الله يقطع السفر وسنينه ! [الأرشيف]

مشاهدة النسخة كاملة : الله يقطع السفر وسنينه !

عاشق ديرتي بريده

16-07-08, 03:19 am

قبل 20 سنه تقريباً قليل اللي يسافرون كل سنه !

لكن بالوقت الحالي لايوجد احد الا لازم يسافر بالصيف غني او فقير !

يعني السفر اصبح ضروري من الضروريات !

صحيح السفر يعتبر تغير مطلوب ولكن ليس كل سنه !

مقتنع ان فيه ناس تقول لا السفر ليس ضروري بس راح يسافرون وهم غير مقتنعين لان السفر اصبح تقليد !

هل سوف نستمر نسافر لمجرد ان ام محمد سافرت وحنا لا !

ღوحيدة كالقمرღ

16-07-08, 03:21 am

لا والله الله لايقطعه

هو مو ضروري وشهوة

ع حسب حالك وحياتك واحوالك وميزانيتك

إذا تقدر وإلا بلّوشي مايلزم

ămōяẻ

16-07-08, 03:23 am

هلا

بك

العنوان مقطع من غنية صح

جداز لي

طيب واللي ممنوع من السفر وش يعمل

هههههه

قلب الأسد

16-07-08, 03:24 am

عويشق جاء الليل وجت هواجيسك الله يعين بس
عاشق والله السفر صار عند الكثير ((فرض)) وليس
عاده وبس والله اني استغرب من هاالناس .لا واللي
مايسافر يضحكون عليه الحين يقولون اخذ اجازه وقاعد.
عاشق شكلك راعي طايف ومدينه الله الله بالبرشومي.
طيب انت تبي تسافر ولا لا ..او بس كلام علينا......

بــرمــودا

16-07-08, 03:26 am

هلا عشقشق ,,هاه مثل كل سنه زهقان ومتنبل وحدك (قاع متعب) خخخخ ,,بس ترى الدعوى موضه وبعضهم تصدق أعرفه طلع سياره أقساط ورويتبه على قده ..قال إيه ..قال أم العيال طفشتن بعيشتي وتقول وش حيث أختي وأم جيراننا يسافرون وحنا لا .... بس تبي الصدق ياعاشق : بشر الحراميه يبي يروقون بهالعطله البيوت فاضيه .......دمت بسفر دائم

& جمال الطفوله &

16-07-08, 03:34 am

وش اللي يمنع اذا كانت الميزانيه موجوده والمزاج تماام .. ؟!

وبالعكس الآحظ اللي يحب السفر ( الرجال ) اكثر من ( النساء )

تحصله يدور الأجازه علشان يطلع من السعوديه ...

فهد الحربي

16-07-08, 03:40 am

والله لجيت للواقـع السفر
شر لآبـد منـــه
بعد عناء الدراسـه وعناء الامتحانات
وعناء الشغل للموظفيـــن
اصبح لابـد ان يكون هناك وسائل ترويحيه للنفس وتجديد للنشاط سواء كانت هذه السفره داخليه او خارجيـــــه
وليس كما قلت يااخي بانه تقليـد لليعض
لكن يمدحون ام الدنيا هالآيآم !!
مشكور على هالموضوع

جوان2007

16-07-08, 03:53 am

مادام الميزانيه زينه بنسافر لاكن مأيد الي يتسلف فلوس ولا ياخذ سياره عشان سفره

الحمد لله والشكر ....الي مامعوش مايلزموش

وبعدين الرجال يحبون السفر اكثر من الحريم على قولة جموله

وكل سنه يروح لدوله جديده وحنا مهكوكن علينا حدنا دول الخليج !

&نجدية كووول&

16-07-08, 05:08 am

السفر أزين شي بالحياة عندي أنـــــــا

أن شاءالله لو داجين لازم بنسافر

فلها وربك يحلها.....

# الزلزال #

16-07-08, 05:11 am

عــاشق ..

ودي اقولكـ بالسفر سبع فوائد .. واصفلك من هالحكي .

بس اللي بالخاطر احسن

احلى شي بالدنيا السفر صدقني .. بس على شرط تحط في بالكـ

المتعة والترفيه فوق كل اعتبار ماعدا معصية الله يعني اللي يسافر

يسافر من اجل ان يفرفش ويكتشف العالم ,, ويهيص ويعيش اجواء تنعنش

وكل شي مادري وشلون اقنعكــ بس أهم شي ان السافر احسن حاجه بالدنيا .

والله يديمه ويديمنا مقتدرين عليه ... قول آميــــــــــــــن

الرحـّـال

16-07-08, 06:31 am

أنـفأإأس أإأللـيل

16-07-08, 06:55 am

ليه أجل سموها عطلة
عشان الانسان يجدد نشاطه
ويغير جو ويهرب عن أجواء الحر والزحمة والقلق ..

كلمة السر

16-07-08, 07:05 am

اعتذر مكرر....

كلمة السر

16-07-08, 07:08 am

السفر ليس ضورورة او روتين في كل عطله

اذا استطاع الشخص السفر فالافضل انه يسافر

لان السفر مع العائله له ايجاياته

وغير كذا تغييرللجو ممل وحر
تكون طول اليوم مع عائلتك

كيفي ... قصيميه !

16-07-08, 11:47 am

السلام عليكم ...

مثل امي ..تقول مادري وش تلقون بالسفر ...الواحد يأخذ اجازة عشان يقعد بالبيت ويستمتع بالاجازة بيته ....

وبالنسبة لرأي ..ان السفر مهم ... العائله تغير جو بالسفر واحس ان نشاط الواحد وطاقته تخلص بعد عام دراسي وبالسفر يرجع الشخص يتنشط ....

طبعاً هذي رأي الشخصي ...:)

" TWIX "

16-07-08, 07:23 pm

عريبيا

مع الخيل ياشقراء !!

أذهب وانظر إلى سياحتهم هناك خارجا تجدهم بدل ما يتفرجون على المعالم السياحية الناس هناك جعلوهم فرجة لهم !!

:4_1_104[1

ثقافة السياحة مفقودة عند بني يعرب .

جمان البحر

16-07-08, 08:50 pm

آآآآآآآآآآآآآآآآآآآآآآآآآآآآآآآآآآخخ ياعاشق ..
كأنك تدري اني اليوم مانمت الفجر بسبب ضيقة الصدر لأننا ماراح نسافر الا لمكة ..

ياأخي اللي ماعشق السفر مثلي ماراح يحس باللي أحس به ..

اشتقت للسفر وتغيير الجو ..
اشتقت للحظة ركوب الطيارة ..
اشتقت لمراقبة الناس النائمة بالطيارة وأنا أتهاوش مع النوم أيه يجي بس يعيي ..
اشتقت لفزعتي مع أبوي بأشياء كثيرة خاصة اني أجيد اللغة الانجليزية فيعتمد علي كثير ..
اشتقت للمطر الحلو والكثير (مب أمطار السعودية)
اشتقت لشاطئ نظيف ولون البحر الأزرق وماحولك الا عدة أنفار تعدهم على أصابع يدك الوحدة ..
اشتقت للمشي بالشوارع ..من شارع لشارع ومن عمارة لعمارة على رجليني ..
اشتقت للخضار والطبيعة الحلوة اللي تفتح النفس ..

باختصار اشتقت للسفر كله بكل اللي فيه ..

الله يعين هالسنة الوالدة رفضت نسافر علشان حالتها الصحية ماتتحمل السفر الطويل وكثرة التمشية وتغير الأجواء ..

وقسم يوم قالت أمي استخرت ربي وماراح نسافر خنقتن العبرة وماعرفت وش أقول تحجرت الدموع بعيوني وطلعت من الغرفة بسرعة قبل لاتهاوشن على موقفي ..

وصراحة دائماً أردد ..
مستعدة ماأروح لاجتماعات الأقارب ولا أروح لأسواق ولا شيء بس علشان أسافر ..
لأني اذا رحت لاجتماع وسولفت وضحكت ..ورجعت للبيت وبعدين؟؟ وش استفدت ؟؟مااستفدت شيء وسعت صدري كم ساعة وبس هذا اذا ماتضايقت من بعض الناس ..
والأسواق ماأحبها ولاأروح لها الا للضرورة ..واذا اشتريت ولبست ..وبعدين ؟؟
وش استفدت ؟؟
برضوا مااستفدت شيء لبسة لبسته وبعد كم لبسه تبي تنرمي ..

لكن السفر يضل ببالك تتذكر كل مكان رحت له يتوسع صدرك اذا شفت صور السفر ..تضحك على روحك اذا تذكرت بعض المواقف اللي بالسفر سواء مواقف محرجة ولا عصبت من أحد وتنرفزت كله بيخليك تضحك على روحك ..
تسولف على الناس عن سفرتك وتقص الأشياء الحلوة ..