المشاعر الشقية

[مشكلجية]

[بسم الله الرحمن الرحيم
هزني الشوق وعذبتني المشاعر لك يا ميه ........يوم تذكرت جلستنا بظل البيت وبذيك الزاويه كان عندنا زير ميه .......وتذكرت يوم العيد أخذنا مع بعضنا صوره تذكاريه ....وكيف ما أبكي ..وكيف ..؟؟؟ وكيف ما أتحسر وبابنا مسكر ومهجور وعليه غبار ترابيه...!!.. وكيف .. ؟؟ وكيف ؟؟.. أنسى أمور بحياتي أصبحت شقيه ...وش أتذكر .. وش ما أتذكر ..كانت أيامنا حلوه وهنيه ...آآآآآه ... آآآآه .على ذيك الأيام يا ميه......عقبك تفرقنا وصرنا نلتقي بمناسبات رسميه ... نلتقي أغراب ونفترق أغراب ..والخي ما يحدث خيه ....!!! تعالي ... تعالي .. تعالي ..إجلسي بجنبي هنا ياميه ... وتعالي أحدثك وش جرى ليه ....تعالي ..تعالي ..إمسكي يدي وعطيني من حنانك شويه ... وامسحي دموع القهر واشعريني بالعطف والحنيه ... وانثري .. وانثري .. شعري وانفليه ونسيني هموم ٍ أثرت عليه ..... واتركيني بين أحضانك أرتاح من تعب السنين الشقيه ... يمه .. يمه .. يا ياه ...شوفي دموع القهر تحجرت بعنيه ... يمه ..يمه .. يا ياه ...شوفي دنيتي وش قد قست عليه ...وعايشين بغربه والوقت جار عليه ... وآآآآه ه ه من رحلتي!!!! وحزني وفرحي وألمي تساون عليه ...
وأبحرت قي دنيتي أمواجها سكاكين بليا مجاديف ولا ميه .... تعالي .. تعالي .. شوفي مكانك هنا جلستي .. وهنا تقهويتي ... وهناك وهنيه ....... وبهذا المكان يا ما سهرنا .. وياما ..لحد الفجر بشويه ... وبعد .. وبعد .. قولي وش تبين ؟؟ أقولك عن أخبارنا يا ميه ... صح .. صحيح .. تذكرت شي من زمان طاري عليه ... أبي أقولك بس متردده خايفه تزعلين عليه ... خي المريض بعدك حالته كسيفه تكسر الخاطر يا ميه ... وله صراخ.. وأنين .. تالي الليل ينادي بأسمك يا ميه ... وبأعلى صوته يقول ..! أبيك .. أبيك .. أبيك ياميه .. أبيك تعطيني الدواء و أبي أشرب من يدك كاس ميه ................. ورفعت راسي أقول هاتي يدك ليه أحبها يا ميه .... ومديت يدي بالظلام أتلمس جسدك يا ميه .... وأثروني .... وأثروني ..بحلم ودموعي تصب على خديه ....مثل الميه ...رحماك ..رحماك .. يا رب البريه ... وعساكي ياميه . بجنات النعيم راضيه مرضيه ... وأدعيلك من كل قلبي ..وعسى ربي يستجيب لك دعاويه


ارجو الدعاء لوالدتي لكل من قرأهذه المشاعر الشقية

[Queen of buraydh]

الله يرحم والدتك وجميع اموات المسلمين ويجمعك معها فجنات الفردوس الأعلى

[الكبري]

الله يغفر لوالدتك وموتى المسلمين أجمعين ..

أجد فن هنا ..

لكم اطيب المنى

[تلميذة الحياة]

اللهم اغفر لوالدتك ولموتانا و موتى المسلمين اللهم آمين

[رحّــال]

الله يرحمها ويغفر لها ,,,

[حياة الزهور]

~*¤ô§ô¤*~*¤ô§ô¤*~اللهم اجعل قبرها روضة من رياض الجنه
اللهم ارحمها يارب العالمين~*¤ô§ô¤*~*¤ô§ô¤*~

[HENNO]

عفواً للتطفل


اللهم ارحمها وأبي وسائر المسلمين (الصادقين) وأسكنهم فسيح جناتك