بكل سهولة يالحريم .. مالقيت شي يجوزلي !!!

[ثامر الناصر]

السلام عليكم

كثير من الحريم للاسف في مثل هذه الايام وايام المناسبات بالسنة تذهب للسوق ساعات طويلة وترجع للمنزل بخفي حنين !! لم تشتري شي واسهل ماعندها قولة ( مالقيت شي يجوزلي ) !!

وشرط لو تبي تدخل بقلبها تلقاها جايزن لها الكثير من اللبس والقطع ولكنها بالعربي ( محتارة ) تخشى ان فلانه تصير احلى منها او فلانه تنتقد لبسها أو انه مايجوز للناس بالمناسبة !

ماادري ليش هالطبع من الحريم .. ليش مايخصلن امورهن بكل ثقة وسرعة وينتهن بدل من تضييع الوقت على غير فايدة واخرته تبي تصفي على ( خلاقين ) ولن تصل لما تريد لانها لاتزال محتارة !

وش رايكم مو كلامي صحيح .. او اني متهمن هالمسكينات ؟؟

وشكرا

[To Be]

هلا اخوي ثامر

الحمد لله على العافية

والله يخلي لنا الثويب والشماغ

والا كان علوم

شف بس لاهبت شماليه شوي وشلون تصير هدومنا ؟؟؟؟

ودك تشد من الديره لين يجي القيظ !!!!!!!

وبعدين تعال :

ترى البضائع صارت تسوق اخلاقيات بناتنا ، اذا ما اتقنت الامهات اختيار الملابس الموافقه للتعاليم الاسلامية !!

في السابق كانت البضائع تراعي التعاليم الاسلامية !!

اما الان يا سلم سلم بدهم يلبسون الصبايا بكيفهم !!

يعني رغم الكم المعروض الا انه يفتقد الكيفية المطلوبة ..

اطيب التحية لك

[ولد الريان]

المتزوجون ابخص

نحن في المدرج

[جوهرة بريدة]

لو كل وحدة فكرت انها هي اللي تزين الملابس مو الملابس اللي تزينها ماكان هذا الحال :)

لكن أعتقد أن السبب الذي ذكرته ليس بالضرورة هو السبب المباشر

ترسم المرأة في مخيلتها شكلاً تظهر فيه في المناسبات لإجتماعية الكبيرة وتتخيل نفسها سيدة الحفل :)

وترسم أدق التفاصيل

لون الفستان - موديله -اكسسواراته - الأحذيه -التسريحة -المكياج .......وغيره

وذلك استناداً على خيالها أو ماتشاهده من خلال مجلات الأزياء أو مايعرض في المسلسلات والأفلام وغيره

وعندما تذهب للسوق تبدأ رحلة البحث وقد تجد ضالتها وأحياناً كثيرة لاتجدها

هذه باختصار رحلة البحث عن الكنز :)



هذا وعندنا بس مركزين أو ثلاثه وطفشتوا أجل لو عندنا أسواق الرياض وش بتسون :)

[ثامر الناصر]

هلا اخوي ثامر

الحمد لله على العافية

والله يخلي لنا الثويب والشماغ

والا كان علوم

شف بس لاهبت شماليه شوي وشلون تصير هدومنا ؟؟؟؟

ودك تشد من الديره لين يجي القيظ !!!!!!!

وبعدين تعال :

ترى البضائع صارت تسوق اخلاقيات بناتنا ، اذا ما اتقنت الامهات اختيار الملابس الموافقه للتعاليم الاسلامية !!

في السابق كانت البضائع تراعي التعاليم الاسلامية !!

اما الان يا سلم سلم بدهم يلبسون الصبايا بكيفهم !!

يعني رغم الكم المعروض الا انه يفتقد الكيفية المطلوبة ..

اطيب التحية لك

مشكور تو بي لتواااجدك المميز دوما .. بالفعل هين لبس الرجال ( طقه والحقه ) وقضينا .. ندخل محل واحد وينتهى الامر باقل من ساعة .. لكن هالمشكلة ذولي اللي يبيلهن لياقة للتدوير !!

..

وبالفعل الملابس هين .. هبال بهبال الحين .. الوحدة لازم تلبس اكثر من قطعة يالله تستر نفسها لان كل الموجود عااري للاسف !!

[بنت عز ماتنهز]

لولا اختلاف الاذواق لبارت السلع
ذوقها وهي حرررره فيه .. ومو لازم يكوون عاجبها شي يمكن يكون ماااعجبها هي حرررره

[رحيل]

تروح وترجع وتقول ما عجبن شي

أفضل من إنه تشري شي ما إقتنعت به

ويا إنه بترجعه ولا بتركنه وتدور غيره يعني بك بكــــ

بالصراحه صعب اشري شي ما أقتنعت به

ولا عجبتن حاجه ماراح أتردد آخذه

أما سالفة فلانه وفلانتانه هذا مشكله والله ابربط كل حاجاتي بالناس

[ثامر الناصر]

المتزوجون ابخص

نحن في المدرج

لازم تشارك .. لانك يمكن تودي اهلك تكون لك بروفات للزوجة هع هع

[ثامر الناصر]

لو كل وحدة فكرت انها هي اللي تزين الملابس مو الملابس اللي تزينها ماكان هذا الحال :)

لكن أعتقد أن السبب الذي ذكرته ليس بالضرورة هو السبب المباشر

ترسم المرأة في مخيلتها شكلاً تظهر فيه في المناسبات لإجتماعية الكبيرة وتتخيل نفسها سيدة الحفل :)

وترسم أدق التفاصيل

لون الفستان - موديله -اكسسواراته - الأحذيه -التسريحة -المكياج .......وغيره

وذلك استناداً على خيالها أو ماتشاهده من خلال مجلات الأزياء أو مايعرض في المسلسلات والأفلام وغيره

وعندما تذهب للسوق تبدأ رحلة البحث وقد تجد ضالتها وأحياناً كثيرة لاتجدها

هذه باختصار رحلة البحث عن الكنز :)



هذا وعندنا بس مركزين أو ثلاثه وطفشتوا أجل لو عندنا أسواق الرياض وش بتسون :)

بداية حلوة .. بس قرصة باخر شي .. انا ماامنعها تدور على كيفها .. لكن بالله عليك اختي جوهرة لو الحريم يروحن لم السوق مثلا ليلة العيد أجزم لك جزم انها تبي تشتري رغما عنها وتقتنع فيه .. ولكن لانها مضطرة الان ولافيه مجال ليوم ثاني .. !!

وشكرا

[•°سـرىآ اللـيـل°•]

ثامر ,,

أنا بقولك السبب لإنهن يبن أغراض زينة ورخيصة ,, في الغالب حريمنا يدورن الرخيص ,,
لذلك أجدعهن بالشامل وإلا الهبدان وإلا الحسون وشف النتيجة كان يطلعن بأكياس ياساتر ,,
لكن بالمولات الصح تطلع تسحب رجلينه وتقول مالقيت !! كلك لاقيه بس غالي ومتحسفه بالفلوس ,,
^^
أمس رايحة للحسون وأرتفع ضغطي وطلعت أعوذ بالله ,,
كرررره هذولا العرب تباً لهم حول الرخيص لوهو شين ,, الله من القعاطة ,,

ــــــــــــــــ

لو كل وحدة فكرت انها هي اللي تزين الملابس مو الملابس اللي تزينها ماكان هذا الحال

:d

تذكرت وحدة أعرفه ستايل بنت الإيه ماشاء الله هه
عاد مرة بزواج قريب أقول له وش شعورك لو نلقى وحدة مثل فستانك !!
قالت عادي أجزم أنه هي الخسرانة مش أنا خخخخخخخخخخخخخخخخ تباً
:
والله على حسب إذا المناسبة قريبة لي ماودي تتشابه الملابس وأكذب لو أقول عادي ,,
أما إذا بعيد إيييزي مايهمنيش لو كل المكان مثلي ,,

أهذب تاهيه’

[(جوانا)]

والله الصراحه صدق ماتلقى شي زين والأسواق من تالي تجيب الهم يتكسف الواحد مالقى شي زين والاسعار بالعلالي على غير سنع بالموت الواحد يلقى شي يدخل مزاجه ..

[فنتآستك]

المشكلة إذا شرو خلاقين , ثم من بكرا يالله قوه ودّنا للسوق نبي نرجع بعض الخلاقين ما جاز لنا مقاسهن ولاّ شكلهن , ولا موديلهن :)
ويا شين الترجيع ما أواطنه :(

[نواره]

لربما بسبب ان كل مايوجد لايتناسب مع محيطي وديني
فتجد اغلب الصناعات الموجوده فرنسيه وتركيه وغيرها
فمن الصعوبه ان احصل على مااريده
ناهيك ان اغلب نسائنا تتمتع بأجساد مبرومه وممتلئه
فلاتتناسب مع موديلات ذات طابع اجنبي

[بندر الحمر]

شكرا جزيلا لك اخي ثامر

موضوع حساس والله يعينك على ام الوليد

ابخلي ام لينا تدق وتعلمها بالموضوع


وليتها يوم راحت جابت خفا وليد المشكله انها جابت خفا حنين

يعني به به الترجيعه

بحنين أو الوليد الله يكبره عشان يودي امه ويجيبه وتفتك يا ثمووووور


اما على المعاناة خلها على ربك

الرجال صاروا يدورون ورى حريمهم يشيلون أكياس المقاضي

بس عندي فكره يا ثامر

خل المدام تروح ومعها الوليد >> ولا تأخذ عربية راح تختصر الأربع ساعات بربع ساعه

>> تراها مجربه

[نبراس القصيم]

بعد الدوران والملل اخأذ اي شيء لاني بسرعة أصاب بالملل

وأول شيء تقع علية عيني اخاذة بدون تفكير لكن الحمدلله

دائماً يكون مناسب لاني بالدرجة الاولى مأحب الزحمة

فلابد أن أذهب قبل أيام المناسبات على قولتهم قبل تنزل

الموديلات الجديدة المهم أن أبتعد عن الزحمة

كل عام وأنتم بخير نبراس

[ثامر الناصر]

لولا اختلاف الاذواق لبارت السلع
ذوقها وهي حرررره فيه .. ومو لازم يكوون عاجبها شي يمكن يكون ماااعجبها هي حرررره

طيب نعم حره هي .. طيب وش ذنب الرجل لما يطلع بالمره او الواحد باخته ويرجع بعد ساعات يدربي دميجته هو واياه بدون اي شي .. بس حق الدوران !!

[ثامر الناصر]

تروح وترجع وتقول ما عجبن شي

أفضل من إنه تشري شي ما إقتنعت به

ويا إنه بترجعه ولا بتركنه وتدور غيره يعني بك بكــــ

بالصراحه صعب اشري شي ما أقتنعت به

ولا عجبتن حاجه ماراح أتردد آخذه

أما سالفة فلانه وفلانتانه هذا مشكله والله ابربط كل حاجاتي بالناس


كلامك سليم اختي .. ان الشراء لابد ان يكون من ( اقتناع ) لكن هل مول او غيره من المولات ماتقنع . وش اللي يقنعكم طيب ..

بالاول سوق الديرة يقنع بالغصب ليش ماادري !

[إشراق]

ياحليلهم رجالات المنتدى

لاغثنهم حريمهم جو كتبوا معاناتهم هنا؟<<خخخخخخ

واحد ترصه زوجته عند باب المشغل
وواحد سرقن أغراضها وبيبتلش من جديد
وواحد تدور وتلف وترجع ماتشتري شي وصاكتن راسه

ياحليلكم

هههههه

[ذيبه وراسك اجيبه]

والله الصراحه بعذرنا الا سعار عندنا الحين بالعلالي مو طبيعي
يبي نطلع اكثر من مره عشان نلقى لبس حلو وسعر مناسب
وبعدين المناسبه كبيره لزم نروق عليه هع
موسم ولزم تتحملونه

[Queen of buraydh]

احمدوا ربكم واشكروه انكم مرتاحين من هالعذاب :(

[الوردة الحمراء]

احمدوا ربكم واشكروه انكم مرتاحين من هالعذاب :(
اي والله كوين صدقتي
جيدين بالتطنز بس

[ثامر الناصر]

ثامر ,,

أنا بقولك السبب لإنهن يبن أغراض زينة ورخيصة ,, في الغالب حريمنا يدورن الرخيص ,,
لذلك أجدعهن بالشامل وإلا الهبدان وإلا الحسون وشف النتيجة كان يطلعن بأكياس ياساتر ,,
لكن بالمولات الصح تطلع تسحب رجلينه وتقول مالقيت !! كلك لاقيه بس غالي ومتحسفه بالفلوس ,,
^^
أمس رايحة للحسون وأرتفع ضغطي وطلعت أعوذ بالله ,,
كرررره هذولا العرب تباً لهم حول الرخيص لوهو شين ,, الله من القعاطة ,,

ــــــــــــــــ



:d

تذكرت وحدة أعرفه ستايل بنت الإيه ماشاء الله هه
عاد مرة بزواج قريب أقول له وش شعورك لو نلقى وحدة مثل فستانك !!
قالت عادي أجزم أنه هي الخسرانة مش أنا خخخخخخخخخخخخخخخخ تباً
:
والله على حسب إذا المناسبة قريبة لي ماودي تتشابه الملابس وأكذب لو أقول عادي ,,
أما إذا بعيد إيييزي مايهمنيش لو كل المكان مثلي ,,

أهذب تاهيه’

شكرا لك سرى للمداخلة الضافية .. أكيد الوحدة وكذلك الواحد يدور الرخيص والزين .. لكن اعتقد ان غلاء الاسعار اصبح شي عااادي الحين بالنسبة للاغلبية ان لم يكن الكل . واصبح النخيل والعثيم عادي جدا ..

والحسون وغيرهم بالفعل يدخل الواحد يضف كل شي بسعر بلوزتين من النخيل او العثيم .. لكن وين اللي يعقل !

[ثامر الناصر]

والله الصراحه صدق ماتلقى شي زين والأسواق من تالي تجيب الهم يتكسف الواحد مالقى شي زين والاسعار بالعلالي على غير سنع بالموت الواحد يلقى شي يدخل مزاجه ..


شكرا لك جوااانا للمداخلة .. اعتقد ان كل شي موجود بالاسواق .. ولكن ربما بالفعل الاسعار تقف حجر عثرة بوجيه النساء عن الشراء ..

[المخمليه]

كلامكـ صحيح ..

بوركت ..,,

[اخت عــزوز]

انا صراحه عن نفسي اتعب مع ذوقي

لأنه صعب ولا يجوزلي شي بالساهل

واهم شي عندي الكشخه

ومع ذلك ملول ومع كثر الدوران يدور راسي واحس بدوخه

واتعب واعصب من الزحمه وتشين نفسي

وارجع للبيت وانا ماشريت شي يعني دايم اتهاوش انا واهلي

على ان امي واختي وكلنا اذواقنا صعبه

ولكن ألحين انا تغيرت وعرفت نفسي وشوله اتعب عمري

صرت ماادخل محلات كثير واتفرفر من سوق لسوق

وهذا اللي كان يتعبن ويتعب اللي معي

ألحين انا ماادخل الا محل واحد متعوده اشتري منه

واعرف ان كل بضايعهم تناسب ذوقي

ولا لي خلق اطوله وهي قصيره

واللحين انا مرتاحه وارجع البيت وانا مروقه وبالأخير

يطلع لي طله واصير كشخه ولبسي ستايله حلو

وانصح كل بنت مثل حالتي تحدد له محل واحد بضاعته

دايم تناسب ذوقه يابرشكا ولا دبن هامز ولا انيولك ووو وووو

وتبداء ماتدور الا بهذا المحل وعلى طول بتلقى اللي تبيه


أما من ناحية اننا نرجع البيت ومالقينا شي

صحيح والله حنى اللي نتعب اكثر منكم




وشرط لو تبي تدخل بقلبها تلقاها جايزن لها الكثير من اللبس والقطع ولكنها بالعربي ( محتارة ) تخشى ان فلانه تصير احلى منها او فلانه تنتقد لبسها أو انه مايجوز للناس بالمناسبة [/color][/size][/center]


وهنا انت غلطان بالعكس

نتمنى نلقى شي ينفع ونفتك ونشيل هالحمل من اكتافنا بس مانقدر

لكن انا اول كنت مااقدر اللقى شي ولكن اللحين تغيرت عرفت ذوقي واللي يناسبن





واللي تقول ان الرياض كله اسواق صحيح حنى ممتلين اسواق

لكن الدعوه ياختي موب بكثر الأسواق الدعوه بذواقنا

بس انتي حاولي تفهمين ذوقك وتعرفين وين الأماكن

اللي بتلقين فيها اللي يناسب ذوقك

وقتها بتخلصين بيوم


مشكور على الموضوع

[ثامر الناصر]

المشكلة إذا شرو خلاقين , ثم من بكرا يالله قوه ودّنا للسوق نبي نرجع بعض الخلاقين ما جاز لنا مقاسهن ولاّ شكلهن , ولا موديلهن
ويا شين الترجيع ما أواطنه

اهلين فانتاستيك .. بالفعل بعض الحرماء يعتبر الترجيع من واجبات الشراء هع ! ولكن .. ارجعه ازين من ان تركنه بالدولاب ولايلبس الشكوى لله

[ثامر الناصر]

لربما بسبب ان كل مايوجد لايتناسب مع محيطي وديني
فتجد اغلب الصناعات الموجوده فرنسيه وتركيه وغيرها
فمن الصعوبه ان احصل على مااريده
ناهيك ان اغلب نسائنا تتمتع بأجساد مبرومه وممتلئه
فلاتتناسب مع موديلات ذات طابع اجنبي

حلوة اجساد مبرومة .. ولكن هذه الاجساد لها نوعيات تناسبها بلاشك .. والمقاسات واااجد .. ولكن اعتقد ان الذوق هو المعيار بهذه الناحية ..

[ثامر الناصر]

شكرا جزيلا لك اخي ثامر

موضوع حساس والله يعينك على ام الوليد

ابخلي ام لينا تدق وتعلمها بالموضوع


وليتها يوم راحت جابت خفا وليد المشكله انها جابت خفا حنين

يعني به به الترجيعه

بحنين أو الوليد الله يكبره عشان يودي امه ويجيبه وتفتك يا ثمووووور


اما على المعاناة خلها على ربك

الرجال صاروا يدورون ورى حريمهم يشيلون أكياس المقاضي

بس عندي فكره يا ثامر

خل المدام تروح ومعها الوليد >> ولا تأخذ عربية راح تختصر الأربع ساعات بربع ساعه

>> تراها مجربه

ام الوليد ماهي من هالنوعيات بالعكس >>> خايف >> تدخل المنتدى هع هع

يابندر .. المشكلة ماهي بحرمه وحدة الاغلبية وهي مشكلة شبه كبيرة بين الناس ..

ولكن بالفعل الاطفال هو سلاح الرجل لخروجها من السوق بشكل عاااجل !! >>> فرح لقى حل

[ثامر الناصر]

بعد الدوران والملل اخأذ اي شيء لاني بسرعة أصاب بالملل

وأول شيء تقع علية عيني اخاذة بدون تفكير لكن الحمدلله

دائماً يكون مناسب لاني بالدرجة الاولى مأحب الزحمة

فلابد أن أذهب قبل أيام المناسبات على قولتهم قبل تنزل

الموديلات الجديدة المهم أن أبتعد عن الزحمة

كل عام وأنتم بخير نبراس


شكرا لك .. ولكن انتي نوع قليل من النساء .. واعتقد ان الحل هو الذهاب للسوق قبل المناسبة بيوم لكي لايكون لدى الوحدة اي خيارات اخرى الا الشراء فقط .. يعني تنجبر على الشراء بهذه الطلعة ..

[بريداوي20]

الله يعيننا من البنات والله يعين البنات منا العيال شـكــ وبارك الله فيك ـــرا لك ... لك مني أجمل تحية .

[أنـفأإأس أإأللـيل]

الحمد لله مو بس انا اللي افرفر اسبوع لحد ما ألقى لبس يعجبني :)
الاسواق من تالي صايرة تجيب المرض وبضاعتهم ماتملى العين
والله الاسعار مو مهمه دافعين دافعين ..لكن نبي ندفع على شئ يستاهل مو على خلاقين ..
وبعدين مو شرط لما تروحون للاسواق عشان التسوق وبس
اعتبروها تمشيه أو تغيير جو وشاركو زوجاتكم بالاختيار بالعكس هذا الشئ له دور
يمكن تحلي اللبس بعيون زوجتك وتشتريه بسرعه وترتاحون من الروحات والجيات هه

[قلب أبيض]

أنا دخلت النخيل ومالقيت شئ جاز لي !!


يحوم التسبد



التسبد = الكبد



وفيه رواية المعدة هكذا روى الهيثمي في كتابة


( خش فيا خش )

[تركـي]

طيب ليش تطالبون الحريم انها تكون انيقه وراعية ذوق ؟؟؟؟؟؟؟ والله انكم مايعجبكم العجب ولا الصيام برجب اذا شرت خلاقين قلتو ماتعرف تهتم ولاتعرف الموضه واذا شرت ماركه وصارت فاهمه قلتو مالها لزوم غالي !!!!!! وترى التسوق الان صار متعه المولات صارت فيها جميع احتياجات الاسره مطاعم واكلات اجنبيه وملاهي اطفال ومسابقات 0 طبعا اتكلم عن اسواق الرياض ويبغى انك ترخي الريال ماتصير جلده بس حق التعب والدوران 0 تحياتي لك يابووليد 0

[نواره]

حلوة اجساد مبرومة .. ولكن هذه الاجساد لها نوعيات تناسبها بلاشك .. والمقاسات واااجد .. ولكن اعتقد ان الذوق هو المعيار بهذه الناحية ..

اخي ناصر واين تلك النوعيه التي تتوافق مع طبيعة جسد المرأه السعوديه والخليجيه عموما
اذا كانت اغلب الصناعات اجنبيه
مشكلة ايجاد المقاس المناسب هي السبب الاول في قولة مالقيت شي يجوزلي والترجيع والتبديل
اما الذوق فتاكد انه في وجود التباين بين سوق الديره والنخيل لامشكله في ارضاء الذوق

[دانتيل]

والله حتى حنا ننقهر اذا رجعنا ولا شرينا شي مو بس انتم يالرجال بس الشكوى لله السوق احيانا مايساعد يحبط

[ام غميزه]

هههههههههه صدقت ياثامر..

كثير من الحيم كذا بس والله انا عن نفسي والي اعرفهم

اني ارجع واقول مالقيت شي لاني بجد مااعجبن او ماافتنعت فيه

وصعبه اني البس شي ماقتنعت فيه..

وهذا كثير من حااال البنااااات اذا شرت شي مااقتنعت فيه
يلبس مره ويجدع بدولاب فالافضل اشري شي مقتنعه ولو
طلعت اكثر من مررره المهم يعجبني<<ذووووقه مرررره صعب
الله يكووون بعووون اخوااانه..ههههههههههه

شكرا اخوي..

[باونتي]

اممم

نجي للحق

السوق هاليومين مو حلو :)

[70o0oR]

والله أنا من ناحيتي اللي اشتريه قليل إذا رحت للمولات لانهم ناااااار بأسعارهم صرحه

والله لو معي كان شريت اللي يعجبني وانا مغمضه

لكن غااااااالي ياكافي

[راشد الصليحان]

إقتناء الحاجيات والحصول عليها لايعتمد بالدرجة الأولى على قيمتها المرتفعة ...بل هو بالأصل يعتمد على حسن الذوق وتركيب الألوان والتوقيت المناسب ..!
ماداعني للكتابة عن الذوق ..بعدمشاهدتي لبعض النساء وهن يتسابقن على الشراء وإقتناء الأشياء الخاصة والعامة بطريقة هستيرية ودون تمييز ..بل أن بعضهن يحرصن على الأسعار العالية إعتقاداَ منهن ان الغالي ثمنه فيه كما يردد دائماَ ..! وبعضهن لايملكن الثقة بأنفسهن فالتقليد هو السائد بين شريحة كبيرة من النساء في عملية الإختيار ! فيؤجرن عقولهن للغير ويلهثن خلف ما حصلت عليه فلانة وما يلبسه الناس ..!

المرأة صاحبة الذوق المتميز تختار مايناسبها بقدرات ذاتية ..فالثقة بالنفس والشكل هي التي تجعل عملية الإختيار سهلة وبسيطة ومركزة ..! فليست بحاجة كثيراَ لتقليد الأخريات او تأجير ذوقها لغيرها أو الشراء الفوضوي ....كما الحاصل لدى معظم نساء المجتمع....!

[العريف]

(61% من النساء تستمتع بالتسوق لساعات حتى لو لم تشتري شيئا )

أما الرجال فيدخلون المتجر لقصد الشراء فحسب وسرعان مايخرجون

د/ سكوت هالتزمان

[ابونورة]

يا حبيبي يا ابى الوليد كل شي له ضريبته يعني تبي مرة بلاش <==> وتراهن يستاهلن !!

واعتقد أن هذه المشكلة ليس لها حل إلا التسليم بها وقبولها كما هي !!

فكثرة المعروض وتعدد الموديلات والماركات والألوان والمقاسات وحتى الأسعار يصيب الأنسان بالحيرة والتردد ، ولك أخي ثامر عندما تذهب لأحد المحلات الرياضية لشراء ملابس رياضية أو تجهز لسفر خارجي فأنت تصاب بالحيرة والتردد وبالاخير قد تشتري شيئا غير مقتنعا به !!

[العنقريه]

وش رايكم مو كلامي صحيح .. او اني متهمن هالمسكينات ؟؟


وشكرا



ليش .. تعبت من المدام ياثامر ؟ معليش تحمل زوجتك اللي هي نصفك الثاني

[ثامر الناصر]

ياحليلهم رجالات المنتدى

لاغثنهم حريمهم جو كتبوا معاناتهم هنا؟<<خخخخخخ

واحد ترصه زوجته عند باب المشغل
وواحد سرقن أغراضها وبيبتلش من جديد
وواحد تدور وتلف وترجع ماتشتري شي وصاكتن راسه

ياحليلكم

هههههه

يعني مانكتب الا عشان زوجاتنا انا انتكلم عن مشكلة للحريم عااامة .. وجاء وقتها الحين بسبب طلعاات السوق اللي تجيب الصمرقع هع هع

[ثامر الناصر]

والله الصراحه بعذرنا الا سعار عندنا الحين بالعلالي مو طبيعي
يبي نطلع اكثر من مره عشان نلقى لبس حلو وسعر مناسب
وبعدين المناسبه كبيره لزم نروق عليه هع
موسم ولزم تتحملونه

المشكلة ليست بالسعر انما بالذوق والاختيار هو العلة للنساء وليس الاسعار ..

[بدرالوابلي]

هي تامر وحنا نطامر ؟!

لو يبن سوق الشانزليزيه غاليات والطلب رخيص ؟!..........(والله يستاهلن) بس حنا سبحان الله لو هو الشي لهوياتنا كان ماحسبنا له !! تحياتي ثامر .

[مياسة]

سيأتي يوماً .. تتمنى النساء ما تستتر به ....!!