معهد ابودحيم لتعليم ورعاان 2002 علوم الرجال

[مدلل]

معهد ابودحيم لتعليم ورعاان 2002 علوم الرجال
نظراااا لخروج جيل جديد من عيال النيدو ....وسيريلاك ...

ولما لهذا الجيل من تاثيرة على سوق الثياب والشمغ .وسوق العجاري والشروخ ..والبشوت .والفري ..وسروايل السنة .. حيث ام هذا الجيل القادم سيؤدي لتوقف هذة الاسواااق ونزول اسهمهاااا وبالتالي اجبار اهلهااا على الشحاذة ...
ولان هذاا الوضع سيؤدي لتكاثر الضبان والجرابيع وانتشارهااا بشكل مخيف يروووع بالحيل خخخخخخ
والى اهمااال البعارين والغنم .....واقفال المحطة ...حقت بيعهن ....حي ان الجيل الجديد يتوذى من الريحة يبيلوووة خروف بدون ريحة >>>> لعنبو دارك طلع تونة موب خروووف ......

فقد قرر معهد ابو دحيم نيو هورايزون ..عمل العديد من الدورات للاكساب هذا الجيل علوم الرجال والخشونة ....والبعد عن النعومة .

1/ دورة تاهيل نفسي ... بعد تحليق الشعر على الصفر ..بالموس
حيث ان ورعاننا اللة يخلف صاير لهم غسيل مخ من قبل افلام الكرتون ..وخصوصا قرانديزر....والبوكيمون...
وصايرين مايعرفوون غير كلمة تطور ...وكل واحد منهم حاط لة قذلة تقووول دعاية شامبو ...>>>هو صح فية قصات شعر مقبولة بس بعضهن اللة لايوريك تقول عرض ازياء >>
لاوبعضهم يقووول اجدادنا كانو يحطون قصات شعر خخخخخ
لعنبو داركم اجدادكم كانوا يخلوون الشعر يطول ويقرنونة بعد لان مافية بذاك الوقت حلاقين ..وتلقى شعر الواحد منهم لة ريحة غاز سام ماهو بمثل شباب هالوقت الشعر كلة كريم من نوع <اوعى تلمسني >.... ومن كثر المثبت صايرن تقوووول مشابك...


2/ دورة تخشين ..لمدة شهر في الربع الخااالي والصمان وديرة الحرة. ..

تلقى الواحد من عياااال هالنيدو لو يقعد بالشمس لمدة 10 دقايق مااااع ...وتلقاه مشغلن المكيف اربع وعشرين ساعة سؤاء برد والا حر....ولو تلمس خد الواحد منهم طلع دم
...والا العيال من اول >>>>اللي يشوفني يقول عمري 67
والا عيال من اول لو تضرب الوحد منهم كف ...تكسرت يدك من الخشونة....
عشانن كذا قرر ابو دحيم ان هالدورة تكون بمواقع حارة جافة نائية >>>شكل ابو دحيم بيطلعونة ارهااابي ..

ومن اهم قرارات ابو دحيم بهالدورة ...
1/عدم حمل الجولات
2/ النوم بالخلا بدون لحاف..
3/ صيد الجرابيع تالي الليول
4/ الصعود للضلعان بدون لبس نعااال
>>> ياحليل عيال اول تنلقى الولد منهم برجلة ثلاثين مخش ولاهمة.
بس حقين هالايام لو يلمس الواحد شي ..حولوة قسم العناية ...


3/دورة في كيفية مسك الدلة ...وصب القهوة.. ...

بما ان ورعاننا يفشلووون قدام خلق اللة ولايعرفووون يمسكون الدلال والاباريق.....قرر ابودحيم جزاللة خير عمل هالدورة....
ذاك اليوم كان معزومن عندناا واحد من الربع ...وقالي ابوي صب للرجال قهوة....قمت انا يالسطل ومسكت الدلة باليد اليمين وصبيت للضيف باليسراا ...مادريت الا هاك الكاسة تصطدم بخشتي وتؤدي الى ذهابي في غيبوبة ....يوم سالت من اللي صكني ...قالوا يسلم عليك ابوك ويقول لاعمروة ....يجي عند الرجااال .. ..عشان كذااا انا اول من بينضم للدورة..


4/ دورة في كيفية المشي بدون تمايل...
ياحليلهم ورعان هالوقت تلقى الثوب مخصر ياحافظ تقوووول عرض عضلات .... الثوب لاشفتة تقووول ستريتش >>>تصدقون اعرف خخخ
..ورجولهم بس تمايل تقووول نعومي بنت كامبل طيبة الذكر....او المشية اللي يسمونهاااا مشية البسة .....يعني ان الاقدام تمشي بخط واحد ورا بعض >>>> واسالوا البنااات ابخص...
فابو دحيم ربي يسلموةة جايبن لة عصاااا قاطعاااا من نخلتهم اللي بالخبوب ......عشان يمسط بة بزارين الفضائيات وعرووض الازياء..




5/ دورة لفتل الاشناااااب....
قرر ابو دحيم اغلاق بعض محلات الحلاقة الت يتدعو بزاريننا الى تخفيف الشنب ....وقصة بطريقة الكلاسيك >>>>طلع كابرس مو بشنب..
حيث ان اللي يدخل هالدوووووورة يبي يصير شنبوةةة اطول من دوار الهدية ببريدة.......لان اشنب يعتبر عنوان للرجولة ....
اللي يرحم زمااان راكان .. وبندر بن سرور ...العالم العروووف خخخخ

فاحرصووووا على ارسال بزارينكم قبل ...لايتحولووووون الى اوادم ناعمة لاتهشششششش ولاتنششششش.
وسلامتكم ....

[الأثيـــــــر!!]

السلام على الكِرام ؛؛؛؛؛؛؛؛؛؛
بالعكس ياخوووووووووووي يالمدلل ،، موضوعك جدا جدا جدا رائع والأروع من كذا هو لأن يدينك الله يسلمك كتبته !!
وأنا (( واتمنى من الجميع )) كل ما دخلت على موضوع أو مشاركة لأحد الأعضاء ،،وبصفتي كعضوه في المنتدى أشوف أنه لازم أرد ، حتى لو ما عجبني الموضوع ،، ما فيها شيء الواحد منا معرض للنقد سواءً مدحاً أو ذماً ,,,, صح وإلا أنا قاعده أتفلسف عليك ؟!! <<< ما عليه قول اللي ودك تقوله >>
عموماً // موضوعك جداً عجبني ،، وعشان كذا أنا بلم كل بزارين ووراعين الحارة والحارة اللي بجنبنا بعد و أجيبهم يتأدبوووووون عند أبووووونا دحيم ،، وما يسير خاطرك إلا طيييييييب ,, سلملنا على الدحمي !!!
واتمنى لك مزيداً من التقدم والنجاح ،،
ودمــــــــــت كاتب لكل ما هو جميل وطريف !!! :D
أبعث أجمل التحايا للجميع !!
الأثيــــــــــــــــــــــــــــــــــــر !! :1: :1: :1: :1:

[مدلل]

هلا وغلا وخيتي الاثير تو مانوووور الموضوع

الله يعافيك مثل مارفعتي روحي المعنووويه =====> عنده مباراه


يسلموا اختي على الرد وكلك ذوق

[قم بس قم]

هلا وغلا بك يا مدلّل


موضوع منتااااااااز

شف تراي أبثبتة تسم يوم ((تحت التجربة)) لاكن إيّاني ويّاك يصير منقول وإن تسان هو منقول علّمنا;) تراي كزّيت الشباب يدوجون بالمنتديات
برئاسة طير الوسيطى خبير النّقل والخاص بالمنتدى:D وتراهم يبي يجيبون العلم:1:



مشكوووووور يامدلّل:2:على هالموضوع اللي نبش عن بعض النّاس:rolleyes: ;) :p

[مدلل]

هلا وغلا حبيبي قم بس قم

الله يسامحك بس ماهو بنا اللي اجيب موضوع منقوول يابعدي حنااا نطلع الافكااار غصب ====> شدعوى نزار قباني ..

الموضوع انا منزله من مده طويله هنا بس للااسف ماكان فيه اقبال على منتدى الطرائف في ذاك الوقت.. لذا نزلته بمنتدى اخر وكان الاقبال عليه كبير ...يعني حقوق الطبع محفوووظه

انتم لو يهديكم الله وتعطووون سداح فرصه ====> اللي هو انا طبعا خخخخ

كان جبت لكم سواليفن زينه بس ياخي جابت لي الاحباط حالة منتدى الطرائف المشاركه قليله بالردود وهذا يحبط اي كاتب وانا متاكد انه لوو يكوون فيه تفاعل اكثر في منتدى الطرائف لوجدت الاقبال على المنتدى كبير جداا لاني وبحكم خبرتي في بعض المنتديات وجدت ان الاعضاء دايما يحبووون مواضيع القصمان وسوالفهم ...عسى انشالله في القريب العاجل ينحقق مانصبوا اليه لاننا بصراحه ملينا من المنتديات ودنا نقعد بمنتدى ديرتنا وبسسس ..

مشكور اخوي قم بس قم على تفاعلك مع الموضوع وابشر باللي يسرك ..
بس اول شي احلف انك من العجيبه ====> خايف من الاسم .. خخخ

تحياتي لك حبيبي

[وائل]

متابع قوي ومتحمس للفكرة ..

اتمنى أن يسهم الجميع فيه وأن يتولى صاحبه دعم هذا الملف

دون كلل أو ملل ،،

وتعليمهم الرجولة مهمة ليست صعبة على من هو مثلك


ونحتاج إلى جعل الموضوع كقضية تطرح للنقاش ويبحث

عن حلول لها ..

تشكراتي لك

[جلوي العتيبي]

تسلم اخوي مدلل ولو ان اسمك مهوب مناسب للموضوع بس يالله

موضوع مهوب معقول ويستحق التثبيت


الله يضحك سنك اخوي والله اني طحت من الضحك

لا والدورات والقرارات مهبوله

بس ياليت تكون بالتدريج علشان ما ينصدمون ويهجون ويخلونك


ومن اهم قرارات ابو دحيم بهالدورة ...
1/عدم حمل الجولات
2/ النوم بالخلا بدون لحاف..
3/ صيد الجرابيع تالي الليول
4/ الصعود للضلعان بدون لبس نعااال
خخخخخخ


تسلم وياليت نشوف جديدك

[الذهبي]

هههههههههههههههههههه

هههههههههههههههههههههههههههه

ههههههههههههههههههههههههههههههههه

تنسيييييييييييييييييييييييم الصراحة يامدلل

[مدلل]

اهلين اخوي وائل ..

كلامك سليم وصراحه هالظاهره بازدياد للاسف وياليت نلقى من يهتم فيهااا بس للاسف الحين بلشنا بالكبار شلووون الصغار ..

تسلم اخوي عالرد والمشاركه المميزه

[مدلل]

هههههه هلا اخوي الزعيم

تصدق تو مانتبهت للتك نيم حقي ..الصراحه اني كاتب الموضوع هذا في منتدى اخر باسم مصرقع للغايه ولكن لان النك نيم هذا مسجل فيه من مده طويله ماحبيت اغيره.....والصراحه بودي اغيره بس مادري عن المراقب وش رايه.

وابشر بعزك ذالبزارين بنخاف الله فيهم وبنسوي الدورات بالتدريج بس لاتنسى ترى يمكن نحتاجك خصوصا ان فيه دوره براسي
وهي صيد الضبان بالقوايل بدون لبس نعال وشماغ ====> بذمتي لليطلع الواحد منهم نص دجاجه على الفحم

يسلمووووووا اخوي

[مدلل]

هلالالالا وغلالالالا الذهبي ..

لاتنسى ابيك تسير علي هناااااك محتاجين مدربين صيد قميري ....

ويسلموواا عالرد اخوي

[جلوي العتيبي]

ابشر باللي تبي


اقول هذا عقب التدريج طلعت الدوره الجديده الله يعينهم عليك

طيب ماحددت الاعمار من كم الى كم


ونوعية الوجبات هناك وش تبي تكون

[مدلل]

هههههههههههههههههههه

هلا بالزعيم

تعرف من حرصنا على بزاريننا نحاول نطلع كل شي جديد ====> يبي يطلع روحهم ذالعربجي

من ناحيه الاعمار فمبدايا رايح نستقبل من يكون تاريخ ميلادهم من 1404 اي مع بداية انتشار النيدو يعني من 19 - 15
وبالنسبه للوجبات ..وانا اشكرك انك ذكرتني ====> امحق مدير

رايح تكووون متنوعه يعني ... حنيني ..... لحم ضبان ..جرابيع مشويه ....دخل .. مطازيز ...كراث مركز ... كراعين قميري .. واكيد انواع مختلفه من الخضار مثل .. جرجير ..حدج ...ترنج .. بسباس

ومشكووور اخوي على حرصك على النشأ ====> امحق نشأ