تسجيل الدخول

مشاهدة النسخة كاملة : التمثال


جلوي العتيبي
28-07-02, 04:43 am
قصيده رائعه للرائع حامد زيد لمن لم يسمعها

عفا الله عن خطا غدر الخناجر والضلوع ابطال
باسامح واتركك تحت الظلام الحالك .. الحالك

دخيلك وفر دموعك ترى هدر الدموع اذلال
وترى مافية احد يصبر مثل صبري بغربالك

انا عيب على انقض كلامي ,والرجال افعال
واذا قلت اقطع حبالك ..تراني بقطع حبالك

عشان اكسب هدب عينك تجرعت العذاب اشكال
وليتك ترأف بحالي علشان ارأف بحالك

مسوي في حياتي شي .. مايذكر ولا ينقال
حتى العدو وأهو العدو .. مايعمل اعمالك

تمسيني على الهم وتصبحني على الغربال
تقلطني فناجيلك .. وتقصر عني دلالك !!

تحملت التعب لاجلك وانا حملي يهد جبال
رحلت من العذاب .. وماوقفت الا على جالك

علامك كلما أجيك متواضع جيتني تختــال
معاك اليا متى باصبر .. وصبري معك يحلى لك

مثل ما اقبلت لعيونك لزوم تلدلي باقبــــال
ومثل ماقد حشمتك , حس واحشم قلبي اشوالك

انا محد (ن) بجابرني اساير معك هالمنوال
ترى ماني تبيع لك .. ولاني اصغر عيالك

انا جيت اعشقك : نبض ومشاعر , مااعشقك تمثال
انا جيت اسكنك واحياك وابقى فيك , وابقى لك

انا جيت بظما عاشق تعب يطرد سراب اللال
انا جيت استفز رضاك ..من فرقاك والجالك

انا ماهمت بك عاقل انا كنت اعشقك بخبال
انا ماكنت احبك حي .. انا كنت اعشقك ..هالك

تخيل من كثر ماخفت تلقى للزعل مدخال
اخاف اخطي على طيفك وادوس برجلي ظلالك

تبعتك .. والعرب تتبع رعود البارق الهمال
وانا شفت المطر .. يتبعك في حلك وترحالك

كان اللي خلق حسنك خلقني مع جسدك ظلال
وصرت اقرب جسد يمشي معك بقفاك واقبالك

ابي قلبك يحس انه فقد .. بمحبته رجــــال
ملكته من هدب عين .. وخسرت ارضاه باهمالك

صحيح ان الفراق اقسى ولكن الوصل محال
وانا صعب على ارضي غرورك .. واضعف قبالك

بعد ماحققت عيني فبعدك للرقاد امال
اعود للسهر ؟ ياخوي فال الله ولا فالك

ببدل نظرتك فيني .. واجي لك كل يوم بحال
باكون اقرب من ثيابك عليك .. ولا اتهيالك

بالمك ,وانثرك ,واجمعك ,وارجع انثرك باهمال
باخونك ,وازعلك, وارضيك ,وازعل منك وارضى لك

ابرسم بالثرى وجهك .. وابدفن صورتك برمال
ابشكي للعرب فرقاك .. واضحك عند عذالك

ابهديك الوصال :فراق .. واهديك الفراق وصال !
بسوي مثل ماشوفك تسوي ..وافعل افعالك

عشان عرف من فينا الزعول .. ومن وسيع البال
ابيك تذوق فنجالي .. وانا بذوق فنجالك

نصيحة احتفظ فيها قصر معك .. الزمن أوطال
ابي تسمع كلامي زين .. وتحطة عـــلى بالك ..

اذا حبك اهبال أطفال .. لك عندي هبال أطفال
ولا .. وابشر بعد بهبال حب ماهو بهـــبالك

اذا قصدك تهين اســـمي عشان تشمت العذال
ترى لا انته ولا غيرك .. ولا عشرة من اشكالك

راعي العنود
28-07-02, 11:06 am
السلام عليكم................

اخوي الحبيب : الزعيم ........................لله درك ياحبي لك والله وللزعيم اللي

يرفع الضغط مير الشكوى لله ماباليد حيله نحبه لوزعلنا عليه...


انا عيب على انقض كلامي ,والرجال افعال
واذا قلت اقطع حبالك ..تراني بقطع حبالك

عشان اكسب هدب عينك تجرعت العذاب اشكال
وليتك ترأف بحالي علشان ارأف بحالك

مسوي في حياتي شي .. مايذكر ولا ينقال
حتى العدو وأهو العدو .. مايعمل اعمالك

تمسيني على الهم وتصبحني على الغربال
تقلطني فناجيلك .. وتقصر عني دلالك !!



تسلم وصح لسان حامد زيد ويعطيك العافيه اخوي...........



مع تحيا1111111111تي ..

:) :)

جلوي العتيبي
28-07-02, 10:03 pm
تسلم اخوي راعي العنود

ومنكم نستفيد اما الزعيم والله انه مزعلنا بس مثل ماقلت نحبه مهما زعلنا عليه


مشكوووووووووور لتفاعلك الذي تعودناه

كرباج
29-07-02, 01:21 pm
هلا بالزعيم

<<---- تراه مادخل الا علشان الهلال :D امزح

يعطيك العافيه على هالابيات الجميله والقويه للشاعر حامد زيد

اما بخصوص يرفع الضغط هههههههه اي والله انك صادق!!!!

بس امورهم هاليومين مدحدره يعني شكلنا نبي نشجع مارد:D

تحياتي لك ايها الزعيم

وخذ هاذي الهديه لك

تمادي وأنا مثلك تماديت بهجر iiوبعاد
وكلٍ مثّل عناده خفوقٍ ثابتٍ iiصامد
وإذا عندك بعادي عيد ترى عندي جفاك أعياد
وعسى طول الجفا مني يليّن قلبك iiالجامد
أبضحك وأظهر البسمة ولو إن الجروح iiاجداد
وترى قلب الحريقة ضو ولو وجه الحطب رامد
بكون أكبر من الغلطة وبعلن للهوا iiميلاد
إذا كان الخطا منك مجرّد ثورة الخامد
وإذا كان الجفا منّك مسافات وغلا iiوعناد
تراي أكبر من عنادك وقولي قالها iiحامد

جلوي العتيبي
29-07-02, 09:22 pm
تسلم لي اخوي كرباج

وبعدين حرام عليك من الزعيم لمارد( مع احترامي لهذا النادي) فرق

اموره مدحدره اموره دمار ماباليد حيله نحبه وبس

ومشكور على الهديه وكلك ذوق

محمد الزبن
30-07-02, 03:00 am
0
0
0
قرأتها من قبل ..


ولكني حضرت لتسجيل اعجابي بذوقك الراااقي ...


تحياتي لك ولذوقك ..


وصح الله لسان الشاعر حامد زيد ..


ودمت بخير .


اخوك / محمد الزبن .
0
0
0

جلوي العتيبي
30-07-02, 05:17 am
كلك ذوق اخوي محمد الزبن


وتشرف المنتدى بتواجدك

وانت واحد من المكاسب الكبيره لمنتدى الادب والشعر والقصه

هاه اخوي الشقردي وراعي العنود لا يروح

وياليت تمتع مسامعنا باخر قصائدك

وارجو ان تستمر معنا ليزداد منتدانا روعة الى روعتة الحاليه بوجود الاعضاء المتميزون


مشكوووووووووووووور