ودي اتزوج ثانيه ا

[السعلوالجميل]

بسرعافيدوني بليز انا حاب اتزوج مره ثانيه لاني صابرعلى الوليه لي عشرسنوات بدون اي تغير من نمط حياتها معي احس انها كبيره بالسن مع العلم ان عمره 28سنه حاولت معها بكل شي ..

[™ Miss 7oor ❤]

وش قصرت فيه اخوي

عشان اقدر اساعدك

[علشانك بس]

ياخوي هي معذورة اذا مالتفتت لك ,, تبيها تصير رومانسية مع سعلو .. !!!
عموما حاول ان تغيرها بنفسك ,, ولا تعمد للزواج بأخرى ,, لأن امورك ستزيد تعقيدا ,,

[تلميذة الحياة]

الله يكون بعونها

[سوسي]

كان الله في عون زوجتك

[شموخ العز]

وش عقبه عقب عشر سنين قلت مافي تغير من نمط حياتها !!

[الرأي الأول]

سعلو وش خليت

يبيلك سعلوه تخليك تمشي زي الالف

ماتصلح لك الطيبه

[هيفاء انا]

استحى على نفسك وشلون تتجرء وتقول عن رفيقت دربك هالكلام (صدق)سعلو؟؟؟ المفروض هى تتزوج عليك

[أبو تهاني]

بسرعافيدوني

السعلو الخميل

نفيدك بأيش يا خلفهم ؟؟

[فتاااة النهر]

وانت كم عمرك يوم ان اللي عمره 28 كبيرة ؟

نعنبوا ابليسك يوم تزوجه وعمره 18 يعني صغيرة بالحيل وصبرت عليك
والحين تقول كبيره ؟؟!!

بس مااقول الا تزوج وتوكل على الله وريح بنت الناس

على الاقل ماتشوفك الا يوم وراء يوم ..

والله يكون بعون الثانية ,,

[شجووون]

وشتبيها تغير طبعها والا شكلها سهله
بس انت ماصيدك تبي العرس وتتعلث بهالمسيكينه

عموما هي معذوره لانك اكيد ماتصارحها بالي بخاطرك واللي تبيه
دام انك ساكت تحسب الحال عاجبك ماتدري

يااخي قلها وش تبي وصارحها وقسم لا تتغير ميه درجه للي تبي عشان ترضيك

بس انت سعلو على قولتهم حاط العرس براسك
والله يكون في عونها ويصلحها لك

[الأمواج الباردة]

توكل على الله وعرس بالثانيه عشان تجيك امراض الدنيا والراجعون من سكر وضغط بس أنا متأكده أن الثانيه راح تعقلك زين وتعرف قيمة القديم الوفي ( قديمك نديمك ) .




بس قبل أن تأخذ بأفادتنا ليش ماتروح وتأخذ لك يومين على بعض بالحرم المكي وتستخير الله في امرك وتعيش مع نفسك وتسألها وش الأسباب هل هي تستحق ام لا ، بس صدقني راح تفكر صح وترجع لأم العيال ندماااااااااااان قبل ماتتهور .

[إخلاص]

اذا كل سنه بزر مافيه وقت لها عشان تتغير
هي مو فاضيه تحك راسه
خفف عنها الحمل وشف التغير :)

[فتاافيت سكر]

الصراحه رجالنا نكته

لا ولايشوفون انفسهم بس يتصيدون علينا ياحول ياحنا

علشان كذا انا ماابي اتزوج سعودي<<معزمه على لبناني

علشان يدللن

ويقول لي تئبشي عضامي

وتئبريني

مالت عليهم رجالنا وييييييييييييع والله من شين النفس

وقلة الاحساس اجل علشانه ماتغير نمط حياته اللي عجزت اطلع به عذر

تبي تعرس عليه ياخي انتم فاهمين العرس غلط ياخي وسع صدرك واجلس معه

وعاونه على انه تغير من نفسه ونمطه اللي موب عاجبك قله اللي تبي موب تسكت وتطقه بمره

وتقهره هالمسكينه

وبعدين من قالك ان 28 كبيره اللحين البنات توصل اعمارهن 21 مابعد تغطن

روق المنقا بس

<مندفعه

[حزام الأمان]

والله من جد سعلوووو


عموما عذرك ماله داعي واساسا مو عذر

واذا انت مليت وتحاب تغير خلاص غير نفسك أول وإشغلها فيك

يعني في إسبوع واحد شقلب كل الموازيين من حلاقة وملابس جديدة وتغير روتين النوم

وحتى الطبخه قولها أنا ماأبي رز أخاف يطلع لي كرش <<<على سبيل المثال بس

في المساء خلي عندك نشاطات يعني مثلا البس رياضي وإطلع وو........الخ

وإنت وشطارتك عاد في التعامل معها إذا ماتغيرت زوجتك من صبغة راسها لظفور رجولها

ماأكون حزام ........................................وبس دمت مو سعلو مع أم العيال


ملاحظة :إذا كان قصدك في التغير هو النمط الفكري إطمر لجرير ونقي الكتب المفضلة

وإنقز للبيت وتحمس وإنت تقراء وقولها إذا خلصت وقبل تطلع إقريه يالغالية عشان نتناقش
إذا رجعنا ........أما تقول بعرس هذا مو حل بالعكس هذي زيادة الطين بله ...موفق

<<<<تحمست مثل فتافيت سووووكر

[السعلوالجميل]

مشكور لكل من وقف معي ... واغلب الحريم السعوديات رزه بس ولا الحرص على الزوج معدومه عندهن مهما سويت تبقاء مقصر معهن يعني مثل النار تبتل تاكل ولا تشبع

[فرٍآشهہَ خجوٍلهہَ]

اهــم شي انــه تقــوم بواجبــاته كزوجه..

اما من ناحية التغيير انت حاولت تغير من الروتين وراح تلاقي اللي يسعدكـ..

لان مشكلة الشعب السعودي الروووتييييين من جد يتعب النفسيه..

والله يكون بعونــها ويصبرهــا..

[الـخنساء]

مشكور لكل من وقف معي ... واغلب الحريم السعوديات رزه بس ولا الحرص على الزوج معدومه عندهن مهما سويت تبقاء مقصر معهن يعني مثل النار تبتل تاكل ولا تشبع

اخوي الحرص على الزوج معدوم كذلك الحرص على الزوجه معدوم
ينقصنا دورات خاصه للمتزوجين

[صدى الصوت]

اعقلها وتوكل

وشرايك نتزوج انا وياك بليله وحده

طبعا انا الزوجه الاولى بس بشاركك افراحك وبستفيد من خبراتك

[الماسة محتاسة]

واغلب الحريم السعوديات رزه بس ولا الحرص على الزوج معدومه عندهن مهما سويت تبقاء مقصر معهن يعني مثل النار تبتل تاكل ولا تشبع
ودي ادري وش سويت؟؟؟؟
اخوي السعلو..
لاتتوقع ان زوجتك بتشكرك اذا جبت رز وسكر او عطيتها فلوس اذا راحت للسوق..
اعتبر هالأشياء واجبة عليك ولا لك منة..مثل ماهي تسوي غداك وعشاك..ولالها منة بنظرك طبعا..
لو كل رجل فكر بهالطريقة ماصارت مشاكل..
بس مشكلة رجالنا يقومون بادنى الكمال ويبي زوجته تشكره آناء الليل واطراف النهار..
كنه حاج(ن) بها على كتوفه!!!!!!!!!

[عازفة ألحان الليل]

بسرعافيدوني بليز انا حاب اتزوج مره ثانيه لاني صابرعلى الوليه لي عشرسنوات بدون اي تغير من نمط حياتها معي احس انها كبيره بالسن مع العلم ان عمره 28سنه حاولت معها بكل شي ..


تززززوج ياخي غدي الزواج يعقلك اذا انت صغير

خخخ والله شكلك يبي ينبت بك شيب وتعجز من الزواج الثاني !

[هيفاء انا]

اعقلها وتوكل

وشرايك نتزوج انا وياك بليله وحده

طبعا انا الزوجه الاولى بس بشاركك افراحك وبستفيد من خبراتك

اذا بتستفيد من خبراته عز الله مافلحت
ياخى استفيد من خبرات الرسول والكتب ماليه المكاتب مالقيت لى هالاخ جاي يحش بزوجته بالمنتدى صدق (نذل)
اللهم لاشماته والله يعوضها بأطيب منه

[ايجابيه]

اخي..........الجميل غير اسمك الى الروح الجميله تتغير نفسيتك الى الجمال الداخلي فتتغير زوجتك بتغيرك
تحياتي

[صاحي ورايق]

إستفزازي هذا الموضوع للغنادير ما أظنه حقيقه << وين جوان تبصمه لك بالتميز !
والله يابن الحلال أحس إن عندك كلام كثير كنت أنت بتكتبه لنا
لكن أشك إن المقلاة أصبخت على راسك من زوجتك ووقفت البقيه
كإني أشوفك بقسم العظام غرفه رقم خمسه من الضربه

يا شيخ أعقل بس لا تهج اللي عندك وتقعد تدودل وجهك ما فيه أحد يلمك بهالليل

[جوان2007]

حرام عليك يالسعلو مرتك توه صغيره ...بعدين انت حاول انك تغير من روتين حياتكم


موب جالس بالاستراحه ماتروح للبيت الا اخر الليل ,,ولا عندكم طلعات لمطاعم وحدايق وسفرات

وروحات وجيات بس صاكن عليه بالبيت وتقول مليت من الروتين ...

واذا انتم ماغيرتو اثاثكم من زواجكم انصحك انكم تغيرونه

لان تغيير الاثاث يغير النفسيه <اموت على شي اسمه تغيير اثاث

[لينااا]

تزوج ماحد ردك

بس وش دخل المنتدى تنشر فيه مثل هالموضوع ؟


الله يستر على شبابنا وبناتنا


والله يعين زوجتك

[سلطانة]

طيب صارحا قلها يام السعلو الصغير تراي مليت من الحياة وان ماغيرتي تعاملك معي ابنتحر والا بعرس
لا امزح كان تقول انتحر بس لاتتزوج
المهم حسسها انك بتتزوج قل ان واحد مهدي لي بنته والا اخته <<بس لاتتزوج حرام صغيره
الحرمه كللش الا العرس

وانت بعد تلقاها ماله منك غير من شكلك واللوك تبعك وتعاملك سافروا لو للخرخير غيروا جوا

[شخصية]

عطهـــــــــــــــــــــا:a5: تعطيك:a1: ,,