ياويلك تعرس مره ثانيه !

[جوان2007]

:x17:

اعضاء منتدى بريده الحلوين اليوم تزوج واحد من قرايبنا على زوجته وعمر زوجته

الجديده فوق الـ 37وكل اهلي واقاربي يهوشون عليه ويقولون وشوله يعرس

لاكن الرجال مؤيدين زواجه وبقوه وانا طبعاً انضميت لصوت الرجال ومؤيده معهم

بحجة انه حرام البنت تجلس ببيت اهلها لان الرجال اقل من النساء بكثير ,ولان

البنت يضيع مستقبلها وهي تكمل تعليمها وبعدين لاتخرجت من الجامعه تقول لا

ودي اتعين قبل ولا القطار قد فاته ,,

وبكذا تتعدى الثلاثين وهي ماتزوجت عاد تعرفون الشباب مستحيل يتزوج بيت

متعديه الثلاثين الا ماندر يعني ماله الا رجل لديه زوجه ,,

والبنت لها احاسيس ومشاعر مثل الزوجه الاولى وده يكون لها مملكه خاصه بها

وزوج واولاد ,,


يعني مفروض الي تتعدى زوجته سن الاربعين يتزوج على بنت عمرها35 او

اقل ,,لاكن الحريم انانيات و مسويات حصار على ازواجهم وياويل بنت ابوها تقرب

لم زوجها ,,ليش الرجال مايحيون سنة الرسول الكريم بالتعدد !

ارائكم تهمني ××××××××× ,,,

[عاشق ديرتي بريده]

يارب يعرس عليك رجلك عشان تنبسطين وتعيشين بسعاده ,

[محاور]

كفوا والله .....

[جوان2007]

يارب يعرس عليك رجلك عشان تنبسطين وتعيشين بسعاده ,

والله العظيم حلفت وانت ماحلفتني انه لو يعرس علي بعد الاربعين مايهمن !

خلاص وش ابي به تلقى كل الامراض فيه ضغط سكر ..الخ يروح يبلش مرته

الجديده وانا استانس كل يوم عند ولد من عيالي

[جوان2007]

كفوا والله .....

ماعليك زود

[عبدالله30]

أهلا جوان00

الزواج من ثانية أمر صعب 0

فالزوجة الاولى تدخل في احراجات مع الاخر من النساء مثل ليش تزوج عليك وخلافه وهنا من

الجميل أن لايأتي نساء اخريات ويجرحن مشاعر الزوجة والنظرة لها بانها مقصرة أو خلافه0

فمثل ما أنت تريد ان تعيش بسلام يجب أن تقدر وضع زوجتك وبان لها الحق بالعيش مثل ما أنت تريد0

تحياتي لك0

[عبدالله30]

والله العظيم حلفت وانت ماحلفتني انه لو يعرس علي بعد الاربعين مايهمن !

خلاص وش ابي به تلقى كل الامراض فيه ضغط سكر ..الخ يروح يبلش مرته

الجديده وانا استانس كل يوم عند ولد من عيالي

ياجوان عندما تكونين في الاربعين فابنائك مازالوا صغارا الا اذا كنت متزوجة في الـــ14

لآن من اعمارهن في الاربعين الأن اولادهن في سن مادون العشرين 0

تحياتي لك0

[غريبة يا زمن]

هلا فيك يام جوووان

ايش عرس ثاني ياحلوه

لايمكن ارضى انه زوجي يعيش مع وحده غيري وهي الضره سهله

يعني مو طمع ولا انانيه عادي زوجي يحب امه يحب اهله بس زوجه يعطيها نفس اللي يعطيني لا

وانا بصراحه اعتبر الرجال اللي يعرس على مرته انه يهينهاا

وانا كل عمري ببيت اهلي معززه مكرمه يجي هو باخر الزمن يهينن لا والله بعيده عن شنباته

بعدين ايش بعد الاربعيين يتزوووج هي على كيفه ياخذني لحمه ويرميني عظمه

لاتزعلي مني ياحلوه لانه سالفة العرس الثاني تنرفزني

[& جمال الطفوله &]

انا بصف جنبك ياجوان


ويمكن أحسن منك ...

بزوج زوجي .. ثلاث بعدي

ويكون بعلمك ... ماللحب الا للحبيب الأولي *_^

يعني الأولى مكانها مايتغيـــر ... << احزاب خخخخخ

[فيصل...........]

جوان

السبب من الزوجات

انتم بس اطلقن العنان لهم والله ما تشوفين

العنوسه ليصير به ازمه بالبنات مثل ازمت

الطحين بالايام اللي فاتت لكن مشدات

الحصار اقوى من امريكاء على ايران

لكن تبين الجد ليت النساء كلهم زيك

[الاستاذ.د .]

أختـي جـوان: بودي لـو أعـرف رأيـك بعـد أن تتـزوجـي!!
من المؤكـد أنّـه سيتغـيــر .!!
طبعـاً أنـا أود أن تنتشـر هـذه الثقـافـة في مجتمـع النسـاء لكـن الـواقـع ينفي ذلك ,ليس واقع نساء وقتنا الآن بل واقـع النسـاء بشكـل عـام حتـى في عهـد الصحـابـة, وأفضـل النسـاء من تـرضـى بالتعـدد دون أن تحبـه .

[To Be]

زميلي اخبر زوجته برغبته بالزواج امراه ثانية !!

وان الامر منتهي ..

لم يكن مقصرا معها ومع ابنائها

فما كان موقف المرآه الا ان اشترطت عليه :

بعدم معرفة المجتمع الذي حوله بزواجه الي امدا قريب !

فوافق على ذلك الشرط .

اتفق مع عبدالله 30

فالزوجة الاولى تدخل في احراجات مع الاخر من النساء مثل ليش تزوج عليك وخلافه

ان السوس خارج البيت .

بالنسبة لي ارى ان المرآه انانية ما دام الزواج قائم بواجباته نحو زوجته وبيته وابناءه .


تمنياتي لك بالتوفيق

[بنت هلي]

والله معك حق ياجوان والله من تجربة انا الوالد تعب ولا امي اصغر منه بشيء بسيط فهي ماتقدر عليه والله هي هالحين تقول ليته معرس علي على وحده اصغر مني،حنى علاجه ماتعرف له ،وهي ضعيفه ماتقوى عليه ،بعد ماشفتهم كذا اتمنى ان زوجي يتزوج علي بس ابغاه بعدل ومايظلمني

[قلب الأسد]

جوان والله :23_28_100 والله لو يسمعنك هالحريم ان يقاطعنك
بصراحه احيانا اسأل نفسي ليش شي حلال والرسول صلى الله
عليه وسلم مسويه وذكر بالقران ومع ذلك لايرضن به اطلاقا اكيــد
بيقولن لأن مافيه عدل ,طيب لماذا الحكم قبل التجربه .
لكن انشاء الله يسمعن نصيحتك ويغيرن رايهن ,جوان تصدقين اللي
عمره فوق الخمسين ماتبي زوجه يتزوج وتنهبل مادري وش تبي
فيه ...ننتظر الشباصات وش يقولن الله يعينك عليهن...

[حزام الأمان]

جوان والله أنتِ غريبه .....................

يعني شوفي كل الحريم وأولهم أمي مايحبون طار عرس ...(انتي شخص غريب )

شوفي عني انا احس ماابي لانو طبيعي بخاف انو مايعدل والا اخاف يحبها ويميل كل الميل وصدقيني طاري الناس ماراح يهمني بقدر مايهمني تعامله معي ...

اذا كان بيعدل وبيتزوج وانا اربعينيه وبيجيب لي سواق وخدامه ومسكني في بيتي مع عيالي ومو مقصر بحقي يمكن اقبلها ولو اني بعد بخاف يبعد عني وعن عياله

عموما مابي ابوي يتزوج على امي <<<فيني ولا ف امي :(

[الماسة محتاسة]

جوان...
بسم الله عليك...
لا..اكيد مرتفعة عندك الحرارة هاليومين وبادية تخذرفين...

نرجع للموضوع..
اولا ياجوان..
حرام البنت تجلس ببيت اهلها لان الرجال اقل من النساء بكثير
من قال ان الحريم اكثر من الرجال..هذي اكبر كذبة..
الرجال يدغدغون مشاعرنا بهالكلام..
ارجعي لآخر احصائية للسكان بالمملكة وتدرين ايهم اكثر..
يعني لاتصيرين عاطفية بزيادة وتصدقين كل شي يقال...
وحتى لو افترضنا ان الكلام صحيح..
اللي يتزوجون يتزوجون كبار؟؟؟
الواقع يقول انهم يدورون الصغار..يعني ماستفدنا شي...
يعني مفروض الي تتعدى زوجته سن الاربعين يتزوج
لا توهقين ياجوان ترا اربعين صغيرة...
ممكن ستين.....
وبعدين بعقلك واحد يبي يعرس ومرته عمرها اربعين ويبي ياخذ وحدة عمرها35؟؟!!!
شوية عقل ياجوان....
جوان تصدقين اللي عمره فوق الخمسين ماتبي زوجه يتزوج وتنهبل مادري وش تبي فيه
طيب ياقلب الضب..ابسألك سؤال..
مادامه غير مرغوب ولا عند زوجته..اجل من باب اولى....
الثانية وش تبي فيه؟؟؟؟!!!
انا استغرب من اللي ياخذن شيبان مصدقات انهن يبي يستانسن معهم؟؟؟

[حزام الأمان]

تصفيق حار لالماسة محتاسة :)

[جوان2007]

أهلا جوان00

الزواج من ثانية أمر صعب 0

فالزوجة الاولى تدخل في احراجات مع الاخر من النساء مثل ليش تزوج عليك وخلافه وهنا من

الجميل أن لايأتي نساء اخريات ويجرحن مشاعر الزوجة والنظرة لها بانها مقصرة أو خلافه0

فمثل ما أنت تريد ان تعيش بسلام يجب أن تقدر وضع زوجتك وبان لها الحق بالعيش مثل ما أنت تريد0

تحياتي لك0

اصلا لو نناظر لكلام الحريم ان كان تبلش لان ماعندهم الا اللقافه اكيد بيبلشون

الزوجه الاولى بالاسئله البايخه الي مادري وش تبي لاكن على الزوجه الاولى


تطنيش الاسئله الي لاتودي ولا تجيب وتقول من حقه انه يتزوج ثانيه وثالثه

ورابعه وترضى بالواقع

اشكرك ياعبدالله على المرور

[جوان2007]

ياجوان عندما تكونين في الاربعين فابنائك مازالوا صغارا الا اذا كنت متزوجة في الـــ14

لآن من اعمارهن في الاربعين الأن اولادهن في سن مادون العشرين 0

تحياتي لك0

لاصار عمري اربعين ولا جوان عمره 16 بزوجه مالي دخل عشان اروح لمه واوسع صدري !

[جوان2007]

هلا فيك يام جوووان

ايش عرس ثاني ياحلوه

لايمكن ارضى انه زوجي يعيش مع وحده غيري وهي الضره سهله

يعني مو طمع ولا انانيه عادي زوجي يحب امه يحب اهله بس زوجه يعطيها نفس اللي يعطيني لا

وانا بصراحه اعتبر الرجال اللي يعرس على مرته انه يهينهاا

وانا كل عمري ببيت اهلي معززه مكرمه يجي هو باخر الزمن يهينن لا والله بعيده عن شنباته

بعدين ايش بعد الاربعيين يتزوووج هي على كيفه ياخذني لحمه ويرميني عظمه

لاتزعلي مني ياحلوه لانه سالفة العرس الثاني تنرفزني

مو اهانه ولا شي ,,لاكن معجبك وضع البنات الي تعدو سن الثلاثين حرم وش

ذنبهن ,,ليه نكون انانيين واهم شي اني استانس والناس بحريقه !

عاد اهم شي ان الرجل يعدل عشان مايصير فيه مشاكل !

[جوان2007]

انا بصف جنبك ياجوان


ويمكن أحسن منك ...

بزوج زوجي .. ثلاث بعدي

ويكون بعلمك ... ماللحب الا للحبيب الأولي *_^

يعني الأولى مكانها مايتغيـــر ... << احزاب خخخخخ


هلابتس اجل خل نسوي حمله انا وياتس ونطلق عليها "نعم لتعدد الزوجات "

عاد انتي منسمه بتزوجينه ثلاث ,,لا وحده وتخب ياحلوه

اذا كل واحد تزوج على مرته امرأه ثانيه ماراح يكون فيه عنوسه ابد يعني رجلك

ماراح يلقي له مره ثالثه الا ان اخذ ام 15 سنه !

مشكوره على المرور ياحلوه

[جوان2007]

جوان

السبب من الزوجات

انتم بس اطلقن العنان لهم والله ما تشوفين

العنوسه ليصير به ازمه بالبنات مثل ازمت

الطحين بالايام اللي فاتت لكن مشدات

الحصار اقوى من امريكاء على ايران

لكن تبين الجد ليت النساء كلهم زيك

ايه والله هالحريم مسويات حصار على رجالهن ياكافي ,,

ودي مايصير فيه ولا بنت عمره 30 الا متزوجه او بعد اقل من هالعمر

الله يوفق بنات المسلمين ياكريم

[الرحـّـال]

جوان2007

منطق نسائي غريب جداَ !

ياتُرى

هل تتفق فعلياً كاتبة الموضوع مع فحواهـ ؟!

أشــكــ

ليقيني التام بفطرة حـواء , ومدى تأثر إحاسيسها ومشاعرها لهذا الأمر
ولنا
بأمهات المؤمنين قدوة حسنه


كرجل

لا أويد التعدد إلا لسبب مُقنع , وحاجة له
و
لا يمنع ماذكرتي من إنه حل للعنوسة و عدد النساء الذي يفوق عدد الرجال


شكراً لهذا الطرح الجرئ

[جوان2007]

أختـي جـوان: بودي لـو أعـرف رأيـك بعـد أن تتـزوجـي!!
من المؤكـد أنّـه سيتغـيــر .!!
طبعـاً أنـا أود أن تنتشـر هـذه الثقـافـة في مجتمـع النسـاء لكـن الـواقـع ينفي ذلك ,ليس واقع نساء وقتنا الآن بل واقـع النسـاء بشكـل عـام حتـى في عهـد الصحـابـة, وأفضـل النسـاء من تـرضـى بالتعـدد دون أن تحبـه .



انا متزوجه ياستاذ ,,وحلوه انها تقتنع

الحرمه بحتمال زواج زوجها عليها بالمستقبل وتتقبل الامر بشكل عادي ولا

تنصدم وتسوي مناحه اذا تزوج

اكيد ياستاذ نادر ماتلقى حرمه تحب ان زوجها يتزوج عليها لاكن ترضى بالواقع وتتخيل انها

بمكان الزوجه الثانيه الي فاتها القطار وتحس بمعاناتها , وبالله التوفيق

[الحنتريش]

وعمر زوجته الجديده فوق الـ 37وكل اهلي واقاربي يهوشون عليه ويقولون وشوله يعرس
هم صادزين يوم يهوشونه 37 وش باقي به :11[1]:
ووش مقعده ببيت اهله الي هالعمر ؟
او مطلقه!!
تسان اخذ فرفوره يرجع عمره 10 سنين

وانا طبعاً انضميت لصوت الرجال ومؤيده معهم بحجة انه حرام البنت تجلس ببيت اهلها
اجل اعلم خالي وادور له بنت الحلال عشان يقل عدد الحريم

البنت يضيع مستقبلها وهي تكمل تعليمها وبعدين لاتخرجت من الجامعه تقول لا
ودي اتعين قبل ولا القطار قد فاته

البنت تخرج وعمره 22 وبالكثير 24 وش يقعده ببيتهم هالسنين زود؟!
يعني مفروض الي تتعدى زوجته سن الاربعين يتزوج على بنت عمرها35
يقاله بنت لاصار عمره 35 :18[1]:
هذي من القواعد من النساء الله يصلحتس ياخاله
لاصرت مخربه مخربه بالثانيه اباخذ ام 15 ترجع الحياة بالقلب
لاكن الحريم انانيات و مسويات حصار على ازواجهم وياويل بنت ابوها تقرب
لم زوجها ,,ليش الرجال مايحيون سنة الرسول الكريم بالتعدد !
من هالناحيه فهن صدز انانيات بس الله يكفينا شرهن وكيدهن
اجل تتفزعين لي لاتزوجت ماتهوشن زوجتي لاطريت الثانيه :17[1]:
وانتي مصدقه ان كل الي يعرسون يبون يحيون سنة النبي صلى الله عليه وسلم ؟
والله حب بالتغيير اغلبهم وترا مب قليلين شر بس بعضهم خواف والا تقطر تسبده انه يعرس
ارائكم تهمني ×××××××××××× ,,,
بالنسبه لي اوافق وبشده بس لازم يرخصن الحريم والا نبلش باعمارنا

[™ Miss 7oor ❤]

شوفي ياجوان هي وحده من ثنتين

يا إن حدا خواتك عانس

او انك بحياتك ماغرتي على زوجك

واعتقد حياتك كلها رسميه طبخ تنظيف

اللي هي مسؤليتك كزوجه

اما المنحنى العاطفي اعتقد معدوم تقريبا

تحياتي لك

وتقبلي رأيي برحابة صدر ...

[علشانك بس]

جوان ,, المرأة مفطورة على الغيرة على حبيبها ( زوجها ),, وتحب تتملك قلبة وحتى جسدة ,,
واعتقد ان من تسمح لزوجها بالزواج من ثانية هذي مافي قلبها ذرة حب له ,,
قريبتي عمرها الآن 26 سنة وعندها بنت ,, متزوجة ولكن لم يخلق الله في قلبها حب لزوجها ابدا ,, سبحان الله عايشة معاه عيشة رسمية تؤدي ماعليها وكأنة عمل تقتظي من ورائه راتب شهري ,,
قبل فترة كانت تتكلم عن حياتها وتقول ,, والله الذي لاإلة لا هو لو يقولي بتزوج من وحده ثانية لأروح برجلي واخطبها له ,, وبدعي له بالتوفيق ,, لأن قربة مثل بعدة ,, مايربطني فيه الا العشرة ,, ولو يبعد عني لفترة مااشتاق الا للعشرة التي قضيتها معه فقط ,,
جوان ,, أي امرأة تسألينها وش احب دعوة لك تبي تقولك ادعي لي ان الله يحنن زوجي علي ويخليه لي ويعمي عيونة عن جميع بنت على وجه الأرض ,, وهالشي لانستغربة ,, لأنة فطرة فطر الله المرأة عليها ,,
واللي تحب زوجها وتغار عليه مستحيل تسمع لأي مخلوقة ان تشاركها إياة بأي عمر كانت ,,
فووووتك بعافية ,, والله يخلي لك جوان وابو جوان ,,

[الماسة محتاسة]

هم صادزين يوم يهوشونه 37 وش باقي به ووش مقعده ببيت اهله الي هالعمر ؟او مطلقه!!
تسان اخذ فرفوره يرجع عمره 10 سنين
شفتي ياجوان منطق الرجال..
ياحبيل عمرك انت نيتك زينة تبي تقضين على العنوسه..
وهم يبي ياخذون فرفورات ويستانسون..
اقول عسى العنوسة ماتروح ابد..
وبعدين ترا العنوسة ذي سواليف..
اكثر اللي يتزوجن من رجال معددين هن باغيات..يعني يبن فلوووووس...بالعربي الفصيح..
ولا ثلاث ارباعهن حاصلن لهن شباب بس مابغنهم لأنهم.......
داجين...
عرفتي الحين ياجوان...
انا مايمكن ارضى ان زوجي يتزوج علي الا بحالة وحدة..
وهي انه يتزوج من ارملة وعندها عيال وبشترط عليه انه يتكفل بها وبعيالها...
اما غيره معصي...
لاصرت مخربه مخربه بالثانيه اباخذ ام 15 ترجع الحياة بالقلب
وهل يصلح العطار ماافسد الدهر؟؟
لكن المشكلة هالمسيكينة ام 15 على ماقلت..
هي اللي يبي يموت قلبه مع هالشايب....

[جوان2007]

زميلي اخبر زوجته برغبته بالزواج امراه ثانية !!

وان الامر منتهي ..

لم يكن مقصرا معها ومع ابنائها

فما كان موقف المرآه الا ان اشترطت عليه :

بعدم معرفة المجتمع الذي حوله بزواجه الي امدا قريب !

فوافق على ذلك الشرط .

اتفق مع عبدالله 30



ان السوس خارج البيت .

بالنسبة لي ارى ان المرآه انانية ما دام الزواج قائم بواجباته نحو زوجته وبيته وابناءه .


تمنياتي لك بالتوفيق


طيب ليه زوجة زميلك ماتبي المجتمع يدري بزواجته الثانيه !

اهم شرط اذا اراد يتزوج ثانيه العدل والقيام بجميع مهامه تجاه زوجته الاولى واولاده

اشكرك على المرور يعطيك العافيه

[جوان2007]

والله معك حق ياجوان والله من تجربة انا الوالد تعب ولا امي اصغر منه بشيء بسيط فهي ماتقدر عليه والله هي هالحين تقول ليته معرس علي على وحده اصغر مني،حنى علاجه ماتعرف له ،وهي ضعيفه ماتقوى عليه ،بعد ماشفتهم كذا اتمنى ان زوجي يتزوج علي بس ابغاه بعدل ومايظلمني

اكيد الحرمه تخلص طاقته بسرعه ماتقوى على الرجل بعد الاربعين

والرجال اغلبهم يصيرون توهم بقوتهم ,,ويبي حرمه نشيطه عشان كذا نفيد

ونستفيد ,,يعني نفيد البنات الي ماتزوجن ونستفيد انه يروح عنا ولا يشغلنا !

اشكرك على المرور يعطيك العافيه

[جوان2007]

جوان والله :23_28_100 والله لو يسمعنك هالحريم ان يقاطعنك
بصراحه احيانا اسأل نفسي ليش شي حلال والرسول صلى الله
عليه وسلم مسويه وذكر بالقران ومع ذلك لايرضن به اطلاقا اكيــد
بيقولن لأن مافيه عدل ,طيب لماذا الحكم قبل التجربه .
لكن انشاء الله يسمعن نصيحتك ويغيرن رايهن ,جوان تصدقين اللي
عمره فوق الخمسين ماتبي زوجه يتزوج وتنهبل مادري وش تبي
فيه ...ننتظر الشباصات وش يقولن الله يعينك عليهن...

ايه ياقلب ضب والله ودي ادري هالحريم الي فوق الخمسين وش تبي برجله الله

يحوم تسبده تطلق سراحه وتتركه لغيره موب بتله حاكرته له

تشكر عاى المرور ياضب <<ترا عاى مقصوده خخخخخخ

[مجموعة مشاعر]

((جــــــــــــــــــوان))

حبيبتي اكيد انتي فاتك القطار على شان تتكلمين كذامستحيل

واحده تقول تزوج حتى لو عمرها 100 سنه يا ×××××××××

تقبلي مروري ××××××××××××××

[جوان2007]

جوان والله أنتِ غريبه .....................

يعني شوفي كل الحريم وأولهم أمي مايحبون طار عرس ...(انتي شخص غريب )

شوفي عني انا احس ماابي لانو طبيعي بخاف انو مايعدل والا اخاف يحبها ويميل كل الميل وصدقيني طاري الناس ماراح يهمني بقدر مايهمني تعامله معي ...

اذا كان بيعدل وبيتزوج وانا اربعينيه وبيجيب لي سواق وخدامه ومسكني في بيتي مع عيالي ومو مقصر بحقي يمكن اقبلها ولو اني بعد بخاف يبعد عني وعن عياله

عموما مابي ابوي يتزوج على امي <<<فيني ولا ف امي :(

مو غريبه ولا شي ياحزام ,,لاكن الواقع يقول كذا لازم الرجال يتزوجون عشان تقل

نسبة العنوسه ,,وطبعا كل حرمه تبي زوجها يعدل هذا شي طبيعي ,,

اشكرك على المرور حزام الحلوه منوره

[جوان2007]

((جــــــــــــــــــوان))

حبيبتي اكيد انتي فاتك القطار على شان تتكلمين كذامستحيل

واحده تقول تزوج حتى لو عمرها 100 سنه يا ×××××××××

تفبلي مروري بدون زعل ××××××××××××

اعتذر لجميع الي مارديت عليهم لاكن هالرد لفت انتباهي

لازعل ولا حاجه يامجموعة مشاعر ,,تدرين اني متزوجه وعمري 20 سنه وقسم

بالله ولا وحده من خواتي او معارفي فاته القطار الا وحده اعرفه من بعيد !

يعني لازم اصير معانيه من المشكله عشان اطرحها يا ×××××

اشكرك على المرور يامشاعر

[To Be]

طيب ليه زوجة زميلك ماتبي المجتمع يدري بزواجته الثانيه !

لأنها خايفه من

السوس اللي خارج البيت .

والسوس قادر يخرب البيت

يعني عليها هي مؤمنه بقضاء الله

لكن السوس ما يؤمن بالله ولا قضاء الله !!

يؤمن بس بــ (( شفتوا ))



شكرا لك

[صاحي ورايق]

والله أنتس أزين مره بالعالم
ما قريت كل الموضوع وبرجع أشوف وش اللي فيه
الله يكثر من جنستس وأغدي ××××××××××××××××××

[ورد احمر]

ليش الرجال مايحيون سنة الرسول الكريم بالتعدد

الله اكبر ما بقى من تطبيق او احيى سنة الرسول الا الزواج

اذا مابقى من السنة الا هي ابد اعرس وخذ اربع
ويزورونك الشنبات بشهار.لاخذ العضة والعبرة

[جوان2007]

الماسة محتاسة
جوان...
بسم الله عليك...
لا..اكيد مرتفعة عندك الحرارة هاليومين وبادية تخذرفين...

خخخخخخخ شكلي وصلت سن اليأس وبديت اخذرف

[/COLOR]

من قال ان الحريم اكثر من الرجال..هذي اكبر كذبة..
الرجال يدغدغون مشاعرنا بهالكلام..
ارجعي لآخر احصائية للسكان بالمملكة وتدرين ايهم اكثر..
يعني لاتصيرين عاطفية بزيادة وتصدقين كل شي يقال...
وحتى لو افترضنا ان الكلام صحيح..
اللي يتزوجون يتزوجون كبار؟؟؟
الواقع يقول انهم يدورون الصغار..يعني ماستفدنا شي...

لاانا أؤيد فقط عن الي يتزوج بنت بعد الثلاثين ولا فيه شيبان ياخذون بنت بـ18
مانيب معهم ابد بل عكس ضدهم وبقوه !
لا توهقين ياجوان ترا اربعين صغيرة...
ممكن ستين.....
وبعدين بعقلك واحد يبي يعرس ومرته عمرها اربعين ويبي ياخذ وحدة عمرها35؟؟!!!
شوية عقل ياجوان....

لان الحرمه اذا تزوجت وانجبت اربعه خمسة اولاد

انتهت صحته وصارت كأنه عجوز لان المسؤليه والتربيه تاخذ الشي الكثير من صحة المرأه ,,

لاكن البنت ماجاه لاهم ولا غم ولا تعب حمل وولاده وتربيه اطفال ولا كدر ابو

عياله المزاج يعني النفسيه والصحه كله تمام وانتي اكتشفي هالشي

بنفسك من الواقع الي حولك بين حرمه عمره 35 متزوجه وبين وحده ماتزوجت بنفس السن !



اشكرك على المرور منوره يالغلا

[جوان2007]

تصفيق حار لالماسة محتاسة :)

جايزن لتس كلامك ,,,وراي بس انا من بد الحريم مزاجي غير ! :d6:

[جوان2007]

جوان2007

منطق نسائي غريب جداَ !

ياتُرى

هل تتفق فعلياً كاتبة الموضوع مع فحواهـ ؟!

أشــكــ

ليقيني التام بفطرة حـواء , ومدى تأثر إحاسيسها ومشاعرها لهذا الأمر
ولنا
بأمهات المؤمنين قدوة حسنه


كرجل

لا أويد التعدد إلا لسبب مُقنع , وحاجة له
و
لا يمنع ماذكرتي من إنه حل للعنوسة و عدد النساء الذي يفوق عدد الرجال


شكراً لهذا الطرح الجرئ


ان شاء الله ماراح اغير وجهة نظري اذا كبرت وصار عمري اربعين ,,

سبحان الله فطرت حواء على حب تملك زوجها لحالها ,,ولاكن راح

اترك الانانيه اذا كبرت !

اشكرك على المرور حياك الله

[جوان2007]

الحنتريش
هم صادزين يوم يهوشونه 37 وش باقي به
ووش مقعده ببيت اهله الي هالعمر ؟
او مطلقه!!
تسان اخذ فرفوره يرجع عمره 10 سنين

لاوالله بنت مو مطلقه لاكن النصيب توه يجيها ياحنتريشوه
اجل اعلم خالي وادور له بنت الحلال عشان يقل عدد الحريم

هيه موب الحين اذا تجاوزت سن الـ 40 خذ راحتك وانا خالتك

البنت تخرج وعمره 22 وبالكثير 24 وش يقعده ببيتهم هالسنين زود؟!

كل البنات اول مايخطبون يرفضون يرفضون بحجة تكميلة التعليم لين يبدا ماحد

يجي يخطبهن ,,والنصيب والقدر هو الي يخلي البنات يتأخرن بالزواج

الله يرزق المسلمين ياكريم
يقاله بنت لاصار عمره 35
هذي من القواعد من النساء الله يصلحتس ياخاله
لاصرت مخربه مخربه بالثانيه اباخذ ام 15 ترجع الحياة بالقلب

الي عمره 35 وهي ماتزوجت تعتبر بنت ياحنتريشوه وانا ضد الي يتزوج مره ثانيه

ببنت عمره 15 سنه على قولتك ...وتعتبر انانيه من الرجل انه يتزوج بنت كبر بنته !

من هالناحيه فهن صدز انانيات بس الله يكفينا شرهن وكيدهن
اجل تتفزعين لي لاتزوجت ماتهوشن زوجتي لاطريت الثانيه

ابد انا معك من اللحين لاكن اهم شي العدل ثم العدل ثم العدل وانا خالتك

وابشر بالفزعات

وانتي مصدقه ان كل الي يعرسون يبون يحيون سنة النبي صلى الله عليه وسلم ؟
والله حب بالتغيير اغلبهم وترا مب قليلين شر بس بعضهم خواف والا تقطر تسبده انه يعرس

هذا الواقع يالحنتريش يتزوجون فقط للتغيير ,,ياويلي رحمت الي تقطر تسبده

تلقى مرته مسويه عليه حصار اقوى من حصار اسرائيل على فلسطين

بالنسبه لي اوافق وبشده بس لازم يرخصن الحريم والا نبلش باعمارنا

ابشرك يبي يرتفع اسعارهن مع الدنيا الي غلت !

مشكور على المرور يعطيك العافيه

[جوان2007]

شوفي ياجوان هي وحده من ثنتين

يا إن حدا خواتك عانس

او انك بحياتك ماغرتي على زوجك

واعتقد حياتك كلها رسميه طبخ تنظيف

اللي هي مسؤليتك كزوجه

اما المنحنى العاطفي اعتقد معدوم تقريبا

تحياتي لك

وتقبلي رأيي برحابة صدر ...


الحمد لله خواتي كلهن متزوجات ,,,

لاكن يمكن الثانيه اقرب يالغلا

اشكرك على المرور ياسلة اوجاعي

[جوان2007]

جوان ,, المرأة مفطورة على الغيرة على حبيبها ( زوجها ),, وتحب تتملك قلبة وحتى جسدة ,,
واعتقد ان من تسمح لزوجها بالزواج من ثانية هذي مافي قلبها ذرة حب له ,,
قريبتي عمرها الآن 26 سنة وعندها بنت ,, متزوجة ولكن لم يخلق الله في قلبها حب لزوجها ابدا ,, سبحان الله عايشة معاه عيشة رسمية تؤدي ماعليها وكأنة عمل تقتظي من ورائه راتب شهري ,,
قبل فترة كانت تتكلم عن حياتها وتقول ,, والله الذي لاإلة لا هو لو يقولي بتزوج من وحده ثانية لأروح برجلي واخطبها له ,, وبدعي له بالتوفيق ,, لأن قربة مثل بعدة ,, مايربطني فيه الا العشرة ,, ولو يبعد عني لفترة مااشتاق الا للعشرة التي قضيتها معه فقط ,,
جوان ,, أي امرأة تسألينها وش احب دعوة لك تبي تقولك ادعي لي ان الله يحنن زوجي علي ويخليه لي ويعمي عيونة عن جميع بنت على وجه الأرض ,, وهالشي لانستغربة ,, لأنة فطرة فطر الله المرأة عليها ,,
واللي تحب زوجها وتغار عليه مستحيل تسمع لأي مخلوقة ان تشاركها إياة بأي عمر كانت ,,
فووووتك بعافية ,, والله يخلي لك جوان وابو جوان ,,


علشانك بس يعني تهقين لاوصلت الاربعين اقول لاتعرس هونت ...وانا الحين

معطيته امل وينتظر السنين تمشي بسرعة البرق !

اشكرك يالحلوه على المرور يعطيك العافيه

[جوان2007]

شفتي ياجوان منطق الرجال..
ياحبيل عمرك انت نيتك زينة تبي تقضين على العنوسه..
وهم يبي ياخذون فرفورات ويستانسون..
اقول عسى العنوسة ماتروح ابد..
وبعدين ترا العنوسة ذي سواليف..
اكثر اللي يتزوجن من رجال معددين هن باغيات..يعني يبن فلوووووس...بالعربي الفصيح..
ولا ثلاث ارباعهن حاصلن لهن شباب بس مابغنهم لأنهم.......
داجين...
عرفتي الحين ياجوان...
انا مايمكن ارضى ان زوجي يتزوج علي الا بحالة وحدة..
وهي انه يتزوج من ارملة وعندها عيال وبشترط عليه انه يتكفل بها وبعيالها...
اما غيره معصي...

ايه يامياسه اثر نيتي زينه وهالرجال نيتهم شينه يبي يعرس على بنت عمره 15

سنه ,,,يامياسه الارمله خلاص يكفونه عياله يعزونه ويهتمون به اما البنت الي

ماتزوجت تبي احد يكفله وتبي عيال ينفعونه تالي عمره
وهل يصلح العطار ماافسد الدهر؟؟
لكن المشكلة هالمسيكينة ام 15 على ماقلت..
هي اللي يبي يموت قلبه مع هالشايب....

والله الطقه براس هالبنت تبلش بهالشايب الي كله امراض

ولا يناسب افكاره وطموحاته ورغباته !

[عجوز سمنسي]

اكتشفت ان غيرة المرأة من ضرتها بسبب المير في المكحلة

كل وحدة تبيه لها لحالها

فلا تتصور امرأة بأن يبادل زوجها تلك المشاعر التي تراها لامرأة اخرى سواء بالكلام ام بالجنس او غيره

ماتلامون ياحريم ان كانت عائشة رضي الله عنها تغار من خديجة رضي الله عنها وهي في قبرها

[السعلوالجميل]

ينصر دينك ياشيخه هذي الحريم ولا بلاش حنا لازم نحط حد للعنوسه ونا من هذا لمنبر اعلن رغبتي بالزواج مره ثانيه . وام العيال بجيب له طقم مجاول واكيد تبي تسكت ....

[إخلاص]

اختي جوان ..

اعضاء منتدى بريده الحلوين اليوم تزوج واحد من قرايبنا على زوجته وعمر زوجته

الجديده فوق الـ 37وكل اهلي واقاربي يهوشون عليه ويقولون وشوله يعرس

لاكن الرجال مؤيدين زواجه وبقوه وانا طبعاً انضميت لصوت الرجال ومؤيده معهم
ما فيه مثلك يا جوان في حب الخير


بحجة انه حرام البنت تجلس ببيت اهلها لان الرجال اقل من النساء بكثير ,
الرجال أكثر من النساء حسب التعدادا السكاني .. على ما اذكر ..يعني اللي يتزوج اكثر من زوجه يترك رجل بلا زوجه .. بس الظاهر الكفه تعدلت مع كثرة الشاذين والعياذ بالله


ولان

البنت يضيع مستقبلها وهي تكمل تعليمها وبعدين لاتخرجت من الجامعه تقول لا

ودي اتعين قبل ولا القطار قد فاته ,,
لو زوجها ما طلع شاذ كان ما فاتها القطار


وبكذا تتعدى الثلاثين وهي ماتزوجت عاد تعرفون الشباب مستحيل يتزوج بيت

متعديه الثلاثين الا ماندر يعني ماله الا رجل لديه زوجه ,,
مو شرط .. الحين الشباب يدورون المدرسات


يعني مفروض الي تتعدى زوجته سن الاربعين يتزوج على بنت عمرها35 او

اقل ,,لاكن الحريم انانيات و مسويات حصار على ازواجهم وياويل بنت ابوها تقرب

لم زوجها
أها .. يعني باقي لك يا جوان كم سنه ويجيكي جارة

,,ليش الرجال مايحيون سنة الرسول الكريم بالتعدد
ليش الرجال ما يحيون سنة الرسول الكريم في العدل بين الزوجات

ارائكم تهمني ×××××××××
وش انتي قايله وشفرواه لتس ؟
8
8
أشك ان هذه أراء أنثى يا ابو جوان

[الماسة محتاسة]

الزواج من ثانية أمر صعب 0
فمثل ما أنت تريد ان تعيش بسلام يجب أن تقدر وضع زوجتك وبان لها الحق بالعيش مثل ما أنت تريد
كرجل
لا أويد التعدد إلا لسبب مُقنع , وحاجة له
ماتلامون ياحريم ان كانت عائشة رضي الله عنها تغار من خديجة رضي الله عنها وهي في قبرها
كلامك ياجوان ماخش مخ الرجال عشان يخش مخ الحريم..
نصيحتي لك اسحبي كلامك......

[شجووون]

جوان حبيبتي اهنيك على هالتفكير الراقي والمتزن

و اتمنى انك تحفظين عندك هالموضوع بجهازك
حتى تقرينه عقب ماتعرسين بسنه وتضحكين على نفسك
لانه صدقيني راح تغارين على زوجك ان حبيتيه حتى من خواته وامه واي حرمه يتعامل معاها
فمابالك بزوجه ثانيه انت واياها واحد

اما من ناحيه الزواج من ثانيه فانا اوافق ان زوجي يعرس علي بس ياخذ وحده عانس
والا مطلقه عشان تهون علي مصيبتي لانه اذا اخذ وحده اصغر مني بواجد راح انجرح

طبعا بعد مايحط لي سواق وخدامه وبيت ويضف وجهه ولاعاد اشوفه >>>>>> زعلتن عليه
ودمتم معرسين على وحده

[ابوقش]

والله العظيم حلفت وانت ماحلفتني انه لو يعرس علي بعد الاربعين مايهمن !

خلاص وش ابي به تلقى كل الامراض فيه ضغط سكر ..الخ يروح يبلش مرته

الجديده وانا استانس كل يوم عند ولد من عيالي

هههههههه كفو ياشنب يعني خاربه خاربه

بس لو نجي للحقيقه كان سبب العنوسه من الحريم واهلهن

فيه بعض الشروط تعقيديه واقرب شي السكن يعني بعض الناس

يقولك نبي لها بيت لحاله ولو ترجع لبيت الزوج كان ماحصلت الا امه وابوه

وخواته او اخوانه صغار يعني هذا بنظري من اهم اسباب العنوسه ولاننسى المهور الخرافيه ..

[جبل عمر]

الدعوى مو مسألة جيب ثانية وبس

وجهة نظري ما يتزوج الرجال إالا إذا كان

محتاج للزواج
صاحب مال ودين وعقل رزين يسير الأموور بحكمه وحزم الرجال
الزوجة الثانية لاتكون قريبة أو معروفه للزوجة الألى أو أهلها وجماعتها
على شان ما يجتمع قهرييين
بالنهاية في وجهة نظري إلعب وحدك تأتي راضياً

(مها كان الرجل قوي وعاقل وذو مال فكيد النساء أقوى)

[جوان2007]

لأنها خايفه من



والسوس قادر يخرب البيت

يعني عليها هي مؤمنه بقضاء الله

لكن السوس ما يؤمن بالله ولا قضاء الله !!

يؤمن بس بــ (( شفتوا ))



شكرا لك


ايه والله صدقت السوس هم خراب السفينه الله يكفينا شرهم

اشكرك على العوده والتوضيح حياك

[جوان2007]

والله أنتس أزين مره بالعالم
ما قريت كل الموضوع وبرجع أشوف وش اللي فيه
الله يكثر من جنستس وأغدي ××××××××××××××××××

اشكرك على المرور ...في الانتظار ياعبدالله

[جوان2007]

الله اكبر ما بقى من تطبيق او احيى سنة الرسول الا الزواج

اذا مابقى من السنة الا هي ابد اعرس وخذ اربع
ويزورونك الشنبات بشهار.لاخذ العضة والعبرة

مصيره شهار خخخخخخ

عاد مو اربع ياكافي لو كل واحد تزوج ثنتين ان كان نقضي على اغلب مشاكل

المجتمع <<اخاف نطيح بمشكله اعظم وهي الطلاق !!

اشكرك على المرور الرائع

[جوان2007]

اكتشفت ان غيرة المرأة من ضرتها بسبب المير في المكحلة

كل وحدة تبيه لها لحالها

فلا تتصور امرأة بأن يبادل زوجها تلك المشاعر التي تراها لامرأة اخرى سواء بالكلام ام بالجنس او غيره

ماتلامون ياحريم ان كانت عائشة رضي الله عنها تغار من خديجة رضي الله عنها وهي في قبرها

اهلا بالعجوز ...المكحله اعرفه الي هي الكحل بس "المير " ماعرفهوش ياليت تفيدنا ..

يعني هقوتك بتبتل المرأه تغار على زوجها حتى اذا بلغت سن الاربعين !

مشكور على المرور حياك

[الأمواج الباردة]

والله ياخوف قلبي يا ام جوااان يطلع منك بس حكي فاضي !! وإذا جات ساعت الجد والله الله تقومين تذبحين رجلك وتصلصلينه .

[جوان2007]

ينصر دينك ياشيخه هذي الحريم ولا بلاش حنا لازم نحط حد للعنوسه ونا من هذا لمنبر اعلن رغبتي بالزواج مره ثانيه . وام العيال بجيب له طقم مجاول واكيد تبي تسكت ....

خخخخخ طقم مجاول حلوه عاد والله ان تفرح بهن الذهب غالي هاليومين

تشكر على المرور يعطيك العافيه

[جوان2007]

اخلاص

أها .. يعني باقي لك يا جوان كم سنه ويجيكي جارة

اي نعم !!

أشك ان هذه أراء أنثى يا ابو جوان

الحمد لله على كل حال ,,مشكوره على المرور

[إخلاص]

اخلاص
هلا

اي نعم !!

بس ترى اربعين صغيره حيل ما تخلينها 55 او ستين

الحمد لله على كل حال ,,مشكوره على المرور
العفو :)

[التقدم]

جوان
اشكرك على شجاعتك بابداء رأيك والله لوفي تعدد بالمجتمع مثل أول ماشفنا عوانس ولا شفنا حسدهم للمتزوجات وتقل مشاكل المجتمع لانه يبي يصير كل البنات متزوجات بعض العوانس تخرب بين الرجل وزجته من حسدها لها

[جوان2007]

بس ترى اربعين صغيره حيل ما تخلينها 55 او ستين

اخلاص اذا خليتها ستين معناه كم بيكون عمر الزوج !

اشكرك على عودتك اجل ابو جوان !!

[جوان2007]

كلامك ياجوان ماخش مخ الرجال عشان يخش مخ الحريم..
نصيحتي لك اسحبي كلامك......

وش رايتس اجل اسحب كلامي <بزر

تدرين ليه ماخش مزاجهم لانهم طماعين مايبون يتزوجون على بنت عمره 35

يبون فرفوره على قولتهم !

مياسه اشكرك على حماسك بالموضوع وحياك الله باي وقت لابداء رايك ياحلوه

[الـخنساء]

:x17:



لان الرجال اقل من النساء بكثير ,


,,,


أما بالنسبة لقضية اختيار جنس الجنين والتحكم في جنس الجنين، أي نخليه ذكر أو أنثى، أنا أرى أن الأصل أن نترك فطرة الله التي فطر الناس عليها، ندع الأمور على طبيعتها، حتى "كريسي موريسون" صاحب الكتاب الذي تُرجم تحت عنوان "العلم يدعو إلى الإيمان" يقول أن من دلائل وجود الله تعالى أن فيه توازن كوني بين الذكور والإناث على طول التاريخ، لو تُرك لأهواء الناس فالناس تحب الذكور أكثر إنما ما الذي جعل هذا 50 وذاك 50 أو 49 و51 حتى بعد الحروب التي يقتل فيها الرجال، النساء تلد ذكوراً أكثر ليحدث التوازن ، فنحن نترك هذا لحكمة الله وتدبيره في الكون، إنما لا مانع في حالات معينة ممكن لو واحد شديد الشوق إلى البنين فعنده عدد من البنات ويريد ولد مثلاً أو بالعكس واحد عنده عدد من الذكور ويريد بنتاً فلا مانع في هذه الحالة أن نحقق له هذه الرغبة استثناءً إنما لا يكون هذا هو الأصل، الأصل أن نمشي الأمور على الفطرة، والفطرة هي منظمة الحياة كما يريد الله سبحانه وتعالى


جوان :)
لو قرأتي كلامك الأول
وكلامك المقتبس من الشيخ القرضاوي
لوجدنا انك تناقضي نفسك
:)

[جوان2007]

8


8


8


والله انكم تدققون على كل شي الواحد مايغلط ابد خخخخ

ايه فيه توازن كوني بين الذكور والاناث اذا تزوج الذكر على اكثر من امرأه ,,

ولا ليش يباح التعدد مادام فيه توازن كوني

والرجال يموتون اكثر من الحريم

ابيتس تقولين لي متى اخر مره سمعتي بأمرأه ماتت !<بتنحت روحه

والرجال ياكثرهم الي يموتون بالحوادث وغيره

دمتي نبيهه يأميرة الفراشات

[الـخنساء]

8
8
عاد يوم انك سألتين .. امس جاني عريس كبير بالعمر مرته متوفيه قبله :)

*
*
اليوم حضرت لطارق الحبيب في قناة الرساله تدرين وش قال عن التعدد
يقول التعدد مطلب اجتماعي وليس مطلبا شرعيا وعلى الرجل الراغب بالتعدد الزواج من مطلقه او ارمله
حتى يعف هذه الفئه من النساء ويخفف عنهن الحمل واشياء كثيره
وليعذرني الدكتور ان كنت اسأت التعبير

الا وش رايتس جوان أكون جارتس :)

[جوان2007]

جوان حبيبتي اهنيك على هالتفكير الراقي والمتزن

و اتمنى انك تحفظين عندك هالموضوع بجهازك
حتى تقرينه عقب ماتعرسين بسنه وتضحكين على نفسك
لانه صدقيني راح تغارين على زوجك ان حبيتيه حتى من خواته وامه واي حرمه يتعامل معاها
فمابالك بزوجه ثانيه انت واياها واحد

اما من ناحيه الزواج من ثانيه فانا اوافق ان زوجي يعرس علي بس ياخذ وحده عانس
والا مطلقه عشان تهون علي مصيبتي لانه اذا اخذ وحده اصغر مني بواجد راح انجرح

طبعا بعد مايحط لي سواق وخدامه وبيت ويضف وجهه ولاعاد اشوفه >>>>>> زعلتن عليه
ودمتم معرسين على وحده

هلابك اختي انا حاليا متزوجه ...وقلت بموضوعي ان الرجل يرتبط بزوجه تقارب الـ

35 للحد من نسبة العنوسه الزائده !

طبعا من اهم الشرط انه يلبي طلبات زوجته الاولى ولا يسفهه يعني يعدل

اشكرك على المرور منوره

[جوان2007]

هههههههه كفو ياشنب يعني خاربه خاربه

بس لو نجي للحقيقه كان سبب العنوسه من الحريم واهلهن

فيه بعض الشروط تعقيديه واقرب شي السكن يعني بعض الناس

يقولك نبي لها بيت لحاله ولو ترجع لبيت الزوج كان ماحصلت الا امه وابوه

وخواته او اخوانه صغار يعني هذا بنظري من اهم اسباب العنوسه ولاننسى المهور الخرافيه ..


كفو ياشنب <مافهمت المغرى !

لاكن بعض البنات هي الي تخرب على نفسه بشروطه التعجيزيه وبعض البنات

حظه ردي ..كان الله بعونهن يارب

مشكور على المرور يابو قش حياك

[صاحي ورايق]

صوتك هنا يا جوان هو صوت الحق المفروض أن يتبع
أنتي هنا نظرتي لمشكله عظمى واقعه والدراسات كلها ما أتت بالحلول
لكن تبين لي في فدائيتك وحماسك لهذه المشكله بإنك صاحبة قلبك كبير وعظيم في زمن عظيم
هنا أقول ظهر الحق وزهق الباطل أن الباطل كان زهوقا
عندما يحس الشخص منا بمعاناة غيره ويحاول بقدر المستطاع المساعده حتى لو على حساب نفسه
فا أنا أعبر هذا الشخص يحمل من الطيبه والخلق الشيء العظيم
الرسول عليه أفضل السلام والتسليم قال ( حب لأخيك ما تحب لنفسك )
أتيتي بالمفيد والأهم .. نظرتي لهذه السلبيه نظره شامله وكامله من منظورك لوحدك
فا أحسنتي النظر لهذا الشيء عندما جعلتي فدائيتك على حساب نفسك وبيتكم وأصررتي على التضحيه لشيلك هموم غيرك قبل همك !
هذهي قصه ترويها زوجه عن زوجها اللي تزوج عليها
هذه الزوجه طبعى صقيقتي يعني قريبتي !
تقول :مره أنا وزجي في مركز النخيل نتسوق << كالعاده إمرأة جارة زوجه من عند الرقبه وحاطته شوفير ومكينة صرف
تقول وأحنا واقفين عن الكاونتر نحاسب عن الأغراض
جت لمي إمرأة
وقالت لي : ممكن يا بنيتي تجدعونن على دربكم في مركز سامرى
لإنه صعب أقطع الطريق برجولي وولدي بعيد ما يقدر يجي !
قالت هذه الزوجه : خليني أشاور زوجي وتم الأتفاق << على حل قصية فلسطين
ركبت وياهم بالمرتبه الخلفية , ووصلوها لحد مركز سامرة , وبعد نزولها حطت في المرتبه ظرف لا يلم ولا تعلم كل من الزوج والزوجه !
ساروا للبيت وبعد وصولهم نزلت الزوجه ودخلت البيت والزوج قام بإنزال كامل الأغراض << ما قلت لكم إن الزوج صاير سواق وعامل تنزيل وتفريغ
بعد ما نزل الأغارض اكشفت ظرف أول مره يشوفه
فقام وفتحه وقرأ ما كتب فيه
يقول هذا الزوج : كان مكتوب فيه الأتي ( أنا إمرأة أنت أوصلتني لمركز سامرى وهذا هو رقم جوالي أتمنى الإتصالي علي في اقرب فرصه لك )
هذا الزوج طنش هذه الرساله وخباها في مكان ماء في السيارة ونسيها .
بعد شهر تقريبآ .. هذا الزوج طرىء عليه بيع السياره لحاجته لبعض الدراهم لكي يسدد ما عليه من من الديون بسبب هذه السعلوه التي لا ترحم ولا تشبع ولا تمل << ما عليش حتى لو كانت قريبتي الحق يقال هنا .
فا قام بشيل كامل أغراضه من هذه السياره وشاهد من ضمن الأغراض هذا الظرف فا أخذه وأحتفظ به
بعد خلص كل الأمرو اللي عليه من بيع السياره ونحوها
طرىء في باله انه يدق على هذه المرأة لكي يعرف ماذا تريد منه
قام بالإتصال عليها فردت عليه
قال لها : أهلآ فيك , حصلت ظرف في سيارتي وفيه رقمك جوالم .. ماذا تريدين ؟
قالت له :أربيد منك الزواج بدون علم أحد فقط تأتين ساعتين في اليوم إذا كنت غير مشغول
طبعآ أهي عمرها ثلاثينيه وأهو عمره تحت الثلاثين .
فكر كثيرآ في الموضوع وأعلن لها الموافقه
تزوجوا وعاش الانس والفرح مع هذه الثلاثينيه
كانت مقدره له في كل ظروفه الإجتماعيه والماديه عكس زوجته الاولانيه !
مره من المرات كان جالس لحظة مغرب عند زوجته الأولى وكان الأتفاق فيما بينهم بإن يخرجوا بعد صلاة العشاء لكي يتعشوا بإحد المطاعم
رن جوال هذا الزوج وكانت المتصله هذه الثلاثينيه
فقام من مجلسه وذهب لإحد الاسياب
قالت له : أريدك أن تأتي الأن لغرض ضروري جدآ جدآ جدآ
قال لها : كلك أوامر يا عزيزتي
ذهب لزوجته الأولى فقال لها : أن صديق لي عمل حادث ويلزم حظوري
قالت له : طيب روح بسرعه وطمني
ذهب لهذه الثلاثينيه وبعد دخوله لبيتها
شاهد لباس لم يشاهده على سعاد حسني
وشاهد الرومنسيه على أصولها وجذورها
عملت معاه حركان نصف كم حقت الماصلين والباقي مشفر
أدخلته في الغرفه
فا قالت له : أفتح هذا الصندوق
قام بفتحه وأندهش وعلامات التعجب والإستفهامات تدور فوق راسه كا الشياطين فوق راس زوجته الأولى !
قال لها : ما هذا وكم هذا المبلغ ؟
قالت له : هذا مبلغ وقدره ( 100000 ) مئة ألف
قال لها : لمين هذا المبلغ
قالت له : لك .. لكن بشرط
قال : ما هذا الشرط ؟
قالت : تعلن زواجنا وتكون لي ليلة كامله !
وافق بالحال وأخذ الرداهم وعاش حياة مختلفه كليآ عن حياته الأولانيه
أصبح إنسان كاش الدراهم تتلاعب بين يديه قادر على كل ما يريده
حتى الاشياء التي كان يحلم فيها تحققت بسبب زواجه من هذه الثلاثينيه ... أنتهت !

هنا يأتي دور الزوجه عندما يكون لديها ضمير حي يعالج مشاكل مجتمعها بسبب كثرة هذه العنوسه التي صارت وبال على كل بيت
أين التضحيه وأين المساعده لبنات جنسك
لا تكوني نفسي نفسي أو همي همي على قدر من يهمني
أحسني النيه في كل شيء لكي يصلح لك بالك وذريتك ومالك
لعلى أن تكون هذه التضحيه تكون أحد الأبواب المسكره لك ويكون فتحها بسبب هذا العمل السليم !

آسف على الأطاله جوان وتشكرات كثيره

[خـالد النـاصر]

^^^^^^^^^
هههههههههههههههههههههههههههههههههه
قصص الف ليله وليله

[ღ ][ وحيدة كالقمر ][ღ]

جوان


الغيـــــــــرة ماتدعِينا نخليه يعرس مرة ثانية<<<اللي يشوفه يقول ذي أم خمسة عيال




ماش كلامك مادش مخيخي...لأنك تعرفيني زين...وتعرفين غيرتي ويش كبرها



تحية

[صاحي ورايق]

^^^^^^^^^
هههههههههههههههههههههههههههههههههه
قصص الف ليله وليله

ميخالف يا أخ تعال
يعني كود الواحد ينطع لك يمين من أهنا وكشمير عشان تصدق
أو كود يحلف لك نذر عشان تصدق
إن صدقت فأنت عاقل
وإن ما صدقت فا يارب أرزقه وحده سعلوه تمص دمه

[جوان2007]

الدعوى مو مسألة جيب ثانية وبس

وجهة نظري ما يتزوج الرجال إالا إذا كان

محتاج للزواج
صاحب مال ودين وعقل رزين يسير الأموور بحكمه وحزم الرجال
الزوجة الثانية لاتكون قريبة أو معروفه للزوجة الألى أو أهلها وجماعتها
على شان ما يجتمع قهرييين
بالنهاية في وجهة نظري إلعب وحدك تأتي راضياً

(مها كان الرجل قوي وعاقل وذو مال فكيد النساء أقوى)


اكيد انا اقصد الرجل صاحب الدين والمال والعقل لان الذي لا يمتلك هذه

الصفات ليس برجل مع احترامي للجميع بستثناء المال

ايه بس من الحريم وكيدهن الله يكفي الرجال من شرنا وكيدنا !

مشكور ياستاذ عمر منور موضوعي

[جوان2007]

والله ياخوف قلبي يا ام جوااان يطلع منك بس حكي فاضي !! وإذا جات ساعت الجد والله الله تقومين تذبحين رجلك وتصلصلينه .

لا ان شاء الله ,,بصر على رأيي مهما كانت الاسباب ,,بس يمكن هو يقول وش

لي بالهم والغم وبيتين وحاله ,,ساعتها انا سويت الي علي واطلقت سراحه

مشكور على المرور

[وحده من الوحدات]

جوان مهبوله ولا تهبلين !!!!


والله ودي لاي عندي وقت وقرااا كل الردوود وقرا موضوعتس زين


الحين يا حبي لتس انتي تنصحيننا انننا نزوج رجالنا!!!!!!!!!!!!!!!


لما الحين ما صار لي رجل وبغا يتوقف قلبي من كلامتس !!


تكفين وضحي لي هذا مقصدتس ولا انا اكييييد غلطااانه

[جوان2007]

جوان
اشكرك على شجاعتك بابداء رأيك والله لوفي تعدد بالمجتمع مثل أول ماشفنا عوانس ولا شفنا حسدهم للمتزوجات وتقل مشاكل المجتمع لانه يبي يصير كل البنات متزوجات بعض العوانس تخرب بين الرجل وزجته من حسدها لها

ايه والله صدقت ,,الله يكفينا شر العين وكل مسلم

لاكن والله ماتنلام اذا احسدت صديقته او قريبته من "حر ماتوجس " من شد ما

تشعر من معاناة ..يارب لاتحرمهن وترزقهن بهالعطله ياكريم

[جوان2007]

8
8
عاد يوم انك سألتين .. امس جاني عريس كبير بالعمر مرته متوفيه قبله :)

*
*
اليوم حضرت لطارق الحبيب في قناة الرساله تدرين وش قال عن التعدد
يقول التعدد مطلب اجتماعي وليس مطلبا شرعيا وعلى الرجل الراغب بالتعدد الزواج من مطلقه او ارمله
حتى يعف هذه الفئه من النساء ويخفف عنهن الحمل واشياء كثيره
وليعذرني الدكتور ان كنت اسأت التعبير

الا وش رايتس جوان أكون جارتس :)

انا مو مؤيده زواج البنت الصغيره برجل عجوز اكبر من ابوها هذا قمة الظلم للبنت

بالنسبه لكلام طارق الحبيب : فمن وجهة نظري ان المرأه الارمله او المطلقه

افضل له تتفرغ لتربية اولاده لانه اذا تزوجت بيعانون الاولاد معاناة لاقبله ولا بعده

حتى عدوهم يشفق عليهم .

وكذالك لاتاحة الفرصه للبنات الي تعدو سن الثلاثين بالانجاب وبولد

يكون عوناً لها في كبرتها , اجل ودتس تصيرين جارتي :ash: والله مهيب شينه !

[وحده من الوحدات]

ردي علي تكفين جواان ... همن هم بعدين


شوفين وافقتن الاولى با الطابور ( متكتفه ):f9:

[جوان2007]

جوان مهبوله ولا تهبلين !!!!


والله ودي لاي عندي وقت وقرااا كل الردوود وقرا موضوعتس زين


الحين يا حبي لتس انتي تنصحيننا انننا نزوج رجالنا!!!!!!!!!!!!!!!


لما الحين ما صار لي رجل وبغا يتوقف قلبي من كلامتس !!


تكفين وضحي لي هذا مقصدتس ولا انا اكييييد غلطااانه

عجله وعجازه ,,ورا ماتقرين الموضوع والي فهمتيه صح

المفروض من الزوجه اذا وصلت عمر اربعين سنه تطلق سراح زوجها بان يتزوج

امراه فوق الثلاثين للحد من نسبة العنوسه وهذا مايعرف بالايثار وماتكون انانيه

اهم شي هي تعيش بسعاده وبيت وزوج والباقي بعليقه !

عاد وش رايتس برأيي

[ღ ][ وحيدة كالقمر ][ღ]

المفروض من الزوجه اذا وصلت عمر اربعين سنه تطلق سراح زوجها بان يتزوج



ياحبيلك ياجوان.....

أولاه من جاب زوجة عمي جنبك خطر إن ترميك ست طلقات

أجل أربعين,....حرام عليك ....


لا والله عساني مااتركه إلا يموت هو وإلا اموت أناا...



ويش حيث إنّه أتركه بالسن؟لاتقولين كبرتي لأني لسّى ماأعتبر نفسي كبرت..


وبقدرتي أقدر أعينه وأعاونه


طبعاً هذا رأيي الحين....



جوان سين سؤال:وراه تطالبين اللي متزوجين يتزوجون أو بالأصح تقولين لاتصكون على ازواجكم..؟

وهالشباب كثر التراب لاإله إلا الله ماغير تبطح لاشغل ولامشغلة...


لاتقولين مالقى وظيفة...المهتوي يقطع المستوي....مو حياة عزاب أفضل لنا من الزوجية



تحية

[جوان2007]

أين التضحيه وأين المساعده لبنات جنسك
لا تكوني نفسي نفسي أو همي همي على قدر من يهمني
أحسني النيه في كل شيء لكي يصلح لك بالك وذريتك ومالك

عبدالله العطيشان ..نعم هذا المطلوب من النساء ماتكون انانيه لهذه الدرجه لو كل وحده

تخيلت انها بمكان البنت الي تأخر زواجها ان كان ماوصل الوضع لهذه الدرجه وهذا العدد الهائل من

العوانس بس كل زوجه صاكتن على زوجه ومسوه له حصاااااااااار !

مشكور عبودي منور

[جوان2007]

[ وحيدة كالقمر ][ღ;1704712']جوان


الغيـــــــــرة ماتدعِينا نخليه يعرس مرة ثانية<<<اللي يشوفه يقول ذي أم خمسة عيال




ماش كلامك مادش مخيخي...لأنك تعرفيني زين...وتعرفين غيرتي ويش كبرها



تحية

وحيدوه تكفين غيري توقيعك يحمق :15[2]:

والله اعرفك زين تغارين بزياده الله يعينك ..تدرين انه مايعجبن المرأه الغيور

حتى الرجال مايحبون الي تغار بزياده لانه راح تبلشه بكل حركاته وسكناته

(ليه سويت كذا وليه ضحكت مع فلانه <<احس ان امثلتي خاطمه


منوره ياحلوه ماقصرتي

[وحده من الوحدات]

عجله وعجازه ,,ورا ماتقرين الموضوع والي فهمتيه صح

المفروض من الزوجه اذا وصلت عمر اربعين سنه تطلق سراح زوجها بان يتزوج

امراه فوق الثلاثين للحد من نسبة العنوسه وهذا مايعرف بالايثار وماتكون انانيه

اهم شي هي تعيش بسعاده وبيت وزوج والباقي بعليقه !

عاد وش رايتس برأيي

وش ها الراي الاعوج !!

تدري وشو الاربعين انتي تدرين ان اليسا عمره اربعين .. وها العمر بلعكس يصيرون عيالهم كبرو ويتفرغون اكثر لبعض


ومييير لو ياصل عمري تسعين وتطيح سنوني بحجري يعرس حر يحره


وحتى لو بغا العرس ونا ع قولتس اربعين انا بعد بعرس وش حيثه

وخذ لي شقه نطح شقته


مابقا الا هي بعد ..

جوان هذا رايي وتسان ملزمه ع رايتس .. > تزوجينن ابوتس !!!! ؟؟

[جوان2007]

[ وحيدة كالقمر ][ღ;1706477']

ياحبيلك ياجوان.....

أولاه من جاب زوجة عمي جنبك خطر إن ترميك ست طلقات

أجل أربعين,....حرام عليك ....


لا والله عساني مااتركه إلا يموت هو وإلا اموت أناا...



ويش حيث إنّه أتركه بالسن؟لاتقولين كبرتي لأني لسّى ماأعتبر نفسي كبرت..


وبقدرتي أقدر أعينه وأعاونه


طبعاً هذا رأيي الحين....



جوان سين سؤال:وراه تطالبين اللي متزوجين يتزوجون أو بالأصح تقولين لاتصكون على ازواجكم..؟

وهالشباب كثر التراب لاإله إلا الله ماغير تبطح لاشغل ولامشغلة...


لاتقولين مالقى وظيفة...المهتوي يقطع المستوي....مو حياة عزاب أفضل لنا من الزوجية



تحية


وين مرة عمتس تجي اغير افكاره وان ماخطبت لعمتس

وبعد شهر معرس ماكون ام جوان !

وحيده ادري ان المرأه بسن الاربعين قادره على عمل اي شي ماقول انه عجزت

لاكن تتيح الفرصه لغيرها للتمتع بالحياة ,,

تحيتي لك ياقمر

[ღ ][ وحيدة كالقمر ][ღ]

وحيدوه تكفين غيري توقيعك يحمق


شدعـــــــــــوى<<<أدري إنه قصير هع


ماتاصل عاد ياجوان لهالأمثلة اللي انتي ضاربتهن...وراك تضحك مع فلانة وووالخ


مابقى غيره بعد أسكر إثمه


يضحك مع محارمة عادي.....لكن مع غيرهن....لا وألف لا



<<<الحين نتكلم وحنا ماجربنا وشولن لو جربنا خخخخخخخ



تحية

[ღ ][ وحيدة كالقمر ][ღ]

وين مرة عمتس تجي اغير افكاره وان ماخطبت لعمتس

وبعد شهر معرس ماكون ام جوان !

وحيده ادري ان المرأه بسن الاربعين قادره على عمل اي شي ماقول انه عجزت

لاكن تتيح الفرصه لغيرها للتمتع بالحياة ,,

تحيتي لك ياقمر


والله ماتقدرين.....لو أقولك وش تقول ماتصدقين...بس خلي الطابق مستور


معصي اتيح الفرصة لغيري...ع حساب حياتي ومتعتي...


دوري غيره ياجوان


<<<ترى بقى دقيقة إلا ثانية وتطلع عن طوره



سلالالام

[جوان2007]

وش ها الراي الاعوج !!

تدري وشو الاربعين انتي تدرين ان اليسا عمره اربعين .. وها العمر بلعكس يصيرون عيالهم كبرو ويتفرغون اكثر لبعض


ومييير لو ياصل عمري تسعين وتطيح سنوني بحجري يعرس حر يحره


وحتى لو بغا العرس ونا ع قولتس اربعين انا بعد بعرس وش حيثه

وخذ لي شقه نطح شقته


مابقا الا هي بعد ..

جوان هذا رايي وتسان ملزمه ع رايتس .. > تزوجينن ابوتس !!!! ؟؟


لا والله يابعدي مانيب مزوجتس ابوي ماودي تكسفين مع شيبان !

عاد اتخيل شكلتس معرسه انتي وشوشتك البيضاء ,,اقول اقضبي

عضامت راستس واجلسي عند عيالتس ابرك من الرجاااااااال

منوره ياعسل

[وحده من الوحدات]

تتمتع با الحياااه ع حساابي وعصابي ... عمره ما تمتعت

[جوان2007]

[ وحيدة كالقمر ][ღ;1706511']

شدعـــــــــــوى<<<أدري إنه قصير هع


ماتاصل عاد ياجوان لهالأمثلة اللي انتي ضاربتهن...وراك تضحك مع فلانة وووالخ


مابقى غيره بعد أسكر إثمه


يضحك مع محارمة عادي.....لكن مع غيرهن....لا وألف لا



<<<الحين نتكلم وحنا ماجربنا وشولن لو جربنا خخخخخخخ



تحية




تدرين ياوحيده الله يعين رجلتس عليتس < تراي امزح


وتوقيعك مررررررره صغنطوطي مايشاف

[وحده من الوحدات]

لا والله يابعدي مانيب مزوجتس ابوي ماودي تكسفين مع شيبان !

عاد اتخيل شكلتس معرسه انتي وشوشتك البيضاء ,,اقول اقضبي

عضامت راستس واجلسي عند عيالتس ابرك من الرجاااااااال

منوره ياعسل



ازين مالرجل مرته وعياله


لا عجزت يتفرغ لعياله وتربيتهم موب يراكض ورا الحريم وهو مسؤؤل عن ذريته


وما علي منتس ابوتس تراي حاجزته ..

واسعدني والله موضوعتس ودي مره نتفق !!

[جوان2007]

[ وحيدة كالقمر ][ღ;1706515']
والله ماتقدرين.....لو أقولك وش تقول ماتصدقين...بس خلي الطابق مستور


معصي اتيح الفرصة لغيري...ع حساب حياتي ومتعتي...


دوري غيره ياجوان


<<<ترى بقى دقيقة إلا ثانية وتطلع عن طوره



سلالالام





والله ماستانس لين تعصبين وتطلعين من طورتس ,,

وبعدين مرة عمتس سلمي اي عليه وقولي له تعقل وش هالخرابيط تغار

على زوجه وهي عجوز ,,يعني تتوقعين اني اببتل اغار على

زوجي ولا ابيه يعرس < والله ماظن

[جوان2007]

تتمتع با الحياااه ع حساابي وعصابي ... عمره ما تمتعت


وحيده تشوفينا انتي لوننا معرسات تساان يمكن جوان مهيب ع الوجود الحين

سلامة اعصابتس ياوحده ,,

[جوان2007]

ازين مالرجل مرته وعياله


لا عجزت يتفرغ لعياله وتربيتهم موب يراكض ورا الحريم وهو مسؤؤل عن ذريته


وما علي منتس ابوتس تراي حاجزته ..

واسعدني والله موضوعتس ودي مره نتفق !!


مافيه امل نتفق لانك انتي ماطعتيني ,,ولا ماعرضت عليك

بالرساله الخاصه الاتفاقيه بس انتي رفضتي

وبعدين يهتم الرجل بمرته وعياله من المراه الاولى ماقلنا شي

وهذا واجب من واجباته ,,ولاكن التعدد حق من حقوقه بشرط العدل !

[العبرى]

تنويــــه

السماح بطرح مواضيع بسيطه..وعاميه لايعني أبداً

تحويلها لسوالف..

نرجو إحترام الفكره..والحوار الراقي

حفاظاً على بقاء الموضوع..

[جوان2007]

نعتذر يأستاذه العبرى على مابدر منا ..ولكي منا جزيل الشكر

[وحده من الوحدات]

عندي استنتاج يا جوان ممكن يبرر لي موضوعتس واكيد انشااء الله اننا بنتفق عليه


انه قد تسمح الزوجه بزواج زوجها في حاله واحده > طبعا تسمح برضااا موب غصب عليه

اذا كان الزوج عصبي وعله مطاوله ع قولتهم موسوس يعني تتحمله بس عشان عياااله ويكون بعد صاكن عليه لا اهل ولا صديقات ولا تقدر تحضر مناسبات

فا ممكن انه ترفع الحجر عن رجله ويكون يوم لرجله ويوم له طلعات ووناسه


وموضوعتس اقدر امشيه ع اساس لو به خير ما عافه الطير

[جوان2007]

استنتاج مقبول وحلو ...يابعدي انتي شكل الموضوع محمقتس

يارب مايعرس عليتس رجلتس ابد ويسخره لتس

مشكوره على التفاعل منوره يالغلا

[لينااا]

اللي بيتزوج وحده ثانية

ماراح شي يعيقه وهذا امر راسخ بتفكيره

إما لأنه شايف نقص بزوجته .. أو أنه لعوب وإنسان يعشق التغيير

لما يكون الزواج لوجود عيب في شريكة حياته ماأعتقد فيه مانع

رغم انه هالأمر راح يأثر على الزوجه الأاولى ويمكن " تنجلط " .. :(

لكن لو كان الرجل لعوب او إنسان فوضوي ويحب التغيير .. بسلامته

أهم شي يصرف على الزوجه وعيالها لو كانت غير موظفه او الأولاد فقط في حال انها موظفه


ويروح هو بسلااااااااااااااااااااااااااااااااامته بقلعة وادرين

بارك الله بمن زار وخفف

[EMIY]

جوان

انتي بالذات لو يطري له يعرس

انتحرتي

<<بنت عمتس متنكرة

[قصيميه بالرياض]

اتوقع انك زوجه ثانيه ياجوان

[المخمليه]

جـــــــــــــــــــــــــــــــــــــــــــــــــ وااان ..؟؟أنــــــــــــجنيتي ؟؟
مـــــــــــستحيل يعـــررس علي مــستحــيل
لا بــعد وأصــغر مني مـــــــــعصي..؟؟
يــــــطلقني أبركـ ليـــ
بـــــــــس تكــبرين وتعــرسين ويــعرس رجــلكـ عليكـ يومـــها قولي
ما أبي جـــــــااارة

[جوان2007]

اللي بيتزوج وحده ثانية

ماراح شي يعيقه وهذا امر راسخ بتفكيره

إما لأنه شايف نقص بزوجته .. أو أنه لعوب وإنسان يعشق التغيير

لما يكون الزواج لوجود عيب في شريكة حياته ماأعتقد فيه مانع

رغم انه هالأمر راح يأثر على الزوجه الأاولى ويمكن " تنجلط " .. :(

لكن لو كان الرجل لعوب او إنسان فوضوي ويحب التغيير .. بسلامته

أهم شي يصرف على الزوجه وعيالها لو كانت غير موظفه او الأولاد فقط في حال انها موظفه


ويروح هو بسلااااااااااااااااااااااااااااااااامته بقلعة وادرين

بارك الله بمن زار وخفف


تنجلط عشان رجل !! الله يستر

اكيد انه راح يصرف على زوجته الاولى وعياله لان هذا من ضمن واجباته

سواء كانت زوجته موظفه اوغير وموظفه

اشكرك على المرور منوره يالينا

[جوان2007]

جوان

انتي بالذات لو يطري له يعرس

انتحرتي

<<بنت عمتس متنكرة

والله يابنت عمي ماتوصل للانتحار ,,


الله يكفينا الشر ,,منوره يابنت عمي

[جوان2007]

اتوقع انك زوجه ثانيه ياجوان

ايه وش دراتس ,,مشكوره على المرور ياقصمنجيه

[جوان2007]

جـــــــــــــــــــــــــــــــــــــــــــــــــ وااان ..؟؟أنــــــــــــجنيتي ؟؟
مـــــــــــستحيل يعـــررس علي مــستحــيل
لا بــعد وأصــغر مني مـــــــــعصي..؟؟
يــــــطلقني أبركـ ليـــ
بـــــــــس تكــبرين وتعــرسين ويــعرس رجــلكـ عليكـ يومـــها قولي
ما أبي جـــــــااارة


شوفي لاجاء يعرس عليتس ولا عمرتس اربعين ,,وانا قلت اهم شي تكون

الزوجه الثانيه كبيره للقضاء على مشكلة العنوسه يعني تصير متعديه الــ35

مابينتس وبينه شي

بتصير عجوز مهيب بنت بتاكل عقل الرجل !


منوره يالمنسمه يامخمليه

[قصيميه بقوه]

ياكثر خرابيطك ياجوان

شكل زوجك شين الشكل والاخلاق وبهذه الحاله معذوره زوجيه عشر وافتكي منه

[السعلوالجميل]

على ايدك والله ودي اتزوج ثانيه ونستربنات الناس بس وينهن كلن يقول واجد بس ماشفناشي

[التقدم]

جوان
الله يعينك على هالحريم اللي ربطن شعورهن بزواج رجالهن بموضوعك

[جوان2007]

ياكثر خرابيطك ياجوان

شكل زوجك شين الشكل والاخلاق وبهذه الحاله معذوره زوجيه عشر وافتكي منه


والله ماحد له علاقه بزوجي واخلاقه !!


وش هالبجاحه الي تتمتعين بها ياقصيميه


وبعدين ماقلت زوجوا رجالكم عشان اخلاقهم واشكالهم الشينه ,,

لاكن عشان نخفف من نسبة العنوسه يا ...!

[صدى الصوت]

جواااااااااااااااااااان2007

والله صدقتي بكل حرف

انا اؤيد وبشده هالموضوع

وكم مره كلمت فيه ناس

[المعذب]

مؤيد

وفيه حد يكره يا سلام


بس اخاف اذا جاء الوقت وتزوج عليك ذبحتيه

[عاشقة الطير]

شوووفي ياجوان .. لين صرت مقصره معاه له الحق يعرس .. لو كان عمري 60 الحرمه السنعه سنعه لو وش يصير ..

وبعدين تعالي .. الرجاجيل مالهم امان ..
إلا من خاف ربه واعدل بين زوجاته ..

بس اني اقوله ياويلك تعرس مرتن ثانيه ممم
يمكن انا منقصه بحقه شي فا ليش اقول تسذا
وعلى قولة عبدالله30 .. الاولى لها بالقلب
مكانه خاااصه جدا وخصوصا إذا كان يحبها ..

تشكرات جوان .. وعسى بس لين اعرس رجلتس
عليس تكونين اول من يروح لبيت اهله .. الله لا يقدر :D<<ماتفاول هع

[زرقاء نجد]

أما جوان وجمال الطفوله بجد غريبات؟؟؟؟؟؟؟؟؟؟؟

[جوان2007]

على ايدك والله ودي اتزوج ثانيه ونستربنات الناس بس وينهن كلن يقول واجد بس ماشفناشي



حرام عليك انت مرتك توه صغيره ياراقل ....تشرفت بمرورك

[جوان2007]

جوان
الله يعينك على هالحريم اللي ربطن شعورهن بزواج رجالهن بموضوعك

كان الله بعون الجميع ,,الحريم اهم ماعليهن رجالهن لو تطري انه بيعرس عليه انهبلت

مشكور منور الصفحه

[جوان2007]

جواااااااااااااااااااان2007

والله صدقتي بكل حرف

انا اؤيد وبشده هالموضوع

وكم مره كلمت فيه ناس


الحمد لله انك مؤيد فكرتي وقناعتي اشكرك جزيل الشكر على المرور

[جوان2007]

مؤيد

وفيه حد يكره يا سلام


بس اخاف اذا جاء الوقت وتزوج عليك ذبحتيه

مأضن تتغير قناعتي مادام اني اللحين اقول كذا اذا كبرت اكيد ماراح اعرضه ابد


مشكور على المرور حياك يالمعذب

[الدانة]

لو هو رجلتس الي متزوج كان ما قلت هالكلام يله
إذا أنتي تبين الخير لبنات الناس اخطبي لرجلتس
وحده ثانية عليتس

[جوان2007]

شوووفي ياجوان .. لين صرت مقصره معاه له الحق يعرس .. لو كان عمري 60 الحرمه السنعه سنعه لو وش يصير ..

وبعدين تعالي .. الرجاجيل مالهم امان ..
إلا من خاف ربه واعدل بين زوجاته ..

بس اني اقوله ياويلك تعرس مرتن ثانيه ممم
يمكن انا منقصه بحقه شي فا ليش اقول تسذا
وعلى قولة عبدالله30 .. الاولى لها بالقلب
مكانه خاااصه جدا وخصوصا إذا كان يحبها ..

تشكرات جوان .. وعسى بس لين اعرس رجلتس
عليس تكونين اول من يروح لبيت اهله .. الله لا يقدر :D<<ماتفاول هع


ماتشوفين مسلسل الخراز ..منى شداد حبيبه هي وجارته !

لو يقتدن به الحريم ياسلام سلم <<قاعده تشوف المسلسل ومتأثره.....

مشكوره حبيبتي منوره

[جوان2007]

أما جوان وجمال الطفوله بجد غريبات؟؟؟؟؟؟؟؟؟؟؟


مالغريب الا الشيطان ..والله لو كل الحريم يفكرن بعقولهن مو بقلوبهن ان كان

بانفسهن يزوجن رجالهن ...

منوره يازرقاء اشكر لك تواجدك

[جوان2007]

لو هو رجلتس الي متزوج كان ما قلت هالكلام يله
إذا أنتي تبين الخير لبنات الناس اخطبي لرجلتس
وحده ثانية عليتس

يادانه توي لاتميت اربعين سنه زوجته :b3:


اشكرك على المرور





اشكر جميع الاعضاء الكرام مرورهم في متصفحي :for12:

[أم اليسر]

بما أنني عضوه جديده على المنتدى -فمن الطبيعي أن يكون ردي في الأخير-

ولكن لايمنع هذا من المشاركه-ولو بكلمه بسيطه تعطي لصاحبة الموضوع حقها بالرد عليها كسائر الردود-

غاليتي-جوان

سوف أحرص أن يكون ردي مختصرا قدر المستطاع-

-الفتاة إذا تعدت سن الزواج ليس بيدها سوى أحد أمرين أحلاهما مر
(إما أن تكمث في بيت أهلها حتى أخر العمر-

أو الرضى بأي زوج ترضى دينه وخلقه حتى لو كان كبيرا بالعمر أو فقيرا معدم -أو يمتلك عددا من الزوجات-
فليضع كلا منكم نفسه مكانها فأيهما تختار)

-الزوج الذي ينوي الزواج من ثانيه إذا كان الله قد كتب له الزواج منها فهذا كتبه الله يوم أن خلقه سبحانه

وتعالى وهو مسير وليس مخير -وأمرا قضى الله فيه وانتهى -فلما الحزن إذا-

-الزواج من أخرى ليس بالعيب ولا بالحرام -بأي شكل من ألاشكال -فقد أحله الله للرجال بدون أي شرط

يذكر غير (العدل) قال تعالى (وإن خفتم أن لاتعدلو فواحده) وللرجال هذا الحق مشرعا من رب العباد

وليس لأي زوجه حق الآعتراض بأي سببا من ألاسباب-مهما تكن-


-ربما يطال من يعترض على هذا الامر بعض الأثم -كالاعتراض على ماشرعه الله لخلقه

-ولتفكر كل واحده من بنات حواء أن من جعل هذه الفتاة تعيش هذا الأمر بكل حزنه وهمه قادرا

على أن يجعلها هي أو أحد بناتها تعيش هذا الامر واقسى منه -فلتتقي الله فهو ليس أمرا باليد

لتتزوج متى شاءت وعلى من تشاء -فهو أمرا مقضي -وأنتم تعلمون هذا -فاستغفرو لربكم -


-نداء بسيط لكل فتاة بعمر الزواج أن تتقي الله في نفسها وأن تتنازل عن بعض الشروط لزوج المستقبل
فلا تعلم هي ما الله كاتب لها -


(جوان أختي الغاليه -أشكرك من أعماق قلبي على مايحمله قلبك وقلمك من هموم لغيرك )

[الماسة محتاسة]

أو الرضى بأي زوج ترضى دينه وخلقه حتى لو كان كبيرا بالعمر أو فقيرا معدم -أو يمتلك عددا من الزوجات-
فليضع كلا منكم نفسه مكانها فأيهما تختار)
وهل في نظرك ان من عنده عدد من الزوجات خير من الفقير المعدم؟؟؟!!!!!!
الفقير خير من المعدد الاف المرات..
والفلوس مهب كل شي...

[جوان2007]

بما أنني عضوه جديده على المنتدى -فمن الطبيعي أن يكون ردي في الأخير-

ولكن لايمنع هذا من المشاركه-ولو بكلمه بسيطه تعطي لصاحبة الموضوع حقها بالرد عليها كسائر الردود-


حياك الله ومنوره الموضوع وشرفني مرورك

غاليتي-جوان

سوف أحرص أن يكون ردي مختصرا قدر المستطاع-

عادي خوذي راحتك وانا كلي اذان صاغيه

-الفتاة إذا تعدت سن الزواج ليس بيدها سوى أحد أمرين أحلاهما مر
(إما أن تكمث في بيت أهلها حتى أخر العمر-

أو الرضى بأي زوج ترضى دينه وخلقه حتى لو كان كبيرا بالعمر أو فقيرا معدم -أو يمتلك عددا من الزوجات-
فليضع كلا منكم نفسه مكانها فأيهما تختار)


اكيد بختار الخيار الثاني اقلها انجب اولاد قبل فوات الاون وارجوا ان الله يعوضني بأولادي .

-الزوج الذي ينوي الزواج من ثانيه إذا كان الله قد كتب له الزواج منها فهذا كتبه الله يوم أن خلقه سبحانه

وتعالى وهو مسير وليس مخير -وأمرا قضى الله فيه وانتهى -فلما الحزن إذا-

وكذلك قد شرعه الله واحله ..لماذا النساء ترفض الزواج عليها وبشده!

وهو امراً مباح

-الزواج من أخرى ليس بالعيب ولا بالحرام -بأي شكل من ألاشكال -فقد أحله الله للرجال بدون أي شرط

يذكر غير (العدل) قال تعالى (وإن خفتم أن لاتعدلو فواحده) وللرجال هذا الحق مشرعا من رب العباد

اكيد من اهم الشروط اذا اراد الزوج الاقدام على الزواج مره اخرى ان يعدل

وليس لأي زوجه حق الآعتراض بأي سببا من ألاسباب-مهما تكن-


-ربما يطال من يعترض على هذا الامر بعض الأثم -كالاعتراض على ماشرعه الله لخلقه


-ولتفكر كل واحده من بنات حواء أن من جعل هذه الفتاة تعيش هذا الأمر بكل حزنه وهمه قادرا

على أن يجعلها هي أو أحد بناتها تعيش هذا الامر واقسى منه -فلتتقي الله فهو ليس أمرا باليد

نعم صدقتي ..وكثير قالو لي بالموضوع انك انتي عانس او زوجه ثانيه او احد اخواتك عانس فقلت اني ولله الحمد متزوجه بسن مبكر ولاكن احس بمشاعرهن
واحاسيسهن ولهفتهن للزواج

لتتزوج متى شاءت وعلى من تشاء -فهو أمرا مقضي -وأنتم تعلمون هذا -فاستغفرو لربكم -


-نداء بسيط لكل فتاة بعمر الزواج أن تتقي الله في نفسها وأن تتنازل عن بعض الشروط لزوج المستقبل
فلا تعلم هي ما الله كاتب لها -

نعم هناك شروط تعجيزيه للزوج مما يجعله يفر منها !


(جوان أختي الغاليه -أشكرك من أعماق قلبي على مايحمله قلبك وقلمك من هموم لغيرك )

الشكر موصول لك ولمرورك الكريم ,,وانا من اشد المعجبين لردودك لاني اتابعها في هذا القسم فقط فانتي تتمتعين بثقافه عاليه واسلوب رائع وجذاب

واعتذر عن التأخير في الرد
...............



الله يوفق البنات ويرزقهن ياكريم

[جوان2007]

وهل في نظرك ان من عنده عدد من الزوجات خير من الفقير المعدم؟؟؟!!!!!!
الفقير خير من المعدد الاف المرات..
والفلوس مهب كل شي...

انا معك ان الفلوس مهب كل شي لاكن المعدم من وين له يصرف حتى على نفسه

الي وضعه المادي ضعيف عادي اذا يسكن عند اهله عشان تطيح عنه المصاريف

لاكن المعدم !!!

بصراحه المعدد ارحم من المعدم..مشكوره على المرور منوره يالغلا

[الماسة محتاسة]

انا معك ان الفلوس مهب كل شي لاكن المعدم من وين له يصرف حتى على نفسه
شوفي ياجوان مافيه شي اسمه معدم..
الشاب اذا تزوج لازم يدور له على شغله لو يبيع بسوق الحريم..
الي وضعه المادي ضعيف عادي اذا يسكن عند اهله عشان تطيح عنه المصاريف
هذا حال اغلب الشباب..
بصراحه المعدد ارحم من المعدم..
لاياحبيلك واهمه..
اعرف حريم تزوجن من شباب مااقول وسط..
لا..اقل من الوسط..
ومع ذلك حياتهن مستقرة جدا..
لكن مااعرف ولاوحدة تزوجت من معدد وانبسطت..
بصراحة اللي تتزوج معدد..
كالمستجير من الرمضاء بالنار....
مشكوره على المرور منوره يالغلا
تسلمين...

[سعد المصارير]

ههههههههههههههه

الرسول صلى اله عليه وسلم عدد لأسباب وهي

أن الزواج من كبيره او مطلقه او زوجة قريبي او زوجة ربيي وهكذا لا غبار عليه

وليس لانه شخص مزواج

[أبوليان]

والله العرس زين بس اخاف من ام العيال ( يقالي شايب )
والله لو اقوله ابوك مات ممكن اهون من اني اقوله ابي اتزوج
ودمتـــــــــــم محبـــــــــــكم ابــــــــــــــو لــــــــــيان

[غريب الدار]

لن يقضى على العنوسه الا بالتعدد من قبل الرجال

ودعم الحكومه للتعدد كما تدعم بعض الدول الخليجيه من يعدد


بشرط ان من يريد التعدد يعدل...

[جوان2007]

شوفي ياجوان مافيه شي اسمه معدم..
الشاب اذا تزوج لازم يدور له على شغله لو يبيع بسوق الحريم..

الله يرزقهم من اوسع ابوابه يارب

هذا حال اغلب الشباب..

لاياحبيلك واهمه..
اعرف حريم تزوجن من شباب مااقول وسط..
لا..اقل من الوسط..
ومع ذلك حياتهن مستقرة جدا..
لكن مااعرف ولاوحدة تزوجت من معدد وانبسطت..
بصراحة اللي تتزوج معدد..
كالمستجير من الرمضاء بالنار....
اكيد ان المعدد اصعب حياة ,,لاكن اذا ضروف الرجل الذي لم يسبق له الزواج صعبه مررررررررره فالمعدد افضل <<مصره
الا اذا بتتنازل المرأه عن اغلب متطلباتها للعيش بسلام مع زوجها المعدم فهذا مأتمناه ,, ياليت كل البنات تمشي على ضروف زوجها ولا تقعد تناظر لفلانه وعلانه !
تسلمين...


الله يسلمك واشكرك يالماسه

[جوان2007]

ههههههههههههههه

الرسول صلى اله عليه وسلم عدد لأسباب وهي

أن الزواج من كبيره او مطلقه او زوجة قريبي او زوجة ربيي وهكذا لا غبار عليه

وليس لانه شخص مزواج

وحنا قلنا بالموضوع تزوجوا على بنات كبار بالسن يكون عمرها فوق الـ35

اشكرك على المرور

[جوان2007]

والله العرس زين بس اخاف من ام العيال ( يقالي شايب )
والله لو اقوله ابوك مات ممكن اهون من اني اقوله ابي اتزوج
ودمتـــــــــــم محبـــــــــــكم ابــــــــــــــو لــــــــــيان


بعض النساء اهون عليه يموت ابوها ولا يتزوج عليها زوجها,,

مادام زوجتك صغيره فمن الافضل الانتظار وتشيل فكرة الزواج من راسك حالياً<<من وجهة نظري

اشكرك ابو ليان على المرور

[جوان2007]

لن يقضى على العنوسه الا بالتعدد من قبل الرجال

ودعم الحكومه للتعدد كما تدعم بعض الدول الخليجيه من يعدد


بشرط ان من يريد التعدد يعدل...


بيد الرجال الحل وهو التعدد .. واهم شي العدل ,,

اشكرك على المرور ياسليمانـ

[بدر بريده1]

كفووووووووووووووووووووووووووووووووووو والله بنت رجال الله يكثر من امثالك !!!!!!



اولاه يا جوان لو كل البنات يفكرن مثلك !!!



اهنيك على جرأتك وطرحك الرائع !


شكرا ...

[طائر الأشجان]

انا ضد اللي يتزوج واحده............وضد اللي يتزوج ثنتين؟؟؟؟؟؟؟؟؟
اما يتزوج الشخص اربع نساء او لا يتزوج بالخالص
هذه نصيحتي

فعلا هذا الشيء المناسب ...للي ممكن يستوعب هذه الفكره ....لكنها افضل طريقة هذه الايام
ولأسباب كثيره لا يسعني سردها الان

ولو تزوجت اربع نساء يجب ان تشري اولا وقبل كل شيء مودم دي dsl اربعه مخارج عشان ما تقع باول مشكله
تحياتي لكم

[العصامي]

أم اليسر


تصحيحاً للآية الكريمة

قال تعالى (فان خفتم الا تعدلوا فواحده )


فاستغفرو لربكم .. الصحيح فاستغفروا ربكم

[مــسفـ..ـهل]

المشكلة مادية بالنسبة للرجل..وسمعة بالنسبة للمراة..

صدقين لو كل الرجال بالذات في السعودية مقتدرين ماعندهم اي مشكلة ياخذ اربع العذارى باسبوع..

اما المراة تخبرين هالحريم يحبن يسولفون وراه وش مسويتن برجله اكيد مقصرتن معه..وهكذا..

بالتوفيق...

[سيميــآء \=]

انا اكون مع الرجال اذا اعرس اذا كانت المراة مقصرة بشئ او عقيم مثلاً

امّا اذا اعرس بس كذا (طنّة) لا والف لا ........

[الالماسه]

مرحبا..............
أنا صراحة مستغربة من تساهلك في هذا الأمر مع ان كل اللي يجربونه
يتعذبون ويتبهذلون مع رجالهم ،لكن انتي معذورة لانك ماجربتي ولوتجربين كان قدرتي معنى كلامك... وان كنتي تعتقدين ان الرجال ماراح يتغير عليك بعد الزواج فانتي غلطانة.وأحنا ماننكر انه حلال لكن فيه ناس تتزوج بدون حاجة وبدون مبرر يعني (فسق)

[باونتي]

الا العرس
برايي ان اي امراه تفكر كذا .... امراه غير غيورة
لاتغار على زوجها

الغالي غالي لو بعد الخمسين

والبنات اللي بلا عرس ياخذونهن رجال كبار ماتزوجو وياكثرهم

والحين بالزمن هذا
زين اللي الحريم ماتتزوج على رجالها


جوان ... من جد غريبهـ

[جوان2007]

كفووووووووووووووووووووووووووووووووووو والله بنت رجال الله يكثر من امثالك !!!!!!



اولاه يا جوان لو كل البنات يفكرن مثلك !!!



اهنيك على جرأتك وطرحك الرائع !


شكرا ...

مشكور اخوي على الاطراء ,اعجبتك السالفه خخخخ

منور الموضوع بمرورك

[جوان2007]

انا ضد اللي يتزوج واحده............وضد اللي يتزوج ثنتين؟؟؟؟؟؟؟؟؟
اما يتزوج الشخص اربع نساء او لا يتزوج بالخالص
هذه نصيحتي

الله يعينك على الاربع !

يبيلهن واحد تاااااااااجر يالله يلبي طلباتهن
فعلا هذا الشيء المناسب ...للي ممكن يستوعب هذه الفكره ....لكنها افضل طريقة هذه الايام
ولأسباب كثيره لا يسعني سردها الان

اسردها في وقت لاحق ننتظرك ..

ولو تزوجت اربع نساء يجب ان تشري اولا وقبل كل شيء مودم دي dsl اربعه مخارج عشان ما تقع باول مشكله
تحياتي لكم

بس دي اس ال والله ياهي سهله ,,ياليت هذا اهم شي

اربع حريم كل وحده تسحب منك من جهه لاكن عسى الله يرزقك اربع حريم

ويوقفك في حياتك ,,اشكرك على المرور منور

[جوان2007]

أم اليسر


تصحيحاً للآية الكريمة

قال تعالى (فان خفتم الا تعدلوا فواحده )


فاستغفرو لربكم .. الصحيح فاستغفروا ربكم


مشكور على التصحيح بالنيابه عن ام اليسر

[عبدالله القيعاني]

والله ماحد له علاقه بزوجي واخلاقه !!


وبعدين ماقلت زوجوا رجالكم عشان اخلاقهم واشكالهم الشينه ,,

لاكن عشان نخفف من نسبة العنوسه يا ...!



جوان .


لكن لو نظرنا للحقيقه لاااعتقد فيه مرأه توافق على ان زوجها ياخذ ثانيـــــه ..

حتى لو بلغ عمرها 70 سنه ...

اذا اردت تعرف كثرت البنات خليك قريب من الكليه او طريق الملك فهد شف كم الباصات التي تحمل البنات ..

انا من الناس اؤيد الواحد ياخذ زوجــــــــه ثانيـــــــــــــه للتخفيف من العنووسه التي نشهدها بالبيوووت ..

وخصوصا حالياً نعيش بالغلا ..

لذا سوف نشهد زيادهـ العنوووووووووووووووووسه ..


تحياتي لك ،،