وش شعورك اذا مااحد عطاك وجه !!!! [الأرشيف]

عاشق ديرتي بريده

18-02-08, 01:32 pm

وانت جالس تفكر تبي تكتب موضوع ومتحمس وتجي الفكره براسك

وتبدا تكتب الموضوع وتقول ببالك شكل الموضوع راح يعجبهم !:ash:

وبالأخير تنزل الموضوع وتجي ببالك وتتوقع ردود كثيره وتبي تبلش بالرد عليها !:for10:

وتتفاجأ أن موضوعك مااحد يرد عليه بس زوار بدون ردود !!:1856:

وش موقفك وموضوعك يروح للصفحه الثانيه بدون رد واحد !!!!!!:11[1]:

لااحد يقول ماهمني لاني حبيت اوصل معلومه لاني مستحيل اصدقك:36_1_5[1]

عشان مااحد يسألني انت وش شعورك ابجاوب من الحين !!!

شعوري انواع الفشيله والتحسف اني كتبت:(

Queen of buraydh

18-02-08, 01:36 pm

لا يهــم :)

عاشق ديرتي بريده

18-02-08, 01:37 pm

لا يهــم :)

اشوى عطيتين وجه متوقع انكم تعاندون ولاتردون :6[1]:<< دموع الفرح !

بنت البدائع

18-02-08, 01:40 pm

مرحباً عاشق ,,

بصراحه أنا ماكتبت موضوع إلا أبي الكل يشارك فيه ويقول ماعنده ,, وإلا وش الفايده

يعني بإختصار ( تحزّ بالنفس لو ماأحد رد )

دمت بود ..

DaRk MoOn

18-02-08, 01:40 pm

من جد اتحسف اني نزلته

ضيقة صدر اذا محد اهتم للموضوع وللفكره

مشكووور

اسم العضو

18-02-08, 01:47 pm

عاشق

ماهي مشكلة محد يرد لكن المشكلة لاجاك واحد وقالك موضوعك بايخ وسخيف أنواع الفشيلة

بصراحة موضوعك رهيب ابي أعطيك تميز

سلام...

عبوووووتشي

18-02-08, 02:03 pm

مشكله هالشيء يا عاشق
والمشكله الأكبر إذا كان له يومين أو أكثر بالصفحة الأولى ولا أحد رد عليه
أما إذا انتقل للصفحة الثانيه يهون شوي ولا أحد يشوفه ...... دمت حبيب قلبي

بايووووووووووووووووو

جوان2007

18-02-08, 02:05 pm

والله ان كان اقعد اصيح عند امي من ضيقة الصدر والقهر ,,ويصير عندي

ردة فعل ابدا مانزل مواضيع <<كيفكم انتم الخسرانيين لانكم سافهينن

مشكور عاشق يارب يصير موضوعك 10 صفحااااااااات عشان ما يضيق صدرك

أسكادا

18-02-08, 02:13 pm

طنش تعش تنتعش

بندر الحمر

18-02-08, 02:22 pm

شعوري مثل شعورك لو ما أحد رد على موضوعك هذا >>تخيل ما أحد رد

بصراحه أحسن من يرد عليك واحد ويقول موضوع بايخ << ودك تغوله

فشيله الصراحه ونشكرك على الموضوع يا غالي

الأسترليني

18-02-08, 02:27 pm

شف يا عاشق هي مهيب عاديه ، لكن لتذكرت انه في ناس فتحت مشاريع بمئات الالوف وجلست 6 شهور ولم يدخل عليها زبون واحد او اثنين ثم قفلت يهون عندي انه ما احد علق على موضوعي .

لكن هناك اربعة اسباب تساعد على نجاح اي موضوع بعد التوفيق الله :

1_ العنوان / العنوان ضروري لجذب الأعضاء والقراء .

2_ العضو / علاقه العضو نفسه مع بقية الاعضاء وذلك من خلال وضع ردوده على مواضيع الاخرين .

3_ توقيت الطرح / يعني ما يجي واحد ويطرح موضوعه وقت صلاه الفجر ويقول وين الردود بل يختار اوقات الذروة او الاوقات المناسبه بتواجد الاعضاء

4_ توقيت الموضوع / يعني هل الموضوع يختص بمناسبه معينه وتم الطرح في تلك المناسبه ، اوعدم طرح موضوع تم تكراره كثيرا

5_ تحيااااتي لموضوعك الجميل

رحيل

18-02-08, 02:32 pm

صحيح والله أنقهر وخاصه إذا لقيت مواضيع كاتبهن راعيهن وهو نيم من قوة ماهن يحومن التسبد

والردود واصله صفحات بس لا دورت لقيته معروف بالمنتدى علشان كذا يحرصون الناس يردون

بس اللي يقولون فشيله أحسها مهب فشيله يعني العيب مو من راعي الموضوع العيب بالقراء

إنسانة غير

18-02-08, 02:48 pm

ههه

ساعتها أتمنى إني مشرفة علشان أحذف موضوعي
أو يمكن أرسل لأحد من الأعضاء اللي أمون عليهم علشان يردون..

أحيانا يكون الموضوع قيم ومتميز ولكن لسوء الحظ لم يحض بقراءته
أعضاء يزيدون من تميزه ويثرونه ..وقد يكون إختيار الوقت المناسب
له دور كبير ..كذلك إتباع أسلوب خاص للردود على الأعضاء بين الوقت
والآخر لرفع الموضوع ..ولاننسى إهتمام كاتب الموضوع بالردود له دور كبير في الإقبال على مواضيعه...

دمت بود

هنري

18-02-08, 02:58 pm

والله ياخوي
اول شي اراجع نفسي وموضوعي يمكن اني ماتركت مجال للنقاش او الموضوع بايخ؟؟؟

لكني أحبذ في مواضيعي إني اترك مساحة للنقاش وهذه أرى أنها مهمه.

(يعني انا ارى ان الموضوع مايسرد كله جميع بطريقة واضحة لازم الكاتب يضع تساؤلات وأشياء مبهمه ويختصر الموضوع لكي يجبر الزائر على الرد !.

هذا رايي والله أعلم......

*الوان الطيف*

18-02-08, 03:20 pm

صراحه انقهر واندم اني كتبت موضوع

ومشكوووووووووور يااوخيي عالموضوع السنع

بنت الاسلام

18-02-08, 03:31 pm

طبعن ابنقهر
وابقول هييه ردو على موضوعي ترى بلااااااااااااش
ومب لزوم تمننون

خـــــــــــــــالـــــــــد

18-02-08, 03:54 pm

اخي عاشق بريده

لو اقول لو حدث معي ذلك ... لاعدت النظر في اسلوب طرحي و طريقتي في ادارة مواضيعي , و الزاويه التي ارى منها الاشياء

لان الخلل سيكون من الكاتب فالاعضاء على اختلاف اذواقهم و ثقافاتهم اذا اتفقوا على عدم الرد علي او ردوا بطريقه مبطنه السخريه مني او ردوا جميعهم بسطحيه فيجب ان اعيد تقييم نفسي و اطور من اسلوبي و اعمق نظرتي للاشياء .

قلب الأسد

18-02-08, 04:12 pm

زي ماقال احد الاعضاء زين اذا راح للصفحه الثانيه مايشوفه احد تهون ..
بس يضل شعوري احباط ولكن اعيد النظر مره ثانيه يمكن التوقيت بتنزيل
الموضوع له دور او ان الموضوع من جد بايخ ..

توتي

18-02-08, 04:18 pm

كم عدد الزوار طيب .!!

خلف المعطف

18-02-08, 04:27 pm

ههههه

احم احم والله شعوري هين تبي تجين الصيحه>هين هذي قاضين منه

بس اتحسف اقول مالت عليهم وعلى الي يكتب لهم موضوع !!!>عصبت البنت خخخ

أمــاسي ونص

18-02-08, 04:27 pm

كركركركر
كان اغطي وجهي بالشيله من القهههر
عاد ياربي واذا مارد احد كيفهم ارد انا وافرح رويحتي
كركركر

@ الواصل @

18-02-08, 04:51 pm

والله هذي مشكله يعانو منها اغلب المنتديات بس الي الاحظه هنا ان اغلب الاعضاء

يدخل يقراء وما يرد على الموضع وشوفو المواضيع الي هنا وشوفو كم الي شاهدتها

وكم الي رد عليها مع ان السالفه ماراح تأخذ منك الشي الكثير حتى لو بمجامله ما

يردو اعتقد ان صاحب الموضوع يتعب حتى ينزل الموضوع واخر شي يدخل العضو

ولا يرد لو بكلمة شكرا اتمنى الوضع يتغير ونجد تفاعل من الاخوه الاعضاء.....

يسلموووو عاشق ديرتي بريده على الموضوع فعلاً نعاني منها كثيييير كثيييير

تحياتي لك,,,,,,,,,,,,,,,,,,,

بنت الشــام

18-02-08, 04:58 pm

ببكي
مع انو مانزلت اي شي
شكرا على الأهتمام

جبل عمر

18-02-08, 07:13 pm

والله قهر ولا القهر القوي إن الوقت الي أخذه لعنوان للموضووع أكثر من كتابة الموضوع
أول شي مثل ما قال زميلنا باوند قصدي إسترليني

من أنت

1-إذا أنت من الأعضاء المميزين ستفرض نفسك على المنتدى
2- إذا أنت من الذين يحمل معرف أنثوي ستجد المشاركات والردوود حتى لوكان محتوى الموضوع
سارعي للمجد والعلياء** مجدي لخالق السماء ......

<<NONI>>

18-02-08, 08:46 pm

شعوري شعور اي مواطنه سعوديه منقهره

& جمال الطفوله &

18-02-08, 08:53 pm

يكون شعوري

مثل ماأمر على موضوعك ولا أرد :D

عازفة ألحان الليل

18-02-08, 11:41 pm

شعوري شعور اي مواطن سعودي خخخخ امزح
احس بفشيلة انزل موضوع وماحد يقراه بس الحمدلله ماقد صارلي كذا
لا انا دايما تصير لي صاحب الموضوع يرد على كل الاعضاء الا انا دايما تصيرلي هالحركة

لحد بديت ازعل وهاوش خخخخ
طبعا هي حركة مو مقصودة

الحنتريش

19-02-08, 01:01 am

المشكله ياعاشق ياحبيلك انت وبساسك لامنه حذف موضوع هادف وحساس بسبب كلمه
ولو اني ماقتنعت بوجهة هالنظر بس المخرقين عاوزين كده
بس لامن ماحد رد عليه اقول عساهم للعمى ماغير موايدز بالموضوع ولا احد يحتس
بس لاتخاف ربعنا يبحثون عن تكثير المشاركات حتى لو يكتب اي شي بس مجرد زود عدد

الفلته 9

19-02-08, 01:06 am

ممكن يصير فيه
أحباااااااااااااااااط

عاشقة سوسو

19-02-08, 02:19 am

يسعد مسائك عاشق العذروالسموحة مو انت اللي تطنش
والله حاسة فيك حتى انا ينكسر قلبي
كنت مشتركة في منتدى وكل ما نزلت موضوع مااحد يعطيني وجه وحسيت نفسي
ثقيلة دم والله بعدين مانزلت ولا موضوع على نفسهم هم الخاسرنين
قلبو لاتشيل هم والله انك تجنن وموضوعك يطير العقل
بس التمس العذر يمكن كنا مشغولين

The Free Man

19-02-08, 03:18 am

آآآآآآه يالقهر

قلشت علينا فرصة للضحك

ليته والله ما رد عليك احد

قسم لأحط رابط هالموضوع في توقيعي

واقول ادخلوا و اضحكوا

بس لاحد يرد

:f5:

بيس:)

جوان2007

19-02-08, 03:30 am

8

8

8

8

هههههههههههه ليتنا مسوينن به تسذا وناااااااااسه <<جازت لي النذاله

ان كان يروح يصايح عن امه خخخخخخخخخ,

عازفة ألحان الليل

19-02-08, 04:05 am

صاحب البطاقة

19-02-08, 06:29 am

ليته محد رد عشان نكته ميه ميه<<<<<<<لاتحسبن جاد تراي اثتهبل

عاشق ديرتي بريده

19-02-08, 01:33 pm

مرحباً عاشق ,,

بصراحه أنا ماكتبت موضوع إلا أبي الكل يشارك فيه ويقول ماعنده ,, وإلا وش الفايده

يعني بإختصار ( تحزّ بالنفس لو ماأحد رد )

دمت بود ..

اشوا احسبه بس انا اللي يضيق صدري !

عاشق ديرتي بريده

20-02-08, 12:22 am

من جد اتحسف اني نزلته

ضيقة صدر اذا محد اهتم للموضوع وللفكره

مشكووور

خلك مثلي رحوم

ادور اللي مااحد رد عليه وارد عليه عشان مايضيق صدره !

*الوان*

20-02-08, 01:48 am

قهررررررر الصراحه

تسان تتحطم نفسيتي

واشيل من راسي فكرة اني انزل موضوع ثاني

يسلموووا ع هيك موزووع

إخلاص

20-02-08, 09:59 am

ماشاء الله ثلاث صفحات
مبروك عليك

خخخخخخخ
:18[1]:

دعوه للضحك ياجماعة

الحين انتي وشو اللي موتس من الضحك ؟؟؟:4_1_200v[

عازفة ألحان الليل

20-02-08, 01:08 pm

ماشاء الله ثلاث صفحات
مبروك عليك

الحين انتي وشو اللي موتس من الضحك ؟؟؟:4_1_200v[

ههههه اضحك على ناس تعبانه