زواجات الأيام **الدعوة خاصة بالرجال**

[* ويــن الوفــا *]

:x11:

السلام عليكم ....

ابدخل بالموضوع مباشرة ....

تلاحظون هالايام كثير مانسمع عن زواجات:for2::for2: ((الدعوة خاصة بالرجال)) اي مايحضر الزواج الا رجال من اقارب العروسين سواء بأستراحة او قاعة افراح....

تسأولاتي ....

/هل تؤيد ان الزواج يكون رجال فقط دون حررررريم ؟؟؟

/انت كالشاب هل تؤيد ان يكون زواجك الدعوة للرجال فقط ؟؟؟

/وأنتي كالفتاة هل تؤيدي ان يكون زواجك الدعوة للرجال ؟؟؟

عطنا ايجابياته>>اي الزواج تكون ((الدعوة خاصة بالرجال)) وسلبياته؟؟

**دمتـــــــــــــــــــم بســــــــــــــــــلام**

اختكــــــ *ويــن الوفــا *ـــــــــــــم

[To Be]

وين الوفا

أن الفقراء قالوا له : يا رسول الله ذهب أهل الدثور بالأجور ، يصلون كما نصلي ويصومون كما نصوم ، ولهم فضول أموال يتصدقون بها ولا نتصدق ، فقال : ألا أعلمكم شيئا إذا فعلتموه أدركتم به من سبقكم ولم يلحقكم من بعدكم إلا من عمل مثل عملكم ؟ فعلمهم التسبيح المائة في دبر كل صلاة ، فجاءوا إليه فقالوا : إن إخواننا من الأغنياء سمعوا ذلك ففعلوه ، فقال : ذلك فضل الله يؤتيه من يشاء

لا شك ان الزوجات اصبحت كارثه اقتصادية تحل بالمجتمعات فليس فقط العريس او العروس من يتكلف بل اصبح المدعون ايضا تلحقهم تلك التكاليف وتعصف بهم في هذا الوقت .
فاصبحت تلك المناسبات لها تأثير اقتصادي قوي على مستوى المجتمع ..

من رأي الشخصي كما جاء في الحديث اعلاه .

اذا اهل العريس والعروس قادرين ماديا وصحيا على اقامة المناسبة بحضور الاقارب واسرهم فهذا شئي طيب وذكرى خالدة للعريسان بشرط التقيد في التعاليم الاسلامية

اما ان كانوا لا يستطيعون صحيا وماديا فالاكتفاء في بعض المدعوين من الرجال يكون انسب وابرك بأذن الله .

من الصعب ان أتخذ قرارا واحدا للمجتمع باكمله فلكل حالة وضع يختلف عن الاخرى . .

لكلا الزواجين ايجابيات وسلبيات ولكن قد تفوق ايجابيات المناسبات الخاصة بالرجال على المناسبات الاخرى

يبقى دعاء من حولهم للعريسان بالتوفيق هو المهم

شكرا لهذا الطرح

[مياسة]

يختي إذا ما صار العرس خبة,, كوفيرات, ألوان وأشكال من الفساتين, جنب, زفة وطقطقة..
أجل ما صار عرس!!!
صار تقل دايرة عمومة ! :f5:

وناسة العرس للحريم.. أما الرجال ما عندهم سالفة
اللي بينهم وبين العرس العشاء .. ثم وين الباب
10.. فاضي القصر :e2:

أما الحريم .. إلى الفجر وناسة ,,
يا هيك حفلات زواج .. يابلا ,,
:x13:

[الخيآلي]

انا اقول احسن الزواج بدون حريم ووجع راس

[سوسي]

انا اؤيد الزواج للرجال فقط

وتكون حفلة الحريم والخبه بعد مايجون المعاريس من شهر العسل..

[طالب وفا]

اؤيـد انا ان يكون الزواج رجالي فقط وان لزم الامر بالعوايل
اهل العروس واهل العريس فقط يجتمعون باستراحـه
وتتهنا سعيـده مع سعيـد
وصل الله وبارك
يعني وش فائـدة هالناس اللي تبي تجي خساير بس وحـش وذنوب من لبس عاري واغاني ماجنـه وياكلون وبـس
والله ماهم فرحانين لك كثر امك وابوك واهلك وهذا اهم شي لك

[لِـيم’]

/هل تؤيد ان الزواج يكون رجال فقط دون حررررريم ؟؟؟

نعم



/وأنتي كالفتاة هل تؤيدي ان يكون زواجك الدعوة للرجال ؟؟؟

نعم

عطنا ايجابياته>>اي الزواج تكون ((الدعوة خاصة بالرجال)) وسلبياته؟؟

ايجابياته (الدعوه خاصه للرجال) :

1 ـ انه مايصير فيه اسراف لان الزواجات اللي يصير به حريم لازم يحطون بوفيه للعشاء ويجيبون حلويات الدنيا

2 ـ ولا فيه تكاليف ...اي استراحه تكفيهم


اما السلبيات : اتوقع مافيه سلبيات



تقبل /ي وجهة نظري

[* ويــن الوفــا *]

To Be
لو اننا رجعنا لكتاب الله وسنة رسولنا الكريم :x7: في كثير من امورنا لعرفنا ان التوفيق والسعادة هي اهم الاسراف والتبذير الحاصل في مجتمنا

اسعدني مروركـ

[* ويــن الوفــا *]

مياسة

اسعدني مرورك

[عازفة ألحان الليل]

ماحب الزيطة والزمبليطة

خليها عائلية احسن

اشكرك ...

[mmm998]

أفضل الدعوة للرجال والنساء .... بس بدون اسراف .... والله يوفقك الجميع

[ربي كريم]

يكون بدون اسراف لأن الحريم ماراح يعجبهم العجب

[باونتي]

يختلف من عائله لعائله
بالنسبة للحريم فـ لازم يكون الزواج فخم والا ماراح يسلم منهم

ابرك الزواج بركه ايسره مهرا <فيما معناه


وبنفس الوقت احس لازم يكون للحريم لان له طعم الفرحه بالزواج
وان ماحطو زواج للحريم بيجهزون عزيمة باستراحه
لذلك لو يختصرونه من الاول زواج بليله وحده افضل

[الصدفه]

الدعوه خاصة للرجال جدا احسن ومن المؤيدين بشدة

وإن حصل بعد عودتهم من شهر العسل وضع عشاء للنساء ومختصر بين الطرفين يكون أفضل

[النوران]

الزواج يكون مقصور على اجتماع الاسرتين رجال ونساء
يعني فرح بسيط ومرتب وبلا بعزئة يمين وشمال
ودمتي بود غاليتي

[العريف]

الدعوة خاصة بالرجال << لأنكم بعيدين :)


وإلا فالزواج للرجال والنساء .. يعني اللي صار الحين ( الموضة ) الرجال كل من هب ودب يجي ..


لكن الحريم يقتصر أهل العروسان على النساء القريبات .. الخوال والعمومة فقط ..

وإلا فهو زواج عادي .. مثل زواج أيام زمان .. ربما لأنه لافائدة من حضور النساء ( الأباعد ) درءاً للمشاكل وكثرة القيل والقال خصوصا اذا كان فيه ( زفّة ) للعروس .. :) ويكون الزواج في قاعة أو قصر أفراح .. يعني ( التكلفة وحده ) وربما أكثر تكلفة من زواجات زمان .. حضرن كل الحريم أو أقتصرت الدعوة بالنسبة للنساء على حريم العمومة والخوال ..


اتمنى وصلت الفكرة ..



شخصياً .. أؤيد الزواج بإستراحة ويقتصر العرس على الرجال فقط وأهل العروس وأهل المعرس .. لا أكثر ..

شغل المهايط والاسراف .. ماله داعي وقد يجلب الشؤم على العروسين ..

[عازفة ألحان الليل]

اوووه
مادريت والله ان الدعوة خاصة الا يوم قريت رد العريف وبعدين انتبهت للموضوع
آسفة والله مادريت
:)سامحين

[صـاحي و رايـق]

أنا شيء أسمه زواج ما أحبه ومستحيل أحضر
ما أروح إلا للزواجات المختلطه وهذا اللي أحبه بس .... شكرآ لك

[مياسة]

يا انتم تكسلووووون ,,!
صدق الحي يحييك ,, والميت يزيدك غبن :for1:

[بدر بريده1]

والله يا اختي العزيزه انا من مؤيدين للرجال فقط ثم بعد ما يجي المعاريس من السفر يحطون عزيمه

محترمه .. !

وانا ان شاء عرسي بالقريب العاجل بس الدعوة للرجال ما نبي حريم ..!


عين منكم لا تغاب يالرجال .

[&تذكار الرحيل&]

[center]انا اؤيد الزواج للرجال فقط

وتكون حفلة الحريم والخبه بعد مايجون المعاريس من شهر العسل

مثلها...................

[الوساااام]

اؤيـد انا ان يكون الزواج رجالي فقط

[لمسةعطر22]

اؤيد الزواج للرجال فقط يجتمعون ويسلمون على العريس ويباركون له
وبعد مايرجعون من السفر يسوون حفله معتبره للعروس تكون فيها مستانسه ومهيب خايفه وبكذا تعيش ليلة العمر وهي مبسوطه (وبيني وبينكم تحلل قيمة فستان ليلة العمر) لانه على هالليله وبس

[لبؤه Nervous]

يقول المثل (( اهم شيء الوناسه ))

[جوهرة]

::

ليته يعمم على كل المملكة ، بمنع الحريم من حضور الزواجات بتاتا
ومن تخالف تعاقب بالسجن والغرامة !!!



بوركتم


:

[فتاة بني خالد]

أؤيد الزواج يكون للرجال وللحريم ..

يعني اذا صار زواج قريب لنا يروحون الرجال مستانسين ومتبخرين وحنا قاعدين بالبيت ليش ياساتر ..

حرام نستانس ونشوف بعض ونفرح بزواج قريبتنا..!

[النارالازرق]

والله مالها داعي زواج رجال بس والحريم ما لهم رب لازم يستانسون

وعلى العموم انا شاب واايد الزواج رجال وحريم

(المهم مستانسين)؟

[قمراي.]

لا أؤيدك بشده

الزواج لازم يكون فيه حريم ورجال ودعوه عامه

يعني يوم زواجك اذا ما فرحت اصغير والكبير والرجال والمره ما راح تذكر

وتراه يوم واحد مهب ضار ..

تحياتي لكم ..

[روائع نجد]

افضل انه يكون عائلي ويوفروا فلوسهم لان لو كان فخم راح تتكلم الناس وبيعطون اعتلراضهم وراح يتذكرون كل منكر وكل لبس عاري في يوم زواج العريسين راح يكون ذكري لما راوا من عجائب الدنيا ولو حطه بسيط راح برضوا يتكلمو مافي فكه مافي فكه

[•°سـرىآ اللـيـل°•]

هل تؤيدي ان يكون زواجك الدعوة للرجال ؟؟؟

لاوالله معارضة وبقوة هذا الناقص يوم زواجي ولاأفرح به هو كم مرة بتزوج تراها على هالليلة ولزوم تكون صح .,
تخيلي زواجي مافيه شيء بس يجي يأخذن تقل ناطلن ورااه وش هالحركات الدخيلة اللي مالها داعي !!
البعض يفكرون بالطلاق يعني يرفضون التكاليف بحيث لو صار طلاق مايندمون !!!!!!!!!!
طيب على هالحالة ماأشتري ولاعود وأكنز مهري بالبنك علشان لو ماأرتاح معه أرجع له مهره !!
الواحد يتفائل بالخير ويسوي اللي عليه والتوفيق بيد الله وهذا مايعني أني ماأفرح بزواجي حسبان لعدم التوفيق .,
إلا بسوي كل اللي براسي وإذا طلقت الحمدلله لاأنا أول بنت تطلق ولاأنا أخر بنت وش فيها؟ أحسد نفسي الفرح علشان لو أطلق فرضاً !!
مافيه بنت ماتبي زواج يليق بحضرتها بس غالباً يرفضون الأهل وترضخ لرغبتهم غصب وإلا قرارة نفسه وده تفرح مثل غيره .,
المفروض تكاليف الزواج مشتركة مابينهم مو يلصقونها بأهل البنت حتى لو عندهم مايصير اللحين القاعات غالية .,
بحجة إن أهل الولد دافعين مهر "لاوالله" المهر حق للزوجة مو للقاعة وبصراحة مايكفي الأغراض الضرورية مو عاد حجز قاعات .,
شخصياً أبي زواج يليق بحضرة سموي :p بيوم الزواج مو بعد شهر العسل وماعسّل لأني ماأضمن نفسي أخاف نتهاوش ولايحط حفلة تباً .,
وأبي عزيمتين وحدة من أهلي وحدة من أهله تعبيراً عن فرحتهم بي :b3: وعلشان أحلل فلوس الفستان وبس كثر الله خير من تكلف لإسعادي :d8:

والله يوفق الجميييييييع .,

أهذب تاهيه’

[بنت البدائع]

بصراحة أحس الفرح الكبير أحلى :) صحيح عفسة وروحة وجية بس والله وناسة
تحسين من جد فيه فرح http://www.s77.com/3DSmile/25/Music-025.gif (http://www.s77.com/index.php?t=smiles)
بعدين هي ليلة العمر على إسمها مب كل يوم بنعرس :D.. فشي حلو إنه كل شي فيها يكون إستثنائي
والأهم من هذا كله إختيار الإنسان المناسب اللي يستحق الزواج به والفرح ( صغير وإلا كبير )
هذا رأيي :)

والواقع يقول إن الأهل لهم الدور الأكبر في إختيار الطريقة اللي تتم بها ليلة الفرح !!

وعلى قولة أبو معاذ المعاريس إثنين والمهبل ألفين ----- > وش دخلها في الموضوع :D



دمتِ بخير




؛

[متغرب بموطني]

العرس اللي مابه طهبله زاجتماع من كل الجنسين مهب عرس

[نـــNAــونا]

لا والله إلا حريم ورجال

أتخيل زواج أخوي الرجال رايحين وأنا قاعده بالبيت ما كأن العريس أخوي

والله إذا ما حفت رجولي بالسوق وأنا أجهز زواجه ما أحس إنه تزوج

والله الحمد لله إن عاداتنا هي هي ما تغيرت

من يوم الملكه وحنا بهم الزواج والصاله والحلا وغير الدف

حلات الحفل الفرحه بعيون أمه وخواته وأمها وخواته وإلا الرجال ما كأن عندهم فرح

هي ترى ليله بالعمر إذا ما صارت ذكرى لهم

تخيلوا بالله شكل العروس وهي مزفوفه وفرحانه وأمها وخواتها بلبس البيت

لا حشا الحمد لله خلونا نفرح وننبسط

صح إنه به تكاليف بس الإنسان ما يسرف كل شيء بإعتدال

يا محلاه زواج أخوي بدوننا ؟؟؟؟؟؟