المساعد الشخصي الرقمي

مشاهدة النسخة كاملة : حركات الشباب عند الاشارة


ولد البوطة
28-05-08, 07:18 pm
الموضوع "حركات الشباب عند الاشارة" وترا صدق
مو نكته .. وانتوا لاحظوها


النوع الاول

هو اللي يستغل وقته ويرتب سيارته ويفتح دروج سيارته و يدور في هالفواتير و يقطها في الشارع و فجأة ما تدري الا وهو ناقز في المرتبة اللي ورا يرتبها ولا تستغرب إذا شفته ناط في دبه السيارة (((الرجال مرتب)))ولا ينظف الدرايش أو المراية وطبعا تبطل الاشارة والاخ مشغول في التنظيف!!


النوع الثاني

وهو اللي تقول توه مكتشف انه وجهه محتاج تنظيف ويسحب في هالمناديل وعلى خشمه وشي طيب إذا استخدم المناديل الا تلاقي كل اصبع ياخذ دوره في التسليك واذا خلص طفى السيارة عشان ينظف اذنه بالمفتاح وشوي ويقرض اظافر ايده و ماتدري الا وهو مرفع رجله يقرض هذا إذا كان معاه مقراضه .. واذا ما كان موجود فالحل موجود طبعا يقرض اظافره بواسطة اسنانه ...(((((((((((((قمة النظافة!؟!؟!؟))))))))))



النوع الثالث

وهو اكثر واحد يفرح إذا وقف عند اشارة علشان يبدي يستعرض و يرقص و يردح اهو واللي معاه .. ويرقصون السيارة معهم وما تسمع غير " دب طع دب دب طع دج طع وبعدين .. تسمعلك هذيك الصرخة تقول واحد طايح من قمة الجبل!!!


النوع الرابع

وهو عكس اللي قبله وهو اللي يشغل شريط خالد عبد الرحمن .. وانواع التغلق و الحزن وطبعا الاغنية من كثر ماهي قديمة تشك انه مغنيها قبل توحيد المملكة و يكون ويهه مورم من البجي..!!!



النوع الخامس

وهو اللي تقول توه مكتشف انه صار ابو ..وما تسمع غير هواشه وتلعينه على عياله إللي ماليبن سيارته و ماتدري الا وهو ساحب العقال و مخرب التشخيصة ويطقهم واحد ورا الثاني ((يستعمل اساليب التربية الحديثة طبعا)) و يحذفهم بكرتون المناديل اللي تارسه السيارة و الفضل يعود لمحطة البنزين اللي لو تمر يمهم عطوك كرتون هدية!!!


النوع السادس

وهو الي يستغل الوقت و مسوي روحه.. ويرش عطر شوي ويحط حمره ولابس النظارت الشمسية حتى في الليل.!.!.!. ((الظاهر اعمى)) و معلق" الايرفون" في اذنه و مشغل شريط " سيلين ديون" مسوي جو اجنبي ..بس ناقصه الشموع



النوع السابع

هو اللي إذا شفته ترحمه و تقول ميت من الجوع و تشك انه قاعد في مطعم مو في سيارة؟!؟!؟!؟
الريال ماسك البرجر بيد و البيبسي و البطاط بيد و الشاورما في حظنه و الفطاير يمه و البيتزا في المرتبه اللي وراه ولا تستغرب لو شفته داش بشبه.!.!.!.



النوع الثامن

وهو اللي تحس انه ماعنده وقت ابد و دايم بزي.. ولابس نظارة وخاتم ومبقق عيونه في الجريدة ((الله وكبر يالسياسي يالمثقف)) و مسوي زحمة في الشارع واللي يمه طفشان مسكين مشتغل بمسجات الجوال.!.!.!.


النوع التاسع والاخير ...
وهو اللي سيارته زحمة... مو ناس؟!؟!؟

لا

ما خلى دشداشه ولا غتره ولا شماغ ولا بدله ولا جوتي حتى الدلاغ الا و مركبهم معاه (وانتوا بكرامه) عشان تبديل الملابس اسرع عند الاشارة حتى البطانية يايبها وماخذها معاه تعرفون الجو متقلب .!.!.!.!.

,’
ها شنورايكم بالحركات
,’









\بصراحة جازلي الموضوع ونقلته لكم

الجرده
28-05-08, 10:30 pm
الكلام الي يطبق كل حركه عند إشاره خخخخخخخخخخ
شكرا على الموضوع الرائع

طهر السماء
28-05-08, 10:36 pm
النوع الثامن

وهو اللي تحس انه ماعنده وقت ابد و دايم بزي.. ولابس نظارة وخاتم ومبقق عيونه في الجريدة ((الله وكبر يالسياسي يالمثقف)) و مسوي زحمة في الشارع واللي يمه طفشان مسكين مشتغل بمسجات الجوال.!.!.!.

احس هالنوع الكثيييييييييييييييير يسونه ..

كل الشكر لموضوعك :)

قلم بريدة الأبيض
29-05-08, 12:55 am
تشكرات على الحركات000

ضحكت على أساليب و حركات البعض00 و الحمد لله إنَّها محدودة لدى البعض فقط00

و لكن أحزنني هــذا

النوع الخامس

وهو اللي تقول توه مكتشف انه صار ابو ..وما تسمع غير هواشه
وتلعينه على عياله إللي ماليبن سيارته و ماتدري الا وهو ساحب العقال
و مخرب التشخيصة ويطقهم واحد ورا الثاني ((يستعمل اساليب التربية
الحديثة طبعا)) و يحذفهم بكرتون المناديل اللي تارسه السيارة و الفضل
يعود لمحطة البنزين اللي لو تمر يمهم عطوك كرتون هدية!!!

يا اخوي هـدي بالك 00 و حلي أوقات عيالك , و ابشر الدنيا تحلا لكم جميع
تحياتي00

ام كادي
29-05-08, 01:08 am
شكرا على الموضوع الرائع بس انت اخوي ولدالبوطة من اي نوعه وحده ملقوفه طبع بنت بريده

ولد البوطة
24-06-08, 02:52 pm
شكرا للجميع على المرور

أبو عواد
24-06-08, 03:42 pm
مـــــــــــشـــــــــــكــــــــــــــور

الطاحونة
24-06-08, 11:59 pm
النوع الثاني

وهو اللي تقول توه مكتشف انه وجهه محتاج تنظيف ويسحب في هالمناديل وعلى خشمه وشي طيب إذا استخدم المناديل الا تلاقي كل اصبع ياخذ دوره في التسليك واذا خلص طفى السيارة عشان ينظف اذنه بالمفتاح وشوي ويقرض اظافر ايده و ماتدري الا وهو مرفع رجله يقرض هذا إذا كان معاه مقراضه .. واذا ما كان موجود فالحل موجود طبعا يقرض اظافره بواسطة اسنانه ...(((((((((((((قمة النظافة!؟!؟!؟))))))))))

واقع ملموس ...!!!


والله يا مفتاح السيارة متعدد الأغراض (وهذا من المفترض أن الشعب السعودي يأخذ عليه براءة
إختراع...!!)

الــمــقــلــع
25-06-08, 10:30 pm
والله من ناحيتي احس فيه مبالغه شوي في بعض النقاط