لو أبوك تزوج علي أمك تحضر العرس

[ابو الشلاليم]

لو أبوك تزوج علي أمك شنو راح يكون ردك وتحضر العرس ولا لا مع العلم ان أمك مو مقصره معاه بشي وشايلته علي راسها وخادمته أحسن خدمه وبعد كل سنين التعب والشقي يكافأها بضره ويقولها عفوا ياأم أولادي أبي وحده صغيره تجدد شيباتي
شنو رايح يكون ردت فعلك وتحضر العرس ولا لا ودموع امك علي وجهها
وقلبها محروق ؟

[•°سـرىآ اللـيـل°•]

إذا أبوي الله يرحمه << حوطية هه _ بيزعل طبعاً أحاول أروح ولاتدري أمي .,

كوني أعطل فرحة أبوي وهالشيء من حقه أعتبره عصيان للوالد الله يرحمه هه .,

التعدد ياسيد لم يفرض حلاً لتقصير الزوجة فحسب ., إذن الزوج له الحق بالزواج ثانية سوا قصرت زوجته أو لم تقصر .,

ولربما يكون هناك أسباب آخرى غير التقصير ., فلتكن عقولنا أكثر واعياً فلانحصر زواج الرجل في التقصير أو الملل من زوجته الأولى .,

أعتقد لايفكر في هذا الأمر إلا فاقدة الثقة ., شخصياً كفتاة لاأرضى بالتعدد ولكن لاأمنح نفسي الأحقية في منع زوجي مستقبلاً من الزواج ثانية .,

من حقي الذهاب من حقي فعل أي شيء إلا أن أقيّد _ إبن أمه وأبيه _ بقيود لم ينزل الله بها من سلطان .,

وجهة نظري الخاصة ولاأجبر أحد على الإقتناع بها .,

وأحب أقول في النهاية أنت خل الوالد يحيا وأنا بخطب له 3 على أمي .,

أهذب تاهيه’

[باونتي]

اممم مستحيل احضر زواجه سواء امي كانت راضية او لا


بس لو كنت ولد بحضر لو عشان عند الرجال


سرى ....
عجبني كلامك
كذا حلو
لكن التطبيق صعب صعب صعب
اكيد ماراح تمنعينه اصلا ماراح يشاورك
بترضين اهلا وسهلا ماراح ترضين ترضيك الايام

والله يستر
ولايجيب ذا اليوم

[ابو الشلاليم]

إذا أبوي الله يرحمه << حوطية هه _ بيزعل طبعاً أحاول أروح ولاتدري أمي .,

كوني أعطل فرحة أبوي وهالشيء من حقه أعتبره عصيان للوالد الله يرحمه هه .,

التعدد ياسيد لم يفرض حلاً لتقصير الزوجة فحسب ., إذن الزوج له الحق بالزواج ثانية سوا قصرت زوجته أو لم تقصر .,

ولربما يكون هناك أسباب آخرى غير التقصير ., فلتكن عقولنا أكثر واعياً فلانحصر زواج الرجل في التقصير أو الملل من زوجته الأولى .,

أعتقد لايفكر في هذا الأمر إلا فاقدة الثقة ., شخصياً كفتاة لاأرضى بالتعدد ولكن لاأمنح نفسي الأحقية في منع زوجي مستقبلاً من الزواج ثانية .,

من حقي الذهاب من حقي فعل أي شيء إلا أن أقيّد _ إبن أمه وأبيه _ بقيود لم ينزل الله بها من سلطان .,

وجهة نظري الخاصة ولاأجبر أحد على الإقتناع بها .,

وأحب أقول في النهاية أنت خل الوالد يحيا وأنا بخطب له 3 على أمي .,

أهذب تاهيه’

اولا مشكوره على المرور ثانيا كنت اتوقع كل البنات مع الام لكن من ردك اكتشفت ان البنات صارن يفكرن ويتكلمن بغير العاطفه ويقولن الحق رايك ميه الميه الله يعطيك العافيه

[•°سـرىآ اللـيـل°•]

باونتي صدقيني مافيه شيء صعب بالحياة لكن حنا اللي نصعب الأمور ., الحياة أسهل بكثير من تصوراتنا لها .,

ومثل ماقلتي أصلاً ماراح يشاورن فليه أتعب عمري وأتحكم بولد الناس .,

إذا بيبقى يبقى محشوم وإذا بيتزوج يروح مساعد والوجه من الوجه أبيض زي الأؤشطة .,

لكن أضل واثقة من نفسي ولاراح أفسر زواجه علي أنه تقصير مني أو ملل منه .,

/////////

أبو الشلاليم ::

شخصياً لاأفكر بالعاطفة في أمور تحتاج العقل ., أسير على طريق مستقيم وأبحث عن الحق لاغير .,

وعندي مبدأ يقول :: أن الحق غير مغضوب عليه وإللي بيزعل منه شاذ والشاذ لاقاعدة له .,

أهذب تاهيه’

[سماااهر]

امممم بصراحه أمي دايم تحن على ابوي تقوووله تزووج تهنى بأااخر عمرك
بس الوااالد مو راضي .. على كذا اذا تزوج ابوي فاأمي بتكون راضيه بهالزواج
وبكون من أووول الحاضرين ...

[زهور العمر]

مادري عندنا بالعائله الكريمه التعدد شي طبيعي



أبوي عنده 2 مع أمي طبعا




والثالثه جاايه بالطريقه <<بالعطله ذي



أما أني أحضره مستحيل








0

[هيفاء انا]

بعد وله عين الشايب يحط عرس

وشوله الخساير

الشباب الحين مهونين مايحطون حفلات

موب لازم

يخلى خسايره لشهر العسل

واكيد لو يعرس ابوى مانب حاضرة
عرسه

[HENNO]

الله يهديك يابو الشلاليم

ماتعرف أن ابي متوفي ؟؟

[الملتاعه]

الحمد لله لحد الأن مافكر الوالد يتزوج على الوالده

وقتها أقول أنا أحضره أو لا :):)

[ـالدوآسر يآزينهم]

؛



لآ


لو وشو مآ أحضر زوآجه لو يزعل لو لو لو . . . .

أخلي نفسي مكآن أمي وش بيكون موقفي..؟


لآ والله اقل شي أوآسي أمي مهب أروح وأخلي فرحة ابوي فرحتين مره جديده وعياله جنبه

وأميمتي لحاله تصييييييييييييح :g2: اعاعااااااااااا :for13: :for13: مسستحيل وازعل على ابووي بعد :e9:





تحيآتيـ^^

[ابو الشلاليم]

امممم بصراحه أمي دايم تحن على ابوي تقوووله تزووج تهنى بأااخر عمرك
بس الوااالد مو راضي .. على كذا اذا تزوج ابوي فاأمي بتكون راضيه بهالزواج
وبكون من أووول الحاضرين ...

بس والله لو ينوي الزواج كان امك تتغير 180 درجه ياما شفنا من كيد الحريم وتسمعين دعاء من امك ما عمرك سمعتيه على ابوك والزوجه الجديده <<الدره>>

[ابو الشلاليم]

الله يهديك يابو الشلاليم

ماتعرف أن ابي متوفي ؟؟

اسف احسن الله عزاءك الله يرحمه ويغفر له ولا تنسوه من الدعاء

[HENNO]

اسف احسن الله عزاءك الله يرحمه ويغفر له ولا تنسوه من الدعاء




جزاك الله خير وعظم أجرك

[فانتازيا إعلامي]

مرحبا
فيه امور عدة يجب ان نراعيها واحيانا نعمل بها وقد لا نكون نحبها ..

شكراً لك

[& جمال الطفوله &]

مادري عندنا بالعائله الكريمه التعدد شي طبيعي
أبوي عنده 2 مع أمي طبعا
والثالثه جاايه بالطريقه <<بالعطله ذي
أما أني أحضره مستحيل

0

ههههههههههه ياحبي لك ..


نفس الشي ..


الوالد الله يرحمه عنده الماما .. وثــانيه ..



بس لو كان حي و تزوج ثالثه << أحوط من سرىآ :D

فاأعتقد .. ماأحضــر ..


أكيد بيقول البنات لايحضرون

والأولاد يسسسسسسسس

[المنسية]

الله يرحمك يابوي انشالله بالجنة يتسابقن اليك الحـــــــــــــور بأذن الله

[HENNO]

الله يرحمك يابوي انشالله بالجنة يتسابقن اليك الحـــــــــــــور بأذن الله



وأبي كذلك يارب العالمين
اللهم آميــــن

[حــلم وردة]

اكيد لا مستحيل احضر ..:(

والله يخليه لنا وان شالله مايتزوج ..

[جبل عمر]

لكل حادث حديث والذكي والفطن بذكائه يرضي الطرفين ويجمل نفسه عندى أبوه وأمه

[أبوليان]

والله احضر وتجي العافيه
لو يتزوج خمسين مره
ودمتم محبكم ابو ليان

[ابو الشلاليم]

والله احضر وتجي العافيه
لو يتزوج خمسين مره
ودمتم محبكم ابو ليان

بس ان قالت امك والله اللي يحضر العرس لازعل عليه طول العمر وش تسوي؟؟؟

[أبو تهاني]

تحضر العرس ولا لا ودموع امك علي وجهها
وقلبها محروق ؟

أبوالشلاليم تسلم يا خلفهم على الموضوع

موقف صعب و أفضل حل نجمع بين الحسنيين

نحضر العرس و نمسح دموع الوالده



,

[D E E M]

هذا العصر مو وقت زوجتين

هذا الوقت الزوجه فيه ما يكفيها رجال واحد


لاننا بعصر المساواه طبعا



احسن حل لعصر مثل هالعصر هو العزوبية



عموما لو ابوي اعرس على امي ما راح احضر مو علشان امي ما تزعل لا لا لا





بس علشان احاول اضغط على ابوي لا يبلا نفسه بمره زود


تكفيه مصيبه وحده و هو مو حمل مصيبتين

[ابو الشلاليم]

هذا العصر مو وقت زوجتين

هذا الوقت الزوجه فيه ما يكفيها رجال واحد


لاننا بعصر المساواه طبعا



احسن حل لعصر مثل هالعصر هو العزوبية



عموما لو ابوي اعرس على امي ما راح احضر مو علشان امي ما تزعل لا لا لا





بس علشان احاول اضغط على ابوي لا يبلا نفسه بمره زود


تكفيه مصيبه وحده و هو مو حمل مصيبتين

الله يهديك امك مصيبه اه لو اعرف رقمه كان اعلمه بكلامك علشان تزعل عليك هذا جزاء امك اللي ريك وانت صغير

[عاشقة الطير]

اول شي اشكرك على الطرح المميز وموضوع جى في الصميم والله ..

عني انا لاا يازيني وانا حاظره العرس ..

يعني امي مو مقصره معاه وبالاخير كذا يجازيها ليه .. اكيد ماراح احضر ..

بس انو في حالة مقصره له الحق بس ماراح احضر زواجه ..

شكرا لك

[الــمــقــلــع]

اول من يحضر انا انشالله لو ابوي يبي يعرس

خله يستانس وامي انشالله مهب زعله علي

[المخمليه]

والله لا أحـــضر وأطق وأرقص بــعد ..
وأزف العآآروس ..وكلولولوليش ..
وأخــيط أحــلى ثوب في العــآآلم ..
وأمـــي .. أقدر آوآآسيها ..واذكرها بالله ..
وأبوي مب لامي جنة ونآآآر ...
تحيتي

[فهـــــودي]

لاجاء الصدق كلن غير رايه ..

انا مادري .. على حسب أمي الغالية .. اذا زعلانه ما اروح واذا عادي عندها رحت ..

[ღوحيدة كالقمرღ]

تزوّج وقـــــضى ماعاديمدينا....ويوم تزوج...جلست أصيح مع أمي...:36_1_4[1]:36_1_4[1]



وبصراحة تامّــــــة لو يتزوج الثالثة إني لاأرقص كل الوقت.....!:e1:




بتقولون وش هالأنانيّة...!!!


وأقولكم:إن شــــــاء الله إن الثالثة بالطريق..!<<قولو آمين

وعسى ربي يخلي لنا إبيّي ويسخره لنا ويعافيه....ويحفظه





سلام

[ღوحيدة كالقمرღ]

ويجمل نفسه عندى أبوه وأمه

كيف ياجبل؟

تبغى نجامل عشان العرس؟يعني أجامل وأسوي فرحانة وإلا حزنانة عشان العرس؟


وإلا كيف ياريت توضّح أكثر!

[وحده من الوحدات]

تزوّج وقـــــضى ماعاديمدينا....ويوم تزوج...جلست أصيح مع أمي...:36_1_4[1]:36_1_4[1]



وبصراحة تامّــــــة لو يتزوج الثالثة إني لاأرقص كل الوقت.....!:e1:




بتقولون وش هالأنانيّة...!!!


وأقولكم:إن شــــــاء الله إن الثالثة بالطريق..!<<قولو آمين

وعسى ربي يخلي لنا إبيّي ويسخره لنا ويعافيه....ويحفظه





سلام



وراناااا نقول اناانيييه ؟؟؟


الا معتس حق ومعذوره وعليتس شرهه لو ما تحطين عزيمه لمرت ابوتس الثالثه


ويازين ما نشاااف وجهه الثانيه لا درت ان ابوتس بعرس:4[1]:

الله بس يجعلها خيره زواج ابوتس ويسخره لكم

[ღوحيدة كالقمرღ]

ياحبيلك ياوحــــــــــده


أويليه من شاف وجه الثانية وأبوي بعرس الثالثة وهي مادرت


يــــــــــــاسلام بس<<<<محترقة تفرك بإيدينه



حتى تصدقين كرهت الناس اللي دلو أبوي على الزواج<<<مو بعيدين عنّا



إن شاء الله لاجت الثالثة إني لاأحطه فووووق راسي وأسوي له عزيمة ببيتنا كبريش


كلّه بحرق قلب الثانية...مثل ماحرقت قبل إميمتي


حسبي الله على من كان السبب



آمين يارب

[وحده من الوحدات]

ياحبيلك ياوحــــــــــده


أويليه من شاف وجه الثانية وأبوي بعرس الثالثة وهي مادرت


يــــــــــــاسلام بس<<<<محترقة تفرك بإيدينه



حتى تصدقين كرهت الناس اللي دلو أبوي على الزواج<<<مو بعيدين عنّا



إن شاء الله لاجت الثالثة إني لاأحطه فووووق راسي وأسوي له عزيمة ببيتنا كبريش


كلّه بحرق قلب الثانية...مثل ماحرقت قبل إميمتي


حسبي الله على من كان السبب



آمين يارب


ياللله مدري منين لها الناس الترهي


ما يخافون ربهم ما يدرون انهم يخربون بيوووت ويشتون عائله ويتعسونه !!!!


اللي بوه خير ويدور الاجر يزوج ها الارامل ولا العزوبي وش يبي با ابو العيال الله لا يبيبييه


ما يدري ان ربي ما يضيع احد تسانه مره فرجله بيعرس عليه وتسانه رجل باتسر يعرس ع بناته


يا وحيده لا تضيق صدركم ولا تخلونه اكبر همكم وكل شي اهون من شي

[ღوحيدة كالقمرღ]

الله يجــــــــــــعله يعرس عليه رجله وياخذ أطلق زوجة على وجه الأرض


خلّيها تحتّر وتحترق مثل ماحترقت إمّيمتي الله يشفيه ويخليه لنا



خلاص ياوحده ضاقت صدورنا وقضت...وصدقيني علاقتنا الحمد لله حنّا والجارة ماعليها....



مقدّر ومكتوب.....



سلام

[ابوناصر الرسيني]

الصراحه سؤاال صعب

انا والله اقعد عن اميمتي ووسع صدره ... واكون اقرب له افضل من اول

[جبل عمر]

كيف ياجبل؟

تبغى نجامل عشان العرس؟يعني أجامل وأسوي فرحانة وإلا حزنانة عشان العرس؟


وإلا كيف ياريت توضّح أكثر!

مل تعرفين إذا قالوا فلان والله تجمل وسوى الي عليه وشولن أوصلها طيب
يعني يظهر إنه مع أبوه وإنه مع أمه يرضي كل الطرفين يعني إذا هو بالبيت صار جنب أمه ومعه وإذا طلع من البيت يلبي طلب أبوه ولا يقول لا سواء لخالته أو لمساعدة أبوه أثناء الزواج من نقل أثاث شي ما شيات

الذكي يرضي الطرفين بدهائه وحكمته وفطنته

مو قصدي يجامل مجاملة لا لا يتجمل يرضي كذا

[جنة77]

والله بصراحة ما اعرف


سؤال صعب... مع اني راح اواجهه قريب... بس مانيب عارفة

[ـالدوآسر يآزينهم]

تكفيه مصيبه وحده و هو مو حمل مصيبتين



يعني أمك مصيبه.!

يآسسسلآمـ ع البر ههههآ..



والله لا أحـــضر وأطق وأرقص بــعد ..
وأزف العآآروس ..وكلولولوليش ..
وأخــيط أحــلى ثوب في العــآآلم ..
وأمـــي .. أقدر آوآآسيها ..واذكرها بالله ..
وأبوي مب لامي جنة ونآآآر ...
تحيتي



يآعيني على مرآعآت المشآعر..!

اذا هو جنتها ونارها انتي وش لتس..؟

وبعد انتي أمتس لها 3 حقووووق وابوتس حق واحد..

واللي تسوي مثلتس أحكم عليها بقسوة القلب لا أكثر.,





تحيآتيـ^^

[الغلاوالشوق]

والله انا بالنسبه لى 000

رحت انا واخوانى باصرار من الوالده 000 والحمدلله على كل حال 00


والاصرار اتى من نفس راضيه جدا000

[& جمال الطفوله &]

المشاركة الأصلية كتبت بواسطة D E E M

تكفيه مصيبه وحده و هو مو حمل مصيبتين

هههههههههااي


استغفر الله ... امك


امحق على عيال هالــوقت ..!



قال مصيبه : قال !



::::


وحيـــده لوشوووو حارقه رزك ... ياليت البابا يقرى اللي كاتبته :D

[البـــBADERـــدر B.D.Q]

الله لا يجيب هاليوم الي اشوف الوالده متضايقه

اما بالنسبه اني بحضر الزواج اكيد راح احضره وبنفس الوقت راح ارضي الوالده

<<يتخيل الموقف فعلا صعب :(

[p!zZa]

آحيانا .. /

ليس كل ما تفعله تكن راضٍ عنه تمام الرضى ـآ


.

[الــمــقــلــع]

والله من ناحيتي ودي ابوي يعرس خله يستانس ولا هب مقصر مع امي بشي

والعرس مب كله ان امي مقصرهـ

[ღوحيدة كالقمرღ]

وحيـــده لوشوووو حارقه رزك ... ياليت البابا يقرى اللي كاتبته

هههههههههههههه

عادي لاقراه....لأن مو لايمني أصلاً


هع

[دينا]

مابعــد انهبلت
<-- قد حلمــت ان ابوهـــا تزوج والله لايوريكـــم يوم صحت تصيــح وحــالته حــاله ..!

واذا بيتــزوج بزوج امـــي بعد (وش حيثــوه) هو يغــير وهي حصيريـــاً عليه :(

[’ ŚĀM]

امـآآآ اني برووووح ..

لو يقوول ابوي اذا مآتـجون مآني ابوكم ولآ اعرفكم والله مآأرووحـ..

يحررق قلب امي وقلووبنآ واروح ارقص وانبسط بزوآآجهآ !!
لو آمي عآيبهآ شي ولا مقصره فيه نقول يمكن بس يتزوج حبآ بالتعدد وو..!

لآ ومستحييل ..


الله لآ يجيب اليوووم اللي يفكرر ابوي بس تفكيير يتزووج على امي !!

[™ Miss 7oor ❤]

كان اولع فيه هو وهي

[جمان البحر]

عسااااااااي ماأشوف هاليوم ولا أسمع به طول عمري ..

وعن نفسي أبصيح وأبشارك أمي بحزنه ..
هي وش ذنبه يتزوج عليه ؟؟
ماقصرت معه بشيء وشايلته على رأسها من فوق ..
وبعدين وشلون أروح أستانس وهو حارق قلبي وقلوب خواتي الصغار ...

مرض يشيل هالمرة اللي مالقت تعرس الا على أبوي ..!!ربي مكثر الرجال اللي مطلقين تروح تضف له واحد منهم ..

ــــــــــــــــ
أما بالنسبة لسرى ..
ياأختي أنت مسألتك الآن مب مسألة تفكير بالعقل يعني لاتقعدين تهايطين وتقولين أنا أفكر بعقلي قبل عاطفتي ..
لأنك ماجربتي حياتك مع أبوك تقولين هالكلام ..ماجربتي معنى حنانه ومعنى وجوده معك بالبيت ووجوده معك على الغداء وعلى العشاء يومياً وشلون تبي تقبلين بأنه يوم يقعد معك ويوم يبعد عنك ..
لو انك مجربة لحظة تقويمه لك لصلاة الفجر يومياً كيف راح تتحملين إنك في يوم بتصحين على غير صوته ؟؟
ماجربتي دخلته عليك وأنت تختبرين يومياً يشد من عزيمتك ويقول لك اجتهدي يا بنيتي ترا الأمور سهلة بس أنت سهليها ..
ماجربتي لحظة روحتك معه الصباح للدوام خاصة وقت الاختبارات وهو يدعي لك واذا كنتي متأزمة من المادة هوّن عليك ..
وغيره وغيره فكيف راح تحسين بمعنى فقدك لأبوك وهو موجود ..

رجاااااااااااء لاتجين تتفلسفين علينا لأنك أبداً لايمكن تحسين باللي ممكن يحس به اللي يفقد أبوه وهو كبير وأبوه حي ..

[ღوحيدة كالقمرღ]

مل تعرفين إذا قالوا فلان والله تجمل وسوى الي عليه وشولن أوصلها طيب
يعني يظهر إنه مع أبوه وإنه مع أمه يرضي كل الطرفين يعني إذا هو بالبيت صار جنب أمه ومعه وإذا طلع من البيت يلبي طلب أبوه ولا يقول لا سواء لخالته أو لمساعدة أبوه أثناء الزواج من نقل أثاث شي ما شيات

الذكي يرضي الطرفين بدهائه وحكمته وفطنته

مو قصدي يجامل مجاملة لا لا يتجمل يرضي كذا


اهااااااااااااا
كذا وضحت لي....صحيح كلامك لأن أخوي يوم زواج أبوي تجمّل وراح حضر علشان أبوي وأمّي قالت له .....وهو جاب لنا عشاء وووووالخ من العرس

يعني كل هذا عشان أمي وأبوي...مو علشان سود عيونها <<<أقصد الجارة

[shahd2007]

لالالالا ماظن ابحضر

لالالالالا وين يعرس مهب على كيفه

لالالالالا لايمكن احضر ولا بعد عند زوجه وعيال ويحط عرس

بس يمكن لو كنت ولد حضرت عادي احس العيال ماعندهم مشكله

[# الزلزال #]

صرااحة انكــن .. توسعن الصدر


خليت أمي تقرأ الردود أشغلتن كل شوي اذا جاء ابوكـ تعال وره الردود ..


عاد الوالد متزوج وحده صغيرة ومسوي له زيطه وزمبليطه ..

صراحة يوم يعرس ابوي كنت مسافر واهلي كلهم مسافرين ..

ابو الشباب مضبط وضعه حاجز لخواني والوالدة فندق 20 يومـ ومدلعهم اخر دلع

منين كل الحنيه اتريه يبغى يتزوج .. << << يفشلن السواليف تقل سواليف بنت

لا تشرهه يابوالشلاليم .. ترا الوالدة هي تملي علي وانواع التغيير بالمطصطلحات ..


ولا تقولي قل جادعنا بدولتن ماندري وشي ورايح وتركنا لاولي ولامدري وشو صراحة

الباقي مشفر ... يفشل

[ابو الشلاليم]

صرااحة انكــن .. توسعن الصدر


خليت أمي تقرأ الردود أشغلتن كل شوي اذا جاء ابوكـ تعال وره الردود ..


عاد الوالد متزوج وحده صغيرة ومسوي له زيطه وزمبليطه ..

صراحة يوم يعرس ابوي كنت مسافر واهلي كلهم مسافرين ..

ابو الشباب مضبط وضعه حاجز لخواني والوالدة فندق 20 يومـ ومدلعهم اخر دلع

منين كل الحنيه اتريه يبغى يتزوج .. << << يفشلن السواليف تقل سواليف بنت

لا تشرهه يابوالشلاليم .. ترا الوالدة هي تملي علي وانواع التغيير بالمطصطلحات ..


ولا تقولي قل جادعنا بدولتن ماندري وشي ورايح وتركنا لاولي ولامدري وشو صراحة

الباقي مشفر ... يفشل

يا الزلزال سلم لي على امك وقله بعد عرس ابوك على الصغيره تغير شي عليكم انا اتوقع انه زاد دلعه عليكم وصار يحبكم اكثر ويلبي طلبات الوالده وطلباتكم طبعا تبي تقول خفت شوفته لنا اقول الحب مو بالشوف بس ....مع العلم انه ما شاوركم سجنكم بالفندق 20 يوم ههههههههه تقبل ردي

[ابو الشلاليم]

عسااااااااي ماأشوف هاليوم ولا أسمع به طول عمري ..

وعن نفسي أبصيح وأبشارك أمي بحزنه ..
هي وش ذنبه يتزوج عليه ؟؟
ماقصرت معه بشيء وشايلته على رأسها من فوق ..
وبعدين وشلون أروح أستانس وهو حارق قلبي وقلوب خواتي الصغار ...

مرض يشيل هالمرة اللي مالقت تعرس الا على أبوي ..!!ربي مكثر الرجال اللي مطلقين تروح تضف له واحد منهم ..

ــــــــــــــــ
أما بالنسبة لسرى ..
ياأختي أنت مسألتك الآن مب مسألة تفكير بالعقل يعني لاتقعدين تهايطين وتقولين أنا أفكر بعقلي قبل عاطفتي ..
لأنك ماجربتي حياتك مع أبوك تقولين هالكلام ..ماجربتي معنى حنانه ومعنى وجوده معك بالبيت ووجوده معك على الغداء وعلى العشاء يومياً وشلون تبي تقبلين بأنه يوم يقعد معك ويوم يبعد عنك ..
لو انك مجربة لحظة تقويمه لك لصلاة الفجر يومياً كيف راح تتحملين إنك في يوم بتصحين على غير صوته ؟؟
ماجربتي دخلته عليك وأنت تختبرين يومياً يشد من عزيمتك ويقول لك اجتهدي يا بنيتي ترا الأمور سهلة بس أنت سهليها ..
ماجربتي لحظة روحتك معه الصباح للدوام خاصة وقت الاختبارات وهو يدعي لك واذا كنتي متأزمة من المادة هوّن عليك ..
وغيره وغيره فكيف راح تحسين بمعنى فقدك لأبوك وهو موجود ..

رجاااااااااااء لاتجين تتفلسفين علينا لأنك أبداً لايمكن تحسين باللي ممكن يحس به اللي يفقد أبوه وهو كبير وأبوه حي ..

لانريد التعصب للراي كل شخص يلقي رايه ولا يزعل على من القى رايه واشوف انك معصبه على سرى زياده وكان الزواج الثاني حرام وانه تبي تخطفه منكم بالعكس اذا ارتاح ابوكي للزوجه الثانيه يزيد حبه ودلعه لكم ولا تنسي ان حبيبنا محمد صلى الله عليه وسلم تزوج حوالي تسع زوجات وهو قدوتنا صلى الله عليه وسلم..... ارجو تقبل رايي

[ملكة الجوارح]

هذي اللي ماطار طيره

اكيييد ماراح احضر وهذي فيها سوال

.

[# الزلزال #]

ابوالشلاليم ..

تحليلكـ سليم كانكـ مُطلع على الواقع بالفعل هذا ماحدث

ولكن تواجد الاب لايعوضه إلا القرب خصوصا الابناء الصغار

هناكـ جوانب يجب ان يكون اهتمام الاب مباشر وعن قرب وبتأكيد الزواج

يحدث نوع من التنغيص ... شكرا لكـ

[ابو الشلاليم]

هذي اللي ماطار طيره

اكيييد ماراح احضر وهذي فيها سوال

.

هذا راي تعصب مع الماما فقط استاذني امك واحضري وارقصي وفرفشي لان ابوك زي امك احد والديك وامك اسبوع وترضى وبعدين ترا ما فيه زوج يعرس على زوجته الا هناك اسباب لايعرفها الا الزوج........

[صاحي و رايـق]

مرتين أبوي يتزوج على هيله وأنا أكون الشاهد الأول على ذا الزواج
والحين هذاي جالسن أدور له مره
يبتل على أمي
خلاص كرف حياته ما بقى فيها شيء
وأمي خلاص قدمت الكثير لين بدت تهرب أزيوته
التغيير حلو
أبخليه يستانس ويونس دامه نشيط وقادر

[ابو الشلاليم]

مرتين أبوي يتزوج على هيله وأنا أكون الشاهد الأول على ذا الزواج
والحين هذاي جالسن أدور له مره
يبتل على أمي
خلاص كرف حياته ما بقى فيها شيء
وأمي خلاص قدمت الكثير لين بدت تهرب أزيوته
التغيير حلو
أبخليه يستانس ويونس دامه نشيط وقادر

كفو والله خل ابوك يدلع اخر عمره وامك اخذت حقه وزياده ونخفف قليلا من العنوسه وهذا اهم اهداف الزواج الثاني

[ღوحيدة كالقمرღ]

بالعكس اذا ارتاح ابوكي للزوجه الثانيه يزيد حبه ودلعه لكم

بالله يابو الشلاليم...أشوفك كم مرة تكرّرها مين يقول كذا؟أنت؟

بسألك أنت مجرّب وإلا لا؟


عشان أقدر أكمّل...صحيح رأيك ولانصادره...بس شفتك تكرّرها برغم إن الواقع يقول خلاف ذلك!!!!!!!!!!!!!!

[ابو الشلاليم]

بالله يابو الشلاليم...أشوفك كم مرة تكرّرها مين يقول كذا؟أنت؟

بسألك أنت مجرّب وإلا لا؟


عشان أقدر أكمّل...صحيح رأيك ولانصادره...بس شفتك تكرّرها برغم إن الواقع يقول خلاف ذلك!!!!!!!!!!!!!!

لا والله ما جربته ياوحيده ولكن كنت اتمنى ان يكون لي خاله لكنها توفت قبل ما انولد الله يرحمها ........ولكن اتمنى ان ابوي يتزوج ثانيه لكن فات عليه الان لانه كبر على الزواج الله يطول بعمره علشان ينبسط اخر حياته لكن انا اتكلم عن ما اشوفه من بعض الناس يقولون يوم تزوج ابونا صحيح صرنا نشوفه اقل لكن صار يحبنا اكثر ويلبي طلبتنا اكثر وخصوصا امهاتهم ...........

[جبل عمر]

مرتين أبوي يتزوج على هيله وأنا أكون الشاهد الأول على ذا الزواج
والحين هذاي جالسن أدور له مره
يبتل على أمي
خلاص كرف حياته ما بقى فيها شيء
وأمي خلاص قدمت الكثير لين بدت تهرب أزيوته
التغيير حلو
أبخليه يستانس ويونس دامه نشيط وقادر

الله يرجك رجاً مبرحا تقطعت تسبدي من الضحك أجل أمك بدت تهرب أزيوته
أعنبو بليسك هذي أمك تقول عنها تسذا عسى ركبك تخر جوّز أبوك ودور له بنية الحلال ألي تجدد شبابه ما قلنا شي بس أميمك ذي لا تقول عنه تسذا صح عجَّزت ويمكن تبي ترصيص بعد لكن ولو امك يا صويحي الله يخليها لك ويحسن خاتمتها
وبعدين ارس على ماء كل شوي لك معرف

يله فوتك بعافية

[صدى الصوت]

خير بين امرين احلاهم مر

هذه المشاركة تحتوي على محتوى مخفي

[جمان البحر]

بالله يابو الشلاليم...أشوفك كم مرة تكرّرها مين يقول كذا؟أنت؟

بسألك أنت مجرّب وإلا لا؟


عشان أقدر أكمّل...صحيح رأيك ولانصادره...بس شفتك تكرّرها برغم إن الواقع يقول خلاف ذلك!!!!!!!!!!!!!!


أنا مع وحيدة ..

مع اني مجربت ولا أبي أجرب طووووووووول عمري وطول ماأبوي وأمي عايشين ...
لكن ماأعتقد كلامك يا أبو الشلاليم صحيح ..أنا وش أبي بزود دلاله لي مادام فيه من ينافسني عليه ..وش أبي بدلاله وهو بعيد عني ليلة كاملة ؟؟
الا قل وشلون أبقدر أنام وأبوي مب موجود ؟؟
وهالكلام واقع لأن أبوي كد سافر وتركنا بالبيت علشان من بكرا واحد من عيال خوالي يودينا لبيت خوالي وطول ذيك الليلة وأنا عجزة أنام .
اذا تأخر أبوي عن الساعة وحدة ولا وحدة ونص أعجز أنام من القلق ..
وشلون تبيني أفرط فيه لوحدة ثانية ..؟؟

وبعدين من قال انه يبي يزود دلاله ؟؟
عندي قريبة تزوج زوجها عليها وبالعكس كل ماجاء من الثانية شب تسبيدته ..

[ابو الشلاليم]

أنا مع وحيدة ..

مع اني مجربت ولا أبي أجرب طووووووووول عمري وطول ماأبوي وأمي عايشين ...
لكن ماأعتقد كلامك يا أبو الشلاليم صحيح ..أنا وش أبي بزود دلاله لي مادام فيه من ينافسني عليه ..وش أبي بدلاله وهو بعيد عني ليلة كاملة ؟؟
الا قل وشلون أبقدر أنام وأبوي مب موجود ؟؟
وهالكلام واقع لأن أبوي كد سافر وتركنا بالبيت علشان من بكرا واحد من عيال خوالي يودينا لبيت خوالي وطول ذيك الليلة وأنا عجزة أنام .
اذا تأخر أبوي عن الساعة وحدة ولا وحدة ونص أعجز أنام من القلق ..
وشلون تبيني أفرط فيه لوحدة ثانية ..؟؟

وبعدين من قال انه يبي يزود دلاله ؟؟
عندي قريبة تزوج زوجها عليها وبالعكس كل ماجاء من الثانية شب تسبيدته ..

يا اختي لاتحكمون على ان الزواج الثاني فاشل علشان قريبه لك رجله يشب كبده اذا جاء عنده شب كبيدته وانا اعرف اسر متزوج ابوهم ثانيه والله ما يروحون ويجون الا جميع وبيوتهم بجنب بعض الاطفال مع بعضهم يلعبون لكن لكل شي شواذ اعرف رجل تزوج ثانيه ويجلس بالاسبوع ما يشوف زوجته الاولى يعني فيه وفيه ........ وتقبلي مداخلتي

[ღوحيدة كالقمرღ]

لا والله ما جربته ياوحيده ولكن كنت اتمنى ان يكون لي خاله لكنها توفت قبل ما انولد الله يرحمها ........ولكن اتمنى ان ابوي يتزوج ثانيه لكن فات عليه الان لانه كبر على الزواج الله يطول بعمره علشان ينبسط اخر حياته لكن انا اتكلم عن ما اشوفه من بعض الناس يقولون يوم تزوج ابونا صحيح صرنا نشوفه اقل لكن صار يحبنا اكثر ويلبي طلبتنا اكثر وخصوصا امهاتهم ...........

الله يرحمه ويغفر له


يابو الشلاليم...كنت شاكّه إنك تتكلّم وأنت ماجرّبت....


والله ثلاثة أرباع اللي تزوجو إنهم نسفو عيالهم وراهم....صحيح يجون لهم..بس مثل وقعة العصفور تقل مقروص ويركض للثانية...

حتى الليالي احياناً مايعدل فيها تدري؟؟؟؟؟؟؟؟


والله إن يطير بالثانية ويحطّه بعيونه.....وعياله صحيح مايقصر معهم..بس أتحدّاك يصير مثل الثانية


وصدقني ماقلت هالكلام من فراغ....عندي نمااااااااااااااااذج كثر الدفنة...لاشفته تحسّرت وهذا اللي قهرني بكلامك



وحسبي ع اللّي حاس حياتنا....وحياتهم

[ابو الشلاليم]

الله يرحمه ويغفر له


يابو الشلاليم...كنت شاكّه إنك تتكلّم وأنت ماجرّبت....


والله ثلاثة أرباع اللي تزوجو إنهم نسفو عيالهم وراهم....صحيح يجون لهم..بس مثل وقعة العصفور تقل مقروص ويركض للثانية...

حتى الليالي احياناً مايعدل فيها تدري؟؟؟؟؟؟؟؟


والله إن يطير بالثانية ويحطّه بعيونه.....وعياله صحيح مايقصر معهم..بس أتحدّاك يصير مثل الثانية


وصدقني ماقلت هالكلام من فراغ....عندي نمااااااااااااااااذج كثر الدفنة...لاشفته تحسّرت وهذا اللي قهرني بكلامك



وحسبي ع اللّي حاس حياتنا....وحياتهم
والله يمكن كلامك صحيح بس لي اخوات من ابوي والله يعاملن امي مثل خواتي الثانيات وامي ما تفرق بينهن وبين بناته وانا بالنسبه لي قد لاتصدقين ان قلت اني احبهن اكثر من خواتي الشيققات ليش ما ادري وانا احسب كل المعرسين كذا تعاملهم ووجهه نظرك ونحترمها بس عندي ملاحظه نادر تحصلي زوج اخذ ثانيه وقال اني نادم ..............

[ღوحيدة كالقمرღ]

والله يمكن كلامك صحيح بس لي اخوات من ابوي والله يعاملن امي مثل خواتي الثانيات وامي ما تفرق بينهن وبين بناته وانا بالنسبه لي قد لاتصدقين ان قلت اني احبهن اكثر من خواتي الشيققات ليش ما ادري وانا احسب كل المعرسين كذا تعاملهم ووجهه نظرك ونحترمها بس عندي ملاحظه نادر تحصلي زوج اخذ ثانيه وقال اني نادم ..............


ابو الشلاليم...خلطت الحابل بالنابل...إخواني من أبوي احطّهم بعيوني..لأنهم أطفال وش ذنبهم.؟

أحب إخواني من أبوي الحمد لله وكأنهم أشقّائي.....لا إسمح لي أقولك إعتبارك أغلبه خاطىء خاطىء خاطىء مع إحترامي لك ولرأيك...


أمّا بيقول نادم...هذي بالأحلام السعيدة والتعيسة يقوله...!

يابعدها


إعذرني ع الإطالة....فقط أحببت التوضيح

[المخمليه]

يآعيني على مرآعآت المشآعر..!

اذا هو جنتها ونارها انتي وش لتس..؟

وبعد انتي أمتس لها 3 حقووووق وابوتس حق واحد..

واللي تسوي مثلتس أحكم عليها بقسوة القلب لا أكثر.,





تحيآتيـ^^

أمي على عيني ورااااااااااااسي ..
أخدمها الى ممااااااااااااااااتي ..
أمــــــــا أبوي والصراااحه تقااااال ..كنت اتمنى اوقف لخدمته ساااعه ..
بـــــــــــس مااالي نصيب ..
وأذا أنــا بنظرتك قاااااااااسيه ..
فأنــــــــــــا مو قااااااسيه وبــس ؟؟

[ابو الشلاليم]

ابو الشلاليم...خلطت الحابل بالنابل...إخواني من أبوي احطّهم بعيوني..لأنهم أطفال وش ذنبهم.؟

أحب إخواني من أبوي الحمد لله وكأنهم أشقّائي.....لا إسمح لي أقولك إعتبارك أغلبه خاطىء خاطىء خاطىء مع إحترامي لك ولرأيك...


أمّا بيقول نادم...هذي بالأحلام السعيدة والتعيسة يقوله...!

يابعدها


إعذرني ع الإطالة....فقط أحببت التوضيح

يا اختي خواتي من ابوي ليسو اطفال اكبر مني ومثل ما قلت لك اني احبهم مثل او اكثر من شقيقاتي لانهن صايرات مثل امي بتربيتنا وامي ما قالت ليسن بناتي بالعكس تحبهن مثل بناته هذا اولا....... ثانيا كيف اخلط الحابل بالنابل ان اعطيك تبعيه الزواج الثاني من جميع الاطراف فابوك اذا كان يريحه الزواج الثاني ليش نرفضه بشرط العدل وان شاء الله انه يبي يعدل فحبي لابوكي ما تحبينه لامك .......وشكرا جزيلا لمداخلتك

[سكايب]

اولا / ساحضر الزواج ليس هناك اي مانع وهذا حق لابوي والشرع محلل اربع ..

ثانيا / لا اتوقع ان ابي بيتزوج على امي لاسباب خاصه ..

ثالثا / ليته حي وليتزوج ما يريد (رحمه الله )..

رابعا / اضيفوا بعد كل نقطه هذه الكلمه {لو بقي على سطح الارض}

اخيرا / اشكرك اخي ابو الشلاليم .. لكـ تحيااتي ..

دمتم بود ..

اود ايضا ان افيدك باني ابنه الزوجه الثانيه ..

[تحكمني قناعاتي]

لا مااحضر..
الا اذا اسمحتلي امي ولزمت علي>>>>>>>مافيه امل

[تحكمني قناعاتي]

لا مااحضر..
الا اذا اسمحتلي امي ولزمت علي>>>>>>>مافيه امل

[ابو الشلاليم]

اولا / ساحضر الزواج ليس هناك اي مانع وهذا حق لابوي والشرع محلل اربع ..

ثانيا / لا اتوقع ان ابي بيتزوج على امي لاسباب خاصه ..

ثالثا / ليته حي وليتزوج ما يريد (رحمه الله )..

رابعا / اضيفوا بعد كل نقطه هذه الكلمه {لو بقي على سطح الارض}

اخيرا / اشكرك اخي ابو الشلاليم .. لكـ تحيااتي ..

دمتم بود ..

اود ايضا ان افيدك باني ابنه الزوجه الثانيه ..
مشكوره سكايب على تفاعلك مع الموضوع ليتك تعطين بعض البنات شوي من تفهمك للوضع لان اغلبهن متعصبات مع الام ولا يهتمن بالاب ابدا حتى ان بعضهن تقول ليت ابوي يموت ولا يعرس والله امر مضحك للغايه ارجو تقبل مداخلتي