(...ابن آدم مايملى عينه إلا التراب...)

[لوليــتـا]

السلام علييكم .... كيف الحال للجميييع ...؟؟
هاذا اول موضوع اطرحه وانشالله يعجبكم ...
كثر في وقتنا كلمة كسل... وملل ...وطفش... و...و..... الخ
الكل بهالزمن صار يتشكى ...مافيه احد مرتااح ...
نروح للرجال تلقاهم يقولون..:يازيين حياة العزابيه يوم كنت حر وماعندي التزامات وازعاج وبزاريين وطلبااات تدوخ الراس ...
اما الحرييم :هاذا حالنا بس نطبخ وننفخ ونهاوش...ولا نطلع ولا نجي ولا نستانس..حتى الراااحه مستكثرينها علينا
والشبااب...:حنا ويين مانرووح يقوولون لنا عواايل لا اسواق ولا منتزهات ولاشي ..كأن الدنيا مافيها الا العواائل وحنا بالهامش
اما البنات فيقولون..:ياحض الشبااب بس ..هم الي عايشين بالدنيا؟! يطلعوون ويسوقون ويكشتوون مو مثلنا منحجريين وكل ماقلنا شي قالو لنا انتن بناات ومكانكن البييت ...
حتى الصغار يتشكووون ...:انتم ماتخلونا نسهر ولا نغييب عن المدرسه وكل شي عندكم دراااسه واكل ونوم
حتى من الخدم ماسلمنا من لسانهم..:كلو شغل كلوشغل ...قرقر كثير... مداام سوي مشكل ..!! بيبي سوي مشكل ..!!...


لكن محد منا فكر بنعم الله اللي انعم علينا فيها ...عندكم اعظم ثلاث نعم ...
اولا:نعمة الاسلام .... فكرو معي كيف بيكوون حالنا لو كنا يهوود او مسييح !!!
ثانيا:نعمة الصحه......!!!
ثالثا.نعمة الامن والامان.. الحمدلله ماعندنا حرووب والوااحد يناام مرتااح ومأمن على نفسه واهله ..مو مثل اخوانننا بالعراق وفلسطيين !!!!!


وفي الأخير اسأل الله العفو والعافيه ودامت نعمه علينا ....
وشكرا...

[رايق]

صدقتي أختي الكل يشكوا ويتذمر !!!


ومافيه أحد مرتاح !!!


ولو أننا أحسسنا بنعم الله علينا ووجوب شكرها وتقربنا أكثر إلى ديننا لوجدنا السعادة والراحة !!!


تحياتي لك

[كيفي عتيبي]

اما قبل :
لوليتا ..
انتي نعم المواطنه الصالحه ..
تنفعين في القناه الاولى .. مذيعه .. او مراسله !!




اما بعد :


تقول لوليتا
ثالثا.نعمة الامن والامان.. الحمدلله ماعندنا حرووب والوااحد يناام مرتااح ومأمن على نفسه واهله

اكيد تقصدين السعوديه في عصر الملك خالد

وليس هذا العصر !!




الحال تغير هالحين يابنتتي

انا الان انام على كابوس واصحى على مثله !!

انام ..
سيارتي يمكن اصحى بكره ماحصلها !!

واتقولين امن وامان !!

انام
وانا حاط ( فلوسي ) في سابك !! ومخليها في امان الله !!
اصحى من بكره القاها ( نسبه تحت )

وين امان معه الله يهداك ..

عسانا نسلم بروسنا بس

.

[أنـفأإأس أإأللـيل]

وين امان معه الله يهداك ..
عسانا نسلم بروسنا بس

عفوا .. أرى في ردك الجحود بعينه !!!
فلو ألقيت النظر على أهل العراق والفلسطنين
الذين ينامون ويصحون على دوي الانفجارات.. وصوت
إطلاق النيران ..وهدير الطائرات والدبابات ..
لَما كان هذا ردك أخي الكريم ؟؟؟
لـ نحمد الله سبحانه على ما أنعم به علينا ،،
ولا نستكبر على نعمته بالتجهم في بعض صغائر الأمور ،،
شكرا لكِ لوليتا على الطرح الموفق ,,
وننتظر المزيد من إبداعك ..

[اسم العضو]

لوليتا

مبروك علينا زيادة الرخصة أشكر تعاطفك مع الشعب السعودي ..

ههه مالت علينا من شعب ..

يكشكش با أصابعه العشرة بصورة عكسية !!


سلام ..

[yousef]

الكل يذمر في اي مكان
وهذا طبيعي في احيان
كثيرة،بل هناك تذمر متطرف.!!!

[كيفي عتيبي]

فلو ألقيت النظر على أهل العراق والفلسطنين

وانتي بالمره خذي جوله اوروبيه ..
طبي واختاري اي دوله
والقي ( بعيونك الثنتين ) الى حياتهم الكريمه التي ينعمون بها ..

وبعدين راجعي نفسك ..
وجاوبي بـ ضمير !!

.

[لوليــتـا]

مشكووورين جميعا لمروركم ... اخوي كيفي عتيبي اذا انت متوقع انك بتلاقي الامان بالدول الاوربيه ..اقولك انك غلطاان ... لا يغرك اللي تشووفه بالافلام ... رح عندهم وشف الواااقع وتعاال واحكم من الافضل ...