رننننن نعم ؟! صباح الخير .. صباح النور ..الأستاذ^ جبل عمر^ ..نعم ..معك خلود من ...

[جبل عمر]

الساعة العاشرة والنصف صباحاً جوالي رننننن
سم
صباح الخير
صباح النور
الأستاذ جبل عمر
حياك الله
أتشرف إني أنا من كلفوني بخدمتك يا أستاذ جبل عمر أنت بالذات !!!!
الله يعطيك العافية من معي؟؟؟؟
معك المكلفة بخدمتك يا أستاذ جبل عمر خلود من بنك ؟؟؟؟
أهلاً وسهلاً
أنت يا أستاذ من العملاء المتميزين والبنك فخور فييك وبخدمتك
عميل متميز وحسابي ما فيه إلا ؟؟؟؟؟ ريال
ايه يا أستاذ جبل عمر إحنا نقدر العميل مهما كان
طيب المطلوب
في خدمه يقدمها البنك وهي عبارة عن قرض وفائدة بسيطة عليه
قرض ومن قالكم إني أبي قرض
لا عزيزي هي فرصة وخدمه جديدة يقدمها البنك ولا حبينا تخسرها
لا ما أبي قرض داجيين بلا قروووض
هههههههههه ظريفه منك داجيين مع هالخدمة راح تحقق أحلامك وتنسى كلمة داجيين
أقول أختي تراني مشغول ولا ني فاضي لك و لنصبكم علينا مع السلامة
أصبر عزيزي ممكن أكون وصلت لك المعلومة بطريقة غير مناسبة أو إني كلمتك بوقت غير مناسب آسفه أكلمك بوقت ثاني
أقول ما بي شي غصب هي لا تكلميني لا وقت ثاني ولا ثالث يله مع السلامه
طيب عزيزي جبل عمر أخر شي وسامحني إذا طولت عليك
نعم خيير وش تبين
إذا القرض يمكن يكون صعب عليك البنك يقدم خدمة البطاقات الائتمانية بدون رسوم
يابنت الحلال ما أبغى شي مع السلامة
طوطوطوطوطوطوط

بعد قليل يتصل رقم مفتاحه نفس الأول مع تغيير أخر رقمين

نعم
عفواً أستاذي سامحني طلب مدته نص دقيقة
وشو قرض ما أبي بطاقة ما أبي وش تبين إلا أنا تلعبون علي الشعب 20 مليون دوري غيري
آسفه وأنت علي عيني وراسي وهذا رقمي ورقم التحويلة حقتي أنا أبخدمك من عيني اليمنى قبل اليسرى
إن شاء الله فكينا بس مع السلامه
لسى طلبي ما خبرتك فيييه
أقول لا تصيرين ماضفة بكرت العائلة عندنا وحنا ما ندري وش هالميانة
يله مع السلامة وقالتلي بسرعة قبل ما أسكر تدري إني أبسكر
ممكن إذا أحد من زملاك بالعمل ولا هو من عميل البنك تعطيني رقمه
وشو؟؟!! تبن رقمه خير إن شاء لله وش تبغين فييه
أبغى أقدم له العروض والخدمات
اه اه يعني ما صرت عميل متميز وين ألي أنتي لك الشرف إنهم خلوك تخدميني والحين
تدورين واحد مو عملاء البنك
طووطوطوطوطوطوطو وسكرتها بوجهها

صوت خلود يصعق القلب بجماله ونعومته وجُرأتها على الأخذ والعطاء وإجادة الكلمات اللواقة
ظاهرة انتشرت باستغلال المواطنين بسلب عقولهم و ما تبقى من هللات حساباتهم المديونة أصلاً بأصوات تلك الفتيات الفاتنة
كيف تتجرأ فتاة أن تتكلم مع أجنبي بكل وقاحة وبكل مياعة وكأنه أحد محارمها
جبل عمر يعرف طرقهم وسمع عنهم الكثير فاستخدم الاسلوب الجاف بالرد عليها لكسر شوكتها لكنها متمرسة وترد بأخبث الردوود وما قلوها ظريفه منك داج إلا لخبرتها

أترك لكم التعليق على تلك الأساليب وتأثيرها وخلفياتها

أجزل الشكر و أوفره،،،

[@ الجفولة @]

بعذرها شافت اسمك جبل عمر قالت خل ناخذ منه الاكتتابات اللي ضفيتها من الضعوف فكما تدين تدان !!

طيب واللي ماعندها رقم حساب وتاخذ مصروفها من جيب أوبوها وأخوانها !

تنتظر اتصالهم

[عجوز سمنسي]

ماقلت لكم ان كل مصيبة وراها حريم

يدرون اننا نخقها خلف الحريم

ارسلوهن لنا

طيب ياجبل عمر وراك ماعطيتها رقمي

انت ماتعرف تتصرف

انا اعرف اتصرف

لعنة الله على تلك العقول التي تفكر بخبث

[قلب الأسد]

[SIZE="5"][COLOR="Navy"] والله لقد اتصل علي اكثر من مره صوت يخليك تخق وتسـأل عن اخبارك
واخبار صحتك ومن ثم الدخول بكل ادب ولطف الى الموضوع الذي بالطبع
ستأخذ بعد موافقتك عمولتها كل هذا وكل مكالمه مع الرجال من اجــل
عموله ,عموما هذا طرق لكسب العميل وعن طريق ((الحريم)) ...
تذكير خارج عن النص ::::ابتعدوا عن بطاقات الأئتمان فهي هـــــــــلاك .

[فهد الحربي]

لآيـكون بنك الرياض بس :36_1_3[1]
وياخوي هم عرفوا كيف يلعبونه صح ويستفيدون من بعض العقول

[Queen of buraydh]

صدّقني لولا انهم لم يجدوا عقولاً تذوب عند النساء ( من اشباه الرجال ) لما فعلو هكذا من الاستغفال ..

ولو ان الرجال كلّهم كان ردّهم كـ ردك

لما تمادوا واستمروا

[أم اليسر]

صدّقني لولا انهم لم يجدوا عقولاً تذوب عند النساء ( من اشباه الرجال ) لما فعلو هكذا من الاستغفال ..

ولو ان الرجال كلّهم كان ردّهم كـ ردك

لما تمادوا واستمروا




صدقت ورب السماء

لافوض فوك

[هيفاء انا]

بارك الله فيك على الرد الرائع

انا اتوقها بتستقيل عقب

كلمة الاضافه بكرت العائلة

[ღ ][ وحيدة كالقمر ][ღ]

خخخخخخخخخخ

أجل يصعق القلب...أقول جبل عمر تهقى الحريم اللي عندهم حساب يكلمونهم رجال<<<ههه أتسذب ترى أمزح وقسم ماعندي رقم حساب عسى ربي يخلي لي أميمتي وأبيي وإخواني



منوّل بفتح والحين هوّنت خوفتن الله يهديك



تصدق أول مرة أسمع كذا عنهم؟والله العظيم.....



بس زين عليك عارفن لهن هالسافلات....إغراء مابعده إغراء!الشرهة على اللي ضيّعها مو عليها..


ياانا تثور ثائرتي لاشفت بنات كذا...لاويقولون إعرسي...أقول إيه يجيب ربّي مطر....بالجنّة إن شاء الله...حنّا وسرى إن شاء الله



تحية

[نسكافية]

يخلون الحريم يكلمن حتى تذوبه بصوته وكلامه المعسول اسرع للخقخقه حتى يدج على وجهه

وياخذون اللي هم يبون بأبسط الطرق واقصرها

[بــرمــودا]

هلا بالجبل ,,,,,يقولون والعهده على الراوي :5[1]:..إن اللي يكلمن هم جلوف شنبه ياقع عليه الغراب من كثره ويقولون بعض البنوك مركبين جهاز تغيير الأصوات تبي لبنانيه تبي سعوديه تبي سوريه ,,اللي تبي ..وهمن يتصل أبو شنب على هالضعوف ويعرض خدمات البنك عليهم ومثلك عارف ربعنا مجرد مايسمع هالصوت الناعم يخقه وتضيع مراجله ويسوي اللي تطلبه الأموره منه أقصد هالجلف أبو شنب ...ترى يقولون:a1:

[ღ ][ وحيدة كالقمر ][ღ]

طيب سين سؤال:االحين هي يوم إنه تدق صدق إنه مميز وووالخ مثل ماقالت؟


وإلا تكذب عليه يعني بس بتوقعه بشباكه؟


هاه صدق جاوبوني...!ووش الفائدة المرجوّة من هذا العمل الذي يستفيد منه البنك؟

[نسكافية]

طيب سين سؤال:االحين هي يوم إنه تدق صدق إنه مميز وووالخ مثل ماقالت؟


وإلا تكذب عليه يعني بس بتوقعه بشباكه؟


هاه صدق جاوبوني...!ووش الفائدة المرجوّة من هذا العمل الذي يستفيد منه البنك؟

وانتي مصدقتهم ياوحيدة يلعبون على خلق الله هم المستفيدين اولاً واخيراً وازيدك من

الشعر بيت يجيبون لك بنات اكا الديرة حتى يكلمن اماه اصواتهن روعه ويخقخقن اللي مايخق والا

الخلقه احمدي ربتس

[كفايه عذاب]

انا دقت علي حقت قنوات الارتي تسئلني عن خدمتهم وتحقق معي ووين تشتغل خخخخ انا اتهرب وهي تسئل ياشين المعجبين... واشوف رقم مشغلني كل يوم يدق خاصه الصبح او الظهر شكله هي تبغاني اجدد ههههه
للاسف حريم الحزه عنده جرائه ومايستحن ..الله يرحم ايام ام قناصيع تستحي من السلام

اخوي اذا دقت عليك هددها ههههههه

[ღ ][ وحيدة كالقمر ][ღ]

وانتي مصدقتهم ياوحيدة يلعبون على خلق الله هم المستفيدين اولاً واخيراً وازيدك من

الشعر بيت يجيبون لك بنات اكا الديرة حتى يكلمن اماه اصواتهن روعه ويخقخقن اللي مايخق والا

الخلقه احمدي ربتس


الحمد لله ع العافية والعقل ....


طيب بعدين كلمته وش تستفيد؟أو بالأصح وش يستفيد البنك؟


ترى مالي بالبنوك يعني...لذلك لإستفسرت لاتتعجبون!<<<فشلة

[علشانك بس]

صوت خلود يصعق القلب بجماله ونعومته
صوت خلود مهب يصعق القلب لكن انتم يالرجال قلوبكم منصعقه خلقه ,, ومجرد ماتسمعون صوت بنت لو هو يشبه الطاحونه تنهبلون وتضيع علومكم ,,
بس والله انك عرفت لها يوم سمعتها صوت القطار ,,
فوووتك بعافية ,,

[بندر الحمر]

هالطريقه هذي ودت عالم في داهيه

اسلوب يمشي على المنعمي والمستعجل ولاتنسى الآرتي نفس الطريقه

يخلون المخفه يأخذ القرض لو معه قرض

لا ويقولون اسلوب للتسويق >>والتشويق

شكرا لك

[قلب الأسد]

[ وحيدة كالقمر ][ღ;1782671']الحمد لله ع العافية والعقل ....


طيب بعدين كلمته وش تستفيد؟أو بالأصح وش يستفيد البنك؟


ترى مالي بالبنوك يعني...لذلك لإستفسرت لاتتعجبون!<<<فشلة



وحيده سأجاوب ولو كنت لست المعني ولكن عن علم اكيد
اولا اذا العميل وافق ومن ثم اخذ القرض او بطاقة الأئتمان
الفائده الاولى للبنك وهي اخذ زياده بالميه عن القرض سنويا
ثانيا توقيع العميل تحت جبروت البنك حتى ينتهي القسط (وياليل ما اطولك)
حتى ينتهي ..
ومن ثم فائدة من اتصلت اخذ عموله على كل عميل بحسب القرض
وتحسب بعموله حتى ولو كانت بسيطه ولكن احسبي كم عميل
ستوقعه من اتصلت وبألأخص من بطاقات الأئتمان وياكثرها وما احلى
مميزاتها عند سماع المميزات ,,واذا اخذها العميل يلعن وتحسف .

اعتذر عن الأطاله...

[ღ ][ وحيدة كالقمر ][ღ]

^^

جـــــــــــــزاك الله كلّ خير على الإفادة


ماقصــــــــــــرت


الآن فهمت القصد أو الهدف


تحية

[مياسة]

زين انك صكيتها في بلوووووك .. ناس ما تنفع معاهم إلا العين الحمراء ,,

على فكرة ... يحدث مثل هذا الحوار من اصحاب المحلات.. هك على الحريم المسكينات.. خصوصاً من محلات الميك اب والعطور.. يجيك لبناني متهندم ,, عيونه تحلف انها عيون بسة باربي ,, ويتناقط العسل من شفايفه ..كلام ما ادي من وين يجيبه !! تدخل البنت بتشتري كحل واحد بـ 70 ريال .. تطلع من المحل معها كيسة بـ 2500ريال,,, كله بسبب اغراء اللبناني لها !! هيدا الروج لونه كتير ثابت وبيناسبك<<-- مدري شداره انه يناسبني !!!! ,, وهاي العطر اخر ما نزل من ديور.. وعليه الطلب كثير كتير .. وهاي كمان ملمع شفايف بيخلي شفايفك منفوخة ... وكثيييييير جذابة ! <<- يا عله للصلاح اللي يجذبه غصبن عليه!

وعندي نمونة بالبيت من اللي ينهك عليهن .. اقول لها لا تعطينه وجه .. تقول ارحمه, يجلس يشرح لي ساعة بعدين اطلع اخليه!! لا ما اقدر!! .. اقولها وانتِ على بالك يصفف كلام ناصحن لك؟؟ .. تراه يعتبرك فريسته .. وما غير يسحب دراهمك .. وبالأخير انتِ اللي تنرحمين !!

ما اقول الله يرزقنا من فضله ,, الدجة هبلت بنا :x18:

[جبل عمر]

بعذرها شافت اسمك جبل عمر قالت خل ناخذ منه الاكتتابات اللي ضفيتها من الضعوف فكما تدين تدان !!

طيب واللي ماعندها رقم حساب وتاخذ مصروفها من جيب أوبوها وأخوانها !

تنتظر اتصالهم

اه على شان كذا كلمتني يوم شافت اسمي جبل عمر
أنا ما أخدت من أحد شي ماقلت لأحد بيع علي أسهمك

شكراً لك

[كـامـو]

أهلا جبل عمر

شوف بعض الرجال يوافق و هو مغمض على العرض المقدم من بنت سواء كان في البنوك أو في أي قطاع آخر ,

لأن البنات أحلى بالصوت , و ألطف بالكلام , و أجمل بالأسلوب , و أكثر بالأقناع و الترغيب , و ألح بالطلب ,

بعكس الرجل إذا طلب منك شي, فــ هو و أسلوبه وععععين يعني تقدر تقول عور و ينشق !!

شكرا لك

[جبل عمر]

ماقلت لكم ان كل مصيبة وراها حريم

يدرون اننا نخقها خلف الحريم

ارسلوهن لنا

طيب ياجبل عمر وراك ماعطيتها رقمي

انت ماتعرف تتصرف

انا اعرف اتصرف

لعنة الله على تلك العقول التي تفكر بخبث

أجل ما أعرف أتصرف لو أبي كان عرفت أتصرف وأخلي العيال يضحكون عليها لكن مو الشطارة باللكاعة مع هالأشكال الشطارة تكسر شوكتها لأنها جاية من باب إنه إذا سمع صوتي راح يضيع ويقع بالفخ ونلعب عليه وننهب دريهماته معصي
مو أنا ألي تلعب علي

[جبل عمر]

[SIZE="5"][COLOR="Navy"] والله لقد اتصل علي اكثر من مره صوت يخليك تخق وتسـأل عن اخبارك
واخبار صحتك ومن ثم الدخول بكل ادب ولطف الى الموضوع الذي بالطبع
ستأخذ بعد موافقتك عمولتها كل هذا وكل مكالمه مع الرجال من اجــل
عموله ,عموما هذا طرق لكسب العميل وعن طريق ((الحريم)) ...
تذكير خارج عن النص ::::ابتعدوا عن بطاقات الأئتمان فهي هـــــــــلاك .

المرأة صارت أحد أنجح أساليب التسويق فالبفعل تملك لواقه اللسان وجميل اللفظ ولديها موجات تعطل التفكير لدى بعض الرجال

شكراً لمرورك الكريم

[فيصل...........]

جبل عمر

هم يبحثون عن المعلومات الخاصة التي

مسجلة لديهم من قبل العميل فمثل حصلم عميل لدية راتب حلوا

او لدية مصارد اخر ى هذا يعتبرونه صيده حلوه لهم

ثم يخلون وحده تتصل علية عشان الجنس الناعم الكثير

من الرجال عندهم عاطفة ما يحبون يكسحون هالنوع وياخذون

قصد لو ما هم محتاجين عشانها بس

شكرا لك على هالموضوع الرائع

[جبل عمر]

لآيـكون بنك الرياض بس :36_1_3[1]
وياخوي هم عرفوا كيف يلعبونه صح ويستفيدون من بعض العقول

هي مو مواقفة على بنك الرياض كل البنوك حتى الخطوط والرد الآلي للشركات والسنترال للمستشفيات الخاصة قلبوها بنات

[فيصل...........]

جبل عمر

هم يبحثون عن المعلومات الخاصة التي

مسجلة لديهم من قبل العميل فمثل حصلم عميل لدية راتب حلوا

او لدية مصارد اخر ى هذا يعتبرونه صيده حلوه لهم

ثم يخلون وحده تتصل علية عشان الجنس الناعم الكثير

من الرجال عندهم عاطفة ما يحبون يكسحون هالنوع وياخذون

قصد لو ما هم محتاجين عشانها بس

شكرا لك على هالموضوع الرائع

[جبل عمر]

صدّقني لولا انهم لم يجدوا عقولاً تذوب عند النساء ( من اشباه الرجال ) لما فعلو هكذا من الاستغفال ..

ولو ان الرجال كلّهم كان ردّهم كـ ردك

لما تمادوا واستمروا

أختي الكريمة من الغلط أن نطلق التعميم بـ أشباه الرجال على كل رجل انفتن بالمرأة
المرأة فتنه والرسول صلى اله يقول ما تركت بعدي فتنة أضر على الرجال من النساء
فتنة النساء لا ينجوا منها إلا أصحاب الإيمان القوي
شكراً لمرورك الكريم

[جبل عمر]

بارك الله فيك على الرد الرائع

انا اتوقها بتستقيل عقب

كلمة الاضافه بكرت العائلة

لا تستقيل ولا شي هذي متعلمة ومتعودة على هالردوود

أشكرك على مرورك الكريم

[جبل عمر]

بارك الله فيك على الرد الرائع

انا اتوقها بتستقيل عقب

كلمة الاضافه بكرت العائلة

لا تستقيل ولا شي هذي متعلمة ومتعودة على هالردوود

أشكرك على مرورك الكريم

[جبل عمر]

بارك الله فيك على الرد الرائع

انا اتوقها بتستقيل عقب

كلمة الاضافه بكرت العائلة

لا تستقيل ولا شي هذي متعلمة ومتعودة على هالردوود

أشكرك على مرورك الكريم

[أبوصالح_2007]

يرجال يدرون ان ربع يخنون على هاالاصوات وعطوهم الفرصه للدجيج

[# الزلزال #]

والله انكم يا سعوديين قااااااااااهرينن تخقونه مع ضلال الحريم بسبب وبدون سببمادري تعتبرون المرأة من كوكب ثاني ..

المشكلة لا تزوج الواحد انوع السهج بمرته يخليه تنام عند اهله اسبوع ...

مشكلةاستغلال السعودي بالمرأة تحدث كثيرا حتى ان شركات نصب خارج المملكةبمصر وغيرها من

الدول توظف نساء من آجل ذلك وكثيره هي المواقف .. وفي احدها

عندما زجرت فتاة فاتنه تقدم خدماتها لي وهي اشهد انها روسيه جايه بالغلط مصرية المهمـ جمالة اخذ

صراااحة ..وابتسمته تخليك توقع شيك على بياض مو تشترك ببرنامج بكم جنية المهم يوم جت زجرته

ورفضت المبدا او اي اخذ وعطى معه فقلتلي على طول اكيد انت سعودي غريبه جميع السعوديين اللي

قبلتهم اما يشتركون او يأخذون ويعطون ويعتذرون بأدب ..قلتلها ملينا من الادب من كثر شركات النصب

اللي مثلكم الواحد جي يتسيح والا يزغب مزاجه ... قالت صدق ان شركاتنا شركات نصب وانا ما

يخلوني أتكلم إلا مع السعوديين بس حتى دول الخليج الثانية ما يخلوني اكلمهم .....

زبدة السالفة كلها ... ان السعوديين عندهم خلل في ثقافة التعامل مع المرأة ناتج عن

سلوكيات المجتمع البعيدة عن الدين في نظري !!!

[جبل عمر]

وحيدة كالقمر
أجل يصعق القلب...أقول جبل عمر تهقى الحريم اللي عندهم حساب يكلمونهم رجال<<<ههه أتسذب ترى أمزح وقسم ماعندي رقم حساب عسى ربي يخلي لي أميمتي وأبيي وإخواني

يصعق القلب مو يصعق وبس عيال الذينا منقين أصوات ما أدري من وين جايبينهن

لا لا ما راح يخلون الرجال يكلومون الحريم لأن الرجال إذا كلموا الحريم راح ينخرشون ويمكن ينكبون البنك


منوّل بفتح والحين هوّنت خوفتن الله يهديك

مجبورة بفتح الحساب اليوم ولا بكرا

تصدق أول مرة أسمع كذا عنهم؟والله العظيم.....

الخافي أعظم الدعوى دردبيسس

بس زين عليك عارفن لهن هالسافلات....إغراء مابعده إغراء!الشرهة على اللي ضيّعها مو عليها..

لا تقولي سافلات قولي الله يحمانا ويستر علينا ويستر عليهن ترى يقولون الطنزة لفعتن بالوجه

ياانا تثور ثائرتي لاشفت بنات كذا...لاويقولون إعرسي...أقول إيه يجيب ربّي مطر....بالجنّة إن شاء الله...حنّا وسرى إن شاء الله

يعني هالبنات ذولي هن الي راح يكرهنك بالعرس وش دخلهن وعلى أي أساس ربطتي وقلتي كذا

[جبل عمر]

يخلون الحريم يكلمن حتى تذوبه بصوته وكلامه المعسول اسرع للخقخقه حتى يدج على وجهه

وياخذون اللي هم يبون بأبسط الطرق واقصرها

صدقت وأنا أخييك ما يبغالها كلافة يسمعون الرجال صوت هالبنات وتغنجهن ويجون على وجيههم

[جبل عمر]

وحيدة كالقمر

طيب سين سؤال:االحين هي يوم إنه تدق صدق إنه مميز وووالخ مثل ماقالت؟
وإلا تكذب عليه يعني بس بتوقعه بشباكه؟

مثل ما قلتي توهقه وتقول أنت عميل تميّز وحسابه بالسالب ويقع بالفخ

هاه صدق جاوبوني...!ووش الفائدة المرجوّة من هذا العمل الذي يستفيد منه البنك؟

لأن أي واحد مخ ما فيه من هالي تلكمهم يأخذ قرض أو بطاقة ائتمانية
يعطونها البنك (عموله)

[الـخنساء]

اقروا وردكم الدنيا صارت توحش !!!

[جبل عمر]

هلا بالجبل ,,,,,يقولون والعهده على الراوي :5[1]:..إن اللي يكلمن هم جلوف شنبه ياقع عليه الغراب من كثره ويقولون بعض البنوك مركبين جهاز تغيير الأصوات تبي لبنانيه تبي سعوديه تبي سوريه ,,اللي تبي ..وهمن يتصل أبو شنب على هالضعوف ويعرض خدمات البنك عليهم ومثلك عارف ربعنا مجرد مايسمع هالصوت الناعم يخقه وتضيع مراجله ويسوي اللي تطلبه الأموره منه أقصد هالجلف أبو شنب ...ترى يقولون:a1:

لا لا يا برمودا بنات ومية بالمية ليه هم ما لقوا بنات ؟!! يكون بعلمك كل إدارات البنوك الدعوى خليطي وبنات وعيال ولا فيه حواجز ولا شي اسألنسي أنا كافشهم مرة زرت شركة ودخلت عندهنم تحلف إن تناظر تمثيليه ما فيه شي
اسمه قسم نساء أو البنت بجهه والعيال بجه كل واحد بجنب الثاني

[مــسفـ..ـهل]

جبل عمر تكفى وصل سهمك لثلاثين ريال ودي ابيع ..

[ღ ][ وحيدة كالقمر ][ღ]

يعني هالبنات ذولي هن الي راح يكرهنك بالعرس وش دخلهن وعلى أي أساس ربطتي وقلتي كذا

عفواً جبل عمر.....أحتفظ بالجواب لنفسي....

كلّ العذر

[•°سـرىآ اللـيـل°•]

ياانا تثور ثائرتي لاشفت بنات كذا...لاويقولون إعرسي...أقول إيه يجيب ربّي مطر....بالجنّة إن شاء الله...حنّا وسرى إن شاء الله

:x2:
:x1:
:x10:

وش به الشيخة سرىآ :for10: << الله يصلحك اللحين الشيخة عضوة في جمعية ((جمع راسين بالحلال))

فكرة طرت على بالي قلت أزوج هالبنات اللي يدقدقن ويكتبن ويخربطن تبعاً لفقد الحنان ,,

أقول لعلهن يعقلن وتتوجه مشاعرهن في طريقها الصحيح .. وربك يوفقهن ..

طيب إشرحي لي أنا اللي بتحتفظين بوه لنفسك بحكم أني شريكة لك في المشروع العنساوي :D

:x9: و أهذب تاهيه’
:x18:

[بــرمــودا]

8
8
كَـثـيـــــرٌ هــمـ آلـذكـــور
..؛
لـكـنـ !
قــــلــــيــــلُ
مـنـهـمـ آلــرجــــــــــآل


:36_1_5[1]:for2::b4::b1:

[•°سـرىآ اللـيـل°•]

^^

http://www.arb-up.com/files/arb-up-2008-1/MPC62833.gif (http://www.arb-up.com/)

http://www.arb-up.com/files/arb-up-2008-1/DOC63494.gif (http://www.arb-up.com/)

[ღ ][ وحيدة كالقمر ][ღ]

هلابك سرى


هههه

من متى ماشاء الله صايرة شيخة وتجمعين راسين بالحلال؟


أجل ياحبيلك هالأيام شفت تركيّة....مهب حلوة أبد<<<أستهبل

وقلت لها إحجزي لي أخوك إن تسان عندك أخو ماتزوّج....قالت إيوة بتتزوجي تركي...قلت إيه...عندك؟على إيديك؟

خخخخخخخخ


قلت أنتي زوجك سعودي:تحلفين إني قارصته ياهي فزّت فزّة قسم بالله وقالت:لالا مو سعودي لالا تركي



قلت ليه وش فيهم السعوديين:

قالت لالا تركي مو سعودي<<<تدوكرت يابعدي


عاد معي وحده من قريباتي قالت أحسن ترى السعوديين شياطين<<<قصده ماتبي تعرس ع رجالنا يعني بتكرّهها فيهم

هههههههههههههه

منسمة


عاد أنا أحتري ردّه هي لقت لي تركي وإلا لا...؟<<<أبطقّم ولدي إسمه تركي والفارس تركي...طقم جنسيّات خخخخخخخخخخخ


وأقولك وشو اللي احتفظ فيه لنفسي


^
^
^


كلامي مزح لايحمل الجد أبداً...الحين تصدقون يالله ماتصدقون خبر


هع

[•°سـرىآ اللـيـل°•]

هو من طلعتي شيخة وش الجديد !!!!

بس من متى أجمع الروس << هه من حرب الأفغان الأولى :D قبل ولادتي بسنتين ثلاث وماأدري كذا تقريباً

المهم إن الخير يحبن وأنا في بطن أمي :b3: << الله لايضرن

أقولك بعذر هالتركية إللي ضربت فيوز ., يوم جبتي طاري الأشهب ., الله يلوم اللي يلومه وش له بالشهبان !!

أوكي أجمع بين سعودية وتركي لكن العكس لا أخاف النار :( لأنه بتروح بخبر كان ..

على العموم إذا حصلتي علمين أنسق أمور الزواج :D

ماجاوبتي وشو اللي تحفظينه :) << أنقهرت ترى ..

[الأمواج الباردة]

معقوله وصلت درجة تحرر المرأة إلى أن تعمل بخدمة العملاء البنكية وتكلم رجال
كان على بالي يوظفون رجال عندهم عشان يكلمون رجال
على كل حال يتبين لي أن الخبث والأنحطاط الأخلاقي وصل حتى با أصحاب البنوك
حين عملوا بمبدأ نجاح التجارة عند اليهود با أدخال المرأة عالم التجارة لأجل ترويج السلع بأقل وقت وجهد ممكن

[دقات قلبي]

قهرررر ...إلى هذي الدرجة وصل فيهم إحتقار وإمتهان المرأة..

يعني هل هي الحاجة اللي دعتها لترضى بهذا العمل..أو البريستج حتى تفخر إنها إمراة عاملة ومتعلمة..

عموما الله لايجيب اليوم اللي نشوف أنفسانا ..وبناتنا..
مهانين بهاالطريقة..
وبعدين أخوي جبل عمر...حلو منك إنك عاملتها بهالإسلوب لأنها تستاهل الإهانة..الله يكثر من أمثالك

مومثل واحد..تقول زوجته إنه جاف بإسلوبة معها مع إنها موناقصها شي..
ومرة شافته يكلم بأدب وذوق ورقه...وهو مو من راعين الخربطة>>>أكتشفت إنه يكلم إحدى شركات الطيران واللي تكلمة موظفة..؟؟
من أشكال هالمتخلفة اللي دقت عليك>>الله لايبلانا!!!
تقبل مروري

[•°سـرىآ اللـيـل°•]

^^

الإسلام كرم المرأة و المسلمون أهانوها .,

كل الحب لكل مسلمة << بس :D

[دقات قلبي]

^^

الإسلام كرم المرأة و المسلمون أهانوها .,

كل الحب لكل مسلمة << بس :D

حبيبتي سرى....قولي: أفكار غير المسلمين

اللي نادو فيها وصدقهم بعض المسلمين ..

وإلاماتاصل إن شاء الله بأن المسلم يهين أخته المسلمة..

حبيت أعطيك رأيي عزيزتي

[قاصدخير]

الله يجيب مطر

[الـخنساء]

.....................

[ღ ][ وحيدة كالقمر ][ღ]

هو من طلعتي شيخة وش الجديد !!!!

بس من متى أجمع الروس << هه من حرب الأفغان الأولى :D قبل ولادتي بسنتين ثلاث وماأدري كذا تقريباً

المهم إن الخير يحبن وأنا في بطن أمي :b3: << الله لايضرن

أقولك بعذر هالتركية إللي ضربت فيوز ., يوم جبتي طاري الأشهب ., الله يلوم اللي يلومه وش له بالشهبان !!

أوكي أجمع بين سعودية وتركي لكن العكس لا أخاف النار :( لأنه بتروح بخبر كان ..

على العموم إذا حصلتي علمين أنسق أمور الزواج :D

ماجاوبتي وشو اللي تحفظينه :) << أنقهرت ترى ..


ههههههههههه

ياحليلك أجل الخير يحبك من يوم أنتي ببطن أمك<<<بك من

خخخخ


خلاص شوفي أنا الحين أحتري ردّه عليّ وأقولك...بس ماتبين أحجز لك معي تركي؟<<<شوري عليك قولي إيه ترى ماراح تندمين خخخخخخخ


خلاص تعالي للمسن وأقولك....<<<ياليل مااطولك

[قلم بريدة الأبيض]

سلامتك أستاذي ^جبل عمر^

هـذي أساليب تصريف البضائع الكاسده00 و صارت لي أيَّام انتهاء الإشتراك بالقنوات الرياضية ،
حيثُ اتصلت الموظفة( 00000 ) و قد شارفت على الإقناع و حاولت الإمتناع عن التَّجديد ،
لدرجة إعطائي رقم جوالها الخاص 00 كله علشان أجدد الإشتراك00 و لكن لـم تنجح معي لرفضي التَّام لمبدأ التَّجديد و الإستغلال من قبل شركتها!!
الواجب علينا الحذر و الحذر الشَّديد من الذَّوبان مع الصوت النَّاعم و الضِّحكة و أنْ نُحكِّم العقل قبل القلب00

و صــــــــــــــــــــــــــبــــــــــــــــــــــ ـاحـــــــــــــــــــــك نــــــــــــــــــــــــــــور

[دقات قلبي]

ههههه

من الصدف العجيبة إني بعد ماشاركت في هذا الموضوع>>>موضوعك أخ جبل عمر

رننننن جوالي ؟؟؟رقم ماأعرفة؟؟!!


رديت طلع رجال.....!!!

يقولي إنو بطاقة التأمين الصحي للمستوصفات الخاصة إنتهت ...ويعرض علي إني أجدد...ويقول إن البطاقة ممتازة وووو..الخ

وقلت له لا..ماأبغى لأني ماإستخدمت البطاقة أبداً....>>>يعني طلعتها بس زيادة خساير

المشكلة إني يوم آخذها كان تعاملي كلة مع المندوبة ...وكانت تتصل علي عشان تاخذالبيانات وتسلمني البطاقة ??ولو فرضنا إنها تركتهم ليش!!

إلا رجال اللي يتصل..??

ويحصل على رقمي وإسمي....قل حريم..؟؟((مع العلم إنو ماأخذ واعطى بالكلام ))

بس أحس إن الدعوى صارت خربطة وقلة حيا ...رجال يكلمون حريم والعكس بحجة إنه عمل ؟؟؟

يــــــــــــــــارب لطفك
تحيـاتي...

[ღ ][ وحيدة كالقمر ][ღ]

صارت ياجبل عمر وكلّم رجال حريـــــــــــــــم



شفت؟

^^^^^^^^^^


أقول اطلّع حساب<<<<<لالا قسم إني امزح.....أستهبل


دقّات عساه مايصعق القلب صوته؟<<<بعيييييييييييييييييدة

خخخخخخخ

[جبل عمر]

انا دقت علي حقت قنوات الارتي تسئلني عن خدمتهم وتحقق معي ووين تشتغل خخخخ انا اتهرب وهي تسئل ياشين المعجبين... واشوف رقم مشغلني كل يوم يدق خاصه الصبح او الظهر شكله هي تبغاني اجدد ههههه
للاسف حريم الحزه عنده جرائه ومايستحن ..الله يرحم ايام ام قناصيع تستحي من السلام

اخوي اذا دقت عليك هددها ههههههه

هذي المشكلة يعني ما وقفت على مكان معين بنوك ومستشفيات وشركات تلقاهم يبعون معدات ثقلة ويجيبون بنت للسنترال أو العلاقات العامة والتسويق خلها على ربك

[جوان2007]

كل شي جايز في هالزمن الله يحمانا واياكم يارب

[جبل عمر]

صوت خلود مهب يصعق القلب لكن انتم يالرجال قلوبكم منصعقه خلقه ,, ومجرد ماتسمعون صوت بنت لو هو يشبه الطاحونه تنهبلون وتضيع علومكم ,,
بس والله انك عرفت لها يوم سمعتها صوت القطار ,,
فوووتك بعافية ,,

أصلاً هم ما يجيبون أي وحدة يتنقون صوت يقطع القلب على شان الواحد يقع بالفخ

لكن مثل ما قلتي صوت القطار عرفلها