$$$$ . . . . . (جارتنا) لسانها طويل . . . . . $$$$

[أشعة في بلقع]

الحمد لله والشكر
اللهم عافهم ولاتبلانا
دائما اتمنى ان تكون زوجتي هادئة
ويزداد دعائي لله بأن يرزقني تلك الزوجه بهذه الصفة في كل مرة اسمع صوت جارتنا وهي تلج و تهوش عيالها ... هي كثيرا تهاوش حتى اننا تعودنا على سماع صوتها ،

احيانا عندما اشوف زوجها بالشارع تجين حاله بالضحك من موقف هواش سمعته واحيانا تهوشه هو ، فأرحمه و أدعي له ان الله يخلف عليه ويعوضه خيرا من اللي عنده (ام لسان)

مرة من المرات سمعتها تهاوش بنته وبعد تركيز عرفت ان القصة أن البنت أخذت قلم أختها وضيعته بالمدرسة
ومرة عجزت انام الظهر من هواشها على بناتها : أيهن اللي تغسل مواعين الغدا ؟

من كثر هواشها تعودوا عيالها و بناتها على رفع الصوت ولو انهم بجنب بعض لأني في احدى المرات سمعت ثنتين من بناتها يتهاوشن بنفس درجة الصوت حقت امهن

أخيرا .......... أيتها المرأة العاقلة الرزينة أنتِ بهذه الطريقة تمزقين بيتك و تفسدين الود فلا تستغربي إذا شاهدت تغيراً في معاملة زوجك لكِ ، أو جاءك خبر زواجه من أخرى ، لأنه بإختصار يريد بيتاً يرتاح فيه من ضجيج العمل والشارع ، بارك الله فيك و زادك حرصاً على سلامة عشك الزوجي

[إشراق]

لاتطيح أذانك بعد أنت اغفل الله يعافينا وياك!

[صريح جد]

اقول وش رايك تاخذ وحدة من بناتة ههههههههههه علشان تكون خالك ويجتمعن عليك زوجك وخالك ويا دبنك علشان المرة الثانية ما تجلس اتسمع وش يقولون ههههههه

[رحيل]

لاتشكي لي أبكي لكـــــ
سأحدثك بالجانب الآخر لموضوعك
أصبح الناس يتناسوا حق الجار على الجار
لا أخفيكم أني لم نوفق بجار يراعي حقوقنا عليه
حينما يريد أن ينفث سمه الهاري ينفثه بإتجاه بيتنا وأقرب نقطه إليه غرفتي
و البيت بكامله يتبخر براحة الدخان
أولا أنا أكره رائحة الدخان وحينما أشم رائحته تتبدل نفسيتي
غير ذلك وهذا المهم أنا أعاني من الربو
غير ذلكــــــ الصراخ من كبير من في البيت الى صغيرهم
وأنا أعي أن الصوت العالي (طبع ) لذلك ترى كل أهل البيت عند أدنى أمر
يصلني تفاصيل الموضوع حديثهم كله في إذني شئت أم أبيت
ولكن هذا لايمنع ان يكون جلست العائله داخل البيت ولايمنع ان يحاولوا خفض الصوت وخاصه في الأوقات الغير مناسبه
لا أعرف متى ينامون في الليل تبدأ الجلسات و(الأصوات البناتيه) بالغناء

خارج الحديث
استمتع جدا بتلك الأصوات يمتلكن حناجر تبارك الله ولكن ماذا لو كان الجار من يسمع تلك الأصوات لا الجاره


ووقت رقودي اسمع الأم تنادي ابناءها وتحاول ان توقظ خالد وتطرق بابه بكل قوتها
وتنادي بعالي صوتها وسبحان الله كأنه تطرق على مقبرة موتى
ثم تصرخ الطفله لأنها تشاجرت مع شقيقتها على لعبتها
ويبدا البكاء والشجار العالي تكمل الأم مسلسل الإزعاج وتصرخ بالدعاوي والشتائم على هذه الطفله
ثم تزيد البنت بكاء مع صراخ الأم
ثم ماتلبث أن تأتيها مكالمه هاتفيه
وهنا لو أغلقت سماعات التليفون وتحدثت بنفس مستوى الصوت
الذي تحدثت به والسماعه بيدها لوصل حديثها الى خالتها في الدمام
دون الإستعانه بالتقنيه



.
.
.
.

متى يعي الجار حق الجار ؟

[عبدالله الحلوه]

أشعة بلقع

كان الله في عون الزوج وابناءها سواء بسبب مايقعون فيه من حرج او حتى بسبب مايعيشونه من نكد

تحياتي

[دانتيل]

اشعه بلقع و رحيل والله بجد رحمتكم الله يعينكم بس والله احس احيانا وناسه يوسعون الصدر لان حنا جيراننا وبعد البيت دبلكس ومع \لك هدؤ فضيع لدرجه اننا نحس انهم مايتين من الهدؤ وهم موجودين ماشاء الله وعندهم طفل بعد نهائي مالهم صوت الا احيانا صوت الابو يكلم بالجوال بالحوش وبس وقليل بعد

[ســـمــــر]

في عصرالإخترعات والتكنولوجيا اصبحنا نعيش في ضوضاء دائمة وتشتت ذهني وقلق توتر، رغم تواجد وسائل الراحة والترفية ألا تلاحظون تعدد الأمراض النفسيةكثرتها وخاصة مرض التوحد

لـــــــــــكل شيء ضريـــبة
أتمنى أن تكون الصورة اتضحت

[أشعة في بلقع]

في كل يوم حكاية و قصة :
شكلهم اليوم معزومين أو يبي يكشتون
اليوم الظهر الساعة وحده ونص سمعتها تهاوش ابنتها الكبيرة و تقول لها : بعد أنتي تجين تسألين : وش ألبس ؟ أنا من الساعة عشر ونص وأنا اقومس أقولتس قومي تولمي نبي نمشي للاستراحة وما تسمعين . عجزين عن البزارين اللي كود يعلّمون وش يلبسون ، همن تجين انتي يالهره
و تعيد بالهرج وتقوي صوتها عشانها زعلانة

و يستمر مسلسل اللجة ورفع الصوت ونشر الغسيل إلى ما لا نهاية ،،،، ألا يمكن حل مثل هذه الأمور بالتوجيه و التعليم بصوتٍ هادئ حنون



نحن لا نسترق السمع بل الصوت العالي واللجه والهواش هو اللي دخل معنا الى داخل بيتنا ، مثل البرد هالأيام توجسه وانت منداخل فراشك يادافع البلى ( أحححيييييه )

دعوة لكل إمرأة أن تستفيد من تجارب الأخرين ، حتى لا تتكرر المأساة و تتجد المشاكل وتحاول ثم تحاول ثم تحاول مراتٍ و مرات على تعديل ما لديها من سلوك معوج أو خُلُقٍ مشين وستنجح بإذن الله.....
جعل الله أيامكم كلها سعادة و هناء


وهذا أشعة في بلقع يحييكم جميعا معشر القراء الكرام

[•°سـرىآ اللـيـل°•]

وشو هذي سواليف تالي الليل ؟!
لاتصير مركب كاميرا وتشوفهم !! مو لهدرجة يسمعون الجيران والله لو فيه مكبرات صوت ,,
ودك تسب جارتكم ولاتدري وش تقول << لاتصير خاطب بنته ورافضتك كزوج لإبنتها هه
وقت ماتصير بمكانه وعندك درزن عيال كبار وصغار وكلهم بوجهك نشوف وش تقول وقتها !!
هذولا السعوديين يبون يجمعون بزران ولاينشدون عنهم وبنفس الوقت مايبون حريمهم يربن هالمبزرة صح على حساب راحتهم تباً لهم ,,

أنت ماعليك إلا تقول لزوجتك جيبي ولد واحد وأجلسي 5 / 6 سنوات بعدين جيبي الثاني وكذا تصير زوجتك هاااااااااااادية ,,

أهذب تاهيه’

[أشعة في بلقع]

88
88888
8888888

صدقت يا : •°سـرىآ اللـيـل°• (http://www.buraydh.com/forum/member.php?u=26193)

جارتنا لها ستة أولاد ، أعانها الله ،،،، يبدو فعلا أن كثرة الأولاد له دور في كثرة الإنفعالات والغضب و رفع الصوت

لكن ألا يمكن تخفيض الصوت شوي لأنها بحق (فشيلة قدام الجيران)


أما أنتِ يا جارتنا : فأسأل الله أن يصلح أولادك و يهديهم ويجعلهم بارين بك و يكتب لك الأجر والمثوبة

[مضيعه بريده]

هههههههههههههههههه


شكلك بتاخذ بنتهااااا


المهم الله يصلح حال الحريم

الوحده منهن تصارخ كان ما فيه غيرها

[فرٍآشهہَ خجوٍلهہَ]

ههههههههههههههههههه


استغفر الله ياارب اللهم لاشماته..

حنا ورانا مصريين ويقومون من 9 الصباح ولجه وصجه

وواحد من بزارينهم من يقوم من النوم لين الظهر وهو يصيح

قسم ازعاااج

بس خله ع ربكـ..

[لمعةالألماس]

والله مشكله اذا الجار ما قدر حقوق جاره,,
وهذي حقيقه يا >>سرىآ
اصوات الجيران تدخل وسط البيت ,, لا والامر من المر اذا صاروا الجيران حموله ماشاء الله وقت القيلوله ما تسمع الا ركض وصراخ بالحوش وااااااع ع ع يااااااع يماااااااااااااااااااااااااا
طع وزز ................ الله أكبر(اذن العصر) طارت القيلوله..

[فتاة المستقبل]

ههههههههههههههههه وناسه ليت عندنا جيران مثلكــــــــم يكسرون الهدوء اللي ببيتنا ...

سين سؤال محتاج لجيم جواب ..

وشلون تسمع صوت مرة جيرانكم وهي من داخل بيتها وانتم برضوه من داخل بيتكم وأكيد بتكونون
مسكرين الدرايش والبيبان سواء بالشتاء علشان ما يدخل البرد أو بالصيف علشان مايطلع هواء المكيفات ...

وبعدين هالمره كل هواشه على عياله ,, ما هاشت زوجه ,,,وإن هاشته بعذره من كومة البزران اللي عنده

والشئ اللي المفروض تسويه ..إنك تعلم جيرانك ان الصوت طالع عندك , واصل لكم ..علشان تأخذ حسابه المرة الجايه ..وتسكر بيبانهم ودرايشهم المهجوجه

[انجل]

والله مشكله بعض الجيرااااان ياليته بس على الازعااااااااااااااااااج كان تهون .. المشكله باللي اعضم....
بس خله على الله...

هههههههههه ههههههههه ههههههههه

[الحنتريش]

لاتشكي لي ابكي لك
جيراننا مره يتشغلون بالدريل ويرهمون هيدرز وماغير تدويس كل الليل والمشكله انهم تحت دريشة غرفتي
حتى البنات معهم بعد
والسالفه ياعبدالعزيز ويا فلانه وقسم احيانا تحت غرفتي يسولفون بالشمس هالوقت واقوم من النوم على سواليفهم
>>> نومه خفيف
وواحد من بزارينهم من يقوم من النوم لين الظهر وهو يصيح


ههههههههههههههه مايمل ولا يوجعوه حلقوه من العياط ؟
روحي افصلي سلكوه خليه يطفى

[نواره]

احيان ينعاف الحي كله

بسبب الجار

صدق من قال الجار قبل الدار

لك التحيه

[العنقريه]

88


جارتنا لها ستة أولاد ، أعانها الله ،،،، يبدو فعلا أن كثرة الأولاد له دور في كثرة الإنفعالات والغضب و رفع الصوت




الاعتراف بالحق فضيله كلامك صواب

[مياسة]

ياخي للحرمة درجة صوت... إذا تعدتها اغسل ايدينك من انوثتها,,!
تعال شف بعض المدرسات.. خصوصاً حقات الابتدائية..
لاحول ولاقوة إلا بالله


لكن جزا الله خير من اخترع المكيف..
شتاء وصيف يدهر.. عشان يضيع صوت الجيران
وإلا السبلت ما ينفع ولا بريال ..
ما يصلح السبلت بغرفة النوم ابداً !!



عموما أخي بلقع.. تدري أن اللي مايعجبه اشياء يطيح حظه فيها ,,!!

يعني مثلا إذا صرت مالك خلق طبع معين في الحرمة.. تتزوج وحده فيها هالطبع !!
يمكن تكتشفه بعدين.. بعد عشرة عمر ,,
او مثلاً مالك خلق عائلة معينة.. ثم تتزوج منها ,,:e5:


او تكره اسم معين.. وتصير زوجك بهالاسم ,,
امثلة كثير !!!!!


ايه .. الله يدبرنا ع الصالح ,,

[(*§ حـــــور §*)]

كان الله في عونك يااشعة حنا جنبنا جيران على كثر افراداسرتهم الا انهم مؤدبين -ماشاء الله عليهم -لكن المشكلة انه احيانا تصير عندهم عزيمة همن يادافع البلاء تعال اسمع اللجة والطق والطقيق والركض والله العظيم ان بيتنا تبدا تهز وهم مايجيهم الا اهلهم بس --ومرة من المرات وصلت مع زوجي يوم صارت الساعة وحدة بالليل تخيل بالليول وصراخ --طلع ورن الجرس عليهم قالهم عسى ماشر انتم علقين -فيه حريق فيه شئ ههه اتصل على الدفاع المدني----وبعدها اعتذروا ولا عادنسمع لهم صوت------فانااقول لوتنصحهم اوتنبههم يمكن يفيد بهم --والله يكون بعونك -------تقبل مروري

[أمــ الحب ــير]

حلو أنت تسمع اصوات أنثويه البلاء عندي جيران ماشاءالله عليهم صرراخ تقول في مدرسة
ومايحلالهم لعب الكورة الا الضهريه اذا حلوت النومه والمشكلة مايعرفون يلعبون بس ازعاج عالفاضي

لاكن عندي لك حل اذا شفت احد من بزارينهم برى امسكه وقوله يقول لأمه لو سمحتي خفضي صوتك سوالفك واصله اخر الشارع :)
بس خوفي تقول لولدها ( أمي تقول سد إذانيك ) هههههههه

الله يعينك على مابلاك ويعافيهم ولايبلانا ,,

آورفوآر

[نيزك]

لا حول و لا قوة إلا بالله .


الله يعافيهم و لا يبلانا .

[الخيآلي]

اقول انا لو تكلم ابوهم زوج هالمره ذي ام لسان طويل يكون ازين والله يعينكم

[توتي]

الله يصلحه ويعين رجله

وياما فيه بيوت عيالهم 8 و 9 ولا لهم لجه ولا صجه
العمده على طريقة التربيه وشخصية الام / الاب امام اطفالهم

لذلك كلكم تلاحظون ان بعض الاباء والامهات يردعون ابناءهم بنظره وبعضهم بكلمة وبعضهم بصرخه والبعض بنعله ولكم الكرامه..

[أبو منار]

مممممممششككوره
يا سرى الليل

[WoOoW]

خلها على ربك وانا اخوك

كان عندي جار زوجته مدرسة ولما يجي وقت المغرب تطرده برا البيت عشان تصحح دورسها

عاد الاخ مهمته الاساسية اول ما يشوف احد من الجيران جاي من السوبر ماركت يطيح وجهه بوسط شنطة السيارة عشان يعرف وش جبت من السوبرماركت

طلع وفكنا من شره

اللحين ربي رازقنا جيران اللهم يا كافي

ماخلوا شي على سوري ما كسروه

بدأوا في علبة التليفون اللي برا مصعووووو الغطاء

راحوا بعد كذا لصندوق الجرايد وصاروا ياخدون الجريدة من فوق .. يوم شافوني صرت اخذها بدري قاموا دخلوا خشبة في قفل الجريده وكسروها وصار المفتاح ما يدخل بالصندوق

وكله كوم واذا صارت الساعه 12 بالليل همن ضغط الجرس

وش عندك ؟؟؟ نبي كورتنا قمزت عليكم

اللهم ارحمنا برحمتك

[ساره الاهدل]

المفروض انك تقول حق زوجها ولا هوا درويش ماله كلمه
استغفر الله ياربي لا تورينا