بنات عندي الفطور بكرا

[memebo]

السلام عليكم

اخباركم ان شاء الله تمام

ادري اقلقتكم بطلابتي

بس وش اسوي اختي راحت تهي تهي تهي


عندنا الفطور يوم الجمعه
يعني
بكرا

وابي منكم اقراحات
وش اسوي

لان مابي اكثر
لان طبيعي الناس
في رمضان ماريح يجي احد خالي

يعني
ابي اشياء حلو ومالح

اذا ممكن


اسفه اذا ازعجتكم بطلباتي
بس ماعرف اديرها لحالي



بكوون لكم شاكره

وربي بدعي لي تساعندي من كل قلبي


تحياتي
ميمي

[أم خماس]

تبين أطبــاق مقترحه ولا وصفات ؟؟

عمومـا بقولك الأطباق السريعه واللذيذه للفطور ..

فطاير بف باستري بالجبن .. ممكن تسوينهـا باآلة التوست تقصين مربع البف مثلثين وتحطها بالاله لين تنتفخ وتنضج وتحشيها جبن سايل مع سماق ..
.................................................. ......................
الحلى .. سوي شعريــــــــــه ...
حطي الشعريه المكسره والمحمره بقاع صينية بايركس ..
وحطي بالخلاط 3فناجيل حليب بودره ... 4 فناجيل سكــر .. شوي هيل .. شوي فانيلا .. وكاس ونص مويه ,,
صبيه على الشعريه بحيث أنهــا تتغطى تماما ودخليها للفرن ... وانتبهي لاتيبس اضيفي الباقي من الخلطه اذا حسيتي انها بدت تيبس ..
اذا نضجت غطي الوجه بقشطه وفستق ....
ــــــــــــــــــــــــــــــــــــــــــــــــــ ــــــــــــــ
ممممممممم وشبعد .. سوي عجينه العشر دقايق مرره ممتازه وسوي منها تشيكله معجنات ..خليه .. بيتزا .. أقماع جبن .. أقماع لحم .. فطاير دجاج ..الخ .. تملا السفره وماتاخذ وقت :)
ــــــــــــــــــــــــــــــــــــــــــــــــــ ـــــــــ
سوي كفته .. سهله ولذيذه ........
لحم مفروم+بصل مفروم+بقدونس مفروم+بهارات وملح + طحين ..وتكور وتقلى بالزيت ...

ــــــــــــــــــــــــ
هذا اللي يحضرني حاليــا .. ولاتنسين الاحتســــاب بتفطير صائم :)

[ام المقداد]

امممم فطور
اكثر مااحتار عند الطبخ
بقترح عليك مع القهوه
حطي تمر <<لاوالله
ولقيمات وعندي طريقه روووووعه
للقيمات تهبل اللي ماتظبطه بتظبطه
غصب <<وش تبي
ممكن حلى سهل وجدا
عليه اقبال..
اصابع سويتز بالجبن
والشيره..
عندتس اقماع السلمان تهبل
بس تبي حشوه ...
والحشوه ممكن تحطين لبنه وخس
وممكن تجيبين الخبز
العربي الصغار
خلطته بصل وفلفل اخضر وجزر
ومقانق قطع مشوحه بزيت ع النار
وقبل تطفين عنها حطي معها
ملعقة قشطه..
وحركي لحد مايتجانس الخليط..
واحشي ماينشبع منه مع الشوربه
الشوربه ممكن تحطين شوربة شوفان عاديه
وشوربة دجاج مع ذره بيضا
مره سهله..
تبين شي ثاني حاضرين...

[memebo]

طيب مشكورين
بنات

بس ابي طريقة العجينه السريعه
ام مخماس
اسفين
بس وربي منحاسه اول سنه فطور لي من دون اختي
<< مادبر شيء

مشكورين بنات
وماعندي مانع لقتراحات كمان

الله يزاكن ألف خير يارب

[نـدى الـورد]

مع كتاب " إبداع عالم حواء"


مافيش مُشكله


بجد كتاب ولا اروع للوصفات السهله واللذيذه


,

[النبراسكية]

القمات حلووووووووووه
2 كاس دقيق
شوي ملح
شوي سكر
1ملعقة طعام خميره
البن حسب العجينه
اشوي ماء

حطيهم مع بعض وخلي العجينه رقاقه اشوي

تخمر 1 الساعة

وزيت يكون وسط او حر شوي

جربيه يطلع القمات الونه ذهبي وتقرمش

تبغين حلى عشاء

[أم خماس]

من عيوووني ..

هذي الطريقــه ..

2كاس طحيــن
2 ملعقــة خميــره
فنجــال سكر
ذرة ملح
2 كـاس ماء

اخلطيهــم بالسلكـ وغطيه زين وخليه تخمر لمده عشر دقايق ..

بعدين أضيفي

نصف كـاس زيت
3 كـاسات طحين ..
واعجنيــهـا زين ..
خليها شوي بعد واستخدميــه تضبــط مررره بفطيره السمكـه تصير كـانهـا حقت المخابز ..

وبــالعــافيه :)

[أم خماس]

هذي الحشوه لذيـــذه مرره ..

لحم مفروم .. حبه تكفي
بصل مقطع
فلفل مقطع
جزر مبشور ..

حطي البصل على النــار حتى يذبل أضيفي الفلفل والبهــارات ( ماجي .. فلفل أسود .. بهارات .. كــاري .. كركم أو صبغه صفراء ..)
وحطي صلصة صويا شوي ..

خليه على نـار هادئه وقبل ماينضج بشوي أضيفي الجزر ...

أفردي العجينيه بصينيه كبيره وحطي الحشوه فيهـا بالوسط على شكل طــولي اجمعي طرفي العجينه بالوسط ولصقيهـا وغطيهـا بشرائح زيتون ..

بعد ماتخبزينهـا بالفرن شيليهـا بدون تقطيع وحطيها بصينيه طويلـه وزينيهـا بالسماق والبقدونس .. وقطعيها قبل التقديم مباشره عشان تكون الحشوه حااااره ولذيذه جدا ..

[memebo]

اريج مشكوره اختي على الاقتراح بس مافي وقت ادور الكتاب
بس بدوره لبعدين

النـبراسكـيـة مشكوره خيتوو على الطريقه ماقصرتي
الله لا يحرمك الاجر يارب ويحفظك لمغلينك


ام جماس خيتوو مشكوره كتير كتير على جهدك
سنع سنع الله يخليك لهلك ومغلينك يارب
ويجزاك ألف خير وعافيه

[memebo]

بقولكم انطباع اهلي وقرايبي عن الفطور
لانكم جزء مهم من تحضيره

[&نجدية كووول&]

ســـــــــــــــلام

1_عندي طريقه سهله وطعمه لذيذ تجيبين صامولي صغير أو كبير وتقسمينه نصفين
بعدين تفرغين العجين اللي بوسطه ويصير محفور من الوسط وتسوين حشوة دجاج ومعها بطاطس
وباذنجان صغير وتحطين معه شوي مايونيز وتحشين الصامولي وتخلطين جبن سايل وقشطة وتصبين فوق
الصامولي وتدخلينة الفرن من فوق بس تتحمر خفيف..

2_ تقطين توست دوائر وتلصقين دائرتين من التوست فوق بعض بيض أو جبن وبعدين تقلينها وبعد القلي
تقصينها من الوسط وتفرغين العجين وتحشينه بحشوة دجاج وتحطين فوقه سماق للزينة..

هاذا اللي يحضرني اللحين والله يوفقك ..

[نـدى الـورد]

هاا بشري عساك مبيضه الوجه؟


.

[ذيبه وراسك اجيبه]

من لايشكر الناس لايشكرة الله

بصراحة انا استفدت من طريقاتكم بنات تسلمون

وتسلم
صاحبة الموضوع افدتنا كثير

[شرقاس]

فطور هني بالعافيه

[memebo]

تسلمووون بنات بجد بيضتو وجهي عن اهلي وقرايبي
الله لا يحرمكم الاجر لانكم جزء من الفطور

مشكورين
عااد بنزل لكم الصور

[أم خماس]

بــالعــــــــــــافيه عليكم جميعا :)

[memebo]

تسلموون والله وربي فرجتو علي اشياء كثير

[العبرى]

الحمدلله أنك إستفدتي..


ومشكوره أم خماس جربت عجينتك مررره روووعه

ضبطت معي تمام :)

مشكورين




تحيتي,,,

[نجم في سماء]

مراااحب بالجميع
انتظر الصور على احر من الجمر

[memebo]

http://www.forum.buraydh.com/forum/showthread.php?t=157807

هذي السفره