نداء الى الهيئه او الشرطه.بل ربما جامعة الدول العربيه (من الفايزيه)

[روز]

سكان الحي السكني الواحد يعيشون كالعائله الواحده لكن في منازل مختلفه,فالذي يحدث في بيت من البيوت ممكن ان يقض مضجع ويؤرق بقية البيوت في الحي سواء من وجود منكرات او من وجود مشاكل تتعالى اصواتها خارج اسوار المنزل او من عدم صلاة اهل البيت وهكذا............
وسكان حي الفايزيه الشرقيه القريبه من شارع الطرفيه يعانون من بيت تركه اهله فاصبح اشبه مايكون بالمسكون فهو وكر للدعاره ووكر للخمر والمنكرات وكم ليله بتنا في حينا نسمع صوت العود وضحكات المجون تنطلق من هذا البيت وسيارات داخله وسيارات خارجه , واهله اذن من طين واذن من عجين وكان الامر في بيتهم يمثل لهم مكاسب ماديه :confused: :confused: :confused: !!!!!!!!!!!!!!!!!1
وللاسف فقد ا بلغنا الشرطه و الهيئه ولكن لا نرى بوادر اي تحرك الظاهر هذي يبغالها جامعة الدول العربيه:4: :4: :4: :4: :4:

[الكبري]

أخي الكريم :

بلاغ موقع للشرطه الشماليه

بلاغ موقع للهباش قائد الدوريات

بلاغ موقع لهيئة الأمر بالمعروف والنهي عن المنكر

بلاغ موقع الى امارة منطقة القصيم

بلاغ الى عمدة الفايزيه ؟؟؟

لكن قبل لاتصير تقصد شقق للشباب العزوبيه

((شقة الحريه))

وبعدين هذولا من الحضر أو من أهل الباديه



اذا كملت هذه الخطابات سوف تعمل وزارة الداخليه والصحف المحليه

ويا ويل الي وصلهم البلاغ وحطوه بالدرج



تحياتي

[روز]

اخي الكريم الكبرى .....
لم افهم قصدك في قولك......... لكن قبل لا تصير تقصد شقق للشباب العزوبيه .
ولكن اذا انت تسالني هل المكان المقصود هو شقق للعزوبيه؟
فاقول لك :لا انها بيت فيلا على شارعين وليست على الشارع العمومي لكن حسبما سمعنا في الحي انها لورثه والورثه كلهم دشير وصيع

[قم بس قم]

:mad: :mad:


إسمح لي ياروز


يعني بلّغت الشّرطة والهيئة............ صح

طيّب تبنا نروح معك ونطلّعهم :p لازم تعرف إن هذا منتدى نبي نشوف شي يفيدنا وما يصير بوّابة لفتح ملفات لسنا من هو مخوّل بتعديلها

نعم نحن ننكر هذه التّصرفات ولكنها موجودة بالفايزية والصّفراء والرياض وكل مكان.........

بصراحة ياروز أنت شفت بعينك ((وكر الدّعارة والخمور)) وأبيك تقسم بالله مادام إنّك نقلت هالخبر... ؟


أبو تركي تكفى لا أوصّيك

[روز]

انا ياخوي عارف ان هذا منتدى وانك انت لست مخول على قولتك لتطليعهم لكن يالحبيب ترى الكلام مهب موجه لك ,بل موجه عن طريق هالمنتدى الذي يسعى الجميع لنشر الفائده عن طريقه وهو المنبر الذي نوصل عن طريقه ما نريد للمسؤلين لان اعتقد ماهو خافي عليك ان الانترنت تحت يد شريحه كبيره من المجتمع منهم المسؤول ومنهم المواطن .
وبعدين فيه اشياء تنفهم على الطاير يعني لما اشوف بعيني في ليله من ليالي شهرصفر للعام الفائت بعد الساعه 11 مساءا سياره ينزل منها شباب متلطمين ومعهم كراتين وتلفزيون وش تبغاني اقول , اقول ماشالله مجلس ذكر!!!!!؟؟؟؟
وفي يوم من ايام العطله الصيفيه الفائته بعد اذان العشاء تجي سياره و توقف عند الباب وينزل رجل وهو متلطم ويتلفت وهو في عجلة من امره يمين ويسار ويدخل في البيت السياره وفيها حرمه ويجي احد الجيران ويطق على اهل البيت لما شاف السياره داخله وفيها حرمه ظانا ان اهل البيت جايين ينظفون البيت للايجار او البيع علشلن يعطيهم بطاقه زواج ويطلع له رجل وهو مرتبك وينفي وجود اهل البيت وش تسميه هذا!!!!!!!!!!!
لا والخبر الاكيد ان احد الشباب كالعاده في تجمعاتهم قال له بعضهم تعال نروح للشباب تراهم متجمعين في بيت الفلان وهو من ربعهم لكن مب اللي دايم يحضر اجتماعاتهم الرجال راح مع الربع وقعد معهم وهات من هاضحك والتنكيت الى ان قام احدهم وشغل الفيديو وحط فيه فيلم جنس وجاب الشراب وصب لهم الولد ماعجبه هالشي زعل وطلع وهذا اكيد الف بالميه.
مانقول الا الله يستر علينا ويكفينا شر البلاوي
هاه الان تبي شي اخر
:4: :4: :4: :4: :4:

[حوطي الرس]

اخي تصرفك بعرض المشكله بالمنتدى تصرف سليم
وعندي الحل اللي يفكك منهم بس اول ابغاها من باب النصيحه
اطبع هذه الصفحه اربع نسخ وحط ثنتين تحت الباب
وثنتيين على السياره او الباب
وعلمني ايش يصير

[الكبري]

جبلي الخطابات الي قلتلك

والله لأأدبهم ومعهم الي وصلتهم الخطابات

مادام ماهي شقق عزابي



تحياتي

[الأكاديمي]

أعذرني عن التطفل ولكن لدي أقتراح قابل قابل للطرح والرفض.
وهو:أن يجتمع الأخيار من سكان هذا الحي ويشكلون لجنة أو مجموعة تقوم في البداية بتحذير سكان هذا المنزل وزواره شفهيا.
ثم إن لم ينجح هذا معهم يلجأون إلى خيار القوة وهو طردهم من الحي بالقوة وهذا مجرب في عدة أحياء.
وتقبل تحياتي ....

[الخبــــــــــل]

الأخ العزيز روز كيف الحال :
أنت هماك مبلغ الهيئه والشرطه جزاك الله خير كفيت ووفيت
إن كانك تبي أفزع وأقتحم المنزل وأربطهم واحد واحد أنا وشلتي إبشر من عيوني لأنكم قريبين لمنا أنا بالربوه قلي تبي فزعه أنا وشلتي والمين .

[المندوب للجنوب]

انا علي البازوكا
هاه متى الوعد
تبون اجيبRBJ
ولا مايلزم.........
:D :D :D :D

[روز]

عذرا اخواني لانقطاعي عن التواصل معكم لاننا كنا في العمره.

اخي الكبري
* مثل ماقلت لك انها ليست شقق عزابيه بل منزل عائله تركوه منذ سنه تقريبا ومن يومها والبيت مشبوه وشبه مهجور الا ان ياتي وقت المنكرات والعياذ بالله وهو ليس بالوقت المحدد يعني مره كل ليله واحيانا يمر اسبوع او اكثر ماشفنا احد والجيران يقولون انهم عيال البيت واحد يقول من شللهم .

* وبصراحه تبليغ رسمي انا عن نفسي ما بلغت بس دايم نتصل على الشرطه والهيئه وكل يتصل اتصال فقط حسب علمي و رجال الحاره ياخوي من
( قوم وش كاري) وهم كل حاط ايده على قلبه خايفين على محارمهم.

اذكر مره من قبل تقريبا 5 او 6 شهور انه جت سياره عند البيت المذكور ونزل منها رجال ملتحون وداروا حول البيت , احد يقول الهيئه واحد يقول الاوصياء على الورثه , بس ظل الوضع على ماهو عليه.
بارك الله فيك اخوي الكبري واضح انك قدها وقدود كثر الله من امثالك .



اخي الاكاديمي لاتطفل ولا شي, الهدف من وضع مثل هالمواضيع انكار المنكر وايجاد الحلول وايضا لعل احد من ذوي الشان يطلعوا ويساعدوا, بارك الله فيك وفيمن شارك وابدا رايه وهذا المطلوب .
ومثل ما قلت في الاول: البيت مافيه سكان كيف نطردهم وهم مو موجودين اصلا. وللاسف هالبيت بيت حموله لكن ماندري ويش السبب في قضيه هالبيت وليش هيتوه بهالطريقه لدرجه ان اصبح مصدر ازعاج ومجمع فساد.



الاخوان الخبل والمندوب .........والله انكم تخوفون:D :D :D :D :D :D :D بس وشيRBJ

[الصارم المنكي]

بصفتي الصارم المنكي سوف اقف علي الامر وافيدكم ؟؟؟

[أفغاني بالشماس]

اغدي النصيحه تنفع

[في الجو غيم]

اخوي روز
الحمدلله على السلامة ومقبول السعي
لكن ممكن يجتمع رجال الحي مع امام المسجد وترفعونبهم للامارة ولاتقعد تقول رفعتبهم للشرطه لان الشرطه ماعندهم ماعند جدتي.:1: