السائـــقة المنــزلية الخاصة.. وربــي وربي وربي انه الحـــل..!!!!

[مــسفـ..ـهل]

كثر الكلام هالايام عن المراة وقيادته..وبين المعارض والمؤيد..وبما ان الاغلبية معارضة فلهم مايريدون..

ابنقل لكم قصة او سالفة بسيطة هذا واحد من الشباب كان في زيارة لدولة الامارات للدراسة في احد المعاهد المتخصصه.. يقول لاحظت شي جميل صراحة ..في شوارع دبي غالبا حكم كثرة الاسواق والمرافق المناسبه للعوايل يقول لاحظت
وجود سائقة خاصه اجنبيه فلبينية مثلا ومعها العائلة الاماراتية.!!!

حقيقة قعدنا انا والشباب ناخذ ونعطي بهالسالفة وطلعنا بين مؤيد حكم افضلية السائقة على السائق ..والاخر معارض حكم العرف بان المراة لم ولن تقود سواء اجنبيه او غيره..

لكم التعليق..

[خليجي]

اولله حل انت تخيلت مواقف المدارس والجامعات مليانه من الفلبينيات والاندونسيات ينتظرون ابناء كفلائهم تخيلت الشباب بهالموقف . تصدق ان بناتنا السعوديات كان يرتاحن من معاكسات هالشباب .تحياتي

[أبو تهاني]

حقيقة قعدنا انا والشباب ناخذ ونعطي بهالسالفة وطلعنا بين مؤيد حكم افضلية السائقة على السائق ....

مسفهل تسلم يا خلفهم على هالموضوع

حقيقة أشوف أن السواقه إذا كانت مسلمه مثله مثل حريمنا !!!!

يعني وش الفرق الجنسيه بس ؟؟؟؟

ليش حنا من فصيله نادره من بني البشر علشان يصيرن حريمنا غير حريم المسلمين ؟؟؟؟

كله كم سنه بإذن الله و نشوف حريمنا يسوقن

[Queen of buraydh]

طيب ممكن تلخص لي الايجابيات والسلبيات للسائقه الاجنبيه ؟

او بمعنى اصح .. وش استفدنا ؟؟

كله واحد مدام الحريم بيسوقن نسوق حنّا اصرف من اننا نستقدم فلبينيه سواقه !

[حــلم وردة]

بصراحه فكره جميله واقتراحك اعجني احسن من السائق...:)
لاكن مراح يتطبق ..هشي...:(
لاكن انشالله احنا بنسووق قريبآ .....>>متفائله

[منصورعبدالله]

ليش لا...
فكرة جميلة ...لكن ربعنا
في البداية رفض رفض وقبل
النهاية كالعادة اول من يرفض
هو المنفذ...

حلم ورد ودس تسوقين ... :)
وبعدين لاتكتبين لاكن كذا .....
هي كذا بليز يعني لكن.... :) تعقدت


تحياتي ليكـ..

[تلميذة الحياة]

من جفرة لدحديرا,,:(

والله مابقى الا هي نخلي الأجانب يسرحون ويمرحون هم وحريمهم, ونصير تحت دبرتهم
الله لايقوله ان شاء الله ...

:

[حلم]

لابد من مراعاة السلبيات والايجابيات ولايكون الكلام انفعالي وعاطفي او متشدد .اي قضية لابد ان تعرض باحترام ونقدر كل الاراء .واكيد اذ كان للشرع رائي ثابت . فلا رائي بعده

[حلم]

بعض من يتكلم عن حقوق المراة في الاعلام نجده يختزل حقوقها في موضوع السواقه . فهل تناسوا او نسوا ان لها حقوق اهم . وعلى سبيل المثال المراة المعلقه وماتعانيه من ظلم والارمله والتقصير تجاهها وبعض الصعوبات في مراجعة الدوائر الحكومية وووووو

[نـدى الـورد]

ياناس اصير سواقه واترك وظيفتي بس خلوني اسووق

[عاشق ديرتي بريده]

طيب وش يدريك أن اللي تسوق اجنبيه !

يمكن تجيك وحده سعوديه تلبس عباة وتقول انا اجنبيه !!!

اويلاه لاعمركم تفكرون وتتناقشون ,

[قلب الأسد]

والله انه فكره اذا لابد فاعلا احسن من قيادة السعوديه تخف شوي البلاوي .
بس انشاء الله ماراح يسوقن لاهن ولاغيرهن ماقعدن وهن ماساقن وشلون
اذا صار معه مفتاح والله ان تلف كل اسواق بريده ومنتزهات بنات فاضيه والله.

[ابو غريب]

طيب وش يدريك أن اللي تسوق اجنبيه !

يمكن تجيك وحده سعوديه تلبس عباة وتقول انا اجنبيه !!!

اويلاه لاعمركم تفكرون وتتناقشون ,


ههههههههههه قسم بالله ضحكت من جد على هذا الرد





مشكور أخوى على طرح مثل هذه المواضيع الأجتماعية الهادفة

[جوان2007]

ماعجبتن السواقه هذي ,,وش فيه اذا سقنا !!!

على الاقل تفتكون من طلباتنا ,,نطالــــــــب بالقيــــاده وماراح نفتش بنبتل متنقبات !

وافك فورد وكاله ,,,الله قمة الوناسه

[مــسفـ..ـهل]

طيب وش يدريك أن اللي تسوق اجنبيه !

يمكن تجيك وحده سعوديه تلبس عباة وتقول انا اجنبيه !!!

اويلاه لاعمركم تفكرون وتتناقشون ,

هلا اخوي وابرد عليك على عجل واعتذر عن البقيه..

اخوي طيب تقدر وحده تركب شنب وتلبس شماغ وتشغل الهيلوكس وتسوق وتقول انا ولد وناسي بطاقة الاثبات الشخصيه للشرطه ومن حضه لو صوته ثقيل او مبحوح تقل ولد..

واشكرك على حماسك يالذيب..!!

[إخلاص]

بالعكس اذا ساقت المرة راح تزمل
هي اللي تودي البزارين للمدارس وتجعهم للبيت
وكل شوي تعبي بنزين من جيبه خبركم الحريم بهن بخل
وكل شوي هي اللي تجيب مقاضي البيت واحتياجاته
يعني الان لانه مخدومه ما تحس بهالشي بس لما يكون بيدها شرط(ن) تكره السياره
وانا اكتب فكرت اني اهون ما اسوق
زملت من تحمل المسؤوليه كل شي يبي يصير على راسي :(
وحضرة جنابه مرتاح اربعوعشرين إراط

[نـدى الـورد]

راح تزمل

وشو تزمل ذي؟

[إخلاص]

888
تزمل = تشيل هم

[هامة حاسوبية]

http://filaty.com/i/710/f3dd562.h---11.gif


مير هم هالرجال معطينا فرصة نهرج وإلا نبدي راينا ؟

الشور شورهم والكلمة لهم

والكل مسلّم بهالشي وياويل اللي يهرج

وه بس



http://filaty.com/i/710/f3dd562.hh----2.gif