ياهووو ياناس لا تلعبون عليّ صرت من الأطرش بالزفة

[جبل عمر]

ياهلا ويا غلا بكم

أبدش بالموضوع دووغري وهذا أول مرة أكتب موضوع رياضي

أخيّكم إذا جلس مع خوياوه يتكلمون بالكورة والتشجيع، ولا تحسبوني أدربي الدمييجة لالا أعرف الأندية وألوانهن، وفيني ميزة كل يوم فايز وكل يوم معزوووم حتى واحد يقول أنت فيك خلل نفسي :confused: ما لك رأي كل يوم لك فريق هذ واحد والثاني ما له خلقي لأني أدري وش هو يشجع همن أغثه هذا إذا صار فيه مباراة لفريقة اشجع الفريق الثاني وإذا ضاعت هجمة أقول يا خسارة وأحلت ألي بيدي همن تأتش معه :15[2]: يعني حق اللعانة طبعاً أكثر الوقت لاهي بهالابتوب وهو يتابع وأقوله كم النتيجة ومن بينه أسأله أربعين مرة وأخرتها صكن بالكاس :8[1]: قال أنت تنطم وتنثبر ولا تغثن إنزلع هناك أنت ولابتبّك :for1:

المهم قررت إني أشجع بصراحة بصراحة لا تزعلون مني قالوا لي شجع تعاون شجع رايد قلت لهم استحوا على أرواحكم لو أباريهم أنا وأبو صاح وأبو فهد صكينا بهم 10 وبتلوا يقنعونن كلن يجرن من جهه وجاء واحد ومسكن ع انفراد بصراحة خفت وشكيت :ash: قلت شكله شايفن عليّ شي شين قال شوري عليك شجع هلال وواحد أرسلي رسالة تحلف إن يدعوا واحد للاسلام من حرصه قال شجع نصر ما تعرف ماجد تراه من النصر طالع ووووووو

المهم قلت بنفسي إيه هين خابرن بالمنتدى قسم رياضي أشاورهم لاسيما إني يوم كنت رئيس مجلس الأعضاء الاستشاري كانت تجي مليون شكوى ومواضيع تحذف وتنقل وهذا يناقر هذا وهذا زعلن من هذا يعني خابركم ما تقصرون وعندكم خبرة وكلن وده يفزع لي وينصحن

المهم عطوني رايكم وش أشجع بصراحة مليت أقعد مثل الأطرشش بالزفة بعض المرات يفصل النت وإذا فصل مو معقولة أدربيها لازم أشارك إن استهبلت حلتوا الكيسان عليّ عطوني رايكم وش أشجع

يعني المباريات ما استفدت منها إلا بشيين
الأول إذا جيت أمشي للرياض يوم الجمعة وفيه مباراة يصير الخط فاضي أنواع الوناسة
والثاني دايم معزوم ولا فيه عداوات لي لأني يوم مع هذا ويوم مع هذا يعي أبو وجهين

عطوني رايكم وش أشجع مو معقولة بنات بالمنتدى يعرفن أحسن مني باتسر إذا جيت أخطب قالوا أهل البنت ما حنا مجوزينك ما تعرف الكورة واللاعبين وانا رجال ودي أعرس ولا ينفعبها كذب إذا سألتن البنت قالت وش تشجع أقول ما أدري أو إذا سألتن اللاعب الفلاني مع أي نادي ولا إذا قالت رح اشر لي شال أو فنيلة أو شي أجيب حقت نادي ثاني دبرون تراي بأزمة وهذا ألي خايفن منه أقل شيء لين أخطب وبعدها لها حلال

يله عطون رايكم

[ابوقش]

ياهلا والله ومسهلا بالغالي جبل عمر ..


نورت القسم الرياضي ..


هو حل من اثنين وبما انك طلبت الفزعه فحنا قدها ان شاء الله ..



اكيد انت تبي تبسط نفسك بالتشجيع لأنه مافيه احد ناقص حزن ..


لذلك عليك بتشجيع زعيم الكره الاسيويه (نادي الهلال السعودي ) ..


اما اذا تبي تجيب لنفسك القلق والحزن والصبر بنفس الوقت شجع نادي النــ ...


واذا تبي الفن واللعب على اصوله تابع فريق الشباب لأنه هو الفريق القادم بقوه في دوري المحترفين ..


واذا تبي نصيحتي وراحه النفس والبال لاتدور غير الزعيم الهلالي ..

[الكادي11]

نصيحتي فك عمرك
وشجع النادي الادبي اريح لك http://smiles.fahrs.com//data/35/SuN026.gif

[’ ŚĀM]

...آأحمـ ..

منوووور يآآآجبل..


انـآآآ اقووولك الرأأأي السديييد ..:D

شجـع ليفرربول ولآآ مانشستر ولآآ اي شي من حقينهمـ :D
واذا قالو لك لآآآ نقصد المحليهـ... قل مستوآآآي آآأكبر منهآ<<< هع :D

و الله ولي التوفيق :p

[lipton.]

ياهلابكـ اخوي

والله انصحك انك تبتل على دباشك وتريح ملائكك

وش تبي بالغثى

وان كنت مصمم فالهلال هو ان شاء الله اللي بيسعدكـ

[فور يو]

المهم عطوني رايكم وش أشجع

>>>>>>>>

اذا انت من النوع اللي يصبر كثير ويتحمل الخساير شجع النصر

و اذا انت تحب الفن واللعب الممتع شجع الشباب

و اذا انت ودك تصير دايم مستانس و مبسوط شجع الهلال ...

___________

الأخ ابو قش

عارف ان تعليقي قريب من تعليقك , لكن هذا اللي جا في بالي بعد قرائة الموضوع على طول .

اعذب تحيه للكل .

[برستيــج]

باتسر إذا جيت أخطب قالوا أهل البنت ما حنا مجوزينك ما تعرف الكورة واللاعبين وانا رجال ودي أعرس ولا ينفعبها كذب إذا سألتن البنت قالت وش تشجع أقول ما أدري أو إذا سألتن اللاعب الفلاني مع أي نادي ولا إذا قالت رح اشر لي شال أو فنيلة أو شي أجيب حقت نادي ثاني دبرون تراي بأزمة وهذا ألي خايفن منه أقل شيء لين أخطب وبعدها لها حلال


مع احترامي للأخ جبل عمر
هذا الكلام المقتبس .... .........
والله .... , وعلى أهل البنت اللي يبي يزوجونك .........
البنات اللي يبي يعرسن يسألن هل الزوج ( حافظ للقرآن , أو هل هو إمام مسجد , أو أقل حاجة هل هو مستقيم ؟؟!! ) وإذا كان الزوج غير ذلك فلا يرضين بها زوجاً ..
مهب يسأل اللاعب فلان من أي نادي .. ومن .... !!!
جبل عمر.. كنت أتمنى أن فكرك أرقى من كذا بكثير .!

[ابـــن جـــدي]

اقترح عليك شجع رايد >>>> يبي يجيب له الضغط هع هع هع هع هع

[قروي فاهم]

كل موسم تابع فريق وبعد ماتتابعهم كلهم بعد 12 سنه اختار الفريق اللي تحس انه قادر على اسعادك وتحس انه هو ضالتك .

[مجنون بهبالي]

نصيحتي لك

شجع تعاون و هلال

وراسك مرفوع للسماء

[قصيعه ستي]

بصراحه
شجع النادي الملكي
شجع برازيل القصيم
شجع التعاون

[ابو خليل]

إن كان تبي الراحه والفوز والفرح

عليك بأثنين

الهلال .... والتعاون

وإن كنت تريد نتائج تاريخيه

فعليك باالرائد و... النصر

[العصر]

الصراحة جميع فرق الوطن تفشل
إذا لعبوا مع فرق خارجية خرجوا من أول مبارة
اقترح عليك نادي على مستوى يبرد كبدك إذا لعب يعني نادي اوربي ( مانشرستي أو ليفربول أو برشلونه أو النادي الملكي ليفربول
اما انديتنا ما عندك أحد
احسن فريق واقوى دوري ...الخ

[أنــــ؟ـــا]

اولا ياهلا والله وسهلا بجبل عمر في هالقسم ..

اذا انت حقاني ولاتحب اللف والدوران شجع العالمي (النصر )

واذا انت .... على حق وعلى باطل شجع الهلال

واذا انت تحب تستمع باللعب شجع الاتحاد

واذا تبي كل واحد ولا احد يدري عنك شجع الشباب

وبما انك ماتبي السكري والرائد

وتبي تكون سيدا ولاتحب اللف والدوران وقلب الامووور وراسك دائما مرفوع بالحق وليس بالباطل

شجع العااااااالمي الاصفر البراق ( النصر )

تشكرات ...

[ămōяẻ]

من الردود


تعرف مدى كره الاندية ومدى مشجعيها وانت الحكم

[# الزلزال #]

**************************

لا تفكر ولا تتــحتار وغير " نجران " لا تــختار ":a2:

والله ان تبدا تحبكـ زوجكـ حب مهب طبيعي اذا مسكـ اليامي الكورة وعمجبه بالمقص

والله ان تدوخ من هالطرب :36_2_4[1]

**********************

[# الزلزال #]

لا لا امزح معكـ صرراحة ...

الاندية السعودية مافيها زوذ

واذا ملزم

شف

الاتحاد مهب شين

مستوى + بطولات

ولا خلكـ مثلي شجع اللي يفوز عن جدارة واستحقاق .. اي ّ كان

[رااااقــي]

تبي الصرآآحه



شجع المنتخب :) هع

[امرؤ القيس]

اهلين جبل عمر

لو ان اسمك يذكرني باسم سهم ودايم يخسر الناس , مع ان مالي بالاسهم


المهم

انا اقولك وش تشجع

اترك الهلال واترك النصر وبلا رايد وبلا تعاون

شجع نادي الشباب

ميزة الفريق هذا

ان جماهيره شويه ولا يدري احد انك شبابي

وكل يوم فايز ببطولة واذا انهزم مادروا الناس عنه

الاعلام ناسيه مرة

الجماهير تروح وتجي ما احد كلمها ولا احد عاندها ولا احد اختلف معها


كلهم خمسطعش رجل واربعة بزارين يتجمعون بربعة بالملعب وخذ تصوييييييت



ماعليك شجع شباب وترتاح

[ابـــن جـــدي]

8
8
8
اقتراحكـ جميل


خصوصاً إنهم يبي يلعبون بالنهائي حق دورة الشهداء >>>> مسوي نفسه برئ

[HENNO]

أخي جبل عمر

مع تحيتي لك

أرى أنك تشجع منتخب (سيريلانكا)
على الأقل لن تصرف ريال واحد

لايلعبون إلا كل عشر سنوات مباراة

وتاخذ عيالك وتروح تقضيها صيف ومباراة والحضور مجاني ويمكن (قمز) لأن مافي مدرجات لملعبهم !!

[توتي]

اذا انت راعي افلام هنديه وخمسات وخرابيط فعليك بالرايد

واذا انت رجال فعليك بالتعاون

واذا انت ماتبي السكر ولا الضغط الهلال احسن شي

[بريدة.. معشوقتي]

نصيحة محب:

((( أترك التعصب و شجع الزعيم )))


حياك الله اخي جبل عمر.. وشرفت.

[امرؤ القيس]

وتاخذ عيالك وتروح تقضيها صيف ومباراة والحضور مجاني ويمكن (قمز) لأن مافي مدرجات لملعبهم !!

داام مافيه مدرجات لملعبهم اذا قمز وين يرووح !!

[# الزلزال #]

اهلين جبل عمر

لوشجع نادي الشباب

ميزة الفريق هذا

ان جماهيره شويه ولا يدري احد انك شبابي

وكل يوم فايز ببطولة واذا انهزم مادروا الناس عنه

الاعلام ناسيه مرة

الجماهير تروح وتجي ما احد كلمها ولا احد عاندها ولا احد اختلف معها


كلهم خمسطعش رجل واربعة بزارين يتجمعون بربعة بالملعب وخذ تصوييييييت



ماعليك شجع شباب وترتاح



ذكرتني بأحد الشباب اللي يموت بالشباب << نادي الشباب

المهم اذا جادله احد قاله ذا نادي ماله جمهوور

قال وش علمكم جماهيرنا كلهم مثقفين ودكاترة ومايحضرون في الملعب

مايتنزلون الا ليش هم مالهم جمهور صرااحة حراام هالتميز بدون جمهور

وانت ليش ماتشجعهم دامهم معجبينكـ انت وكذا واحد يتفق على

انه ناادي كبير وادائه راقي

[HENNO]

داام مافيه مدرجات لملعبهم اذا قمز وين يرووح !!


من شين الملعب حاطينله سور !!!
يقمز وهو طالع يا عزيزي !!
تحياتي لك

[الخيآلي]

اقول انت راح عمرك ماشجعت شي خلك ع حالك !!
واذا انت مصمم عندك الهلال بطولات ودااايم رافع راسنا
واذا تحب التكتكه واللعب الزين ولاعبينهم شباب ع اسم ناديهم وماتحب المشاكل ولا احد يقدر يقولك شي شجع الشباب صدقني مايدرون عنك الناس هع.

[المتميز دائمآ]

غير الزعيم لا تدور


وإذا أنت من راعين الاستنزال وطنقا طقا لا يفووووووووووتك الاتحاد


وإذا تحب إنك تدخل جو حزن لا تعدى النصر .......

[اتحادي مووووت]

أنا أعتقد بأن طرحك لهذا الموضوع
الهدف منه الترفيه لا أكثر ولا أقل
لذالكـ أعتذر عنـ الرد

[صاحب السمو]

شوري عليك يامحترم شجع أرطاوي الرقاص وانا أقولك ليش .........علشان تصير أول مشجع له

[خوي البـــM.A.Hـــدر]

الله يذكرك بالشهادة

آميـــــــــــــــــــــــــــــــــن وجزاك الله خير

اللهم إجمعنا في جنات النعيم نظل إخوان

[أنــــ؟ـــا]

اهلين جبل عمر



شجع نادي الشباب

ميزة الفريق هذا

ان جماهيره شويه ولا يدري احد انك شبابي

وكل يوم فايز ببطولة واذا انهزم مادروا الناس عنه

الاعلام ناسيه مرة

الجماهير تروح وتجي ما احد كلمها ولا احد عاندها ولا احد اختلف معها


كلهم خمسطعش رجل واربعة بزارين يتجمعون بربعة بالملعب وخذ تصوييييييت



ماعليك شجع شباب وترتاح

حلوووووووووووووة الله يقطع شيطانك

[طالب وفا]

اجل فيه احد يشاور النااس وش يشجع لعب بزران هي .............!!!!
النفس وماتهوى يالاخــو واتخذ قرارك بناء على هواك وماتميل له نفسك
لذلك لااريــدك من النووع اللي يقول مع الخيل ياشقراء

[الملتاعه]

شجع

النصر / رائد التحدي / ريال مدريد

خلك مثلي :)

[جبل عمر]

لــــــــــــــــي عودة للتعليق

[HENNO]

شجع
النصر / رائد التحدي / ريال مدريد
خلك مثلي :)


الحقيقة لا اتابع باهتمام مباريات كرة مثل اهتمام البعض
لكن النصر !!! راح بعد (ماجدونا)
رائد التحدي !!! نحترمه ولكن ليس نادي بطولات مثله مثل الطائي والشعلة وكلهم نحترمهم
ريال مدريد نادي عريق وبطل

[دينا]

شجع التعاون مابوه مثلوه بالقصيــم :D

خلك من التشجيع بس وامش خراص لان المباريات بتلعب باعصابك
<-- اشوف ابوي واخواني وقت مبارات الهلال بالبدايه جالسين عدل
ومروقين وبالمجلس وماتخلص الا هم واصلين باب الشارع :(

[HENNO]

ممكن تنهي الموضوع باقتراح لوتقبلته

شجع دار الأيتام

أي مشاركة يتم فوزهم بجبر الخاطر

ويكفيك الأجر من الله + 700 قبلة يتيم على وجهك

[الطلقه]

هلا والله بزميلي اول
بالنسبه لي اقو مثل ماقال الكادي شجع النادي الادبي
هههههههههههههه
واذا ملزم خلك معي سكري وعالمي >> عسى عرفتهن ؟
والله يقويك

[فور يو]

كلهم خمسطعش رجل واربعة بزارين يتجمعون بربعة بالملعب وخذ تصوييييييت


و أزيدك من الشعر بيت

هالخمسطش رجل والأربعة بزارين تذاكر دخولهم مجاني من النادي

وبعد يعطونهم رواتب , اصلن هم الرابطه ههههههههههه

يا حليلك امرؤ القيس دايم تجبيها صح وتشبكها بالثمانيات , الله لا يضرك ...

مشاء الله , تبارك الله .

[جبل عمر]

بكل صراحة ما أدري وش أرد عليكم لو أبرد على كل واحد صار نفس الهرج بس

شكراً للجميع

[جبل عمر]

نصيحتي فك عمرك
وشجع النادي الادبي اريح لك http://smiles.fahrs.com//data/35/SuN026.gif

عز الله إنك جبتها الحقيقة خوووش رأي

شكراً لمرورك

[جبل عمر]

مع احترامي للأخ جبل عمر
هذا الكلام المقتبس .... .........
والله .... , وعلى أهل البنت اللي يبي يزوجونك .........
البنات اللي يبي يعرسن يسألن هل الزوج ( حافظ للقرآن , أو هل هو إمام مسجد , أو أقل حاجة هل هو مستقيم ؟؟!! ) وإذا كان الزوج غير ذلك فلا يرضين بها زوجاً ..
مهب يسأل اللاعب فلان من أي نادي .. ومن .... !!!
جبل عمر.. كنت أتمنى أن فكرك أرقى من كذا بكثير .!

أهلاً بالأخ برستيج

قرأت ردك أول ما كتبته ولم أرد عليه حتى لا أفسد مقصدي من الموضوع

أخي الكريم ظواهر السطور ليس دائماً هي المُسّر لمراد الكاتب وأيضاً العلاج في كثيرٍ من الأحيان لايكون في ظواهر السطور وإنما الإنغماس والتَمَثّل بظواهر السطور

أعلمت مقصدي

شكراً لك

[HENNO]

أخوي جبل عمر

ممكن سؤال ؟

هل أنت متزوج ؟

[جبل عمر]

أخوي جبل عمر

ممكن سؤال ؟

هل أنت متزوج ؟

أهلاً أخي وآسف على تأخري بالرد

لا لم أتزوج بعد

[عنصر محايـــــــد]

اقول اخوي جبل عمر........
بختصر عليك الكلام واقول..
{ العقل الســــليـــــــــــــــــــــــــــــــــــــــــ ــــ في تشجيع الزعيم ـــــــــــــــــــــم }

[ابو هليل]

والله يا ابن الحلال

مدام إنك ملزم تبي تشجع


فأنصحك تشجع المنتخب

علشان ما تدوح راسك بالدوري

وأي لاعب بكل الأندية يتمنى يلعب لفريقك


وش أحسن من كذا ..!!!!


هااااااااااااااااااه وش رايك ؟؟؟؟؟؟

[غريب الدار]

خلك على وضعك افضلك....


واذا كان لابد من التشجيع عليك بالمنتخب لإجماع الكل على تشجيعه

[شخصية]

تشجيع النصر : واجب على كل ذكر , سعودي , عاقل , بالغ , ذوق , راقي , غيور

أما الصغار فيجب تعويدهم منذ الصغر على تشجيع فريق الوطن وحامل شعار الجزيرة , النصر السعودي