البنت والجــــــوال !!!

[عاشق ديرتي بريده]

والله ان البنات كلهن مشاكل ومشاكل ماتنتهي !!

اليوم بالأستراحه سالفتنا بنت من البنات وسبب انتشار رقم جوالها !

القصه ماتفيدكم بشي لكن سؤالي...

هل أنت(ي) مع او ضد أن البنت ترد بجوالها علي اي رقم غريب ؟

مع ذكر السبب .

[@ ابتسام @]

هل أنت(ي) مع او ضد أن البنت ترد بجوالها علي اي رقم غريب ؟

مع ذكر السبب .

ضد

حتى تسلم ...

واللي يكون يعرفها ومغير رقمه مثلا ممكن يرسل لها رسالة بالتعريف بنفسه

[•°سـرىآ اللـيـل°•]

والله ان البنات كلهن مشاكل ومشاكل ماتنتهي !!

اليوم بالأستراحه سالفتنا بنت من البنات وسبب انتشار رقم جوالها !

والنعم بالرجال :) مالت عليكم واحد واحد وياحسافة الشماغ المقهور فوق رؤوسكم .,

المشاكل منكم وإليكم ., رحمت الأمة اللي أنتم شبابه بجد لاتستحقون غير الصفعات .,

لكن لاغرابة فإذا غاب الرجال كثر البزران << الله لايبلانا بأشكالكم .,

:::::::::::::::::::::

التعليق حرر .,

أهذب تاهيه’

[&&..ملاك..&&]

اكيييييييييييييييييييييد

ضد
التوصيت كيف مو واضح اذا كنت ضد اختار (لا ) او (نعم)

[جمان البحر]

بالتأكيد ضد ..فلا داعي للرد ومن يريدها من صديقاتها أو أقاربها وقد غير رقمه من المفروض أن يرسل رسالة ليخبرها بأنه غير رقمه أو حتى يطلب منها الرد عليه ..

وأنا ضد ان الفتاة تملك جوال بالأساس الا اذا كانت هناك حاااااااجة مااااسّة ..

فالحمدلله أنا ماأملك وجوال أمي كافيني وياها ..أكلم به متى شئت وأرسل به متى شئت ..

على فكرة تراي صوت بلا ..لأني فهمتها بمعنى ضد ..لأني نسيت أقرأ السؤال حق الاستفتاء فقط قرأت الموضوع وصوت على أساسه ...

فالسؤال غير متوافق مع اجاباته ...

[ابو الشلاليم]

ترد على الارقام اللي تعرفها واللي ما تعرفها ما ترد لان رده قد يضرها بدون ما تعرف الا اذا جاه رساله

[•°سـرىآ اللـيـل°•]

وأنا ضد ان الفتاة تملك جوال بالأساس الا اذا كانت هناك حاااااااجة مااااسّة ..

فالحمدلله أنا ماأملك وجوال أمي كافيني وياها ..أكلم به متى شئت وأرسل به متى شئت ..

ومع إن الرجل يملك جوال !!

لازالت المرأة تستحقر نفسها بنفسها .,

كونك تملكين جوال أمك فلافرق يضل جوال تتحكمين فيه متى ماأردتي .,

أهذب تاهيه’

[قلب الأسد]

انا ضد اللي ترد على اي رقم غريب وكما قال البعض فووووق
اذا المتصل يعرفها راح يرسل رساله ,ولكي تريح مخــــــــــــه.

[الطاحونة]

هي على حسب..

إن كانت رايقة ترد

وإن كانت مو رايقة لا ترد

يا عويشق...

أنت تظن إن الشاب لما يتصل بالغلط ويلقى بنت يهلوس ويدق كل دقيقة...!!!

لا يا حبيبي..

ألحين البنات على أفى من يشيل هن اللي يرقمن ويتلزقن بالشباب والواحد من الشباب

معه كحشة أرقام بنات

وأحيانا لا دقت عليه أحد خوياته من الكثرة يختبص ويقول لها ممكن نتعرف...؟؟!!

وهو مسجل رقمها باسم...!!

عاشق أنت متأكد أنك عايش بعصرنا وإلا تميلح...!!

[عاشق ديرتي بريده]

ضد

حتى تسلم ...

واللي يكون يعرفها ومغير رقمه مثلا ممكن يرسل لها رسالة بالتعريف بنفسه

هذا كان نفس كلامي ,

[عاشق ديرتي بريده]

والنعم بالرجال :) مالت عليكم واحد واحد وياحسافة الشماغ المقهور فوق رؤوسكم .,

المشاكل منكم وإليكم ., رحمت الأمة اللي أنتم شبابه بجد لاتستحقون غير الصفعات .,

لكن لاغرابة فإذا غاب الرجال كثر البزران << الله لايبلانا بأشكالكم .,

:::::::::::::::::::::

التعليق حرر .,

أهذب تاهيه’

وراه تغير كلامك وين جوالك مقطوع:confused:

<<< يعني هذا مالت عليه هههههه

[عاشق ديرتي بريده]

اكيييييييييييييييييييييد

ضد
التوصيت كيف مو واضح اذا كنت ضد اختار (لا ) او (نعم)


والله اني انحست مثلك هههه

نعم يعني ترد ..لا يعني ماترد

[عاشق ديرتي بريده]

وأنا ضد ان الفتاة تملك جوال بالأساس الا اذا كانت هناك حاااااااجة مااااسّة ..

من التطور ان البنت يصير معها جوال !

[عاشق ديرتي بريده]

ترد على الارقام اللي تعرفها واللي ما تعرفها ما ترد لان رده قد يضرها بدون ما تعرف الا اذا جاه رساله

فعلا البنت اللي يجيها ازعاج وهي مو راعية غزل يكون السبب ان واحد من الجحلط اتصل غلط وطلعت له بنت ونشر رقمها ,

[عاشق ديرتي بريده]

انا ضد اللي ترد على اي رقم غريب وكما قال البعض فووووق
اذا المتصل يعرفها راح يرسل رساله ,ولكي تريح مخــــــــــــه.

نفس كلامي وكلام الأخت ابتسام ,

[•°سـرىآ اللـيـل°•]

وراه تغير كلامك وين جوالك مقطوع:confused:

<<< يعني هذا مالت عليه هههههه


وين بيجينا النصر وهذا تفكير شبابنا خراب × خراب وهرج في بنات الناس اللي وصلهم أرقامهن .,

ترى الرقم كلاً يعرفه وإذا وصل لك مايعني إن البنت ضايعة ., متخلف بصراحة .,

خلاص ياعاشق فضها من سيرة تراي مالي خلق هالأشكال .,

وياأبو خالد خفة الدم بغير هالمواضيع بارك الله فيك .,

الشمس ضاربتكم هالأيام ومضيعة علوم الرجال فيكم .,

أهذب تاهيه’ للرجال بس

[عاشق ديرتي بريده]

هي على حسب..

إن كانت رايقة ترد

وإن كانت مو رايقة لا ترد

يا عويشق...

أنت تظن إن الشاب لما يتصل بالغلط ويلقى بنت يهلوس ويدق كل دقيقة...!!!

لا يا حبيبي..

ألحين البنات على أفى من يشيل هن اللي يرقمن ويتلزقن بالشباب والواحد من الشباب

معه كحشة أرقام بنات

وأحيانا لا دقت عليه أحد خوياته من الكثرة يختبص ويقول لها ممكن نتعرف...؟؟!!

وهو مسجل رقمها باسم...!!

عاشق أنت متأكد أنك عايش بعصرنا وإلا تميلح...!!

والله يالطاحونه ماعمر بنت دقت علي وتلزقت بي !

الا صح تذكرت وحده دقت علي وقال انت الشيخ صالح وقعدت اضحك وقالت وش فيك قلت بذمتك هذا صوت شيخ وضحكت وقالت ان شاءالله تصير شيخ و مع السلامه !

وشلون اتميلح !!!

<<<< الى الحين مالقى احد يفهمه !

[shahd2007]

والنعم بالرجال :) مالت عليكم واحد واحد وياحسافة الشماغ المقهور فوق رؤوسكم .,

المشاكل منكم وإليكم ., رحمت الأمة اللي أنتم شبابه بجد لاتستحقون غير الصفعات .,

لكن لاغرابة فإذا غاب الرجال كثر البزران << الله لايبلانا بأشكالكم .,

:::::::::::::::::::::

التعليق حرر .,

أهذب تاهيه’



هههههههههه تخيلت اشكالهم ياسرى وهم عليهم شمغ وانت تقولين مالت عليكم

انا ضد وضد ولايمكن ومستحيل اني ارد على رقم ماعرفه

[عاشق ديرتي بريده]

عاشق يقولون إن ضربات الشمس كاثرة هاليومين عندنا وتسبب هلوسه ,,,إنتبه لاتطلع بعز القايله ترى يجيك اللي جاء بعض ناس:36_1_5[1]

انت شفت يابرمودا صرت من اللي مالت عليهم ههههه

[عاشق ديرتي بريده]

وين بيجينا النصر وهذا تفكير شبابنا خراب × خراب وهرج في بنات الناس اللي وصلهم أرقامهن .,

ترى الرقم كلاً يعرفه وإذا وصل لك مايعني إن البنت ضايعة ., متخلف بصراحة .,

خلاص ياعاشق فضها من سيرة تراي مالي خلق هالأشكال .,

وياأبو خالد خفة الدم بغير هالمواضيع بارك الله فيك .,

الشمس ضاربتكم هالأيام ومضيعة علوم الرجال فيكم .,

أهذب تاهيه’ للرجال بس

لا تعليق واقول الله يسامحك !

[عاشق ديرتي بريده]

هههههههههه تخيلت اشكالهم ياسرى وهم عليهم شمغ وانت تقولين مالت عليكم

انا ضد وضد ولايمكن ومستحيل اني ارد على رقم ماعرفه

والله العظيم مالبست شماغ !

<<< يعترف !

[اتحادي مووووت]

اكيد ما ترد

لانها لو ترد راح يتكسر الجوال فوق راسها

[بــرمــودا]

سرى الليل ...ترى اليوم جمعه ومالها داعي هالألفاظ ,,في موضوعي أنواع الإتهامات وقلنا ماشي ,,وهالحين تغلطين علينا وعلى رجولتنا وعاشق ها اللي مايهش ولاينش و معروف بطيبته ماسلم من لسانك ...ماأقول إلا الله يصلحك .

[عاشق ديرتي بريده]

اكيد ما ترد

لانها لو ترد راح يتكسر الجوال فوق راسها

من اللي يبي كسره !!

[القيصر]

موضوع رائع
طبعا ضد والباب اللي يجي منه ريح سده واستريح
وهذا نابع من خوفنا على خواتنا الحبيبات فقط لاغير

[عاشق ديرتي بريده]

موضوع رائع
طبعا ضد والباب اللي يجي منه ريح سده واستريح
وهذا نابع من خوفنا على خواتنا الحبيبات فقط لاغير

الأروع هو حضورك اخوي ابوحكيم ,

شف يابرمودا التربيه والكلام الزين ,

[قلب الأسد]

عاشق مهب تكتب (اذن) هههههههههه
لكن انا ضد وضد من ترد على رقم غريب.

[•°سـرىآ اللـيـل°•]

معروف بطيبته ماسلم من لسانك

واضح تفيض الطيبة من هذا المتصفح .,

هذا كلامي حطه في بالك وطقه بمسامير مايسلم من لسان الحق المخطي .,

لو أنت صادق رديت على كلامه ., لكن كتمان الحق من أساسيات تواجدك هنا .,

[باونتي]

لاضد ولا مع

ترد ان كانت بنت ردت عليها ان كان ولد عطته ابوها او اخوها

[شموع تحت المطر]

<<< انا مامعـــــي جـــــوال ..


أبــــــــد..

:) :) :)

[عاشق ديرتي بريده]

لاضد ولا مع

ترد ان كانت بنت ردت عليها ان كان ولد عطته ابوها او اخوها

طيب لو كان مابجنبها اخوها والا ابوها ؟

[قلب الأسد]

سرى شكلك مافهتي الموضوع ووش يقصد عاشق ,,اعرف ستقولين
فاهمته وماني بحاجه انك تفهمن ,,بس لو كنتي فاهمته فلن تتهجمي
على عاشق ,انا متأكد مليون بالميه انك مافهمتيه .او فاهته غلط لأن
الموضوع مافيه اي شي ولا واحد بالميه من الخطاء والغلط .............

اهذب تاهيه واهذب صباح ...تصبحون على خير..

[شموووخ]

طبعا ضد
وشوله ترد على رقم ماتعرفه تتجاهله احسن و لا كأن احد دق
واذا هالشخص يبيها اكيد بيدز لها مسج فلانه ردي انا فلانه
واذا الرقم ماتعرفه ازعجها تعطيه ابوها يشوف له صرفه

[عاشق ديرتي بريده]

سرى شكلك مافهتي الموضوع ووش يقصد عاشق ,,اعرف ستقولين
فاهمته وماني بحاجه انك تفهمن ,,بس لو كنتي فاهمته فلن تتهجمي
على عاشق ,انا متأكد مليون بالميه انك مافهمتيه .او فاهته غلط لأن
الموضوع مافيه اي شي ولا واحد بالميه من الخطاء والغلط .............

اهذب تاهيه واهذب صباح ...تصبحون على خير..

قلب ضب خلها على فهمها !

[عاشق ديرتي بريده]

طبعا ضد
وشوله ترد على رقم ماتعرفه تتجاهله احسن و لا كأن احد دق
واذا هالشخص يبيها اكيد بيدز لها مسج فلانه ردي انا فلانه
واذا الرقم ماتعرفه ازعجها تعطيه ابوها يشوف له صرفه



كلام جميل اختي شموووخ ,

[فهد الحربي]

سواء ردت او لم ترد
نرجع ونقول التربيه فوق كل شي

[ღوحيدة كالقمرღ]

إصبرو لامسكت جوّال علمتكم...<<تحسبه لازم يصير معاه جوال



جوال أمي لادق احد غريب عطيته أبوي وإلا حدا خواني بالأول مانرد لاصار ملّزم عطيناه حدا إخواني وشاف منهو....


وقضت السالفة.....واللّي به شر به....لو يحجرونه بكرتون....


تحيّه

[•°سـرىآ اللـيـل°•]

سرى شكلك مافهتي الموضوع ووش يقصد عاشق ,,اعرف ستقولين
فاهمته وماني بحاجه انك تفهمن ,,بس لو كنتي فاهمته فلن تتهجمي
على عاشق ,انا متأكد مليون بالميه انك مافهمتيه .او فاهته غلط لأن
الموضوع مافيه اي شي ولا واحد بالميه من الخطاء والغلط .............

اهذب تاهيه واهذب صباح ...تصبحون على خير..

أكيد مافيه خطأ !! فكما تعلم عين إنسان لاتؤمن بالحق لاترى الخطأ واضحاً .,

اليوم بالأستراحه سالفتنا بنت من البنات وسبب انتشار رقم جوالها !

مافيه خطأ أبد إنهم يخلون أعراض الناس مجرد سواليف لهم !! مافيه خطأ أبد !!

سرىآ ماتفهم ولاتعرف إن حال شبابنا لادين ولاأخلاق ولامروءة ولاشهامة ولاغيرة ., فقط ....؟... عليه ثياب .,

لكنها تعرف أن الغيرة ماتت قهراً خلف جنازة الرجولة ., وهانحن نشيّع رجولة الكثير هنا يوماً بعد يوم .,


أهذب تاهيه’

[عاشق ديرتي بريده]

سواء ردت او لم ترد
نرجع ونقول التربيه فوق كل شي

صحيح اخوي فهد التربيه فوق كل شي ,

فيه بنات ناس كثيره متربيه صح وترد واللي اتصل عليها يأخذ رقمها ويبدا يوزع رقمها ويزعجها !

انا من كلامي اقصد اقول ليش ترد على رقم ماتعرفه ليش تسبب لنفسها الأزعاج !

[عاشق ديرتي بريده]

إصبرو لامسكت جوّال علمتكم...<<تحسبه لازم يصير معاه جوال



جوال أمي لادق احد غريب عطيته أبوي وإلا حدا خواني بالأول مانرد لاصار ملّزم عطيناه حدا إخواني وشاف منهو....


وقضت السالفة.....واللّي به شر به....لو يحجرونه بكرتون....


تحيّه

اختي وحيده حنا مانتكلم عن اللي فيه شر

كلامي عن البنت المسالمه المتربيه فقط هل ترد او لا !

[ღوحيدة كالقمرღ]

كلامي عن البنت المسالمه المتربيه فقط هل ترد او لا !

والله ياعاشق فيه بنات متربيات والنعم بهن وسبعة أنام....ومسالمات


وفيه بنات متربيات ويردّن ويشبكن...يعني أصابع يدك مو سوى؟


تدخّل صديقته بأفكاره...أو أي أحد مرة ترفض مرتين ترفض ثلاث ترفض بعدين ع شوي شوي تقتنع!


يعني يختلف مدى التمسّك بالتربية...من بنت لبنت!


والأول المراقبة الإلهيّة والذاتية

[باونتي]

طيب لو كان مابجنبها اخوها والا ابوها ؟


اكيد ماترد ....

[•°سـرىآ اللـيـل°•]

فيه بنات ناس كثيره متربيه صح وترد واللي اتصل عليها يأخذ رقمها ويبدا يوزع رقمها ويزعجها !

واللي متصل وش عرفه بإسمه !!!!!!!!!!!!

وإذا على الرقم وش عرفكم أنه بنت الفلان صدق !!!!!!!!!!!

أجل يتصل عليه خطأ ويوزع رقمه حلووه هذي ., وأنتم وظيفتكم تخرطون بعرضه .,

الكلام في وثاقك مالم تتحدث به , فإذا تحدثت به أصبحت في وثاقه :)

مايمدي صدقني مايمدي السطر وكتبته لذلك لاترقعه .,

إظهر كما أنت لاداعي للتزييف ., وإذا كنت لاتجيد صياغة الفكرة فلاتطرح مواضيع على رأسك .,

اللهم عافهم ولاتبتلينا بهم .,

[ياسر الحميد]

لا لا لا لا لا

والسبب

ان عندنا ناس ماتستحي بذات اذا صار الرقم جديد شف اول رقم يتصل عليك صدقني اول مره تشوفه

[فيصل...........]

انا ضد الضد

وشلون اسوي ياعاشق

[جبل عمر]

لا ماترد والبنت الحييه والعاقلة تعطي أخيها أو أبيها ويرد وإذا لم يكن فيه أحد تخلي الجوال مو لازم ترد


من الحكمة والعقل عدم مناقشة أي شخص يستخدم أسلوب التعمييم والحكم على الناس بحالة واحدة

[•°سـرىآ اللـيـل°•]

من الحكمة والعقل عدم مناقشة أي شخص يستخدم أسلوب التعمييم والحكم على الناس بحالة واحدة

جميل !!!

ننتظر لين يطرح لنا الإسم والرقم اللي دار في موضوع جلستهم بالإستراحه !! بحيث نقول والله أخطأ !!

إيه لو كانت أختك علك يلوكه هذا وذاك بسبب إن رقمها وصل لهم ., حينها سيتغير كلامك وستحكم كحال حكمي .,

ليعلم الجميع أن رقمي ليس ملكي بل ملك الآخرين كحال إسمي تماماً ولذلك ربما يستخدمونه بطريقة خاطئة .,

على العموم الحق محارب منذ القدم ولاغرابة أن تكون ردودكم بهذه الطريقة فكتمان الحق عاث بالكيبورد فساداً .,

كل الشكر للأخلاق إذ علمتني أن أكسر قوس من حاول الظهور شجاعاً .,

وداعاً وداعاً وللأعراض ربُ يحميها ., وعلى الرجال الرحمات المتتالية .,

أهذب تاهيه’

[في انتظار البدر]

انا لا مع ولا ضد..وانما حسب الظروف..
فملا اذا الاتصال في وقت متأخر و كان ابوها و اخوانها موجودين ماترد..
اما اذا كان ابوها او احد اخوانها خارج البيت ترد لكن بتحفظ..
اتكلم من واقع تجربه..مره كان اخوي خارج البيت ودق من رقم صديقه(لان بطارية جواله فضت) وما رديت لاني ما اعرف الرقم وبغت تصير مصيبه..ومن يومه وانا ارد..واذا صار واحد يتميلح الله يخلي لي عزوتي اخواني ما يقصرون..
.................................................. .................................................. .......
مشكور خيو لاهتمتامك

[&&..ملاك..&&]

انا لا مع ولا ضد..وانما حسب الظروف..
فملا اذا الاتصال في وقت متأخر و كان ابوها و اخوانها موجودين ماترد..
اما اذا كان ابوها او احد اخوانها خارج البيت ترد لكن بتحفظ..
اتكلم من واقع تجربه..مره كان اخوي خارج البيت ودق من رقم صديقه(لان بطارية جواله فضت) وما رديت لاني ما اعرف الرقم وبغت تصير مصيبه..ومن يومه وانا ارد..واذا صار واحد يتميلح الله يخلي لي عزوتي اخواني ما يقصرون..
.................................................. .................................................. .......
مشكور خيو لاهتمتامك


المعذره اختى بأمكان اخوك ان يرسل رساله ويكتب اسمك ويطلب منك الرد

[مياسة]

أخلي سواقنا يرد,,, وافلق راسي أن كرر الاتصال:for4: <<-- مسوية مخ :c9:

[تالا miss,,,]

والله ياانتم .........؟؟
الحين وشوله اللف والدوران انا عن نفسي ارد وعااادي هذا جوالي مو معقوله بعد ماارد عشان واحد خكري اخاف ينشر رقمي .......
يعني اذا رديت ومااعطيت احد وجه مستحيل يدق مرة ثانيه ......الشباب يعرفون البنت اللي تبي تلعب من اول اتصال اذا عطتهم وجه والا مايعودون يدقون..
ماله داعي اقعد ماارد عششان مهبل والشر بكل مكاان ........
انا مع انه ترد واذا شافت ان الاخ راعي طويله تخلي اخوانه او الوالد يكلمه والحمدلله والشكر قظينااا ماله داعي كل شي مانسويه عشان الناس مابقى الاهي نقعد بدون جوال عشااان ترضون علينااااااا



وسلامتكم...........تالا

[أبو تهاني]

واللههل أنت(ي) مع او ضد أن البنت ترد بجوالها علي اي رقم غريب ؟

عاشق تسلم يا خلفهم على الموضوع

أكيد أنا و أنت و كل مسلم عاقل ضد أن البنت ترد بجواله على أي رقم غريب :)

أساساً البنت خصوصاً إن كانت عاطلة ما تحتاج الجوال و الشرهه على اللي يعطيه وجه و يشريله جوال


,

[تحكمني قناعاتي]

ضد طبعا.. وزي ماقلتو اللي مغير رقمه يرسل رسالة

[أبو تهاني]

وأنا ضد ان الفتاة تملك جوال بالأساس الا اذا كانت هناك حاااااااجة مااااسّة ..

فالحمدلله أنا ماأملك وجوال أمي كافيني وياها ..أكلم به متى شئت وأرسل به متى شئت ..


الله يجزاك خير و يكثر من أمثالك و يخليك لعينن ترجيك و يرزقنا بنات مثلك

[أبو ريان القصيم]

والله انكم مالكم شغل الا البنات الى هذه الدرجه اصبحت سلعة البنت رخيصه!!!!

الله يكون بعونكن بس !!!

[جمان البحر]

من التطور ان البنت يصير معها جوال !


هه ..للأسف هذا اللي أشوفه من بنات أقاربنا ..أهم شيء يصير معه جوال حتى لو من دون شريحة أو من دون رصيد ..

[جنة77]

انا ضد انها ترد على رقم ما تعرفه
وبنفس الوقت ضد اللي يقولون ان المرأة ما لها الحق انها تملك جوال.... ليش يعني ...؟!!


ليش دائماً المرأة تعامل بدونية....



الجوال صار ضرورة من ضروريات الحياة والمفروض ان المرأة صارت جزء فعال وتساعد برقي المجتمع والمفروض انها تْعامل برقي واحترام

والاخ اللي كان يتكلم عن رقم جوال البنت ... ف هذي تعتبر حالات فردية المفروض اننا ما نعم الكلام


وتقبلوا مروري...

[حزام الأمان]

والله اخ عاشق انا اشوف ان الوضع عادي اذا الاتصال مو متاخر بالليل مرة فمو مشكله اكيد احد يعرفني وانا مااعرف رقمه

بالعربي انا ارد ولا عمري وجهة مشاكل الا مرتين والغلط منا احنا المرة الاولى امي غلطت بالرقم وازعجنا
وقام يرسل رسايل مالها داعي وبنفس اليوم كلمه ابوي ومااعاد اتصل والمرة الثانيه ارسلولنا رقم ولد عمي غلط ودقينا ونشب وفهمته الوالده اننا غلطانين وفهم

يعني اخوي مختصر الحديث عمري ماشفت ولد يزعج بنت بدون ماتعطيه اشارة خضراء وسلامتكم ...

[حزام الأمان]

غريب امركم وش فرق الجوال عن تلفون البيت !!!!

لا تقولون تلفون البيت لكل الاهل لانو لو فكرتو شوي تذكرتو قبل عشر سنوات كيف كان الوضع كاان ماناقشتوا مساله مساويه لها

وعلى قوله اح فهد التربيه والصديق الصالح والمراقبه عن بعد قبل كل شي .....تقبلوا مرور حزام الأمان

[هيفاء انا]

ذكرتونى لى كم يوم فاقده جوالى

احسه مالى اى فائده

خصوصا اذا صار الجهاز جهاز بنقالى مابه لاكاميراء ولا بلاتوث ولاملون بعد

[جمان البحر]

احنا مقلنا ان الفتاة لايحق لها أن تملك الجوال وانما برأيي أنا بأنه لاداعي له بالنسبة لي ..
فأنا نادراً ماأحتاج اليه لأحادث صديقاتي أو أراسلهن .

[الطيور المهاجرة]

عادي أرد وين عايشين أنتم

وأذا طلع واحد يغازل خير ياطير

يمكن يصير زوج المستقبل


السحاة المهاجره

^^@^^

[عتال]

أنا ضد ان الفتاة تملك جوال بالأساس

[خالديه-911]

والله ان البنات كلهن مشاكل ومشاكل ماتنتهي !!



لا تحلف يا خوي..حتى انتم يا الرجال فيكم شر عظيم..

انا انتشر رقم جوالي بسبب رجل ما يخاف الله..

وهو زوج بنت خالي..قام هالسافل واخذ رقمي من جوالها من غير ما تدري واعطاه لصديقه..

بحجة ان اسمي ورسايلي اعجبته..

[# الزلزال #]

العاقلة عاقلة .. والمهبولة مهبولة

[هيفاء انا]

العاقلة عاقلة .. والمهبولة مهبولة

والعاقل عاقل ولمهبول مهبول

[هيفاء انا]

لا تحلف يا خوي..حتى انتم يا الرجال فيكم شر عظيم..

انا انتشر رقم جوالي بسبب رجل ما يخاف الله..

وهو زوج بنت خالي..قام هالسافل واخذ رقمي من جوالها من غير ما تدري واعطاه لصديقه..

بحجة ان اسمي ورسايلي اعجبته..

حقير هذا

الله لايوفقه

[•°سـرىآ اللـيـل°•]

لا تحلف يا خوي..حتى انتم يا الرجال فيكم شر عظيم..

انا انتشر رقم جوالي بسبب رجل ما يخاف الله..

وهو زوج بنت خالي..قام هالسافل واخذ رقمي من جوالها من غير ما تدري واعطاه لصديقه..

بحجة ان اسمي ورسايلي اعجبته..

أهلاً خالدية .,

بالضبط يالشيخة هذا قصدي .,

الإسم قد ينتشر بسبب جوال ضايع وفيه إسمي .,

أو مثل ماقلتي أحد يستغله فيه زميلات ينشرون الأرقام وبنات يصيرون حاقدات ويحبون الشر لك .,

يعني إنتشار الرقم بالإسم لايعني أنه بسبب لعاب إتصل وعطيته وجه .,

وغالبية الأرقام المنتشرة بسبب ضياع الجوالات وكتابة الأسماء بالصريح مش ألقاب .,

لكن شبابنا ولإنهم معطلين عقولهم مايبون يفكرون تفكير نظيف لذلك على عماهم وبهواهم .,

العقل كالمضلة إذا لم تفتحه لن تستفيد منه .,

يالله ياجماعه سلملم تراي مسافرة بس أعجبني هالرد :p

أهد’ب تاهيه’

[@اميره باخلاقي@]

][®][^][®][ليش كل شي علا البنت حتى الولد لا يرد على جواله اللي يبيه ضروري يرسله يعني مو بس البنت وهههههههههه طفشتونا البنت البنت كل واحد حر نفسه هي ردت تتحمل غلطها ليش نجلس نتفلسف البنت ترد او ماترد كل واحد عنده قناعته انه يرد او لا سوا ء بنت او ولد ][®][^][®][