شجـــرة ســــــجـــــيـــن الـــقوافـــي,,, ..!!! [الأرشيف] - الصفحة 2

بنت البدائع

19-07-08, 12:08 am

أهلين أهلين وكمان أهلين :)
المعذره منكم .. قسماً ناسيه تراي :( كود تجرونن ويالله يالله ..

أبخطم عليكم بس إسمحوا لي أشارككم .. وأختار السجين من بعدي وبطلع :)

قصيده عن " الأب " وأهديها لأبيي عسى الله يخليه ..

كلمة شكر

كلمة شكر يا بوي ،، كلمة شكر يا بوي ...
ما توفى الشعور ..
وإحساسي صوبك يا بعدي أكبر كثير ...

مهما شـكرتك لازم أشعر بالقصور ،،
لأن عيني دايم تشوفك كبير ..
مهما شكرتك يبقي فى قولى قصور ،،
لأن عيني دايم تشوفك كبير ..

تتكــحل عيوني ويغمرها السرور ،،
كل ما تشوفك مبتسم قلبي يطير ..
يا نور كل ما شفته زاد بوجهي نور ،،
ما دامك إنت بخير هالدنيـا بخـير ..

يا بوي لو لفيت أنا العالم وأدور ،،
بلقاك شي في هالزمن ماله نظير ..
يعني إختصار اللي بقوله من شعور ،،
روحي يا أغلي ناسها تحبك كثير ..

كلمة شكر يا بوي ،، كلمة شكر يا بوي ...
ما توفى الشعور ..
وإحساسي صوبك يا بعدي أكبر كثير ...

أختار من بعدي :
الكبري باشا ..

™ Miss 7oor ❤

19-07-08, 11:53 am

الف شكر ع الموضوع الفريد واللي امتلا من احلي سجناء باروع شعر

ولي عودة الليلة

بنتظارك لاتطول

™ Miss 7oor ❤

19-07-08, 11:56 am

ămōяẻ

20-07-08, 03:56 am

اهلين

وهذا نصي المختار

وللعلم هذا اخر رد بمنتدى بريدة
ولعله يكون مناسب

حان الـوداع ولـوح الوقـت بفـراق
يكتب علـى التاريـخ صفحـة وداعـه
مات الامل ما باقـيٍ غيـر الاشـواق
ذكـرى المولـع بـس باقـي متاعـه
ليته بقـى فـي سكـرة الحلـم مافـاق
ولا شاهـد المركـب تقطـع شراعـه
ووانس حرارت ونته جـوف الاعمـاق
من عقب ماضاعـت عليـه البضاعـه
دمعة حزن عينه علـى الخـد تنسـاق
مثل الطفـل صابـه علـى الإم راعـه
ياقلبي الصامت بـك الشـوق حـراق
ثقيـل وادري كـل ثقـلـك صنـاعـه
والا الحقيقـه اعـرفـك دوم خـفـاق
يـم التـي تسـوى جميـع الجمـاعـه
ضاق الفضاء والارض والفكر بي ضاق
نور الامـل والحـب طافـي شعاعـه
يازين ياللـي صـرت للقلـب سـراق
علـى فراقـك مـا قـدرت استطاعـه
منزلك في روحـي وقلبـي والاحـداق
منـزل علـى غيـرك بعيـد ارتفاعـه
ما احداً ترى غيرك من الحب لـي لاق
انت الوحيد اللـي لـه القلـب طاعـه
ذقتك وصرت الذوق مـن كـل الاذواق
ذوقـي ولا غيـرك لقلبـي طمـاعـه
بس الزمن ياصاحبي صار لـي عـاق
كنـه مـوصـى بينـنـا بالقطـاعـه
هدم عماير حـب ثـم فـرغ اسـواق
وشمـل المحبـه مـا يريـد اجتماعـه
ادعي لـك الرحمـن يازيـن باوفـاق
يكتب لـك التوفيـق فـي كـل ساعـه
ويستر عليـك ويرزقـك خيـر رزاق
وانـا علـى فرقـاك مابـي منـاعـه

™ Miss 7oor ❤

24-07-08, 08:15 pm

عموري مشاركه رائعه كعادتك

نشكر تواصلك معنا

اما سالفه انك تتركنا

ماراح نسمح لك انت عضو رائع ومميز

واتمنى تلبي ندائي وماتبتعد عن المنتدى

اما اذا كنت ناوي تترك النت بكبره

فأنا اأيدك واشجعك بعد

اما تتركنا وتترك هالمنتدى بالذات

هذي مانقبلها منك

..

,,

السجين الجديد

الكبرى

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(..المـــخمـــليـــــه..)(..عمورري..)(........ .....)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)

™ Miss 7oor ❤

27-07-08, 04:41 pm

بنتظار الكبري

الكبري

28-07-08, 05:09 pm

بما أني سجين ..

بما أني بتلك القيود ..

أهدي أخوة النظال والكفاح هذه الرائعة الفريدة ..

تمعنوها جيداَ :

أخـي أنت حرٌّ وراء السدود = أخي أنت حرٌّ بتلك القيـود
إذا كنت بالله مسـتعـصـما = فماذا يـضـيـرك كيد الـعـبيد؟
أخي:ستُـبــيـد جيوش الظـلام = ويـُشـرق في الكون فجر جديد
فأطلق لروحك إشراقـها = ترى الفجر يرمـقـنا من بـعـيد
أخي: قد أصابك سهم ذليل = وغدرا رماك ذراع كليل
ستـُبتـَر يوماً فصبرٌ جميل = ولم يدمَ بعدُ عـرين الأسود
أخي: قد سرت من يديك الدماء = أبت أن تُـشـلَّ بقيد الإمـاء
سـتـرفـع قربـانـها للسماء = مخـضـبة بوسام الخلود
أخي هل تُراك سئـمـت الكفاح ؟ = وألقـيـتَ عن كاهـليـك السلاح
فمن للـضحايا يواسي الجراح ؟= ويرفع رايـاتـهـا من جـديد
أخي: إنني اليوم صـلـب المراس = أدكُّ صـخـور الجـبال الرواسي
غدا سـأشـيحُ بفأسي الخلاص = رؤوس الأفـاعي إلى أن تـبـيـد
أخي: إن ذرفـت عليَّ الدموع =وبـلـلت قـبري بـهـا في خـشوع
فأوقد لهم من رفاتـي الشـموع = وسيـروا بها نحو مجد تـليـد
أخي: إنْ نـمتْ نلقَ أحـبـابـنا = فروضات ربي اُعـدَّت لـنـا
وأطـيارها رفـرفت حولنـا = فـطـوبى لـنـا في ديـار الخـلـود
أخـي إنـنـي ما سـئـمـتُ الكـفـاح = ولا أنا ألقـيـتُ عنـي السلاح
فإنْ انا مـتُّ فإني شـهـيـد =وأنت سـتـمضـي بنصـر مـجـيـد
ساثار ولكن لرب ودين =وأمـضـي على سـنـتـي في يـقـيـن
فإما إلى الـنصـر فـوق الأنام = وإمـا إلى الـله في الخـالـديـن
قد اختارنا الـله في دعوته = وإنا سـنمـضـي على سنـتـه
فـمـنـا الـذيـن قـضـوا نـحـبهـم = ومـنا الحـفـيـظ على ذمـتـه
أخي: فامـضِ لاتـلـتـقـت لـلوراء= طـريـقـك قـد خـضـبـتـه الدمـاء
ولا تـلـتـفـت هـنـا أو هـنـاك = ولا تـتـطـلـع لـغـيـر السـمـاء
ياليت أحد يفزع وينظم القصيدة !

هل أطلق سراحي ..

لكم أطيب المنى

متى يسجن سيبويه !

ابراهيم المهنا

28-07-08, 07:40 pm

مشاااااااااء الله

الف مبروك الأخ الغالي / الكبري الحرية بعد السجن ....

وشكرا لاختيارك هذه الرائعة من روائع الشهيد / سيّد قطب _رحمه الله _

تقديرنا لحضورك ......

بانتظار السجين / سيبويه ...!؟

™ Miss 7oor ❤

28-07-08, 08:50 pm

اخي الكبري كل الشكر لك ولحظورك

مختاره رائعه وذوق رفيع

السجين الجديد

سيبويــهـ

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(..المـــخمـــليـــــه..)(..عمورري..)(..الكـــبـر ي.)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)

الكبري

28-07-08, 10:33 pm

ابرهيم المهنا ..

أصابتني الرجفة عندما تصفحت الموضوع ووجدت أن العمالقة عمالقة الأدب هنا !

فهل أقضي ساعات بين ركام الكتب !

أبحث عن ما ذا ؟

أعرف أن ذوقك وبقية الأخوة صعب لايرضيه إلا الجاحظ أو الحريري أو عبد القاهر الجرجاني !

احترت بالبحث والنقل والنسخ هنا ..

لكن عندما رأيت كلمة سجن ..

وجدة قصيدة الإمام الشهيد قد تخرجني من هنا ..

تخرجني بكل تأكيد ليس بإرضاء ذائقتكم إرضاء كاملاَ ولكن بحال تصور العلاقة بين القصيدة والموقف ..

إعذروني فقد حاولت الخروج بأقل قدر من تعكير مزاجكم بإنتقاء نص لايرقى لذوقكم الرفيع ..

سمعت والعهدة على الحدس !!

أن سيبويه مسافر ليتأكد من مسألة في باب المفعول به عند الكوفيين ..

فلعلكم تأتونا إن كان حدسي صادق بالعصامي فهو أديب وقاص وربما روائي ..

لكم أطيب المنى

ابراهيم المهنا

28-07-08, 10:43 pm

الغالي / الكبري

نعم اختيارك كان في الصميم ....

وإن اختلفَت النهايات ....فأنت خرجت وهو شُنق...!

هو كما تريد أخوي الغالي ....فسيبويه طالب علم لن نقف في وجهه ....

والعصامي عليه أن يكمل قراءاته هنا في السجن ....

تقديري لحضورك المختلف

™ Miss 7oor ❤

29-07-08, 11:45 am

بالتوفيق لأخونا سيبويهـ

وشكرا لك اخي الكبري لاهتمامك بسير الموضوع

ننتظر السجين العصامي

العصامي

29-07-08, 04:23 pm

ها أنا ذا قد حضرتُ إلى مخفركم أو بالأصح أُحضرتُ إليه ..
وقدماي لاتكاد تحملاني من الخوف والهم فلم يكن لي والحمدلله سابقة بسجن .. فأخشى ما أخشاه أن البث في السجن بضع سنين !!
من أين سأتي بكفيل غارم .. وأنا غريبٌ في هذا المكان الموحش ؟؟ !!
والله لا أعرف لي من صديق هنا سوى شخصٌ يدعى ( الكبري ) كان ولا تزال لي معه علاقة ود وإحترام .. ولكني أضنُه قد فك الله أسره وخرج من هذا السجن ..
فهل يا ترى سيعلم بسجني من بعده ؟؟ أعلمُ أنه الآن في حبورٍ مع أهله بعد أن منّ الله عليه بالفرج ....
ولكنّه لو علم بسجني فلن تغمضُ له عينٌ ولن يقرُّ له قرارٌ حتى يراني حرٌ طليق .. فمن لي به ليخبره عمّا أصابني من هم واعتراني من وصب !!

وأنتم أيها السجّانون : عزمتُ عليكم أن ترشدوني إلى طريقة أفتدي بها نفسي .. وأُخلّصها من وحشة السجن وغربته ..
وأستردُّ بها حرّيتي التي سلبتموني إياها ..
أليس في قلوبكم رحمةٌ لأسرةٍ تضرّرت بفقد عائلها ..
إني سائلكم فتجرّدوا من غلضة السجّانين وهيبتهم وأجيبوا ..
ماذا لو إفتقدتم عزيزٌ عليكم ؟؟ هل سيهنأُ لكم عيشاً ؟؟
دعوا المكابرة .. وأجيبوا بكل صدق .. لا تأخذكم العزّة بالإثم .. فلربما كنتم ذات يوم أنتم السجناء وأنا من ضمن السجّانين ..
تمعّنوا هذه الآية الكريمة جيّداً .. التي سوف أختمُ بها حديثي معكم ..
قال تعالى ( يؤتي الملك من يشاء وينزع الملك ممن يشاء )

™ Miss 7oor ❤

29-07-08, 04:36 pm

اخونا الرائع العصامي

سجننا الأدبي يتشرف بمن يدخل اليه

يكفينا تواجد كبار الادب المبهر

وطلعه من السجن بدون دفع كفاله شعريه

لاتفكر

وخبر سجنك بيوصل الكبري اغديه يكفلك

ولا اذا صار ابو ضاري المدير العام نسوي مكرمه ونطلعك

ههههههههههههههـ

العصامي

29-07-08, 06:05 pm

إني لأعلمُ أن هؤلاء السجّانين لا يقبلون الرشوة .. ولا تلينُ قلوبهم مع الإستعطاف ..

فلو إستعطفهم ( المعتمد بن عبّاد ) بديباجته الرائعة :

فيما مضى كنتَ بالأعياد مسرورا = فساءك العيدُ في أغمات مأسورًا
ترى بناتك في الأطمارِ جائعة = يغزلْن للناس لا يملكْنَ قِطميرا
برزْن نحوَك للتسليمِ خاشعةً = أبصارُهنَّ حسيراتٍ مكاسيرا
يطأْنَ في الطينِ والأقدامُ حافية = كأنها لم تطأْ مسكا وكافورا

ولكن لعل الله أن يأتي بــ ( الكبري ) ممتطياَ جواده شاهراَ سيفه ..
قد بلغ منه الغضب مبلغه .. فيقتحم السجن ويصول صولة البطل في ميدان الوغى ..

™ Miss 7oor ❤

29-07-08, 09:39 pm

اخي المحترم/ العصامي

كلمات في الصميم

يمكنك الخروج من السجن ولكن عليك اختيار مسجون بعدك

نشكر لك حضورك

العصامي

29-07-08, 10:33 pm

الحمدلله الذي بنعمته تتم الصّالحات ...

ما أكرمكم أيها السجّانون .. فلقد نفحتموني مكرمة لن أنساها لكم ما حييت ..
في الحقيقة لم أر في حياتي سجّانون يتمتعون بمايتمتع به سجّانوا هذا السجن
من طيب أخلاق وحسن معشر ..
لقد مننتم عليّ بإطلاق سراحي من هذا السجن ..
وفي الحقيقة وددتُ أن لو بقيتُ لفترة أطول .. لما لقيتُ من حسن كرم الضيافة ..
هل رأيتم في حياتكم سجين يتمنى البقاء لفترة أطول في سجنه ؟؟ !!!
ولكن قلبي يزجرني ويذكّرني بأطفال زغب الحواصل يتلهّفون للقائي ..

فأستودعكم الله ..

وأُوصيكم بزميلي ( الطلقه ) ابو عـــادل خيراً ..

™ Miss 7oor ❤

29-07-08, 10:39 pm

رائع انت في كتاباتك

كبير وراقي

والطلقه ننتظر طلته علينا

السجين الجديد

الطلقـــهـ

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(..المـــخمـــليـــــه..)(..عمورري..)(..الكـــبـر ي.)
(...العصــــامــي...)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)

العصامي

29-07-08, 11:07 pm

x 7oor x
شكراً لك من الأعماق .. فقد كنتَ نعم المتابع .. ممّا ساهم في إخراجي مبكراً

بلّغ تحياتي لأبــو ضاري .. والكبري .. وبقية الأعضاء هنا

الكبري

30-07-08, 05:18 am

مازلت أصر أنه يجري في شرايين قلم سادن الحرف العصامي سلسبيل الأدب !

ألم ترو لغته أدبية رفيعة تسمو في صناعة الحرف ..

صناعة ترد للمتلقي روح الأدب ورونق الكلمة !

ما زلت أقول أن العصامي أديب في جعبته شيء من العقاد والمنفلوطي وإن أردتم فالشيخ محمود شاكر أو الزيات أو الرافعي ..

لا أعرف سبب هروبه من انتاج ما في جعبته من أدب !

بكل تأكيد انه تواضع منه ولكنه تواضع يحرمنا من حق المتعة في بستانه الفريد !

إن كل حرف صنعه العصامي هنا يشعرنا أننا بحضرة أديب متمرس !

يعيش في جوفه عدة أدباء هضمهم بشكل لائق !

ألح عليه الصديق أبو خالد وأنا بإنتاج شيء يليق به فأتانا برائعة ما زلت أعاودها بين الفينة والأخرى .

إني ومن هنا أتمنى أن لايخرج من سجنه أبداَ ليهوي الكل على بستانه !

إبراهيم المهنا أليك العصامي خذه رهينة ولا تفككه حتى يتعهد بالنشر هنا !

فلديه الكثير !

مما ينتج أو يختار !

إبراهيم المهنا بكل تأكيد تعرف مختارات البارودي !

لما لا تسعى للعصامي وهو كريم بطبعه وجبلته بأن يفرد له هنا مختارات !

مختارات العصامي !

الأخوة هنا اسعوا سعياَ حثيثاَ إلى السيد العصامي واطلبوا منه ما أوصيكم !

لكم أطيب المنى في سجن هو الأحلى والأروع والأمتع !

العصامي

30-07-08, 07:14 am

ما زلت أقول أن العصامي أديب في جعبته شيء من العقاد والمنفلوطي وإن أردتم فالشيخ محمود شاكر أو الزيات أو الرافعي ..

الكبري

أعلمُ أني هنا كجالب التمر إلى هجر ..
كيف لا ؟؟ وبضاعتي تكسدُ أمام بضاعتكم !! فلستُ أُتقنُ كما تتقنون ..
ولكن الذي أودُ قوله ..
والله لقد أخجلتني أشدّ الخجل .. وظلمتَ أعـــلاماً حينما ذكرَتهم في سياق تمجيدك لي ..
وفي الختام أشكر ( x 7oor x ) الذي أحضرني إلى سجنكم ..
وإن كان بتوصية من صديق الحرف والقلب ( الكبري )
كما آمل من مشرفي السجن عدم الإنصياع لطلب ( الكبري ) في الإبقاء عليّ مسجوناً ..وإن كنتُ لن أُعدم من فائدة ..
فهنا مرتعٌ خصبٌ من الأدب الذي تتوقُ وتهفو نفسي إليه ..
فكم من سجينِ أصبح سجنه سبباً لوصوله إلى مرحلة من العلم والمعرفة لم يكن يطمح إليها من قبل أن يسجن ..

ابراهيم المهنا

31-07-08, 01:41 am

بستانه !

إبراهيم المهنا أليك العصامي خذه رهينة ولا تفككه حتى يتعهد بالنشر هنا !

فلديه الكثير !

مما ينتج أو يختار !

إبراهيم المهنا بكل تأكيد تعرف مختارات البارودي !

لما لا تسعى للعصامي وهو كريم بطبعه وجبلته بأن يفرد له هنا مختارات !

مختارات العصامي !

الأخوة هنا اسعوا سعياَ حثيثاَ إلى السيد العصامي واطلبوا منه ما أوصيكم !

لكم أطيب المنى في سجن هو الأحلى والأروع والأمتع !

الأخ الكريم : الكبري

أصدقك القول ...تذكرت وأنا اقرأ كلامك قول الله جل وعلا ( وجعلني مباركا أين

ما كنت )

أيها المبارك الكبري ...شكرا لك من القلب لن اترك من سبيل حتي يرى

الموضوع التالي النور :

(( مختارات العصامي ))

العصامي

31-07-08, 06:27 am

إبراهيم المهنا .. الكبري .. الزملاء الكرام

السلام عليكم ورحمة الله وبركاته

لن أخيّب ظنكم .. وسأُحاول تلبية رغبتكم بكل ما أستطيع ..
ليس ثقة بما لديّ ولكن والله خجلاً منكم ..
كما أودُ منكم إيضاح ما أجهله عن ( المختارات )
أولاً أين تكون في أي قسم تطرح .. وهل يلزم أن تكون من بُنيّات أفكاري ..
أو شذراتٍ من الأدب العربي أو التاريخ الإسلامي مثلاً ....

الطلقه

31-07-08, 07:45 am

اهلا بالجميع هناء ولو ان ميولي بعيده وبما انه حكم السجن هذا محبب الي الجميع فلن ارضى بالمكوث طويلاً فخذو هذه لعلها تنقذي منكم

والـــــــــــــــــيـــــــــــــــــــكـــــــــ ـــــــــــم

بســـــــــم الله 000

حـــــبك في القلب والراس عالـــي

مكانك مرفوع فوق السما عالي00

اه ياالتعاون ياعزوتي وكل خلاني00
أفتخر بين هالخلايق إني تعاوني

حبك من قلبي ياكل أهلي وأجدادي

اه ياالسكري صانعينالفن والامجادي
مهما يصير يا السكري لاتزعل ولا تبالي

دام معك ربك وجمهورك الغالي

مانتركك يا السكري مهما يصير يا الغالي

لو تعذبنا وتبكينا وتسهرنا الليالي

وانت يا ابو وجيه يا مفخرة كل تعاوني

انت معدنك ذهب لا مو بنحاسي
فديت السكري ماتملك ولا تبالي

لجله رخصت كل شي غالي

كنت لهم في ضيقتهم وأبوهم الحاني
كنت حزنهم وفرحهم وحضنهم الدافي

لا تخف دام معك ربٍ يجازي

يعلي مراتبك فوق يا أصيل يا وافي
وانت ياسعيد نبض كل تعاوني

لاتظن جمهورك يكون يوم قاسي

خليك يا سعيد مرفوع الراسي
انت ياسيد الكل بمعدنك الصافي

سلامي للكل ولكل قلب تعاوني

لكم مني سلامي وصادق احساسي

هذا قلمي يكتب والوعد باقي

يا اصفر وازرق واسود يا ساكن وسط فؤادي00000

هذا وسلامي للجميع وخاصه الشاعر ابراهيم المهنا وحبيبي العصامي

وفي الاخير ارجو ادخل الاخ العزيز ((فيصل...........))ولو بيدي لدخلته سجن خمس نجوم وفي الاخير اشكر لكم جهدكم وخاصه صاحب الدورية x 7oor x

™ Miss 7oor ❤

31-07-08, 11:18 am

الاخ المحترم /الطلقهـ ،،

الجميع يعلم انك تعشق هذا النادي الراقي

وعبرت عن حبك لهـ بهذهـ الكلماتـ،،

شاكرينـ حضورك وتمنينا لو طولت بالسجنـ عشان تشتاق للتعاونـ

بس شكلك ماتحب الحبسه <<وهو بوه احد يحبهـ

يمكنك الخروج من السجنـ آنست وشرفتـ

وفيصل لاتوصي عليهـ بنجيبهـ

السجين الجديد

فيصل.........

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(..المـــخمـــليـــــه..)(..عمورري..)(..الكـــبـر ي.)
(...العصــــامــي...)(..الطـــلقـــــه..)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)

الكبري

31-07-08, 02:58 pm

العصامي ..

المختارات قد تعبر عن وجهة نظر نقدية بحيث يكون صاحب المختارات قد اختار ما يراه أفضل شيء في بابه ..

انتخب لنا ما تراه يسمو بالذائقة والملكة والذوق ..

انتخب لنا من ينابيع الأدب ما يحلوا لك وتراه يستحق القراءة ..

أما ما ستكتبه أنت من تألفك فأفرد له صفحته الخاصة !

ولعل الأخوة هنا في هذا القسم يقدمون لك الدعم والتسهيل والتنسيق الذي يسهل عليك !

ابراهيم المهنا أشدد الوثاق ..

لكم أطيب المنى

فيصل...........

31-07-08, 11:15 pm

اولاً احب اشكر صاحبة الفكرة القيمة

التي وضعت من هذا المتصفح نوراً يشع منه

بوح الكلمة الأدبية الجميلة..

كما اشكر اخوي الطلقه على اختياره لي بالسجن الخمسة نجوم

وهذه مشاركتي لعلها تشفع لي واخرج من السجن...

..................................................

الله أكــبـــر يـــــا زمــانـــي عـــلامـــك
ليش أنت متعب قلبي اليـوم بسكـات

ملـيـت هـمـي وانـــت زايـــد مـلامــك
كنـك عـلـى قلـبـي تـبـي الـيـوم زلات

لاجـيـت ابحـكـي زاد فـيـنـي كـلامــك
ولا جيت ابشكي تذبـح القلـب صـدات

لـيــش الـغــدر يـــا زمـانــي وسـامــك
وليش انت زايد في جروحي بطعنـات

كـنـت أحـسـب انــك زايــد بحـتـرامـك
كنت احسب انك تنسي القلب مافات

وأثـرك علـى قلـبـي تطـلـق سهـامـك
وتقتل بي الفرحة على كيف مـا جـات

خــلاص يــا قـلـبـي زمـانــك وضـامــك
مـا عـاد لـك فـي دنيتـه غـيـر لحـظـات

لحـظـات هـمـك واقـفـه لـــك أمـامــك
وتظهـر مـع الذكـرى بــ كــل حــزات

................................................

ضيف السجن الجديد هو عاشق ديرتي بريدة

والله يانا حمقان علية

يلاه يا عشقشق تعال

وادخل محكوم عليك مؤبد ههه

وين الدورية تحضره مكلبش

المخمليه

31-07-08, 11:20 pm

روعــه ..
حــلوه ..
صــح لســـانـــكـ ..

™ Miss 7oor ❤

01-08-08, 08:01 am

اخونا المحترم/ فيصل........

نشتسر حضورك وتنوير السجن

كلمات راقيهـ منكـ كل الشكر وكل الاحترام لذوقكـ

هع هع عاشق ديرتي حتى انا حمزتن عليهـ مواعدنا بالاستراحه اللي يجاوب له ببسي

وسحب علينا ومصيرك السجن ياعاشق

السجين الجديد

عاشق ديرتي بريدهـ

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(..المـــخمـــليـــــه..)(..عمورري..)(..الكـــبـر ي.)
(...العصــــامــي...)(..الطـــلقـــــه..)( ..فيصـــــل...)(................)
(......................)(........................) (........................)
(....................)(.............. ......)
(...............)(................)
(............)(.............)
(............)

عاشق ديرتي بريده

01-08-08, 12:50 pm

<<< جاي للسجن وهو متلطم عشان مايعرفونه الناس

ماشاءالله تبارك الله اثركم متجمعين هنا ولااحد دري عنكم !

وشو عشاكم <<< همه العشاء

اولاً اشكر الأخ ابراهيم المهنا والأخت نور على هذا المتصفح الذي جمع اكثر الأعضاء اللي لهم مكانه بقلبي

بصراحه مالي بالشعر بس الله يخلي لنا قوقل ابنطل قصيده واحطه لكم وانشاءالله تكون كفيله بخروجي من سجنكم واذا مااعجبتكم تراي ابقمز واهج جدار سجنكم قصير ,

<<<< يناظر السلم اللي بالزاويه ويقول فرصه للهجه !

أنا " إنســـان" مع نفسي قبل ما أكون معك إنســـــان
ولي مبــدأ ولي نظـرة وتحكمني قـنــاعـاتـي
أحاسيسي حقيقــة ثابتة في الوصــــل والـهــجــــران
أنا طبعي إذا حبـيـت أحـب بكـــــل حالاتــي
مـنــادي والنــداء نابــع من الــوجـــدان لـلـوجـــدان
إذا ما ينطق إحساسي حديثـي يشبه سـكـاتــي
غموضي في الهوى تصريح سرهـ يفضح الكتمــان
ونظرات الوله والوجد هي أجمــل عباراتــي
ولا أجامل بأحاسيسي ولا اقبل في الهـوى إحـســان
ولا للمصلحــة يا سيـــــدي دور بعـلاقــاتــي
أحب الصدق واعمل به كسبت أو كنت أنا الخسران
ولو صدقـي يخسرني تشرفـنــي خســــارتــي
ولـو ينـسى زمـانـي ما نسـيــت الشـــوق والخـــلان
رفيق العمر لو يــقـسـى معاناتــه معانـاتـــــــي
على كثر الخطأ غافر ولا اغفر غـلـطــة الخـــُوان
جزاه الصد و الفرقى ولو عانـدت رغـبــاتــي
ولولا الـعفـو ما أخطينـا ولا نـحيـا بـلا غــفــران
خـطايـانـا دليـل إنا "بشر" وان الخطــا ذاتــي
على "صدر الزمن" بكتب شعوري موعد وعنوان
تعرف الشوق لو صارحتك بسـر ابتـسـاماتــي
"هلا بك" يا اصدق شعور دخل قلبي بلا استئذان
"هلا بك"يالصديق اللي نثر وجهه على أوراقي
وفت لك كل أحاسيسي ولا بعد "الوفـا" نــكــران
وسمعي بالوفا يخرس حروف الـود بشفـــاتــي
>أحبك< والهــوى نعمة وحبك نعمة الرحمــــن
ولو كان الهــوى غلطـة حبــك كل غلـطــاتــي

™ Miss 7oor ❤

01-08-08, 12:55 pm

<<تقطعت تسبده من الضحكـ

ابقرا القصيده همن نفكر تطلع ولا لا

™ Miss 7oor ❤

01-08-08, 12:58 pm

غموضي في الهوى تصريح سرهـ يفضح الكتمــان
ونظرات الوله والوجد هي أجمــل عباراتــي
ولا أجامل بأحاسيسي ولا اقبل في الهـوى إحـســان
ولا للمصلحــة يا سيـــــدي دور بعـلاقــاتــي

كلمات جدا رائعه وما اعتقد فيه احد بهالمواصفات وخاصه بهالزمن

زمن المصالح والطمع

عاشق ديرتنا بريدهـ

نورت السجن

واختيارك للأسف راقي وذوق

وللأسف انك تقدر تطلع بعد هالرائعهـ

بس قبل تطلع حدد سجين بعدك

كل الشكر لك

ومايحتاج مطامر مع الجدران هذانا بنطلعك

عاشق ديرتي بريده

01-08-08, 02:32 pm

ابي فري مان يجي مكلبش !

اشكر الأخ فيصل على اختياري يكفي اني جيت على بال احد وهذا يشعرني بالفرح ,

<<<< فرح ان فيه احد يفكر فيه !

استودعكم الله الذي لاتضيع ودائعه والله يوفقكم جميعاً ,

™ Miss 7oor ❤

01-08-08, 04:42 pm

فري مان اوكي بنجيبهـ

شاكرين حضورك

روضه

01-08-08, 04:57 pm

لاتطلعون عاشق ديرتي بريده تراه ما يحب الشعر والشعراء و يقول ان الشاعر مغرور و كذاب خلوووووووووووووه يقعد بسجنه و نادوا الشعراء كل واحد يهجيه بقصيده عقابا له وردعا لامثاله <<<< ام النذاله هع هع هع

™ Miss 7oor ❤

01-08-08, 04:59 pm

السجين الجديد

The Free Man

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(..المـــخمـــليـــــه..)(..عمورري..)(..الكـــبـر ي.)
(...العصــــامــي...)(..الطـــلقـــــه..)( ..فيصـل...)(عاشق ديرتي بريده)
(......................)(........................) (........................)
(....................)(.............. ......)
(...............)(................)
(............)(.............)
(............)

The Free Man

01-08-08, 05:17 pm

مالقيتوا الا انا

قسم ان يجين بواسير وانا ماطلعت من السجن

تراني صفر بالشعر وصفر اوس تكعيب بعد

ما احب الشعر ولا اواطنه

بس لو مسموح اجيب قصيدة غنائية اوكية يمشي الحال

غير كذا اعذروني

برايفت للدرنقة عاشق :f5:
وش قالولك اسمي سهير الليل ولا اسير الخزامى يوم انك تجيبني هنا
لكن مردرده ان شاء الله

بيس:)

™ Miss 7oor ❤

01-08-08, 05:27 pm

الاخ / فري مان

لا الله يهديك نبي قصيده توازن روائع القصائد المختاره في هذا الموضوع

وتناسب ذوق رواد المتصفح من الشعراء والادباء

شاكرين حضوركـ

وبامكانك الخروج

ونختار سجين بدالكـ

وهو عدســة المنتدى ومتذوق الشعر

بندر الحمر

™ Miss 7oor ❤

01-08-08, 05:31 pm

السجين الجديد

بندر الحمر

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(..المـــخمـــليـــــه..)(..عمورري..)(..الكـــبـر ي.)
(...العصــــامــي...)(..الطـــلقـــــه..)( ..فيصـل...)(عاشق ديرتي بريده)
(......................)(........................) (........................)
(....................)(.............. ......)
(...............)(................)
(............)(.............)
(............)

بندر الحمر

01-08-08, 07:57 pm

شكرا لك أخيتي حور على سجني >>اول مره اشوف احد يشكر علشان سجنه >>ضريبة التوقيع والرابط

لكن ما عليه وش المطلوب من بإختصار >>يبي يجهز

™ Miss 7oor ❤

01-08-08, 09:39 pm

هع هع حلوة ضريبهـ التوقيع والرابط

المطلوب انك ماتلطلع من السجن <<ههههههههـ

لاعاد نمزح

كل ماعليك هو دفع كفاله شعريهـ

اختارلنا قصيده رائعه من ذوقك

او قصيده محببه لك

او قصيده انت كاتبها او خاطره

واسدحهـ هنا

ونشوف تسانه جازت لنا طلعناك ماجازت لنا مالك طلعهـ

نور السجن

بنتظارك

العصامي

02-08-08, 06:39 am

عين المنتدى ( بندر الحمر ) سجين ؟؟ !!!
هذا ما كنتُ أتمناه من كل قلبي .. الحمدلله الذي حقق لي أمنيتي ..

الأخت ( حور ) آمل أن لايكون خروجه بسهولة .. بل أودُ أن تكون كفالته الشعريّة خاضعة للتصويت هنا .. مع ثقتنا بحسن ذائقتكم .. ولكن نودُ أن يكون لنا دورٌ في السماح لــ ( عين المنتدى ) بالخروج من عدمـــه ...

™ Miss 7oor ❤

02-08-08, 12:04 pm

افا عليك سم ماطلبت شي

سمعت ياعدستنا الدعوه تصويت

شكلك مالك حظ بالطلعهـ

بندر الحمر

02-08-08, 01:01 pm

بندر الحمر

02-08-08, 01:03 pm

---------------------------

حور شكرا لك على استضافتي بالسجن واتمنى أن اكون ضيف غير مزعج لكم
والله يعينك على جبر الكسور >>ما يفكهن ولا جلوف >> لأني ما نب شاعر بس محاولات شعرية تقبلوها كما هي خربشات >> او شعر مطينه

-----------------------
------------------------

هالقصيدة قلتها يوم رحنا لمكة انا والمدام و تركنا لينا ببريدة

وكتبت لكم هالخربوشه يوم تذكرت ضحكت لينا وبكاءها

وطبعا جبتها على وزن الكسرات >>مهب عاقل خالد عكش

سلامي ابعثه على العنوان ... لأهل بريدة ومن فيها

وأخص فيها صغير انسان ... لينا وكل الناس مغليها

سافرت مكة طلب غفران ... زلاتي يارب تمحيها

دعيت يا مكون الاكوان ... بنيتي يارب تحميها

وتمدها بهدى واحسان ... وعن نارك ارجوك تنجيها

ويوم الحشر ثقل الميزان ... برحمتك يارب تهديها

--------------------------

--------------------------------

سافرت ذات يوم الى حائل لتصوير مهرجان حائل >>الهائل وتعرفون بعيد عن الحبايب شوي وانفجرت الزائده وفاضت البياره >>قصدي ثارت القريحة وخربتها وكتبت بيتين قلت فيها

انا في ديرة والحبايب بعيدين ....في ديرة هل الطيب اكيد حايل

امسيت غريب بين ناس عزيزين ....حتى دمع العين اصبح اليوم سايل

------------------------

وهذي اخرى

الله يا عالم خفيات الاسرار ... و تسمع دبيب النمل فوق الحصاتي

ساعد عبدك اللي ذاق الامرار ... من جفا حبيب وسد غالي

جيت لمه شايل سيل الاحبار ... صدمني بجفى وزاد ابتعادي

معذور يا قلبي قطعت فيك الازرار ... اللي ذاق الجفا ما استراحي

----------------------

وهذي القصيدة قد تكون كفيله بإخراجي من السجن وقد كتبتها عندما وصلني خبر وفاة الصديق العزيز الغالي والحبيب طارق الصقعوب ((الله يرحمه))

يا عين هلي الدمع بفراق طـارق ...لا تبخلي بالدمـع فاليـوم يومـه

حبه بقلبـي دايـم الـدوم حـارق ... أبذكره في كـل جلسـة وقومـه

لا تحسبونه عن خيالـي مفـارق ...في مسمعي يا حلو طاري علومـه

في بحر المنايا صار هاليوم غارق ... يارب يا رحمـن تحسـن قدومـه

وشكرا جزيلا لكم واتمنى أن تقبلوا حضوري

™ Miss 7oor ❤

02-08-08, 01:36 pm

اولا ماعليش ماهناش طلعهـ الا بتصويت

وانا اول من بيصوت

يا عين هلي الدمع بفراق طـارق ...لا تبخلي بالدمـع فاليـوم يومـه

حبه بقلبـي دايـم الـدوم حـارق ... أبذكره في كـل جلسـة وقومـه

لا تحسبونه عن خيالـي مفـارق ...في مسمعي يا حلو طاري علومـه

في بحر المنايا صار هاليوم غارق ... يارب يا رحمـن تحسـن قدومـه

هالكلمات كفيلهـ بخروجك من السجن

ننتظر باقي المصوتين وبكرا نقرر حسب التصويت

وقصيدتك اللي بلينا قاعدتن ألحنهـ كسرات منتب هينـ،،

اللهـ يخليهـ لكـ ياربـ،،

™ Miss 7oor ❤

02-08-08, 01:41 pm

عداد التصويت ،،

خروج بندر الحمر / 1

عدم خروجهـ /0

ابورزان

02-08-08, 02:45 pm

000000000000000000000000000000000000
لو الحل بيدي كان مع السجن تقييد بالسلاس
بس ودنا تقعد بهالسجن علشان كل مابغينا لقيناك
حور تكفين لا تطلعينه على ماقالو المربوط 00000000000

™ Miss 7oor ❤

02-08-08, 03:11 pm

88

هههههههـ لاتوصي حريص بس وش السبب اللي يخليك تحبسهـ

اذا السبب بالقصايد اللي حاطهـ ماارضتكـ نحبسهـ

اما سبب لايتعلق بالموضوع نصير ظلمناه كذا

بنتظار ردك

مـاجـد الحـمـيـد

02-08-08, 03:36 pm

الغالية / / حور ...

بندر الحمر صديقي ... والمفروض مايقعد ولا دقيقه في سجن القوافي ....

انا في ديرة والحبايب بعيدين ....في ديرة هل الطيب اكيد حايل

امسيت غريب بين ناس عزيزين ....حتى دمع العين اصبح اليوم سايل

هذين البيتين كفيلان بمنحه تصريح الخروج ...

تحياتي ..//

عاشق ديرتي بريده

02-08-08, 04:16 pm

عذبووه واقتلوه ترا ماعنده احد يسأل عنه ,

واصبروا خلون اجي ابنغز بطنه بمسمار !

<<< انواع اللعانه !

بندر الحمر

02-08-08, 04:26 pm

بندر الحمر

02-08-08, 04:27 pm

000000000000000000000000000000000000
لو الحل بيدي كان مع السجن تقييد بالسلاس
بس ودنا تقعد بهالسجن علشان كل مابغينا لقيناك
حور تكفين لا تطلعينه على ماقالو المربوط 00000000000

ابورازان جبتك عون صرت فرعون

زين زين

بندر الحمر

02-08-08, 04:27 pm

بندر الحمر

02-08-08, 04:28 pm

عذبووه واقتلوه ترا ماعنده احد يسأل عنه ,

واصبروا خلون اجي ابنغز بطنه بمسمار !

<<< انواع اللعانه !

تبي تفشن أنت هههههههههه

شكرا لك عاشق بريدة

™ Miss 7oor ❤

02-08-08, 04:31 pm

اوووه الدعوه واسطات

والله ماأردك ياماجد

وعشان هاللحية الغانمهـ <<احلفي

بنطلعوه هالمره

طيب يابندر فلت هالمره

محظوظ اثرك

يلا ياسيدي تصريح خروج كبر برج بريدهـ

بس عطنا سجين بعدك

™ Miss 7oor ❤

02-08-08, 04:34 pm

عذبووه واقتلوه ترا ماعنده احد يسأل عنه ,

واصبروا خلون اجي ابنغز بطنه بمسمار !

<<< انواع اللعانه !

ههههههههههـ سن المسمار بس

بندر الحمر

02-08-08, 05:06 pm

شكل هذي اللي تبي تبوزن بوز من السجن

ياحور بحور الشعر ماهي لغشيم ... همه تصوير الحاضر والذكرياتي

استنجدت بعزيز خلى الالف ميم ... ابورازان الي زاد حزني وآهاتي

خلاني لعملاق الشعر الفهيم ... ماجد حول ظلام السجن بسماتي

وعاشق الديره لبريدة زعيم ... طعن بمسمار السجن ذاتي

والحمد لله فك القيد وعشت بنعيم ... و قرناس هو ضيفنا الآتي

شكرا جزيلا لك

™ Miss 7oor ❤

02-08-08, 05:20 pm

وش هالحركتات السنعهـ اهم شي اسمي اول وحده

واللهـ انك نورت السجن سجين خفيف ظل ورائع

امتعتنا معك

وقرناس بالطريق بنجيبهـ

كل الشكر عدستنا

عاد سير على المسجونين عقبك

™ Miss 7oor ❤

02-08-08, 05:36 pm

السجين الجديد

سفيرنــا/قرناس

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(........................) (........................)
(....................)(.............. ......)
(...............)(................)
(............)(.............)
(............)

قرناس

03-08-08, 01:02 am

انا جاي على وجهي مشووووت

قلت يمكن فيه حاجة حلوه بهالمتصفح

اثري ناقل حتفي على كتفي

يابندر هين ادواك عندي بس خل اطلع من السجن ... ماراح اطوفها لك

لا وحور (من الفرحه جايه على تبشر )

الحين بس قولولي ترى اخوكم دلخ بهالأمور (البوصله من هالكمبيوتر منعفسه )

وش تبون بس.... أنا مالي بالشعر..عساي اركب جملتين على بعض

فيه شروط للأبيات ؟ من المنقول ينفع ? والسجن له وقت معين ؟ ...... تراي ماقرأت اول المتصفح ولا ادري وش الطبخه

الشكر بعد مااطلع من السجن مهب الحين (×_×) واحد حمق

تحياتي

™ Miss 7oor ❤

03-08-08, 01:14 am

المطلوب

طلع ورقهـ <<تحمست

الله يسلمك نبي منك ابيات انت كاتبها <<هذا الافضل

او كلمات منقوله تحبها

وسلامتك

بندر الحمر

03-08-08, 04:11 am

قرناس هذا وجهي إن طلعوك تبي اجيب لك فطور من علوي

-----------------

--------

---

أبطلب أبيات من من قصائد المرحوم الغالي راعي العنود الله يرحمه ويسكنه فسيح الجنان

ونبي ابيات من محاولاتك وخبرتك في رفع القصائد للمنتدى >>وعطنا قصيده صوتيه سجلتها بنفسك

>>رغم ذلك قد لا يشفع لك بالخروج

جناان

03-08-08, 04:29 am

ياحور بحور الشعر ماهي لغشيم ... همه تصوير الحاضر والذكرياتي

استنجدت بعزيز خلى الالف ميم ... ابورازان الي زاد حزني وآهاتي

خلاني لعملاق الشعر الفهيم ... ماجد حول ظلام السجن بسماتي

وعاشق الديره لبريدة زعيم ... طعن بمسمار السجن ذاتي

والحمد لله فك القيد وعشت بنعيم ... و قرناس هو ضيفنا الآتي
اثرك منت بهين
يابندر
اجل ننتظر
منك قصيده

™ Miss 7oor ❤

03-08-08, 02:10 pm

قرناس عشان تطلع بوقت قريب

شف رد بندر يمتسن نطلعك

قرناس

03-08-08, 04:21 pm

قرناس هذا وجهي إن طلعوك تبي اجيب لك فطور من علوي

لا وفر فطورك يالدب موب انا اللي ما اطلع من السجن

هاه شرطك وجبنها لك فيــــــديو بعد موب مكتوب ولا صوت

هنا مشاهدة القصيدة (http://www.youtube.com/watch?v=7Lh0QTko0Uo)

قصيدة (البوصلة )
للشاعر / عبدالرحمن البطي
رحمة الله رحمة واسعة واسكنه فسيح جناته
يابندر ذكرتها بابو صالح الله يغفرله ويرحمه

الحين شكرا لكم بعدما خرجنا من هالمعتقل

™ Miss 7oor ❤

03-08-08, 04:24 pm

ههههههههـ وين خرجت من المعتقل

ماتطلع لين تعطينا سجين بعدك

قرناس

03-08-08, 04:30 pm

قرناس عشان تطلع بوقت قريب

شف رد بندر يمتسن نطلعك

اللي باجره مكلبش للمعتقل

هو مممممممممممم ( عجوز سمنسي )

بس عليكم به تراه مايقر لايفلت منكم

قيدوه زين زين

يالله قدامي للمعتقل ياعجوز ولا تنسى مندى التيس

بعد خروجك من المعتقل بالسلامة ههه من قلها

™ Miss 7oor ❤

03-08-08, 05:28 pm

هههههههههههـ مالك الا نجيبهـ

ولك تصريح بالخروج

آنست وشرفت

عاد سير على السجناء عقبك

™ Miss 7oor ❤

03-08-08, 05:34 pm

السجين الجديد

عجوز سمنسي

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(قــــرنـــاس) (........................)
(....................)(.............. ......)
(...............)(................)
(............)(.............)
(............)

عجوز سمنسي

04-08-08, 03:59 pm

هذي القصيدة اللي تبي تخليني اقمز من فوق سور السجن

مالي خلق اطلع من عند الباب وجهها لي صديقي في سنة من السنوات وهو في غربته يحكي لي معاناته مع اولئك البشر البائسين بوحل النذالة والخسة وقلة المروءة
وانت تعرفه ياقرناس افندي

السجين اللي بعدي قلب الاسد

التجارب والمواعظ والمواقف والعبر=علمتني من دروس الوقت شي ماقريت
الفطين اللي تعلم من تصاريف الدهر=خلد اسمه بالمعالي عايش(ن) لو كان ميت
ما اكثر رخوم الصداقة بالرخاء مثل البحر=هو سراب الشمس يفزع في ضماكم لادنيت
دونك رجال الشدايد لابغيته لك ظهر=هم سنايد في يمينك عند وجهك لانخيت
ادري اني لو شكرتك ماني وافي بالشكر=لو فديتك كل عمري اشهد اني ماوفيت
المشاعر ماتصور لو كتبته بالنثر=والمعاني تعجز ترجم خوافي مانويت
خلني ارجوك اعبر مابقلبي بالشعر=اكتب احساسي وادون بالرجولة كم بيت
يافريد النوع اشهد مثل اجناسك ندر=لو بحثت العمر كله عن وصيفك مالقيت
انت مثل الزهر زاهي بين اشواك الشجر=وانت بالمشراق شمس نورت كون(ن) حويت
وانت سيف للشدايدوانت للضيقة صبر=وانت برق في سماء الفزعة الى منك سعيت
لك ركاب المجد نوخ واطلق عنان السفر=بالمراجل لك سلاح روضت درب مشيت
لك سحاب الجود رشت من عطاياك المطر=ازهرت فيك المعزة وللكرم ثوب كسيت
في دروب الطيب كفك شيدت أعلى قصر=الشهامة والمروءة هي ساس اللي بنيت
ياعريب الاصل مثلك بالمجالس له مقر=غنت الحان المراجل في كلامك لاحكيت
غربتي صارت محلي يوم وجهت الحفر=زادت ايامي سعادة يجمعن وياك بيت
فرحتي انك صديقي وافتخر كل الفخر=عند ربعي يابو تركي افتخر بك لابغيت[/QUOTE]

™ Miss 7oor ❤

05-08-08, 03:44 pm

اختيار رائع وقصيده ممتعهـ

صح لسان شاعرها

وتسلم ياعجوز سمنسي على هالاختيار

وبنتظار قلب الاسد

™ Miss 7oor ❤

05-08-08, 03:48 pm

السجين الجديد

قلب الأســـد

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(قــــرنـــاس) (عجــوز سمـنســي)
(....................)(.............. ......)
(...............)(................)
(............)(.............)
(............)

قلب الأسد

05-08-08, 04:44 pm

الشايب والله سجنتنا ,, لكن انا سامع هالقصيده واعجبتن انشاء الله تطلعنا
عموما اعتذر عن التأخير لضروف الاتصال
واذا طلعتن ودي بواحد ينسجن هنــــــا
حبيبنا العضـــــــــــو ((تـــــــــوتي)) .
وأذا توتي غايب العضو ((برمــــودا))

أبيك في كلمةٍ لو هي خطا تغفـر لي الزله
وردتك ظاميٍ وان عز وصـلك بااقطع حبالي
أحبك ذا ترى أول كلامي .. وآخره كله
ولكن وش يضر اليـوم لو تدري عن احوالي
وخذ ما جـاز لك من هالحكـي واللي تبي خلـه
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
وتقـدر تطـوي الدرب البعيد وتقـدر تفـّله
ولكن صعب تمنع في الهـوى صبري وترحالي
وتقـدر تغمد السيـف الرهيف وتقـدر تسلّه
ولكن عـند خلاّق البرية علم الأجالي
متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي
حبيبي من يعـزك في الهوى ما تقدر تذله
ترى قربك يزيدك بالغلا وان عفتني غالي

من قصائد الشاعر بدر بن عبد المحسن..

™ Miss 7oor ❤

05-08-08, 08:09 pm

قصيده رائعهـ منك خيووو

يسلم ذوقكـ

توتي ماقدرت ارسل لهـ،،

الظاهر فل عنده

بناخذ برمودا

شكرا لك قلب الأســد

™ Miss 7oor ❤

05-08-08, 08:11 pm

السجين الجديد

بــرمودا

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(قــــرنـــاس) (عجــوز سمـنســي)
(قلــب الأســـد)(.............. ......)
(...............)(................)
(............)(.............)
(............)

مـاجـد الحـمـيـد

06-08-08, 08:34 pm

قلب الأسد

07-08-08, 02:53 am

™ Miss 7oor ❤

07-08-08, 01:20 pm

الغالية \ حور ....

اتيت لتسجيل شهادة اعجاب وتقدير .... بإدارتك السجن ... بطريقه احترافية ومذهله ...

ويبدأ العد التنازلي للسجناء ... ويبدأ الاقتراب من امتلاء (( شجرة سجين القوافي )) ....

بالتوفيق للجميع ..\\

شاعرنا ومشرفنا الرائع / ماجد الحميد

الموضوع لولا تفاعلك معه وحرصك لاما وصل الى هذا المستوى

شهادتي فيك مجروحهـ

وادارت السجن بيني وبينك ولايمكن ان اغفل او اتغافل عملك وتعبك

شكرا لك من الاعماق

وتأكد ان السجين الاخير لن يكون غيرك

وليصبح ختام الموضوع مسكا

شكرا لك استاذي ولتواجدك

™ Miss 7oor ❤

07-08-08, 01:23 pm

حــــــــــــــور شكل برمودا مطــــــــــول ولا غايب وراح يأخر الموضوع
اذا لي خيار اخيـــــــــر ياليت تحاولي بالعضـوه
(( ملكـــــــــة الأحســــــاس))
اتوقع ان ملكه راح تفك روحه من السجن.

هلا وغلا خيو

والله انا حابه يتواجد اسم الاخ برمودا بالشجره

لانه عضو له مكانه الخاص بالمنتدى

بننتظره اليوم

وتأكد ان الموضوع لن يتوقف عن سيره

شكرا لحرصك وطلتك

بــرمــودا

07-08-08, 04:33 pm

المعذرة على التأخير فأنا مسافر ودخلاتي للمنتدى قليلة ,,عموما أشكركم على إحياء الموروث الشعري وهذه الطريقة الرائعة لإنعاشه ....إخترت لكم هذه القصيده لعلها تشفع لي بالخروج من قضبانكم الحديدية :
وقفت في زنزانتي

اُقُلُبُ الأفكار

أنا السجين ها هنا

أ م ذلك الحارسُ بالجوار ؟

بيني وبين حارسي جدار ،

وفتحة في ذلك الجدار ،

يرى الظلام من ورائها و ا ر قب النهار ،

لحارسي ولي أنا صغار ،

وزوجة ودار ،

لكنه مثلي هنا، جاء به وجاء بي قرار ،

وبيننا الجدار ،

يوشك أن ينهار

حدثني الجدار

فقال لي : إ نّ ترثي له

قد جاء باختيارهِ

وجئت بالإجبار

وقبل ا ن ينهار فيما بيننا

حدثني عن أسدٍ

سجانهُ حمار
وسأختار العضو الرائع (تووبي) لكي يكون سجينا داخل قضبانكم.....شكرا لكم

الملتاعه

07-08-08, 04:52 pm

مبدعوووون أيها السجناء :):)

شكرا لكم

™ Miss 7oor ❤

07-08-08, 05:42 pm

الاخ / برمودا

شكرا لك ولحضورك

ودفع الكفالهـ

انتظروا تووبي

والله وصرت خريج سجون ياتوبي

مير تستاهل وشوله تقولي خطي خط

هههههههه مردوده ورني كيف بنقبل كفالتك

™ Miss 7oor ❤

07-08-08, 05:46 pm

السجين الجديد

تووبي <<خخخخخخـ يامسكين

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(قــــرنـــاس) (عجــوز سمـنســي)
(قلــب الأســـد)(بــــرمــــودا)
(...............)(................)
(............)(.............)
(............)

جبل عمر

08-08-08, 12:21 am

مبدعووون وفكرة أكثر من رائعة

To Be

08-08-08, 04:28 pm

برمواد

أي رائع وانتم كل شئي حلتينن بالسجن !!

خل عنك بس ..

الله يجيب الرمضان علشان يشملنا العفو

™ Miss 7oor ❤

08-08-08, 04:29 pm

هلا وغلا بجبلنا منور

™ Miss 7oor ❤

08-08-08, 04:32 pm

الاخ تووبي

مابوه عفوو حتى لو يجي العيد

عطنا كفالتك واغدينا نوافق مع انه احتمال صعب

بندر الحمر

08-08-08, 04:32 pm

معقوله ابوثامر البلوي بالسجن

نبي منك قصائد وابيات شعر

™ Miss 7oor ❤

08-08-08, 04:36 pm

ايه معقوله ومهب طالعن بسهوله تعرف صاحب سوابق

اللي المدير العام ساجنوه وبرمودا

ماظنتي بيطلع بسرعه

To Be

08-08-08, 04:39 pm

الاخ / برمودا

شكرا لك ولحضورك

ودفع الكفالهـ

انتظروا تووبي

والله وصرت خريج سجون ياتوبي

مير تستاهل وشوله تقولي خطي خط

هههههههه مردوده ورني كيف بنقبل كفالتك

ما نب اعنيتس يوم اقول خطي خطة :36_1_4[1]

To Be

08-08-08, 04:45 pm

معقوله ابوثامر البلوي بالسجن

نبي منك قصائد وابيات شعر

انت شفت بندر

ماهب اول مره عاد

عادي جدا

حافظ لك كل الشخاميط اللي بجدران السجن

والله يا هو فيه فضائح بعد لبعض الاعضاء مالها داعي !!

وش رايك ودك تقرأهن ؟ :36_1_12[1

™ Miss 7oor ❤

08-08-08, 05:18 pm

ما نب اعنيتس يوم اقول خطي خطة :36_1_4[1]

ايه صدقت تراي

™ Miss 7oor ❤

08-08-08, 05:20 pm

انت شفت بندر

ماهب اول مره عاد

عادي جدا

حافظ لك كل الشخاميط اللي بجدران السجن

والله يا هو فيه فضائح بعد لبعض الاعضاء مالها داعي !!

وش رايك ودك تقرأهن ؟ :36_1_12[1

الله يسلمك يابندر خلصت الزياره تعال بكرا

وانت ياتووبي هات قصايدك بدال السواليف

ولا مرتاح بالسجن

To Be

08-08-08, 05:28 pm

بما أن المادة

عشر طعش من نظام الكفالات تقول :

يقوم احد الاعضااء بدفع الكفالة التي عليه وهي ( مشاركه ادبيه )

والمشاركة تكون من كتاباته او تكون مختاره ..

فقد اخترت هذه القصيدة للشاعر سفر مشعان العتيبي

بعنوان سقى الله دار أبو زعبل من الأمـزان ودانا للشاعر

لملامستها حالي معكم

أنا ببدأ بذكر الله عظيم الشأن مولانا
ولي العرش منزل (ق) والإخلاص منزلها
إلهٍ وامرن عبده يصلي وإله دعوانا
رفعت الكف وأطلب ربي الأرزاق يدبلها
الا يالله أنا بطلبك وإلك الخمس صلانا
طلبتك زلزل بيوت الرخم بالقاع جندلها
والا يالله تذكرنا بيوم الناس تنسانا
والا يالله ترزقنا وعسر الحال بدلها
كوتنا بالزمان أقدار بالنيران تصلانا
وفوق الكبد صال النار مونسها وجاطلها
تجرعنا من الأمرار بالأوقات ماأعمانا
وخلتني ابليا شعور والألحان أهوبلها
الا ما أكثر رفاقتنا بوقت الخير تنصانا
والا ياقلهم وقت النوايب شان منزلها
أنا ما أعتب على القاصي ولا عاتبت صدقانا
ولكن داني الأقراب صار أصغر جواهلها
زمانٍ فات نعطي يوم خرج الخير مليانا
تسوق أيماننا خيرات تجهلها شمايلها
ولا والله حسبّنا خسايرها ونقصانا
ولي الكون موعدنا بعشرٍ من مثايلها
ولا نرجي وراها لاشكوراً لا ولا شانا
ولا نلحق عطايانا من المنّه قلايلها
عوايدنا من الأجداد والمحمود وصّانا
مسكناها وصية مانفرّط في حبايلها
سقى الله دار أبو زعبل من الأمزان ودانا
عطتني من تجاربها دروس العام جاهلها
دروسٍ شيبت روس الشباب وقبل شيبانا
تهول العقل دارٍ درسها يادوب نازلها
وأنا بشهد شهادة حق أثبّتها ببرهانا
بعد ماشفت جلّ الناس تنهل من مناهلها
كثير الناس شربت مرْ علقم غصب رضوانا
حقائق مايغض الطرف عنها كود غافلها
والا يادار أبو زعبل ضيوفك هم وأحزانا
وأنا بضيافتك يومين هالتني مشاكلها
مشاكل تودع العاقل يشق الجيب زهقانا
ولا والله الوم الناس لوّ تقلب تعاملها

ومن هنا اطالب بالافراج فورا عني واستدعى العضو بندر الحمر لتأخره في الرد وعدم زيارته لي ليكون جزاء له وردعا لامثاله !!

ايها السجان افتح الباب ورح كمل خطتك :8[1]:

™ Miss 7oor ❤

08-08-08, 10:58 pm

السجان مشغول ومالحق يقرا القصيده

انتظر لحين تقييم القصيد <<وجه واحدن يتطنز

To Be

09-08-08, 04:44 am

السجان مشغول ومالحق يقرا القصيده

انتظر لحين تقييم القصيد <<وجه واحدن يتطنز

الله يرحم حالك يا السجان

شف بندر يتسدح ويتندح في استراحة المنتدى !!

™ Miss 7oor ❤

09-08-08, 11:54 am

طيب طيب

نبي ابيات منك انت كاتبها لو بيتين

وبنطلعك ونكلبش بندر

بنتظارك

To Be

09-08-08, 02:03 pm

طيب طيب

نبي ابيات منك انت كاتبها لو بيتين

وبنطلعك ونكلبش بندر

بنتظارك

ورط

الله العالم نبي نننظر العفو في الرمضان

:ash:

™ Miss 7oor ❤

09-08-08, 03:10 pm

هههههههههههـ عز الله كيف بندر

عفووو ماعندنا لابرمضان ولا غيروه

حك راسك اغديك تطلع لنا بكم بيت

To Be

09-08-08, 07:06 pm

هههههههههههـ عز الله كيف بندر

عفووو ماعندنا لابرمضان ولا غيروه

حك راسك اغديك تطلع لنا بكم بيت

تراك وهقتينا ياحور وتهاوشت انا والشعر وطلعت لي بالبيتيين

اتمنى ان تحوز على رضى الاخوة الاعضاء

وكذلك اتمنى من شعراء المنتدى ان يقدروا وضعي ويقبلوا اعتذاري

ولكن على ماقالو ( مجبرا اخوك لا بطل )

أبكتب أن بيتين يا شعر مثل غيري **** دائم أنا راجيك ولا أنت تجـــــيني

واليوم أنا ملزوم ولا هو بكيـــفي **** يا أما تجيني أنت وألا أهد حروفي

غيري أخذ منك وتعطيه بــــزودي **** ويكفيــــني أنا منك أدنى الــدوني

اتمنى ان تكون شفيعة لي للخروج من الزنزانة !!

™ Miss 7oor ❤

09-08-08, 07:12 pm

ههههههههههههههـ طلعت المواهب

الله يكون بعونك يالشعر

طيب طيب

لك تصريح بالخروج

رايحين نجيب ابو كاميرا

انطلق حرا

To Be

09-08-08, 07:23 pm

ههههههههههههههـ طلعت المواهب

الله يكون بعونك يالشعر

طيب طيب

لك تصريح بالخروج

رايحين نجيب ابو كاميرا

انطلق حرا

الحمد لله اللي جاءت على الرد هذا

متوقع تقولين لي

( فالك استراحة المنتدى ) :36_1_5[1]

™ Miss 7oor ❤

09-08-08, 07:40 pm

ههههههههههههـ تصدق انك جبتهـ

To Be

كنت سجين خفيف ظل معنا

ولاتنسى تزور السجناء بعد << خلنا نتشمت فيهم،،

™ Miss 7oor ❤

09-08-08, 07:42 pm

السجين الجديد

بندر الحمر

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(قــــرنـــاس) (عجــوز سمـنســي)
(قلــب الأســـد)(بــــرمــــودا)
(تووبي)(................)
(............)(.............)
(............)

العصامي

10-08-08, 06:26 am

بندر الحمر ؟؟ !!!

كثرة الإمساس تقلّل الإحساس .. كأنــه قــد ألف السجن وأعتاد عليه ..؟؟

™ Miss 7oor ❤

10-08-08, 12:18 pm

لا وازودك من الشعر بيت المره الاولى طلع بواسطهـ

بنشوف شطارتهـ هالمره

بندر الحمر

10-08-08, 02:04 pm

رجعنا لك يا سجن والله معتقين الجدران والمكيف مسوين له صيانه

بندر الحمر

10-08-08, 02:07 pm

خـــــــــــــــــــلوها

™ Miss 7oor ❤

10-08-08, 04:08 pm

ههههههههههههـ

خلوها اجل <<ماتبي فرقه تقامز

هات ابياتك يابندر

To Be

10-08-08, 04:22 pm

خـــــــــــــــــــلوها

مخلينها مطبي

بس أخلص !!

مـاجـد الحـمـيـد

10-08-08, 05:10 pm

هالمره هذي .... مافيها واسطات .... قضينا

الغالي / بندر الحمر ...

سأتخلى عنك هذه المره .... فحاول أن تتخلص من هذا المأزق بنفسك ....!!!

وتأكد أنني سأزورك كل يوم جمعه هنا ...!!

تحياتي ..//

™ Miss 7oor ❤

10-08-08, 08:37 pm

^^
ههههههههـ كفووو اتركوه بس مثل توبي يحك راسوه لما يطع لنا بيتين

™ Miss 7oor ❤

11-08-08, 09:40 pm

بندر شكل السجن عاجبك

To Be

11-08-08, 10:59 pm

بندر شكل السجن عاجبك

والله اللي عارف لكم بندر

قلناها من زمان !!

مير وشو به انت بخمسا والا سدسا!!

بندر الحمر

14-08-08, 04:28 am

عندي قصائد صوتيه لشعراء لكن كيف انزلهن هنا ؟؟؟

اتمنى انك تعطوني مراكز تحميل للصوتيات

الملتاعه

14-08-08, 05:42 am

بندر الحمر

14-08-08, 07:31 am

أبو لينا في السجن وتسرق ههههههههههههههههههههههههههههه

القصائد الصوتيه أمتلكها أنا وحور إبعد عنها أنت :)

الزيااااااااره مفتوووحه له كل يوم ههههههههههههههههههههههههههههههههههه

ام نواف شكرا لزيارتك الميمونه

وجايبه معك خبز وجبن والله نعمه من رب العالمين

عندي مقاطع صوتيه حصرية ما سجلها أحد ولكن العين بصيرة واليد قصيره ابي مركز تحميل احمل فيه المقاطع

مـاجـد الحـمـيـد

14-08-08, 03:52 pm

عندي قصائد صوتيه لشعراء لكن كيف انزلهن هنا ؟؟؟

اتمنى انك تعطوني مراكز تحميل للصوتيات

ابو لينا ...

كما يبدو لي انه جايز لك الوضع في سجن القوافي ....

انصحك بأن تسارع في دفع الغرامه .... ولا ترى ماراح يصير لك طيب ...

حووووووووور ماترحم ..... تراني علمتك ... !!!!!!!!

مراكز التحميل ماليه النت يابندر ... ولا ارسلي المقاطع ... وابشر بالرابط من عيوني ...

تحياتي ..\\

الملتاعه

14-08-08, 04:15 pm

أبو لينا تراني مستعده أدفع الغرامه عنك ومن أبياااااااتي أنا

:):)

بندر الحمر

14-08-08, 05:17 pm

ابو لينا ...

كما يبدو لي انه جايز لك الوضع في سجن القوافي ....

انصحك بأن تسارع في دفع الغرامه .... ولا ترى ماراح يصير لك طيب ...

حووووووووور ماترحم ..... تراني علمتك ... !!!!!!!!

مراكز التحميل ماليه النت يابندر ... ولا ارسلي المقاطع ... وابشر بالرابط من عيوني ...

تحياتي ..\\

والله مراكز التحميل يقولون الصيغه غير مدعومه

مسجرن خل امسجرك واعطيك المقاطع

ok559@hotmail.com

بندر الحمر

14-08-08, 05:21 pm

أبو لينا تراني مستعده أدفع الغرامه عنك ومن أبياااااااتي أنا

:):)

سمعينا >>قصدي عطينا من اللي عندك >>السجين قلب على السجان

الملتاعه

16-08-08, 03:38 pm

ولايهمك إذا يسمحون أصحاب السجن

:):)

مـاجـد الحـمـيـد

16-08-08, 04:17 pm

ولايهمك إذا يسمحون أصحاب السجن

:):)

ههههههههههههههههههههههه

ابو نواااااااااف ...

والله بندر مسكين ...... وحالته يرثى لها .... له اكثر من اسبوع ... في السجن ... لاشاف اعياله ... ماغير هواجيس وهموم ....

اذا كانت الكفالة من مقولك يام نواف ... فأنا لا امانع في دفعها عن بندر ....

وهذا رأيي ... والرأي الاول والاخير ... طبعاً .... لحووووووور ...

بانتظارها..\\

To Be

16-08-08, 04:17 pm

ولايهمك إذا يسمحون أصحاب السجن

:):)

الملتاعة

الله لا يهنيك خليه !!

مثله مثل غيره من باب إقامة العدل !!

وبعدين نبي من الخاصات قوة اضافة الي الصوتيات

( يعني من كتابات بندر )

ولا يضيق صدرك ان جلس يومين يبي يطلع في الرمضان مع العفو الشامل !!

اصبري على بندر شويات

To Be

16-08-08, 04:20 pm

ههههههههههههههههههههههه

ابو نواااااااااف ...

والله بندر مسكين ...... وحالته يرثى لها .... له اكثر من اسبوع ... في السجن ... لاشاف اعياله ... ماغير هواجيس وهموم ....

اذا كانت الكفالة من مقولك يام نواف ... فأنا لا امانع في دفعها عن بندر ....

وهذا رأيي ... والرأي الاول والاخير ... طبعاً .... لحووووووور ...

بانتظارها..\\

الله لا يهنيك يا ماجد

انا جبت العيد ولا احد طلعنا

تكفى

اتركه اليومين وخلنا نشوف وش عنده !!!

الملتاعه

16-08-08, 04:34 pm

ابو نواااااااااف

الله يرحمه يا ماجد ويجعل قبره روض من رياض الجنه وجميع أمواتنا وأموات المسلمين

ياااااااااااااارب :(:(

اذا كانت الكفالة من مقولك يام نواف ... فأنا لا امانع في دفعها عن بندر ....

إييييييييه من مقولي أنا :)

وحور الثناااااااائي ماراح تمانع بس مدري وين غايصه هاليومين ههههههههههههههههههههههههه

هذي كفااااااالة بندر

مريت سلطانه وجيتوا على البال ... مدري بلاي الحب ولا معزه

ياليت من ياخذ معك بس فنجال ... كوده يخفف شوقه اللي يهزه

:):):)

مثل ماأنتم عارفين ( سلطانه / حي من أحياء بريده ) لي أحباب ساكنين سلطانه

ومن زمان عنهم وفي يوم مريت وقلت هالبيتين << صار قصه هههههههههه

ننتظر نقد شاعرنا ماجد وأنت وحظك يابندر تطلع أو لا

:):)

بندر الحمر

17-08-08, 12:01 am

الله الله ام نواف

قصيده حلوه تشفعلي انا وعشره بعدي

هاه تشفع واذا لقيتك مجوووودي أعطيك القصائد الصوتيه

الملتاعه

19-08-08, 02:33 am

أبو لينا مين يختار سجين أنا أو أنت

:):)

™ Miss 7oor ❤

20-08-08, 12:52 pm

هلا هلا

هوه بندر للحين انت بذا

ياخي انت ماينفع بك الهوش كود جلد

قلنا خلوه يحك راسه يطلع الابداع بس ماش الابداع مدقر عندك

بنطلعك لسببين

الاول

اذا كانت الكفالة من مقولك يام نواف ... فأنا لا امانع في دفعها عن بندر ....

ماعقب هرج ماجد هرج

والثاني

وحور الثناااااااائي ماراح تمانع بس مدري وين غايصه هاليومين ههههههههههههههههههههههههه

عشان ام نواف لها معزه خاصه وماتنرد

الله يسلم قلبتس والله كنت اتسيح بأوروبا <<طسي بس

كنت بمزرعتنا رحله اسبوعيهـ وجيتكم

الملتاعهـ انتي اختاري سجين

بندر عليك اعمال شاقهـ تنظف السجن قبل تطلع

وتبي الصراحهـ انا مع تووبي ماودي أطلعك <<خخخخخخخخخ

بس حظك منتاز

™ Miss 7oor ❤

21-08-08, 01:13 pm

الملتاعه تلغى كفالتك لانك تأخرتي ما اخترتي سجين

وبندر ارفق على السجن مليت الجدران شخابيط تونا معتقين

روعة الكون

21-08-08, 01:24 pm

انا ادفع الكفاله لبندر الحمر

قالوا عــلامك باكي قـــلت iiمطعون
شـوفـو نزيف الـدم مني تتالا
قالوا من اللي صوبك قالت عافـون
قـالوعــدوك قالت يانـاس iiلالا
هذا الحبيب الي له القلب مرهـون
هـذا حياة الروح بدر iiالكمالا
يا عـــاذلين القلب لا لا تــعذلـون
وحــياة رب فـوق عـرشه تعالا
اني فـــلا انسى واحــد فيه مفتون
بيني وبينه نازح البعد حـالا
فتـــان صاب القلب كـون بثر iiكون
مملوح اخذ كل البها iiوالجمالا
كنه الى حــرك قـوامه على الهون
غصــن الى هب الهوا فيه iiمالا
قـــلبي لقلبه لو تنحيت iiمرهــون
غـــيره حرام ونور عيني حلالا

رهينة الاحساس يلله على السجن

™ Miss 7oor ❤

21-08-08, 01:29 pm

الله عليك ياروعتنا اموووووووت بهالقصيده

يالله اخيرا تصريح بالخروج لبندر

شكلك ولهان على لينا اشوف جدران السجن كله كسرات خخخخخخخخ

مع السلامه يابندر

رهينه بالسجن خخخخخخخخخخخ وش يصبره ذي

مالتس الا نجره للسجن

™ Miss 7oor ❤

21-08-08, 01:30 pm

السجين الجديد

رهينة الاحساس

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(قــــرنـــاس) (عجــوز سمـنســي)
(قلــب الأســـد)(بــــرمــــودا)
(تووبي)(بندر الحمر)
(............)(.............)
(............)

رهينة الاحساس

21-08-08, 01:51 pm

روعه ياخزياه تسجنيني هين دواتس عندي

والله بعد خوش كفاله بعد لازم توافقون ولا بهج مع الدريشه ماعيز علي جدران <<كلش الى السجون

بعد ابخربط على الجدران حسافه اطلع وماخربطت بسوي ذكرياتي هع هع<<ذكريات بالسجن خوش

وهاذي كفالتي الشعريه وانا من النوع الي مايحب تقظبه الجدران
لعل وعسى ان تعجبكم الي يعجبه حامد زيد بتعجبه القصيده اووو على فكره نسيت اقولكم ترى انا الي كاتبته ههههههههههههه

" الجمهرة "

إي بالله أخطو والخطا اللي جابهم عين الصواب,,,,,,,,,,,
,,,,,,,,,,, مبطي وأنا أشوف الطمع يكشف زادهم وأستره

مايملي عيون الحسود بهالزمن غير التراب,,,,,,,,,,
,,,,,,,,,,,,ومن لايتوب من الخطا تحرم عليه المعذرة

اللي من أولها خراب أكيد تاليها خراب,,,,,,,,,,
,,,,,,,,,,والبندق اللي ماتثور بهدفها تذعره

ودك ليا من جاتك الغلطة من الناس القراب,,,,,,,,,,
,,,,,,,,,,الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب,,,,,,,,,,
,,,,,,,,,,قلطتهم صدري على ذكرى قصيد وحنجرة

صوتٍ يصول منبره وخطاب مامثله خطاب,,,,,,,,,,
,,,,,,,,,,والطيبة اللي زعزعت صوت الخطيب ومنبره

مافي دمعٍ صوبوه أحبابي بوجهي وخاب,,,,,,,,,,
,,,,,,,,,,ولا زرق حزني على غالي ولا فج أنحره

كل الزهاب اللي معي ذكرى من أصحاب الزهاب,,,,,,,,,,
,,,,,,,,,,واللي بقا لي من عذاب أشرس طريقي وأخطره

لأني تجنبت الغرق, عديت من فوق السحاب,,,,,,,,,,
,,,,,,,,,,لأن أكثر أصحابي ورق ماشفت للطيب ثمره

والله ماحطيت بين الحقد والخوة حجاب,,,,,,,,,,
,,,,,,,,,,حتى غدو ربعي يحدوني على الضيق أشكره

البارحة ثارت علي أرقاب و آوتني أرقاب,,,,,,,,,,
,,,,,,,,,,البارحة وياثقل دم البارح ويامحقره

أثر المصايب ماتجيك إلا من الناس القراب,,,,,,,,,,
,,,,,,,,,,وبهالزمن حتى الخوي اللي تثق فيه إحذره

هٌب ياوجه الحسد وشلون جمعهم وغاب,,,,,,,,,,
,,,,,,,,,,كيف السنين اللي عطتني بعثرتهم بعثره

لابارك الله في رقيقٍ تزعله كلمة عتاب,,,,,,,,,,
,,,,,,,,,,ولاجمع الله الرجال اللي تفرقهم مره

الصاحب اللي مايجي من صحبته غير العذاب,,,,,,,,,,
,,,,,,,,,,نذرٍ علي إن ماهجرني ولا أنا اللي بهجره

من يفتح لفرقاي باب أفك له عشرين باب,,,,,,,,,,
,,,,,,,,,,وإذا خويي مايقدر خوتي ما أقٌدره

عودت نفسي كل ماشددت لليمه ركاب,,,,,,,,,,
,,,,,,,,,,ماصدد وجهي عن طموح إلا لياجبت خبره

إن روٌحو فأنا بريء منهم ليوم الحساب,,,,,,,,,,
وإن جرٌحو قولو لهم ماحركو فيٌ شعره

شفهم لهم حول السنة ولا خذو مني جواب,,,,,,,,,,
,,,,,,,,,,أحسن دوا للي يستفزك تحقره

ماكنت أحاتيهم صغير, عاد أحاتيهم شباب,,,,,,,,,,
,,,,,,,,,,الصاحب اللي مأذخره لليوم الأسود ما أذخره

شفني جمٌعت أوراقهم بكتاب وأغلقت الكتاب,,,,,,,,,,
,,,,,,,,,,ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب,,,,,,,,,,
,,,,,,,,,,واللي ماهو بقد الظلام و وحشته لايسهره

عقب إكتئاب البارحة ماعاد أنا حمل إكتئاب,,,,,,,,,,
,,,,,,,,,,الطيب جرجرني وأنا ماني بناقص جرجره

أنا تجرعت الظما لين إحترق وجهي وذاب,,,,,,,,,,
,,,,,,,,,,أنا كسرت بخاطري قبل الصداقة تكسره

أنا خسرت اللي غيابه غير عن كل الغياب,,,,,,,,,,
,,,,,,,,,,أنا غفرت لعالم ماتستحق المغفرة

أنا أكثر إنسان تعلم من كثر ما أخطا وصاب,,,,,,,,,,
,,,,,,,,,,أنا آخر لسان يتكلم في زمان الثرثرة

أنا القصيد اللي فزع من دفتره مليون ناب,,,,,,,,,,
,,,,,,,,,,وأنا الوحيد اللي جمع مليون ناب بدفتره

جفني وجرٌحه السهر وحيلي هدته الصعاب,,,,,,,,,,
,,,,,,,,,,دمعي هدر, ضحكي ندر, عمري وضيعت أكثره

شيٌبت بعقول العرب, هيبت روسٍ ماتهاب,,,,,,,,,,
,,,,,,,,,,جمخرة ناسٍ عمرهم مايعرفون الجمهرة

ماصرت ذيب إلا لأن اللي تحدوني ذياب,,,,,,,,,,
,,,,,,,,,,ماكنت أغيب إلا لأن العفو عند المقدرة

ترا حلاتك لاحملت لصاحبك كلمة عتاب,,,,,,,,,,
,,,,,,,,,,إن مانطقت بها بوجهه, ماتذمه بظهره

بهالزمن مايملي عيون الحسود إلا التراب,,,,,,,,,,
,,,,,,,,,,ولا الحظيظ الطلقة اللي ما تصيبه تذعره

ودك اليامن جاتك الغلطة من الناس القراب,,,,,,,,
,,,,,,,,,,الصاحب اللي ماكسبت محبته ماتخسره

وسلامتك عساها اعجبتكم قصيدتي ترا كتبته علشانكم هههه

روعه انا قلت ادواتس عندي يالله السجن يحتريتس

™ Miss 7oor ❤

21-08-08, 03:02 pm

هلا وغلا برهونتنا نورتي السجن

قصيدتس قيد الدراسه <<مابقى الا حامد زيد قيد الدراسهـ هههههههه

لا يالغلا قصيده اكيد رائعه وشامخه بكلماته وحكمها

تشفع لك بالخروج من السجن

نورتي وآنستي يارهينهـ

بنتظار السجين القادم..

™ Miss 7oor ❤

21-08-08, 03:09 pm

السجين الجديد

روعــة الكون،،

قائمة السجناء الجديدة

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(قــــرنـــاس) (عجــوز سمـنســي)
(قلــب الأســـد)(بــــرمــــودا)
(تووبي)(بندر الحمر)
(رهينة الاحساس)(.............)
(............)

الغاليه روعه الكون بنتظار دفع كفالتك لخروجك من السجن

علما بأنه لايسمح لكـِ باختيار سجين بعدكـ لان السجين الاخير سيكون شاعرنا ومشرفنا ماجد الحميد

ليكون ختام الموضوع مسكا

وتقدير لمجهوده بالموضوع فكل الشكر لهـ،،

روعة الكون

22-08-08, 07:14 am

يلله ادفع الكفاله عن روحي اوريتس يارهينه

على اخر عمري اتمرمط بين السجون < هههههههههههه

اعترف إني مايوم سليت
اعترف إني للفرحة سعيت
اعترف إن الطفولة عالم منه انتهيت
✿✿✿
اعترف واعترف
مهما الواقع اختلف
لكن اعترف
✿
اعترف إني قصة بدت ومايوم انتهت
اعترف إني مجموعة حروف هي تعابير وانتهت
اعترف إني طيف عابر مر بكل الدروب له مكانه وانتهت
اعترف إن بداخلي طفلة لكن بأحضان الألم انتهت
✿✿
اعترف وكلنا لازم نعترف
نعترف حتى نكون صفحة بيضاء دوم بيضاء ماتختلف
✿
✿
✿
اعترف واليوم
هذا اعترافي
بنزف حرفي وجرح قلبي
اعتـــــــــــــــــــــرف
اعترف بداخلي خوف
اعترف بداخلي نزف
اعترف بافتقادي كل حرف
اعترف بكل شيء
اعترف إن كل شيء بهالزمن اختلف
اعترف إن الحب بهالزمن اختلف
اعترف إني حرف وانكسر
وإني حبر وانتثر
وإني قلب و .....انتحر
اعترف
واعترف
ودوم بعترف

يلله اطلع ^ ^

مـاجـد الحـمـيـد

22-08-08, 09:08 pm

الله يرحمه يا ماجد ويجعل قبره روض من رياض الجنه وجميع أمواتنا وأموات المسلمين

ياااااااااااااارب :(:(

إييييييييه من مقولي أنا :)

وحور الثناااااااائي ماراح تمانع بس مدري وين غايصه هاليومين ههههههههههههههههههههههههه

هذي كفااااااالة بندر

مريت سلطانه وجيتوا على البال ... مدري بلاي الحب ولا معزه

ياليت من ياخذ معك بس فنجال ... كوده يخفف شوقه اللي يهزه

:):):)

مثل ماأنتم عارفين ( سلطانه / حي من أحياء بريده ) لي أحباب ساكنين سلطانه

ومن زمان عنهم وفي يوم مريت وقلت هالبيتين << صار قصه هههههههههه

ننتظر نقد شاعرنا ماجد وأنت وحظك يابندر تطلع أو لا

:):)

ام نواف

ما قول الا (( عيني عليك بارده )) .... وبس ...!!

بيتين عن قصيدتين .... وغايه في الجمال ...

يامال العافيه بس ... ولو بيدي ... لأعطيتك شهادة خروج مؤبده ....

مكتوب عليها من الاعلى (( السجين المثالي )) ...

تحياتي ..

ا

المخمليه

23-08-08, 12:33 am

روووووووووعه ..
ما شاء الله ..

™ Miss 7oor ❤

23-08-08, 09:25 am

™ Miss 7oor ❤

23-08-08, 09:30 am

السجين الأخير،،

الشاعر/ ماجد الحـمـيـد

قائمة السجناء قبل النهائيهـ،،

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(قــــرنـــاس) (عجــوز سمـنســي)
(قلــب الأســـد)(بــــرمــــودا)
(تووبي)(بندر الحمر)
(رهينة الاحساس)(روعــة الكــون)
(............)

مـاجـد الحـمـيـد

23-08-08, 02:52 pm

مشرفتنا القديري ودينمو النشاط \ \ حوووووور

مجهوداتك واضحة ... وهذا المتصفح ... واللذي اثبت نجاحه بتفاعل الجميع .... خير شاهد ...

وانا سعيد وكلي فخر .... بكوني آخر سجين يدخل سجن القوافي ... واللذي سيظل في ذاكرة السجناء ..

وفي ذاكرة الموروث الأدبي ...

لن اتاخر ... ولكني سأبحث عن نص يليق بهذا المتصفح ... وكاتبه ... ومكانته لدى نفوس السجناء ...

لي عوده قريبه هنا بقصيدة بعنوااااان

(( سجين القوافي )) ....

تحياتي ..\\

™ Miss 7oor ❤

23-08-08, 03:27 pm

وااااااااااو باسم الموضوع

بنتظارك على احر من الجمر

اوما دينمو النشاط <<كلك ذوق شهاده اعتز فيها

الملتاعه

23-08-08, 03:35 pm

( سجين القوافي )

الله الله يـ ماجد :)

ننتظر بشووووووووووق شاعرنا :)

الملتاعه

25-08-08, 03:35 pm

ننتظر شاعرنا

:):)

مـاجـد الحـمـيـد

26-08-08, 11:34 am

أحبتي الكرام

ادارة .... مشرفين .... أعضاء .... زوار

سجناء سجين القوافي

:x2:

بدايتاً اتقدم بالشكر الجزيل ... للمشرفه الغاليه وصاحبة هذا المتصفح

x 7oor x

واللذي اثبت نجاحه .... بتفاعل الجميع ....

تشرفت بدخولي للسجن في المراحل البدائية .... واليوم اتشرف كذلك بكوني آخر سجين يدخل هذا القفص ....

هذه المره ... وكما وعدتكم ... احضرت مجموعة بسيطه من الابيات بعنوان

سجين القوافي

علها تشفع لي أن اخرج من خلف القضبان

سلام مني ياصل المشرفة حور =عبر الأثير وفي سجين القوافي

سلام ممزوج(ن) بريحان وبخور =من خاطر لاقال ملزوم يافي

متصفح(ن) له خمسة آلاف جمهور =يستاهل التقدير وابيات قافي

ياعل من جابه معافا وماجور =يعيش في دنياه والجو صافي

يامن نشدتوا عن مكانه على الفور =بعطيكم العنوان والعلم كافي

في داخل الموروث ثبت ومخبور =مكتوب عنوانه " سجين القوافي "

وســـلامـــتـــكـــــم ...\\

الملتاعه

27-08-08, 02:53 am

مـاجـد الحـمـيـد

27-08-08, 02:34 pm

الله الله الله يـ ماجد

يسلم منطوقك ووووووربي رااااااااااااائعه ويستحق هذا المتصفح بقيادة

الرائعه والمبدعه حووووووووور الغلا << تعزها بقوووه :):)

لاهنت يـ إبن الأجواد :)

دمت بوووود

ام نواف ....

ومن قال يسلم ....

وبالتأكيد ..... فهذا المتصفح يستحق منا الكثير والكثير ....

متصفح احببناه .....

واستمتعنا بروائع السجناء بداخله ....

شكرا الملتاعه ....

تحياتي ..\\

الفتـ الذهبي ـى

02-09-08, 03:30 pm

صح لسانك أخوي ماجد ..

والموضوع اثبت نجاحه بتفاعل الجميع معك ومع المشرفه حور ..

تحياتي وتقديري للجميع ..

™ Miss 7oor ❤

10-09-08, 08:49 am

شاعرنا / مــاجد الحميـد

صح لسانك وقلبك وبوحك

صح كلك ياماجد

امتعت وابدعت

فعلا ختامها مسك

كل الشكر لك ولقلمك

وعساك سالم

وبالتأكيد لك تصريح بالخروج مع بوكيه ورد <<سجن غير شكل

الملتاعه تسلمين حبيبتي وغلاك من غلا خواتي يا أم نواف

كل الشكر لشعرائنا وسجنائنا

كل الشكر لرواد هذا المتصفح

كل الشكر للشاعر ماجد الحميد

لتعاونه معي للرقي بالمتصفح

كل الشكر للجميع ،،

™ Miss 7oor ❤

10-09-08, 09:18 am

شجرة سجين القوافي ،،

( الفتى الذهبي )
(بدر بن عبدالله الدخيل) (وليد الطريقي)
( خــــــالـــــــد ) ( جنان ) ( الملتاعه )
( ابراهيم المهنا ) ( الزعيم )( ثامر الناصر )( ماجد الحميد )
(السيف )( ابو فالح )( عبدالله 30 )( اريج الحياة )( امرؤ القيس )( وحيدة كالقمر )
( الملتاعه ) ( أريج الحياة )( ابراهيم المهنا )( عبدالله الحلوه )( محمد المعتق )
( طلاع الثنايا ) ( عيسى العوفي )( محمد المعتق)( مياسه )( ذوق )(فتحية )
(Queen of buraydh ) (الرحال )( بريداوي 9 )( تلميذة الحياة )( بنت البدائع)
( سرى الليل )( الزعيم )
( الرحال )(ابو نوره )( تووبي ) ( x 7oor x )(مهب الريح )(رواء الروح)
(جبل عمر )(بنت البدائع )(المـــخمـــليـــــه)(عمـــورري)(الكـــبــر ي)
(العصــــامــي)(الطـــلقـــــه)(فيصـــل.........)( عاشــق ديرتي بــريده)
(بنــدر الحمر)(قــــرنـــاس) (عجــوز سمـنســي)
(قلــب الأســـد)(بــــرمــــودا)
(تووبي)(بندر الحمر)
(رهينة الاحساس)(روعــة الكــون)
(مـاجـد الحـمـيـد)