك لصار مطلق يسئل عنه 1000 مره ليش مطلق

واللي يضيع حقه هالبنت الضعيفه تتهافت عليه العويراء والزويراء والمنكسره خخخخخخخ

يجيك الشايب يركض يخطب ويجي ابو العيال وكبر ابوه [/font]

لِـيم’

10-02-09, 11:04 pm

يحميهم رب العباد

الله يرفع قدرهن عن هالظلمه

وهو يلقى وفقه ان شاء الله

عاشق ديرتي بريده

11-02-09, 12:37 am

عاشق ديرتي بريده

11-02-09, 12:39 am

يا كثرهم ياعاشق

ياكثرهم

لكن الله حسيبهم يمهل ولايهمل

مجرمين قليلة بحقهم

سبحانه وان شاءالله ينتقم منهم !

يعني وش ذنبي يوم يتزوجني ويطلقني بمزاجه !

جوهرة بريده قولي لفتاة المستقبل انهم كثار !

عاشق ديرتي بريده

11-02-09, 12:43 am

{..خــالــد..}

11-02-09, 12:55 am

والي يحسب بنات الناس لعبه بكرى بناته الي يلعب بهم

وشاح الذكريات

11-02-09, 12:56 am

دام الدعوى فسق وتجربه لين يلقى اللي تصلح
من يدري يمكن عقوبته ان عمره يقضي وهو مارتااح مشتت ..
لاكن ممكن دور الأب او ولي الأمر بالسؤال عن هالنوعيه يفيد ..
لأنه كما ذكرت كثيرر ...

طالب وفا

11-02-09, 12:57 am

عااٍدي اغلب التجار والملوك يتزوجون ويطلقون
اللي منعم الله عليه خله يونس عمره

إشراق

11-02-09, 02:45 am

مجرد مايطلق الثانيه ماراح يلاقي احد بيزوجه بنته اذا اشتهر انه مزواج وراعي طلاق

جبل السكر

11-02-09, 03:32 am

اللي منعم الله عليه خله يونس عمره

يونس عمره بالطريقة البشعه هذه

عاشق ديرتكـ
يرجع الامر اولا واخيرا الى (كيفية اختيار الزوج)
من قبل الاب والابنه
من هو الذي يستحق ان ترتبط به الفتاه
حتى يعينها على طاعة الله
اما من اراد ان يجعل الزواج لعبه فاالله يتولاه
فهو حسيبهم في الدنيا قبل الآخره

تحيتي

مزاج الثعلب

11-02-09, 03:58 am

اما ياكثرهم ؟ انت احسبها بينك وبين نفسك ... حلو ؟

كم واحد تعرفه مزواج ؟ من عدد الرجال اللي تعرفهم ؟

اذا كانت النسبة تتعدى 5 بالمية ابذبح لك ذبيحة ..

والأحرار عند وعودها ...

ربى نجد

11-02-09, 04:15 am

ناقص الرجوله وهاذا ماجعله يتخبط بحثا عن الكمال الانثوي

الماسة محتاسة

11-02-09, 06:12 am

مااتوقع ان الطلاق عند الشباب كثير..
وفي الغالب اللي يطلق مايطلق مرة ثانية..ليه ماادري..
لكن فيه احصائية تقول ان نسبة اللي يطلقون مرة ثانية 2% من عدد المطلقين..
وانااتفق معك ان المرأة صارت فار تجارب..لكن عند المعددين..
لأنه في الغالب مستقر ويتزوج فسق..وان اعجبه الوضع استمر ولاطلق..
واللوم اولا واخيرا على البنت اللي ترضى برجل متزوج..

JUBA

11-02-09, 12:22 pm

يابن الحلال عسااوه يجمع المهر ويفتح بيت

اكثر الشباب منتفين :)

بس عاد انت تتكلم عن عيال التجار لذلك آسف ما اقدر افيدك
كل اللي اجلس معهم متوسطين الحال أو دجيج ههههههههههه
لكن برضوا يبقى هالشيء نادر ولا اعتقد ان احد سيستطيع لو سولت نفسه له
فإن لم تمنعه اخلاقه سيمنعه المجتمع ويلفظه فالناس مدركين بغالبهم

صريح جد

11-02-09, 12:46 pm

موضوع مبالغ فية اما ان انك تقول ان التجار اكثرهم يتزوجون ويطلقون اقول انك غلطان لان اكثر التجار لهين في تجارتهم مو فاضين لوجع الراس اكثر الي يتزوجون الي داجين ويبدو لي انك ماتزوجت ولا شغت ولا عانيت الواحد يجلس سنين وهو يدور بنت ما حصل الي تناسبة فما بالك يبي يتزوج ويطلق من يبي يزوجة هذا

رانســـــــــّي

11-02-09, 01:04 pm

http://up.damasgate.com/files/x7vshgf5bck3yy6due3f.gif (http://up.damasgate.com/)

اتوقع ان الاهل هالايام حريصين جدآ من اجل مستقبل بنتهم وذلك بالسؤال عن الزوج ولو استغرقت المدة عدة اشهر ولربما وصلت الى السنه حتى يضمنون لبنتهم الرجل الكفؤ اما اذا كان الرجل مطلق من وحدة فقط فيبحثون عن الاسباب القطعيه لتزويجه اما اذا كان مطلق لااكثر من مره فأرى انهم لايقبلونه ويرفضونه وبشده

ارى الاغلبيه على هالسلم ...
لو وضعت مكانك مكان الاب وسألت عن الزوج وقيل لك انه مطلق لاكثر من مره هل توافق عليه؟؟؟؟؟؟؟
وهل تأمنه انه ماراح يطلق بنتك كما طلق بنات الناس؟؟؟
http://up.damasgate.com/files/dn8rhymh6qmilzgsk4bb.gif (http://up.damasgate.com/)

أبو الريش

11-02-09, 01:20 pm

شكلك طاف توك معرس

ودي تكتب الموضوع بعد سنه

ومأظنه بيكون نفس السياق

ღ♥ همس الغروب ♥ღ

11-02-09, 01:22 pm

مشكور على الطرح الرائع

للأسف هذا منطق بعض الرجال الغير مثقف

جوهرة بريدة

11-02-09, 04:46 pm

مشكور على الطرح الرائع

للأسف هذا منطق بعض الرجال الغير مثقف

صدقني الأمر ليس له علاقة لا بالثقافة ولا بالعلم

المسألة متعلقة بالرجولة والرجولة فقط

البـــBADERـــدر B.D.Q

11-02-09, 04:59 pm

عاشق ديرتي اول ماقريت الوضوع جا ببالي الخلطات والخرابيط ذولي http://up.arab-x.com/pic/IoZ55864.png (http://up.arab-x.com/)

بالنسبه للزواجات وان الي يسون كذا هم اصحاب الطبقاتا لعليا
لعلمك عاشق ديرتيواعتقد هالشي مايخف عليك فيه ناس تهدي بناتهم للاغنياء هديه يعني مهوب هو الي جاي يخطب لا جايته هديه وفيه نسبه كثيره من هالناس تسويه خاصه اذا كانت عيشتهم الماديه بسيطه

إنسانة غير

12-02-09, 02:14 am

والله إنك صدقت وياكثرهم بس الحمد لله صار فيه صحوة لهالأشكال من الرجال اللي يعتقدون إن بنات الناس لعبة

وصار الرجل المزواج غير مرغوب عند الناس لأنه رجل أناني مايفكر إلا بنفسه وبس وعلى باله بنات الناس لعبة

بس تدري وش اللي قاهرني ........إن مايطيح بهالنوع من الرجال إلا طايحات الحظ اللي ماوراها رجال يسألون عنه

ويبحثون وراه وعن تاريخه خصوصا المطلقات الباحثات عن الإستقرار والسعادة

تحيتي لك ولموضوعك الهادف

قلب الحجاز

12-02-09, 05:20 am

من يحمي نسائنا من هؤلاء المجرمين !!!!

للأسف محد يقدر يحميهن
حتى الأب مابيدو شيء إلا السؤال
ودحينا الناس إزا سالتهم عن العريس يحطوه ملااااكـ وهو شيطان أخرس

بس هالنوعيه من الناس ما يبغالها إلا أن ندعي عليهم بالإفلاس
عشين يعرفو بنات الناس مو لعبه
ويحسو بالنعمه يلي كانوا بيها

يعطيك العافيه

كانت هنا >> قلب الحجاز

نيزك

12-02-09, 05:54 am

سئمنا مثل هالمواضيع التي أشبه ما تكون (ورى الشمس) ...!!

لا تبالغ ...

و بعدين ليش البالغة في المثالية في الطرح؟

لا تزعل تراي من زمان أشوف بعض المواضيع الي كذا ...

آسف

خربشآت نآعمه

12-02-09, 11:10 am

اممم

ماظنتي

اصلا وينهم اللي معهم فلووووس

نصهم مجبوس على نفسهم

لا تبالغوون اللي معه فلووس عشر ونصهم مهم فاضين للعرس

واللي معها ارش محيروووو يشتري حمام ويطيرواااا

اقصد يتزوووج

لمسةعطر22

12-02-09, 11:36 am

والله المفروض اللي يطلق يسأل عنه اكثر من اللي ماسبق وتزوج لان الطلاق شي قاسي ولازم نبحث عن اسبابه ,,وطبعا المسؤليه اولا واخيرا على ولي امر البنت لانه امانه عنده ومسؤول عندالله سبحانه وتعالى عنه

engel

12-02-09, 11:57 am

انا وحده خضعت لتجربه وصارر بينا حب وعشق وهيام لكن ما أعجبه أني كل شهر أريد أشوف أهلي ووقت الولاده اروح لأهلي لأني بعمليه وطلقني .. لأن فكرته البنت ملك خالص للرجل اشتراها بكم ألف

جوهرة بريدة

12-02-09, 12:11 pm

engel

عزيزتي صدقيني مثل هذا الرجل لايستحق حتى التفكير فيه

احمدي ربك انك تخلصتي منه ومن عقليته المتخلفه

وبيعوضك ربي سبحانه

أهم شي انتزعيه من قلبك لتتمكني من رؤية غيره

تحيتي لك

ابو فارس الحمادا

12-02-09, 12:30 pm

انامعاك بالموضوع لكن فيه من النوعيه هذي لكن قضية إن أكثر الرجال كذاقدخالفت الصواب وكلامك هذا بتصوري فيه ظلم لمجتمعنا الطيب 000الله يهدي ضال المسلمين

عاشق ديرتي بريده

12-02-09, 01:07 pm

سئمنا مثل هالمواضيع التي أشبه ما تكون (ورى الشمس) ...!!

لا تبالغ ...

و بعدين ليش البالغة في المثالية في الطرح؟

لا تزعل تراي من زمان أشوف بعض المواضيع الي كذا ...

آسف

اخي نيزك

يبدو لي ان ليس لك اختلاط بالناس ولاتعرف مايدر بينهم ,

اذهب الى المحاكم وشاهد بعينك !

اما المثاليه التي تتهمني فيها ولله الحمد الكل يعرف من هو عاشق

ولكن انت تريد التسلق على كتوف المشهورين !!!

العبرى

12-02-09, 03:10 pm

فعلاً يوجد نماذج مماذكرت..
يجدون الزواج حجة لإمتاع انفسهم
دون أن يحاسبهم المجتمع..!

المصيبة ان يعلم بأمرهم ويتم السكوت عنهم
من قبل من يعرفهم..أو حتى أهلهم..!

ليس كل من طلق أكثر إتزاناً من غيره
بل قد يكون أسوأ..وعلى الأهل السؤال هنا وهناك
وحتى عند زوجته السابقه..!

تحيتي,,,

نيزك

12-02-09, 03:46 pm

اخي نيزك

يبدو لي ان ليس لك اختلاط بالناس ولاتعرف مايدر بينهم ,

اذهب الى المحاكم وشاهد بعينك !

اما المثاليه التي تتهمني فيها ولله الحمد الكل يعرف من هو عاشق

ولكن انت تريد التسلق على كتوف المشهورين !!!

طيب ليش زعلت يالحبيب ما تكلمت عنك بالذات (تسلق و ما تسلق) وش السالفة .

أبسألك هل تزوج مطلق مرتين و ثلاث ؟

جاوب أنت لأنك من عرض مجتمع .

ما أعتقد إنها منتشرة بها الشكل الي يخوف ..

الدلوعه22

17-02-09, 10:22 am

أخوي أشكرك على موضوعك الجميل وطرحك الأجمل ..ماأقول إلا حسبي الله على اللي هذي أفكاره والله يحمي فتياتنا ونسائنا من ذيلا الرجاجيل .. شـكــ وبارك الله فيك ـــرا لك ... لك مني أجمل تحية .. تقبل مروري مع فائق إحترامي..

امووووت انا

25-02-09, 11:07 pm

الله يحمينا منهم(من تمسك بالله ماضاع)

والله يمهل ولايهمل يجيلهم يوم ويشفون اللى سووه فى بنات الناس يصير في بناتهم

او خواتهم

شكرا عاشق على مشاعرك الطيبه اتجاه اخوتك فى الله

امووووت انا

25-02-09, 11:10 pm

engel

عزيزتي صدقيني مثل هذا الرجل لايستحق حتى التفكير فيه

احمدي ربك انك تخلصتي منه ومن عقليته المتخلفه

وبيعوضك ربي سبحانه

أهم شي انتزعيه من قلبك لتتمكني من رؤية غيره

تحيتي لك

كيف بنا ذلك؟؟؟!!!

اجمل انسانه

26-02-09, 04:33 pm

والله اذا كانت البنت واعيه وافاهمه

ماحد يقدر يلعب فيها وكمان الاباء مو لازم ينظرو بس للفلوس

لا زم يكون تفكيرهم اكبر من كذا

وانو احنا امانه بعناقهم وراح يسالون عنا يوم القيامه

اعذروني يمكن انا صغير وما اعرف في هذي الاشياء

بس حبيت ابدي راي

ويسلموووو عاشق

الموضوع رووووووعه

وهذا يدل علي وعيك

الله يوفقك

تحياتي لك اجمل انسانه

جوهرة بريدة

27-02-09, 11:44 am

كيف بنا ذلك؟؟؟!!!

عزيزتي الأمر ليس باليسير أبداً

أن تنتزع شخصاً أحببته من كل قلبك وكانت بينكم عشرة صعب صعب جداً

لكنه ممكن فقط إذا أردتي وعملتي على ذلك

تخلصي بكل مايذكرك به فوراً

ابتعدي كلياً عن أي وسيلة اتصال به

أيقني بداخلك أنه كان شخصاً يستغلك فقط ولايحبك فكيف تتعلقين بشخص مثل هذا وتُخضعي قلبك له

إذا أيقنتي أنه لايستحقك وقد خسرك فستنتزعيه من قلبك بكل تأكيد

ويحتاج الأمر لبعض الوقت فقط

المعروف

03-03-09, 02:44 pm

مو صحيح فيه رجل بهالتفكير...

واذا ... اذا وجد فهو شخص مريض ولايقاس عليه

رفيقة السماء

09-03-09, 04:10 am

والله الرادع لهالاشكال مؤخر يكسر ظهورهم ,,

:)

علشانك بس

09-03-09, 05:16 am

مع اني اكره هالصنف من الرجال اللي قلوبهم ميته ,,
الا اني اقول .. لو انا رجال وبمكانه وعندي فلوس كان اصير أردى منه ,,
اتزوج وأطلق مع جميع الدول العربية ,, التنويع زين ,,
بس الشكوى لله مالنا الا واحد أشهب ألهب ,,
فوووتك بعافية ,,