~رفيقتــي في مشكلـة..مالحــل؟ ~

[سماااهر]

عنــدي وحده من رفيقـاتي عندها مشكلة مع " الجــوال " قالت لي:
الله يخليك إعرضي مشكلتي في هذا المنتدي لأجد لها حل !!
~هي تتابع ردودكم خلف الكواليس ~
تقووووووووول :
أعاني من الازعاج منذ زمن من أتصالات عديده ومن ارقام مجهوله
لا أعرف مصدرها مااالحــــــــــــــــــــــل ؟!!
في البداية كنت لاأهتم في الاتصالات.. بعــــدين بدأت تكثر المكالمات
والرسائل ..مع العلم اني لا ارد على كل اتصال ..!!
بعضهم يذكر اسمي .. ويقول ردي على ..!!"في رساله"

حاولت جاهده في ابعداهم ..وكانت أول محاولاتي تغير رقمي أكثر من
أربع مراات ولازالت الأتصالات مستمره ..
أخبرت أخــــــي قام بالاتصال ببعض الأرقام البعض يقول : أن شابا أستخدم هاتفي المحمول وذهب ولا أعرفه وهكـــــــــــذا !!!
والأهــــــــــــــــــم ..ان أخي بدا ينزعج من هذي الأتصالات ويقول اذا أستمر الحال سوف ألغي رقمك >>>>>>> وخوفي من هذا لاني ماأعبر بلا جوال
ساعدونـــــــــــــــــــــــــــي ارجووووووووووكم ؟؟؟؟؟

أنتظر ردودكــــــــــــــم

[عزف الحقيقة]

مرحبا سماهر

ربما يعود السبب لأحد صديقاتها 0

وللتاكد دعيها تغير الجوال بدون علم أحد بالرقم لتقف على الحقيقة0

[سلطانة]

هذا يعرفها يااخو لحدا صديقاتها والا يقرب لها "ولد خال ولد عم"
لو تغير رقمها وتعطيه مجموعه معينه وتصبر تشوف يعرفه او لا ان مادق عليه تعطيه لمجموعه ثانيه لين تصيده بأي جهه..ثم تغيره وتعطيه لبنت بنت بالتدريج اكيد بعدها بتعرف
والله يعينها على ويستر عليها

[رحيل]

حبيبتي سماهر

إذا كان الإزعاج من نفس الأرقام فهذا أحد قريب منه

أو أن من أرقام مختلفه بس كلهم يذكرون إسمه فبدون شك إنه قريب منه

وإذا كان قريبين منه لو تغير أرقامه من السهل يوصلون لها

وإذا هو مزعج عابر فالأمر بإذن الله سهل مجرد ماتغير بترتاح

ثانيا الرقم بإسمه ولا بإسم أحد من أهله

لإنه إذا بإسمه يكون عرف عن هذه الطريقه فتستبعد إنه قريب

وأنا أنصحه إنه ماترد وأكيد بيمل ولايرجع يتصل يقطع الأمل منه إنه بترد عليه

[علشانك بس]

حصل لي نفس اللي حصل لصديقتك ,, لكن انا عرفت من اللي يدق علي ويرسل ويذكر اسمي برسايله ,, الشخص هذا طلع من اقاربي لكن من بعيد ,, حصل الرقم بجوال اخته وماصدق خبر باللعب ,,
انا فورا غيرت الرقم ,, ولا حاولت انشرة لأني ماشفت خير من وجود رقمي بجوال كل بنت ,,
نصيحة لرفيقتك ,, تطلع رقم جديد ولا تعطيه الا اقرب القرايب لها ,, حتى صديقاتها لاتحاول تنشر رقمها بينهن ,,
المفروض تخلي الجوال للحاجة فقط ,, والسوالف مع الصديقات والقريبات تخليها بالثابت اريح واضمن ,,,
لأن المتصل اللي يعرف اسمها ويعرف ارقامها الجديدة عرفها عن طريق صديقاتها او عن طريق قرايبها البعيدين ,,
الزبده هذا شخص يعرفها عن قرب ,, اذا سمعت نصيحتي بإذن الله راح ترتاح ,,
فوووتك بعافية ,,,

[تلميذة الحياة]

مرحبا اختي,,
خليها تغير الرقم وماتعطيه الا عائلتها فقط !!

والا تسوي مثل سالفة طاش ماطاش يواعدون اللي مزعجهم بمكان
ويجتمعون اخوانها ويجلدونه :c9:


الله يستر عليها ويحفظها من كل مكروه..

.

دمتِ بخير

[علشانك بس]

والا تسوي مثل سالفة طاش ماطاش يواعدون اللي مزعجهم بمكان
ويجتمعون اخوانها ويجلدونه
ههه والله انها فكرة ياتلميذة ,, بس وين اللي قلبها قوي تواعدة عشان ينجلد وياخذ حقة ,,

[رحيل]

أخاف يطوي إذا كان يعرف إسمه ويمشي وفي كل مصيبه يسدح إسمه والناس ماتكذب خبر

[أبو تهاني]

مع العلم اني لا ارد على كل اتصال ..!!
بعضهم يذكر اسمي .. ويقول ردي على ..!!"في رساله"



سماهر تسلمين على هالموضوع

خويتك تقول ما أرد على كل الإتصالات يعني ترد على بعضها و هذا هو اللي يسبب لها الازعاج

و بعدين إذا كان يكتب أسمها برساله أكيد يعرفها بطريقة ما !!!!

أحسن حل تغير رقم الجوال و لا ترد على أي رقم ما تعرفه

و إذا تكرر الإتصال من أي رقم لازم تخلي أقرب رجال عنده يرد عليه علشان ما يكرر الازعاج

و إلا حطي الارقام المزعجة هنا بالموضوع و أنا اوريهم الشغل

[][(مشعل)][]

وش تبي اصلن بالجـــــــــــوال ماوره غير المشاكل كل عمرهـ

عايشه من دون وراه اللحين ماتقدر تستغني عنه

[أنت آخر آمالي]

سماهر إذا غيرت الجوال ونفس الحكاية يتصلوون تخلي الجوال مع أحد أخوانه لفتره علشان ينسوون الرقم 0

الله يعينه ويبعد عنه المكروه

[شخصية]

الحل هو أن تمتلك رقمين
رقم local (محلي) .. يوجد فيه أرقام عائلتها فقط , مفتوح دائما
و
رقم global (خارجي) .. يوجد فيه كل الأرقام ( زميلات العمل , الطالبات , بنات العمومة , اشتراكات المطاعم , الخياط , الخ الخ الخ ) .. وهذا غالبا يكون مقفل , ويستخدم عند الحاجة فقط

[التقدم]

سماهر

السلام عليكم انا صارت نفس القصه بجوال زوجتي فذهبت الى الشرطه واعطيتهم الرقم وبعدها مااتصل وقالو لي اذاكرر الاتصال فيه قسم بالاماره يتصرفون معه ويجيبونه

[نـ.سـ.يـ.نـ.اكـ.م]

الســـلام عليكم

أخت سماااااهر

الأتصالات السعودية تقدم خدمه أتمني أن تفيد رفيقتك


الأتصالات السعودية تخصص رقماً مجاناً لشكاوي المعاكســـــــــــــــــــــــات

وذلك بعد تعرض الكثير للمعاكسات الهاتفية وغيرها>>>>>>>>>>>>>

وهو 8003030902

وشكراااا

[كيفي عتيبي]

أخبرت أخــــــي قام بالاتصال ببعض الأرقام البعض يقول : أن شابا أستخدم هاتفي المحمول وذهب ولا أعرفه وهكـــــــــــذا

وعاد اخوك يسكت ويقفل ؟؟؟


ماشوف الامر خطير ..
اخوك يقدر يتصرف ..

بس شكلك ( علمتي ) الصغير .. وماعرف !!

علمي اخوك اللي اكبر منه http://forum.buraydh.com/images/icons/icon12.gif

.

[سماااهر]

مرحبا سماهر

ربما يعود السبب لأحد صديقاتها 0

وللتاكد دعيها تغير الجوال بدون علم أحد بالرقم لتقف على الحقيقة0


لابد أن يعرفوا رقم الجوال ..ولو بعد فترة
رغم أنها متحفظه على رقمها ..

[سماااهر]

هذا يعرفها يااخو لحدا صديقاتها والا يقرب لها "ولد خال ولد عم"
لو تغير رقمها وتعطيه مجموعه معينه وتصبر تشوف يعرفه او لا ان مادق عليه تعطيه لمجموعه ثانيه لين تصيده بأي جهه..ثم تغيره وتعطيه لبنت بنت بالتدريج اكيد بعدها بتعرف
والله يعينها على ويستر عليها

فكرتك حلوووه... يبيلها نفس طويل ..
شكر لك سلطانه

[سماااهر]

حبيبتي سماهر

إذا كان الإزعاج من نفس الأرقام فهذا أحد قريب منه

أو أن من أرقام مختلفه بس كلهم يذكرون إسمه فبدون شك إنه قريب منه

وإذا كان قريبين منه لو تغير أرقامه من السهل يوصلون لها

وإذا هو مزعج عابر فالأمر بإذن الله سهل مجرد ماتغير بترتاح

ثانيا الرقم بإسمه ولا بإسم أحد من أهله

لإنه إذا بإسمه يكون عرف عن هذه الطريقه فتستبعد إنه قريب

وأنا أنصحه إنه ماترد وأكيد بيمل ولايرجع يتصل يقطع الأمل منه إنه بترد عليه






عزيزتي رحيل ..
هي كانت ترد على اول اتصال ..بعدها تسهج
بس مايفيد ..يجلسون وراها بالاشهر.. خبرك!!!

[سماااهر]

علشانك ..
حلو انت حصلت اسمائهم ..لا هي اذا سألت عن الرقم يطلع باسماء أجانب
اوبأسماء بعيده كل البعد عن العائلة .. شكر لك

[**"إشرااقة أمل"**]

اكيد احد يعرفها .............. لاترد على الأتصالات من ارقام مجهوله

وإذا كان الرقم باسمه أو اسم احد من اهلها تغير الرقم وتخليه بطاقه ........

تطنييييييييييييييييييييييييييييييييييييييش خير من الف تغيييير للرقم ...........

[سماااهر]

مرحبا اختي,,
خليها تغير الرقم وماتعطيه الا عائلتها فقط !!

والا تسوي مثل سالفة طاش ماطاش يواعدون اللي مزعجهم بمكان
ويجتمعون اخوانها ويجلدونه :c9:


الله يستر عليها ويحفظها من كل مكروه..

.

دمتِ بخير

هي غيرت وملت من كثر ماتغير ..بحيث مايمر شهر الا والمسلسل بادي
اما سالفه طـــــــــــاش .. هع هع
ماقالت لاخوانها تبينها تواعدهم ..كان الوعد المقبره
امين الله يستر على بنات المسلمين

[سـمـا]

حسبي الله عليهم موذيننا بكل مكان

[عابر سرير]

من جد ترى الحقران يقطع المصران
ومافيها شي اذا غيرت جوالها
اعتقد ان تغيير رقم الجوال ضاهره صحيه وموضه عصريه للبنات خاصة
دمتم بود

[قلب الأسد]

بأعتقادي ان افضل الحلول هو حل شخصيه تأخذ رقمين رقم للعائله ورقم للجميع
في البدايه وبعدين الرقم حق الجميع يكون نشره تدريجي يمكن تصيد مصدر الازعاج
وشوفي اذا غيرتي رقمك وبقي الازعاج كما هو. ارسلي رقم او رقمين اوريك فيهم
اتكلم جد ((عندي طريقه تقدر تبعدهم بأسرع وقت)) وسبق سويته لكثير من زوجات
وخوات اصدقاء لي.. وراح الازعاج عنهم .

[جبل عمر]

أول شي وأهم شي وأهم شي وأهم شي

إن أي اتصال أو رسالة تعلم أبوها أو أخوانها على شان يعرفون الوضع ويتصرفون صح

لأن الرقم هذا ما جاء إلا من أحد صديقاتها أو قرايبها يعني متبليها وقاصدها لأنه يذكر اسمها
وهذا دنيء و الي صلح كذا عادي بكرا مثل ما وصل للرقم من خلال طرف معين بكرا تتصور البنت
وتكون الصور عامل تهديد وضغط عليها إذا ما ردت على الاتصال أو الرسايل أما إذا كان أبوها أو اخوانها عارفين السالفة ماراح يجيها شي ولا راح تقلق ولا أحد يقدر يهددها وتكون مطمأنه


ومثل ماقالوا إخواني الأعضاء تغير رقمها ولا يعرفه غير أهلها والي يبيها يلقاها بالبيت والي تبي تتصل عليه من البيت يصير في البيت صفر ولا بكرا تتندم المسكينة


رأيي صواب يحتمل الخطأ و رأي غيري خطأ يحتمل الصواب

[مياسة]

اخر حل بعد حلولك هو التجاهل ,,
ونصيحة لها ولك ولي ولأي بنت .. لا ترد على اي رقم غريب .. مهما كان الامر طارئ

انا اوصي امي واهلي .. اي احد يطلب رقمي .. لو الوزير يقول بنحطها وزيرة لا تعطونه الرقم :)

مثل ما قال جبل عمر .. اللي يبيني يلاقيني بالثابت ,,

وشكراَ

[العبرى]

ذكرت هنا حلول مفيده..

ليس بالضروره ان يعرف الجميع رقمها..

وبالإمكان الإستغناء عنه



وإذا وصل لها رقم غريب

تحول المكالمه لأحد اخوانها


الله يعينه






تحيتي,,,

[تسواهن]

الباب اللي يجي منه ريح سده واستريح

انا متزوجه ومال حاجه بالجوال الا لاصرت بالدوام او عند احد لاكلمني زوجي بس

اما اللي ماتزوجت شلها فيه رفيجاته ويكلمونها بالثابت

تخلي عندها جوال للحاجه بس مو اربع وعشرين ساعه بيدها

الله يستر عليها وعلينا

[مــسفـ..ـهل]

لا يوجد حل...تغير الرقم فقط...تحيتي..

[فرٍآشهہَ خجوٍلهہَ]

انـــا جتنــي فترهـ ازعاجات بس بدون ذكر اسمــي..

بالاول كنت ارد عليهم واجلس اهاوش ..بعدين تركتهم بديت ماارد والا احوول جوالي موجود..

والحمدلله الحين خفت او بالاصح زالت الازعاجات..

واخذتها قاعدهـ اي رقم غريب ماارد عليه..

والله يكون بعونهـا ويستر عليهــا ..

[سماااهر]

1000 ثانكس لكل من مروا من هنا .. وشكر لكل من عبر عن رأية ..
لاخلا 00 ولا عدم
يسعد أوقاتك بكل خير !

[الـخنساء]

انا جاني ازعاج مثل صديقتك وجلس معي اكثر من ثلاث سنوات وكل مرة أغير الرقم يعرفه
بالأخير هددني بناس عزيزين علي لدرجة اني مرضت ذاك اليوم وشوي وكنت اروح اسعاف من شدة الروعه
الله لا يوفقه

[رائد نت]

الحلول كثيره ....

لكن خليها تحول الرقم عند الاتصال .... الى مغسلة الموتى لعله يتعظ ويتذكر

[ايجابيه]

ركزي علي شيئ آخر في حياتك واجعلي لك اهتمامات اخري مثل القراءه متابعة برامج تثقيفيه ابحثي عن المهاره التي بداخلك وتريدين اطلاقها ,طوريها........طبقي لمدة اسبوع بقوة اراده وسوف ترين النتائج اذا نجحتي اكملي مشوارك في التزود والعلم........(اشغلي عقلك بما يناسبك كانسانه ابدع الله في خلقها)

[سماااهر]

انا جاني ازعاج مثل صديقتك وجلس معي اكثر من ثلاث سنوات وكل مرة أغير الرقم يعرفه
بالأخير هددني بناس عزيزين علي لدرجة اني مرضت ذاك اليوم وشوي وكنت اروح اسعاف من شدة الروعه
الله لا يوفقه


اوووه هالظالم 3 سنووووات بصراحه مهب صاحي
طيب وش سويتي ..الى هالحين يلعب عليك..
بصدق الله لايوفق كل لعاب بهالدنيا ..

[رحيل]

سماهر

وش رايك باللي سته شهور تلعب على صديقته وماملت كان مجرد (مزحة صعايدا)

فما بالك أحد يبحث عن شئ وله هدف ما نستغرب يقعد 3 سنوات

[سماااهر]

ياحبيبتي لعب عن لعب يفرق...هههههههههه
بعدين هو جالس 3سنوات مهب معقول تسكت له ..

[رحيل]

أنا ماقلت تسكت له

بس كنتي مستغربه وتقولين مهب صاحي

وحبيت أوريك نموذج من اللي مهب صاحين :4[1]:

[صاحي ورايق]

^^^^^^^^^
وراكم علي كل شوي جايبين طاريي !


ما فيه إلا حل واحد
السهج يا زينه ويا حلاته
ترانا ما عندنا إراده على المداومه في الأشياء
يعني بيجلس له فتره يدق وبعدين يأتيه الملل وييأس
ليش يتعب حاله بالإتصال على وحده كأن صاحبته ميته لا ترد
الرزق واجد مجرد ما يدق وهو مغمض راح يلاقي بنت تعطيه وجه !
وقولي لخويتس ترى شباب هذا الوقت ما ينعطون وجهه وإذا عطيتيهم وجهه يجوون كلهم
لإنهم محرومين
والمحرومين ما ينعطون وجهه

[سماااهر]

بأعتقادي ان افضل الحلول هو حل شخصيه تأخذ رقمين رقم للعائله ورقم للجميع
في البدايه وبعدين الرقم حق الجميع يكون نشره تدريجي يمكن تصيد مصدر الازعاج
وشوفي اذا غيرتي رقمك وبقي الازعاج كما هو. ارسلي رقم او رقمين اوريك فيهم
اتكلم جد ((عندي طريقه تقدر تبعدهم بأسرع وقت)) وسبق سويته لكثير من زوجات
وخوات اصدقاء لي.. وراح الازعاج عنهم .


ياليتك والله تذكر لنا الطريقه اللي عندك ..لان فيه بنات واجد متأذيات
بنكون شاكرين لك ..

[عازفة ألحان الليل]

انا اشك بالاتصالات نفسهم

هم الي مأذين خلق الله

شي عادي عنده كل الارقام ويلعب على خلق الله ضعف وازع ديني

وضعف الرقابة عندنا تسوي بلااااااااوي ،،،