$$$$ . . . . . كيف تعرف أن هذا البيت فيه خادمه أم لا . . . . . $$$$

[أشعة في بلقع]

حياالله الشباب
اندونوسيا لها بقلوبنا حب عظيم !!!!!!

وش رايكم نتزوج اندنوسيات ؟

س:كيف نعرف هالبيت به شغاله او لا ؟
ج:من خلال خطوات كثيرة نذكر بعضها بعد القصة

واحد من الشباب كان يلزززم علي بالدخول لبيته وكنت اعتذر ... مرة من المرات لزززم وما قويت ارفظ طلبه واتفقنا بااكر القهوة عنده ... يوم جاء باكر ودخلت مجلسه ..أثر المجلس مغببررر وهاذيك القزاز اللي يحطون عليها فنجال القهوة والشاهي ما كأنها قزاز
راحت الايام ودريت انه جاب شغاله ... يوم دخلت عنده واثر المجلس يلمع وبحكم الميانه بيننا قمت وكلمته بالموضوع وقال لي : والله يا اشعة في بلقع الخافي اعظم ، اثرنا ضايعين

من خطوات التي نعرف بها البيت اللي به شغاله :
1- اذا قمت من النوم ورحت للصالة وشفت كل شي حوسه من البارح ... تعرف ان البيت به بنات او زوجه لكن مافيه شغاله

2- اذا جيت من الصلاة العصر ودخلت المطبخ تشرب ماء .. وشفت معاميل الفطور مع مواعين الغداء فوق بعض وحالتهن حاله والمجلى ما تشوفه ... تعرف ان البيت ما به شغاله وبه بناتنا الله يحفظهن

3- اذا دخلت غرفة التلفزيون ولقيت اقلام التلوينه الخشبية ماليتن الارض و حجرات الريموت ضايعن حداهن و شوي زبادي على الكنب ... تعرف ان البيت ..ايش ؟ مابه شغاله

بناتنا الله يصلحهن .... يبن ... نوم .. فيشار دوريتوز وتسالي وجلكسي وو .. انترنت ... طلعات للسوق .. ثم يرجعن للنوم

يعني .. بالله .. شغل البيت نخليه لمين . . ومن يقوم به ؟

الظاهر واضح ليش اقول : تبون نتزوج اندنوسيات ... لأنه يكفيها نوم خمس ساعات .. وكرف بالبيت ولا تقول تعبت .. ولا يمرضن .. ولا روحه للسوق ..
ولا تبي اكل من المطاعم .. ولا تبي شغاله :4[1]:

[النوران]

عليك بالعافية الاندونيسية وعقبال طقم شغالات ابيتك >>>>اقصد بنياتك

[العالميه]

( معليش) ياشين الرجاجيل إذا تكلموا
بمثل هذي المواضيع ...ياليتكم تتكلمون باللي
يخصكم لو سمحتوا ...

[العبرى]

هذا يحدث في كثير من البيوت..

ولاأحد يخفى عليه ذلك

فالخادمه في المنزل للتنظيف..والتنظيف فقط..!




لكن..

ماشأن العمل بالمنزل والترتيب الدائم..بالأندونسيه أو الخادمه عموماً..

ألا تعلم أن هناك كثير من الخادمات عجازات بمعنى الكلمه

وبعضهن ترفض القيام بأعمال معينه..

العجز في كل جنسية أياً كانت..




ولله الحمد كثير من البيوت لايوجد عندها خدم

وبيوتهم أفضل ممن عندهم خدم..!





تحيتي,,,

[To Be]

هلا أشعة في بلقع

كذا !!الله يعينك

اصبحت الشغالة تلعب دور رئيسي في المنزل !! ( في بعض البيوت )

وتم تجريد البنات من اكثر المهام ان لم تكن كل المهام

فتدخل البنت بيت الزوجية وهي تفتقد كل مبادئ الادراة المنزلية

وهذا احد اسباب الطلاق

احد اصدقائي طلق زوجته بعد مرور اكثر من ثماني شهور

املا ان تتعلم الطبخ وادارة المنزل

بعد فشلها لمن يكن لديه الخيار الا الطلاق !!

ويدخل تصميم المنزل وطريقة التأثيث والتوزيع ايضا في اسباب استقدام الشغالات !!

فتجد مساحات البيت كبيرة والاثاث ايضا يملاء تلك المساحات بينما لا يسكنه الا عائلة صغيرة جدا مما يتطلب خادمة منزلية ..

شكرا لطرحك البناء الصريح

مع التحية والتقدير

[إشراق]

ههههههههههههههههههه

ماضرب هالأمثله إلا متليع ومعايش الوضع بنفسه

[العنقريه]

نعم الشغاله هي الاولى جاز لكم ولا الباب

[أنـفأإأس أإأللـيل]

والله اني تمزعت من الضحك .. كله كوم والمعاميل والمجلى كوم هه
لييت من يحصله يجيب شغاله ..
بس والله مااثق فيهن ولا ائتمنهن على بيتي ..
والا كان جبت ثنتين مو وحده ..

[كلي دلع !]

مشكور اخوي
مو اصابعك زي بعض خص لاتعم
اعرف بيوت كثيره ما فيها خدامات وتلمع
اقول الله يغنينا عنهن وعن بلاويهن
دمت بود

[النوران]

اقول ماكرفت لسواد عيون الاعشان القريشات

[عازفة ألحان الليل]

يا اخي العزيز في فرق اذا جاءت انسانة من بلد بعيد لتشتغل خادمة في بيت اجانب

وتكسب راتب يعني هي جاءت لتشتغل لم تأتي لتكون واحدة من الأسرة وشيئ بديهي

ان تعمل بجد وإتقان لانه هذا هو عملها لو لم تكن كذالك لطردت من البيت شر طرده

وفي فرق بين صاحبة البيت و بناتها فهي متى ما أرادت نظفت لان البيت بيتها وهي

غير مطالبة بتنظيفة يوميا وعلى اكمل وجه كما طولبت الخادمة وحتى راتب للام لا يوجد لها راتب

إذا المقارنه خاطئة

لو قارنت بنظافتها في بيتها الحقيقي وبيت من بيوتنا لقلت لك معك حق

مع اني اعرف تفاوت النظافة وترتيبه من بيت لبيت ..

[الحنتريش]

لاتنسى ان الزوجه كل ماقلت له شي تقول لك تعبانه وكل يوم وهي رابطتن راسه بغدفه ههههه
لاشفت بزران طملين وملابسهم حوسه تدري ان البيت مابه شغاله
لاشفت بيت مايحلتون كراتين اندومي تدري ان البيت مابه شغاله
لاشفت بيت به شغاله اعرف ان بناتهم مايدبرن شي <<<بعض البيوت ترا

[ابو راكان بريدة]

نسيت شي يا منسم

عتبت الشارع تغسل يوميااا والزبالة من الساعة 7 طالعة بالشارع ومربوطة بعد

[عازفة ألحان الليل]

^
هذي حنا نسويها يوميا ولا عندنا شغالة يقالك جبت شي !!

[عازفة ألحان الليل]

يكون بعلمك مثل ماقلت ان( المقارنة خطأ)

انا لو انا شغالة في احد البيوت الله لا يقولة كان سويت نفس الي تسوي الشغالة الحين واحسن من تنظيف البيت يوميا وترتيبة على اكمل وجه

لان هذا شغلي وانا مطالبه فيه ولازم احلل فلوسي الي بعد التعب
ولاني اعرف ان كل ماصرت متقنه بشغلي كل ما طلبوني الناس اكثر وكل ما كسبت اكثر

شفت الفرق ليش الشغالة تهتم بنظافة بيوتنا يعني الدعوى فليسات ونفسي نفسي ولا هب حبا بالنظافة ويكفيك ان ريحت الوحدة الا مريت من عندة استغفر الله العظيم تقل آكلة كلب من كلابتهم
هذي وينه وين النظافة ولا يقالة مسلمة بعد وشلون تصلي وريحتة كذا !!!!

[البـــBADERـــدر B.D.Q]

الناس تختلف فيه ناس متعوده على الخدامه من يوم تولد وهي تشوفه قباله ومن يومه صعبه انه تشتغل تبي بس تدلع على اهله خذ بنت :(

لكن خلونا واقعين شوي انتم تبون نعومه وتبون اهتمام بالنفس وتبون نفسيه زينه وتبون وتبون
وكل هذا صعب يجتمع اذا كان التنظيف على ربه المنزل هي بتلقاه وين ولا من وين خاصه اذا كان عنده اكثر من ثلاث اطفال

بعدين احمد ربك انا اسمع ان فيه شغالات يطبخون للبيت ..:(

بالعربي اطلب المطاع حتى تستطاع :)



نعم الشغاله هي الاولى جاز لكم ولا الباب


شوفوا هالرد وشوفوا الرد الي تحت علشان بس تعرفون ان فيه فرق بين الناس والشي توفيق من الله

والله اني تمزعت من الضحك .. كله كوم والمعاميل والمجلى كوم هه
لييت من يحصله يجيب شغاله ..
بس والله مااثق فيهن ولا ائتمنهن على بيتي ..
والا كان جبت ثنتين مو وحده ..



اترك التعليق لكم :)

[بنت الاسكان]

مو كل البيت كذا لاتعمم

[بــرمــودا]

نعم الشغاله هي الاولى جاز لكم ولا الباب

لا لا جايز لنا ,,أنتن خليكن بس للحمل والولاده ,,وع مالت عليكن ,,حتى بعد يبي يجي يوم والشباب يعرس على الشغالات وهمن تكمل ,,رخيصه وكويسه

[إشراق]

888888888888
عاد ماتعوق معك وأنت صاحب الموضوع الشهير إياه بتاع الشغالات

وبتصير قول وفعل

برافوا عليك

[بيسان]

ههههههههععع

يكفيك ريحتهن تلووووووووع التشبد

ولا يكون البيت نظيف خاصتن اذا انت تعرف انهم اللهم لك الحمد مو نظيفين بالاصل

انا بصراحه أأيد الشغاله اليوميه بس يوم او يومين ولا تنام عند راعيتها وتجي باتسر مو ببيتنا

<<معانيه منهن وخاصتن يوم تقولها شغالتهم انتي مافي قرقر كتير انت فيه سكر لمبه وشغل مكيف وسكر باب :(

وبعد اللي عندهم مناسبات تصلح لهم اليوميه او الشهريه للوالده توها

وبعد للعجز اللي مايقدرن يعتمدن على انفسهن

<<<خبره

والحمدلله على نعمة الصحه والعافيه وانا طبعي ماأكل من أيد اي احد غير ايدي وأيد امي الغاليه وبس

<<<عايشه عند زوجها على كيك وفيشار واللحين تعبانه تعالج معدتها كككككككك

.................أنتهى