قصة قصيرة وظريفة

[امربعانية]

السلام عليكم ورحمة الله وبركاته
اكتب لكم هذي القصة وشاركوني أرائكم
في يوم من الأيام قررت زوجة من الزوجات الذهاب إلى زواج لأخو صديقتها, وبعد ماراحت للكوفيرة(الحلاق حق الحريم) وتزينت بتكلفةٍ مــــــــــا, قالت لزوجها يالله مشينا واللي صار أن الزوج فيما يبدو طمع بجمال زوجته بعد الترهيــــــــــــم أو الترميم اللي سوته عند الكوفيرة وقالها لا ودي تجلسين معي بالبيت ودي أجلس أنا وياك مايحتاج روحة(أكيد شافها حلوة وقرر أنه تكون من نصيبه اليوم) اللي صار زعلت أم العيال وراحت وامسحت المكياج وحزت بخاطره حركتها لأنها تزينت لزواج ويوم صار مافيها روحة قلبت كشباااااااااااااااااارة وجت جلست معاه وقالت هذا انا قدامك تصرف زي ماتبي قالها لا الحين بوديك وبدون مكياج وبدون فستان بس بلوزة وتنورة ورفضت وخيرها بين الطلاق ولاتروح الزواج زي مايبي واللي صار راحت للزواج وجلست بين الحريم لامكياج ولا فستان تنورة وبلوزة يااااااااااااااااااااسلااااااام عليه جابها صح


أنا مع اللي سواه بصراحة لأن التجمل والتزين صار لزواجات وقلق والأزاوج ياغافلين لكم الله

[طموحةكبيرة]

الجيل الجديد يتكشخون ... و القصة عام 1420

تقبل وجهة نظري

[امربعانية]

شكراً لمرورك

بس اللي أقصده هل الرجل سوا شي صح ولا لا
وترى مو كل الجيل الجديد يتكشخون

[نـــNAــونا]

اللي أنا أشوفه من اللي حولي من المتزوجات وأقرب الناس أختي

دايم بشكل حلو ومرتب ومكياج ومستحيل تقابل زوجها بملابس البيت والقمصان

يعني هالقصه سمعتها كثير وما أدري صحتها من غلطها

وموقف الرجل بحق لأنه مهما كان من حقه تتجمل وتتزين له

لكن يوصل الموضوع للطلاق فهذا مو حل

[oldman]

وقالها لا ودي تجلسين معي بالبيت ودي أجلس أنا وياك مايحتاج روحة زعلت أم العيال وراحت وامسحت المكياج وحزت بخاطره حركتها لأنها تزينت لزواج
من حق الزوجة تزعل
وارى ان الزوج هو المخطئ لأنه لم يخبرها بأنه يريدها بمكياجها (والدعوة ترا مهيب أسرار) بل بالعكس سترضى بالجلوس معه لو حدثها بوضوووح .
ولعلها هي ظنت انه يريد منعها من حظور الزواج ويتحجج بأي شيء .
الم يتخيل شكل زوجته امام الحظور ؟؟؟( أحمق)
وبرأيي انه مايستاهل مواطي رجلينها اذا كان هذا تصرفه يتوعد بتطليقها (بنات الناس لعبه)
ولوعلم بأن خلفها رجال ماجلس يهدد إذا اراد شي .


صاحب الهوى (هنا) (http://forum.buraydh.com/forum/showpost.php?p=2191021&postcount=392)


-
سبحان الله وبحمده
؛؛ عدد خلقه ؛؛ ورضا نفسه ؛؛ وزنة عرشه ؛؛ ومداد كلماته ؛؛
؛؛؛
أستغفر الله الذي لا اله الا هو الحي القيوم واتوب اليه
؛؛
أستغفر الله الذي لا اله الا هو الحي القيوم واتوب اليه
؛؛
أستغفر الله الذي لا اله الا هو الحي القيوم واتوب اليه

[بنت الكرم 2008]

تصرف ساذج منه وهل معالجة الخطئ بخطئ ---نعم الزوجة أخطئة بعدم أهتمامها بنفسها وهو أخطئ لأنه أجبرها على الخروج بهذا الشكل فهي في النهاية أسمها زوجة فلان 00

[engel]

راحت بدون مكياج كاني سمعت القصه وكذبت ع زميلتها أنها تعبانه بس جت تسلم وتمشي

[الزنون]

وعليكم السلام ورحمة الله وبركاته
ما ينلام هذا طبع حريمنا الزوج له الشلحة او قميص النوم اما الغير مكياج وفستين بكومة دراهم الله لا يخسر
والبلا ليت هالحريم مزيونات عشان ما تتمكيج لرجلها. لا والله ياشينهم يالله يالله كوفيرة وترميم كامل للوجة ويمكن تجوز لك
لا ويقولون ليه ما تتزوج
تحيا العزوبيه لا للزواج