يشتري لزوجته الغالي ويحرم نفسه ! هذا هو حال اكثر الرجال !!!!!!!!!

[عاشق ديرتي بريده]

أماادري ليش اكثر الرجال يحرم نفسه بعض الاشياء واذا طلبت زوجته اي شي نفذ طلبها !!!

ليش يعطيها فوق الف ريال عشان ملابس مؤقته للزواج مثلاَ !

وهو اذا جاء يشتري لكم الكرامه جزمه قيمتها 100 ريال يتردد ويقول غالي سعرها !!

هذا اللي حصل اليوم مع ولد عمي رحت انا معه لم محل اسيا وشاف جزمه حلوه بس سعرها غالي وتركها !

وقلت له ليش تشتري لزوجتك وعيالك الغالي وتحرم نفسك !!

قالي ماادري !!

قلت له اطرب نفسك باللي تبي ترا زوجتك اذا مت راح تنساك !

[ملاك الحبر]

هذا يعتمد على الشخص نفسه ،، وأمره غريب

ومو مرتبط بزوجته أبداً



يعني اللي يحب الغالي يشتريه صح أولا ؟؟



<<الموضوع للأسرة والمجتمع :)

[توتي]

كثييييييير من هالاشكال اللي تقوله موجوده
وبعضهم يسوونها مع عيالهم
فمثلا تجد عياله معهم افضل السيارات ويلبسون افضل الثياب وهو
يتكيثر على نفسه سيارة جديده ويقول وش فيها سيارتي
حتى الشماغ يبخل على نفسه به

تحيتي

[اسم العضو]

أماادري ليش اكثر الرجال يحرم نفسه بعض الاشياء واذا طلبت زوجته اي شي نفذ طلبها !!!

ليش يعطيها فوق الف ريال عشان ملابس مؤقته للزواج مثلاَ !

وهو اذا جاء يشتري لكم الكرامه جزمه قيمتها 100 ريال يتردد ويقول غالي سعرها !!

هذا اللي حصل اليوم مع ولد عمي رحت انا معه لم محل اسيا وشاف جزمه حلوه بس سعرها غالي وتركها !

وقلت له ليش تشتري لزوجتك وعيالك الغالي وتحرم نفسك !!

قالي ماادري !!

قلت له اطرب نفسك باللي تبي ترا زوجتك اذا مت راح تنساك !

عاشق
عاد هاذي وصيه أذا مت زوجتك راح تنساك يمكن تجلس طول عمرها على ذكراه انت تعلم الغيب حرام عليك تخرب على المرأة

سلام..

[باونتي]

الغاليـ للغاليـ


بس صدقت
كثيييييييير كذا

تشوف عياله ومرته لبسهم غالي وهو غييييييير


بس يبيقى يعتمد عليه هو نفسه

وبرايي ع الزوجه


يعني اشوف الان الزوجه تبغى زوجها يلبس حلو

بس يبقى يختلفوون الناس

[Queen of buraydh]

:)


ياحليله ماشاءالله عليه يوفر الفلوس عشان يطرب زوجته ... كفو والله .. كثّر الله من امثاله



بس عاد جزمه بـ 100 غاليه عنده ؟؟؟ اجل بكم يبيها ؟؟؟

[اتعبني خطااااك]

v
v
v
v
كوين رهيبببببببببه كثر الله من امثااااله

عاشق يمكن يكون فيه كذا ولله العالم
لكن اللي اشوفه عادي انه الرجال عندنا مايبخل على نفسه بل عكس يمكن ايكون اناني من كثر مايطرب نفسه ولا يقصر على روحه بشي

من شراء وسفريااات وكشتات وغيره من جميع النواحي ماديه معنويه

[كـامـو]

الزوجة عندما تشاهد زوجها ما يهتم بنفسه و مقصر بإشتراء حاجياته

المفروض هي من تبادر و تشتري لزوجها بعض الحاجيات فمثلا . . .

لو أعطاها ألفين ريال تأخذ جزء من المبلغ و تشتري فيها عطر أو جزمة

أو أي شي آخر لزوجها فــ تعطيه كهديه و من حلاله :) و الباقي لها.,

طبعا هذا الشي ما يكون دائما بل من فترة لــفترة.

تشكراتي

[بنت البدائع]

مرحباً عاشق ,,

وأهم نقطه لازم تنتبه له ؟

إن حوايج الحرمه ومقاضيها تختلف عن حوايج الرجّال من ناحية المصاريف ..

أما من ناحية أنه يحرم نفسه وزوجته مايبخل عليها لو طلبت , فهذا شي حلو <<< يحب الكشخه لزوجته <<< هي إفهمته كذا :)

الصراحه ,, الصراحه

فيه كثير أشوفهم كذا ,,,


قلت له اطرب نفسك باللي تبي ترا زوجتك اذا مت راح تنساك !

وش ذا الظن ياكافي :29_1_8[1]

[تلميذة الحياة]

صحيح اشوف فيه كثار رجال كذا ..

احياناً اقول ممكن لأن السيارة على كيفه يروح لستين محل غير ,يعني له فرصه أكثر بالإختيار..

اما المرأة روحتها وحده للسوق يعني صعبة طلتعها مرة ثانية فتشتري الشي لو كان غالي .. وتقول وش

حيتي كلن يلبس غالي الا انا .؟؟!!

وأحياناً اقول لأن الي يبيعون رجال لو كانن حريم كان اشتروا الغالي( مثل) ما يجدعون فلوسهم بسوريا اذا شافو الحريم ..ههههههه

وبالأخير هو كثر خيره الي يعطي اهله مصروف ويرفههم وهم لهم حرية الاختيار يشترون غالي او رخيص ,يعني سوا اللي عليه وبس ..

[....e7sas]

غريبه والله ،،، حسب ما أعرف إن الزوجه لها تأثير على زوجها من حيث
الشياكه ولبس الغالي وقبل كذا السخاء على نفسه،،
لكن اللي ذكرته شكله قنوع مره ،


قلت له اطرب نفسك باللي تبي ترا زوجتك اذا مت راح تنساك

افاااااااااااا ،،، الزوجه تضل وفيه لزوجها حتى بعد وفاته ،،،
لا تخربه عليها ،،

[جوان2007]

يوفر هالقرشين له ...ماشاء الله

لانه ماخذه فلوس ماخذه بالطيب ولا بالغصب

[جبل عمر]

حالته غريبه لكن الحمد لله إن هالحالة ما جت على عييله وزوجته

[كلمة السر]

كثير كذا


بعد يكون برغبتهم

يعني المشكله فيهم هم \


مااحد منعهم

[إخلاص]

انا كذا اشتري لأهلي الغالي والنفيس بس لجيت اشتري لنفسي ترددت كثيرا
ولا اروح الا لارخص المحلات :(
مادري ليه ؟؟

[حزام الأمان]

8
8
8
8

اخلاص انتي على كذا طيوبه وقلبك نظيف الله يسعدك يارب ويرزقكك على قد نيتك

************************************************** ***********

بالنسبه لموضوعك اخ عاشق انا اشوف انا الرجل يقعط على نفسه علشان اولادة اما زوجته مااظن الا اذا هي قويه والا حنانة رنانه تقعد تزن لين تحصل بس كذا من الله مااظن
عموما كل شي جايز ,,,,,,,,,,,,,,تقبل وجهة نظر حزام

[إخلاص]

8

اخلاص انتي على كذا طيوبه وقلبك نظيف الله يسعدك يارب ويرزقكك على قد نيتك




اللهم آمين لكِ مثله :)

[فـــارس]

الرجال قوامون على النساء
وهذا المفرووض هو الي بيده كل شي يعني لايكون هو المراة

[بنت الاسلام]

ياكثر اللي تسذا الضاهره منتشره
وانا اعرف كثير بعد

[بلسم الجروح]

ولد عمك صراحة شخص نادر

بعكس بقية الرجال

تشوفهم طايحين على آخر موديل سيارة وجوال وما همه إلا نفسه


الله يسعده ويعوضه خير
يكفي إنه يُؤْثِر

[العبرى]

أعتقد من يفعل مثل ذلك من الرجال

يرجع لنظرته الواقعيه للأمور..


وأعني إذا اراد أن يشتري حذاء مثلاً..لايهتم للونه او شكله او صنعه

المهم حذاء..سواء بـ 100 او بـ 20


ويؤمن بأن المرأة عكس ذلك..ويرضيها امام نفسها..

ولاينقصها عند غيرها..






تحيتي,,,

[جعباصه]

شووووووووووووووكرن

[مبحوحة الصوت]

قلت له اطرب نفسك باللي تبي ترا زوجتك اذا مت راح تنساك !


بهاالسهوله ؟!

ياشيخ حرام عليك

[الأسترليني]

[align=center]وقلت له ليش تشتري لزوجتك وعيالك الغالي وتحرم نفسك !!
]

اخوي عاشق ديرتي

النوع ذا موجود بكثره من الرجال واغلبهم عنده ثقة بنفسه ويحب زوجته

وعياله وعنده مبدأ بحياته ( ما ابي اخلي على عيالي قاصر )

لكن فيه قله من الرجال ما اشترى الغالي لأنه يخاف من زوجته نعم

لأنها هي المسؤوله اولا واخيرا عن المصاريف والمشتريات وهذا النوع اللي

ارحمه لأنه ما يعرف يقول لزوجته ( لا ) ما يدري ان بعض الزوجات ودها تسمع

كلمة ( لا ) من زوجها .

تحياتي لك الاسترليني

[أمــاسي ونص]

وش فيها اذا عطاني وبخل على نفسه
بعديهم هم ابخص

[عبدالله30]

هلا عاشق0

هي مقارنة بين مصاريف الرجل والمرأة بالنسبة للملبس طبيعي المرأة تحتاج الى ميزانية خاصة

وكل واحد حسب قدرته المادية لكن لاتصل للحرمان اذا كنت مقتدر أي ان العملية موازنة 0

مع العلم ان الكثير قد يحرم نفسه من كثير من الاشياء بسبب امرأة فهو

لايستمتع مثلا بهذه الجزمة بقدر مايستمتع مع ما يرى في المرأة

تحياتي لك0