آآآآآهـ آآآهـ يا زين القرووووش (الدراهم)

[قماشه بنت شكسبير]

آآآآآهـ آآآهـ يا زين القرووووش (الدراهم)
صدق والله يا زينها اليوم أمي قالتها
اليوم المغرب جالسه قدام التلفزيون وأغير بهالقنوات المهم منسجمة أنا مع الوضع قهوة وتلفزيون وأمي جنبي المهم وجي أسمع آآآآهات ولتفت ولها أمي تقوول آآآه يا قماشه (اللي هي أنا ) يازين القرووش(الدراهم).. !!!!
نظرتها قلت غريبة!!؟؟ أول مره أسمعها منك قالت لي يا بنيتي ودي لي راتب شهري أشري فيه على كيفي والله لا شفت هالمعلمات(هع هع يا حياتي حنا يا المعلمات كلن بلش في رواتبنا ) طالعات من جيان أو بنده أو السوق مشتريات كل اللي في بالهم أنقهر ودي لي راتب قلت لها يوم لكن أبوي ما قصر معك قالت لكن يا بنيتي ودي لي راتب أتحكم فيه وأعطي وأخذ و أسوي كل شيء وخبرك بهالزمان ما يرتفع مقامك إلا بدراهم .... مع إن أبوك ما قصر لكن هذا شيء بنفسي واشكري ربك يا بنيتي إن لك راتب ما أحد يمن عليك واسمعي يا بنيتي أحذري تتركين وظيفتك ترى مو نفعتك إلا هي ......انتهى النقاش

إيه والله الواحد وده له راتب يروح ويجيء على كيفه ما يذله أحد مع إن بعض رجال هالزمان يذلون حريمهم على الريال الواحد يطلعونه بطعونه
تصدقون إني أعتبر أن الفلوس نصف السعادة والنصف الأخر مدى قوة الإيمان بالله ... وأعتقد إن الكثير يؤيد كلامي
لأن الواحد لما يكون عنده دراهم يكفي و يستانس وينام وهو مرتاح لا ديون وهموم لا هم إلا هم الدين.......إيه والله صدقتي يا يمه يا زين القروش
وبعد التفكير استنتجت هذي المعادلة
دراهم+الإيمان بالله= حياة راحة

مع خالص الحب...
إلقطوا سلامي/ قماشة بنت شكسبير

[عبدالله الحلوه]

قماشة بنت شكسبير


في هذا الزمن اصبح للدراهم قيمة اكبر من حقيقتها وما ذلك إلا لأختلاف الأولويات فما عادت حاجاتنا مقتصره على الأكل والملبس بل كما قالت امك التسوق من اجل التسوق اصبح من الأمور ذات الأولويه في حياة الكثير من الناس ولا اعتقد بأن عاقلاً سيعطي آخر من اجل اشباع هذا الهوس !!


تحياتي ,,,

[•°سـرىآ اللـيـل°•]

ياحلو الدراهم ياشيختي لأنها بتكفيك وتحفظ ماء وجهك .,

لاتدهورت دنياك تلقينها ., مهب يمن عليك فلان وفلانه .,

إي والله يازينها ., خاص للبنات علشان لاطاحن برجال كرب عاشن بلاهم .,

البلاء لاصرت دجه بحاجته ويمسكن مع إيدي اللي تعسرن ., آآآه يالقهر بس .,

وش مخلينا نكرف ونروح ونجي ونتردد ونتعذب إلا علشان نرفع أنفسنا عن الناس .,

والدنيا دواره اليوم بين أهلي مكفولة وبكرا ماأدري عنه ولازم أكسب رزقه بيديني وبلاش إعتماد على الآخر اللي طايحتن به بناتنا .,

ربك كريم بيحفظ الجميع .,

أهذب تاهيه’

[قماشه بنت شكسبير]

أخي عبدالله الحلوه ...

في هذا الزمن اصبح للدراهم قيمة اكبر من حقيقتها وما ذلك إلا لأختلاف الأولويات فما عادت حاجاتنا مقتصره على الأكل والملبس بل كما قالت امك التسوق من اجل التسوق اصبح من الأمور ذات الأولويه في حياة الكثير من الناس ولا اعتقد بأن عاقلاً سيعطي آخر من اجل اشباع هذا الهوس !!


تحياتي ,,,
صدقت للدراهم في هالزمن قيمة.....وهذا ما قصدته من كتابة الموضوع وأردت معناهـ واريد أعرف من يؤيد كلامي هذا
وأشكرك على مشاركتك الجميلة


مع خالص الحب
إلقطوا سلامي /قماشه بنت شكسبير

[قماشه بنت شكسبير]

ياحلو الدراهم ياشيختي لأنها بتكفيك وتحفظ ماء وجهك .,

لاتدهورت دنياك تلقينها ., مهب يمن عليك فلان وفلانه .,

إي والله يازينها ., خاص للبنات علشان لاطاحن برجال كرب عاشن بلاهم .,

البلاء لاصرت دجه بحاجته ويمسكن مع إيدي اللي تعسرن ., آآآه يالقهر بس .,

وش مخلينا نكرف ونروح ونجي ونتردد ونتعذب إلا علشان نرفع أنفسنا عن الناس .,

والدنيا دواره اليوم بين أهلي مكفولة وبكرا ماأدري عنه ولازم أكسب رزقه بيديني وبلاش إعتماد على الآخر اللي طايحتن به بناتنا .,

ربك كريم بيحفظ الجميع .,

أهذب تاهيه’
سري الليل


إيه والله يا حلوهــ
وبعض رجال هالزمان مو كفو إن عطوك منو عليك وهذا إن عطوك شيء يستاهل المنه ...
على العموم أشكرك على مشاركتك اللطيفه

مع خالص الحب..

إلقطوا سلامي/قماشه بنت شكسبير

[هدوء في ضجيج الصمت]

معاك دراهم تمشي مامعاك تجلس..

واااوك وصخ الدنيااا مبهذلتنااااا....

وش رايك نروح ناخذ جنسيه كويتيه عشان كل شهر يجينا راتب...؟

كل الشكر،،

أحترامي’’’’

[قماشه بنت شكسبير]

ملكة التواجر يا هلا فيك


معاك دراهم تمشي مامعاك تجلس..

واااوك وصخ الدنيااا مبهذلتنااااا....

وش رايك نروح ناخذ جنسيه كويتيه عشان كل شهر يجينا راتب...؟

كل الشكر،،

أحترامي’’’’
هذه صحيح قيمة الإنسان الآن بدراهمه ..
هع هع حلو نأخذ جنسية كويتيه ترههم هم داجين(يعني فقر) مثلاُ ما عندهم دراهم ...

مع خاص الحب
إلقطوا سلامي/قماشه بنت شكسبير

[جسم بلا روح]

أختي / قماشه .

أبصم لك على العشرهـ أن كلامك عين الصواب .

[قماشه بنت شكسبير]

جسم بلا روح
أهلاً بك
وأشكرك على المشاركة وعلى تأيد كلامي هذا
مع خالص الحب..
إلقطوا سلامي/قماشه بنت شكسبير

[تيفا]

المال ليس كل شي انما الدراهم هي كل شي<<<فاضي

[نسيم السحر]

أولاً: ما راح نموت قبل استكمال أرزاقنا .. ثم إن السماء لا تمطر ذهبا ولا فضة..

بهذه الجملتين ينبغي أن يكون ميزان المؤمن .. فلا إفراط ولا تفريط.. فلا يكون عبدا للدرهم ، ولا يكون كلا على صاحب الدرهم

لكن ما أعتقد أن نصف السعادة بالفلوس .. لأنه باختصار إذا ذهب النصف الآخر للإيمان بالله تعالى ـ كما ذكرت ـ ؛؛ فإين نضع عوامل السعادة الأخرى من هذا التقسيم؟!

ففيه فرق بين شراء الضروري ، والحاجي ، والكمالي.. أيهن الذي يجلب السعادة؟

وإن كان المراد الدين ، فكم من أناس يعمل ليعيش هو وأسرته ومبسووووووووط..وما عليه دين.

ويا كثر اللي ما عاشـــ اتهم تعيش حارة .. ومع ذلك مديون.

على العموم شاكر ومقدر على الطرح

[ابو الشلاليم]

والله لو ركضت ركض الوحوش غير رزقك ما تحوش ,,,,,,,,,,,,,,الف شكر

[هند الوفاء]

شوفي اختي..يوم شفت العنوان ترى جيت اركض ..قلت بشوف الحوسه فيها فلوس ودراهم:)

شفت عاد..حتى الدراهم بالعنوان ..فيها جاذبية..ريحه منعشة :)

واذا بغيتي الصج..ترى الصحة فوق كل شي..والايمان بالله,,يغني عن كل شي

اتمنى ان يرزقك الله ويرزقنا بدراهمن كثيرة ويارك لنا فيها :)

[cool girl]

كلامك عين الصواب

واكبر دليل عيال هالوقت نبي مدرسه يدرون انه بتكفل روحها وعيالها باللبس

ياربي شي يقهر

دمتم

[أنـفأإأس أإأللـيل]

مافيه احد مايحب الفلوس
صارت هم الناس وشغلهم الشاغل
حتى رجال هالوقت مافيهم أمان
شوفيهم هالحين شباب اعمارهم
26 و27 متزوجين مدرسات ومديرات اعمارهن
بالثلاثين وما فوق ..
وهذا كله عشان تصرف عليه وتعيله وهو يتسدح
لا شغل ولا مشغله ..
وتشتري له سيارة اخر موديل وتدفع فاتورة
جواله ..
انقلبت الأيه في هالزمن ..

[قماشه بنت شكسبير]

المال ليس كل شي انما الدراهم هي كل شي<<<فاضي
مشكور على المشاركه __

[قماشه بنت شكسبير]

أولاً: ما راح نموت قبل استكمال أرزاقنا .. ثم إن السماء لا تمطر ذهبا ولا فضة..

بهذه الجملتين ينبغي أن يكون ميزان المؤمن .. فلا إفراط ولا تفريط.. فلا يكون عبدا للدرهم ، ولا يكون كلا على صاحب الدرهم

لكن ما أعتقد أن نصف السعادة بالفلوس .. لأنه باختصار إذا ذهب النصف الآخر للإيمان بالله تعالى ـ كما ذكرت ـ ؛؛ فإين نضع عوامل السعادة الأخرى من هذا التقسيم؟!

ففيه فرق بين شراء الضروري ، والحاجي ، والكمالي.. أيهن الذي يجلب السعادة؟

وإن كان المراد الدين ، فكم من أناس يعمل ليعيش هو وأسرته ومبسووووووووط..وما عليه دين.

ويا كثر اللي ما عاشـــ اتهم تعيش حارة .. ومع ذلك مديون.




على العموم شاكر ومقدر على الطرح
نسيم البحر..
أويد الجملتين التي ذكرتيهما .. ولكن في هذا الزمان أصبحت جميع الأشياء ضروريه .

والله لو ركضت ركض الوحوش غير رزقك ما تحوش ,,,,,,,,,,,,,,الف شكر

أبو شلاليم صح كلامك واشكرك على المشاركه


شوفي اختي..يوم شفت العنوان ترى جيت اركض ..قلت بشوف الحوسه فيها فلوس ودراهم

شفت عاد..حتى الدراهم بالعنوان ..فيها جاذبية..ريحه منعشة

واذا بغيتي الصج..ترى الصحة فوق كل شي..والايمان بالله,,يغني عن كل شي

اتمنى ان يرزقك الله ويرزقنا بدراهمن كثيرة ويارك لنا فيها

هند الوفاء...
يا حبيبتي كلن يحب الدراهم ويارب يستجب دعوتك وشكوره على المشاركه الرائعه

[قماشه بنت شكسبير]

كلامك عين الصواب

واكبر دليل عيال هالوقت نبي مدرسه يدرون انه بتكفل روحها وعيالها باللبس

ياربي شي يقهر

دمتم
وأنتي صادقه الحين لو سئلتي الطالب انت ليه تتدرس ما يقول من شان أتعلم يقول من شان الوظيفه

مافيه احد مايحب الفلوس
صارت هم الناس وشغلهم الشاغل
حتى رجال هالوقت مافيهم أمان
شوفيهم هالحين شباب اعمارهم
26 و27 متزوجين مدرسات ومديرات اعمارهن
بالثلاثين وما فوق ..
وهذا كله عشان تصرف عليه وتعيله وهو يتسدح
لا شغل ولا مشغله ..
وتشتري له سيارة اخر موديل وتدفع فاتورة
جواله ..
انقلبت الأيه في هالزمن ..

ايه والله عليك لمبه(قصدي نور) أولاد هالزمان ما يدورووون إلا المدرسات (والله يا حنا علينا سوووق) ياحياتي حنا من شان دراهمنا !!!!!!!!!!!!!!!!!!!!!!!!!!!!!!!!!!!!!! والله هالزمن غريب

مع خالص الحب....

إلقطوا سلامي قماشه بنت شكسبير

[مياسة]

اللي ما معاه ريال ,, ما يسوى ريال!,,,, هكذا كنتُ اسمع ,,
و قول علي بن ابي طالب: (الغنى في الغربة وطن.. والفقر في الوطن غربة)
مرارة الاحتياج قاسية حد التشائم ,,,, اما رأيي أنا ,, اتمنى أن أموت فقيرة دون حاجة... كي يسهل حسابي, فلا أقفُ طويلاً ,,
المال وسيلة من وسائل السعادة .. وفقط

[خليجي]

اللي يبي يفلوس يزينها مع ربه تزين له . تحياتي

[برق الوسم]

الله يغنينا بالحلال عن الحرام


مشكورة خالتي قصدي اختي قماشة

[صاحي و رايـق]

في زماننا هذا
الفلوس أصبحت أهم من الدين
ومن كان صاحب تقيا وصلاح وأصبحت الفلوس بين يديه
تأكدي بإنه راح يدشر ويبيع هذا الدين باقرب وقت ممكن !

[" TWIX "]

القناعة هي كل شيء
فلو ملكتي راتبا لأتعبتكِ الحياة وبدأت الطموح تتمادى حتى تنسي دينك وأنظري إلى
من كان متدينا وعندما أنفتحت الدنيا بوجهه أنسحب من الدين شيئا فشيئا
وصالات الأسهم عندها الخبر اليقين ..
والمساهمات التي أكلت اموال الناس بالباطل كان ورائها أناس يعرفون الله ولكن المال
غطى قلوبهم قبل عيونهم !!

[صب شاهي]

الدراهم مراهم تجبر الكسر العليل

[عاشق تراب بريده]

بالخير ياعرب ...

اللي مايحب الفلوس كلاك معليش وبعدين الله سبحانه وتعالى يقول بالقران الكريم ( المال والبنون زينه الحياه الدنيا ... الخ )

تحياتي ياعجم وسامحونا ..