مالأفضل :: العزوبية أو الحياة الزوجية :: ؟

[الذهبي]

السلام عليكم

وش رايكم
العزوبية

وإلا

الزواج

تحياتي

[كرباج]

ماقلتلك انك ماتجيب الا مواضيع زينه:D

هلا بالذهبي والله موضوعك كبير

الزواج نعمة من الله بس اذا شاف الواحد انه قد المسؤليه

ومايجوع بنت الناس:D حلوه ذي مايجوع بنت الناس

فان اويده بس اذا صارت كله سواليف وديون وغثا ماقول الا الله يعينه

تلقا الواحد يجيبله بزرين وهو توه ماخلص اقساط الزواج

هذا حال بعض الناس الله يعينهم ويوفقهم

اما العزوبيه اه يالعزوبيه انا واعوذ بالله من كلمة انا لو تكلمت عن العزوبيه

يبيلي منتدى بالحالي <<---- يعشق الهدوء والراحه

ولا يطيق وجع الراس عاد افهموها

بس اخلي اخوي العزوبي هو اللي يتكلم عنه لانه صارت هرجته:D

تحياتي لك

[Faisal486]

أقوووووووووووووووووووول

وش عندكم أنتم هالايام على العزوبيه ؟؟؟ خلاص أنا حذفت موضوعي (( مميزات العزوبيه )) خلاص افرحوا واستانسوا وسووا عيد إن بغيتوا !! وإذا كنتوا متضايقين من وما تبونن خلااص أخلي لكم المنتدى كله وأطس ...

ما صار منتدى ذا ... يعني العضو إذا جا لازم توذونه وتلاحقونه وتشرشحونه لين ينفش خلقه ويخلي لكم المنتادى ويطلع .. ما صارت ذي خلااااص أنا رايح ومخليكم ..




























الظاهر إنك وأنت تقرأ الرد جتك الصيحه :D

هههههههههههههههههههههههههههههه

أنا برأيي العزوبيه أحسن والسبب إقرأ توقيعي وتعرف

[كرباج]

هههههههه ه ه هههههه ه ه ه

وراك جاين معصب ياخوي احمد ربك اننا قاعدين نشهرك الحين:D

اجل تبي تترك المنتدى خساااااااااااره والله :D لاتصدق

بس تبي الصراحه موضوعك بعضهم زعلوا يقولون الله يهديه هالعزوبي ذا

<<<----- يدور الشر:D

لانك جبتلنا العيد الله يصلحك قل امين

واما بخصوص توقيعك خل غيري يتكلم عنه:D

تحياتي للجميع

[وائل]

الأصل أن الزواج هو الأفضل والحل الأمثل


واحيانا يقول الشاب أو الفتاة يازين العزوبية


أقول أحيانا


تشكراتي الذهب على الموضوع الطويل :)

[راعي العنود]

السلام عليكم .......

اخوي الحبيب : الذهبي .................................الحقيقه انا اقول ان اللي متزوج يقول يازين العزوبيه والعزوبي يقول يازين الزواج ,,,


وانا رأيي صراحة يازينهن كلهن :D والله إن المره احيانا غثه واحيانا تقول ياشين العزوبيه ,,, لكن تبي الصراحه هي حسب الإرسال فإن كان الجو به غبره
ومشوش فالعزوبيه يمدحونه:D وان كان الجو صافي فالزواج احسن ..وبس انحلت مشكلة فلسطين:D


مع تحيا111111111111تي ..

:) :)

[الذهبي]

والله تبي الصراحة
يابوصالح رد مسكت :D

[مجنونة المجانين]

سين سوعال..؟؟
يطرح ويسدح روحه..الحين الاخوان كلهم متزوجين...؟؟

كل واحد يرد عالثاني بوصالح بو معاذ بو سلطان بو علي..الى اخره..

راعي العنود مجرب..واعطانا رايه..مو يقولون اسال مجرب ولا تسال مخرب..

الصراحه العزوبيه ..وناااااااسه..

تنامين على كيفس وتصحين برضوة على كيفك ..ما اقعد يوة لازم اقوم الفجر علشان اقهوي ابو العيال ولا اقوم الظهر علشان غداه..

اروح على كيفي..يعني لو انا معزومه عند الشله مع شويه مساحره البنات لامي اقعد وانام عندهم وفله حجاج وونااااسه..لكن لو اني معرسه اضطر اني اروح من الساعه عشر..شي يقهر..

ويقولون زعل الاهل ولا زعل الزوج..

لو اهلي يزعلون علي اقدم مبرراتي بطريقه خاصه يرضون بررررنت على طول..
لكن اذا كان عندس رجل وزعل عليس..وش يرضيه..اذا كان راسه يابس..

وتضطرين..انك تمثلين بعض الاحيان اذا كان معصب وتبين تدخلين الوناسه عليه..

المره:يسعد صباحك..:)شوبك حبيب البي معصب..

الرجل::mad:

المرة::confused:

الرجل:خير انشا الله انهبلتي...>>ماتعود مسكين

المرة:لا وش دعوه اصبحك بالخير واسال عن حالك

الرجل: اقول يامرة لايكثر هرجس وقومي سوي القهوه

ههههههههههه ماعرف اسوي الا القهوه علشان كذا اطريها هههههه

ومن جهه ثانيه..

الزواج استقرار..الأستقرار حلوووو...

ومصير كل واحد بالحياه اذا الله اعطاه عمر..انه يعرس..بس اهم شي التوفيق..

يارب ياكريم ياذا الجلال والأكرام..ياعزيز يامقتدر..يارحم الراحمين انه مايحول حول اي بنت ولا ولد الاوهم معرسين..

ماعليك اخوي الذهبي اسفه عالاطاله لاني لو بحكي كان ماقضى حكيي.

بالنسبه للدعاء ..همزت خالي وفليت شعره..وقام يدعي لي..
بس حرام مايحول حولي..بدري هههههههههههههههه

تقبل اخلص تحياتي..

[Faisal486]

1