انترنت والا سعسعه بالأستراحات اختاري !!!!

[عاشق ديرتي بريده]

بالسابق اكثر الأزواج لايجلسون بالبيت الا ساعات قليله !!

وبالوقت الحالي تغير الحال وصاروا يجلسون بالبيت وخروجهم قليل !

ولكن سبب جلوسهم بالبيت مو علشان الزوجه او الأولاد السبب الرئيسي هو الأنتر نت !!:for3:

أختي الزوجه لو خيروك خروج زوجك من البيت او الجلوس بالبيت امام شاشة الأنتر نت ماذا تختارين !!!!!!!!!!:(

ادري ان كلهن شينات بس هذا حال السعوديين مابهم ملح اذا طفو بشي !:29_1_8[1]

[@ ابتسام @]

أختي الزوجه لو خيروك خروج زوجك من البيت او الجلوس بالبيت امام شاشة الأنتر نت ماذا تختارين !!!!!!!!!!

طبعا الجلوس في البيت امام النت وانا معه ... وحط تحت وانا معه ستة الآف خط .

[وحده من الوحدات]

شف ونا ختك طبعا انا لو يخرونن تاخذين واحد سواع ع قولك ولا راعي نت



ونا مغمضه بقوول ابي اللي ما تقضبه الارض



احسن من انه يكون موجود ولا كنه موجود مقاابلن ها الصنم وسافهن >>> تغز ع الاب توب

[وحده من الوحدات]

طبعا الجلوس في البيت امام النت وانا معه ... وحط تحت وانا معه ستة الآف خط .



تبي تبتلون طول اليوم مقابلينه


اصلا انتي بتملين بيكون طبعا ميوله غير ميولتس


وبتندبل تسبدتس وتتقولين اثره صادزه وحده

[تسواهن]

لا والله يطلع ويا ربعا ومايرد الا بانصاص الليالي اهون من مقابله هالنت وعلى غير نفع

[قلب الأسد]

شكل مالي دخل بالموضوع ,,بس انا ابطلع واقعد يعني تبي
الرجل ياعاشق ينتظر وش تقوله المدام يقعد اويطلع عاشق
عطنا سؤال حنا طيب على هالحريم..........

[•°سـرىآ اللـيـل°•]

شخصياً مالي خلق المتابعة ..

يعني أنا متزوجة إنسان كبير فاهم عاقل يعرف مصلحة نفسه ..

إذا بيروح للإستراحة يروح يعني وش أخاف عليه ؟! يطالع ستلايت ؟ يشوف فنانات وممثلات وماأدري إيش ..

في البيت يفتح نت وش أخاف منه ؟! يشوف مقاطع مش ولابد! يدخل شات يغازل !!!

كيفه النار بتاكله هو .. والغيره على هالأشكال أدوسه تحت رجلي لأنه زوج مايستاهل أني أغار عليه ..

وأنا وش علاقتي أتابع إنسان أمه و أبوه المسؤولين عن تربيته مو سرىآ ,,, خلاص أنا مسؤولة عن نفسي وعيالي..

أما ولد الناس مالي ومال وجع الرأس معه , في الحق هو المسؤول عني وعنهم لكن إنقلبت المعادلة :(

بيروح للإستراحة يروح , بيسافر يسافر , بيفتح نت يفتح , بيغازل يغازل , بيموت يموت , بيروح للنار يروح , هو المسؤل عنه نفسه ..

اللعنة خلااااااااااااااااااااااص كفى بالسابقات أمراض ياما وياما تعبن وراهم ولانفع .. ومع ذلك كل بلاء يحط عليهن :(

ياسيدي حطها في بالك وحافظ عليها بدماغك ... (( اللي مايعرف مصلحته لايهمك ))


وسلامة عمري و عمرها .. أهذب تاهيه’

[لينااا]

أستغرب مثل هالكلام والأحاديث ؟

أوكي يجلس بالبيت ومو شرط اكون عنده وقت استخدامه للإنترنت

ويروح للإستراحة ومو شرط كل شوي ادقدق عليه ومقلقه راحته !!

الزوج اذا مازرعتي فيه الثقه بنفسه من البدايه ماراح ينفع لو تحطين عيونك بدال عيونه !

وبعدين الزوجة الذكية هي اللي تحتوي زوجها وتخليه مايشوف غيرها بإسلوب لين .. ولا يمكن يلعب من وراها ماهما كان !!

لكن استغرب من شي !!

النت وش فيه ؟

هذا انت جالس على النت !!


ماظنتي انه بعبع :)

لكن العقل هو اللي احيانا يصير بعبع للإنسان


والله المستعان


.

[ممكن اكون بكونك]

شخصياً مالي خلق المتابعة ..

يعني أنا متزوجة إنسان كبير فاهم عاقل يعرف مصلحة نفسه ..

إذا بيروح للإستراحة يروح يعني وش أخاف عليه ؟! يطالع ستلايت ؟ يشوف فنانات وممثلات وماأدري إيش ..

في البيت يفتح نت وش أخاف منه ؟! يشوف مقاطع مش ولابد! يدخل شات يغازل !!!

كيفه النار بتاكله هو .. والغيره على هالأشكال أدوسه تحت رجلي لأنه زوج مايستاهل أني أغار عليه ..

وأنا وش علاقتي أتابع إنسان أمه و أبوه المسؤولين عن تربيته مو سرىآ ,,, خلاص أنا مسؤولة عن نفسي وعيالي..

أما ولد الناس مالي ومال وجع الرأس معه , في الحق هو المسؤول عني وعنهم لكن إنقلبت المعادلة :(

بيروح للإستراحة يروح , بيسافر يسافر , بيفتح نت يفتح , بيغازل يغازل , بيموت يموت , بيروح للنار يروح , هو المسؤل عنه نفسه ..

اللعنة خلااااااااااااااااااااااص كفى بالسابقات أمراض ياما وياما تعبن وراهم ولانفع .. ومع ذلك كل بلاء يحط عليهن :(

ياسيدي حطها في بالك وحافظ عليها بدماغك ... (( اللي مايعرف مصلحته لايهمك ))


وسلامة عمري و عمرها .. أهذب تاهيه’





الحمدلله والشكر .. ايش هالتفكير سرى الليل ..؟؟ اذا الزوجة ما اهتمت بزوجها اجل بمين تهتم ..؟؟ واذا على قولتك اهتم بعيالي .. اجل لاتلومين زوجك لو غازل وسافر وسهر الليالي بعيد عنك ؟؟

[•°سـرىآ اللـيـل°•]

الحمدلله والشكر .. ايش هالتفكير سرى الليل ..؟؟ اذا الزوجة ما اهتمت بزوجها اجل بمين تهتم ..؟؟ واذا على قولتك اهتم بعيالي .. اجل لاتلومين زوجك لو غازل وسافر وسهر الليالي بعيد عنك ؟؟

لاتسألين عن تفكيري إسألي نفسك عن فهمك .. مشكلة إذا مافهمتي السالفة وجيتي خرااص ..
أنا ماقلت ماأهتم بزوجي بالإهتمام اللي راح بالك له الظاهر قصدي واضح :)
إذا زوجي بيبي ولايعرف مصلحة نفسه وش اسوي له !!!!!!!!!!!!!!!!
أبكي وأقول الله يخليك أنت غالي وأحبك موت تكفى لاتطلع برا البيت طلبتك ياقمر ويابدر ويامزيون أرحم قليب مات في غلاك ..

نعم أهتم بعيالي <<< من ناحية التربية ياشيختي أفهمي بعدين ردي ..
الإهتمام هنا مش بالشكل و لا بالبيت بل في التربية والمتابعة .. يعني مش لايق أعيد تربية زوجي من جديد ..
وأنا أعتبر الزوجة اللي تتابع زوجه بكل مكان وينك ووين رحت وليه تسهر وليه تنام ولا تقوم .. صحيحه وتبي من يقرأ عليه..
والله عيب أسأل رجل وين يروح ووين يسافر عييب عييب إذا الله بلاني برجل نص لفة أصبر وأحتسب :(
وخلاص إذا بيسافر وبيسهر ماله داعي أولول << ياكثر اللي ولولن غيري ولاحصلن أي نتيجة ..

أفهمي قصدي من الإهتمام هنا ... وأهذب تاهيه’

[@ ابتسام @]

تبي تبتلون طول اليوم مقابلينه


اصلا انتي بتملين بيكون طبعا ميوله غير ميولتس


وبتندبل تسبدتس وتتقولين اثره صادزه وحده

لا تطمني من ناحيتي هو بيمل وانا ما مليت .. ويكفي انه يكون جنبي اذا بغيت سالفة او روحة

[@ ابتسام @]

شخصياً مالي خلق المتابعة ..

يعني أنا متزوجة إنسان كبير فاهم عاقل يعرف مصلحة نفسه ..

إذا بيروح للإستراحة يروح يعني وش أخاف عليه ؟! يطالع ستلايت ؟ يشوف فنانات وممثلات وماأدري إيش ..

في البيت يفتح نت وش أخاف منه ؟! يشوف مقاطع مش ولابد! يدخل شات يغازل !!!

كيفه النار بتاكله هو .. والغيره على هالأشكال أدوسه تحت رجلي لأنه زوج مايستاهل أني أغار عليه ..

وأنا وش علاقتي أتابع إنسان أمه و أبوه المسؤولين عن تربيته مو سرىآ ,,, خلاص أنا مسؤولة عن نفسي وعيالي..

أما ولد الناس مالي ومال وجع الرأس معه , في الحق هو المسؤول عني وعنهم لكن إنقلبت المعادلة :(

بيروح للإستراحة يروح , بيسافر يسافر , بيفتح نت يفتح , بيغازل يغازل , بيموت يموت , بيروح للنار يروح , هو المسؤل عنه نفسه ..

اللعنة خلااااااااااااااااااااااص كفى بالسابقات أمراض ياما وياما تعبن وراهم ولانفع .. ومع ذلك كل بلاء يحط عليهن :(

ياسيدي حطها في بالك وحافظ عليها بدماغك ... (( اللي مايعرف مصلحته لايهمك ))


’

مصلحته هي مصلحتك .
ويا ماما مصلحتك انتي تندرج تحت مصلحته اذا ما عضيتي عليه بايدينك واسنانك اخذنه منك الحريم وقعدتي تولولين على حظك وترجين اخوانك يعطفون على عيالك ويركبونهم بالسيارة وينظرون لهم نظرة شفقه ...
وغيرك تاكل بعقله حلاوه لو هو كبر جدي وعقله رصف حديداذا ما حافظتي عليه .
و ترى متابعتهم تجيب نتيجة وترد نزواتهم الصبيانية اللي تطري لهم
اسالي مجربة

[•°سـرىآ اللـيـل°•]

حبيبتي ياكثر المجربات حولي .. ومن قال إن مصلحتي تندرج تحت مصلحة إنسان فاشل ماعرف يداوي روحه !!؟

إذا زوجي شين وش اللي فيه زين عشان أعض عليه ؟! خلي كل حريم الحارة يضفنه وقتها النفس طابت ..

ياشيختي إذا بلوى من الله تتمنين له الموت وأن الله يفكك منه ومن خرابيطه ..

وعيالي ماراح ينتفعون من أبو ماعرف مصلحة نفسه بالأول عشان يعرف مصلحة عياله ..

مير أعيش معه عشان يكون لعيالي كيان حفاظاً على نفسياتهم وإلا الردي مامنه فايدة مع إحترامي للحرامي ..

والهداية بيد الله وبدل ماأسبب مشاكل ليه تروح وليه تجي ويبدأ عناد ,, أفل سجادتي وأدعي أصرف لي من وجع الرأس ..

وإن الله يهديه لعياله مهب لي ,, أنا كل اللي بيني وبينه عقد وبلمح البصر ينتهي لو صار ماصار بس البلاء بالعيال يبقى هذا أبوهم طول الدهر ,,,

يابنت الرجال الله يرزقنا الناس الطيبين ويبعدنا عن الرديين .. ترى الردي ماله دوااء لو تقولن اللي تقولن وسبقت التجارب ..

أهذب تاهيه’

[اتعبني خطااااك]

كلهن مرض ياعاشق

لكن نختار اللي يسعس احسن من شوفت البلاوي اللي يطلعونه من تحت الاارض
من ه البليه

معليش تراي معصبه ودي اغول احد !!!!!!!!!!

[العريف]

اخت سرى




ماقول غير ( يامسكين اللي بياخذك :))


من جد .... الافضل لاتتزوجين حتى تتغير قناعاتك ... لأنه بهالحاله ...... ونظرتك له بهالشكل ... والله إن يقطّك ببيت أهلك .. ومحد سمّى عليك .. ويقطّ عيالك معاك .....

أنتي فاهمة العلاقة الزوجية بالمقلوب ... وتحسبين السالفة .. شراكة جهادية أو تخطيط لمعركة .. أو شراكة إستثمارية .... !



شوري عليك ... شور أخو لأخته .. إما إنك تغيرين نظرتك .. أو لاتعرسين ... ينقال لسه ماتزوجت ولاينقال مطلقة !


وبالاخير : نصيبك حـ يصيبك .. لامحاله

[حزام الأمان]

اممممممم نص نص بحاول اتفاهم معه ونوصل حل سلمي
يعني 24 بالبيت صعبه حتى لو هو ع النت و24 ساعه مسعسع بعد مو زينه

شوي هنا وشوي هناك وشوي ينتبه للبيت ولنا ,,,,,,,,بس ابدا ماراح ارضى يطنشنا واذا سواها بطنشه
يعني وحدة بوحدة



.................................................. ..........
سرى الليل ياحبيلك ليش متشائمه اموت وأعرف(!)

شوفي اذا جاك أحد وقالك سرى اشتريلي وانت رايحه كذا ولو اني عارفه انك ماعندك سالفه بهالأمور بس مالك الا خشمك ولو هو عوج بتتحمسين والا بتقولين احلقي اذني اهتم لك هذا اذا ماطنشتيها
بالاصل :)


انتي هنا ماتفائلتي الخير من رب العباد تتوقعين ربي يرزقك الزين (؟)
(تفائلو بالخير تجدوه)

بعدين بعتبرك اختي الصغنونه الي توها طالعه على وجهة الدنيا شوفي حبيبتي اذا عطيتي بزر اغراض وقلت انت رجال ماتضيعها وحسستيه بعظمه نفسه واعتمادك القوي وثقتك فيه وش تتوقعين يسوي (؟)
كمان ايش تتوقعين يسوي لو هزبتيه عند اصحابه وقلت ماعندك سالفه وانت بزر تضيع اغراضك لا تضيعها مثل ذيك المره :)
نفس الشي مع الي حولك ايا كان بس طبعا باسلوب مختلف وكمان لازم ماتحكمين الا اذا جربتيه مرة 2 3 اما توك ماتزوجتي ومايهمك صعبه ولا يهمك بعد يدخل النار اذا ماهمك ابو عيالك من يهمك يختي جيرانا ماودي فيهم احد يدخل النار :)
تحياتي لك ...موفقه وين ماكنت

أختك حزام الأمــــــــــــــــــــــــــــــان

[حزام الأمان]

ملاحظة سرى : لا تجين تقولين انتو تقدسون الرجال صدقيني مستعدة اضرب فيه الجدار اذا طالع صايع ضايع ولا أأمن نفسي معه حتى لو حبيته بس أن شاء الله ماراح اتزوج الا رجال يستحق كل الخير
<<<<متفائله بالحيل :)

[سلطانة]

عساني ماآخذ لامدمن نت ولا استراحات
لكن للتخيير الوهمي
طبعا اللي عند النت
عشان لابغيت مشوار والاش افصل الكهرب واقول ودني
اما اللي في الاستراحه بيقول بعيد ومادري ايش


"لاقريت مواضيع الشباب هنا أحس تخيلاتي وتخطيطاتي المستقبليه تنهد":36_1_4[1]
شكلي ابتهور و ابنتحر:c2:

[فتاة 27]

اللحين ما فيه احد خاالي
تلقينه مدمن استراحات او نت وا كشتات
وانا بنسبه لي يكون مدمن نت اهون على الاقل حولي موب بعيد
وانا من النوع اللي متفائل با الحيل

[وحده من الوحدات]

لا تطمني من ناحيتي هو بيمل وانا ما مليت .. ويكفي انه يكون جنبي اذا بغيت سالفة او روحة


لابغيتي سالفه اتحداتس بيسمعتس مثل الناس


بيهز لتس راسه وأيه أيه وهو ما يدري وش الطبخه


ولا بغيتي تطلعين موب موديتس لما يطيب كيفه

ونتي تتحتمي تسبدتس ونتي تناظرينه يله يله يله


همن بيحمق عليتس ويقووول ما هنا روحه:d3:


وبذيك الساعه تتقولين الله يذكر وحده من الوحدات با الخير:4_1_72[1]

[شجووون]

لا الله يجزاو خير يروح يسعسع بالاستراحه بكيفه اريح لي من مقابل النت
وش ابي به يتصفح ولا يعبرن بس هاتي الشاهي وجيبي سندوتش
خليه يجي لقهوه المغرب ويسولف معي نص ساعه احسن من مقابل النت طول اليوم

[•°سـرىآ اللـيـل°•]

اخت سرى

ماقول غير ( يامسكين اللي بياخذك :))

من جد .... الافضل لاتتزوجين حتى تتغير قناعاتك ... لأنه بهالحاله ...... ونظرتك له بهالشكل ... والله إن يقطّك ببيت أهلك .. ومحد سمّى عليك .. ويقطّ عيالك معاك .....

وأنا بعد مسكينه إللي باخذ واحد ياإستراحة يانت .. إي والله رجل يعتمد عليه .. مالت مير ..
وزين يارجل إذا قط عيالي معي ولايخليهم بالمقرضاء :( تنفيذ عقوبة على أم مكلومة ويغيبهم طول الدهر عن عيني..

ياسيدي قناعاتي ماجت من هواء المريخ لاتنسى اني عايشة معكم هنا على الأرض قسم بالله..
إذا بحر الحياة يفيض بمياه المشاكل المالحة فلا مجال للمياه العذبه فيه , إلا غصب نشرب ماء حلو .. مايصير ..

أنتي فاهمة العلاقة الزوجية بالمقلوب ... وتحسبين السالفة .. شراكة جهادية أو تخطيط لمعركة .. أو شراكة إستثمارية .... !

جهاد !!!!!!! معنى جميل .. حلو أني أجاهد من أجل العيش .. والله إنجاز ..
للمعلومية الحياة جهاد إجباري << فرض عين :) لم يختلف فيه العلماء .. ومش إرهاب ..
لاتخاف فاهمه زين , بس ليه عممتوا كلامي ؟ّ! ردي في هذا المتصفح إجابة على سؤال عاشق فقط في حالة كون الزوج فلت ..
لامعركة ولاجهاد ولايحزنون .. إلا يعني أنشد عن رجل صاد عني في نت أو إستراحة ؟! << من صد بكيفه كيفه يجيبه ..
أنا أسوي اللي علي وبما أني بعصمته له حقوقه كاملة و حقوقي هو المسؤول عنها إذا بيوفي حياه و إذا فرّط بحل لأن إعادة تربية شخص تجاوز 25 سنة خطوة فاشلة ..
الهداية من رب العالمين ويستحيل أني أغير أطباع زوجي السيئة << إلا بقدرة قاااااادر ..
شخصياً أكفر في مبدأ إذا صار شين صيري شينة .. لأني تعديت المرحلة الإبتدائية .. ولامجال لرد بالمثل ..
كيفه أعيش حياتي والشكوى لله بلاني فيه .. مايصير ألاحق وأنشب برجل ماأهتم ولاعدني شيء ..
من باعنا بالرخص بعناه ببلاش //// ومن عافنا عفناه لو كان غالي :)
حياة الشيل و الحط و النقره و الهواش ماتروق لي ولامنها نفع بالعكس بتدمر مستقبل أبناء ذقت الأمرين من أجل إنتاجهم ..
خسارتي لزوجي أرحم ألف مررررررررره من خسارتي لفلذات كبدي :(

شوري عليك ... شور أخو لأخته .. إما إنك تغيرين نظرتك .. أو لاتعرسين ... ينقال لسه ماتزوجت ولاينقال مطلقة !
أنا ونصيبي تحت تصرف الرحمن .. أعتبر الزواج تجربة غامضة و سأكون مجازفة حد الجنون في خوضها إن نجحت نجحت وإن رسبت ماقضوا الرجال النشاما :)
وأن قضوا ماللزواج قيمة ومقدار //// لاماتوا أهل الطيب وغابوا عن العين ..

وبالاخير : نصيبك حـ يصيبك .. لامحاله
ويارب حظي مثل حظ سعداء .. مير اللي يبينا عيت النفس تبغيه //// واللي نبيه عيا البخت لايجيبه :(

أهذب تاهيه’

[إخلاص]

يعني لازم أختار ياذا ياذا ؟؟؟ ???? << موضة هالايام علامات الاستفهام :D:
بصراحه مابي
أكون بدون أحسن

[& جمال الطفوله &]

أختي الزوجه لو خيروك خروج زوجك من البيت او الجلوس بالبيت امام شاشة الأنتر نت ماذا تختارين !!!!!!!!!!


اممممم

تصدقون عاد ... ماأشوفهن شينات :)

بحدد معـــه ..يوم بالأسبوع او يومين بالكثيـــر بالأستراحه ...


وبالباقي يجلس على النت !!

::

وبعديـــن أنا ماتزوجته الا أنا عارفه عن اخلاقه ...


يعنــي

أقدر اقول اني واثقه في تصرفاته .. اذا كنت خابزته وعاجنته :)


و (( الثقــه فووق كل شي ))


مشكووور عاشق على طرحك ..

[Rooz]

الله يعين والله كلهن شيناااااااااااااات

وللأسف مبتلللللللللللين فيهن كلهن

بس يطلللللع أرحم 100 مره من يجلس زي خيال مآته

دمتم بود