فيه احـــد يصير اخوي أو اختي (فزعه)

[عبود زمان]

بســــم اللـــه الرحمــــن الرحيـــــــم

يالربع تعرفون انا السنين تركض وكل يوم ويطلع لنا جديد

وهالجديد بالنسبه لي أنا أو بالأصح على بيتي و أكيد فيه احد مثلي وأحد من زمان عارفه

فأنا قررت ادخل هالشي على البيت وعلى عيالي الصغار

ألا وهو

:11[1]:

يالله من خوفي

(((((((((( الكمبيـــــــوتر )))))))))))))

لا أحد يقولي قديم انت وتحطموني:36_1_4[1]

انا اقول بماذا تنصحوني ياأخوتي ياأهل ديرتي

أحطه بالبيت ولا اهوّن

[رحّــال]

الجواب يعتمد على أهل بيتك ...

يعني كم عمر أبناءك .... أو تبغاه لزوجتك ؟؟؟

فإذا كان لزوجتك فأنا اقول لك أحذر

بمعنى بعد العمر هذا لزوجتك أعتقد مارايح يفيدها بشي الضرر أكبر من النفع ..


أما إذا كان لأبناءك فأعتقد السن المناسب من بعد الأبتدائي فما فوق والأهم من ذلك المراقبة المستمرة لهم ...

وإذا أردت أن تشتري جهاز فأحرص على أنتقاء الشاشة المناسبة التي لا تضر العيون .. ( علشان ما تقعد تبلش بعيالك كل يوم قاص لهم نظارات )

تحياتي ,,,

[بهران]

حطه وتوكل على الله

مايصلح عيالك يناظرون شي عند الناس ولايطولونه ويصيرون يتمنونه والتمني مايصلح للطفل لانه يأثر به لاكبر

والكمبيوتر مافيه شي بالعكس يزيد من ذكاء اطفالك ويعلمهم كيف يلعبون العاب ذكيه تنمي مهاراتهم


انا طفلي الوحيد من يوم جابته امه وانا ماقصر عليه بشي الا اليوم هاذا لانه مايصلح اخليه يشوف عند الناس شي ويصير يتمنى انه عنده بالعكس اكون قبل الناس باهلشي

واحاول اغرق امنياته بكل شي يطلبه ويتمناه


لاتبخل على اولادك بشي مهما طلبوه من اشياء طبعا ايجابيه ومقبوله

لانه بالاخير لو انحرمو من ىهالشي تتصير عندهم مرحلة مراهقه متأخره ويخربون عليك


اشبع رغبتهم من هاللحين

اتمنى مأطلت عليك بالكلام


تحياتي لك وانا اخوك

[خالد التويجري]

وجهة نظري

( اليوم ) ..,
البيت الذي يخلو من كمبيوتر يحفّه ( التأخر ) وقد يدخله ( الجهل ) .,
تعليم الأبناء ( بنات وعيال ) على الحاسب اصبح اليوم من ضروريات الحياة



تحياتي .,’

[عبود زمان]

رحـــــــــــــــال
جزاك الله خير اخوي وماقصرت
عزالله انه يحتاجون متابعه بس
المتابعة كيف طريقتها
لأني صعب أخليهم مايجلسون عليه إلا لما أكون موجود

[عبود زمان]

بهـــــــــــــــران
جزاك الله خير وكلامك في محله
وياليت الكل يهتمون بهالشي مو بس في الكمبيوتر في كل شي مايضر فيهم
لاكن اللي اقلقني ما أراه في بعض المواقع هذا مايخوفني من الكمبيوتر
والأنترنت
فهمتني بهران
ومشكووووووووووور على المروووووور

[عبود زمان]

بريـــــــــــداوي 9
شكراً على المرووووووووووور الرائع

لاكن حبيبي والله اني ادري انه ضروري للأسره وللأبناء خاصة بنات وعيال
لاكن دائماً الكمبيوتر مقترن بالإنترنت
فمن هذا المنطلق تنطلق المخاوف عندي
وأنت عارف مايحصل في بعض المواقع
ومايتخلل البريد الإلكتروني من رسائل جذابه

ومشكووووووور

[engel]

حطه .. بلا وسوسه زايده .. مو خطأ أن وجدت عندهم فضوليه لرؤية مالايجب بل الخطأ أن تحرمهم اليوم لتندم غد ، وجههم وأخبرهم بطبيعة الجنس البشري لمشاهدة الممنوع واخبرهم أن الله يغضب وأنك ساخط كل السخط وتعرفون ماذا يعني سخط الأب على أولاده .. يعني اترك عندهم مبدأ مراقبة الذات ..

تصدق أنا أكثر الناس فضوليه أحب أشاهد وأتفرج على الممنوع مع علمي بضرره وحرمته .. ودائما لوحدي وعندي برامج اختراق البروكسي وابليس فوق راسي ، فقط فضوليه ، لكن الوالده حفظها الله قالت كلمة كالصاعقه ما أحللكم تدخلون مالا يفيد فكيف بما يغضب الله ..
وكل أخواتي من الصغيره اللي بابتدائي للكلية كل وحده على جهاز ..والحمد لله محافظات ع الصلاة وحفظ القرآن .. وصرن مثقفات

لكن لا تصير ثقيل دم وتقول لا تفعلوا أفعلوا أو تتلصص عليهم ، خليك صريح ، من البداية قل تراني راح ادخل ع المحفوظات كل فتره ، وعلى الخصائص واستعرض وش دخلتوا ,, ولو لم تفعل ..

ولا تسوي فاهم لابد تعرف طبيعة النفس عن البحث هن الغريب المثير ولو حرام فنبهم أننا كلنا هكذا ولكن نحمد الله الذي فضلنا على كثير من خلقه ونزه اخلاقنا

[عبود زمان]

مشكوووووووووووووووورين يالربع

[عبود زمان]

engel
شوف مسألة لا تصير موسوس هاذي كثر منها الا خلك موسوس بهاليومين ,الأمور كل ماله وتزيد تعقيد
فإذا تساهلت من الحين بعدين تزيد عندك نسبة التساهل والله يستر.

ولا من ناحية مبدأ الثقة والتحريص عليهم من مخافة الله وزعل الوالدين هذا لا كش انه اساسي في المعامله من جميع الأمور

وجزاك الله خير على المرور وعلى الأخوه منك يالغالي

[Є β т i š š ά м]

لا تنظر للموضوع بالجاانب السيئه اولاً فـ خذ الحسن من موضوعك ..
الكمبيوتر فوائدهـ كثير لزوجتك منها تعرف وتتثقف بمواضيع هادفه
امثال (مواضيع خاصه بالاسره والطفل مواضيع خاصه بها كـ آمراءهـ وغيرها من الامور المفيدهـ
للأطفال تنميه على الذكاء تتواجد اللعاب وطرق كثيرهـ في النت

اسمح لي وموافقه كلام بعض الردود الكمبيوتر مهم في عصرنا اذا لم تتدارك العصر بتطورهـ مع (الحفاظ على قيمنا الاسلاميه وتربيتنا الصحيحه) سنكون رجعيين ومتخلفين عن الزمن


حط الكمبيوتر بمكان منااسب في رقاابه منك ومن زوجتك على الاولاد
وانت تقدر تراجع المواقع المتصفحه

[(جوانا)]

الوقت هذا أعتقد إنه لازم يكون موجود بالبيت ويتعلمون عليه والسنين الجايه الدراسه تعتمد إعتماد كلي على الحاسب فلازم يكون عندهم خبره هذا أولا ..

ثانيا إذا صار مو موجود عندهم وكل ماراحوا مكان شافوا العالم تشتغل عليه راح يصير عندهم عقده من هالشي وبعدين ينفلتون وماعاد تقدر تتحكم فيهم ومقاهي الأنترنت متوفره بكل مكان يعني بروحون من وراك حتى و كانوا صغار الأفضل أنك تتفدى كل هالأشياء وتتوكل على الله وتدخله .. من الآن وتعلمهم الصح والغلط والحمد لله .. وأهتم فيهم وراقبهم من غير وسواس ترى الوسواس بيذبحك أنت .. صح أن الزمن هذا ينخاف منه لكن إذا نبهتهم على الصح والغلط والحلال والحرام راح يكون عندهم وازع ديني وأنت تتطمن ..

أضرب لك مثال (ولد أختي صغير عمره خمس سنوات وجالس هو وأمه وأبوه عند التلفزيون وهو يتابع مسلسل (كرتوني) ومن ضمن المقاطع فيه حريم يرقصن وعلى طول صد وقال لأبوه صد لا تناظر حرام وقال لأمه إذا خلصوا علمين ..) والله هذي اللي صار ..


وبالأخير أقول :

(( أزرع فيهم الدين وأرميهم ببحر الحياة ))

وجهة نظري وأتمنى تتقبلها ..

[همس الهمس]

حطه بس راقبهم وهم مايدرون لأن بالنت مجرمين يتربصون بالخلق

[ღوحيدة كالقمرღ]

إستخدم الشبكة الخضراء


آئمن لك ولنفسك ولأسرتك


والله الموفّق

[لِـيم’]

اولا اخوي حط لهم حاسب بس بدون نت يعني يتعلمون على الفوتوشوب والوورد وزي كذا

بعدين اذا كبروا شوي وتعلموا حط لهم نت او الشبكه الخضراء احسن شوي وعلى فكره فيه برنامج خاص بالاباء لمراقبة الابناء


وحط لهم ايميل بس بشرط انك تراقبهم وش يسجلون فيه او من يكلمون


بالاخير هذا رأيي

والله الموفق ,,,

[عبود زمان]

بنت حرب ,,, جوانا ,,,, همس الهمس ,,,, وحيده كالقمر ,,,, مسرعه بشويش ,,,,,

جزاكم الله خير والله ماقصرتو وريحتوني من تساءلات كثيره

لاكن بيض الله وجيهكم ياأخوان وأخوات

وشكراً على مروركم المميز والجميل.

[الفراشه النائمه]

نصيحه لله اياك ان تعطيه اولادك وتلهى عنهم لانك كانك تضع النار

في حجورهم والله وحده اشترت لولدها لاب توب وصار ولدها

يدخل مواقع شينه ودردشه وشات صوتي واشياء كثيره

والحين ندمانه وجت تبغى تبيعه وصار ولدها يهاوشها ويقول خلاص كبرت

وما لك دخل والحين كل ما شفتها تبكي تقول ضاع الولد

لكن اذا صرت معهم وتراقبهم وهم يخافون الله اعتقد انه عادي

اذا صرت واثق منهم اسفه للاطاله

تقبل مروري

[عبود زمان]

يالفراشه النائمة
جزاك الله خير على النصيحه والله يستر عليك وعلى كل مسلم

لا كن مثل ماقلتي الموضوع يحتاج متابعه جاده بدون مضايقه مني

وعدم الاّ مبالات في مثل هالمواضيع

وشكراً على المرووووووووووور الأكثر من رائع

[أمونة]

الحاسب في الوقت الحالي ضروري لكن لابد من المراقبة بالتوفيق....

[عبود زمان]

الحاسب في الوقت الحالي ضروري لكن لابد من المراقبة بالتوفيق....

أشكرك على المرور اختي

وفعلاً المراقبه والله يعين

[To Be]

هلا عيني والله

شف اتفق مع الجميع بما ذكروه

واضيف هنا في شريط الادوات

الاستفادة من ( المفضله )

وذلك باضافة المواقع المناسبة والتي تساعد على تنمية مهارات ابناءك !!

كل هذا تحت ( عين ) الرقابة

يتستطيع طفلي استخدام جهازي والدخول الي الموقع المحبوب لهم عن طريق المفضلة رغم عدم معرفتهم للقراءة !!

اسأل الله ان يحفظك واسرتك من كل شر

[عبود زمان]

هلا عيني والله

شف اتفق مع الجميع بما ذكروه

واضيف هنا في شريط الادوات

الاستفادة من ( المفضله )

وذلك باضافة المواقع المناسبة والتي تساعد على تنمية مهارات ابناءك !!

كل هذا تحت ( عين ) الرقابة

يتستطيع طفلي استخدام جهازي والدخول الي الموقع المحبوب لهم عن طريق المفضلة رغم عدم معرفتهم للقراءة !!

اسأل الله ان يحفظك واسرتك من كل شر

جزاك الله عني خير الجزاء

وكلامك سليم

وجاري إعتماد الموضوع بإذن الله تعالى

وأشكر الجميع من الاخوان والأخوات على نصايحهم مشكووووووووورين