الزواج البدائي ببريدهـ .. مابين مؤيد ومعارض !

[تركي بن محمد]

السلام عليكم و رحمة الله و بركـــــــــاته ..


أولاً .. أعتذر عن التقصير المجحف بحق منتدانـــــا الذي لا تفي بحقة كلمة رائع ..


فـ اتمنى من كل قلبي ان تعذروني .. :)



ثانيــاً .. حقيقة بتكلم باللغه العـاميه البسيطه .. ليفهمهــا الجميع دون استثنــاء ..

الموضوع .. زي ماتشوفوا باين من عنوانه ..

بصراحه حظرت زواج يوم الأربعـــاء المـاضي في مدينة بريدهـ .. " انا من سكان عاصمتنـا الحبيبه .. الريــاض .. " لكن الشيء اللي اثار استغرابي هو عند توجه الشاب لقصر الأفراح تجدهـ .. يدخل و يجلس عشر دقائق بالكثير يعني لو انت من اعز زملائه و لا رحت لبيته تهنية بزواجه فـ اغسل يدك من شوفته الا بعد مايجي من شهر العسل .. أو الحل الثاني انك تسنتر في قصر الأفراح من صلاة العشاء ..

تقولوا ليه كيف أو ليه .. !


بقولكم انو السبب في هذا هم أهل البنت .. ليه برضوا ؟ بقولكم ..

بحكم ان اكثر الزواجـات العروس ماتحظر حفل زواجهـا ! :confused: :confused:

كيف ؟ لأنهـا تجلس في مجلس بيتهم من المغرب و هي متزينه المسيكينه و حاطه يدهـا على خدهـا تنتظر عريسهـا يجي يلقطهـا .. و زميلاتهـا و اقاربها مايشوفوهـا !! يا تجي لبيتهم و تشوف العروس أو برضوا أغسل يدك إلى مابعد شهر العسل .. هههههه


فعلاً أشياء غريبه ..



البنت في يوم فرحهـا الناس في قصر الأفراح تحتفل و تجتمع و تفرح وهيّ المسكينه جالسه في بيتهم لا تروح للقصر و لا تشوف جميع اقاربهـا عدا البعض من عماتها و خالاتهـا .. :confused: :confused:


فعلاً شي محيرني ..



فهل هذا شيء سليم .. في رأيك عزيزي ؟ حسب ماعرفت و سألت كثير كثير ناس من اهل ديرتي " ب ر ي د هـ " قالوا ان احنـا متعودين من زمااااااااان على هذي الطريقه من ايام اجدادنـا .. !


و ليه طيب .. حلال محله ربي ليه ماتخلوا البنت تفرح والولد يطول في القصر عشان يشوفه الكـل .. ؟



أتمنى تجاوبوني بكل صراحه أو لو انت العريس او اختك العروس هل ترضى ان تكون حالتك مثل حـال الكثير .. " ولا اقول الكل " و أنك ماتفرح بيوم زفافك مع جميع من تعرف و هم ايظاً يفرحوا بوجودك معهم .. ؟


سؤال .. أحتاج لإجابتك عليه عزيزي .. :)



أطلت و يعلم الله ماكان بودي لكن حبي لكم هو من اجبرني على هذا ..











و لكم جل الشكر ..









..

[الحاشي الوديع]

أحسنت ياتركي
تصدق ان الواحد يعني وينصى القصيم (بريدة)
ويحضر عرس ولايشوف العريس !!!
على فكرة ... أصدقاء لي كثار ملاحظين هذا
لنكن صريحين : هل المسألة خوف من العين ؟؟؟
أتمنى أن يكون أهلنا ببريدة أرفع بمستوى التفكير .

[الكبري]

البنيه ما تجي الى القصر لأنها تستحي

تحتري الليله تعدي على خير

وبعدين رايحه تعرس على رجله ولاعلى الي حاضرين الزواج

اما الرجال ماهو كلهم كذا بعضهم مشغول مايدري وش يسولف فيه اذا دخل عليها وش يسوي

لكن واحد من الشباب

قبل اسبوع زواجه

والضهر نايم معي بالأستراحه بالراشديات

تحياتي

[احلى عالم]

هذه هي زواجاتنا يشوبها الملل ..

لا جديد ابدا ...

العادات والتقاليد هي التي تحكمنا ...

[تركي بن محمد]

السلام ..

صراحه شي مؤسف .. انو البنت و الولد لا يفرحوا بليلة عمرهم مع الجميع .. اعتقد ان المسأله تبعد كل البعد عن " العين " أو الحسد .. لكنه الخوف من التجرء و وضع زفـاف تفرح فيه العروس مع لن اقول صديقاتها بل قريباتها و اقرب المقربين لديهـــا ... !!


شيء مؤسف .. لكن يالله الشكوى لله .. ياريت يجي شخص و يكسر الحـاجز الوهمي المبني على اعتقادات خـاطئه ..



عمومـــــــاً .. رأيكم من رأيي و اتمنى كما اسلفت ان تغيب هذه الظاهره .. و يالله على ايديكم ياشباب و بنـات " ب ر ي د هـ " ..






لكم جــل الشــكــر ،،







..

[المزيونه]

السلاااااام
العرس يعنى اثنين يعرسون على بعض يعنى منتظرين هاليله بفارغ الصبر وشوله تجى للقصر وشوله تنشاف مو بتعرس خلاص تزين لزوجها وتقعد في بيتها لين يجي زوجها ما يحتاج تشوفنهم هذي ليلتهم هم وبعد يستحسن لو فيه عرس ياخذها من بينت اهلها وخلاص وشوله الخساير وسلامتكم

[الهامس]

اخ تركي انا شارهن عليك وراك ما حضرت الاجتماع كان شفت
العريس وخطر بعد تشوف العروسه بس انت احضر

[الصندوق الأسود]

وياليت العرس البدائي ببريده يعود فعلا كان للعرس فرحة مو زي هالوقت

[نورالشمس]

انا بوجهة نظري اعتقد ان الحظور الى القصر شيء صعب خاصة للبنت ..

اما بالنسبة الى الرجل فاعتقد ان اغلي الشباب يحظرون الى مكان الفرح ..

واعتقد كذلك ان حظور العروس الى مكان الحفل سوف يكلفها الكثير والكثير ..