عرسان آخر زمن [الأرشيف]

مشاهدة النسخة كاملة : عرسان آخر زمن

ملاكه انا

08-10-08, 07:13 am

من دون مقدمات كالعادة:cool:

ملاحظه ان شروط الزواج تغيرت عن قبل...
انتم يالعرسان صايرين تتشرطون وتحطون مواصفات تعجيزية مدري هو زايد زينكم ولا وش الموضوع؟؟؟

الحكايه ومافيها انه وبحكم ملاحظتي الشديدة جدا والربط بين بعض الامور ونتيجة للبحث عن عروسة لاخوي من فترة طويلة وكاننا نبحث عن ابرة في كوم من القش اكتشفنا ان المشكلة مو في البنات ...
المشكله في اخوي والكثير من الشباب( البعض منهم) لايجيني واحد مطفي ويقول لاتعممين:a16[1]:

اكتشفنا ان الشروط صايره تعجيزيه جدا وشبه مستحيله....
يعني اول الشاب كان يقول ابي وحدة تكون مؤدبه ومحترمه وزينه واهم شي دينها وعائلتها
بعد فترة صرنا نسمع الشاب يقول ابي تكون مؤدبة ومحترمه وجميلة جدا وموظفه وركزوا زين على كلمة موظفه:20[2]:

الحين صايره اسمع ان الشاب يبي وحدة ووجها مثل وجه هيفاء وهبي وجسمها مثل جسم اليسا واناقتها مثل اناقة امل العوضي وصوتها نااااااااعم ويبيها تكون ستايل وتفهم بكل شي وتكون راعية بيت وطبخ وماتحب الاسواق والفرفره فيها وموظفه :11[1]:

وش ذا ؟؟
ليه ماعاد فيه قناعه زي قبل؟؟؟؟
من الشاب او البنت...
كل واحد يبي شريك حياته مفصل على ذوقه !!! وكأنه فستان !!!
تركوا الاشياء المهمه وركزوا على توافه ماتقدم ولاتأخر في الحياة الزوجية
هل هو تاثير الانفتاح الاعلامي الي احنا فيه ولا فيه اسباب اخرى؟؟؟

Queen of buraydh

08-10-08, 09:55 am

مرحبا عزيزتي ملاكه انتي

اعتقد ان البعض منهم يظن ان الحياة الزوجية وسعادتها تكمن في الشكل الخارجي او المظهر فقط
ويعتقد انّه هو ملاك مطهّر ومن حقّة ان تصنع له حورية !!

خصوصاً اذا دقّت ام الخاطب وبكل بجاحه قالت ولدي يبغاها ممتلئه لا سمينه ولا نحيفه ويبغاها طويله ويبغاها ...و .. و .. الخ ... حشا والله خوش معرس !! اللي هذي اولها وش تاليتها ! اشياء لا تعقل! اغدينا نفصّل لكم عرايس على مزاجكم احسن ؟

ليلى..

08-10-08, 10:01 am

اعلمي ان من يتشرط هو من يرزق بزوجة لاتحمل المواصفات التي يريدها
ومن يكون قنوعاً رزقه الله على نيته الصافيه

عنزيةمنكسةالطاقية

08-10-08, 10:03 am

يعطيتس العافيه اوخيتي على الطرح

عبدالملكـ

08-10-08, 10:11 am

لو العرس رخيص مثل أول ما تشرطوا الشباب ..

لكن اللحين يجيب ما وراه ودونه ... علشان يخطب البنت المحترمة ..

وما تبونه يتشرط ...:)

طائر الأشجان

08-10-08, 06:24 pm

السلام عليكم
بصراحه على قد المهر ..الواحد يمد شروطه
مثلها مثل السياره كل ما تدفع أكثر تحصل على مزايا أكثر....
وهنا تحتلف الشروط من عروسه مكيفه .وفل كامل ..حسب الشروط ...وعروسه عاديه..وكله حسب المهر
لو مهرها عشرين ألف ..فلا نريدها إلا صاحبة خلق ..والطمع ماهو زين بهذه الحاله
ولو المهر فوق الاربعين ..فلازم تصير صاحبة خلق ولا نشترط أن يكون فيها أربعين صفه مزيونه..يكفي لو حصلنا على النصف
ولو المهر فوق السبعين ..فلازم تصير مزيونه وخلوقه وموظفه ووالدها لا يقل منصبه عن مدير مالي
ولو المهر مائه ألف ..بصراحه لازم طولها يصير بالسنتميتر ..والعرض يحسب بالمليمتر ..والشعر لا يقل طوله عن متر ونصف. والعيون لازم لونها عسلي وفيه بني شفاف..وبياض العين يكون منسق شوي..والأسنان تصير مرصوصه مثل الحرس الجمهوري أثناء تأدية السلام الوطني
والوزن ما يزيد وزنها عن 47 كيلو ولو زاد نصف كيلو ينخصم من المهر.

أما لو زاد المهر فوق المائه ..فمن حقه يتشرط أن تكون كل عين لون
والأنوثه فيها تفوح الى أبعد من سته كيلو

هذه وجهة نظري وسلامتكم
.

العريف

08-10-08, 10:31 pm

والله شئ يدعو للضحكـ

الشباب يتشرطون .. والبنات تتشرط .. وأهل البنت يتشرطون مواصفات خاصة بالمعرس .. وأهل المعرس يتشرطون مواصفات خاصة بالعروس .. وكلنّ شاقي ..

وخير مالهم ( النصيب ) .. ياما شباب تشرطوا .. وتعبوا وخير مالهم طاحوا على روسهم ..:(

وياما بنات ردّوا خطّاب وتشرطوا مواصفات خاصة وخير مالهن طاحن بأردى الناس :(

بنت الفلان مكتوبة لكـ طرت وإلا وقّعت .. وولد الفلان هو زوجكـ طرتي وإلا وقعتي ..

يعني إعقلها وتوكّل .. وماراح تاخذ غير نصيبك ..

إدع الله بالبركة والتوفيق والصلاح للشريكـ أيـّـاً كان .. والله أبركـ لك وأهدى لبالك

سلام

خالد التويجري

08-10-08, 11:04 pm

هل هو تاثير الانفتاح الاعلامي الي احنا فيه ولا فيه اسباب اخرى؟؟؟
بكل تأكيد له دور كبير جداً على تلك العقليات ., لأنه

سبقه أبتعاد عن منهج الإسلام في البحث عن زوجه .., ؟!!!
( فأظفر بذات الدين تربت يداك )

تحياتي .,’

كيفي عتيبي

09-10-08, 12:16 am

التماس من مشاركة العريف

بنت الفلان مكتوبة لكـ طرت وإلا وقّعت

تصدق ان اهلي ( يحدحدوني ) على وحده ..
خابرها من يومها صغيره .. عفشه

عاد يقولون تغيرت يوم كبرت .. وانا شايلها من بالي نهائي !!

والحين انا ( عنست ) .. والشيب بدأ يسرقني شبابي !!
ولا موجود في الصوره الا هالمنحوسه .. حتى ماخطبها احد ..
تقول ( تنتظرني )

يدغدغني احساس ( مرعب ) اني مانيب ماخذ الا هي !!

نرجع للموضوع
ونلتمس من ملاكه انا

الحين صايره اسمع ان الشاب يبي وحدة ووجها مثل وجه هيفاء وهبي وجسمها مثل جسم اليسا واناقتها مثل اناقة امل العوضي وصوتها نااااااااعم ويبيها تكون ستايل وتفهم بكل شي وتكون راعية بيت وطبخ وماتحب الاسواق والفرفره فيها وموظفه

مابي اناقه ولا لباقه

ابي وحده مثل سعاد حسني !!
هاتي مثلها .. ولك دعوه .. واكرميه !!

مياسة

09-10-08, 02:35 am

88888
لو اني رجل .. قلت زيك.. يا زينها ودلعها وهـ بس ,, http://aljsad.net/images/smilies/ehzoja.gif

يا عزيزتي ملاكة.. خلي الرياجيل تتشرط ع كيف كيفها.. هم حيلائو كل حاقة تمام بالتمام؟
بعدين والله معاهم حق.. إما تجي بنتٍ تقول للقمر قم .:. وإلا بلاش من الهوى والعذارى

عموماً : مثل ما أنا اتشرط بزوج المستقبل.. يعني معقولة اتزوج واحد مو حلو؟http://aljsad.net/images/smilies/A.gif.. او اسمر داكن؟.. او شواربه كثيفة وطوااال؟ او عيونه صغاااار؟؟ او غشيم؟ او خكري؟ او شعره خشن؟.. او تفكيره سطحي؟ أو لسانه مو نظيف؟ أو ثقيل دم؟ أو كثير الهرج؟ أو شخصيته تبعية..؟ أو فقير؟.. او عربجي؟ أو مو انيق؟.. او مو رومنسي؟او مو مثقف؟ أو مو طيب الرائحة؟.. و و و وعدي واغلطي http://aljsad.net/images/smilies/smiley_hitler.gif

يعني أنا مجنونة ما اوافق على واحد يشبه براد بت أو سعود الدوسري؟ http://aljsad.net/images/smilies/girl_impossible.gif
أو ابوشهاااااااب .. عشان اخاف منه http://www.hyatuha.com/vb/images/smilies/smilies/409.gif,الله وش حلاة الحب مع الخوف->> لبنة مع زعتر

العريف

09-10-08, 07:29 am

مياسة ..

وياما بنات ردّوا خطّاب وتشرطوا مواصفات خاصة وخير مالهن طاحن بأردى الناس

ولد الفلان هو زوجكـ طرتي وإلا وقعتي ..

هالسطرين أعلاه .. شكلك ماشفتيهم .. :) أو كعآدة بنت حواء تشطح في أحلامها عالياً .. :)

أجل براد بنت .. لا مهند أقرب ..

طيب أنتي لميس ؟

بعدين وش جاب براد بت لسعود الدوسري ؟؟

قبل العاير : بصراحة إستغربت هالمشاركة من مياسة ..

مياسة

09-10-08, 07:58 am

مياسة ..
هالسطرين أعلاه .. شكلك ماشفتيهم .. :) أو كعآدة بنت حواء تشطح في أحلامها عالياً .. :)
أجل براد بنت .. لا مهند أقرب ..
طيب أنتي لميس ؟
بعدين وش جاب براد بت لسعود الدوسري ؟؟
قبل العاير : بصراحة إستغربت هالمشاركة من مياسة ..

*يعني بس لميس تتمنى...؟ واحنا ما لنا رب ..؟
معقولة صرتوا عميان...؟ وانحصر الجمال بس على لميس ...؟
اجل وين راحت مرح جبر؟ و سوشميتا؟ .. و و

يا أخي راح نتمنى ونتشرط:a4: .. انت بس تخيل انك جالس في ستاربكس.. حط رجل ع رجل وتشهوى.. وبيجيك الطلب حالاً.. بن توفي أوموكا ,,, انت مو عارف ان الزواج اسهل ما خلق ربي..؟:confused:

اللي يجمع بين براد بيت وسعود الدوسري الجمال... والسحر الحلال
يوم ذوقي اوربي, ويوم خليجي, عاد وش اسوي بذوقي.. كذا خلقني ربي, ما اخترته انا؟

بعد العاير: اخي العريف تمنيت تستنبط رأيي الحقيقي من خلال ردي الساخر...!بناء على نظرتك لشخصيتي حتى لا تستغرب ذلك مني,,
وشكراً ..

*يتيمة*

09-10-08, 03:09 pm

ابي واحد يشبة ملحم زين ولا وائل كفورى
كيفى بتمنى انتم شعليكم
حتى الامانى حرام

استغفر الله

الــمــقــلــع

09-10-08, 03:34 pm

بس لو الخط اكبر من كذا شوي <<< انواع البراءه

معقوله شروط كذا لالا ما الظاهر اكيد به مبالغه شوي

طائر الأشجان

09-10-08, 08:40 pm

عادي جداً ..كل واحد من حقه يحلم
البنت من حقها أن تحلم بواحد شبه سيد زيان أو محمود المليجي أو غيره
والراجل من حقه يحلم بواحده غماره أو غمارتين ...أصلا كلها في الهواء سوى ..مجرد أضغاث أحلام
وحين يأتي الواقع تأتي الرياح بما لا تشتهي السفن..

العريف

09-10-08, 11:59 pm

الاخت مياسة

عندما سألتكـ هل أنتي لميس فلايعني ذلكـ أنني مقتنع شخصيا بجمال لميس ..

لكنه مجرد مثال فقد نالت بحسنها إعجاب الكثيرين من الشباب ولست منهم ..

الذي أقصده أن أحلامكـ يجب أن تكون على قدكـ :)

فأنا شخصيا لا أحلم بزوجة تحمل من الجمال كما تحمله نسرين طافش أو نرمين الفقي فأنا لست براد بت ولا مهند :)

لذلكـ أحلم بزوجة سعودية من بناتنا مستورة .. مقبولة الشكل .. بنت أجواد .. لا أكثــــر

أمونة

10-10-08, 03:18 am

سبحان الله نرى من الزواج دنيا العجائب والله ثم والله إني أعرف عائلة ماشاء الله لهم أربعة أبناء وكل ماجاء واحد يعرس حفروا يحووووووووووول الأرض يدورون له وبالأخير ياخذون بنات علينا وعليهن ستر الله عاديااااااااااااااااااااااات جدااااااااااااااااااااااااا ويطيرون بهن فوق السماء مير آخر واحد ماتوا وهم ينبشون يدورون له وياخذ وحدة هي أنزل حريم أخوانه بالجمال ومن بكرا طايرن به لماليزياوهذا حال الزواج سبحان الله.....

ذيبه وراسك اجيبه

10-10-08, 03:46 am

حدكم تكرونية من الدعيسة والا لخبوب
ياعيال بريدة اجل يتشرطوووووووون

وة ورين بس بريداوي مزيون *_*

اتحداتس؟؟ّّ!!

جبل عمر

10-10-08, 04:13 am

رايق

10-10-08, 04:40 am

أختي ملاكه أنا ...

تأكدي أن كل من يكثر من الشروط التي يريدها أو تريدها في شريك المستقبل أنه سيتزوج بشريك عادي جدا ليس فيه شرط واحد من شروطة !!

وهذه مشاهدة ومعروفة !!!

أما من يشترط في شريكة المستقبل أن تكون موظفة ويكون هذا هدفه الرئيسي فاسمحيلي أن أقول أن هذا الشخص وضع في مخيلته زوجة تكون مجرد صرافة في حياتة تكفيه من مصروفاتها أو مصروفات أبنائها مستقبلا فهذا سيكون الفشل حليف زواجه وإن استمر هذا الزواج فهو سيستمر بلاروح وبلا حب أو مودة أو تفاهم والضحية هنا بلاشك هي هذه الزوجة !!!

شكرا ملاكه انا

روان العلي

10-10-08, 05:19 am

وصوتها نااااااااعم

مثل صوت حليمه بولند خخخخخخ

عاد اهم شي الاخلاق بلا شكل بلا جمال

برق الوسم

10-10-08, 05:27 am

شكرا اختي على الموضوع

ارجوا عدم التجاذب وتبادل الاتهامات بين الشباب والبنات

فهناك من الرجال والنساء من يبحث عن الجمال ومشاركته صعوبات الحياة

تعد نسبة الزواج المبكر في هذا العصر قليلة جداً مقارنة

بالأجيال الماضية وأيام أمهاتنا واجدادتنا اللاتي تزوجن في سن

مبكرة، فمنهن من تزوجت وهي لم تبلغ سن الثالثة عشرة،

ومنهن من أنجبت وهي لم تكمل السابعة عشرة، فما هي

أسباب هذا التغير؟

نجد الآن الفتاة تصل إلى سن الثلاثين وهي

ماتزال تبحث عن الشخص المناسب لها، فهل الأسباب تعود الى

الأوضاع الاقتصادية ؟؟

أم بسبب عزوف الشباب عن الزواج وذلك هروباً من المسؤولية،

بسبب كثرة وسائل الترفيه التي شغلتهم وأصبحت بالنسبة إليهم روتيناً يومياً تعودوا عليه، ولم نعد نرى كما كان في السابق جيلاً طموحاً

مسؤولاً وبإمكانه تولي بيت وأسرة كاملة.

الشاب اليوم يصل إلى سن الثلاثين وهو غير مسئول وغير قادر على

بناء أسرة وعائلة، وأنا لست مع من قال: إن البطالة هي أحد أسباب

عزوف الشباب عن الزواج لأن الأعمال موجودة وبكثرة ولكن أين الطموح

والمثابرة والبحث؟

للأسف الشديد زادت حالات الطلاق والمشاكل الزوجية المنتشرة.

فقديماً كانت الحياة بسيطة وسهلة وكانت الفتاة تتزوج وهي صغيرة ولا

تخشى شيئاً، فالمسؤولية كلها تكون على الزوج الذي يكون مسؤولاً

ويعتمد عليه، أما الآن اختلف الزمن وأصبحت الظروف أصعب، فعلى الفتاة

أن تكوّن نفسها وأن تكون مسئولة عن ذاتها وأن تشارك الزوج في كل

شيء.

فكلّما مر الزمن نجد أن الأوضاع تتغير.

تقبلي مروري

بـــــــــــــــــــــــــرق الوســــــــــم

أنـفأإأس أإأللـيل

10-10-08, 05:52 am

ملاكه أنا والله انك جبتيها ..
تذكرت اخوي وشروطه ابيها طويله وابي شعرها طويل وابي عيونها واسعه .. وابي ..وتطول القائمه..فشلنا الله يهديه
والحمد لله رزقه الله ببنت حلال من ديره ثانيه مو من بريده .. ماكنا متوقعين بيأخذ من برى بريده .. لكن هذا النصيب ..
كل انسان نصيبه مكتوب له وهو ببطن أمه .. لكن مين يفهم ومين يستوعب !!!!..
الواحد لاطرى علباله الزواج كتبلك منيو بالشروط ..وهو بالاخير طار والا وقّع بيأخذ اللي كاتب الله من نصيبه ..
تذكرت واحد نعرفه من شروطه ابيها بيضاء مثل سيارتي هه < من المبالغه وطويله ورشيقه والخ ..
ورب البيت تزوج وحده عكس الشروط ..يستاهل هذا اللي يتشرط :p

مياسة

10-10-08, 07:01 am

يا شيخي الكريم جبل الخير.. ومن قالك ان الطلبات قضت ..؟؟؟؟,,, تراني ماجبت طاري الخشم كيف ابيه؟.. ولا شكل الاسنان؟؟.. ولاطبقة صوته,, ولارسم الحواجب؟,, ولا حتى جبت طاري نوع وموديل ولون سيارته<<--مانرضى بأي تصريفه!
حتى العمل تراني ما قلت شي عنه... أو (بسم الله عليّ) تبيني اقبل بواحد مدرس:eek:,؟
لا يا اخويhttp://www.s77.com/3DSmile/39/Tai_003.gif (http://www.s77.com/index.php?t=smiles) هذا حلم بنت توها متغطية,,, ولسه ما بانت ملامح نضوج عقلها !!
الحين تطورنا.. واذا ماصار دكتور ماخذ الشهادة من مدغشقر:c9:.. مومشكلة نرضى بالماستر.. والعوض من الله :(

يا سيدي العريف ..
ليس من الضروري أن أكون جميلة حتى اشترط الجمال
وليس من الضروري ان أكون غنيّة حتى اشترط المال !
ولعلمك,, ما يتزوج الرجل الوسيم الأنيق إلا المرأة العادية جداً,, ذات الذوق الشبة قبيح!
وما يتزوج المرأة الجميلة إلا الرجل العادي جداً جداً ! ذو الذوق الشبة وع!
يعني المعادلة مو لازم تكون موزونة... وبالأخير لاتستغرب إذا طلعت مُمكنة الحل لامُستحيلة الحل ,,
إلا من رزقه ربي ,,

أما الكلام اللي يجمد على الشارب هو ما قاله مشكوراً الأخ الفاضل:

مجرد أضغاث أحلام
وحين يأتي الواقع تأتي الرياح بما لا تشتهي السفن..

و بعد صفصفة هالأماني... بعمري ما تمنيت شي واحد من اللي كتبته,,!
السبب في ذلك .. لأن بكل صراحة .. ما سمحت لي الفرصة ,, !!

*في الدنيا فرص لاتتكرر,, لذلك انصحكم لا تفوتوها,, تمنوا واطلبوا حسب اذواقكم.. وربي كريم جواد..عنده خير واجد ,,
مو تتزوجون وحدة مو على هواكم(الهوى من الله)...ثم تظلمونها بكرى وتقولون مو هاذي اللي نحلم فيها..!
حتى البنات.. لا تتزوجين واحد مو ع مزاجك.. ثم بعدين ما يملى عينك..! وتبدين تلفين وتدورين حول احلام فائتة!

ملاحظة: الهوى والمزاج لا ينحصر على الشكل الخارجي وفقط ..
بل الشكلين معاً ,, حتى الضروف تدخل ايضاً ,,

وبعد ما يحصل النصيب اياً كان .. قولوا :
رضيتُ بك يارب .. كيفما رزقتني ,,,

كيان طفله

10-10-08, 07:58 pm

والله صراحه مدري ليه كل هالشروط عند الشباب..

هم على غفله بجمال هذا..؟؟

http://www.geocities.com/sababa_k/imr.JPG

http://www.khellan.com/up/uploads/5fb936a7c4.jpg

عبدالملكـ

10-10-08, 09:50 pm

^
^
^
^

طيب وذا صار ... :for10:

يعني انتي ما شفتي لميس ولا حليمة ولا نانسي ولا هيفاء ولا دارين ولا ميس ولا ... الخ الخ ؟؟!! >> على الحال خلاص ما نسمح للبنات يتشرطن ..!!

كلن شروط على العين والرأس .. ولا نسمح لاحد يقول لا تتشرط ...

هذا عقد زواج ... وإذا ما اتفقوا على الشروط .. مهرك عندك وبنتنا ببيتنا :10_1_12v[

سلاميــ