يابنات من تقولي سالفه تصلح لزوجتي !!!!!!!!!

[عاشق ديرتي بريده]

مدام عندنا حريم بالمنتدى قلت خلني استفيد منهن لو مره !

حريمنا كل سواليفهن يحومن السبد ولايصلحن لبعض الرجال !

والرجال ماعندهم شي يقولونه لانهم مايعرفون للحريم !!!

كل السواليف اللي اسمعها عاديه وروتنيه وممله !!

وش زينتوا عشاء اليوم !!:confused:<< اكثر سؤال سمعته الزوجه !


وشلون امك اليوم وشلون خالي !:15[2]:<<< يستخدم السؤال عشان تقول انه يهتم بأهلي

من جاكم ومن ماجاكم !!:36_1_3[1] <<< وده يفتح سالفه ولالقى !

وش عشوكم بالعرس والا بالعزيمه !!:a7: <<< مال وده يروح الليل عشان ينام !

بصراحه كلام مكرر وكله عن قولت مانسولف مع حريمنا !

ياعجز المنتدى الخبيرات لو سمحتن وشي السواليف اللي تصلح للحريم غير اللي ذكرته !!:for1:


خوذن اجر بنات الناس وعلموا الرجال وشي السواليف اللي تصلح للحريم !:c9:

[جوان2007]

والله اشك انك متزوج احسك تهك علينا ,,,لي عوده انتظرني <<ثقه

[عاشق ديرتي بريده]

والله اشك انك متزوج احسك تهك علينا ,,,لي عوده انتظرني <<ثقه

يالله اعتبريني عزوبي وقولي سالفه وخلي غيري يستفيد !

[هامة حاسوبية]

http://filaty.com/i/710/f3dd562.h---11.gif


عن نفسي مالي خلق القرق والسواليف http://www.getsmile.com/emoticons/smileys-91853/r/mdrbig.gif

مقابل شاشة كمبيوتري أصرف لي

لذلك أغدين أتزوج واحد اهتماماته مثلي عشان نلقى شي نهرج به

أغدي غيري يفيدينك


مدام عندنا حريم بالمنتدى قلت خلني استفيد منهن لو مره !


صدق إنك كفار بالعشير !

يعني ماعمرك استفدت منا أبد ؟؟!! http://www.getsmile.com/emoticons/smileys-91853/p/2talk.gif



http://filaty.com/i/710/f3dd562.hh----2.gif

[تميميه]

تسجيل حضور ولي عوده<<ايه تولموا

[إلينـ اليوم]

ياعويشق فيه شي اسموه كلام حب
ووضحك وووناصه اولاه لوانا متزوج والله
لاادلع زوجتي واخليها اسعد انسانه
باالدنيا لو باالسذب دلعها خلها تدلعك
سولفو عن كل شي
زوجك ذي نصفك الثاني لاتصير مثل الاولين
اطلع انت وياها طسو تعشوا برا خخ
استاجر شاليه اسبحو جميع سافروا
لقندهار اي شي غير كووول بشي
لاتتعود على الجفا مع زوجتك .



سلاااام.

[جوان2007]

ايه لاتزوجت سولف على حرمتك بالرياضه والرايد خخخخخخ

هذي اول سالفه

الثانيه : قله انك تحب الرومانسيه وعطه من الرخيص تراهن يستانسن على هالحكي

السالفه الثالثه : سولف عن حياتك يوم انت عزوبي وطلعاتك ومغامراتك

واذا تذكرت شي جيت اقوله ,,

[عاشق ديرتي بريده]

http://filaty.com/i/710/f3dd562.h---11.gif


عن نفسي مالي خلق القرق والسواليف http://www.getsmile.com/emoticons/smileys-91853/r/mdrbig.gif

مقابل شاشة كمبيوتري أصرف لي

لذلك أغدين أتزوج واحد اهتماماته مثلي عشان نلقى شي نهرج به

أغدي غيري يفيدينك




صدق إنك كفار بالعشير !

يعني ماعمرك استفدت منا أبد ؟؟!! http://www.getsmile.com/emoticons/smileys-91853/p/2talk.gif



http://filaty.com/i/710/f3dd562.hh----2.gif



اجل لو تتزوجين رجل مثلي كان يطلعون عيالكم طرمان !!!!

وبعدين تعالي قولي لي وش استفد منكن !

[عاشق ديرتي بريده]

تسجيل حضور ولي عوده<<ايه تولموا

كانك ماتزوجتي لاتجين مامنك فايده !

[عاشق ديرتي بريده]

ياعويشق فيه شي اسموه كلام حب
ووضحك وووناصه اولاه لوانا متزوج والله
لاادلع زوجتي واخليها اسعد انسانه
باالدنيا لو باالسذب دلعها خلها تدلعك
سولفو عن كل شي
زوجك ذي نصفك الثاني لاتصير مثل الاولين
اطلع انت وياها طسو تعشوا برا خخ
استاجر شاليه اسبحو جميع سافروا
لقندهار اي شي غير كووول بشي
لاتتعود على الجفا مع زوجتك .



سلاااام.

خوان كلامك هذا كله احلام
وراح تنصدم اذا تزوجت !
انا منول اقول والله اذا اعرست مااطلع من البيت ابد ويوم اعرست بديت مااقعد بالبيت !

الوعد بعد خمس سنوات من زواجك تعال قلي وش صار !

[عاشق ديرتي بريده]

ايه لاتزوجت سولف على حرمتك بالرياضه والرايد خخخخخخ

هذي اول سالفه

الثانيه : قله انك تحب الرومانسيه وعطه من الرخيص تراهن يستانسن على هالحكي

السالفه الثالثه : سولف عن حياتك يوم انت عزوبي وطلعاتك ومغامراتك

واذا تذكرت شي جيت اقوله ,,

اللي عندي مالها خلق الكوره !
وانا اشوف مباراة الرائد ومتحمس تجي وتقول وشي المباراة هذي !

والثانيه شكلي ابموت وانا اسولف عن الرومانسيه اببتل اسذب عليها !

واتركي حياة العزوبيه لحالها لو يدرن الحريم عن حياة ازواجهن كان نصهن يطلبن الطلاق !

[العبرى]

ببساطه..

تحدث معها كما تكتب بالمنتدى..

تحدث معها بما تطلب من اي فتاة بالمنتدى ان تجيبك عنه..

تحدث معها عن أي موضوع تكتبه هنا وتنتظر غيرها يردك عليك

ويحاورك..سواء إمرأه او رجل..!


إفتح حواراً معها من سؤالك هذا..

الأمر بسيط جداً






تحيتي,,,

[جوان2007]

واتركي حياة العزوبيه لحالها لو يدرن الحريم عن حياة ازواجهن كان نصهن يطلبن الطلاق

لالالالالا نظريه خاطئه ياعاشق ,,,بل عكس وناسه سواليف ايام العزوبيه !!

[هامة حاسوبية]

http://filaty.com/i/710/f3dd562.h---11.gif


اجل لو تتزوجين رجل مثلي كان يطلعون عيالكم طرمان !!!!

شي منطقي بسم الله علي خخخخخخخخ

وبعدين تعالي قولي لي وش استفد منكن !

إلا قل وش ما استفدت ؟!

اللي عندي مالها خلق الكوره !
وانا اشوف مباراة الرائد ومتحمس تجي وتقول وشي المباراة هذي !

وإلا بعد !

ما شجعنا أندية يوم حنا مراهقات نبي نشجع هالحين يالله حسن الخاتمة !

والثانيه شكلي ابموت وانا اسولف عن الرومانسيه اببتل اسذب عليها !

يا ولييييييييييه

وينك يا حزام الأمان ..!!

بالله صدق أنتم تعرفون شي اسمه حب وإلا تسمعون به ؟

واتركي حياة العزوبيه لحالها لو يدرن الحريم عن حياة ازواجهن كان نصهن يطلبن الطلاق !

إييييييييييه والبنت تبون تفصفصونه

ولو به عيب مايسوى صارت ماتصلح

لكن الله يالحريم



http://filaty.com/i/710/f3dd562.hh----2.gif

[إلينـ اليوم]

خوان كلامك هذا كله احلام
وراح تنصدم اذا تزوجت !
انا منول اقول والله اذا اعرست مااطلع من البيت ابد ويوم اعرست بديت مااقعد بالبيت !

الوعد بعد خمس سنوات من زواجك تعال قلي وش صار !

ياعاشق ياجنيني الواحد مايصير طاف اول مايتزوج
يسنتر عند زوجته كذا على طول تبي تمل منها وهي تمل منك
بدون خمس سنوات سنه باالكثير راح تملون من بعض
هاذي الدنيا مافيها شي مايمل ابد
حتى اول ماتتزوج اطلع ورح واسهر بحدود المعقول طبعاً
لو تحطني بقصر مساحته مليون من القهر ومتزوج اربع حريم
وعندي خمس تلاف جاريه راح امل اكيد وش عاد ووحده
ابجلس عنده 24 ساعه ببيت مساحته خمس مية متر
اكيد ابمل بس اهي على التفاهم والقرب باالروح
من اللي قبالك اهم شي الضحك والسوالف الحلوه
ياخي الرسول اللهم صل وسلم عليه كان يتسابق
مع امنا عائشه رضي الله عنها شف الظاهر انك مدرس
الاجازه يوم الاربعاء تواعد انت والربع سافر لي مكان
بدون زوجتك والله صدقني راح تشتاق لها الله يوفق بينكم
يارب واتعيشو احلى عيشه ان شاء الله.




ادري اني خطمت بس عاد تقبل خطمتي خيووو عدن بنوته خخ.

[&نجدية كووول&]

ســــــــــــــــــــــــــــلام

سوا يوم اجازة لزوجتك منك ومن الأولاد :
زوجتك بحاجة ان تأخذ يوم اجازة اكثر من مره خلال الشهر , هذا اليوم تنفصل فيه عنك وعن الأطفال وعن المنزل , هي بحاجة لمثل هذا الانقطاع لتجديد ذاتها وهو بالفعل امر صحي لجسدها ولنفسيتها فلا تمانع .

لاتجعل محادثتك مع زوجتك تنحصر في الحديث عن اطفالكم او شؤون العمل او الطقس .. اخلق مساحات اخرى للحوار لأن الانحصار في تلك المجالات ممل وقاتل للعلاقة ..

استخدم كلمات الحب كلما سنحت الفرصه واطلق عليها أسماء جديده غير مسمى زوجه سميها ( حبيبـــــه, يالغالية ,,ياقمر ,, يا عسل ) مثلا .

وبعذرك ياعويشق دايم مرتز عند النت.ههههههههههههههه......

[تميميه]

كانك ماتزوجتي لاتجين مامنك فايده !

يعني خلاص ما اقول الي عندي <ايه هذا اذا عندك شي

[عازفة ألحان الليل]

مدري عن مرتك وميولة !!!!!

[سلطانة]

اسألها نفس أسئلتها لك
وبعذرك انصدمت يوم تزوجت
اكيد تبي من زوجتك اشياء انت ماتسويها لها
فصارت حياتكم ممله وروتينيه
بادر بالاشياء اللي تتمناها من زوجتك وقابلني اذا ماتغيرت حياتك
"بعذر بنت عمي بكم"
حكيمه ماشاء الله عليها

[حزام الأمان]

أخوي الكبير عاشق الغيوور على اخواته بس الله يهديه زعلهم وقذفهم بس يالله نيته ان شاء الله صالحة والمسامح كريم ,,,,,,,,,,,,,,,,,,,,,,,,

[COLOR="Red"]مدام عندنا حريم بالمنتدى قلت خلني استفيد منهن لو مره !

حريمنا كل سواليفهن يحومن السبد ولايصلحن لبعض الرجال !

والرجال ماعندهم شي يقولونه لانهم مايعرفون للحريم !!!

افا والله كلش احنا صفر عالشمال اجل مالوو داعي وجودنا ,,,,

كل السواليف اللي اسمعها عاديه وروتنيه وممله !!
شوف شكل الخلل من عندك

وش زينتوا عشاء اليوم !!<< اكثر سؤال سمعته الزوجه !
بالله هذا سؤال والله ان تنفقع مرارتي اكره ماعندي الي يفكر بالاكل اكلنا نعمة كريم وخلاص

وشلون امك اليوم وشلون خالي !<<< يستخدم السؤال عشان تقول انه يهتم بأهلي
ام هذا السؤاال جدا رائع ,,اهتمام الزوج باهل زوجته يحسسها بحبه واحترامه لها

من جاكم ومن ماجاكم !! <<< وده يفتح سالفه ولالقى !هذا السؤال ماله داعي اعتبره لقافه او بنبدأ حديث <<<الظاهر انا الملقوفه اذا زوجتك تنبسط خلاص اسئلها اياه


[/QUOTE]وش عشوكم بالعرس والا بالعزيمه !! <<< مال وده يروح الليل عشان ينام ![/QUOTE]
يالليل ماطولك الي بعدة

بصراحه كلام مكرر وكله عن قولت مانسولف مع حريمنا اها هنا مربط الفرس

ياعجز المنتدى الخبيرات لو سمحتن وشي السواليف اللي تصلح للحريم غير اللي ذكرته !!


خوذن اجر بنات الناس وعلموا الرجال وشي السواليف اللي تصلح للحريم !

والله شوف على حسب زوجتك اهتماماتها ,,,كلمها باي شي اي سالفه موقف خلك طبيعي لا تشد اعصابك الا بسولف بعدين مو لازم يوميا اتدور سالفه عادي بتعيش معها العمر كله ان شاء الله مو يوم ولا يومين ,,,,,موفق بس ماكنك كثرت سب !!!!!

بعدين تعال بما ان زواجكم طووول فيبغالكم كسر روتين <<<هذي المرحلة يسمونها مرحلة الفتور العاطفي
لا تسال كيف اكسر الروتين انت وشطارتك ,,,,,سلام الساعة 2 بطلع

[اسم العضو]

[عاشق

أعرف واحد مخليها فلة مع زوجته يلعب معاها حبشة,,,

ومره تغبا بالحمام وقال فرصة أستحم من زمان م أستحميت!!!

وأحيانن لصار أخذن على خاطره منها يكود المزح شوي يعني مزح برزح ...

ولا أقولك تعال للخاص وأعلمك لوحدك عندي رومنسيات على كيف كيفك لاتعلم أحد...


سلام...

[الحصان الأسود]

شف اذا مالقيت سالفه اقعد تهاوش معه ..

عاد هالقصيميات يحبن الهواش والنقره :(

[الحصان الأسود]

:36_2_1[1]

ايه نسيت ترى الهواش احيانآ يوسع الصدر:c9: ..

[الـخـوافـي]

بما أن الخطاب موجه للبنات فأنا هنا مستمع جيد

شكرا عاشق

[هامة حاسوبية]

http://filaty.com/i/710/f3dd562.h---11.gif




شف اذا مالقيت سالفه اقعد تهاوش معه ..

عاد هالقصيميات يحبن الهواش والنقره :(

:36_2_1[1]

ايه نسيت ترى الهواش احيانآ يوسع الصدر:c9: ..


http://www.getsmile.com/emoticons/smileys-91853/q/crying.gif

السعوديين مب ناقصين عصبية وأنفس شينة عشان توصيهم على الزود الله يهديك http://www.getsmile.com/emoticons/smileys-91853/q/crap.gif



http://filaty.com/i/710/f3dd562.hh----2.gif

[الفتـ الذهبي ـى]

عشوق << الدلع الجديد ..

مثل ماقال المصلح الاجتماعي خوان بابلو سورين << ياطول اسمه
لاتقابلها وجه بوجه 24 ساعه والله لو هي آله تسان ملت منك ولا مليتو من بعض .. اطلع واسهر واكشت وسافر .. وراح تشتاقون لبعض وتطلع السواليف غصب وشف وش تحب وعطه اياه اي شي ..

ومممممم واذا تزوجت بجي استشيرك بعد .. :)

بإمان الله ياعشوق وعلمن وش صار عليك عشان اطبق مثلك ولا مايلزم عرس هههه

[هامة حاسوبية]

http://filaty.com/i/710/f3dd562.h---11.gif


ومممممم واذا تزوجت بجي استشيرك بعد .. :)



سو خير في بنت الحلال ولا تستشير عاشق أويلاه

الحين هو بحلن بروحه تبي تستشيره أنت الثاني بعد ؟! :(



http://filaty.com/i/710/f3dd562.hh----2.gif

[•°سـرىآ اللـيـل°•]

لكل شاب لم يتزوج ويحلم بالرومانسية :) أقول قولي هذا والله على ماأقول شهيد ..

حتماً سيتغير فكرك بعد الزواج فحالك لن يكون أفضل حالاً منهم ماأن تملكون زوجات سوف تسحبون على أبو الأحلام السابقة ..

يعني اللحين متشفق بس بعدين تتعود ويصير مافيه شيء غريب هذي حياتك طول ماأنت حي وهالأنسانة معك ويااااااااااطول السنين << نشبة :b3:

((عااشق بريدة ::::::::: وأنا عشقي لها مجنون وعسى من لامني فيها أشوفه بالهوى مقيد))

طيب أم العنزين جابت تيسين وش به ؟!؟!

قصة رائعة من جد أحبها .. ولازالت أمي تعيدها على مسامعي << يكفي أنه تذكرني بأيام الطفوله وياشوقي لهن :(

أتمنى أني خدمة الأخوان في إعادة ذكرى قصة خالدة << لاتنسون تقولونه >> قولي قاء :: قاء ..!

أهذب تاهيه’ لشبابنا الشوالتيه’

[البـــBADERـــدر B.D.Q]

8
8
كلام يضيق الصدر :(

[•°سـرىآ اللـيـل°•]

^^

ليه وش قلت أنا والله هذي الحقيقة :( << تبونن أكذب !!!

ياخي الله يقويكم إذا بتصيرون أزين من سابقيكم .. شيء مفرح وخذوها مني ترى البنات تُملك قلوبهن بنص تعامل زين ..

اللحين الرجال مورينهن نجوم الليل بالضحى ومع ذلك هم هرجتهن بكل مكان فلان سوا وحط وخرط فاضي بس وش تسوي تحبه ياعمري هي :(

قسم أشوفهن بالأجتماعات الوحده ماله شهر متزوجه يعني تونا بدري وماتقول سالفه ماتذكر فيها طاري الزوج السعيد :D << ألعن أبو الطفات وياخوفي لاتصيبها بعد سنة الطلقات ..

ترى البنات _أممم وياليت تفهمم _ يعني أي شيء يرضيهن وربك يعين << قرف ماأحب اللي يذل نفسه عشان حب..

الله يمحى حب من طرف واحد << يالله أخاف أجيب العيد ..

((حديثي يعم لايغلب << قصدي يغلب لايعم)) << مراعاة لضعيفي الفهم..

أهذب تاهيه’

[Queen of buraydh]

عنوانك يطلب المساعده من البنات .. بس جوّا موضوعك تطلب المساعده من العجايز ..

ممكن تحدد ؟ :)

فيه شي إسمه حوار .. وفيه حاجه اسمها طرح آراء ووجهات نظر على كل حاجه حواليك ..



الله يوفقك يارب ..

[إخلاص]

دامنك سميتنا عجز فالله يعين زوجتك من كثر ما تحطمه
التحطيم يخلي الزوجه تفضل العزله على ان تجلس مع زوجها
وتفضل السكوت على السواليف معك
لو كنت في مكانه كان اتعلث بالشغل ولا اجلس مع واحد بين كل سالفه وسالفه تحطيم
اتمنى انك استفدت مني ولو انك تنسى وتنكر... بس معليش نعمل الجميل ونرميه البحر .

[ღ ][ وحيدة كالقمر ][ღ]

عاشق...

تدري وش النقطة الشينة فيك...


أسلوب التعميم...عليك تعميم خطر تكفّـــــــــرنا من زود إنه زايد عن حدّه...





وبالنسبة لموضوعك....لابطّلت عملية التعميم هذي تعالي خبرني من شان أرد ع مواضيعك...


<<وهي واقفت(ن) عليك عاد



يالله يالحريم(المتزوجات) عطوه سالفة عشان يقصه ع زوجته هو وكل متزوج...




سلالالام

[فتاة المستقبل]

بالله ذولي سواليف هاللي كاتبهن ,, بس سين سؤال ومحتاج جيم جواب من فئة نعم, لا

مع أني من فئة عازبات بس بقول رأيي ..

عـــــــاشق...

لاتصير حياتكم كلها سواليــــــف قسم ملل ..


ساعدها بأشغال المنزل ,نظف معه , أطبخ معه, غسل الحوشه معه , تراشقوا بالمويه , تماعطوا الشوش ..


ألعبوا كيرم ,, أونـــو ,, وأنتم تقهوون .. عط اللعب شوية حماس دخل عليه حركات غش ..


قله سواليف عن الميك أب والموضه مو علشان تعلمه إلا علشان تضحك عليك ..


سولف له عن حياتك العملية وش سويت بالمدرســـة , وش قال فلان وعلان ؟


وإلا أفتح المصحف وأحفظوا مع بعض , وكل واحد يسمع للثاني .

[ღ ][ وحيدة كالقمر ][ღ]

ساعدها بأشغال المنزل ,نظف معه , أطبخ معه, غسل الحوشه معه , تراشقوا بالمويه , تماعطوا الشوش ..


واااااااااااااااااااااااااااوك يابعدها يافطووووسة


أنتي هنا جبتي المستحيل


ياحبيلك دائماً طمووووحة.....أجل تبينه يساعده بالمواعين...بسم الله عليك



ياحبيلك بعد.....بالإستراحة عادي يطبخ وينظف المطبخ ....بس بالبيت لا ...بوه من يغني عن الشغل....تقل عيب يشتغل معاها....

[بيسان]

الزواج أحسن شي بالدنيا وكلكم جربوه تراه يهبل بالأخص ايام الخطوبه فله روحه وجيه على السوقه والمشاغل وناااااااااصه ويكفي ليلة العرس زفات وثوب ابيض ...دن دن <<<انقطع الأرسال والسبب انه الايام هذي حلوه بس بعدين من المجربين مو حلوه <<ملاحظه غير متزوجه اللحين تحسبوني اتكلم عن نفسي
بس صدقوني الزواج بكم بكم وين ماتروحون غصبن عليكم <<علمي نفستس

ماقووووووووووووول الا يازين الطفوووووووووووووله لاهم لاضغط ولا سكر ولا شاهي ولازنجبيل

[دلوووعة بريده]

قله : فلانه ياغزال البراري ...حبك في قلبي يزيد بالثواني .. :)

سولف وامزح معه موب لازم تصير اشياء رسميه بينكم .. كل واحد منكم يقول ذكريات ومغامرات الطفوله ,,

وتذكرو ايام الخطوبه وشهر العسل وطلعو التعليقات ... :)

[إخلاص]

قله : فلانه ياغزال البراري ...حبك في قلبي يزيد بالثواني

خخخ بيت غزلي مسكت اعجبن ابقوله لامي :)
شوف أخ عاشق اذا زوجتك مثل ام صالح لا تقوله كلام حلو تراك ماتدري الا هي منشقله على رويسه
مير انتبه ,,, لا اوصيك

[فتاة المستقبل]

[ وحيدة كالقمر ][ღ;1658029']
واااااااااااااااااااااااااااوك يابعدها يافطووووسة


أنتي هنا جبتي المستحيل


ياحبيلك دائماً طمووووحة.....أجل تبينه يساعده بالمواعين...بسم الله عليك



ياحبيلك بعد.....بالإستراحة عادي يطبخ وينظف المطبخ ....بس بالبيت لا ...بوه من يغني عن الشغل....تقل عيب يشتغل معاها....







أبـــــــــــــد يا بعدي ما جبت المستحـــــيل ...كله من الواقع

أخواني أثنين متزوجين

واحد بأواخر الأربعينات ,, على قوة شخصيته وصرامته ماهنا أزين منه
بشغل البيت ,


دايم هو ويا حرمته يا نلقاهم يغسلون الحوش ,وعيالهم يسقون الثيل اللي بالحوش الثاني ,


ومرة يفككون درايش بيتهم ويمسح هو وإياه , والستاير يطقطقونهم وإلا يجدعونه على الشغاله تغسلهن بالغساله ,


أو يدخل سيارته جواء البيت ويغسله هو وإياه , وإلا يتشمعط بالسلم ويمسح المراوح واللمبات وتكون مرته بالمطبخ تجهز القهوة مع شوية حلى وموالح ,


وبعدها يجلسون مع بعض بالثيل ويسولفون أو يتمرجحون بالثيل ..


وكل هذا وهو عندهم شغاله وبنت بالجامعه



والثاني ما أمداه متزوج ,,يمووووت بشئ اسمه طبخ , أنواع التفنن بالطبخـات <<أخذ دروس من الغربه خخخ



وعندي أخو ثالث ما هنا أعجـــــــز منه, جيد بقولة سوي وحطي , لو تقوله مرته شل اللي عقبك لو تحلمين يشيل , يتحرى مرته تسوي له كل شئ ما بقى إلا تغسل ايدينه ,وتفرش أسنانه , وتفسخ له ثوبه ..
ذي طبيعته من يوم أنه ..


وهذا وهم ما عندهم لاشغالة ولا يحزنون..



وحيدة ..

قولي آمين عسانا ما نطيح بعجااااااااااااااز ثقيل طينه ...

[أنت آخر آمالي]

عاااااااااااشق ديرتي تبي تطلع سواليف المرأة والقرق الصدق رح سلمك الله عند مزرعة النفيسه بحويلان وخذ حزمة كراث ورح لم أقرب مخبز وهات لك بـ 10 ريال خبز عادي ومر أقرب محل عطارة وهات لك بـ50 زنجبيل وخله تعلفج من الكراث وإسمع السواليف 000000 ههههههههههه

تقبل مروووووووووري

[الفتـ الذهبي ـى]

^^^

هذا بلا ابوك ياعقاب

كراث وزنجبيل !! واستلم روايح :(

[الفتـ الذهبي ـى]

http://filaty.com/i/710/f3dd562.h---11.gif





سو خير في بنت الحلال ولا تستشير عاشق أويلاه

الحين هو بحلن بروحه تبي تستشيره أنت الثاني بعد ؟! :(



http://filaty.com/i/710/f3dd562.hh----2.gif




ابشوف الطرق الجديده الي سواها بعد الموضوع نجحت ولا لا عشان يعلمنا ويعلم الي يبي يعرسون بعده .. خبرك الحين شيًب شوفي الصور بعد ماكانت بساسه صارت ذيابه والله يستر لا عجز وش يبي يحط ؟ ههههه

[عاشق ديرتي بريده]

ببساطه..

تحدث معها كما تكتب بالمنتدى..

تحدث معها بما تطلب من اي فتاة بالمنتدى ان تجيبك عنه..

تحدث معها عن أي موضوع تكتبه هنا وتنتظر غيرها يردك عليك

ويحاورك..سواء إمرأه او رجل..!


إفتح حواراً معها من سؤالك هذا..

الأمر بسيط جداً






تحيتي,,,

لو اقدر اسوي اللي تقولينه كان مادخلت المنتدى اوسع صدري !

[عاشق ديرتي بريده]

لالالالالا نظريه خاطئه ياعاشق ,,,بل عكس وناسه سواليف ايام العزوبيه !!

وش تبيني اقول !

معي نبيطه واصيد مطاير بالأثل !!

والا اقول معي جتي اكس واحط فيها جنوط نجمه !

[عاشق ديرتي بريده]

ياعاشق ياجنيني الواحد مايصير طاف اول مايتزوج
يسنتر عند زوجته كذا على طول تبي تمل منها وهي تمل منك
بدون خمس سنوات سنه باالكثير راح تملون من بعض
هاذي الدنيا مافيها شي مايمل ابد
حتى اول ماتتزوج اطلع ورح واسهر بحدود المعقول طبعاً
لو تحطني بقصر مساحته مليون من القهر ومتزوج اربع حريم
وعندي خمس تلاف جاريه راح امل اكيد وش عاد ووحده
ابجلس عنده 24 ساعه ببيت مساحته خمس مية متر
اكيد ابمل بس اهي على التفاهم والقرب باالروح
من اللي قبالك اهم شي الضحك والسوالف الحلوه
ياخي الرسول اللهم صل وسلم عليه كان يتسابق
مع امنا عائشه رضي الله عنها شف الظاهر انك مدرس
الاجازه يوم الاربعاء تواعد انت والربع سافر لي مكان
بدون زوجتك والله صدقني راح تشتاق لها الله يوفق بينكم
يارب واتعيشو احلى عيشه ان شاء الله.




ادري اني خطمت بس عاد تقبل خطمتي خيووو عدن بنوته خخ.

اخو عزيز وغالي ياخوان ليش اعتبرك بنت بالعكس رجل وتملاء العين ,

تدري وش مشكلتنا اننا ناس نجي جميع ونطف وبعدها نصد صده غريبه !

وبعدين ترا نصف السعوديات مابهن خف دم !

[عاشق ديرتي بريده]

إييييييييييه والبنت تبون تفصفصونه

ولو به عيب مايسوى صارت ماتصلح

لكن الله يالحريم

الرد هذا يصلح لراشد الله يعين عليه اذا شاف الرد تبي تجي مجتمع ذكوري وتقوقع !

[عاشق ديرتي بريده]

ســــــــــــــــــــــــــــلام

سوا يوم اجازة لزوجتك منك ومن الأولاد :
زوجتك بحاجة ان تأخذ يوم اجازة اكثر من مره خلال الشهر , هذا اليوم تنفصل فيه عنك وعن الأطفال وعن المنزل , هي بحاجة لمثل هذا الانقطاع لتجديد ذاتها وهو بالفعل امر صحي لجسدها ولنفسيتها فلا تمانع .

لاتجعل محادثتك مع زوجتك تنحصر في الحديث عن اطفالكم او شؤون العمل او الطقس .. اخلق مساحات اخرى للحوار لأن الانحصار في تلك المجالات ممل وقاتل للعلاقة ..

استخدم كلمات الحب كلما سنحت الفرصه واطلق عليها أسماء جديده غير مسمى زوجه سميها ( حبيبـــــه, يالغالية ,,ياقمر ,, يا عسل ) مثلا .

وبعذرك ياعويشق دايم مرتز عند النت.ههههههههههههههه......

الحين مالقينا سالفه وحنا بالبيت تبينا نرتز لحالنا !

وياليت تقولين لي وشي المساحات اللي اقدر اخلقها ؟

[عاشق ديرتي بريده]

يعني خلاص ما اقول الي عندي <ايه هذا اذا عندك شي

لانقبل اراء الغير متزوجات !

لانهن بصراحه يبي يقولون الاشياء اللي بالافلام وخربطتهم !

[عاشق ديرتي بريده]

مدري عن مرتك وميولة !!!!!

يعني يالفنانه ايقالك ماتدرين وش ميول كل حريمنا !

سواليف بحريم الناس ورجال خواتهن !

[عاشق ديرتي بريده]

اسألها نفس أسئلتها لك
وبعذرك انصدمت يوم تزوجت
اكيد تبي من زوجتك اشياء انت ماتسويها لها
فصارت حياتكم ممله وروتينيه
بادر بالاشياء اللي تتمناها من زوجتك وقابلني اذا ماتغيرت حياتك
"بعذر بنت عمي بكم"
حكيمه ماشاء الله عليها

والله انصدمت من الزواج كله مو من الزوجه فقط !

احسب الزواج زين ووناسه واثره مجاملات عشان ماتزعل ومش حالك لين تموت !!!

[أبو تهاني]

الرجال ماعندهم شي يقولونه لانهم مايعرفون للحريم !!!

كل السواليف اللي اسمعها عاديه وروتنيه وممله !!

عاشق تسلم يا خلفهم على هالموضوع

الله يرزقك الذريه الصالحه

تصدق مريت بمثل هالمرحله لاني قعدت تقريباً خمس سنين و ما جاني عيال

وشيء طبيعي أنك تمل من زوجتك و هي تمل منك بمثل هالمرحله

أحسن حل أنك تسافر لك سفره طويلة شهر أو شهرين

علشان تشتاق لحياتك الزوجيه

و إن شاء الله إذا جاك عيال تتغير حياتك الزوجيه للأفضل

أهم شيء خلك شديد من الحرمه و لا تعطيه وجه

[عاشق ديرتي بريده]

اختي حزام الأمان

أخوي الكبير عاشق الغيوور على اخواته بس الله يهديه زعلهم وقذفهم بس يالله نيته ان شاء الله صالحة والمسامح كريم ,,,,,,,,,,,,,,,,,,,,,,,,

وربي مااحد يدري وش اللي بقلبي صوبكن ادري ان الصراحه تجرح بس لازم اقولها لخوفي عليكن ,

اقدر اقول مثل غير واطبل لكن بس ادري اني راح احاسب على كلامي ,

وجزاك الله خير على المسامحه ,

افا والله كلش احنا صفر عالشمال اجل مالوو داعي وجودنا ,,,,

بالعكس لولا وجودكن كان مافيه منتدى بريده انتن من الاعمده بالمنتدى

ويالله خليني استفيد منك وعلميني شي زين بالزواج ,

شوف شكل الخلل من عندك

من كل الاطراف مو مني بس !

والله شوف على حسب زوجتك اهتماماتها ,,,كلمها باي شي اي سالفه موقف خلك طبيعي لا تشد اعصابك الا بسولف بعدين مو لازم يوميا اتدور سالفه عادي بتعيش معها العمر كله ان شاء الله مو يوم ولا يومين ,,,,,موفق بس ماكنك كثرت سب !!!!!

بعدين تعال بما ان زواجكم طووول فيبغالكم كسر روتين <<<هذي المرحلة يسمونها مرحلة الفتور العاطفي
لا تسال كيف اكسر الروتين انت وشطارتك ,,,,,سلام الساعة 2 بطلع

فسرت الماء بعد جهد بالماء !

وشي السالفه اللي تصلح !


وبعدين تعالي انتي متزوجه والا مثل اللي فوق يشوفن فلم وينقلنه لنا !

[عاشق ديرتي بريده]

[عاشق

أعرف واحد مخليها فلة مع زوجته يلعب معاها حبشة,,,

ومره تغبا بالحمام وقال فرصة أستحم من زمان م أستحميت!!!

وأحيانن لصار أخذن على خاطره منها يكود المزح شوي يعني مزح برزح ...

ولا أقولك تعال للخاص وأعلمك لوحدك عندي رومنسيات على كيف كيفك لاتعلم أحد...


سلام...

اسم العضو انت ماعمرك شفت حرمه تركض رجليتها حوسا متباعدات عن بعض وشلون تلعب حبشه مع وحده ماتعرف تركض !

والله تصدق زينه مزح برزح !

<<< يبي يدحها دحه مع الظهر ينتقم منها ويبي يضحك ويقول امزح !

[عاشق ديرتي بريده]

:36_2_1[1]

ايه نسيت ترى الهواش احيانآ يوسع الصدر

شف اذا مالقيت سالفه اقعد تهاوش معه ..

عاد هالقصيميات يحبن الهواش والنقره



:c9: ..

والله الهوشات هن اللي مزينات الحياة لان بعد الهوشه صلح والباقي سكرت !!

[عاشق ديرتي بريده]

بما أن الخطاب موجه للبنات فأنا هنا مستمع جيد

شكرا عاشق

والله يالخوافي شكلنا محنا طالعين بسالفه زينه بس يبونا نقول احبك ياعسل !!

كن الواحد ماعنده شغل الا قولت احبك !

[عاشق ديرتي بريده]

عشوق << الدلع الجديد ..

مثل ماقال المصلح الاجتماعي خوان بابلو سورين << ياطول اسمه
لاتقابلها وجه بوجه 24 ساعه والله لو هي آله تسان ملت منك ولا مليتو من بعض .. اطلع واسهر واكشت وسافر .. وراح تشتاقون لبعض وتطلع السواليف غصب وشف وش تحب وعطه اياه اي شي ..

ومممممم واذا تزوجت بجي استشيرك بعد .. :)

بإمان الله ياعشوق وعلمن وش صار عليك عشان اطبق مثلك ولا مايلزم عرس هههه


اذا طلعنا اتصلت قالت وينك واذا ماطلعنا ملت منا وش البلشه !

والى الحين ماصار شي جديد نفس الكلام اللي نقوله نعيده << بديع مسعود !

[إلينـ اليوم]

عاشق تكفى كافي كرهت الزواج منك
طلبتك خلاص خلاص خلاص اولاه

[عاشق ديرتي بريده]

http://filaty.com/i/710/f3dd562.h---11.gif





سو خير في بنت الحلال ولا تستشير عاشق أويلاه

الحين هو بحلن بروحه تبي تستشيره أنت الثاني بعد ؟! :(



http://filaty.com/i/710/f3dd562.hh----2.gif



والله اللي يبي يسمع كلامك يبي يضيع

انا فاعل خير وانتي تلعبين عليهم وتخلينهم يعيشون رومنسيات سذب !

[العبرى]

لو اقدر اسوي اللي تقولينه كان مادخلت المنتدى اوسع صدري !


عاشق..

ماقصدته بردي

انه لايهم أن تكون الحوارات والسوالف بين الزوجين

محصوره بإهتمام واحد دون إهتمام الآخر..


سيصابون بالملل..والبعد بالتفكير..



أي موضوع في هذا المنتدى

بالإمكان نقاشه مع المرأه..

سواء في قسم الأسره..أو في القسم العام




حين تأتي لها بخبر عام وتسألها عن رأيها

ستشعر بإهتمامك

أكثر من سؤالك لها أسئلة سطحيه..عن الأكل وغيره..




اتمنى ان تكون فكرتي وصلت







تحيتي,,,

[عاشق ديرتي بريده]

لكل شاب لم يتزوج ويحلم بالرومانسية :) أقول قولي هذا والله على ماأقول شهيد ..

حتماً سيتغير فكرك بعد الزواج فحالك لن يكون أفضل حالاً منهم ماأن تملكون زوجات سوف تسحبون على أبو الأحلام السابقة ..

يعني اللحين متشفق بس بعدين تتعود ويصير مافيه شيء غريب هذي حياتك طول ماأنت حي وهالأنسانة معك ويااااااااااطول السنين << نشبة :b3:

((عااشق بريدة ::::::::: وأنا عشقي لها مجنون وعسى من لامني فيها أشوفه بالهوى مقيد))

طيب أم العنزين جابت تيسين وش به ؟!؟!

قصة رائعة من جد أحبها .. ولازالت أمي تعيدها على مسامعي << يكفي أنه تذكرني بأيام الطفوله وياشوقي لهن :(

أتمنى أني خدمة الأخوان في إعادة ذكرى قصة خالدة << لاتنسون تقولونه >> قولي قاء :: قاء ..!

أهذب تاهيه’ لشبابنا الشوالتيه’

صحيح يااخت سرى قبل الزواج احلام ووناسه وبعدها كن الواحد معطيك كف !

يالله ياشباب شوفوا البنت هذي ميزتها تقول الحق ولاتسذب ,

[عاشق ديرتي بريده]

8
8
كلام يضيق الصدر :(

للأسف هذي الحقيقه !

[عاشق ديرتي بريده]

دامنك سميتنا عجز فالله يعين زوجتك من كثر ما تحطمه
التحطيم يخلي الزوجه تفضل العزله على ان تجلس مع زوجها
وتفضل السكوت على السواليف معك
لو كنت في مكانه كان اتعلث بالشغل ولا اجلس مع واحد بين كل سالفه وسالفه تحطيم
اتمنى انك استفدت مني ولو انك تنسى وتنكر... بس معليش نعمل الجميل ونرميه البحر .

وليش تزعلن من كلمة عجز اللي تتعدى اربعين سنه عجوز !

[عاشق ديرتي بريده]

[ وحيدة كالقمر ][ღ;1657960']


عاشق...

تدري وش النقطة الشينة فيك...


أسلوب التعميم...عليك تعميم خطر تكفّـــــــــرنا من زود إنه زايد عن حدّه...





وبالنسبة لموضوعك....لابطّلت عملية التعميم هذي تعالي خبرني من شان أرد ع مواضيعك...


<<وهي واقفت(ن) عليك عاد



يالله يالحريم(المتزوجات) عطوه سالفة عشان يقصه ع زوجته هو وكل متزوج...




سلالالام





انتي عانس ياوحيده يعني ماتعرفين وش اللي يصلح لنا !

[عاشق ديرتي بريده]

بالله ذولي سواليف هاللي كاتبهن ,, بس سين سؤال ومحتاج جيم جواب من فئة نعم, لا

مع أني من فئة عازبات بس بقول رأيي ..

عـــــــاشق...

لاتصير حياتكم كلها سواليــــــف قسم ملل ..


ساعدها بأشغال المنزل ,نظف معه , أطبخ معه, غسل الحوشه معه , تراشقوا بالمويه , تماعطوا الشوش ..


ألعبوا كيرم ,, أونـــو ,, وأنتم تقهوون .. عط اللعب شوية حماس دخل عليه حركات غش ..


قله سواليف عن الميك أب والموضه مو علشان تعلمه إلا علشان تضحك عليك ..


سولف له عن حياتك العملية وش سويت بالمدرســـة , وش قال فلان وعلان ؟


وإلا أفتح المصحف وأحفظوا مع بعض , وكل واحد يسمع للثاني .


عاد يالله خوذو ذي تبين اغسل مواعين !

اصلاً حريمنا مهب يلمسن شي كله على الشغاله !

والله يااختي فاطسه مستحيل اخذ راي عزباء لانها ماتدري تحسب الزواج زين وسهل !

[عاشق ديرتي بريده]

الزواج أحسن شي بالدنيا وكلكم جربوه تراه يهبل بالأخص ايام الخطوبه فله روحه وجيه على السوقه والمشاغل وناااااااااصه ويكفي ليلة العرس زفات وثوب ابيض ...دن دن <<<انقطع الأرسال والسبب انه الايام هذي حلوه بس بعدين من المجربين مو حلوه <<ملاحظه غير متزوجه اللحين تحسبوني اتكلم عن نفسي
بس صدقوني الزواج بكم بكم وين ماتروحون غصبن عليكم <<علمي نفستس

ماقووووووووووووول الا يازين الطفوووووووووووووله لاهم لاضغط ولا سكر ولا شاهي ولازنجبيل

والله يازين اخر كلمه قلتيها يازين ايام الطفوله لاهم ولاضغط ,

[راشد الصليحان]

تصدق ياعاشق ..؟؟

ماكنت ناوي أكتب رد بالموضوع لأنه خاص بعجز المنتدى ..حسب قولتك ..!!:c9:
الغريبة البنات على نياتهن يجاوبنك ..وانت تسميهن (العجز ) ..!!


الرد هذا يصلح لراشد الله يعين عليه اذا شاف الرد تبي تجي مجتمع ذكوري وتقوقع !

الحقيقة ياعاشق إنك جلف بريداوي ..! المرة عندك للعشاء وتربية البزارن ..!
تسيف تسذا ماترون الحريم شيء ..!!:for10:

[عاشق ديرتي بريده]

قله : فلانه ياغزال البراري ...حبك في قلبي يزيد بالثواني .. :)

سولف وامزح معه موب لازم تصير اشياء رسميه بينكم .. كل واحد منكم يقول ذكريات ومغامرات الطفوله ,,

وتذكرو ايام الخطوبه وشهر العسل وطلعو التعليقات ... :)

طيب اخت دلوعه اليوم قلت لها ياغزال البراري وبكرا وش اقولها !

يعني ابتل اغازلها !

[عاشق ديرتي بريده]

خخخ بيت غزلي مسكت اعجبن ابقوله لامي :)
شوف أخ عاشق اذا زوجتك مثل ام صالح لا تقوله كلام حلو تراك ماتدري الا هي منشقله على رويسه
مير انتبه ,,, لا اوصيك

منهي ام صالح !

<<< خاف !

[عاشق ديرتي بريده]

عاااااااااااشق ديرتي تبي تطلع سواليف المرأة والقرق الصدق رح سلمك الله عند مزرعة النفيسه بحويلان وخذ حزمة كراث ورح لم أقرب مخبز وهات لك بـ 10 ريال خبز عادي ومر أقرب محل عطارة وهات لك بـ50 زنجبيل وخله تعلفج من الكراث وإسمع السواليف 000000 ههههههههههه

تقبل مروووووووووري

شكلك نسيت تقول والبس شماغ وتلطم !

وشينها اذا بدت تسولف ولون لسانها اخضر !

[ღ ][ وحيدة كالقمر ][ღ]

انتي عانس ياوحيده يعني ماتعرفين وش اللي يصلح لنا !



ههه


أجل عانس....لاأعرف وش يصلح لكم...


لكن مايصلح لك أنت بالذات


فليش أتعب نفسي وأتكلم وأنا أعرف إن كلامي ماراح يقنعك....


لأن تفكيرك مو عاجبني..وكلامي مايركب ع تفكيرك أبد الأبدات



تحيتي لك

[عاشق ديرتي بريده]

ابشوف الطرق الجديده الي سواها بعد الموضوع نجحت ولا لا عشان يعلمنا ويعلم الي يبي يعرسون بعده .. خبرك الحين شيًب شوفي الصور بعد ماكانت بساسه صارت ذيابه والله يستر لا عجز وش يبي يحط ؟ ههههه

والله شكلي ابشيب واحط صورة ماجد عبدالله ولاني طالع بفايده !

[عاشق ديرتي بريده]

عاشق تسلم يا خلفهم على هالموضوع

الله يرزقك الذريه الصالحه

تصدق مريت بمثل هالمرحله لاني قعدت تقريباً خمس سنين و ما جاني عيال

وشيء طبيعي أنك تمل من زوجتك و هي تمل منك بمثل هالمرحله

أحسن حل أنك تسافر لك سفره طويلة شهر أو شهرين

علشان تشتاق لحياتك الزوجيه

و إن شاء الله إذا جاك عيال تتغير حياتك الزوجيه للأفضل

أهم شيء خلك شديد من الحرمه و لا تعطيه وجه



ابوتهاني الله يرزقك الذريه الصالحه

مره سافرت ورحت للبحر ايقالي رومنسي يوم فرشت الفرشه ونزلت الثايه وصلحت شاهي وقهوه جاني ملل وبديت اتلفت من الكسل !

وشلون اسول معها وبنفس الوقت اصير شديد ولااعطيها وجه !!!

[عاشق ديرتي بريده]

عاشق تكفى كافي كرهت الزواج منك
طلبتك خلاص خلاص خلاص اولاه

اجل لو تجربه وش تبي تسوي شكلك انواع الحسوفه على الاماني اللي كنت تعيشها !

والله واحد يقولي والله لولا العيال كان ماتقعد عندي دقيقه !

[عاشق ديرتي بريده]

عاشق..

ماقصدته بردي

انه لايهم أن تكون الحوارات والسوالف بين الزوجين

محصوره بإهتمام واحد دون إهتمام الآخر..


سيصابون بالملل..والبعد بالتفكير..



أي موضوع في هذا المنتدى

بالإمكان نقاشه مع المرأه..

سواء في قسم الأسره..أو في القسم العام




حين تأتي لها بخبر عام وتسألها عن رأيها

ستشعر بإهتمامك

أكثر من سؤالك لها أسئلة سطحيه..عن الأكل وغيره..




اتمنى ان تكون فكرتي وصلت







تحيتي,,,

والله فكرتك حلوه بس تطبيقها صعب شوي لان ثقافة بعض الحريم والرجال خرطي !

[عاشق ديرتي بريده]

تصدق ياعاشق ..؟؟

ماكنت ناوي أكتب رد بالموضوع لأنه خاص بعجز المنتدى ..حسب قولتك ..!!:c9:
الغريبة البنات على نياتهن يجاوبنك ..وانت تسميهن (العجز ) ..!!




الحقيقة ياعاشق إنك جلف بريداوي ..! المرة عندك للعشاء وتربية البزارن ..!
تسيف تسذا ماترون الحريم شيء ..!!:for10:

تبين اقول ياراشد يافتايات وهن عجز !!

وتعال علمنا خلنا نستفيد منك ياراشد مهوب تجدع كلمه وتهج !

[سلطانة]

أهم شيء خلك شديد من الحرمه و لا تعطيه وجه
خلك من كلام ابو تهاني خير ان شاء الله متزوج شغاله
وووووووووووه ياعيال بريده والله من الجفاسه والطهبله
بعذر بنت عمي بكم والله يوم عن يوم اقتنع بنظريتها

[عاشق ديرتي بريده]

[ وحيدة كالقمر ][ღ;1658571']
ههه


أجل عانس....لاأعرف وش يصلح لكم...


لكن مايصلح لك أنت بالذات


فليش أتعب نفسي وأتكلم وأنا أعرف إن كلامي ماراح يقنعك....


لأن تفكيرك مو عاجبني..وكلامي مايركب ع تفكيرك أبد الأبدات



تحيتي لك



اجل وشوله تتعبين نفسك وتردين ,

[إخلاص]

منهي ام صالح !

<<< خاف !

اضغط هنا لتعرف ماذا حل بأم صالح
7
7
7
http://buraydh.com/forum/showthread.php?t=136985

[عاشق ديرتي بريده]

اخي عاشق لكل امرأةمفتاح والرجل الذكي الذي يستطيع ايجاد المفتاح لزوجته
فإن وجده وجد السعادة
وان لم يجده فما زلنا احياء وتستطيع البحث عنه لايجاده
الحياة الزوجية جميلة والاجمل منها انتظار زوجتك لك الذي يزيدها حبا وشوقا لك ..
دعها تنتظرك.. تهاتفك .. تقول لك ..اشتقت اليك ..
اتعلم كيف ؟؟؟
ابحث عن مجال حديثها فلكل امرأة فنون بحديث (ما) اذا تكلمت عنه لن تنتهي حتى تغير نمط الحديث وبذلك .. يتتعدد الحوار
ابحث عن ماتحبه زوجتك واحضره لها وناقشها فيه واسمع رأيها وتجاذب معها اطراف الحديث
ذكرها بأيام حبكم الاولى.. بمواقفها وطرائفا .. حادثها عن مشاعرك الجميلة.. يوم الخطبة .. يوم الملكة زز انتظارك ليوم الزفاف.. لمساتك الاولى بالحياة الزوجية .. ابحث بين طيات ذاكرتك الزوجية عن كل ماهو جميل بينكم .. اذهب بالاطفال الى اهلها او اي شخص تثق به رتبا لحفلة رومانسية ابتداء بالاضاءات والورود وماتحتويه حفلة رومانسية لليلة جميلة خذها ولوحدكما وتسوقا وكن معها لين الجانب ونظراتك العاشقة تحيط بها .. قل لها عبارات الحب الجميلة .. وسافرا لوحدكما وجدد حياتك الزوجية بين كل فترة واخرى..
العب معها.. وان كانت لاتعرف علمها.. سترفض في البداية لكن مع الاصرار والالحاح ستغلبك في النهاية العب معها ( السلم والثعيان .. الكرة <<لكن لاتخليها حارس.. او مايطري على بالك فهناك تقنيات جديدة للعب بين الزوجين...)
الحياة الزوجية ليست مملة كما قال بعض الاخوان لا والله الكثير ممن اعرفهم مضت على حياتهم الزوجية السنوات تلو الاخرى وحياتهم بازداهار اكثر اتعلم لماذا لانهم بعد الله ليس لهم احد غير بعض لذلك لابد ان يطوروا حياتهم الجميلة بانتظام ..
ولكم ودي

والله كلام حلو ومفيد ولو ان بعض الكلام صعب تطبيقه بس يبقى من الردود المفيده ,

[أبو تهاني]

ابوتهاني الله يرزقك الذريه الصالحه

مره سافرت ورحت للبحر ايقالي رومنسي يوم فرشت الفرشه ونزلت الثايه وصلحت شاهي وقهوه جاني ملل وبديت اتلفت من الكسل !

وشلون اسول معها وبنفس الوقت اصير شديد ولااعطيها وجه !!!

حبيب قلبي شكلك ما فهمت قصدي

سافر لحالك لا تاخذه معك خله تقعد عند أهله

إذا صرت تسولف معه و تعطيه وجه أكثر من اللازم تبداء تتحكم بك و تأمر عليك

قال عُمَرَ بنِ الخطاب -رضي الله عنه- :

" لاَ تُسْكِنُوا نساءكم الغُرَف، ولاَ تعلموهُنَّ الكتابة، واستعينوا عليهن بالعُرْى

وعَوِّدُوهن ‏"‏لاَ‏"‏ فإن ‏"‏نعم‏"‏ تجرِّؤُهن‏ " [‏مجمع الأمثال:‏453]

[عاشق ديرتي بريده]

حبيب قلبي شلكلك ما فهمت قصدي

سافر لحالك لا تاخذه معك خله تقعد عند أهله

إذا صرت تسولف معه و تعطيه وجه أكثر من اللازم تبداء تتحكم بك و تأمر عليك

قال عُمَرَ بنِ الخطاب -رضي الله عنه- :

" لاَ تُسْكِنُوا نساءكم الغُرَف، ولاَ تعلموهُنَّ الكتابة، واستعينوا عليهن بالعُرْى

وعَوِّدُوهن ‏"‏لاَ‏"‏ فإن ‏"‏نعم‏"‏ تجرِّؤُهن‏ " [‏مجمع الأمثال:‏453]






ايه قصدك لحالي !
والله لو اجلس لحالي بالبيت يكون احسن بس وش يفكنا من زعلهن !

[حزام الأمان]

لا اله الا الله ,,,هالمنتدى على طول قابين

ياخي خلوة يقول عجز وش احلى من العجز بالله عقل وثقل وحكمة والكل يحترمها ويحب يدها الله شعور حلو بين عليها واحفادها


بعدين عاشق والله معليش اسلوبك مادري وش يبي لا تصير بس تسوي كذا مع زوجتك !!!!

ياخي لا تخذ الدنيا وكانها قرف حايمه كبدك على غير سنع ,,,فيه ناس تدور النكد انتبه لا تصير منهم

بعدين وش دخل كوني متزوجة والا لا عشان افيد اذا ماتبي نساعد ولو اني متعاطفه مع زوجتك الضعيفة
شكلك مررررررره حايمه كبدك منها <<<الله لا يجعلني محلها وينك سرى بعذرك تقولين الرجال مافيه احن من الاهل والله ,,,,,,الله يهدي الجميع وخاصة ابو تهاني

[قلب الأسد]

عاشق وشلون تبي تسولف مع زوجتك وانت مستلمنا هنا بالسواليف
اكيد يبي تخلص سواليفك ويتعب حنكك من الهرج ,رح سولف مع المدام
لايقضن السواليف.

[بنت البدائع]

وشي السواليف اللي تصلح للحريم غير اللي ذكرته !!


مشكلتك هنا مو واقفه على السواليف ...

عاملها بحب ولطف وهدوء ولين ,, وغيّر نظرتك لهامن السلبية للإيجابية ... وبكذا يرتاح بالك وبيطلع لك كل شي من سواليف وغيره ...

"إن الله لايغيّر مابقوم حتى يغيروا مابأنفسهم"

دمت بخير ...

[فتحـية]

عاشق ديرتك ..

من خلال الردود اتضح لي أنك لاتبحث عن حل بقدر ماتبحث عن الفضفضة !
من وجهة نظر خاصة لن تفيدك كثيرا ولذا يمكنك تجاوزها بكل أريحية :(
الحديث المتكلف والذي تشعر معه بأنك تفعله مضطرا لايجدي نفعاً
والأفضل أن لا تتحدث به !
جرب الصمت لأيام وأسابيع فلربما تتغير وجهة نظرك ..

ألاحظ نفسي في مجالس البنات أكره اضطراري للحديث فقط لقطع الصمت
أشعر بملل داخلي ينفرني من الجلوس مجددا معهن ..
مسائل الحوار واهتمام الآخر والرومانسية المصطنعه
هذه لاتصلح لك كونك لاتبحث عن مايسعد زوجتك حقيقة بقدر ما تبحث عن جدع هم السواليف !

ربما زوجتك تقول ذات الكلام عنك ..
جرب الصمت .. هذه نصيحتي


سلملم
:)

[جوان2007]

وش سولفت على مرتك اليوم <<بدت اللقافه

لاني بشوف انت استفدت من العجايز ولا ماستفدت ,,

عندي لك سالفه ,,اقعدو شوفو فلم مصري وتكلمو عن الاحداث الي تدور بالفلم خخخخخخخخ

ترا والله توسع الصدر هالسالفه

[•°سـرىآ اللـيـل°•]

صحيح يااخت سرى قبل الزواج احلام ووناسه وبعدها كن الواحد معطيك كف !

يالله ياشباب شوفوا البنت هذي ميزتها تقول الحق ولاتسذب ,

حلوو والله إذا كنه معطين كف .. ياخوفي لايعطين كف حقيقة وليس كناية :(

الله يكفينا شرهم قل آمين ..

**************

ولكم أم خليل ولكم أم جوان صباح ماطر مزدان بالبهجة :) << حصة تعبير :D

[عازفة ألحان الليل]

تصدق ياعاشق اقرأ ردودك ومت من الضحك
الي عجوز والي عانس ههههه
<<<<وويلي الحين يقولي بي شي

[عازفة ألحان الليل]

يعني يالفنانه ايقالك ماتدرين وش ميول كل حريمنا !

سواليف بحريم الناس ورجال خواتهن !
والله اني مدري !
وبعدين تصدق كل خواتي كل وحدة له ميوله !

[صاحي ورايق]

هلا حبي
خليك كافر بهالحريم .. وهذي هي السياسه الصحيحه لهن !
شوف إذا جاك الملل من زوجتك ولا عندها الجديد اللي تقدمه لك طلقها .
وشوف غيرها
إذا حسيت بملل من هذا الزواج الفراق أفضل وسيله بينكم .
البنات في هذا الوقت على أفا من يشيل من كثرهن
روح طق أي باب ويعطونك وهم فرحانين ولا فيه لا شروط ولا غيرها
بس يبيون الفكه من بنتهم ويحطونها بحلق أي رجل مقدم لها يفتكون من شرها ومن شرر أعمالها .
خليك مثلي أنا .. إذا حسيت بملل من هذه الشحروره التي أمامي أحاول إني أبدلها وأأتي بالجديد وأعيش حياة جديده مع إنسانه جديدة لكي تغير مسار حياتي الأولية .
التغيير حلو وتغيير الأنفس برضه حلو .. فا صبرك على إنسانه وحده طوال هذه السنين فيها ظلم لحالك وممكن تدخل بالذنب من هذا العمل .
حلاة الدنيا تغيراتها .. فا لو كل مده يكون فيه إستبدال فا راح تكون حياتك هنيه وسعيدة ..
أما إنك بتدوم مقابل وحده طوال سنينك فهذا هو الظلم وهذي هي الغبينه لنفسك .. حاول إن يكون لك كل مده معينه زوجه جديدة !
وعلى فكره يا عاشق صبرآ قليلآ وراح تلاقي البنات سعرهم باتراب الفلوس
ممكن تلاقي في البقاله ( أكشط واربح ) تكون هديه مع حليب أو حفايظ أو فشار فشفاش !
أنتظر قليلآ وسا تدوم النعم علينا كأننا في أيام الجاهلة في كثرة الجواري عندما تكون كالنمل لا تعلم من تأخذ وتختار من إزدياد هؤلاء الشحرورات ورخص مهرهن بإذن الله في انهيار .

دمت متجدد

[إخلاص]

حبيب قلبي شكلك ما فهمت قصدي

سافر لحالك لا تاخذه معك خله تقعد عند أهله

إذا صرت تسولف معه و تعطيه وجه أكثر من اللازم تبداء تتحكم بك و تأمر عليك

قال عُمَرَ بنِ الخطاب -رضي الله عنه- :

" لاَ تُسْكِنُوا نساءكم الغُرَف، ولاَ تعلموهُنَّ الكتابة، واستعينوا عليهن بالعُرْى

وعَوِّدُوهن ‏"‏لاَ‏"‏ فإن ‏"‏نعم‏"‏ تجرِّؤُهن‏ " [‏مجمع الأمثال:‏453]





اوف اوف اوف
داخلن حرب الرجال
وين قدوتنا وتعاليمه والا صرنا مثل اليهود ناخذ اللي يوافق هوانا واللي مايوافق الهوى نقطه ولا نعترف به
انت قلت قال عمر وانا اقول قال محمد سيد عمر وسيدي وسيدك
" ألا واستوصوا بالنساء خيرا " ولم يقل الا واستوصوا بالنساء شرا
واليك هذا الرابط
http://buraydh.com/forum/showthread.php?t=140880

[إخلاص]

عاشق ديرتك ..

من خلال الردود اتضح لي أنك لاتبحث عن حل بقدر ماتبحث عن الفضفضة !
من وجهة نظر خاصة لن تفيدك كثيرا ولذا يمكنك تجاوزها بكل أريحية :(
الحديث المتكلف والذي تشعر معه بأنك تفعله مضطرا لايجدي نفعاً
والأفضل أن لا تتحدث به !
جرب الصمت لأيام وأسابيع فلربما تتغير وجهة نظرك ..

ألاحظ نفسي في مجالس البنات أكره اضطراري للحديث فقط لقطع الصمت
أشعر بملل داخلي ينفرني من الجلوس مجددا معهن ..
مسائل الحوار واهتمام الآخر والرومانسية المصطنعه
هذه لاتصلح لك كونك لاتبحث عن مايسعد زوجتك حقيقة بقدر ما تبحث عن جدع هم السواليف !

ربما زوجتك تقول ذات الكلام عنك ..
جرب الصمت .. هذه نصيحتي


سلملم
:)
عن اذنك صاحب الموضوع لي رأي هنا ........

الصمت بين الأصدقاء عادي
ولكن الصمت بين الزوجين ما اظن انها فكرة صائبة
قد يولد فجوة بينهما وهذا غير صالح للحياة الزوجيه وقد يضر بالأطفال ايضا.

[الفتـ الذهبي ـى]

وعلى فكره يا عاشق صبرآ قليلآ وراح تلاقي البنات سعرهم باتراب الفلوس
ممكن تلاقي في البقاله ( أكشط واربح ) تكون هديه مع حليب أو حفايظ أو فشار فشفاش !
أنتظر قليلآ وسا تدوم النعم علينا كأننا في أيام الجاهلة في كثرة الجواري عندما تكون كالنمل لا تعلم من تأخذ وتختار من إزدياد هؤلاء الشحرورات ورخص مهرهن بإذن الله في انهيار .

وش رايك نصبر بعد وتجينا بنقاط قطاف لاوصلت 5000 نقطه يعطونك بنوته شحليله :D

أجل بصبر معك لمين يحله الله :)

[ملكة الجوارح]

الله لا يبلاني بواحد مثلكم

[البـــBADERـــدر B.D.Q]

اما صاحي ورايق مهوب صااحي ابد ابد
اجل اكشط واربح

بالنسبه لك انت يالسباطي ( عاشق ديرتي )
ياخي احس انك متملل من زواجك وحالك حاله
دور على اسباب الملل ودور على علاجه
طيب حوال تغير الروتين الي انت عايشه لانه احد اسباب الملل
حاول ترتقي بفكر زوجتك شوي
حاول تنزل للفكره
لازم يكون فيه تضحيات ىمنك ومنه
مع اني ادري ان الكلام ذا نوذجي اكثر من اللازم وانه يصعب تطبيقه لكن لعل ارائي تفيد لك :)

[ღ ][ وحيدة كالقمر ][ღ]

عاشق......إكتشفت فيك خصلة؟ من خلال ردودك



إنك (ملــــــــــــــــول)


تمل الشي بسرعة......حتى ماتكلف نفسك تجرب...لا


ع طول تقول ملّيت....




الله يعينك



تحيتي

[سلطانة]

صاحي ورايق
أحلف انك طاق 3000 بيت وكلهم قضبوك الباب؟!!
خل عنك المهايط
عاد تكفى من زينكم ياللي ماتملون زود على انكم شيف فقر ودجه واستراحات وشيشه"الا القله"
الله لايجعل نصيبي عند اشكالك

[رايق]

عاااااااااااااشـــــــق ....


غريبه إنك ماتلقى كلام تقوله لزوجتك !!!!!


عندي لك الحل ....


على كثر مواضيعك هنا ماشاءالله عليك لو تقولها لزوجتك كان ماخلصت ولا بعد سنه :36_1_1[1]


تدري أحسن حل إنك تطبق المثل القائل .....



( الصــــــــمــــــــت حــــــكـــــــــمــــــــه :12[1]: )



لأنك أحيانا تقول كلام وينقلب على راســــــــك :c4: !


فابعد عن الشر وغنيله !!!!!






^^



اللحين الرجال مورينهن نجوم الليل بالضحى ومع ذلك هم هرجتهن بكل مكان فلان سوا وحط وخرط فاضي بس وش تسوي تحبه ياعمري هي :(





قوووووووووويه ياســــــــــــــرى !


أي رجااااال اللي تقولين عنهم :36_1_2[1]



اليوم الزوجات هن اللي موريات أزواجهن نجوم الليل في عز الظهر إلا من رحم ربي :a2:


تحياتي

[حصة]

مارح تلقى سالفة لزوجتك ومو بس انت اغلب شباب القصيم مثلك
بقولك ليش
انتم تناظرونا على اننا من الدرجة الثانية وكل شي من وجهة نظركم حلال عليكم حرام على المرة لانها مو من مستواكم والله والمستوى عاد
المرة شغلتها بالنسبة لكم الكرف بالبيت وتربية اولادها اللي مو اولادكم
تقل سبحان الله راحت للسوق تجيبهم وبعضكم زوجته تشتغل
يعني كل هذا على راس المرة المسكينه اما انتم شغلتكم بالحياة
تدخل البيت كنت اسد الغابة وين العشاوين الغدا هذا اذا جيت للعشا بعد
اللي المفروض الجارية تصير مجهزته وتهلي وترحب بسوبرمان
وياويله لو نقصت عليه بشي ولا تهتهم ولادلل اللا زورو وللا يذعل
ومقابل كل هذا شعرتها حمرا وماتناسب ميولكم الحمدلله والشكر على هالميول كورة وللا سربته بالاستراحات ولا سولف يبدى ينفش ريشة عندها ولا تعارض ولاتسأل تقطع حبل افكاره لازم تسكت لين يخلص الامير قرق وتندهش وتسذب اقاله متحمسة

سووووووووووووووري على الاطالة بس محترة من ثقتكم العميا بانفسكم

[حلم]

اعتقد الرجل في حاجة تفهم طبيعة المراه وكذلك المراه في حاجة معرفة طبيعة الرجل ومعرفة كيفية التعامل بينهم خاصة للمقدمين على الزواج

[•°سـرىآ اللـيـل°•]

حزاام ,, قايلة لكن هالرجال كذبة زمن دجال :) وهنا شواهد وبراهين .. وربك عليهم يعين ..

ـــــــــــــــــــــــــ

ممكن تلاقي في البقاله ( أكشط واربح ) تكون هديه مع حليب أو حفايظ أو فشار فشفاش !

:18[1]: أستغفر الله أجل أكشط .. صدق مهزززززززززززززلة ..

بصراحة تجارة رابحة وعلى كذا بفتح بقاله وبسوي إستقدام من دول العالم مع كل بيبسي بنت هديه << بإستثناء المسلمات مايتاجر فيهن ..

الله لايحرمك أجر ضحكنا بالمسن :b3: << أدخلت البهجه على قلوب مسلمات ماحلن اليوم زين بالإمتحان..


رااايق :::::::::

اليوم الزوجات هن اللي موريات أزواجهن نجوم الليل في عز الظهر إلا من رحم ربي

يجيب الله مطر .. بصراحة الظليمه شينه .. فيه زوجات قلق .. بس الأزواج أكثر نسبة قلق منهن ,,

الظلم قادم منهم وأكتسب منهم ,, مهما وصل بالزوجة ماتقدر تقهر زوج أقل شيء يسويه يطلقها إلا إذا كان حكيم وصبره معدي العلامة ..

أما الزوجه ماتطلب طلاق مهما صار خوفاً على بيتها من الشتات وأبنائها من الضياع .. ومن بتأخذ بعد طويل العمر ؟!

خاربه خاربه خلونا نعميها تجلس معه وتلم عياله ولاتضيعهم وتضيع كل يوم مع رجل .. تزوجت طلقت .. عسى ماله تالي ..

من اللي سمع قصيدة 4×6 ؟! أجمل قصيدة سمعتها صح البنت تقهر بس الجميل أنه قهرت رجل ;) رحمته بصراحة بس فرحت ..

أهذب تاهيه’

[إلينـ اليوم]

عاشق شكلك ماتحب زوجتك والا انسانه اقل من
عاديه عندك مو معقوله قليل احصل احد مو مبسوط
مع زوجته او مو مرتاح معاها لو على قولتك كان كل الناس
طلقووو زوجاتهم .

[رايق]

رااايق :::::::::



يجيب الله مطر .. بصراحة الظليمه شينه .. فيه زوجات قلق .. بس الأزواج أكثر نسبة قلق منهن ,,

الظلم قادم منهم وأكتسب منهم ,, مهما وصل بالزوجة ماتقدر تقهر زوج أقل شيء يسويه يطلقها إلا إذا كان حكيم وصبره معدي العلامة ..

أما الزوجه ماتطلب طلاق مهما صار خوفاً على بيتها من الشتات وأبنائها من الضياع .. ومن بتأخذ بعد طويل العمر ؟!





أهذب تاهيه’
[/CENTER][/COLOR][/quote]


ســـــــــــــــــرى


يبدوا لي أنكي قلبتي المعادله هنــــــــــــــا :15[2]::15[2]:


الحمدلله إن العصمه بيد الرجل ولله في ذلك حكمه :ash:


ولولا الله ثم حكمة وصبر الرجاااااال لكانت أغلب الزوجااااااات الآن مطلقات :22[1]:



وصدقيني لو أن الأمر بيد الزوجه لتزوجت وطلقت ألف مره ولن تفكر مجرد تفكير في بيتها وأولادها على قولتك إلا من رحم ربي :b3:



وهي خاااااربه خااااااربه خلينا نعميهااااااا :c2:



تحياتي

[•°سـرىآ اللـيـل°•]

ســـــــــــــــــرى


يبدوا لي أنكي قلبتي المعادله هنــــــــــــــا :15[2]::15[2]:


الحمدلله إن العصمه بيد الرجل ولله في ذلك حكمه :ash:


ولولا الله ثم حكمة وصبر الرجاااااال لكانت أغلب الزوجااااااات الآن مطلقات :22[1]:



وصدقيني لو أن الأمر بيد الزوجه لتزوجت وطلقت ألف مره ولن تفكر مجرد تفكير في بيتها وأولادها على قولتك إلا من رحم ربي :b3:



وهي خاااااربه خااااااربه خلينا نعميهااااااا :c2:



تحياتي

أنت من صدقك ؟!

ياخي أعرف بناات كومه عايشات نكد مع رجالهن ولاطلبن الطلاق كله عشان عيالهن ..

والله أعرف وحده إلى الضرب يضربه يعني تصور الحياة هوون ومع ذلك رافضه الطلاق ..

تقول لاتقولون تحبينه وقسم بالله مالي خلقه إذا طلع أدعي أنه مايرجع يجيه شيء يفكن منه حادث اي شيء المهم يمووت :(

تقول فكري مع عيالي .. أطلع جنازه من البيت ولاأتركهم أنا بجهه وهم بجهه .. أعرف رجلي ظالم بياخذهم من ..ألم عيالي وأحتسب الأجر,,

صادقه شخصياً لو << أقول لو صار لي ماصار له والله لأفضل الموت على الطلاق ياخي إذا فكرت بصدق عيالي أعيش من دونهم!! وش أبي بالحياة وع أموت أرحم..

ترى فرق شاسع بين حب الأمهات وحب الأباء أنتم ماتحبون العيال مثل حبنا لهم ,, ياشيخ ترى حبهم نحس :(

ربك يعين المظلومااات ,, من جد أرحمهن .. وياليت عيالهن يبرون بهن على كل هالتعب ..

أهذب تاهيه’

[الماسة محتاسة]

اخي رايق...

الحمدلله إن العصمه بيد الرجل ولله في ذلك حكمة
جعل الله العصمة بيد الرجل لقدرته البدنية على حماية زوجته وابنائه وليس لعقله وحكمته كما يدعي البعض...
ولولا الله ثم حكمة وصبر الرجاااااال لكانت أغلب الزوجااااااات الآن مطلقات
المرأة اصبر من الرجل وهذا مما لاشك فيه..والواقع يثبت ذلك....
وصدقيني لو أن الأمر بيد الزوجه لتزوجت وطلقت ألف مره ولن تفكر مجرد تفكير في بيتها وأولادها على قولتك إلا من رحم ربي
غير صحيح اطلاقا..
المرأة بيدها الخلع..اليس الخلع طلاق المرأة..
وللمعلومية ياعزيزي المرأة بسبب عاطفتهااحرص من الرجل على مصلحة بيتها وابنائها....

[العضيبيه]

عشر خطوات ذهبية لحوار هادئ ناجح بين الزوجين:

يذكر لنا الأستاذ جاسم المطوع 10 نقاط ذهبية يمكن الاستفادة منها لإدارة حوار ناجح بين الزوجين كما يلي: لكي يتهيأ الزوجان للمصارحة ندرج لهما «10» خطوات بها تصبح المصارحة سهلة ومقبولة:

1ـ التمييز بين الخطأ والنسيان:

إذا رسب أحد الأبناء في مادة الرياضيات مثلاً فلا يحق لأبيه أو أمه أن يسبه في شخصه, كأن يقول: إنك لا تفهم.. أو غشيم, فهنا يهاجم الشخص نفسه بتجريح وإهانة.. ولا يحاول تقويم الخطأ في نفسه، فهذا يحدث أثرًا عكسيًا.

2ـ الموضوعية:

يجب على أحد الزوجين ألا يخلط بين ما حدث في الوقت الحاضر والزمن الماضي، كأن يحدث خطأ بسيط من زوجته فينهال عليها لومًا، بأنها ومنذ زمن حدث كذا وكذا وينسى أن ينصح للخطأ نفسه فقط.

3ـ اختيار الكلمات:

الأسلوب أو انتقاء الكلمات سلاح ذو حدين: إما أن يزيد المشكلة اشتعالاً أو يقضي على الخلاف قبل تفاقمه، إذن فالوضوح مطلوب وتجنب الغموض أيضًا مطلوب في المصارحة، فعلى الزوجين ألا يحورا الكلمات، ولكن يحددان نطقهما فهو أجدى للمصارحة.

4ـ اختيار الأسلوب الهادئ المباشر:

الصوت مهم في المصارحة, أي الأفضل أن يكون هادئًا؛ لأن ارتفاع الصوت يظهر الغضب ويقطع الحوار, وكذلك إشارات الأيدي بانفعال.

5ـ التجزئة في المصارحة:

كأن يجلس الزوجان معًا, فتسأل الزوجة عن عيوبها فلا يصارحها بجميعها مرة واحدة ولكن الأفضل أن تكون مجزأة. أي كل شهر يقول واحدة.. وهكذا حتى لا تكون صعبة.

6ـ اختيار الوقت المناسب:

أنسب وقت للمصارحة متى كان الطرفان هادئين، وإذا كان أحدهما متوترًا.. فلن تكون هناك مصارحة بينهما.

7ـ العزلة:

بمعنى: لا يحق لأحد الزوجين مخاطبة الآخر عن نقص أو خطأ فيه أمام الأهل أو الآخرين أو حتى الأبناء؛ لأن هذا الأسلوب يحدث شرخًا في العلاقة الزوجية، ولكن الانفراد للمصارحة أفضل وأسلم.

8ـ البدء بالإيجابيات لا بالسلبيات:

حين يتناقش الزوجان في نقطة معينة وقعت من أحدهما لا تذكر السلبيات بداية للحوار.. وليكن الحديث عن الجانب الخير أولاً، فهذا يمهد لسماع السلبي.

9ـ الاستمرارية: متى أصارح زوجتي؟!

الإجابة: لا تؤجل المصارحة إلى وقت بعينه، كأن تقول زوجة: سوف أصارح زوجي بما فيه من عيوب بعد خمس سنوات أو بعدما أنجب أطفالاً، هذا أسلوب خاطئ، فالمصارحة لا تسوّف، ولكن تأتي من البداية تدريجيًا.

10ـ جماعية:

أي لا بد أن يكون جميع أفراد الأسرة متحلين بالمصارحة وإدارة الحوار والنقاشات؛ لأن الأسرة الفاشلة هي التي يوجد فيها فرد واحد فقط صريح.

[أبو تهاني]

اوف اوف اوف
داخلن حرب الرجال
وين قدوتنا وتعاليمه والا صرنا مثل اليهود ناخذ اللي يوافق هوانا واللي مايوافق الهوى نقطه ولا نعترف به
انت قلت قال عمر وانا اقول قال محمد سيد عمر وسيدي وسيدك
" ألا واستوصوا بالنساء خيرا " ولم يقل الا واستوصوا بالنساء شرا

غفر الله لك

تقول الحكمه : ( لكل مقام مقال )

وقول عمر لا يتعارض مع قول الرسول صلى الله عليه و سلم

ردي كان في سياق معين ولو تغير السياق لتغير الرد

[إخلاص]

عذرا ابا تهاني يبدو ان ردي عليك لم يكن مدروسا بما فيه من الكفايه وبما انك اتيت بكلام سيدنا عمر فلا يحق لي الرد عليك
شكرا

[حصة]

ابو تهااااااااااااااااااااني

هاااااااااا لقيت سالفة وللا لسى ؟؟؟؟؟؟؟؟؟؟؟؟؟

[سلطانة]

هاه وش صار ياعاشق
لقيت سالفه والا للحين تناظرون مثل جني وابن شمسي ؟

حصوص
ابو تهاني اشك انه مايسولف مع ام تهاني المسكينه لأنه سبق وقال اني مااعطيها وجه

[أبو تهاني]

ابو تهااااااااااااااااااااني

هاااااااااا لقيت سالفة وللا لسى ؟؟؟؟؟؟؟؟؟؟؟؟؟

الله يفتح على قلبك

هذي مرحله تمر على كل زوجين يتأخر الانجاب عندهم

يصير بينهم نوع من التنافر و الروتين الممل

و إذا جو العيال خلاص يملون الدنيا على امهاتهم



ابو تهاني اشك انه مايسولف مع ام تهاني المسكينه لأنه سبق وقال اني مااعطيها وجه

صراحه ما أحب كثر السوالف

خلاص أكثر من خمس سنين و حنا مقابلين بعض ملينا من السوالف

[سلطانة]

وش دعوه يابو تهاني لو كل الناس مثلك مالقيت أحد سعيد
والله اعرف لك وحده وزوجها ماشاء الله تبارك الله مايسكتون كل واحد يقطع على الثاني وده يسولف
شكلك او زوجتك من النوع الصامت لازم تلقى لكم حل وضعكم مهب معجبني

[حصة]

السلام عليكم

ياحليك يا ابو تهاني شكلك حبيب وودك تسولف وتمبسط بس مشكلتك
ماتعرف ولا عندك استعداد تحاول
ولله الناس اللي مثلك قليل ليه ياماما مليت واذا لكم خمس سنوات متزوجين
طيب شوف كم عمرك الحين وتسولف مع امك وابوك واصحابك وانت لك دهر معاهم
اكثر من زوجتك ليه مامليت منهم او حسيت انه مافيه شي مشترك بينك وبينهم هذي هي ،ياابو تهاني انت مالك خلق مرتك وعلى قولة سلطانه انك ماتعطية وجه
الله يصلحححححححححححححك

[سلطانة]

طيب شوف كم عمرك الحين وتسولف مع امك وابوك واصحابك وانت لك دهر معاهم
حكييييييييييمه ياحصه

[بيارق]

بما اني انسان مجرب

انصحك ان تتكلم عن اللبس المكياج الكحل حتى عن الجسم !

هذي الأمور تهتم فيها الزوجة جدا وتسعدها حتى لو كررتها عليها !!

[$ جالكسي $]

الله يعينك فص فصوك البنات
هههههههههههههههههه

اقوول اخووي وجهت نظري انا
بحكم اني عاايش مع بنات
استخف دمك عليها نكت اضحك
اتريق على الموذيعات سولف عن ربعك وشلتك
ترا البنات بحبوون يسمعون سوالف العيال وطلعاتهم
يعني اذا طلعت سولف عليه عن الطله
وش قلتووش سويتو
اجلس تذكر معها اول يوم شفتها

وربي السالفه سهله مافيها شيء ابد


سوالف وش فرقة عااد



الله يوفقكوبسعدك مع زوجتك يارب


جالكسي

[حصة]

سلطانة

احسنتي بارك الله فيك
اخجلتم تواضعنا

بس مااخفيك اني رحمت زوجته احس انها مكفخة الضعيفة
جلكسي كلامك صح وحلو بس لو انا اختك كان مااسكت وخليك تسولف عن طلعاتك وا ضحك على سواليفك مع اصحابك
لا لا لا لا لزووووووووووووم اطلع مع اخوي على كيفة يطاير وانا انطق

بس بتشوف الحين يتطنزون بكلامك ويقولون لك هذا خيال وهالخرابيط