المسنجريون والدعدعة ..!! [الأرشيف]

تسع الا ربع

19-07-08, 03:18 am

جلست بجوار ولد اخوي وكان معه اللابتوب وكنا نتصفح بعض المنتديات
ثم فتح المسنجر .. ويالهوووووووووي استدارت عيوني:36_1_5[1]
تصدقون إن عدد جهات الاتصال 981 نفر >>> حشا هذا كمب شركة !!
الغير متصلين 914 واللي متصلين 67 :8[1]:
أمّا رسائل تم تسجيل الدخول والله كأنه عدََّاد أحياناً 3 رسائل فوق بعض
تم تسجيل دخول فلان:a1:
تم تسجيل دخول فلان:a1:
تم تسجيل دخول فلان:a1:
عاد سألته
الآن كلهم تعرفهم ؟! >> تقريباً !!
وهل تتواصل معهم كلهم؟! >> بعضهم !!
طيب لو يدخلون عشرة جميع وش تبي تسوي؟؟!
اسولف مع أربعة واعتذر من الباقين !!

قلت والله انك غريب !! بالنسبة لي ماأدخل المسنجر إلا قليل جداً
وكل اللي عندي خمس جهات اتصال وكلهم مسوي لهم حظر
واللي أبغاه بسالفة أشيل الحظر عنه :11_1_218v...
وتصدقون مرة سولفت مع اثنين وبديت اخلط بالسوالف ارد على هذا بسؤال ذاك :8[1]:
حتى اعتذرت من واحد منهم ...

مادري عاد هي موضة !! والا فراغ !! والا حب سوالف !!
وهل فيه أحد مثله؟! والا هو فقط حالة شاذة :a2: اسويله دراسة وعلاج :4[1]:
وهل هو مبالغ ويدعدع والا أنا مقصر !!

أعذب تحية للجميع ،،،

رحّــال

19-07-08, 03:39 am

بالعكس هذا اللي لازم يكون

بمعنى لازم تكون علاقات وصداقات من خلال الماسنجر
وكل ما كثر اللي بالماسنجر
كل مازادت الفائدة ..... ( الفائدة غير مادية )

وأنا شخصياً
أستفيد من خلال الأخوان بالماسنجر أكثر من اللي أستفيده من المنتديات ...

هدوء في ضجيج الصمت

19-07-08, 03:44 am

دايم اتحصل الي كذا!!!

برئيك ايش الحل؟؟

Queen of buraydh

19-07-08, 03:57 am

ياربيه عدد كبير

كيف يقدر يفرق بينهم !!

انا ايميلي القديم وصل 50 جهة اتصال

سويت لي جديد وتقلص العدد

لا أأيد كثرة جهات الاتصال .. بصراحه وجع راس هه

" TWIX "

19-07-08, 03:58 am

ولد أخوك سنتين وتضرب فيوزه !!

الكبري

19-07-08, 06:35 am

نمط من العلاقات الجديده وليس وحده هكذا ..

لكن أكثر الماسنجريون من الشباب المراهقين ..

في الماسنجر ولا على عتبة البقالة !!!!!!!!

لكم أطيب المنى

•°سـرىآ اللـيـل°•

19-07-08, 06:47 am

الماسنجر لاأدخله إلا قليل جداً خاصة في الإجازات .,

وبالنسبة لجهات الإتصال فهي قليلة أيضاً ومحدوده لأني شبه حصرتها بزميلات الجامعة .,

يبقى الماسن متنفس للإلتقاء بالصديقات .,

أهذب تاهيه’

بنت البدائع

19-07-08, 07:07 am

المسنجر بقد ماهو ممتع إلا إنه يبط التسبد لاصرت مشغول وأبلشك أحد <<< إحترامي لكن :a1:

<<< تبي تنجلد من بعض ناس :confused:

لكن موضة التجميع هذي مهيب زينه أبد .. أحد لك معرفة فيه وإلا مايلزم ..
وأظن خدمات المسن الجديده مثل " الظهور دون إتصال " أفادتنا كثير خصوصاً لمّا نكون بوقت شغل << إستر ياساتر ..

أما طريقة الحظر أحسه تهميش لو يندرى به كان صار زعل .. ولايسويه غير الشيطاني
حاظرتن أخوي ولابغيته فكيت الحظر وهارجته الله يستر لايدري بي <<< مهيب شيطانية :4_1_104[1

والله إني أكتب هالرد .. ووحده توطوط تحت وأقوله إصبري أبرد :for1: .. وه بس

دمت بخير

؛

# الزلزال #

19-07-08, 07:18 am

واللــــه عنوانكــ فيه شي من الصحة .. اما جهات الاتصال فالامر طبيعي

في ظل اختراق التكنولوجيا لحياتنا اليومية فأصبحت معظم تعاملتنا ومعملتنا تتم حاسوبين فأعملنا ننجزها

الكترونيا وكذلكـ تسليتنا وترفيهنا وقضاء وقت فراغنا وحتى اطلاعن على الصحف وكل شي يكون عن

طريق هذا العالم الفسيح .. والذي يعتبر المـــاسنجر احد ادواته المهمه .

إلينـ اليوم

19-07-08, 07:25 am

احلى مافي النت المسنجر والسكايبي

العدد المعقول الى الخمسين حلو

تسع الا ربع

20-07-08, 04:56 am

رحال
مشكور خيو على تشريفك
وصحيح لازم يكون فيه علاقات وصداقات لكن ماهوب بهالشكل
المبالغ فيه يعني بهالطريقة يبي يصير ضايع بالطوشة:e1:
و لا راح يفيد ولا يستفيد
أشكرك رحال مرة اخرى ..

ملكة التواجر
ويش تقرب لك نقرة التواجر :4_16_1[1]
افضل حل هو الحذف ثم الحذف ثم الحذف
ومانتي ملزومة بمصالاة وتوسيع صدور خلق الله
اشكرك مرة(ن) ثانية خيتو ..

قوين بريدة
تصدقين قعدت شوي اتهجى اسمك :c8:
بس لا تلوميننا من زمااااااااااان عن المنتدى والله تغير علينا واشتقناله
وتصدقين زين ماسويتي يوم كثرت جهات الاتصال افضل طريقة
هي تغييره وفلترة الموجودين
تشكرات على مروررك ...

القرار الأخير
تصدق إنه الآن بدت تضرب فيوزه
ماهوب هو ولد خوي اللي أنا أعرف:a2:
تشكر ياغالي على مرورك ..

الكبري
سلملي على ابن آخيك النفق:4_16_1[1]
أشكرك من الأعماق على مرورك وتعليقك
صحيح أنه نمط جديد من العلاقات
ولكن المفروض يكون لا إفراط ولا تفريط
أحياناً على عتبة البقالة أحسن من المسنجر
إذا صار بهالطريقة المبالغ فيها :for3:...
أشكرك مرة(ن) ثانية عزيزي ...

تسع الا ربع

20-07-08, 04:58 am

سرىالليل
أشكرك أختي على مشاركتك
وطريقتك مع المسن هي المعقولة فالدخول له
من الأفضل انه يكون بأوقات قليلة ويكون استخدامه
للعلاقات مع الأصدقاء والأهل أوبعض التعاملات الحياتية ..
لكن بعض الناس حياته المسنجر وهذا اللي خلى
ربعه يتعدون الـ900 :for3:
أشكرك مرت(ن) ثانية ..

بنت البدايع
مشكورة على مشاركتك وصادقة بأن خدمة الظهور دون اتصال
خدمة رهيبة لكن أحياناً ودي اظهر لبعض الجهات واختفي عن بعضهم
وبهالطريقة لازم اسوي حضر يعني ماهيب شيطنة
بعدين هل اللي أنا حاضرهم يدرون إني حاضرهم ؟!:22[1]:
الله يستر روعتينا يابنت الله يهديك
تشكرين مرة ثانية ..

الغالي الزلزال
مشكور على مرورك ودورياتك :c2:
مافيه شك إن الحاسوب والتكنلوجيا اصبحت هي الوسيلة
الغالبة في قضاء معاملاتنا وتعاملاتنا لكن ماهوب بهالطريقة المفرطة
يعني هالاشكال حياتهم المسن ..
أشكرك مرتن ثانية وثالثة ياغالي ..

خوان بابلو سورين
هلابك ياغالي تصدق قلت لولدي كرر هالاسم سبع مرات
يوم كرره ثلاث داخ ونام:8[1]:
ياخي عطنا اسم حليو وقصير ندلعك فيه :a1:
وبالنسبة للعدد المعقول فكل شخص واستخدامه للمسن هو
من يحدد العدد المعقول فبعضهم يستخدمه للبيع والشراء
وبعضهم للسوالف والضحك يعني بعضهم عادي ياصل عددهم الـ100
وبعضهم عشرة كثارين عليه ..
أشكرك مرتن ثانية ..

@ ابتسام @

20-07-08, 11:17 am

شكله طاااف ، ومهب معترف ان عقله ما يجمع

يبي له فترة وجيزة ويجيه الخرف اعتقد والله اعلم مهب مطووول

ابوناصر الرسيني

20-07-08, 12:02 pm

شكله طاف
اصبرله اشوي ويجيك ويقولك غيرت اميلي

عطــرالأمــاكن

20-07-08, 12:24 pm

هند الوفاء

20-07-08, 01:19 pm

قلت والله انك غريب !! بالنسبة لي ماأدخل المسنجر إلا قليل جداً
وكل اللي عندي خمس جهات اتصال وكلهم مسوي لهم حظر
واللي أبغاه بسالفة أشيل الحظر عنه :11_1_218v...
وتصدقون مرة سولفت مع اثنين وبديت اخلط بالسوالف ارد على هذا بسؤال ذاك :8[1]:
حتى اعتذرت من واحد منهم ...

واااااااااااخيرا,,لقيت من يتفق معي..
مستحيل اقدر على المحادثة مع اثنين في المسنجر ..
وبصراحة ما احب حد يحاجيني :) الي ابيه بشيل عنه البلوك وبكلمه..
واذا حد محتاجني بشي يسوي لي رسالة او ايميل ..
اعتبر المسنجر فوضة وسوالف تضيع الوقت..اذا ما كان فيه هدف او موضوع..
مهم ويستحق الحديث فيه..
وعموما ما حد يزعل مني ..مسنجري فيه 10 ويمكن أقل بلوك ما عدا شخصية واحدة مهمة جدا..ورافعة علي حق الفيتو V لو تدري ان عليها بلوك :f5: ما يصير خير

مادري عاد هي موضة !! والا فراغ !! والا حب سوالف !!
وهل فيه أحد مثله؟! والا هو فقط حالة شاذة :a2: اسويله دراسة وعلاج :4[1]:
وهل هو مبالغ ويدعدع والا أنا مقصر !!

يمكن تقلي للغير..وتظاهر انا عندي كثير !! :f8:
والفراغ اكيد له دور..والسن كذلك ومستوى النضوج..
فيه احد مثله ؟ ايه كثير..لا تدرس حالته ولا شي ..بنفسه بيطق فيوز
ويعلن حرب تنظيف للمسنجر..ويشوف له حل ذاتي..بس لا تنسى تلفت نظره وتوجهه بلين

اخوي (ثمان وخمسة واربعين دقيقة ) << ودها تعرف سر الاسم :d1:
لا تقلق ..دمت بخير

..

جبل عمر

20-07-08, 01:55 pm

أعوذ بالله 914 هذا شكله أخذ الإيميلات من شركات الدعايات معي ثمانية نفر وبلشن فيييهم
هذا طاف وراح يضيع مشيته ومشية الحمامه مرة كان فيه أربعه داخلين قلت أجرب أسولف معهم كلهم صرت مثل البروسس Process أول شي قدرت أمر تخطلت الردود وتنحاس السالفة وضحكوا علي ضحك العمر وكنت جاحد على واحد شي ودري فيه مامثل لا تتكلم مع واحد بس

تسع الا ربع

20-07-08, 11:34 pm

شكله طاااف ، ومهب معترف ان عقله ما يجمع

يبي له فترة وجيزة ويجيه الخرف اعتقد والله اعلم مهب مطووول
ابتسام شاكر مرورك الغالي
يبدوا أن حياته بالنت كله بالمسنجر والا فوق 900 جهة اتصال :1856:!!
شي خيال ولو ماشفتها بعيوني والله ما أصدق ..
أكرر شكري ..

هدوء في ضجيج الصمت

20-07-08, 11:36 pm

الحضر فيه طريقه تدري أنه حاضرك بس نادر من يعرف الطريقه....!!

أحترامي ’’’

تسع الا ربع

20-07-08, 11:38 pm

شكله طاف
اصبرله اشوي ويجيك ويقولك غيرت اميلي
هلا وسهلا باخيي ابو ناصر الرسانا:4_1_6[1]:
تغييرة الإيميل مايبيلها كلام ..
لكن وشوله كل هالاضافات !
تحريه على قولتك طاف ؟؟!
تشكرات ابو ناصر على هالطلة الحلوة ..

تسع الا ربع

20-07-08, 11:46 pm

ياخي من جد دعدعه على اصوله اجل 914 والله زي لوحة واحد من العيال خخخخخخخخخخ

ياخي والله اللي معي 100 او حوله وافكر احذف بعضهم اللي مالي معه اخذ وعطى .. يعني وش الفائده اذا صار عندي كذا ؟

وش افضل موجودين 1000 لو تبي منهم شئ مالقيته ولا لك معهم علاقه قويه .. او 100 وتكون معك علااااقه ممتازه معهم ؟

اترك لكم الاجابه ..

بس من جد ولد اخووووووك دعععععععععععععدعه قسم بالله !!!

والله يشفيه ان شاء الله ===> عن نفسي اعتبره مرض صراحه
هلا والله بعطرنا
أسأل الله الكريم رب العرش العظيم أن يشفي ولد اخوي:6[1]:
بس يبدوا أنه مو بس هو لأن ولد اختي كان جالس معنا وشاف استغرابي
قال تصدق ياخال إن ولد عمي عنده فوق الألف :36_1_5[1]
قلت الله يهنيه بهم !!
وتصدق ياعطر إن الـ100 أنا أعتبرهم كثارين مرة يعني يحتاجون فلترة ...
شاكر مرورك خيو ..

تسع الا ربع

20-07-08, 11:58 pm

واااااااااااخيرا,,لقيت من يتفق معي..
مستحيل اقدر على المحادثة مع اثنين في المسنجر ..
وبصراحة ما احب حد يحاجيني :) الي ابيه بشيل عنه البلوك وبكلمه..
واذا حد محتاجني بشي يسوي لي رسالة او ايميل ..
اعتبر المسنجر فوضة وسوالف تضيع الوقت..اذا ما كان فيه هدف او موضوع..
مهم ويستحق الحديث فيه..
وعموما ما حد يزعل مني ..مسنجري فيه 10 ويمكن أقل بلوك ما عدا شخصية واحدة مهمة جدا..ورافعة علي حق الفيتو V لو تدري ان عليها بلوك :f5: ما يصير خير

يمكن تقلي للغير..وتظاهر انا عندي كثير !! :f8:
والفراغ اكيد له دور..والسن كذلك ومستوى النضوج..
فيه احد مثله ؟ ايه كثير..لا تدرس حالته ولا شي ..بنفسه بيطق فيوز
ويعلن حرب تنظيف للمسنجر..ويشوف له حل ذاتي..بس لا تنسى تلفت نظره وتوجهه بلين

اخوي (ثمان وخمسة واربعين دقيقة ) << ودها تعرف سر الاسم :d1:
لا تقلق ..دمت بخير

..
هند الوفاء مشكورة على المرور الكريم
بالنسبة للتركيز فاللي يقول اقدر اركز مع أكثر من شخص فهو يكذب
صح يقدر يحادث خمسة لكن بدون تركيز ..
وبالتأكيد إن الفراغ والسن والاهتمامات لها دور كبير بهالامر
وبالنسبة لولد اخوي ففيوزه بادية تنحاس والله يستر:4_1_107v[

وبالنسبة للاسم فهذا سر بيني وبين الساعة
وبيننا اتفاق إننا مانعلم أحد :10_5_2[1]
تشكرين مرة أخرى من الأعماق على مرورك ..

تسع الا ربع

21-07-08, 12:07 am

الرد الأصلي بواسطة جبل عمر
أعوذ بالله 914 هذا شكله أخذ الإيميلات من شركات الدعايات معي ثمانية نفر وبلشن فيييهم
هذا طاف وراح يضيع مشيته ومشية الحمامه مرة كان فيه أربعه داخلين قلت أجرب أسولف معهم كلهم صرت مثل البروسس Process أول شي قدرت أمر تخطلت الردود وتنحاس السالفة وضحكوا علي ضحك العمر وكنت جاحد على واحد شي ودري فيه مامثل لا تتكلم مع واحد بس
هلا والله بجبل عمر
وشلون مؤشرك اليوم الله لا يعيده من مؤشر :15[2]:
أجل ضعت بالطوشة مثلنا !!
بالنسبة لي لازم عيوني واذاني وخشمي وكلي أركز مع واحد بس:for3:
مو بلادة لا والله بس علشان إعطيه حقه من الاهتمام ..
وبالنسبة لولد اخوي من المشاركين بفعالية ببعض المنتديات لذلك
يمكن كل من رد على موضوعه احسبه صديقه وضف إيميله ..
الله يستر عليه من ضربة الفيوز :4_1_200v[
تشكر ياغالي على طلتك الحلوة ..

فهد الحربي

21-07-08, 12:08 am

عاادي ياغالي خلهم شقااهم على الماسـنجر
وبالعكس هو قاعد يضيفهم بوجودهم بماسنجره (كريم الولـد)

هههههههههه

تسع الا ربع

21-07-08, 12:11 am

الحضر فيه طريقه تدري أنه حاضرك بس نادر من يعرف الطريقه....!!

أحترامي ’’’

الله يستر :11[1]:
لا يصيرون دارين إني حاضرهم ؟؟!:ash:

شاكر لك هالمعلومة المهمة ...

المتلولس

21-07-08, 12:20 am

مع أحترامي لولدعمك شكل أي ماسنجر يلقاه يضيفه لاكن إذ كان عددهم أقل ممكن يكو أصدقاء وزملا عمل كذا معقوله تقبل مرررررررروري

تسع الا ربع

21-07-08, 12:25 am

عاادي ياغالي خلهم شقااهم على الماسـنجر
وبالعكس هو قاعد يضيفهم بوجودهم بماسنجره (كريم الولـد)

هههههههههه

هلا والله وغلا بالغالي فهد الحربي
أنت الآن داخل باسمك الصريح والا مستعار !!:ash:
1000 واحد اسمهم فهد الحربي لذلك صار أشد غموض من الاسم المستعار:D
إن كانك جاد عطنا اسمك السداسي:a1:
ومعك حق إن شقاهم على المسنجر
بس أخاف يافهد هالكرم ينقلب لاهبال يعني بدل مايسمونه
(الجزل) يسمونه (المهبول) يعني لا توهق الخلق الله يهديك ..

تشكر يافهد على مرورك ...