من قال غلاء المهور غلطان

[المنسقه1]

مرحبا


المهور من 40 الى 60 واكثرها 50

وياالله تلحق البنت على اغراضها يمكن
تستغربون بس هاذي حقيقة مجتمعنا

تدرون ليش !!


الغلاء مو في المهور الغلاء في " القصور " قاعة حفل الزواج

مو لهاذي الدرجه المفروض يراعون ضروف بعض البنيات

مو كل بنت يقدر اهلها لانقص عنها شي يكمله في ناس
حالتهم وسط لاتقولون مد رجليك على قد الحافك
صح هذا المثل بس احيانا تضطر البنت تاخذ قصر غالي
يكون اهل الزوج يبون
او اقاربها كلهم ياخذون قصور غاليه
او
او
احتمالات كثيره
وصراحه فيه قصر عادي اجاره قريب للقصر الغالي ولاسألتهم قالوا خدمات

تكاليف القصر والعشى الحاله ياخذ اكثر من نصف المهر
ودايما يقولون غلاء المهور اذا راح اكثر من نص المهر
وش يبقى للعروسه !!

الله يكون بعون الي بيتزوجون بنات وشباب
الطرفين يتكلفون بس ربي بيعينهم انشالله

يمكن بالغت بس هذا رئيي الشخصي والي شفته من الواقع.

[راعي القصيم]

لماذا القصور والله الحمدلله فيه استراحات افضل من القصور والمشكله ان الشاب والبنية هم الضحية يكفي استراحة والزواج عائلي والله يوفق الجميع والي يقدر على القصور ياخذ قصر مد رجلك على قد لحافك
تحياتي

[عبود زمان]

شوفو أخواني واخواتي ممكن اكون سبقتكم انا من ناحية الزواج لا كن

انه بعض الناس يعلّق اعذاره بالناس هذا ترانا ملينا منه نعم .....وخروا عني تراني منقهر

الناس وش يقولون وماأدراك مايقولون ........ من هالكلام ماأطول عليكم

بس ياناس مدو رجليكم على قد لحافكم

ولا يهمكم احد إذا قالو اهل الرجل او اهل المره ترانا نبي قصر زين ولا غيره

قولولهم حنا ماعندنا إلا هذا تبون اهلاً وسهلاً ماتبون استاجرو انتم

المهر مايسمح اننا نستاجر اللي يصلح لكم

وبهالطريقه نكون مدينا رجلينا على قد لحافنا

والله يجزا عنا اللي طلّع المثل هذا كل خير

[مــآأإآأإعــآإد بدري]

حضرت قبل ايام زواج خارج المملكة وكان بسيط جدا مع ان الضيوف تقريبا مثل الضيوف اللي نشوفهم عندنا وكان الحفل رائع
وكان معي واحد من نفس البلد وسئلته كم يكلف الحفل هذا قال حوالي 6000 ريال سعودي
سبحان الله عندنا 20000 الف وحفل بس ودك يخلص على شان تمشي وهذا الحفل العادي ما ودك يخلص والمقصد واحد
تحياتي

[فديكا عنيزة]

زواج خارج المملكه ؟

الزواج فيه ...........؟

والا ماصارت 6000 ؟

[رحّــال]

مثل ما قالوا الشباب

يوجد هناك أستراحات سعرها معقول وتؤدي نفس الغرض ...

وبرضه يوجد عندنا قصور أفراح بسعر معقول ايضاً ...

أما من يتبع ويحاكي الناس فعليه أن يتحمل ذلك ,,,


تحياتي ,,,

[بهران]

تصدقون عاد

اعرف ناس متزوجين زواج عائلي

ولاتكلفو بالزواج ولا دفعو مهر كثير واسعد الناس هم



اما اللي يهايطون انواع الامراض النفسيه والاجتماعيه عندهم


مشكلتنا شي واحد (( التقليد)) هاذا غير انه مافيه بعد نظر


حلات الزواج انك تتزوج زواج امم من قبلنا ... والمقصود من الامم (( اجدادنا ))

[خالد التويجري]

أعتقد في مثل هذه الحالات
يكون السبب ( التباهي ) و ( المجاكر ) ..,<<< يعني التقليد الأعمى وترديد " انا وش ناقصني "
وبهالحاله الملامه تكون على نفس ( المتضرر ) <<< إن صح التعبير .,؟!



تحياتي .,’

[جمان البحر]

أفضل شيء هو الزواج العائلي لأن التكاليف تكون قليلة ..والناس مستحيل تتكلم وتسب ..

بينما اذا الشخص وضع زواج وتكلف فيه تكاليف كبيرة وتعب على الزواج تعب مو طبيعي ..

ستأتي مجموعة من النسوة وتقول:

استأجروا القاعة الفلانية ولا استأجروا الثانية وهي أفضل ..

حلاهم والشوكولاته حقتهم من المحل الفلاني مب زين مااشتروا من الفخم ..

كوشتهم وزفتهم أبد مب حلوة ..

بوفيههم كرم الله النعمة بارد و ماينوكل ..

حتى العروسة ماتسلم من الانتقاد بلبسه ومكياجه ..

و.........الخ من كلام الحريم ..

لذلك الانسان يشتري راحة نفسه ويضع زواج عائلي ..

[المنسقه1]

مشكورين جميعكم لطرح ارائكم بس حبيت اعلق على انه البنت تاخذ استراحه هي عاديه بس
بتقول ليش استراحه مو قصر انا بنت مو كبيره واول فرحتي وكثير الي كذا
وبالنسبه للزواج العائلي حلو بس القرايب البعاد بيقولن عزمناهم لزواج بنتنا وشوفوا ماارسلوا ولا
لمنا الكبيره على الاقل تقدير لنا وهلم جرا
يمكن الحل في قصر عادي بس حتى البنت الي مايهمها المظاهر تجبرها ظروف تخليها تاخذ قصر زين
وان قلنا لأهل الرجل خوذوا أنتم بياخذون على خواطرهم حتى لو أخذوا القصر
مثلا بعائلتنا كل بناتنا ياخذون قصور غاليه وأنسابنا بعد فماتقدر وحده منا تاخذ قصر عادي وكل
الي حولها متعودين على قصور زينه ارجوكم لاتحسبون انها تبي قصر زين وبتكشخ ابداّ
مايهما بس ضروف المجتمع الي عايشه فيه تجبرها المهم التوفيق التووفيق التوفيق.

[الاقتصادية]

اختي المنسقه1
كلام الناس لاينتهي سواء كان في قصر او زواج عائلي

من وجهة نظري الزوج الي يكون فيه بس رجال افضل بكثير من الزوج الي يوجد فيه نساء
لان بصراحة كل وحدة عشان تحظر الزوج من اقارب العريس والعروسة راح تتكلف 1500ريال في المتوسط

ومع كذا اتحدا جميع الناس لو احظرو افخم زوج في العالم ما يطلعون فيه عيوب (( خصوصاً النساء))

اختي انا فتاة مثلك لكن رضاء الناس غاية لاتدرك,,

[*يتيمة*]

الله يوفقك يارب
والباقى يهون

[مــآأإآأإعــآإد بدري]

زواج خارج المملكه ؟

الزواج فيه ...........؟

والا ماصارت 6000 ؟

ما فهمت وضحي اكثر

[المحكمة]

أنا أعتقد أنا الزواج بالإستراحة افضل بكثير وإذا حبيت ان تتحكم بالزواج على كيفك طلع الحريم من الموضوع وكل شيئ يتسهل لان الرجال اكثر حكمة وروية
ويتصرف على حسب الواقع أما أخواتنا النساء يتصرفن على حسب مايدور في مجتمعهن من موديلات وصيحات وصرعات حدث ولا حرج وبهذا ينفتح باب الطلبات والتكاليف الزائدة التى تثقل كتفي الطرفين وبعدها ينطبق عليهم المثل
{إنتهت السكرة وجت الفكرة} يعني بالعربي ليلة واحدة قد يعيش الزوج والزوجة بعدها سنوات من الأزمات المالية نتيجة الديون وهذا سيئ معروف نادراً مايخلو زواج من دين يرهق ميزانية الزوج وكذلك الزوجة رايح تدخل نفس الدوامة لأنها مع زوجها على الحلوة والمرة وهذي الأخيرة كثر منها

[المنسقه1]

الله يعطيكم الف عافيه ارائكم حلوه بس من رايي اقتصد ولا اني اخلي الزواج بس رجال
لأن البنت ودها تفرح مع قريباتها وصديقاتها وتشوفهم حولها لكن زي ماقلتواارضاء الناس غايه لاتدرك
وادام البنت لقت ولد الحلال والولد كذلك وش بقى اهم من هالشي كل باقي الامور بتساهيل رب العالمين وصدق اهم شي التوفيق واهم شي الحياة بعد الزواج فعلا مشكورين جدا .
ولكن الى الأن انا مصره على انه المفروض القصور ماتكون غاليه كل هالغلا استغلال هذا
بس الله يهدي التجار اصحاب القصور.والمسلمين.

[قارب من ورق]

المشكلة ليست بالمهر سواءً كان 40 او مليون المشكله كيف يتم الصرف على الزوجه والأولاد والبيت المشكله بالدخل اخي او اختي صاحب الموضوع.

[عازفة ألحان الليل]

انا عن نفسي احب البساطة والهدووء

ولن يكون في قصر ولا استراحة في منزلنا الحبيب والجميل ..إن شاءالله

[حزام الأمان]

مرحبا اختي المنسقه ...

اختي مدري وش المشكلة اذا البنت ماحطت زواج كبير!!!
أنا أشوف المسأله عادي جدا يعني شوفي مو مساله مقتدره البنت والا لا وأكيد الأهل هم الي
بيستاجرون القصر اهذا اذا مازادوا على المهر حبتين بس انا اشوف اني استفيد انا من فلوس القاعة افضل يعني اسافر بها والا اذا تزوجت استفدنا منها ومثلك عارف امور الشباب هذي الايام مو مثل قبل
وبعدين حرام 60 الف على قاعه واذا مو ستين ارخص شي عندنا الشيرتون قاعه بن تركي !! هذا غير حفل الرجال !!!!!!!
البهرجه الزايدة مالها داعي والتوفيق هو المهم وبعد الزواج اذا شفت ان اموري زيينه سوينا احتفال بسيط
للعائلتين وصلى الله وبارك والناس في النهاية ماتنفع .....

تقبلي وجهة نظري ...............حزام الأمــــــــــــــان

[فتاة 27]

رجال باستراحه وعلى الساعه عشر متعشين ومتفرقين وصلى الله وبارك

قبل يومين زواج بنت عمي برياض والله العالم كلف عليهم 200 الف وبعدين طلعو الناس من عند باب القاعه ونسو كل شي ما كانهم تكلفوو وحطو وكل اللي حاضرين مجامله لهم ولا الناس منتالي ما يحبون الزوجات الرسميه ..

[المنسقه1]

مشكور قارب من ورق
مشكوره الفنانه والمبدعه وحزام الأمان وفتاة على مشاركتكم
.الله يعطيكم الف عافيه على تفاعلكم .

[MATR909]

يكون السبب ( التباهي ) و ( المجاكر )