$$$$ . . . . . مصاريف الحمل والولادة والماجب . . . . . $$$$

[أشعة في بلقع]

(((مبروك المدام حامل)))
المرأة المسكينة تسمع هذه البشارة بفرح وتوجس من المستقبل وهو الألم ( متعوبن عليه)

بل المسكين أنت أيها الزوج

لا أدري كيف أبدأ ... ولكن .... بسم الله بديت :


بدون شك ولا ريبة (متعوبن عليه) أن هناك مصاريف للحمل ومايتعلق به
لكن أنا أقصد المصاريف اللي ما لها داعي ... إذ اصبح موضوع الحمل والماجب يشكل كابوس للازواج كيف لا وهو سينفق النفقات الضخمه باسم الفشخره و حنا محنب اقل من غيرنا (كله من راس الزوجه)

أمثلة للمصاريف اللي اقصدها
1-العشاء من برا في الأشهر الأخيرة لأن المدام تعبانه
2-غسل الثياب وكويهن عند المغسلة
3-تغيير فرشة البيت وأحيانا تبليط المدخل و الغرفة اللي يبي يشوفونها الزوار(ببيت أهلها)

4-
5-
6-


للاطلاع على الموضوع كاملا اضغط ..... هنا (http://www.buraydh.com/forum/showthread.php?p=2021498#post2021498)

[أنـفأإأس أإأللـيل]

أجل صار الحمل كابوس للأزواج الله يرحم حالك .. وش ذالبخل الله لا يبلانا !!
زوجتك تقولك حامل وتبشرك بمولود جاي بالطريق يملي حياتكم
وانت تفكيرك يروح للفلوس والمصاريف :confused:
فيه أزواج يدفعون ألآف تكاليف سفر وعلاج للخارج عشان تحمل زوجته
ويكحل عيونه بذريته .. ولا فكرو تفكيرك السقيم مع احترامي
أبغى اعرف لأجل ايش كل الحرص على تجميع الاموال ..
تحرم زوجتك واولادك وتضييق عليهم بالبخل ..
وبكره اذا ودعت الدنيا مصير كل اللي جمعته بيصير لزوجتك وعيالك ..
لكن الاحسن اصرفها بحياتك عشان يدعون لك بطولة العمر ..
لأنك اذا حرمتهم بيدعون عليك بالموت عشان يورثونك ويتمتعون فيها ..

[العبرى]

قعدت شوي أفكر وش تعني الماجب..رحم الله الكلمات..



صحيح بعض النساء في فترة النفاس تتكلف في طلباتها

وطبعاً كل أمرأه تعشق الحسن وتطمح للكمال..

لكن غالباً يكون صرف المرأه حسب طبيعة أهل الزوج أنفسهم..!

حتى تسلم من لسان الحماة وأخوات الزوج..وبقية العائله



أما العشاء والغسيل..

فحين تفقد المرأة قدرتها على العمل فينبغي على الزوج أن يقدر ذلك

وكثر خيرها إذا أكتفت بالأشهر الأخيره..!




مجرد مايتخيل الرجل أن زوجته تحمل في داخلها مخلوق صغير الجسد

هي مسؤلة عن غذائه..والإهتمام به..

تحمله لأي مكان تذهب إليه..دون أن تنزل تلك الكليوجرامات الزائده قليلاً لترتاح..

أظن أنه حين يفكر بذلك ستهون عليه الأمور..!





تحيتي,,,

[جوهرة بريدة]

ماأقول الاا ليتكم تجربون الحمل والولاده عشان تحسون بالمعاناة بس

[*يتيمة*]

ليت والله من يحط ذالطفل بطنك وتالدة
وتشوف الموت بعينك
تحسدون الفقير على موتت الجمعة
على مصرفها بالماجب على قولتك

[مياسة]

فرصة .. والغبية ما تستغلها ... لجل تدلّل,, وتجيب اولها وتاليها :)

[:فرح:]

تستاهل من يدللها ويصرف عليها على الاقل ينسيها عناء الحمل

ويكفي بالنهاية بتجيب ولد ولا بنت حليوووين

[النوران]

الواحد يبلش زوجته يبي صغيير , , وهاذي آخرتها !!

[جبل عمر]

شوري عليك اطلب حذف الموضوع شف نطن بك ووصل الحد إنهن قالن ليتك تحمل

شف وأنا أخييك إذا أنت قادر ومليء فالحمد لله أظهر نعمة الله عليك واظهر شكرك لله على هذا المولود

البخل والتحسيب الزايد ترى يتعبك وبنكد حياتك وما فيه أجمل من كون الواحد ينفق ويونس عياله وزوجته وهم أهم من فلان وفلنتان

وكلن يمد إيده على قدر لحافه وإذا زوجتك طلبت شيء فوق ما تقدر ولا عندك فأنت لست ملزماً بتنفيذ طلبها

وعن أبي هريرة رضي الله عنه قال : قال رسول الله صلى الله عليه وسلم (( دينار أنفقته في سبيل الله ، ودينار أنفقته في رقبة ، ودينار تصدقت به على مسكين ، ودينار أنفقته على أهلك ، أعظمها أجر الذي أنفقته على أهلك )) رواه مسلم(104) .

2/290 ـ وعن أبي عبد الله ـ ويقال له : أبو عبد الرحمن ـ ثوبان ابن بجدد مولى رسول الله صلى الله عليه وسلم قال : قال رسول الله صلى الله عليه وسلم (( أفضل دينار ينفقه الرجل دينار ينفقه على عياله ، ودينار ينفقه على دابته في سبيل الله ، ودينار ينفقه على أصحابه في سبيل الله )) رواه مسلم (105) .

5/293 ـ وعن أبي مسعود البدري رضي الله عنه ، عن النبي صلى الله عليه وسلم قال: (( إذا انفق الرجل على أهله نفقة يحتسبها فهي له صدقة )) متفق عليه (108) .

[جبل عمر]

فرصة .. والغبية ما تستغلها ... لجل تدلّل,, وتجيب اولها وتاليها :)


والغبي ألي على نياته ...!!

ترى الرجل يدفع ما وراه ودونه عادي ولا يدفع ريال واحد إذا حس إنها بتستغل فرصه وبتمسكه مع إيده ألي توجعه ولا تكون صريحة معه و تكلك عليه وتخلق أشياء على شان يدفع

وبعدين كيف ترضين بدلال مزيّف وكيف ترضين بدلال مايجي إلا بفرصه، حتى بداخل نفسك تحسين إن هالدلال ما جاء على أصوله

الدلال ألي ما يجي إلا كذا بلاه أبرك، و أعزّ للنفس

[أشعة في بلقع]

انا لم اقل ان الولادة ليس فيها الم علشان مايجي احد ويقول ليتك تجرب الضنايه



هل تدليل الزوجه يترتب عليه كل هالمصروفات اللي بس عشان (حنا مثل غيرنا)


هل عدم تغيير بلاط البيت او الفرشه والسجاد والموكيت يعتبر بخل ؟!
هل عدم شرا حلا ماله داعي بخل ؟! اليس حريمنا يقولون انهن احسن من الاجنبيات
هل الاجنبيات يطلبن كل هالمصاريف؟

واحد مريض بالمستشفى عدة اشهر على السرير يقول انه شاف وحده من الممرضات حامل .. يقول : انها اضنت وبعد يومين جت تداوم ... يعني ثلاثة ايام فقط غياب ... اما حريمنا : اربعين يوم وتزيد احيانا .. و آآآآآآهـ تعباااااانه ... ليتكم تجربون يالرجال كان عذرتونا ... يعني وشلون ؟!... ( ضناية الحريم المصريات مو مثل ضناية حريمنا .... هذولاك بدون الم و حنا الم شديد )


الحمد لله على العقل

لكن فعلا .... النتيجة من هالكلام انه ما فيه الم ... كل القضية دلع و دلال مايع



مو بس الرجل اللي يطلب ولد وبعدين ما يراعي ... حتى الحريم يطلبن الولد ... واعرف قصص ... حريم طلبوا الطلاق لأن الزوج عقيم .. يعني النتيجه تعادل

الله يصلح الاحوال ويعين على بعض الحريم
في الختام اشكر كل انثى استفادت من هالكلام ولو لم تعقب او ترد .. ولم تكابر و تعاند و تبرر مثل بعضهن هداهن الله .

[خالد التويجري]

القياده بيد ( الرجل ) وإذا أنحرفت فهي مسئوليته
ولا يلام إلا هو ..,؟!
ولا يلومن إلا نفسه




تحياتي .,’

[مياسة]

جبل ... الله لا يجمعك مع بخيلة ..
ولا يجمعني مع بخيل
ترا يمكن أصاب بـ عقدة نفسية.. ما لها حل إلا السكن بالعصفورية !!! :(

الاستغلال اللي اقصده انها تدلع ..
لانه بيطيح من عيني اذا اكرمني بس عشاني بجيب له الولد..!
وإلا مو لسواد عيوني ,,


صدقت .. الدلال ألي ما يجي إلا كذا بلاه أبرك، و أعزّ للنفس

[الحنتريش]

لاقربت الولاده اجدعه عند اهله وقل ابروح دوره تبع العمل ولاتجي الا وهي طالعه من النفاس(الماجب)
>>> ميت ضحتس على الماجب تقل عند خالاته
شف وانا اخوك والله ماتتعبك ولا شي هي تبي تصير بلشتن بروحه ولاقالت غير المدخل قل اولدي بالبيت عشان ماتغير ببيت اهله ههههه

[لمسةعطر22]

والله لو تبتلون تخططون ياهالرجال ماتوصلون لكيد ومخططات الحريم واذا اكتشفتوا مخطط طلعنا عشر بس لا تحاول

[فصفصة]

شوووووووف اخوي اختصار للموضوع

وجهة نظر شخصية وهي ... لاجبت او لاحطيت حط شي على سنع ولا لا تحط

وقيس عليها كل الامورررر

[نـــNAــونا]

سبحاااان الله ندور ونرجع على المواضيع السقيمه

غيرك يتمنى الولد لو يدفع ماله كله

وأنت همك بمصاريف الحمل والولاده والله اللي بقلبه رأفه وحنان إذا شاف ضناه ينسى الدنيا وما بها

وأنت تفكر بالمال

وعلى العموم كل كلامك يمكن يحكي واقع إنت تعيشه وتبغى تهون على نفسك الأمر بتخيله عند الكل

لكن إعذرنا لو صدمنااااك مثل هالأشكال نااادر جدا

وإلا للأسف انت من أخطأت أيه الرجل مهما كان الرجل له كلمه على حرمته

والمفروض إنه يكون بينهم عشره وما ترهق رجله بالطلبات غير الضروريه

ما أقول غير يا جزاء أمي الجنه

[رايق دايم]

الحمدلله إنك ماتصرف علي ياحاتم الطائي .

[المشتاقة للجنه]

لاقربت الولاده اجدعه عند اهله وقل ابروح دوره تبع العمل ولاتجي الا وهي طالعه من النفاس(الماجب)
>>> ميت ضحتس على الماجب تقل عند خالاته
شف وانا اخوك والله ماتتعبك ولا شي هي تبي تصير بلشتن بروحه ولاقالت غير المدخل قل اولدي بالبيت عشان ماتغير ببيت اهله ههههه

حلوه ذي ليش أهلها مزوجينة عشان يصرفون عليك أنت وإعيالك
ياأخي حطه بعيوتك هي وطلباتها وأهلها
ليش كثير عليه هذا
تراه بتجيب مولود يحمل إسمك
إحد ربك بعد اللي أهله ضافين أولدك


وعذرن أخي أشعة في بلقع والله من الدعاوي اللي جتك
وبعدين كلن يرى الناس بعين طبعه
والحريم مهب واحد

[نيزك]

يا رجال لا تكبر الموضوع كله ذبيحة مقطعة و كم شكل فاكهة ..

الموت الي عقب الولادة .

[البـــBADERـــدر B.D.Q]

القياده بيد ( الرجل ) وإذا أنحرفت فهي مسئوليته
ولا يلام إلا هو ..,؟!
ولا يلومن إلا نفسه




تحياتي .,’


اشعه عرفت العيب بمين الحين ؟؟

هالرد يوضح لك

[علشانك بس]

الحين لو فيكم عقم انت وياه والله ان تدفعون مئات الآلاف بأرقى المستشفيات برا المملكة عشان تشوفون عيون اطفالكم ,,
ويوم الله انعم عليكم تستخسرون على اللي تحمل وتتعب وجبة بعشرين ريال يوميا لمدة شهر او شهرين الين تقوم بالسلامة .. !!!
البخل بيعميكم انتم ,,
لو هذا كرز دخان اشتريتوه وبدون اي تفكير ,,
او لو هي سفرة تسربتون فيها الين تقولون بس مااندمتو عليها ,,
بس شي لحريمكم وعيالكم تتحسفون عليه وماتطلعونه الا بالموت ,,,
مايحس بالنعمة الا فاقدها يابخلاء ,,

[ابوشقران]

صدق لسانك تعبانا من المصريف

[مساكن برزه]

الله يالدنيا حريم اول تضني بالمحصد وعقبه الصبح تروس...وهالتاليات اربعين يوم والله يعين مخباتك من كثر الطلبات ...مانقول الا الله يعييننا على هالتاليات؟؟؟

[روعة الكون]

هههههههههههههههههههههههههههههههههههه
يآشيخ استغفر ربك به نآس يتمنون حمل لو يصرفون
عليهم ماوراهم ودونهم
الحين المره ان ماحملة عجّيتو به قلتو نبي عيآل
وأن حملت قلتو مصآريف !!
وش تسوي هي المسكينه
كل هاللي قلتهن لازمات !

[انجل]

ياالله الحين انت تتذمر من عطائك لزوجك وابنك ..
ولو فرضنا انه مو بخل في هذا الزمن قل الكرم فيه واقصد قليل جدا تعزم في بيتك وكذالك غيرك وتلاقي المجلس يهفهف من الغباااار واذا دخل احد بيتك مرار طريق يعني مافيه اي صغط او اسراف اذا طلبت منك وهذا راجع بالغالب لاهلك وتقاليدهم وصعبه تصير اقل منهم عشان خاطرك حس فيها شوي..
وانا معك انه عيب وكبيره بحقه انك تغير اي تاثيث ببيت اهله لانك منت ملزوم بذالك ..

واخيرا ان اقولك ان البخل راسخ ببعض الرجال ان اهلي في نفاس دفعوا الغالي والنفيس من اجل ما تكون اقل من حمولته الحمدا<<قاهرينن شابين تسبدي
لان زوجه رفض ان يدفع اي شيء وياقلب لاتحزن على بخل حكماء هذا الزمن,,

[الـــفـــ@ــــد]

ههههههههههههههههههههههههههههههههه عجبني من السالفه كلها ليتك تولد وتجرب الالم
وانا اقول لا يولد ما يقدر والولادة مو للرجال
لكن ليته يجرب الامساك ثلاث ايام فقط ههههههههههههههههههههه
عذرا للجميع اعزكم الله

[امنيتي حفظ القرآن]

انت ياللي تقول اجدعه عند اهله ورا ماجدعته عند اهله يوم هي تكرفلك انت وخشتك

ورا ماجدعته يوم هي مشبعتك جنسيا

ورا ماجدعته يوم هي تمسح لك نعالك وبعدين اهله ماكلفوا به اللي في بطنه منك انت مهوب من اهله

هي يوم هي عند اهله ماحملت ماحملت الا يوم قابلت كشرتك

[فجــر]

في الختام اشكر كل انثى استفادت من هالكلام ولو لم تعقب او ترد .. ولم تكابر و تعاند و تبرر مثل بعضهن هداهن الله .


ههههه يعني ياحريم اقرن واسكتن لا هنتن :)

طيب .. وش يسوون الرجال لصار الواحد مزكم وتعبآن شوي!!

؟!

ينقلب البيت وونين وحالة!

وبعدين اللي يعطي زوجته مايشوف من منظارك المادي البحت - الشحيح -

بالعكس يوفر له كل ماتبي فيه من طيب نفس وسماحة خاطر..يعني حالتك لا تعممها

<<ردي سريع سريع لان موضوعك الله بالخير :)

[فجــر]

الله يالدنيا حريم اول تضني بالمحصد وعقبه الصبح تروس...وهالتاليات اربعين يوم والله يعين مخباتك من كثر الطلبات ...مانقول الا الله يعييننا على هالتاليات؟؟؟

لو انك من الأولين وجودهم وكرمهم ,, صارت لك من الاولين:b3:

[الـــفـــ@ــــد]

لو انك من الأولين وجودهم وكرمهم ,, صارت لك من الاولين:b3:

صح لسانك فجر
تحياتي

[احساس رايق]

[QUOTE=أشعة في بلقع;2023512][align=right]


انا لم اقل ان الولادة ليس فيها الم علشان مايجي احد ويقول ليتك تجرب الضنايه



هل تدليل الزوجه يترتب عليه كل هالمصروفات اللي بس عشان (حنا مثل غيرنا)


هل عدم تغيير بلاط البيت او الفرشه والسجاد والموكيت يعتبر بخل ؟!
هل عدم شرا حلا ماله داعي بخل ؟! اليس حريمنا يقولون انهن احسن من الاجنبيات
هل الاجنبيات يطلبن كل هالمصاريف؟
[SIZE="4"]ايه يعتبر بخل اذا كان ربي فاتح عليه وموراضي
يطلبن وبزياااااااده خاصه لما ياخذن دلوخه والطلب موفر لها بدون اي رفض او اعتراض
اعرف واحد تزوج شاااااااميه تدري كم مهرها 90 الف ريال لو كانت على بنت بلده قاااااااااال ااااااااه غلاء مهور والحين تشري لعيالها ولها ماركات وضرب في السعر وعسل على كبده لو كانت بنت بلده ااااااااه لم تراعي مصروفي

واحد مريض بالمستشفى عدة اشهر على السرير يقول انه شاف وحده من الممرضات حامل .. يقول : انها اضنت وبعد يومين جت تداوم ... يعني ثلاثة ايام فقط غياب ... اما حريمنا : اربعين يوم وتزيد احيانا .. و آآآآآآهـ تعباااااانه ... ليتكم تجربون يالرجال كان عذرتونا ... يعني وشلون ؟!... ( ضناية الحريم المصريات مو مثل ضناية حريمنا .... هذولاك بدون الم و حنا الم شديد )
ايه والله ليتكم تجربون لو يجيك وجع براسك وتقومك مرتك للداوم اااااااااه راسي يوجعن مانيب رايح >>من طالعين عليه احنا
طيب هذا دكتورنا المصري يجي يلقي محاضره وراسه مصدع يطلب منا الهدوء ويشرح (وجع الرجال المصريين مو مثل وجع رجاااااااالنا نفس الوجع لكن مدلعيييييييين)
الله لايحجينا ماحاجاها هالممرضه جايه بالغصب تخاف يخصم من راتبها
الحمد لله على العقل

لكن فعلا .... النتيجة من هالكلام انه ما فيه الم ... كل القضية دلع و دلال مايع
في كلامك هذا تخالف قول الله تعالى في سورة مريم
فَأَجَاءهَا الْمَخَاضُ إِلَى جِذْعِ النَّخْلَةِ قَالَتْ يَا لَيْتَنِي مِتُّ قَبْلَ هَذَا وَكُنتُ نَسْياً مَّنسِيّاً {23} ...



مو بس الرجل اللي يطلب ولد وبعدين ما يراعي ... حتى الحريم يطلبن الولد ... واعرف قصص ... حريم طلبوا الطلاق لأن الزوج عقيم .. يعني النتيجه تعادل

الله يصلح الاحوال ويعين على بعض الحريم
امين ويعين على بعض الرجال
في الختام اشكر كل انثى استفادت من هالكلام ولو لم تعقب او ترد .. ولم تكابر و تعاند و تبرر مثل بعضهن هداهن الله .
[COLOR="RoyalBlue"]اذا اخبرناك بالحقيقه فنحن نكابر ونعاند عجبا اشكرك

[الطموح المؤود]

هل عدم شرا حلا ماله داعي بخل ؟! اليس حريمنا يقولون انهن احسن من الاجنبيات
هل الاجنبيات يطلبن كل هالمصاريف؟






الشيء اللي ماتدري عنه ان الاجنبيات مايطلبن المصاريف لانهن يطلبن اضعافهن بس لديرتهن يستثمرونهن