امراة تريد حل لمشكلتها

[ياقلبي لاتحزن]

(( منقول للفائده ))

من يحل مشكلة هذه الاخت مع زوجها



انا بقولكم مشكلتي ابغاكم تساعدوني ايش اسوي
انا وزجي دايم مشاكل دايم يضربني على اتفه الاسباب مايحترمني ولا شي مره ضربني قدام اهله واخواته عشان ما جلست جنيه يوم قالي تعالي هنا عندي وقلت له مابي ابي اجلس هنا والله قام وجرني من شعري وقام يضربني مثل الاطفال لين جلست جنبه وانا ابكي من القهر وذا بكيت يزيدني يقول لا اسمع صوتك تبكين
ومره ضربني عشان مارديت عليه وانا وربي يشهد علي اني ما سمعته يناديني
ولمن يضربني احسه يتلذذ بضربي ولمن يعتذر مني يقولي انا احبك ولا ماكان ضربتك
صار الضرب عنده عاده يعاملني مثل الاطفال الصغار اذا غلطت يعاقبني بالضرب ماعندنا اطفال يقول انتي طفلتي مابيك تجيبين عيال هو العيب فيه عنده دوالي وعنده ضعف
اذا سافرت لاهلي بيت خالاتي ولا بيت ابوي ولا عند اخواني مايخليني ارتاح الا ويجي ياخذني اهلي بمنطقه وانا عايشه معه بمنطقه بعيده عن اهلي
هو اكبر مني عمره 45 وانا عمري 23
مره سافرت معه كندا نتمشى وكنت معاه بسوق اشتري لي اشياء راح يشتري له دخان ورجع وحصلني بمحل اشتري وقالي انا اوريك شغلك في البيت والله ما اخذت على كلمته تعشينا في معطم وهو ساكت ولا كلمه
والله يابنات رجعت البيت وقام يضربني يقلي لا عاد تعدينها
ومره كان وقت رمضان قالي جهزي فطور عشان عازم رجال للفطور وقالي لا تفشليني
وسويت كل اللي نفسه فيه
ويوم راحو الرجال قلت له والله تعبت ابغى انام وقام يضربني بكل قوته يقول ليه تقولين انا تعبانه هذا شغلك

انا طالبه ادرس كرهت الدراسه اذا غبت يوم سوالي مصيبه يبغاني اكمل بالغصبه دراستي وانا معاد ليه نفس ادرس وجهي مورم من الضرب استحي اروح الكليه وحالتي كذا
وهو مايهمه غير انه بس يضرب غير المواقف الكثيره من الضرب
انا امي متوفيه وابوي عايش لا شكيت لابويه يقولي عادي الرجال يضرب حرمته
اشوف حريم اخوانه سعيدات وانا احسني ضايعه تعيسه
مره سافرنا مصر سفره جماعيه مع اخوانه وحريمهم واطفالهم
دايم يعاريني قدام حريم اخوانه ويناديني ياخبله تعالي ياخبله روحي ياخبله جيبي
زعلت منه وكنا بفندق قلت له ليش تناديني كذا قدام الحريم ماخلصت كلمتي الا كف على وجهي يقولي انا اسوي فيك اللي ابغاه انتي ما تتكلمين

حريم اخوانه يدرون ان زوجي يضربني وهذا الشي مسببلي قهر لانه ضربني مره قدامهم في البر وماتكلمت
احسني مظلومه مقهوره بس ماقدر اتكلم


وانا من جد محتاره مو عارفه كيف اغير عادة زوجي اللي ذبحتني

[الطاحونة]

ممكن تسألينها..

هي متزوجة رجال وإلا سجان...؟؟!!!

أبي أفهم...

[عبدالله30]

اهلا اختي0

شكل هذا الزوج رجل مصارعه وملاكمه وبطل على الحريم !

طيب الا يوجد في اخوتها رجل ؟

هذه تصرفات انسان مريض 00كان الله في عونها 0

[إدوارد علي]

وش يحس فيه ذا الآدمي ؟؟؟؟؟؟

[@النادر@]

عندي لها حل بس تدلني على زوجها
وانا اتفاهم معه بطريقتي الخاصة

[ياقلبي لاتحزن]

اولآ انا رجل ولست بحرمه :)

وثانيآ شاكر لكم تعليقكم ولكن تريد الحل

ماهو الحل الامثل لهذه المشكله:ash:

[عاشق مطر88]

((هو العيب فيه عنده دوالي وعنده ضعف ))


اعتقد ان المشكلة تكمن هنا فاحساس الزوج بعدم الانجاب والضعف

جعله يصب جم غضيه على هذه الزوجة المسكينة معتقداً انها

هي المتسببه في ذلك .

حسبنا الله ونعم الوكيل

[فانتازيا إعلامي]

ياقلبي لاتحزن

يجب على الزوج ان يفقدها ليعرف قدرها ..
فنحن بطبيعتنا لا نحس بقدر من حولنا إلى اذا افتقدناه ..
يجب ان تذهب لأهلها وتطلب الطلاق ..
ويحتاج هذا الزوج إلى صدمه قوية ليستعيد توازنه ....

طبعا هذا نوع من إثبات لمن حوله انه قادر وقوي رغم عقمه ...

الله يكون بعونه

[&&..ملاك..&&]

ياقلبي لاتحزن

يجب على الزوج ان يفقدها ليعرف قدرها ..
فنحن بطبيعتنا لا نحس بقدر من حولنا إلى اذا افتقدناه ..
يجب ان تذهب لأهلها وتطلب الطلاق ..
ويحتاج هذا الزوج إلى صدمه قوية ليستعيد توازنه ....

طبعا هذا نوع من إثبات لمن حوله انه قادر وقوي رغم عقمه ...

الله يكون بعونه


هذا هو الحل

د/فانتازيا

الحظ فى ردودك خبره كبيره بالتعامل مع البشر مهما كانت نوعياتهم

سؤال هل انت طبيب نفسي ؟؟؟

[التنديل]

ربما ان زوجها يعاني من مرض نفسي كما اعتقد انه يعني من نقص في شخصيته يحاول اشباعه بتصرفاته الحيوانية .

[خلف المعطف]

لا مستحيل يضربها اكره الضرب حرام عليه الحيوان لابعد يقول احبك حبه ان شاء الله جدري اجل يعطيه كف على اهون سبب!!وشلون ذي عايشه معه ياعمري قسم ما اقعد بالبيت ولادقيقه اجل يعيره عند حمواته اخخخ يالقهر قوليله ياخيتي روحي لم بيت ابوتس لحد مايجي نصيبه اجل تقعد عند المجرم؟؟؟

[عـزام]

بسم الرحن الرحيم ماهو ادمي هذا ولا انسان حتى شنو هذا

طيب وهي وشتبي تسوي تكفين لاتجيبين منه عيال عشان متعذبينهم

والله حرام تعذبينهم

تكفين تكفين تكفين

وطيب اشكتي عليه بدوان المظالم

وتطلقي منه

[احساس عابر]

اولا كان الله في عونها

اكيد زوجها يحس بالنقص كونه غير قادر على الانجاب ويعوض نقصه بقوته في الضرب

مااتوقع انها جبورة تجلس عنده مهما كانت تعاني من ظروف في بيت اهلها

ولا راح يتغير الا اذا اتعالج
وهي صغيرة يرزقها ربي افضل منه
واتوقع انها تتمنى تشوف اطفالها
لذا جلوسها مع هاالزوج غلط
الله يشفيه ويسهل امرهم ويرزقها ماتتمنى عاجلا غير اجلا ويأجرها في مصيبتها ويخلف لها خيرا منها

[فانتازيا إعلامي]

هذا هو الحل

د/فانتازيا

الحظ فى ردودك خبره كبيره بالتعامل مع البشر مهما كانت نوعياتهم

سؤال هل انت طبيب نفسي ؟؟؟

&&..ملاك..&&
اختي العزيزه

ان الاطلاع والمعايشه للعديد من النوعيات , والتعامل بكل هدوء مع اي عائق ..
وفتح المجال لسرحان العقل . والتمحيص والتتدقيق ..
هي علوم بدون معلم هاكذا هي الحياة , لانها ابسط مم نتوقع ...

شكرا لك

[اكحيلان]

نصيحتي عدم السكوت لأن السكوت معناه الرضى

صارحي أههلك ولا أحد إخوانك يتفاهم معه ويضع له حد

واستشيري اهل الخبــــــــــرة في ذلك من الصلاح

[# الزلزال #]

يعني عمره 68 وبه حيل يكفخ .. ويطاير .. القصه ماش ..

لكن الرجال اللي يضربون سواء لسبب او بدون سبب اجد هجرهم هو الطريق الانسب .

[إلينـ اليوم]

اكره الرجال الذين لايرون النساء شي ويقومون بضربها اوتوبيخها

[أم خماس]

ضعــف المرأة .. وقود لسطـوة الرجــل ..

فعندمـا يلحظ منهـا إستقلالا تاما عنه .. وقوة في الشخصية ... ورقيـا في أسلوب تعـاملهـا معـه .. فسينظر الى نفسـه كطفل مضطــرب .. مما يدفعه رغما عنه للتغيـير ..

ولاتنسى سهـام الليل التي لاتخطئ ....

[كفايه عذاب]

الحل اقتيله ...فلا يوجد حل غيره

[المعروف]

المشكلة تبدأ من سكوت المرأة أول الأمر...

بعض الرجال يتعمد فرض سيطرته على المرأة بهكذا مواقف منذ البداية..

والمؤسف.. أن المرأة تكون سلبية في الرد...

فيصبح (اختبار) الرجل.. (عادة) يمارسها كل وقت وحيثما شاء..!!

المشكلة بدأت من شعور المرأة أنها لاتريد أن تفقد زوجها...

تبعا لظروف وفاة والدتها وربما عدم رغبتها بالعودة لبيت ابيها..

وهنا بدأت هي (تتمادى) في السكوت عن حقها... والذي بدأ أول الأمر أمامها

وتطور ليكون أمام الأخريات...!!


الحل...

يبدأ بقرار قوي منها... قرار تقرر فيه أن تتركه.. خاصة وأنها من غير أبناء الان

لتتخذ القرار.. بنسبة 75% على أنها راحلة.. لاتريده.. ولتصر على رأيها...

وبنسبة 25% بأن يكون قرارها سببا في احترامها وتغيير تعامله معها..

خاصة اذا استجارت بأبيها وقالت ان هذه الحياة تضايقها..

ويجب ان يقف ابيها موقفا ايجابيا ويحميها.. ولايردها الا بعهود ومواثيق من الزوج باحترامها

غير هذا.. يجب عليها ان ترضى بمزيد من الحقران...!!

[هند الوفاء]

السلام عليكم ورحمة الله وبركاته,,

صراحة انكسر خاطري على هالمسكينة..

ما بزيد على رد فانتازيا وام خماس والمعروف..

لكن من القهر بكتب ..

البنت شكله صغيرة وطاحت بهالشيبة ..ويضربها بعد ويهينها..

بالله على ايش صابره ؟؟!!! ..ما فيه شي زين ينصبر عليه ولو كان زوج..
اصلا معقد وشخصيته ضعيفة لانه طايح في بنت الناس ضرب واهانات..

الحل بنظري: تطلق منه..ما بتشوف امر من الي تشوفه منه..وان شاء الله تزوج غيره:)
بس مو تقعد مع هالشايب المريض النفسي..يكفخها ولا عيال ولا احترام..شكلها بتموت قبله وبيشيب بها..انا اعطي الطلاق منه نسبة 95 % ..لانه رجال كبير جدا..وفيه مشاكل ما ظني يتغير..
حتى لو بيهددونها اهلها او كذا..ما ينظمن يفقد اعصابه ويضربها بعد مرة..وترجع للموال نفسه..
بعدين اهلها راح يملون من شكاويها ويستمر يضربها اكثر واكثر..
لهذا لازم تصير قوية وتقرر الطلاق حتى لو قام العالم كله..عندها مليون سبب تقدر تطلق منه..وباسرع وقت بعد..

أما اذا ودها تستمر معه..( مع اني لا اميل لهذا ..الريال طايح حظ ولا فيه شي زين الي مثله يحمد ربه صابره عليه لكن هو فيه فسق ..وهي شكلها ضعيفة امامه..<<< مقهورة :) )
تروح بيت ابوها تزعل ولا ترجع الا اذا انعدل حالة..وما ترضى بسرعة..لأنه هذا يضرب ويهين ..لازم يتفشل من الزين ..لانه مسوي فتوة على المراة..اذا تعدلت معاملته معها..تستمر وتحط بالها اذا رجع بأقل شي..
تتاخذ قرار نهائي وتطلق ..لانها عطته فرصة بعد ..وهو ما يستحق..


الله يعينها ويكتب لها الخلاص من هالرجال المتوحش

[منيره علي الراشد]

هذا انسان مصاب بالساديه 000 وهي ساعدته على التمادي
لان التنازل مره يجر سيلا من التنازلات
الحل انها تتمسك بدراستها وتصبر الين تتوظف 000 وتحس انها اقوى منه ولازم ما تسكت وتوجه ضربه لها 000 اقلها تزعل وما تكلمه

[عاشقة الطير]

انا لو اني منهآـآ طلبت الطلاق

وان مآوافق خلع على طوول وتشتكي عليه هذا موب آدمي ذا

والمشكله انها توهآـآ بعز شبآبها واهو شآيب يعني يحمد ربه ويبوس يده وشــ و آفى ..

والله رحمتهآـآ :( ..

الله يكون بعونهآـآ:(

[الحنتريش]

هذا احساس بالنقص وانعدام الشخصيه والثقه بالنفس ويخليه يحاول يظهر رجولته
الحل انه تكلم احد اخوانه اذا فيهم عاقل والا تكلم ابوه بعد مايضربه يشوف الضرب او تواعد ابوه يشوف ضربه له
او تشتكي بالمحكمه عليه وتلعن سلسفيله
او علمن منهو رجله ارسل له ناس يفهمونه الطريق السليم وربي
>>> انقهر من هالشايب