يا جماع اللي يبي قراءات كثيره يبدل اسمه باسم بنت

[مناقش]

:mad: :mad: :mad:

[مسافره بلا زاد]

وش دعوه يا اخوي ......

ليه ها الكلام لا والله بالعكس والله كثير من اعضاء المنتدى لهم اقلام رائعه ومواضيعهم تطق اربع صفحات ماشاء الله عليهم ....
لكن هذا يعتمد على الطرح وطريقة اسلوبه في الكتابه هي اللي تحدد كثرة الزوار للموضوع والا لا ....
اخوي شل كل ها الهواجيس عنك واخوك فهد سبق وطرح ها الموضوع وراضيناه ....يا عيني تبي نراضيك ولا يهمك ....اخليك مراقب لا بغيت <===على بالها .....تراي والله امزح لا تصدق اللحين وتقول وراتس ما خليتين مراقب ....

عموما مثل ما قلت لك المواضيع الرائعه مستحيل يستهان فيها والا يكون الردود عليها قليله بغض النظر عن اللي كتب بنت والا ولد ......الطرح المتميز والاداء الرائع هم موقومات الموضوع الناجح ....

تحياتي لك ....

[مناقش]

مسافره بلا زاد الحقيقه انا ما احب اني اتكلم مع بنت ما ادري ليش يجيني خوف ورهبه ( مع غير محارمي ) 0
لو كنت ادري ان الموضوع هذا قد طرح لما طرحته لكن ان دل على شي انما يدل ان كثير من الاعظاء لاحظ الشي هذا يعني الواحد يتحمس لموضوع واحيانا يرجع لمراجع لكي يظهر الموضع على اكمل وجه وبالاخير القراءات قليله والردود كذلك وبالمقابل بنت تكتب موضوع اي كلام ونجد القراءات كثيره والردود من القهر اكثر
حتى ان بعض الردود نجد فيها الاميل ما ادري ايش قصده 0
=============================
للمعلوميه فقط اسم ولد ينطبق على الجنسين الذكر والانثى0
اجمل تحياتي

[فتى القصيم]

طنش تعش

[مسافره بلا زاد]

اخوي والله منيب سعلوه تراي ما اكل .....

وش قصدك انه بنت تكتب اي كلام ......يعني ابد مافي عيال يكتبون اي كلام والا كل هذا تحيز وعقليه متحجره ؟؟؟؟

اخوي اسمع انا ما ابي اردداللي قلته لكن الموضوع نفسه هو اللي يحدد القراء ....ارجع لمواضيعك اللي ما احد قراءها وحاول انك تتخطى وتتجاوز عيوبها وتدرسها زين الانسان يتعلم من اغلاطه مو عيب انه يفشل لك موضوع والا اثنين ...العيب انك تفكر بهذي العقليه !!!!

ان كان على انه بعضهم يحط ايميله شف اللي فوق فتى القصيم حاط ايميله في موضوعك وش قصده ؟؟؟

يا اخي وش ها الكلام .......بصراحه انصدمت فيك يا اخوي منقاش هذا اللي اقدر اقوله .....
============
ملاحظه:اخوي انتبه لاغلاطك الاملائيه ولا تعيب على الناس شف غلطك اول .....كلمة اعظاء ما تكتب كذا تكتب اعضاء .....حنا عرب اصحاب لغة الضاد ....؟؟؟؟

[الجني]

احم احم احم احم احم



ادخل والا ماادخل.

[مناقش]

مسافره بلاد زاد انت تستخدمين مفردادت لغوية تسمعين بها ولا تعلمين كيف تستخدم وتحشينها في كتاباتكي حشوا ( يعني اني مثقفه واعرف اتفلسف ) لاحظي قولكي :لكن هذا يعتمد على الطرح وطريقة اسلوبه في الكتابه 0 فلا تقول العرب يا صاحبة الضاد طريقة اسلوبه في الكتابه اما طريقة واما اسلوب لان الكلمتين لهما نفس الدلاله اللغوية والهدف من التكرار لديك هو الحشو والتفلسف الدال على الجهل بلغة يعرب بن قحطان ورحم الله امرأ عرف قدر نفسه ولان معظم زوار المنتدى من الذكور فهم يميلون غريزيا الى الجنس الاخر الاقل في المنتدى وهن النساء وليس لان كتابات النساء تستحق القراءه على كل حال وكما تعلمين ان الدخول على المقال لا يعني بالضروره قراءته 0000
قراءت جريده الرياض 20 سنه لم استطع اكمال عامود نسائي واحد باستثناء عامود الفاضله الدكتوره نوره السعد وهي اكبر من الالقاب 000
============
مسافره بلا زاد انصحك بتغيير هذا الاسم المستعار لانه يحمل مضمون مخالف لعقيدة اهل السنه والجماعة الذين زادهم التقوى فمن لا زاد لديه فلا تقوى لديه ( نسأل الله العافيه ) وهذا دليل اخر على انك تستخدمين كلمات لا تعرفين معناها لمجرد انها اسماء رومنسيه دون عرضها على العقل 000 يبدو انه لا يوجد عقل 0

[مسافره بلا زاد]

بسم الله الرحمن الرحيم ...

اولا ما اقول الا الف شكر على كل كلمة قلتها لي يا اخي الفاضل ......
وما راح احرق اعصابي على كلامك ولا راح اتاثر فيه ...وكمان ما هز فيني شعره وحده لانه امثالك يتوقع الواحد منهم اي شيء ......ويجي منك يا اخوي اكثر ......

اما بالنسبة انه احشو الكلام حشو ..واني ادّعي الفلسفة ...انا والله ما قلت ها الكلام ولا لمحت فيه اصلا ....وكل واحد يرى الناس بعين طبعه ....
وقولتك انه اسلوب وطريقة لهم نفس الدلالة اللغوية ....من جد قعدت اضحك على طريقة تفكيرك اخوي .....انت ما تعرف الترادف .....السيد قطب رحمه الله كان يستخدم الترادف في كتاباته حتى لا يمل القراء من ترديد نفس الكلمة فيصيغها باسلوب الترادف ......هذا سيد قطب الكاتب الكبير فما بالك فيني ....
زيادة عن كذا انت ما قرأت قصيدة لابن عثيمين كان اخر بيت لها :
لكن شمس ملوك الارض قاطبة *****عبدالعزيز بلا مين ولا كذب
.....اخوي ترى معنى كلمة مين هو الكذب ودور عليها في معاجم اللغة العربية ....وهذا الشاعر الكبير اللي يعتبر من رواد الشعر السعودي ...كتب الكلمتين وهم لهم نفس المعنى ....
==========
مره ثانيه اقول انه انصدمت فيك يا اخ منقاش وبعقليتك المتحجره ...اللي تعتبر المرأة مخلوق ناقص ....
==========
وان كان على اسمي فوالله ما بدر على بالي في يوم من الايام انه يكون قصدي بعدم وجود الزاد معي هو زاد التقوى وبعدين مو انت تحدد انه يخالف منهج اهل السنه والجماعه ....والا التكفير عندك صار مثل شرب الماء ....انا قصدي بعدم وجود الزاد ...هي زوادة المسافر (الجازة=وهي التي يعبر بها المسافر من منهل الى منهل )......اسمح لي اقول انك انسان غير ناضج انفعاليا ......

ومن جد حسافة اعضاء المنتدى الاولين ....كان المنتدى بوجودهم من اروع ما يكون .....لكن بوجودك انت وامثالك صار المنتدى ما ينطاق ......

وهذا اخر شيء اقدر اقوله

والسلام مسك الختام ......

[ام المقداد]

لاحول ولاقوة الا بالله ....
الاخ مناقش للاسف قبل ان تؤذي البنات يبدو انك آذيت الرجال
اتدري كيف اتهمتهم بالسطحيه الزائده .
اتهمتهم بانهم يدخلون الموضوع فقط لان الكاتبه بنت يعني انهم سطحيين ولايبحثون عن المحتوى الفكري للموضوع.
وهذا اتهام ارده عن كل اعضاء المنتدى المحترمين .
ثم بعد ذلك ارى ان ردودك تحولت الى شجار واهانات لاختنا
مسافره بلا زاد ,مع انها اوضحت لك الاسباب في ميلان كفة موضوع عن آخر.
ولااسمح لك ولااظن كذلك القائمين على المنتدى يسمحون بان
تصف مشاركات البنات بانها اي كلام لمجرد ان احداهن ربما طرحت موضوعا يتزامن مع طرحك انت لاحدى مواضيعك ورايت ان الكثيرين شاركوا وقرءوا موضوعها,وانت كان الاقبال على موضوعك ضعيف.
على الاقل يااخي كن منصفا في نقاشك ومنطقيا في حوارك
واحترم الرأي الاخر.
ماكان يجب ابدا ان تخرج من موضوعك لما خانتك الكلمات وتتعرض
لواحده من اهم العضوات في المنتدى بالتجريح والتعليق على اشياء لاتخصك ولاتخص موضوعك.
والله عيب اللي قاعد يصير بالمنتدى ,لكن اقل شيء ممكن تسويه ,اثبت شجاعتك واعتذر للمسافره بلازاد.
هداك الله وعفا عنك.

[الملثم نت]

اللي يبي قراءت كثيرة يقول أنا ولد

[مناقش]

تعقيبا على رد الاخت (مسافره بزاد التقوى ) صديقة الضاد حول ايضاحي السابق اقول وبالله التوفيق :
لم يرقى الرد الى المستوى المأمول المنهجي الذي كنت آمله وهو الرد العلمي الموضوعي الرصين على ملاحظاتي بل احتوى على عبارات اساءة عامية واعجمية اللفظ وانفعال واضح 0 واما ما يتعلق بتكرار الالفاظ المترادفه في قصيدة بن عثيمين فهذا امر اقتضته القافيه و الوزن ويسمح للناظم ما لا يسمح لغيره في مخالفة الاعراب وهذا امر معروف واما التكفير والذي كتبته الاخت ( التفكير ) فهذا امر لم اتطرق اليه او انعتها به والعياذ بالله لكن امور مخالفة العقيده معروفه لكثير من العوام حتى لا يقعوا فيها ولا يكفر المسلم الا القاضي الشرعي وفق ظوابط لا مجال لذكرها الان 0 واما تفسير الاسم تفسيرا حسيا بهذا الشكل فهو منتهى التناقض فالاسماء المعنوية لاتفسر حسيا فلا يفسر اسم خالد مثلا بأنه خالد في الدنيا او في الذكر وتفسر الاسماء حسب استخدامها فالاستخدام المعنوي يفسر تفسيرا معنويا كما قلنا من قبل وهذا امر يطول شرحه وعلى العموم ارجوا اغلاق الموضوع لان مستوى الحوار لم يرقى الى المستوى المأمول وشكرا 0
=================================
جل احترامي وتقديري لام المقداد وارجو الا يرى الموضوع بعين واحده 0 علما انني قد اقفلت على الموصوع ولن ارد الى اي كتابه 0