بنات لما تكونون بجمعة حريم ما تعانون من هالاشياء ؟

[دلع وزين البنات]

ظهر الخير يا بنات

او خل اقول قايلة الخير



خل اتسنع بس واقول عزيزصباح الخير اتي

بنات انا صراحة اعاني من هالمشكله الي مرة
تفشلني قدام الناس

الي اعاني منه
اني اضحك بمواقف ما تضحك
او محد يضحك فيها غيري ..
يعني مثلا لو جابو سيرة شخص
صار له حادث ولا انزلق ..
كل الناس الي بالجمعة يدعون له
بالسلامة والشفاء
وانا بنفجررررررررر من الضحك
الي كاتمته مرات ما اقدر امسك نفسي
واضحك بعدين اشيل هم اخاف الناس
تاخذ فكرة مو حلوة عني ..


قولو لي هل تعانون مع
هالاشياء ولا لا ؟

مثال ثاني

انا صراحة اقعد وسط جمعة
والناس جالسة كلها تسولف
تحسبيني اسولف معهم ! لا
اقعد اطالع بكل وحدة واشوف ملامح
وجهه مع كل سالفة وسالفة
يا ربي تضحك هههههههههههههه
ولا اتخيله مثلا لابسة طربوش
ولا اتخيل وحدة من هالحريم الكبار
لابسة نظارة شمسية عاد اموووووووووووت
من الضحك والناس تطالعني تقول وش بك
يدرون اني مانب معهم عايشة بخيالاتي
وغير كذا شوفو انا يوم اضحك
مو قصدي طنازة ولا شماتة لا سمح الله
غصب وربي ما اقدر امسك نفسي
ولا ضحكت مدري شلون ارقع عشان الناس
ما تفهمها طنازة ولا غيروووه

[الـخنساء]

ههههه
اتوقع انك توك بالثانوي صح ؟؟
كل هذا يروح لما تكبري اكثر
عندك خيال واسع فقط وبنفس الوقت شكلك تملين من السواليف وتتجهين اتجاه اخر يذهب الملل عنك
انا عن نفسي اذا جلست بجمعه اكثر من ساعتين خلاص اصاب بحاله من الطفش الشديد
والسبب اني ماله من سواليف الحريم نفسها متكرره
ما فيه شي جديد ابد

سوق وطبخ وشغالات واخر موديل من لبس وجوالات
طفش طفش طفش

[ღ ][ وحيدة كالقمر ][ღ]

دلووووعة

شكلك ضحيكة مثل محسووبتك


شوفي أنا وأعوز بالله من كلمة أنا لا سمعت بزلقة أحد وإلا طيحة أحد أضحك وأنا ماشفته



عاد عند ناس أمون عليهم مو ناس اجانب أول مرة أجتمع وإياهم



شكلك من النوع اللي مستحيل يكتم ضحكته مثل صديقتي؟



إختي مثلك ماتسولف معاهم ماغير تناظر بس ماتتخيل مثلك...أنتي ماشاء الله عندك خيال واسع



طيب ليه ماتتركين الحريم وتجلسين أنتي وبنات جنسك وتضحكون ع كيفكم....



وتاخذين راحتك بدال هرج هالحريم اللي مايتغير لو أموت عن رجله وعن إعياله وعن طبخه وعن بيته وعن لبسه وعن صديقاته وعن عياله بهذلووه



ومن هالهرج اللي يقلب تسبدس مية وثمانين درجة




شرفتينا بالقسم,,,,



تحيتي لك

[دلع وزين البنات]

ههههه
اتوقع انك توك بالثانوي صح ؟؟
كل هذا يروح لما تكبري اكثر
عندك خيال واسع فقط وبنفس الوقت شكلك تملين من السواليف وتتجهين اتجاه اخر يذهب الملل عنك
انا عن نفسي اذا جلست بجمعه اكثر من ساعتين خلاص اصاب بحاله من الطفش الشديد
والسبب اني ماله من سواليف الحريم نفسها متكرره
ما فيه شي جديد ابدسوق وطبخ وشغالات واخر موديل من لبس وجوالات
طفش طفش طفش

ايه بثانويه
اكبر من الكبر اللي انا فيه
اشوي خيال واسع الا فسيح كككك << فرحه الله يخلف على امن جابتس
مو مسألة امل اصلن ما اركز معهن كل تركيزي ينصب على وجه اللي تكلم يضحك لا حووول الله اشلون افهمكم والله مو طنازه مثلن تقول
اعنبو داره رجلي احمى سبدي انا اتشقلب من الضحك
هي متحمسه تشكي من زوجه وانا اضحك فهمتوا مشكلتي
والله انك صادقه يا سب برجالهن يا يتهاوشن بنتس ضربت ولدي او ادفعن قطيه للعشاء ككك منوره اميره متصفحي

[دلع وزين البنات]

دلووووعة
شكلك ضحيكة مثل محسووبتك
شوفي أنا وأعوز بالله من كلمة أنا لا سمعت بزلقة أحد وإلا طيحة أحد أضحك وأنا ماشفته عاد عند ناس أمون عليهم مو ناس اجانب أول مرة أجتمع وإياهم
شكلك من النوع اللي مستحيل يكتم ضحكته مثل صديقتي؟
إختي مثلك ماتسولف معاهم ماغير تناظر بس ماتتخيل مثلك...أنتي ماشاء الله عندك خيال واسع
طيب ليه ماتتركين الحريم وتجلسين أنتي وبنات جنسك وتضحكون ع كيفكم....
وتاخذين راحتك بدال هرج هالحريم اللي مايتغير لو أموت عن رجله وعن إعياله وعن طبخه وعن بيته وعن لبسه وعن صديقاته وعن عياله بهذلووه
ومن هالهرج اللي يقلب تسبدس مية وثمانين درجة
شرفتينا بالقسم,,,,
تحيتي لك

كككك << تضحك بعد يا ويل سبدي الحين وش يضكتس
الله يديم علينا الضحك والوناسه وحيده << ان ما جتنا عين الله يكفينا شر من بووه عين
يعني انتي مثلي اخير فيه بنت نفسي على بالي انا ماعندي احساس
مباليه << متري صح كذا او اخطات بالتعبير مشكلتي لا تحمست اخربط
وحيده اعجز امسك الضحكه اذا مسكته
بديت اشاهق وقفصي الصدري يوجعن << والله ياعلتس شرح مب صاحي
طيب هالخيال بيستمر معي << اخاف ان الله عطان عمر وتزوجت وجاء رجلي وبدا مثل يلج علي مخطيه مثلن
وجلست اتخيله حاط مكياج اكيد بضحك يؤ ساعتها وش بسوي بي
هو احر ما عنده انا ابرد ما عندي
وحيده ومن قال لك اني ما اروح عنهن مع البنات اللي بسني بس من بعيد اقز الحريم واقول بنات تخيلن امي جدتي لبسه شورت وتسوق << بعدين اضحك بي شي انا لا الان عجزت اعرف وشو
وحيده يصلموا وين شرفتكم وانا ابرمت راستس بمشكلتي

[فيصل...........]

والله وانا اخوك هذة

مشكلة لابد من حل لها

انصحك بالذهاب الى قاري يقراء

عليك مره مرتين وتعدي عنك هذه

الحاله بعون الله

تمنياتي لك بضحك على اوصوله

[ღ ][ وحيدة كالقمر ][ღ]

يوووووووووووووه

حتى وأنتي مع البنات بعيد عن جلسة الحريم تتخيلي وتضحكي....؟؟


غريبة بصراحة



لا أنا أهون بكثيرر الحمد لله......أضحك صحيح لكن مو كذا اتخيل وأضحك ع خيال



ماتاصل كذا,,,,,


دوم الوناسة يارب...



بس طريقتك غريبة بصراحة يعني لو أنا بمجتمعك كان أقول هذي تستخف فيني وفي كلامي...وأنا متحمسة أسولف وجادة؟

يعني أستحقرك لو أنا جالسة أتكلم بمجتمعك وأنتي تضحكي وتناظرين


خطر مستقبلاً....



تحيتي

[فيصل...........]

اخاف ان الله عطان عمر وتزوجت وجاء رجلي وبدا مثل يلج علي مخطيه مثلن
وجلست اتخيله حاط مكياج اكيد بضحك يؤ ساعتها وش بسوي بي
هو احر ما عنده انا ابرد ما عندي

اما هذه صفة زينه حتى فرضنا لو طقك زوجك بدل ما تبكين تضحيكن

تصدقين صفه حلوه مره يحبها الزوج اقول لا تروحين للقاري خليك

على هالمنوال هههه

[ღ ][ وحيدة كالقمر ][ღ]

لا يافيصل............من وين صفة حلوووة


تخيل زوجها يكلمها ومتحمس تضحك وهو جاد



هذي يعتبرها الزوج إستحفاف فيه.....وفي كلامه ولا ألقت لكلامه باااااااال



بالعكس أكبر خطأ يافيصل.........

الضحك له أوقاته والجد له أوقاته


والإحترام واااااااااااااااااجب



سلالامون

[فيصل...........]

لا يافيصل............من وين صفة حلوووة


تخيل زوجها يكلمها ومتحمس تضحك وهو جاد



هذي يعتبرها الزوج إستحفاف فيه.....وفي كلامه ولا ألقت لكلامه باااااااال



بالعكس أكبر خطأ يافيصل.........

الضحك له أوقاته والجد له أوقاته


والإحترام واااااااااااااااااجب



سلالامون


نعم معك حق لكن ماعليش نوب انا يجيم المخ عندي

صراحة لو ابي مثلا اكلمها بموضوع مهم وتضحك
تخوفني من جد

[دلع وزين البنات]

والله وانا اخوك هذة
مشكلة لابد من حل لها
انصحك بالذهاب الى قاري يقراء
عليك مره مرتين وتعدي عنك هذه
الحاله بعون الله
تمنياتي لك بضحك على اوصوله

قاري وش قلولك :eek:هي فيصلوه منب مهبوله وبكامل قوي العقليه وحاله النفسيه تمام احسن من كشتك :a1: يابو كشه مالت عليك انت وحلك << تكش على الشاشه بس ما ضحكت
مشكور على مرورك بس حلك مب صري :a2:

[دلع وزين البنات]

يوووووووووووووه حتى وأنتي مع البنات بعيد عن جلسة الحريم تتخيلي وتضحكي....؟؟غريبة بصراحة
لا أنا أهون بكثيرر الحمد لله......أضحك صحيح لكن مو كذا اتخيل وأضحك ع خيال
ماتاصل كذا,,,,,دوم الوناسة يارب...
بس طريقتك غريبة بصراحة يعني لو أنا بمجتمعك كان أقول هذي تستخف فيني وفي كلامي...وأنا متحمسة أسولف وجادة؟
يعني أستحقرك لو أنا جالسة أتكلم بمجتمعك وأنتي تضحكي وتناظرين
خطر مستقبلاً....
تحيتي

وراتس قلبتي هرجتس وحيده:29_1_18[1
<< بديت اخاف يعني بس انا :a7:
لا حول الله مو هذا اللي باطن سبدي وغاثن مغثه ان الناس تحسبن استخف فيهم :15[2]:
لا لحظه وحيده استوووب منب اناظر الشخص وضحك عليه لا اضحك وانا مدنقه راسي للارض وهو ما يدري اني اضحك عليه
لا عاد ما تاصل اني انظرهم وضحك السذب على الله خيب
هلا فيتس اختي

[دلع وزين البنات]

اما هذه صفة زينه حتى فرضنا لو طقك زوجك بدل ما تبكين تضحيكن

تصدقين صفه حلوه مره يحبها الزوج اقول لا تروحين للقاري خليك

على هالمنوال هههه

لا والله يطقن واضحك وين الزين تلعب علي انت
تحسبن اصغر عيالك << بينتفه هين
<< تبين افقد حواسي انت الظاهر انت اللي
يبيلك شيخ يقرا عليك << رديته له ككككككككككك

[دلع وزين البنات]

لا يافيصل............من وين صفة حلوووة
تخيل زوجها يكلمها ومتحمس تضحك وهو جاد
هذي يعتبرها الزوج إستحفاف فيه.....وفي كلامه ولا ألقت لكلامه باااااااال
بالعكس أكبر خطأ يافيصل.........
الضحك له أوقاته والجد له أوقاته
والإحترام واااااااااااااااااجب
سلالامون

ايه علميه الخبل بيلعب علي
فيصلوه انت خرب بيوت << طسي بس وما تصلح تكون رب بيت وش دخل ذا والله يا عليك خطمات مب لم قلم

[دلع وزين البنات]

نعم معك حق لكن ماعليش نوب انا يجيم المخ عندي
صراحة لو ابي مثلا اكلمها بموضوع مهم وتضحك
تخوفني من جد

انت وش قصتك تلف وتدور تكلم دغري << سودانيه دغري الله
منب قايله غير الله يصلحتس وتستر علتس
ابي حل تكفون

[فيصل...........]

لا والله يطقن واضحك وين الزين تلعب علي انت
تحسبن اصغر عيالك << بينتفه هين
<< تبين افقد حواسي انت الظاهر انت اللي
يبيلك شيخ يقرا عليك << رديته له ككككككككككك

ايوه هناء شخصت حالتك

طيب ليش زعلتي وما ضحكتي

يعني تستهبلين علينا طيب

اوريك اعلم عليك امك اخليها تدنك لين لليل

[الـخنساء]

الحل انك تاخذي الأمور بجديه أكثر وعودي نفسك انك كل مرة حسيتي انك داخله بالخيال تغيري الموجه
على طول
وحاولي تشغلي نفسك بسالفه او بموضوع وهكذا كل مرة تشوفي انك داخله بالتخيلات سوي بريك
وغيري اتجاه تفكيرك
ومع التكرار راح يروح عنك وتنسينه
وفي كل مرة تعوذي من الشيطان الرجيم

[الفتـ الذهبي ـى]

دلع البنات ..

شي طبيعي .. الي تسوينه ..

ويبدو لي عندك خيال واسع .. يعني اي شخص يُتكلم عنه.. تشوفين نفسك لازم تتخيلنه ...

وأيضا تلقين نفسك بالنت مثلا تتخيلين كل شي تقولين اتوقع فلانه كذا شكلها ولا هي تسوي كذا .. يعني كل اوقاتك تفكير وتخيلات وربما أماني!

استغلي تخيلاتك بكتابه شعر ولا خواطر .. ولا تصاميم ولا مقالات لإن هولاء يملكون التخيلات التي تختزنها ثقافتهم..



أعذب تحيه

[حزام الأمان]

هههههههههههههههههههههههه خليكي زي مانتي وسعي صدرك ,,,احيانا العقل مو زين يتعب صاحبه

ويشب راسه ,,دمتي ضاحكة الا مكركرة ,,,,,,,سلام يادلع لع ,,,,

[جوان2007]

ايه بس انتبهي لاتصيرين زيي يعني عن الحموله

اعقلي ولا اهلتس افطسي من الضحك :e1:


انا منول خبله عند حملتي جتن فتره ماغير اضحك اي شي يقولونه اضحك :18[1]:


لاكن الحمد لله تمالكت نفسي اللحين يالله اضحك اذا احد قال نكته واحيانا ابتسم بس :g3:

[جمان البحر]

امممممممممممممممممممم
والله ماأدري وش أقول لك بس يمكن أبنتفك شوي لأني بطبعي أحب الثقل ..

حلو ان الواحد يكون فرفوش بس مب بكل الاوقات ..كل وقت له حالته الخاصه ..

أول شيء ..انت اذا دخلت لمجلس ماتتمنين ان البنات والحريم بشكل عام يفرحون بدخلتك ؟؟
أكيد تبي تقولين ايه ..
علشان تصيرين محبوبه من الكل لازم تكونين ثقيلة شوي مب رقله أي شيء يضحكك حاولي تمسكين روحك زين لكن بنفس الوقت لا تصيرين ثقيلة طينه ماتضحكين أبد اضحكي على اللي يضحك واتركي اللي مايضحك ..
حاولي تشاركين بالحديث وتتكلمين وانت واثقة واذا كان الموضوع فيه شيء من الضحك ابتسمي وانت تتكلمين بس مب تكركرين واذا كان موضوع جاد خليك جاده بطريقة كلامك وبتعابير وجهك ..
علشان تضبطين هالأشياء حاولي تقعدين قدام المراية وتتكلمين على نفسك كأنها وحده ثانية ..ومع الوقت تبي تخف عادتك ..

وصراحه أنا أشوف نفسي البنت اللي تمووووووت ضحك وهي تحاول تتجرع ضحكته ماتروق لي وما أحس برغبه بالكلام معه ..
وهذا مب قدح فيك لكن أنت ممكن تقابلين ناس يفكرون مثلي والأكيد ان كثيييير من الناس كذا الا اللي هم أصلاً يحبون الضحك بقوووه وهذولا نادرين ..

ثاني شيء تخيلي نفسك تسولفين على الحريم ..وسالفتك حماسية وتجيك وحده منهن تضحك ووجهها أحمر من قوة الضحك وش تبي تكون ردة فعلك ؟؟
ماودك تشنقينها ؟؟

سلامي لك ..

[هامة حاسوبية]

http://filaty.com/i/710/f3dd562.h---11.gif


لي زميلة لما كنا في المتوسطة كانت تمر بنفس اللي تمرين فيه

بس الحين والله مادري وش صار عليه

بس شكله كبرت وعدت الموضوع عادي :)



http://filaty.com/i/710/f3dd562.hh----2.gif

[& جمال الطفوله &]

يوووووووووه مثلي


قسم بالله ...


لا المشكله اذا كان معك شلة بنات
زدتو الطين بله ..

عاد عند العجز .. ياساااتر


اذا شافو وحده تضحك ..

أبد ماأعرف اركد عندهمممممممم



لازم في شي يضحكني ..

عاد تعالي شوفي امي وخالاتي


غمز وتأشيرات ... وكبوس << يعني اسكتووووو


مره كنا بعزيمه عند بيت جدتي ... وعاالم وناس ..

جاء وقت العشاء ..


حنا وبنات خالتي نتعشى ونضحك وجنبي فيه عجيز كبيره شوي

وامي تناظر في بنت خالتي


وخالتي تناظر فيني ... وتأشيرات ..

المهم اول ماطلعو .. امسكي هواش

وتعليقات ..


والله مشكله ....ههههههههه << تذكرت موقفنااا :D

[سماااهر]

هلا دلع ذكرتيني بحالة بنت أختي بالمتوسط هالبنت "قهقهية" لو تلقين
نظرة لها كان .. "تفطس ضحك " مايهما اذا فيه رجال ولا حريم
ماشاء الله24 ساعة شغالة ...عاد لاسألنها ليش تضحك تقول :
أشكالكم تضحك.. " غريبه هالبنت " ولا تطلق مقولتها"الضحك في الصِغر ضمانة للسلامة في الكِبر"<<<تصريفهـ
تخيلي حتي المدرسات شاكينها بسب الضحك ... ماتمسك ابد !!!
قالت لها مدرسة اذا جتك نوبه الضحك على طول تخيلي موقف
مخيف مر عليك مثلا " حادث سيارة " كد حصل لهم حادث~
والشي الثاني اللي تتخيله ابوووها شديد مرهـ ..
اذا جتها النووبه... دايم تتخيله انه بيفشلها قدام الناس ..
بصراحه أستفادت كثير من التخيلات ..وقل ضحكها قدام الناس
ولا عندنا مطلقه لنفسها العنان...!!!

[ممكن اكون بكونك]

هههههههههههههههههههههههههههههههههههه

[شموخ العز]

ههه ياحليلتس يادلع انتي مثلي:)
صدق انا دايمن اتخيل:)
او اتذكر مووقف بعدين اضحك:)
والقى من اللي جالسين عندي نضرات استغراب!!! او وراه تضحك انهبلت<<لانوه مهب بموضوع استهبال:)
بس ولو اللحين باديتن اركد يعني هاه وهاه <<تجين بفترات
الحمدلله على كل حال




.

[عازفة ألحان الليل]

حسيت بك وحسيت بأحراجاتك
اصراحه مو حلوة تطالعين بالناس وتضحكين
من باب الأدب انك تسمعين للي بجمبك وهي تسولف عليك
واصراحة فعلا راح ياخذون فكرة عنك خاصة الي مايعرفونك
أما الي يزلق ويطيح حاولي تمسكين ضحكتك


نصيحة من القلب ..

[ღ ][ وحيدة كالقمر ][ღ]

أما الي يزلق ويطيح حاولي تمسكين ضحكتك



وشـــــــــــــــلون أولاه يالفنانة...كل شي أسكت عليه إلا هالمواقف


والله ياهي بعيدة عن وجهي....إذا خربته وكتمت ضحكتي ضحكت بالسيارة..

[عازفة ألحان الليل]

^^^
تدرين وشلون لأني انا نفسي اضحك على الي يزلق
بس عرفت وشلون امسك نفسي وصرت اضحك شوي شوي وحطي
ادي على خشتي على شان مابين

وهاي كل القصة

[ღ ][ وحيدة كالقمر ][ღ]

^^
طيب وتسان أنا اهز وأنا أضحك؟

يبيّن<<<إبلشي به عاد



تسلمين ع الأووووصة...


بس تصدقين من تالي صايرت(ن) أحس باللي يطيحون ماشاء الله عليّ...


ع طول اتخيل نفسي أنا اللي طايحه والناس تضحك عليه...همّن عاد أكتمه وأحياناً أقطعه



زوجة خالي طاحت عندنا بشهر 1


ووالله للحين كل ماتذكرت طيحته وشفت المكان فطست ضحك...المشكلة ماشفته يوم تطيح....بس لاشفت المكان ضحكت

أنا أخاف يكرهونن الناس لاضحكت عليهم؟<<<أعصابك

[%&وحيدة بدنيتي&%]

خخخخخخخخخخخخخخخخخخخخخخخ
يااااااااااحليللللكن شوفن وانا خيتكن نصييييحة لاتتركن الضحححححك وإذا صرتوا عند عالم وناس
اضحكوا بس عاد مب قدام الوجه طمسي وحطي ايديتس ع خشتس واضحكي صح انتس بتهزين>>كانتس ترقصين مصري
بس معلييييييييييش ولا تتركين الضحك
محسوووبتكن>>اللي هو انا
منول =من زمان
ع اي شي فاتحة خشتي وضحك وإستهبال
بس شكل احد معطين عييييييييين>>من زينتس عشان يعطونتس عين وانسدت خشتي[
الموهيييييم اضحكي واستانسي بدنيتس
والله يدييييييييم علي وعليكن كلكن الضحكة والإبتسااااااااااامة بس اهم شي ماتناظرن بخشش الناس وتضحكن
تقبلي مرووووووووووري

[عازفة ألحان الليل]

طيب وتسان أنا اهز وأنا أضحك؟

عادي عادي
يقلون عنك اخلاق هههههه والله من زين النصيحة

[فهـــــودي]

لماذا لاقلبين تفكيرك 190 درجة << 180 قصده

يعني تفكيرين بالحزين

بدال ماتتخيلين التخيلات

ومثل ماقالت هذي فتره وتروح

وحاولي تشاركين الناس بالحديث وتعيشين شعورهم ..


اتمنى لك التوفيق

[سلطانة]

تصدقين مت من الضحك ياكثر ماتصير واخزيااااااااااه افشل اعجز امسك روحي مدري ليه واحيانا تدمع عيوني حتى اختي مثلي وبنت خالتي
والله الحين ميته من الضحك

[مجموعة سعوديات]

مساء الخير دلع ... والله بصراحه أنا اعرف اغلب بنات الثانوي تجيهم هالحاله وكل هذا من الضغط اللي هم فيه من مناهج ومن ضغط المدرسات ونفس المدرسه ماتخليهم ينفسون عن انفسهم فلما يصير الإنسان عنده ضغط يحاول يضحك بمكان ثاني بالعكس انا اهنيك على اللي انتي فيه لأنك تضحكين بدل من القلق والصياح لأني اعرف بعضهم يلجأون الى الصياح والى القلق وضيقة الخلق بس انتي احمدي ربك على النعمة اللي انتي فيها وخليكي كذا بعد ماتنتقلي لفتره الجامعه بتضل ضحكتك وعساها دوم بس بالمعقول وانشاء الله كل همومك تروح يارب ...