السر الخطير .. من مكتبة جرير..!!

[ورق]

من ادلة تأخر هذا العالم الملموسة هو وجود المكتبات فيه ..كيف؟؟

كنت في مكتبة جرير هذا المساء (بعد العصر) فوجدتها مليئة بالكتب وتغص بالبشر ..
لكن هناك فرق بين الاثنتين ..

الكتب في الاعلى والبشر في الاسفل واكثر مكان يتواجدون فيه هو .. قسم الصحف والمجلات (قعيطيه يقرون ويمشون) واكثرهن النساء وكذلك قسم الحاسب الآلي ( علم التقنيه ــ وهم يسعرون ــ علشان يشترون من احد ثاني اقساط)..!

هناك مشكلة في هذا المكان قصر الرفوف وطمبسة الحريم لرؤية الاجهزة تجعل المقابل لها يشوف كل شي مع النقاب ...(عاد بعضهن تعمد تطنبس اذا شافت احد مقابل)

المهم ان الكتب تملأ المكتبه الدور العلوي .. ومع ذلك تجد الوارد عليها قلة رغم انهم قد وضعوا كراسي للتصفح .. يعني مافيه مانع تقرا لك شوي ان اعجبك الكتاب اشتره وان ما اعجبك طلعت بنتيجه ..

لكن القراءة معدومه ..
قال احدهم للموظف:
ابي كتاب الغزالي.....
وبس..!
الموظف قال:
كتب الغزالي كثيرة ايها تريد ..توقف هذا ثم تابع :

قال الزبون الملهم الكتاب ... الأخير ..!!

ضحكت ومشيت..!!

هو يقصد آخر جلسة يمكن للغزالي رحمه الله ..!!

اين السر ...
دلوني


صباحكم روعة...

[ابوخالد382]

أين السر ؟ فعلا أين السر :d6:

[الأسترليني]

هناك مشكلة في هذا المكان قصر الرفوف وطمبسة الحريم لرؤية الاجهزة تجعل المقابل لها يشوف كل شي مع النقاب ...(عاد بعضهن تعمد تطنبس اذا شافت احد مقابل)



تصدق اني كتبت رد ومسحتة وكتبت رد ثاني ومسحتة تصدق ما ادري وش السر بمسحي للردود

[ورق]

أين السر ؟ فعلا أين السر :d6:

تصدق السر واضح وضوح الشمس ..بس انت داخل وانت مغمض ..!!

ياهلا بك يا ابو خالد

[ورق]

تصدق اني كتبت رد ومسحتة وكتبت رد ثاني ومسحتة تصدق ما ادري وش السر بمسحي للردود



ياليتك يالاسترليني مامسحتهن ..
تكفى ..
اسدحهن مرة ثانية خل نشوف..!!

صباحك ورد طائفي

[علشانك بس]

السر انك مارحت لجرير عشان تشتري كتب ,, رايح تقز بهالبنات وتجي وبس .. !!ِ

[الأسترليني]

عرفت السر يا قلبي بمسحي للردود

اكلتني بذوقك بالردود علي

[الرأي الأول]

البنات المفروض يلبسن نقاب ضد الطنبسه

الطنسبه تعني تنزيل الراس والعينين للاسفل


ياليت انك انت اللي طنبست وفكيت روحك

[صـاحي و رايـق]

ليتي معك والله عشان أشوف ما شفته من الطنبسه أغدين تجين ردة فعل قويه من هالكشابير وأتطوع

[جلوي العتيبي]

اقف إحتراماً لهذا الفكر أولاً .

ثانياً :

لاحظت ذلك أكثر من مره عند تسوقي في مكتبة جرير وتراي أطلع فوق علشان شهد :) وكتب الأطفال .

لكن الجو والوضع السائد هناك مناسب لعدد بسيط من المهتمين فهم لايعانون من إزعاج المتطفلين وأصوات الأخوات المتسوقات .

أبناء اللغه وأبناء موطنها يهجرونها بطريقه عجيبه .

أعتقد أن السبب يعود لتقنية الحاسب ومحركات البحث التي جعلت الكتب تأن في رفوفها .

شكراً لك

[نواره]

سبحان الله
على كثر ترددي على مكتبة جرير
ماأشوف الي تشوفه
جايز ((بسبب ان الإهتمامات تختلف))

[ابوخالد382]

تصدق السر واضح وضوح الشمس ..بس انت داخل وانت مغمض ..!!

ياهلا بك يا ابو خالد

وأنت الصادق (مطمبس):20[2]:

[الرحـّـال]

سبحان الله
على كثر ترددي على مكتبة جرير
ماأشوف الي تشوفه
جايز ((بسبب ان الإهتمامات تختلف))


سبقتني بها نواره << جايز نفس الدرجة بالنظر


مساكم

جـوري

[ورق]

سأعود اليكم غدا ن شاء الله ..واتابع معكم واحدا واحدا ..
فالنوم الآن غلبني
تصبحون على خير

[مياسة]

ع طاري مكتبة جرير ,,,
مره كنت طالعة مشوار.. لكني لقيت المحل مسكر ويبي له نص ساعة يفتح..
بلشت بعمري.. قلت مو راجعة البيت اخاف ما اطلع..
قلت مالي ألا اروح مكتبة جرير.. بس تذكرت ان مامعي دارهم :29_1_8[1]
مخمخت قلت يلاخليني اروح اقرأ.. اذا اعجبني شي (وبدته).. أخذه بعدين.. مابوش استعارة؟ :c7:
قلت خليني هالمره ادخل قسم ما قد دخلته.. <- :)
وهو قسم الجغرافيا
اخذت كتاب اطلس الخرائط :17[1]:
وجلست ع الكراسي اتفرج.. ادور دول وعواصم,, افكر اصير بن بطوطة.. واحترت معين ابدأhttp://www.4seasons.ws/spring/mypic/jsad/upset.gif

موهم يقولون مكتبة جرير ليست مجرد مكتبة :)

إلا وراه زحمة على الحاسبات دايم ..؟ الناس كل يوم يشترون جهاز؟ وراه أنا جهازي مقطن!

[رايق]

ماشاء الله عليك ياورق من الفراغ اللي عندك كل يوم بمكتبه !!


طيب المره الجايه وش رايك تروح لمكتبة العليقي وبعدها تقولنا إنطباعاتك عنها :)


تحياتي لك

[نبراس القصيم]

فضلاً ....... لا ...أمراً

إذا بغيت تروح لاي مكتبة المرة القادمة

عطنا خبر حتى نتجنبها

يا ويلها اللي يرميها حظها في طريقك


ودامت الثقافة


ولكم مني أجمل تحية نبراس

[ورق]

أين السر ؟ فعلا أين السر :d6:

هلا ابو خالد..
خل نشوف الباقي ثم نعلمك السر..!

تحياتي لك

[ورق]

السر انك مارحت لجرير عشان تشتري كتب ,, رايح تقز بهالبنات وتجي وبس .. !!ِ

؟؟؟

والله ما حلمت بهن ..!
مخ ..!

على العموم شكرا

[ورق]

البنات المفروض يلبسن نقاب ضد الطنبسه

الطنسبه تعني تنزيل الراس والعينين للاسفل


ياليت انك انت اللي طنبست وفكيت روحك

يا هلا ..
قسم ان اللقب حقك يروع ..
ما اقول الا سم..انا مطنبس من الحين ..!
عضو مجلس الاعضاء الاقتصادي ..او الاستشاري..!!
المعذره طال عمرك مانيب راجع اجيبها صعبة شوي للخلف..!!

لكن ذكرتني باعضاء مجلس الاعضاء للخبراء والكبراء والمعمرين .!!
بس تدري وش الفرق .. انت حاط صورة صغير..!!
وهم منتهي تاريخهم مرة الواحد لا جلس على الكرسي مايقوم الا بنتع..!!

سرني وجود معاليكم هنا...!!!
وابشرك الامور بجرير ممتازة وكلش على كيفيك..!!

[ΜǾǾή ŁĭĝĦť]

مياسة تبين سلــــــــــف؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[# الزلزال #]

هناك مشكلة في هذا المكان قصر الرفوف وطمبسة الحريم لرؤية الاجهزة تجعل المقابل لها يشوف كل شي مع النقاب ...(عاد بعضهن تعمد تطنبس اذا شافت احد مقابل)
المهم ان الكتب تملأ المكتبه الدور العلوي

الاستدراكـ اوبالاصح الاستئناف اعلاه

شي

ويعطي الاهداف الحقيقية من الطرح

تشكرات

[برق الوسم]

قال احدهم للموظف:
ابي كتاب الغزالي.....
وبس..!
الموظف قال:
كتب الغزالي كثيرة ايها تريد ..توقف هذا ثم تابع :

قال الزبون الملهم الكتاب ... الأخير ..!!







هههههههههه ضحكت من كلمة الأخير على باله شريط .

فعلا نسينا الكتاب ومثل ماقلت تقوم بمشاهدته على السريع وتخرج بدون ان تشتريه.

ولا تنسى بعد خل كتاب ينزل بدون صور مستحيل احد يطالعه الا مارحم ربي من يريد ان يصل لمسألة يريد.

فعلا مكتبة جرير ليست مجرد مكتبة ,,,بل للمنظرة
وحب التجديد وهذا لا حظته بقسم المجلات .

لكن للحق توجد اجهزة لا تجدها ونادر وجودها كألات الحاسبة التي تخص دراسة الهندسة مالقيتها الا عندهم وجايبينها طلبيه بعد.

شكرا اخي ورق

[shkhbat]

نرجع ونقول الاهتمامات وماخلفه الدش والتكنولوجيا من مخاطر.

بس وش السر؟؟؟

[لمعةالألماس]

أتوقع قصدك ما السر الذي شغل الناس عن الكتب والقراءة
وتركهم يلهثون وراء كل ما هو جديد بعالم الإلكترونيات....

أرد وأقول إن من شب على شيء شاب عليه

وأجيالنا والاجيال المتوالية بعدنا طفولتهم نمت وترعرعت على الكمبيوتر وألعاب السيقا والسوني والقيم بوي....إلخ

[ابو ريما الخالدي]

أجل ابروح ادور واقزز
يازين السعودية بنقابها وخفة دمها

هالطنبسه دليل خفة الدم والملح

[عبووود]

يا خي كلن على راحته يشري ما يشري

طيب انت اذا شريت منهم يعني كل الناس تبي تشري مثلك منهم

يمكن فيه شي ما يصلح او لقيت عند غيرهم ارخص