ساعدونى بسرعه أرجوكم &&&&&&&&

[جوليا]

دقت اليوم على زميلتي وقالت لى

سمعت اليوم إن اخوى جالس يكلم بنت بالجوال

حوالى ساعه وشكله من كلامه له مده على علاقه معها

واخوها يدرس بالجامعه وأصغر منها .

والحين هى محتاره ماتدرى وش تسوى وهى اكبر وحده بالبيت

وطلبت مشورتى وأنا قلتلها إن شاء الله خير وأدور لك على حل.

أرجوكم جاوبونى وش أرد عليها


الله يعافيكم لاتطنشونى

[حربي الحـربي]

انا اقول تعلم ابوها او من له ولايه عليه لانها خويتك بنت ولا تقدر عليه0
والله يكون بعونها00
امين

[][(مشعل)][]

قلتي انه بالجامعه يعني انه كبير ويعرف مصلحة نفسه

بس إذا كنتي خايفه على بنت الناس منه مع انهم كلهم صارو سوا كل واحد العن من الثاني

المفروض تاخذ جواله وتاخذ رقم البنت وتدق عليها او تنصح اخوها وتقوله من ترك شيئاً لله عوضه الله خيرأً منه

اما انها تروح تقول لابوه فهذا غلط بحق اخوها لان راحت تتغير نظرة الوالد لولده

بعد ماهو كبير بعينه

وبعدين لاتخاف كلن يمر بالمرحله الا من رحم ربي

طيب هي من ايش خايفه على اخوها ولا على اللي يكلمها؟

وشلون عرفت انه يكلمه من زمان؟

[جوليا]

مشكور أخوى الحربى

بس إن ابوها رجل كبير بالسن ومايعرف للمواضيع هاذى

وتخاف يتعقد الموضوع

[جوليا]

مشكور أخوى مشعل
هى خايفه على اخوها وعلى بنت الناس لأن هذا خطأ وخطر
وهى عرفت أنه من مده يكلمها من طريقه كلامه معها وميانته معها

[فيصل...........]

جوليا

العلاقات اليوم منتشرة ليس بس

اخوها ......ولكن تحاول تنصحة بهدف

خوفها علية وتؤسل له

وتقول هل ترض علي ان اكلم فكيف انت ترضى تكلم بنات الناس

وتحاول تاخذ رقم البنت وتهددها بالابتعاد عن اخوها

والا سوف افضحك

لكن لا تحاول تفضح اخوها

عند اقاربه لانه في هذه

الحال ممكن يدشر زياده

بهذف العناد

تحيتي

[جوليا]

أخوى مشعل وشلون تقدر تأخذ رقم البنت
من جوال أخوها أكيد إنه حاطه بإسم رجل

[][(مشعل)][]

وش كانو يقولن طيب اللي خلها متأكدهـ:)؟

طيب هي تمون على اخوها؟

[جوان2007]

صديقتك مفروض تواجهه وتقوله ,,مايصلح تفضحه قدام الاهل

ومرحله وتعدي ,,,لو تتركه احسن مصيره بيمل وبيترك هالبنت

[جوليا]

مشكور أخوي فيصل جوابك

بس المشكله وشلون بتأخذ رقم البنت

والله ياهى بتوريها نجوم الظهر

[][(مشعل)][]

أخوى مشعل وشلون تقدر تأخذ رقم البنت
من جوال أخوها أكيد إنه حاطه بإسم رجل
مو دليل يكون اسم رجال يمكن استفهمات
يمكن تحصل رساله مرسله او مستلمه
او كان بنفس الوقت اللي حست فيه تدخل عليه وتقول عطني جوالك ابدق على جوالي مادري وينه
وتشوف مسجل بسم مين وبعدين تاخذه
المسأله بسيطه

[جوليا]

مشكورة اختى جوان
بس هى تخاف إذا تركته يتمادى معها ولاتنسين إن الشيطان ثالثهما
وهى ودها تنهى العلاقه بأسرع وقت

[][(مشعل)][]

والله ياهى بتوريها نجوم الظهر
مالها ذنب البنت توريها نجوم الليل اخوها هو اللي مبتليها

قولي تنصح اخوها يمكن يستحي على دمه

المشكله لاصار يحبها وش تبي تسوي ؟

[جوليا]

مشكور اخوى مشعل بقولها طريقتك
وإن شاء الله تنجح معاها
وإن شاء الله مايكون حاط رمز قفل.
طيب إذاكلمت البنت وهاوشتها ونصحتها
أخاف البنت تروح تقوله السالفه ويلفعها

[جوليا]

وراه البنت مالها ذنب هى راس البلاء
أصلاً لو تستحى على وجهها ومتربيه عدل كان ماتسمحله إنه يكلمها بالساعات
بس ماقول إلا الشكوى لله . الله يعافينا ولا يبلنا اخر زمن

[][(مشعل)][]

عندي فكره جهنميه

بس اخاف اخوها يحب البنيه وانا ماودي اخرب عليهم


بس اقولك في بالمنتدى يجنك رسايل مجانيه ترسله على اي جوال تبي تكتب بالرساله اي كلام
مثل من الهيئه وترسلها لخوها وهنا الولد يبي يخاف ويترك البنت
وانتهينا<<<ملاعيين

[جوليا]

فكرتك ياخوى جهنميه إن شاء الله تظبط بقولها

[ابن الجنوب]

جوليا ........

مع احترامي لشخصك خويتك هذي تبي تفضح اخوها

وممكن حتى بنت الناس تبي تسبب عليها

اختي بطريقة او آخرى تستطيع الوصول لرقم البنت وتكلمها

واخوها مهما كان لابد يقدر اخته لو تكلمة معه بهذا الخصوص

وترى هي فترة وتعدي ....اذا اختة دائماً معه صدقيني لتوصلي لحل

سوى عن طريق الرسائل خاصة او غيرة

الله يهدي شباب المسلمين

[جوليا]

مشكور اخوى إبن الجنوب على ردك

[احب النت]

اللهم استرعلى بنات المسلمين!!!افضل شي استشيري اهل خبره!!ومن اهمهم اطال الله في عمره الدكتور عبدالعزيزالمقبل ان شاءالله عنده الحل

[عاشق ديرتي بريده]

طريقه جربتها ونجحت مع صديق لي !

كان صديقي راعي غزل .. اذا جلسنا بالاستراحه مايسولف معنا بس يغازل !

وطنت براسي فكره وسويتها ونجحت ,

حط جواله وراح للمطبخ واخذت جواله وشفت اخر رقم اتصل عليه واخذته ,

رحت لصديق ثاني لي معه جوال بدون اسم وقلت له دق عليه وقله المره ابمشيها بس ورب البيت لو تدق على الرقم هذا قسم بالله ماتشوف النور مره ثانيه !

صديقي المغزلجي انقلب وجهه وتغير وصارت حالته حاله لمدة اسبوع بعدها غير جواله من الخوف وترك الغزل !

جربيها مع اخوك وخلي احد اقاربك المقربين يدقون عليه ويهددونه والله ان يتوب بكرا !

[شاطئ الراحة]

جوليـــا ..


لا أظن في مثل هذه المواقف يكون اللجوء إلى التعامل عن بُعد ناجح ..

ولكن من الأفضل المصارحة , و توضيح الجوانب الإيجابية و السلبيّة لأخيها ..

و البُعد عن كُل التلميحات فهي غير مجدية أمام واقع مؤلم ..

لذا فمن الأفضل بأن تصوّر لأخيها بأنها هي من تزاول هذا العمل فهلّا يقبل ... ؟




تحيتي لكِ

[باونتي]

والله حاله

تدرين الحين البنات هن اللي يلعبن ع العيال

مع ان فيه عيال يلعبون ع البنات

رايي

اتركيهم

لان ماراح ياخذ منك

مصيره يعرف

وبكرى بيمل ويتركها

لانه مهما كان مستحييييييييييل يفكر فيها كزوجهـ

[أبو تهاني]

دقت اليوم على زميلتي وقالت لى
سمعت اليوم إن اخوى جالس يكلم بنت بالجوال
حوالى ساعه وشكله من كلامه له مده على علاقه معها
واخوها يدرس بالجامعه وأصغر منها .

جوليا تسلمين على حرصك على خويتك

إذا كانت هي أكبر منه ما أنصح أنه تصارح أخوه بالموضوع

لانها يمكن تفقد احترامها عنده و تنشأ فجوة في علاقتهم الاسرية

أحسن شيء أنه تنصحه بطريقة ( غير مباشرة )

مثلاً : تروح معه لتسجيلات الإسلامية و تشتري كم شريط من بينهن شريط يحذر من خطورة المعازل على الشابه و الشاب

أو تكلم عن قصص مأساوية حول هذا الموضوع , طبعاً بدون ما يدري انها تدري عن موضوعه

أو طريقة (عاشق ديرتي بريده)

طريقة مضمونه 100% بإذن الله خصوصاً إذا كان من النوع اللي يخاف

عادي أنا مستعد أكلمه بس اعطيني رقم جواله وأخر رقمين من جوال البنت

و أخته تقدر تعرف الرقم تحدد الساعة اللي كلمها فيه وتدخل لسجل المكالمات و تعرف الرقم

[سماااهر]

[(مشعل)][;1617686']عندي فكره جهنميه

بس اخاف اخوها يحب البنيه وانا ماودي اخرب عليهم


بس اقولك في بالمنتدى يجنك رسايل مجانيه ترسله على اي جوال تبي تكتب بالرساله اي كلام
مثل من الهيئه وترسلها لخوها وهنا الولد يبي يخاف ويترك البنت
وانتهينا<<<ملاعيين

فكرررررة حلوه ..مشعل ..
عندي أحساس انها بتنجح الفكرة ..اذا حسستيه بكبر ذنبه
ووذكرتي له آثار المعاكسات ومخاطرها .. ثم العلاج
وفي النهايه.. تتذكرينه بأن الله تواب رحيم..
وشكر لحرصك أختيـ

[قلب الأسد]

ماتستيطع فعله بعد اللي فهمت من القصه والردود اللي دريتي
بها عاى الاعضاء انها تستعين بأحد يعني رجال مهما كان تبحث
عن شخص يكون امين وصاحب عقل وان يتصل عاى اخو صديقتك
ويسمعه كلام تحذير ويعطيه رقم البنت اللي يتصل عليها كي يصدق
اما غير هالطريقه لاتستطيع خوصا وهي بنت ,,
وبعد هذه الطريقه تحاول ان تجالس اخوها وتقترب منه وتناصحه
وتري قصص ولو من الخيال عن صديقات لها صار لهن مواقف وغيرها,

[مطرقة قلاويز]

وراه البنت مالها ذنب هى راس البلاء
أصلاً لو تستحى على وجهها ومتربيه عدل كان ماتسمحله إنه يكلمها بالساعات
بس ماقول إلا الشكوى لله . الله يعافينا ولا يبلنا اخر زمن

طيب الولد لو يستحي على وجه ومتربي كان ماسمح لنفسه يكلمة كل هالساعات ..!

بعدين احمدي ربتس لا الله يبلاتس هذا شيء ..

بعدين هالشيء منشتر هاليومين بكثره الله لا يبلانا ..

بالنسبة للحل ..

انا اقول لا تحاولون تدخلوي اي طرف بالموضوع يصير الموضوع بين اخوو واخته :) تصارحه وتنصحة يانه يتسحي على وجه ويخليه والا انه ماراح يكلم بالبيت ..

أما بالنسبة لاخذ الرقم فما احس ان له فايدة فلو اخته كلمته ما اتوقع تبي تفيد يمكن تقعد الامور لان مثل ماقلتي بينهم ميانه وصراحة واكيد تبي تقوله ويكمن تصير مشكلة بينهم ويكرهه عشان تدخل بخصوصياته ابو بعشقة اذا كان من العشاق :D ..

بالنسبة للاقتراحات الجنهمية ارسال رسالة من شحص مجهول فهذا ايضا لا اراه مفيد :d ..

لان لو جته رساله تلقينه يبي يحرض بتفاصيلة ويدري انه جايه من النت فهذا سهله انه يدري ان واحد مسويه ..

هذا اذا عرف اما اذا صار عنز وعومة اكيد يبي يصير له صديق من نفس نظامه راعي بنات ..

وراعين البنات الله من التعزيز اللي يبي يجيه والخطط والتصورات المستقبليه لاي خطر :D ..
بيصير تبادل للخبرات ويمكن يمر الموضوع بسهولة ويطلع من يده ..

شوفي قولي لخويتس لا تتهور ولا يصير هدفه بس التفريق وانه تبي تلعن اللي جاب البنت ..
خليه تخلص نيته لله وان شاء الله ربي يوفقه هذا شيء ..
وانصحيه بالين والمسايسه ترى هذا احسن شيء :) ..
واهم شيء لا تستعجل ترى هالشيء منتشر ويمكن لو فرقت بينهم والبنت خلت اخوه بيروح يدور وحده غيره ويمكن يتاثر هو لا سمح الله اذا كان حابه خليه تفكر باخوه قبل البنت ..!

فماراح يغير الموضوع الا اذا تغير اخوه وتغيرت افكار .. راس الحل براس اخوه .. فمافيه الا المصارحة :) ..

ان شاء الله اني افدت ..


احساس خويتس بخطورة هالشيء شيء زين وكويس وان شاء الله ربي يبي يوفقه لحسن نيته ..
ثاني شيء

[جوليا]

أشكر جميع الأعضاء الذين ساعدو زميلتى
بحلولهم وأقتراحاتهم القيمه
جعلها الله فى ميزان حسناتهم وسدد الله خطأهم

مشكورين وايد

[البـــBADERـــدر B.D.Q]

جوليا
اول شي الله يستر عليهم ياارب

ثاني شي بالنسبه للي قلتي اول شي ابي اعرف قرب الاخت من الاخ
يعني قريبه منه مره ولا لا
لانه اذا تكلمت معه وهي قريبه له اكيد بياثر عليه
لكن لا تدخل احد بالموضوع ابد لازم الموضوع يصير بينهم ولا احد يدري
اهم شي تكلمه باسلوب ممتاز وبدون تهديد وبدون هواش وصجه ولجه
باسلوب ممتاز وبهداوه كل شي يصير :)

[بريدة.. معشوقتي]

دق عليه وقله المره ابمشيها بس ورب البيت لو تدق على الرقم هذا قسم بالله ماتشوف النور مره ثانيه !

جربيها مع اخوك وخلي احد اقاربك المقربين يدقون عليه ويهددونه والله ان يتوب بكرا !

- :36_1_11[1 :b4::c6:

= بصراحة أنا أؤيد فكرة اخوي عشق ديرتي بريدة..>>كذا الشغل و الا بلاش...

+ دعواتكم جميعاً له بالهداية و أن يسلك طريق الرشاد.. و أن يبعده عن مثل هذه العلاقات المحرمة..

[جوليا]

الله يعطيك الصحه والعافيه