حرام عليكم كفاية لحسة مخ

[خطاوينا]

بصراحة وبلا مقدمات..
اليوم صار عندي لحسة مخ..
صرت ما اميز بين الصح والخطأ..
عاد هماكم اخواني وحبايبي ..
قلت يا ابو خطوة ما لك الا حبايبك في بريدة تطرح عليهم مشكلتك..
بلكي يحلونها..
:
بقصة لكم القصة اللي صارت لي.. وانلحس مخي بعدها..
قريت رد لأحد الأخوة..
جميل جدا..
فيه من المثالية الكثير..
كان فيها وعظ لأحد الأخوة..
ونصح وارشاد..
وفيه قيم ومُثل.. وتعليم لمفهوم الرجولة..
وتعليم للأدب.. وما يفترض ان يقال ولا يقال.
أعجبني الرد..
تأملته ونويت أن لا أحيد عنه..
:
بتقولون وين المشكلة..
بقول لكم..
قبل أطلع من الموضوع .. زحلطن أصابعي على الماوس..
إلا وتنزل الصفحة لتوقيعه.. إلا وشوف أيميله في التوقيع..
عاد أنا بطبعي سطحي..
وأي واحد حاط أيميله اتهمه مباشرة انه يغازل..
يعني بصراحة ما أتخيل أنه حاط ايميله لتبادل الأناشيد الاسلامية..
تبون الجد النصيحة اللي أعجبتني ما صارت تعجبني ..
والسبب أن فيها تذكير بالله سبحانه وتعالى.. واستغربت كيف واحد يخاف من الله وحاط أيميله لاصطياد الفرائس..
بالله يا شباب اذا فيه أهداف غير الغزل من وضع الإيميل على التوقيع قولوا لي.. لأني بصراحة ما أبي أنصدم في الشخص اللي يعظ وينصح..
وودي اتابعه واستفيد منه..
حرام سطحيتي تقضي على شخص مميز كهذا..
ودمتم بنقاء وبلا ادعاء للمثالية..
:

[فيصل...........]

خطاوينا


وأي واحد حاط أيميله اتهمه مباشرة انه يغازل..
مو انت بس وليست غريبه منك لكون مجتمعك مجتمع الا تهامات

يعني بصراحة ما أتخيل أنه حاط ايميله لتبادل الأناشيد الاسلامية
كثير من المشائخ والعلماء يضعون اميلاتهم وارقام هواتفهم في الجرائد والمنتديات اذا
لا مانع ان تصنفهم ضمن دائرة الاتهام لديك

[توتي]

وأي واحد حاط أيميله اتهمه مباشرة انه يغازل..
يعني بصراحة ما أتخيل أنه حاط ايميله لتبادل الأناشيد الاسلامية..

ياخي صف النيه يمكن المقصد تعارف او تبادل اغاني هع :a2:

بس شف يابعدي

جدي الله يرحمه كان يقول
كلن يشوف الناس بعين طبعه

والـــســــلامــ ..!!

[مـنـار]

اصابعك مو سوا كل واحد وله نية في قلبه ممكن يكون الايميل خير وممكن شر
وفي بعض الشباب يستغلون هالنقطة للتعارف والخرابيط بس مين البنت الي عندها جراة تضيف شاااب ...!!؟

[غلا قلبي]

وانت للحين مخك ملحوس..

هو عاد بقا فيك مخ؟!

اخي خطاوينا هو حاط ايميله بالنهايه يبي يتعرف يبي يتناقش يبي يكشخ بايميله جديد بكيفه شي راجع له..مع انه الغالب للتعارف واضحه مثل عين الشمس..والله اعلم بالنوايا..

بس المهم والاهم انك ماشفت شي علني على الرجال يضره..

بس كل المشكله عشان ايميل دا حتة ايميل لا راح ولا جاء..

ممكن يطيح من عيني الشخص المميز لو شفت له رد يناقض نفسه فيه..

بس حرام تظلم الرجال مره وحده وخذ من العلم ماينفعك وخل الايميل اذا لم ينفعك..

يمكن الرجال حاط ايميله عشان تتناقش معه انت مثلا وتستفيد اكثر..

خذ بنادول بلكي تخف لحسة المخ هالمره ولا لامريت من هالعضو غمض عيونك عشان ماتشوف ايميله هع

[تالا miss,,,]

طيب...... مافيهاا شي اساله وقوله :الاخ الكريم ليه حاط ايميلك في توقيعك؟؟؟؟
هو راح يرد عليك ويقول :كيفي مالك خص .ولعيونك راح احط رقم الجوال .
بعدين المغازل مو صعب اللي يبي يغازل حتى بدون الايميلات .
عااااادي كل واحد يسويي اللي يبي حتى اللي يبي يحط صورته عااادي ((((اخاف يطردوني
هذا نفس اللي يقول ترى اللي عنده جوالين واحد للمغازل .....هههههههههههههههههههههه

[فتاة المستقبل]

إن لله يهاالمخ اللي بلشنا به ...وش سالفته ؟؟


وأي واحد حاط أيميله اتهمه مباشرة انه يغازل..


كثــــــــروا اللي بصــــــف عاشـــــق ..

[خطاوينا]

فيصل...........>> خطاوينا



مو انت بس وليست غريبه منك لكون مجتمعك مجتمع الا تهامات
وش اسوي سطحي جدااا.. اذا فيه اهداف أخلرى يا فيصل عطنياااااه وأكون لك من الشاكرين.. لأن ودي احط ايميلي..

كثير من المشائخ والعلماء يضعون اميلاتهم وارقام هواتفهم في الجرائد والمنتديات اذا
لا مانع ان تصنفهم ضمن دائرة الاتهام لديك..
لا المشايخ ضروري يحط جواله وايميلة الناس في حاجة لهم ولفتواهم.. من مهامهم التواصل مع النااااااس..
:
فيصل شرفني مرورك..

[خطاوينا]

توتي.. حياااااك..


ياخي صف النيه يمكن المقصد تعارف او تبادل اغاني هع :a2:

ياخي عجزت اصفي النية.. اعترف ان سوء النية كان حاضر..
ولا كتبت الموضوع الا علشان اصفي النية وتنوروني..

بس شف يابعدي
جدي الله يرحمه كان يقول
كلن يشوف الناس بعين طبعه
الله يرحم جدك.. وهو صااااادق.. عني اللي في مخيلتي في وضع الايميل هو الغزل..
فلووووو وضعت ايميلي في توقيعي وقلت لكم للتواصل من اجل تفسير الأحلام لا تصدقوني.. ترى هدفي إن وضعت ايميلي هو الغزل وقد اعذر من انذر..
:

[خطاوينا]

اصابعك مو سوا كل واحد وله نية في قلبه ممكن يكون الايميل خير وممكن شر
وفي بعض الشباب يستغلون هالنقطة للتعارف والخرابيط بس مين البنت الي عندها جراة تضيف شاااب ...!!؟

اكيد اصابعنا مو سواااااااااااا.. بس ابي مبرر منطقي لوضع الايميل..
على العموم انا لا اتحامل على اصحاب الايميلات ولا لي شغل في خصوصياتهم..
ما عنيته فقط.. ((لا ترمي الناس بالحجارة وبيتك منزجاج))..
:

[بــرمــودا]

شف ياخطخوطي هه تراه اسم الدلع ,,, شف يابو لحسه انا معك بذي تدري ليش لأننا saudi arabiaوتفكيرنا دايم بالجنس اللطيف وتقديم أرقى الخدمات له والبحث عن سعادته هع ,, إيه بعضهم تراه داعيه ويجسم شرطان دينيه على البنات وينصحهن بالماسين ,,,دمت بخير خطخوطي

[خطاوينا]

غلا قلبي..
وانت للحين مخك ملحوس..
هو عاد بقا فيك مخ؟!
وش اسباقي شوووووي..
اخي خطاوينا هو حاط ايميله بالنهايه يبي يتعرف يبي يتناقش يبي يكشخ بايميله جديد بكيفه شي راجع له..مع انه الغالب للتعارف واضحه مثل عين الشمس..والله اعلم بالنوايا..
هي تبقى أمور شخصية.. لا تهمني..
ولكن لا تنه عن خلق وتاتي بمثلة أو على حده..

بس المهم والاهم انك ماشفت شي علني على الرجال يضره..
للأمانه ما شفت شيء..
بس كل المشكله عشان ايميل دا حتة ايميل لا راح ولا جاء..
صح هو حتت ايميل.. بس يخفي خلفه الكثير..

بس حرام تظلم الرجال مره وحده وخذ من العلم ماينفعك وخل الايميل اذا لم ينفعك..
اوكي.. بس بسألك النصيحة لما تكون قدام النااااس مو شتيمة..
يمكن الرجال حاط ايميله عشان تتناقش معه انت مثلا وتستفيد اكثر..
يمكن..
خذ بنادول بلكي تخف لحسة المخ هالمره
ابشر ولا يهمك...
شرفني مرورك..

[فتحـية]

والله على حسب العضو ...
إذا هو راعي آراء ومقالات فأنا ما أشوف فيها شي أما غير كذا فهذا يفتح باب على نفسه ..
ورحم الله امرء ذبّ الغيبة عن نفسه !

سلملم

[& جمال الطفوله &]

الله أعلم بنياتهم ....

يمكن البعض منهم يحب التعاارف من بني جنسه << متعووب عليها :D

واذا كان كاتب ... يحب يشوف آراء الناس في مقالاته ..


الناااس تختلف في تفكيرهــم خيووو....



تشااااااااو

[جورينا]

*

ياكثرهمـ هالنمونة بس أرهب شي اللي يكتب لك فقط الجنس الخشن لا للنعومة ..!!
عاد هاذي تبي له مليون لحسة مخ من شان تنفهمـ .. عاد انت وانا اختك خذهم على
قد نياتهمـ ..!! يمكن النية مطية ..!!
والله يعين لحسات مخكـ ..!!


*

[فتحي الشقاقي]

ياشيخه انا قريت الموضوع ونسيت اقرأ اسمك ..

ومنها جت بالصدفه .. الحين يا أمي بالله عليك وش دخلك في الناصح .؟
إن شاءالله اكبر سربوت بالشرق الاوسط .. وانتي وش عليك منه ؟
انتي عودي نفسك على شي اسمه (الاستفاده من مضمون الكلام فقط لا غير )
وخلك بعيده كل البعد عن القائل او الكاتب اذا هو يغازل او يسوي بلى وجلى :) .
عندك انا دايم انصح .. بس بالحقيقه ما اطبق نصيحتي على نفسي . وهذا ما يمنع انك تحاجيني الا اذا انتي لك تدخل في شخصيتي .. يعني وحده من أهلي او زوجتي او بنت جيراننا هع هع >> جته الحسه ..

نصيحه لك ولغيرك . رجاء خاص من الاخوه الكرام عدم متابعة شخصية الكاتب لانها تعتبر خصوصيه مافي احد له دخل فيها ..
رجاء ان يكون الهدف المعني من دخول أي موضوع هو الفائده من المضمون فقط لا غير ..>> حلوه فقط لا غير .. تذكرني بشيك قد استلمته من المعهد قبل كم سنه هع هع

[فتحي الشقاقي]

*

ياكثرهمـ هالنمونة بس أرهب شي اللي يكتب لك فقط الجنس الخشن لا للنعومة ..!!
عاد هاذي تبي له مليون لحسة مخ من شان تنفهمـ .. عاد انت وانا اختك خذهم على
قد نياتهمـ ..!! يمكن النية مطية ..!!
والله يعين لحسات مخكـ ..!!


*



وقف وقف وقف .. من عطاك الاشراف انت ؟

بالله وش ذا المشرف الي عنده خطأ املائي ملحوس ؟

يعني الي بالاحمر كذا تنكتب ؟
هاذي :(

الصحيح / ( هذي )

[ღ ][ وحيدة كالقمر ][ღ]

بقولكم معلومة,,يمكن تكون خافية عن البعض منكم,,,


ترى(بعض) اللي مارزوا إيميلاتهم ومسوين فيها ثقل بالمنتدى,,,,والثقل منهم براء



يتعاملون بشي إسمه خاص,,,ويرزون إيميلهم مباشرة هناك,,,,



وماأتكلم من فراغ,,,لا والله,,




يالله سلالالالالالالالالالالام

[جورينا]

*


مشكور مستر فتحي على التصحيح والألف تعلق بالكلمة سهواً ..!!
تعال أجل أنت وراجع أخطائك الإملائية مالها حصر هع هع ..!!
مثال بسيط :) ..!!

>> جته الحسه ..



*

[ღ ][ وحيدة كالقمر ][ღ]

سؤال دخل ع دميجتي منذ قليل,,,,


كثير أتصفح الجرائد وأتطلع ع كتَّاب مقالات رااائعة ولانزلت تحت وقضيت لقيت إيميله مرزوز طبعاً(البعض منهم) حتى لانعمم ونظلم الآخرين,,,,



وش تقولون عنه هالكاتب؟افتوني بارك الله فيكم؟



تحيتي

[M.R]

والله ياخوي
مافيها شي انه يحط ايميله

وترا كلن على همه سرى
وأنا على همي سريت

ولا تناظر للأشخاص
نظرة (قاصرة)

[بــرمــودا]

يعني الي بالاحمر كذا تنكتب ؟
هاذي :(

الصحيح / ( هذي )

والصحيح (هذه):36_1_12[1

[البـــBADERـــدر B.D.Q]

هذي مشكلتنا اننا دايم ندعي علم بمى تخفيه النفوس :(
وانا اخوك المغازل يجي بعد بدون رزه الايميل :)
عن طريق الرسائل الخاصه وياما وياما شفت وشفت والمشكله انه مسويه نفسه ثقيل بالمنتدى وانه عاقل ولو تشوف الرسائل الخاصه الي مرسله يشيب راسك
بتقول لي وشلون دريت عن رسايله اعلمك بعدين بكل شي

المهم ان الاييميل بالتوقيع ماعتقد انه يدل على المغازل لان البنت الي تبي ايميل واحد من الشباب ترسل له رساله وصدقني بيطير من الفرحه علشان يعطيه ايميله هه

[باونتي]

امممم


عجبني رد وحيده

ياكثر اللي مسوين فيها ثقل وانواع الازعاجات بالخاص


وعلى فكرة ماتلاحظون الموضوع تحول الى <<< حصة املاء

خلو كل واحد بحاله


لااله الا الله


بآآآآآآآآآآيووو

[أبو أميرة]

أنت ياأبو لحسة فكنا من شرك

أنا لي سنوات وإيميلي لايحتوي على أي بنت على الرغم أنني رازه في التوقيع !!!

ولكن يبدو أن المثل ينطبق في هذا الموقف

الطيور على أشباهها تقع



والأخ فيصل وكذلك توتي ماقصروا

[عبوووووتشي]

والله يابن الحلال حاولت أصطنع لك عذر برزه هذا الايميل .. بس للآسف ما لقيت العذر المقنع
لكن أنا دائمآ أرزه وممكن يكون مقاسه كبر راسي إلا بمعرفي هذا ما رزيته
وبقولها لك بصراحه إني رازه للمغازل والكذب خيبه والله
أما اللي يقول من شان أفيد وأستفيد فهذا سلملي على مصداقيته يا عيني عليه ............ دمت

بايووووووووووووووووو

[ღ ][ وحيدة كالقمر ][ღ]

امممم


عجبني رد وحيده

ياكثر اللي مسوين فيها ثقل وانواع الازعاجات بالخاص


وعلى فكرة ماتلاحظون الموضوع تحول الى <<< حصة املاء

خلو كل واحد بحاله


لااله الا الله


بآآآآآآآآآآيووو



وياكثرهم والله,,,,,



طبعاً البعض منهم,,,,,مو كلهم,,,,,<<أكره ماأشوف عندي خاصية التعميم





تحيتي لك