اليوم (I Love Jesus) .,.,.,.,. وغداً (I Love cross) الله يستر بس

[توتي]

السلام عليكم ورحمة الله وبركاته


بسم الله الرحمن الرحيم


ما اطيل عليكم لاني من الناس اللي يكره المقدمات والهرج الزايد

امس وانا اصلي الجمعه قاعد وقدامي بزر صغير ولابس كاب

جلس وقال له ابوه قم تسنن وقام وحط الكاب على ورى علشان يقدر يسجد

اول ما شفت الكاب تفاجأت بهذه العباره

(I Love Jesus)<< معناها انا احب المسيح

انا ماعندي اعتراض على المعنى الحرفي للكلمة
لكن وصولها الى هنا والى الاطفال فيها خطر كبير على النشء خصوصاً في مسألة غسيل المخ اللي من وراها

يعني لا تستغربون بكرا اذا شفتوا بزر على فانيله مكتوب فيها I Love cross انا احب الصليب

انا لا اتشائم لكن يجب الحذر من هذا الغزو الفكري

* قبل اكثر من اربعة اشهر تقريبا كنت طالع بالشارع ورحت اتفرج على بزران الحارة يلعبون كوره وفيه واحد منهم جاب هدف وسوى حركة الصليب على صدره صراحه انا عجزت استوعب الامر وناديته قلت له من وين متعلم الحركه ذي
قال هذي يسويها كاكا ورونالدينو كل ماجابوا هدف

هذه القصه فيها شيئين مهمين
ان الاطفال دقيقي الملاحظة وسريعي التأثر ارجو ان لايتأثر اطفالنا بـ the cross ولا غيره

تحيتي

تــــوتـــــي 1/3/2008 << ماتلاحظون طاف كل يوم منزل موضوع خخخخخخخخـ

[خالد التويجري]

فعلاً هو أمر خطير أتفق معك به ..,

تأثر الصغار بما يشاهدونه من غزو فكري لمجتمعنا بات متكرر .., و واضيح في بعض تصرفات البعض منهم ..,؟!
له من وين متعلم الحركه ذي
قال هذي يسويها كاكا ورونالدينو كل ماجابوا هدف
أظنه .., يقصد من خلال "السوني" بلي ستيشن .,؟! يشاهدهما ..,

أشكر موضوعك قيّم ونافع ..,



تحياتي .,’

[توتي]

اي والله انك صادز هذا غزو فكري بطريقه تجاريه بحته
وكثرة مشاهدة الاطفال للاشياء تسبب تعلقهم فيها

اما الحركات في ماتجي بالسوني

الحين الله يخلف كل بيت لا يخلو م الجزيره الرياضيه
والاطفال بدال مايشوفون الهلال والنصر صارو يشوفون ريال مدريد وبرشلونه

[من خلف الكواليس]

هذه الأشياء ظاهره منذ مدة

ولكن ضعف الرقابة وعدم الوعي يجلبان هذه الأمور

[عـسل]

جزاك الله خير
أصبح الناس يرتدون ملابس لايعرفون مايكتب عليها
حتى أسماء اللاعبين على الأطفال يجب الحذر منها

[توتي]

هذه الأشياء ظاهره منذ مدة

ولكن ضعف الرقابة وعدم الوعي يجلبان هذه الأمور

فعلاً ضعف الرقابه وعدم الوعي

اضف الى ذلك الجهل وعدم التركيز

فيه ناس تشتري لعياله اشياء ماتدري وش مكتوب فيها

اذكر فيه موضوع هنا بالمنتدى جايب صوره من احد المحلات المشهوره بالنخيل

لبلوزة نسائيه مكتوب فيه (ذيس سيستر فور سيل)
معناها هذه الاخت للبيع !!!!!!!!!!!!!!!!!!!!!!!!!!!!!!!!!!!!

وين دور وزاره التجاره او المحل نفسه او حتى بعض اللي يشوفها ويقراها المفروض يخبر الجهات المختصه لضبطها وسحبها من السوق

[الرحـّـال]

موضوع في غاية الأهمية

المُشكلة

إن اطفالنا مقلدون ونحن ( الأكثرية) جاهل باللغة الأجنبية
لذلك لا يستطيع معرفة المعني لمثل هذه العبارات على
القبعات والقُمصان ,

الله يعطيك العافية للتنبيه

[هنري]

الأمر كما قال الإخوان للرقابه
............

وكذلك الوالدين فعليهما إختيار ماهو مناسب.

المشكلة فيه بعض الناس يشوف الكتابة على البلوزة إذا كان الشكل زين اخذها ؟؟؟؟
بس المعنى ؟! الله أعلم مايدرون ايش هي ......

[توتي]

جزاك الله خير
أصبح الناس يرتدون ملابس لايعرفون مايكتب عليها
حتى أسماء اللاعبين على الأطفال يجب الحذر منها


واياك

اي والله انك صآآآآآدز

الناس هالايام تدربي دمايجها على الفاضي

اللي يسمع اغاني مايدري وش يقولون واللي يقلد ناس بحركات مايدري وش معناها
واللي يلبس اشياء وعبارات مايعرف معانيها

الله يستر علينا بس

[هين هين]

الغزو الغزو من كل مكان أخطرها الغزو الفكري لفلذات أكبادنا وبناتنا الحذر الحذر وعدم التساهل

أنت ايضآ متئثر بهم ياتوتي من خلال صورتك الرمزية والتوقيع صح الله يهدي الجميع

هين هين

[توتي]

موضوع في غاية الأهمية

المُشكلة

إن اطفالنا مقلدون ونحن ( الأكثرية) جاهل باللغة الأجنبية
لذلك لا يستطيع معرفة المعني لمثل هذه العبارات على
القبعات والقُمصان ,

الله يعطيك العافية للتنبيه


الله يصلح الحال

وفعلا انت جبته على الجرح فيه بعضهم جهلاء

لكن وين الترابط بالمجتمعات المفترض انه الواحد اذا شاف عباره منافيه للدين والاخلاق يقول لراعي المحل او للجهات المختصه او حتى للزباين انفسهم

فعلاً صدقت الاطفال مقلدون لذلك هم عرفوا من اين تؤكل الكتف

تحيتي

[توتي]

الأمر كما قال الإخوان للرقابه
............

وكذلك الوالدين فعليهما إختيار ماهو مناسب.

المشكلة فيه بعض الناس يشوف الكتابة على البلوزة إذا كان الشكل زين اخذها ؟؟؟؟
بس المعنى ؟! الله أعلم مايدرون ايش هي ......

الرقابه بكل شي مهمه وسبب رئيسي في تفادي الاشياء

ع العموم للاسف انه كما ذكرت بعض الناس اذا شف الكتبه (شكله زين)
اخذه على طول بدون مايدري وش المعنى

مشكور والله يعطيك العافيه على المرور

[علشانك بس]

والله ان السوني ماجاب لأطفالنا الا الفساد ,,
لارقابة أهل ,, ولا علم باللغة الانجليزية ,,
ثانيا انت ليش جادع اذنك عليه هو وابوه ,,
ماتجوزون من الشرافه ههه ,,

[الكوري]

جزاك الله خير اخوي على التنبيه
كم نتمنى ان يفعل دور المدرسة بالتحذير من تلك الأمور ولايمنع ان يقوم المعلم بإعطاء بعض من العبارات المشهورة حتى لو كانت بالإنجليزي ويشرح خطورتها للطلاب الذين يتأثرون بالإعلام وأي اعلام نتحدث عنه -0000

[قهوووووري]

وتقول بعد لا لي ولا علي بهالدنيا
وأنت جالس تبصبص وجادع وجهك عليهم !
وراك ما شمرت عن ذرعانك وسلمت على أبو هالولد وقلت له هالملاحظه ؟

[أبو مـاجد]

حتى انا احب المسيح عيسى عليه السلام

لكن اعتقد انه اهون من اللي يحب اللاعبين الكفرة ومن اللذين يتسمون بأسمائهم حتى وإن كان الإعجاب بالآداء وليس بالشخص لكنه مع الوقت يزيد الحب ويصل إلى حب ذات اللاعب وتقليده في الحركات والتصرفات واللباس



وإن كان هناك من عتب على مايكتب في الملابس مثل I Love Jesus)<< معناها انا احب المسيح

وغيرها مما شنع لأنه إن كان مصدرها نصراني فهم يوجّهون عقيدة الحب للمسيح أكثر من الاتبّاع

[Queen of buraydh]

اخ توتي

العتب على الاهل وعدم اهتمامهم بترجمة الكلمات المكتوبه على المشتريات قبل شراؤها

والعتب ايضاً على الموافقه في بيعها بأسواق السعوديه

والعتب عليك ايضاَ لان لم تنبه والد الطفل

[أبو تهاني]

هذه القصه فيها شيئين مهمين
ان الاطفال دقيقي الملاحظة وسريعي التأثر ارجو ان لايتأثر اطفالنا بـ the cross ولا غيره

توتي تسلم يا خلفهم على هالموضوع

فعلاً الطفل دقيق الملاحظة و قوي الذاكرة و سهل التأثر

الله يعيننا على تربية عيالنا تربية حسنه

[توتي]

الغزو الغزو من كل مكان أخطرها الغزو الفكري لفلذات أكبادنا وبناتنا الحذر الحذر وعدم التساهل

أنت ايضآ متئثر بهم ياتوتي من خلال صورتك الرمزية والتوقيع صح الله يهدي الجميع

هين هين

الله يستر فعلاً الغزو الفكري مسيطر علينا حاليا
من افلام الكرتون للاطفال والافلام السينمائيه للشباب والمراهقين
من غير مايحدث بالحياة اليوميه من اشياء كانت مستنكره بالسابق ولكن عاديه حاليا

وما اقول الا الله يهدين ان شاء الله

[توتي]

والله ان السوني ماجاب لأطفالنا الا الفساد ,,
لارقابة أهل ,, ولا علم باللغة الانجليزية ,,
ثانيا انت ليش جادع اذنك عليه هو وابوه ,,
ماتجوزون من الشرافه ههه ,,


:6[1]: وش دخل السوووني !!

وبعدين وش دخل اذني بعد :15[2]:

انا شفت ماسمعت
بس يمكن انك غلطانه بالموضوع :)

وفعلاً لارقابه وزود على هذا دباشه بالانجليزي
وعلى قولة بريداوي حشفاً وسوء كيله

[علشانك بس]

وش دخل السوووني !!
كل البلاوي اللي عرفوها اطفالنا من السوني ,, شكلكم الين الحين تستخدمون الاتاري وكمبيوتر صخر ,,
وبعدين وش دخل اذني بعد
جادع اذنك عليهم ولا وش عرفك ان الابو يقول لولده قم تسنن ..!

[توتي]

جزاك الله خير اخوي على التنبيه
كم نتمنى ان يفعل دور المدرسة بالتحذير من تلك الأمور ولايمنع ان يقوم المعلم بإعطاء بعض من العبارات المشهورة حتى لو كانت بالإنجليزي ويشرح خطورتها للطلاب الذين يتأثرون بالإعلام وأي اعلام نتحدث عنه -0000

هلا بك والله

ياخي بالمدرسه انس انهم يزينون كذا

الاذكار وهن الاذكار مايدرسونهم تبيهم يعلمونهم هالكلمات ذي

الامل براعين المحلات والاباء

[توتي]

كل البلاوي اللي عرفوها اطفالنا من السوني ,, شكلكم الين الحين تستخدمون الاتاري وكمبيوتر صخر ,,

ياقدمك كمبيوتر صخر خربان الحين
وابوي مواعدن اذا نجحت يقول ابشري لك كمبيوتر العائله :a2:


جادع اذنك عليهم ولا وش عرفك ان الابو يقول لولده قم تسنن ..!

ابوه نغزة وقومه يتسنن ماهرج عليه لان الامام يخطب :) << غصب انا صح هع هع

[توتي]

وتقول بعد لا لي ولا علي بهالدنيا
وأنت جالس تبصبص وجادع وجهك عليهم !
وراك ما شمرت عن ذرعانك وسلمت على أبو هالولد وقلت له هالملاحظه ؟


والله يابعدي ودي بس الامام يخطب

والرسول اللهم صل عليه يقول اللي يقول صه فقد لغى

ويوم خلصت الصلاة مالقيتهم :)

[الطاحونة]

أن لم تغزُ تغزَ..!!
عندما نجلب كل شيء من الأغراب ماذا ننتظر بالله عليكم...!!

[توتي]

حتى انا احب المسيح عيسى عليه السلام

لكن اعتقد انه اهون من اللي يحب اللاعبين الكفرة ومن اللذين يتسمون بأسمائهم حتى وإن كان الإعجاب بالآداء وليس بالشخص لكنه مع الوقت يزيد الحب ويصل إلى حب ذات اللاعب وتقليده في الحركات والتصرفات واللباس



وإن كان هناك من عتب على مايكتب في الملابس مثل I Love Jesus)<< معناها انا احب المسيح

وغيرها مما شنع لأنه إن كان مصدرها نصراني فهم يوجّهون عقيدة الحب للمسيح أكثر من الاتبّاع

حتى انا بعد وكلنا كذلك

وانا متوقع احد بيجي يقول كذا
علشان كذا بالموضوع نفسه كتبت

انا ماعندي اعتراض على المعنى الحرفي للكلمة
لكن وصولها الى هنا والى الاطفال فيها خطر كبير على النشء خصوصاً في مسألة غسيل المخ اللي من وراها

لاتظن ان النصارى يبوننا نحب المسيح
صدقني حبنا له اكبر من حبهم له

لكن تبعات ذلك وماوراءه هذا قصدي


اما مسألة حب اللاعبين فهي منتشره للاسف
يالله ان تصلح شباب المسلمين يارب

[قلب الأسد]

هذا كما قال الغزو على المسلمين والمشكله الكبرى هي لأدري
لماذا المسلم او العربي خصوصا يحب التقليد ويتأثر بسرعه دون
النظر لعواقب الامور وهل هي حرام ام حلال الاهم هو التقليد فقط
عموما يرجع هذا الشي الى اهل البيت وتربيتهم وسؤالهـــــــم
ومن ثم المدرسه والتطرق الى مثل هذا اثنا التدريس من قبل
المعلمين ....

بعدين مامثلك كذا كثر مواضيعك ياتوتي اهم شي نشوفك بس..

[فيصل...........]

في غياب المراقبة والتوجية يحدث كل شي

الطفل المسكين ليس لة ذنب الذنب على

الاب ثم التجارة..

[توتي]

اخ توتي

العتب على الاهل وعدم اهتمامهم بترجمة الكلمات المكتوبه على المشتريات قبل شراؤها

والعتب ايضاً على الموافقه في بيعها بأسواق السعوديه

والعتب عليك ايضاَ لان لم تنبه والد الطفل

والله اني ادري ان كل الناس مخطئة

بس انا احببت التنبيه فقط لاغير

وادري اني مخطي بس الامام يخطب ويوم اقامت الصلاة نسيتهم ماتذكرت الا بعد الصلاة ودورتهم مالقيتهم

[توتي]

توتي تسلم يا خلفهم على هالموضوع

فعلاً الطفل دقيق الملاحظة و قوي الذاكرة و سهل التأثر

الله يعيننا على تربية عيالنا تربية حسنه





ياحبي لك بعد مافيه امل تنسى تسلم ياخلفهم على الموضوع

والله انك صادز لافظ فوك
الله يعيننا على تربيتهم

تسلم ياخلفهم على المرور

[توتي]

أن لم تغزُ تغزَ..!!
عندما نجلب كل شيء من الأغراب ماذا ننتظر بالله عليكم...!!


طيب ليش ماناخذ الزين وترك الشي !!

[توتي]

هذا كما قال الغزو على المسلمين والمشكله الكبرى هي لأدري
لماذا المسلم او العربي خصوصا يحب التقليد ويتأثر بسرعه دون
النظر لعواقب الامور وهل هي حرام ام حلال الاهم هو التقليد فقط
عموما يرجع هذا الشي الى اهل البيت وتربيتهم وسؤالهـــــــم
ومن ثم المدرسه والتطرق الى مثل هذا اثنا التدريس من قبل
المعلمين ....

بعدين مامثلك كذا كثر مواضيعك ياتوتي اهم شي نشوفك بس..


اولاً والله اني فرحت يوم رديت علي

ثانياً
التقليد من وجهة نظري مايسويه الا الناقص
واللي يبي يكمل نقصه بتقليد الكاملين (من وجهة نظره هو)
وثاني شي يرجع الى المحاكاه بعض الناس عقله عقل طفل بالعاشره من عمره
لو يشوف فلم راح يطبقه بالحقيقه

وبعضهم مع الخيل ياشقراء
يشوف الناس قالبه المرزام يقلبه ماعنده مشكله يشوف الناس تفحط يفحط ماعنده مشكله يشوف الناس لابسه كاب وشورت يروح يلبس
ولو يشوف الناس حاطه سلسال يحط مافيه اي مشاكل

واغلبهم من الاعراب اللي يبي يتطورون غصب

[توتي]

في غياب المراقبة والتوجية يحدث كل شي

الطفل المسكين ليس لة ذنب الذنب على

الاب ثم التجارة..


على الاب ثم على التجاره !!!!!!!!!!!!!

ليش مايصير على التجاره اولاً ثم الاب

لانه المفترض ماتدخل ذي من الاساس