انواع الشباب حسب نوع سيارته........(لا احد يزعل)

[حنون الروضه]

الموضوع هذا نقلته عشان نعرف انواع الشباب


معليش اذا كان فيه تعدي على احد
لا أحد يزعل
(إذا كان معك) .......> (فأنت)

كابرس .............> شخص شديد و شعبي و تحب الفزعة و لا تحب الميوعة

كريسيدا ............> مهبول و حق فرفشة و سعة صدر لكنك مخفة

مازدا ............>تحس دائما أن ودك توقف عند الأشجار ( بدافع غريزي كون أن معك بقرة)

قولف............> شكلك مليان زيها ودبدوب وتروح البولنق

باسات............>لحد يتكلم شي مره كووووووول ويحق لك تشوف نفسك

بورا...............> شكلك حق قهاوي ومفلس انت والكرتونه حقتك

مكسيما ...........>طايش و متهور تظن أن معك فيراري عشان كذا دايما داعس على البنزين للآخر

ألتيما ...............> نويعم دايم تمشط شعرك عند الإشارات

هوندا اكورد .........> مصدق نفسك أن سيارتك شخصية

بي أم دبليو ..........> ياهووووووووه من قدك

كاديلايك .............> تفرح بالمطبات عشان تطامر

ددسن .............> تحس أن أسمك هيثم و ودك تشرب كابتشينو دايم

لنكون .............> سياره بنااااااااااااات ولاسواق الشانزلزيه التحليه

فياقرا ...........>ولد نعمة و شايف نفسك لكن أنصحك لا تجاكر اللي معهم كوابرس تراهم ما يرحمون

افالون............>حق ناااااااااس خاطبين ويبغوا الاستقرار

صني .............> خفيف وزن و عقل في نفس الوقت

بيوك .............> عندك كرشة تروع

بنوفيل .............> دمك ثقيل و وزنك اثقل

لاند كروزر ........> فنان تطعيس بس الأخلاق تجارية

روفر ..............> الله يخلف عليك

هوندا سيفيك ........> مشغل نفسك كل يوم تغسلها و تلمعها

اس تي اس .........> كل يوم رايح للوكالة عشان يا تصلح يا تسوي لها صيانة

سفاري .............> تحب الطواقي الزري و الدخان

سوبربان............> تجمع شباب حارتكم عشان تدورون في الأسواق وتزعجون خلق الله

كورولا .............> أكبر ما فيك رأسك و مع ذلك ما تستخدمه

سوبارو ............> رياضي و تحب المشاكل

سدرك .............> موسوس و بخيل

زد ................> مشبوه و عند كل نقطة تفتيش الله يعينك

موستنج ...........> تظن إن الناس تناظر و هي معجبة مع أنها في الحقيقة تتحمد عليك

جاكوار ............> مسوي فيها فاهم و أنت ما في راسك

بيجو ..............> فاهم الدنيا غلط

جمس صحن .......> عصبي و مرجوج و قمة سعادتك أنك تحدد خلق الله

كامري ............> مقتصد في الفلوس بس مسرف في البربرة و السواليف

لكزس 400 .......> دايم مهدي و راز خشمك بس في النهاية ما معك إلا تويوتا

أودي .............> شكلك شخصية و ثقيل بس إذا تكلمت خربت الشغلة كلها

تيرسل .............> تحب تفرفر بين السيارات و تزعج الناس بالهرنات

ميركوري .........> شايف نفسك و مغرور

كراون .............> حبيب و هادي

كرايسلر ............> غثيث و عله

انفنتي .............> رسمي مهتم بشكلك أكثر من عقلك

كابرس أس أس .....> خفيف دم و مجلسك ما ينمل منه

جيب شروكي .......> مجنوووووووووووون بر و سوالف

هوندا ليجند ..........> تحب القافة والتلفت على خلق الله

سزوكي ...........> تحب تدور وتسعسع

ايسوزو ..........> مكروه من قبل الناس لأنك ببساطة كتمت أنفاسهم بالديزل

لكزس 300 .....> أنيق و جذاب )

كراون فكتوريا .....> مجنون كورة و تحب الفصفص

هونداي ...........> مزعج خلق الله بالمسجل ...كن محد عنده مسجل غيرك

لومينا ............> وش حليلك بس المشكلة أنك متعصب بزيادة لناديك

شبح .............> مشخص رغم أنها راحت عليك تلاقيه مشتريها مستعملهه

ليموزين ............> همك الوحيد تركيب الزبون ولو تدعسه

اتوبيس ............> حزين ودايم ساكت وشايل هموم الدنيا فوق راسه

صاحب دورية ............> حاط حرتك في قطع الاشارات

ما معك سيارة ............> دقها كعابي

(( اللي يدخل يقول ايش نوع سيارته)) منقـــــــول

[روح البراءه]

أنا ماعندي سياره ومالي بالسيارات اهتمام
بس عندي ولد اختي سيارته كراون فكتوريا
يكررررررره الكوره ومايهتم بالفصفص

[الفلته 9]

ما قلت لنا نوع سيارتك

لاكن ما فيه رنج روفر وإلا حوض <<ما تجي http://forum.buraydh.com/forum/images/icons/icon10.gif

[ابو صقر الصدقي]

مابه هلي عشان نناظر وش حنا عليه

[ل د ع]

مشكور ياختي حنون الروضة على المعاني


بس أتحداك وأتحدى كال حقين منتدى بريدة بقسم الاستراحة

ويش معي سيارة والجواب موجودة .

[المطرطع2020]

الله يعطيك العافيه على الموضوع

[مقـنزعـهـ ـ ـ!!]

ههههههههههههه


اما الدتسن .و. كبتشينوو كثرررلي امنهاا ..


يعطيك العااافيه

[الحنتريش]

كريسيدا ............> مهبول و حق فرفشة و سعة صدر لكنك مخفة


به احد يسوق كرسيدا الحين ؟!
>>> مايشوف الكرسيدا الا مع مصري او سوداني


هوندا اكورد .........> مصدق نفسك أن سيارتك شخصية


من تقصد ؟! هههههههه >>> فضح نفسه
ماصدقت ولا شي لاتصير مثل الي يقول ريحت سيارك تقل غرفة نوم ههههه

[برق الوسم]

هههههههههههههههههههههههههه

بدقها كعابي

مشكووووووور على الشخصيات

برق

[shahd2007]

ما معك سيارة ............> دقها كعابي

هذا يناسبني قوه بس ماظن ادقها كعابي

[shahd2007]

اتوبيس ............> حزين ودايم ساكت وشايل هموم الدنيا فوق راسه

هذا والله اسد سواق الباص حقنا دايم حزين وساكت

[ДBu-HάηάĐi]

ثانكس

حنون الروضه

هوندا اكورد .........> مصدق نفسك أن سيارتك شخصية

لامصدقت..شينه هع هع

زين جت على هذي وما جات على سب خخخخ

[كلوز]

أكــــــــــــــــــــــــــــــورد

والله الحمد الله اني مصدق انها سيارتـــــي <<ياحليلك

ومشكور على الموضوع الوناســــــــــــي

الجهني....

[كنق المملكه]

يعطيك العافيه اخوي حنون الروضه على الموضوع

على فكره سيارتي كاااااااااااامري

كامري ............> مقتصد في الفلوس بس مسرف في البربرة و السواليف


اللـــــــه يســــــــــــــــــــــــااااااااااااااااامحـــــ ـــــــــكـ

[الخيآلي]

هونداي ...........> مزعج خلق الله بالمسجل ...كن محد عنده مسجل غيرك

وانا اقول ليش اذا مريت جنب واحد قزقز اثره من قوة المسجل حقي <<صدق

مشكور ع الموضوع

[الزنون]

تشكر على الموضوع
انا من ناحية وش سيارتي فهي
انظر للتوقيع
تحياتي للجميع

[رهينة الاحساس]

تسلمين على الموضوع

تقبلي مروري

تحيتي

[أم الزعيم الصغير]

موضوع رائع بس الله يهديك ما حطيت اليوكون نشوف وش شخصيتنا

[ابو هليل]

كامري ............> مقتصد في الفلوس بس مسرف في البربرة و السواليف

والله إنها عكسي تماماً

ما يجي آخر الشهر إلا وأنا مطفر

ولا أحب السواليف والبربرة الزايدة