حرام والله غلابة..

[خطاوينا]

:
:
بعد ليلة مضنية من الأرق والتعب..
والتفكير المستمر في قسوة الحياة..
وحصر الديون التي لي وعلي (ما أطلب أحد إلا الهندي حق الاستراحة.. مسلفه بطاقة سوااا بعشرين ريال ومارجعها له شهر)...
كانت ليلة مليئة بالأحزان والهم والغم..
استرجعت شريط حياتي المليء بالقسوة..
تذكرت فبراير 2006 والانهيار القاسي... والذي ضاعت معه كل أحلامي وتحويشة العمر..
نمت على أنغام الفاتنة (أليسا) وهي تردد (ارتحت لك.. احساس غريب بحسه لما ببص لك.. وبحن لك.. ولو حتى جنبي في حضن قلبي بحن لك.. سلمت لك.. أغلى ما عندي.. حتى ألبي فتحتو لك)
نمت بعدان اقنعت نفسي أن القادم سيكون أفضل وأجمل..
(لا تقلق يا جيفارا قد يبدل الله الحال.. وتعود لك براميلك الملطوشة.. وتئب على وجه الدنيا)...
:
صحيت باكرا على صوت الساعة الخراشة التي أهداها لي مديري الجلف بعد أن مل من تأخري المستمر عن الدوام..
أخذت دش..
لبست ملابسي..
خرجت من غرفتي بخطوات ثقيلة..
وبظهر منحني اثقلته الهموم والأحزان..
مسكت مقبض باب شقتي (ذات الثلاث أوض)..
دعست بقدمي على ظرف دلف من تحت الباب..
انحنيت بتثاقل نحو الظرف..
ووجدت عليه ختم وزارة المالية..
وكتب عليه بخط اليد (خاص لجيفارا)...
:
يا الله عدنا لعصر عمر بن الخطاب..
يا إلهي وزير المالية يوزع حقوق المواطنين بنفسه..
وأخيرا.. تحققت الأحلام وانزاح الهم والغم..
من هذاا الظرف سأبدأ صناعة نفسي من جديد.. سأحقق كل أحلامي..
سكرت الباب حق الشقة ونسيت المفتاح عليه من الطفقة..
كنت مستعجل بروح اقدم استقالتي من عملي وأنعم برغد العيش..
وصلت السيارة حصلت الكفر مبنشر (هو على طول نايم لي ثلاث سنوات ما غيرته)..
مسكت الجوال باتصل على زميلي يمرني على طريقه يوصلني للشغل..
إلا ويرد علي واحد صوته موووو غريب علي دوم يرد علي ويطلع لي في كل اتصال (عزيزي العميل لقد تم فصل الخدمة عن هاتفك لأنك لم تقم بتسديد الفاتورة)..
قلت أوريك وربي ما راح اسمع صوتك طول عمري..
بس اصبر علي أصرف شيك المالية..
لا ورااااح ازيد حدي الإتماني ووأوصله 500 ريال عناد فيك..
وصحت في وجهه خلاص ولى الفقر إلى غير رجعة.. انا الآن جيفارا الهامور..
:
ركبت السيارة وقررت امشي عليها مبنشرة وأقطع الكفر اللعين..
ما بقى إلا هي جيفارا يبنشر كفر.. ويشوفنه العالم ويحسبونه مطفر وهو معه شيك من المالية مدري كم فيه لسا ما فتحته...
قطعت أبو الكفر ورحت لأبو يمن حق البنشر وقلت له غير كل الكفارات..
وكفرات أصلية بعد.. وأنا بروح على ليموزين للبنك أصرف شيك وأرد..
:
رحت للبنك..
وقبل أدخل فتحت الظرف.. .
صعقت.. بغيت أنهبل..
وجدت رسالة مكتوب فيها: جيفارا نظرا لارتفاع الإيجارات في كافة مناطق المملكة.. تم رفع ايجار الشقة من 18 ألف إلى 24 ألف..
آمل المبادرة بالتسديد أو إخلا الشقة قبل أن نخليها عن طريق السلطات الأمنية..
وربي.. انا انهبلت.. ومقهور.. ومو مقهور من الرسالة وضياع الحلم..
أنا بس أفكر وشلون أطلع من الورطة اللي ورطت نفسي فيها مع البنشري..
وشلون ادبر ألف ريال وأسدد قيمة الكفرات (يا شين مهايط المفاليس)..
المهم رحت للاستراحة أجر أذيال الخيبة..
وأخذت جوال الهندي واتصلت على صاحب العقار..
وقلت له انا ما عندي مشكلة في رفع الإيجار بس عندي سؤالين بريئين..
من وين جبت ظرف وزارة المالية الرسمي؟؟..
والثاني ليش تسوون فينا كذااا..
هوامير الأسهم خلونا على الحديدة.. وأنتو يا هوامير العقار.. أخذتو الحديدة اللي كنا عليها..
:
دمتم بوووووود..
:

[علشانك بس]

ههه وربي تنرحم ,,
وش سويت بالكفرات قلت له يفكهن ويرجع القديمات ,, ولا خليتهن سلف وحولت هندي البقالة على البنشري ,, العشرين ريال تنفع ,,
بس انا خابرتن الكفر بخمس مية ,, شلون غيرت اربع كفرات بألف .. ؟؟
فوووتك بعافية والله يرزقنا وياك ,, ترى طيحة الأسهم ضيعت ناس كثيرين ,, الله يجازي اللي كان السبب ,,,

[خطاوينا]

بس انا خابرتن الكفر بخمس مية ,, شلون غيرت اربع كفرات بألف .. ؟؟

انا ترى ما سكه معي انك بنت..
على العموم ترى فيها كفرات بـ 120 ريال..
اذا بنت لا تناقشين في امور الرجال.. هههههههههههههه..
شاكر مرورك..
:
عندي سؤال.. انتي ليش دوم معصبه.. نكي يوترك اغيره..

[بــرمــودا]

هه شفت مالنا غناة عن البنغاليين يسلفوننا وأحيانا إذا طردك راعي البيت تروح لمه ويلفيك ليلتين أو ثلاث ليال ,,تصدق واحد من الشله اللي يعتبر قبل الأسهم هامور دراهم ,,هالحين يتسلف من البنغالي حق الإستراحه قروش والله إن البنغالي يقول لي : علي نفر مسكين ,أنا يشوف هو أنا قلب نار,,,يالله شلق ,,,,حقيقة ياجيفارا إنك مبدع بس أنت تعيش في أواخر أيامك واللبيب بالإشارة يفهم,,,,,,وشلون سددت للبنشري ؟؟؟أكيد تسلفت من عبد الحفيظ,,,دمت بخير

[خطاوينا]

حقيقة ياجيفارا إنك مبدع بس أنت تعيش في أواخر أيامك واللبيب بالإشارة يفهم
برمودا يا صديقي.. علمني ووووش القصة.. شايف علي خطر..
والا ترى اني استنزفت جهدي..
همسة ولو مسج خااااص..
:

[علشانك بس]

جيفااارااا ,,,
انا ترى ما سكه معي انك بنت..
مافهمت ,, شلون ماسكه معك اني بنت ؟
على العموم ترى فيها كفرات بـ 120 ريال..
والله مادري لكن قبل تقريبا شهر اشوف ابوي يقول اني قبل اروح للرياض غيرت كفرين بألف ,, وهذا اللي خلاني اتوقف عند سعر كفراتك كفرات الغفله ,,
اذا بنت لا تناقشين في امور الرجال.. هههههههههههههه..
الحين صارت الكفرات امور رجال .. !!
شكلك ماشفت المواضيع اللي راحت صدق مواضيع رجال ماتنقرى ,,
شاكر مرورك
العفو ,,
عندي سؤال..
اسأل ,,
انتي ليش دوم معصبه..
بالعكس ارد وانا اضحك على سالفة البنشري ,,
نكي يوترك اغيره..
لا والله لاتغيره لأني مادريت عنه ,, :)
فووووتك بعافية ,,

[خطاوينا]

لا والله لاتغيره لأني مادريت عنه ,,
كل هذا وانتي ما دريتي..

[مليت]

ههههههههههههههههههههههههههه
اما كفر بخمسمية شكلك تسوق قطار مهيب سيارة:36_1_1[1]

[جوان2007]

الله يعيننا والله شعب مغلوب على امره .,,,كل شي غلوه علينا

مير سددت للبنشري ولا للحين سيارتك مرهونه عنده

[علشانك بس]

ههههههههههههههههههههههههههه
اما كفر بخمسمية شكلك تسوق قطار مهيب سيارة
ههه وه مت ضحك ,, خلصت نكتتك ولا باقي ؟
ترى مو ذنبي اذا صارت سيارتك داتسن تجي تفق خشتك هنا تضحك على سعر كفرات ابوي :)
ناس ماتفهم بالكفرات << عاد انتي اللي تفهمين فيهن ,,

[جورينا]

*


الله يصلح الحال ..!!
الشعب أصيب بـِ هلوسهـ غير طبيعيهـ ..!!
ليتنا ماشفنا هاليوم الاغبر يوم الاسهمـ كانت الناس عايشهـ..!!
ومبسوطة وماعندهـ لامكدر ولامندر ..!!
اسلوب كتابي بطريقة ساخرهـ وتوصل للمعنى المطلوبـ بطريقة سلسهـ ..!!
لاهنت اخ جيفارا ..!!


*

[فيصل...........]

جيفارا

ابشرك جتني رساله


علي الايميل تقول تعويض لكل من خسر في الاسهم

بمبلغ وقدره 6000 ريال احمدربك تركب كفارات

ومسجل بعد والباقي حطة لك بخيمة واسكن في الصحراء

لا كهرب ولا اجار ولا يحزنون

[برود الثلج]

أسلوب راااااااااااااااااااااائع وشيق ،،

ماأجمل أحلام اليقظه ياأخ جيفارا فهي المتنفس الوحيد الذي نهرب إليه من ضغوطات الحياه،
ويارب مايشملها شغل النهابه ،،



وثق بالله أخ جيفارا بأن القادم سيكون أفضل وأجمل بعون الله ،،




وشكراً ،،

[هامة حاسوبية]

http://filaty.com/i/710/f3dd562.h---11.gif


جيفارا


أسلوب راااااائع كالعادة

ولا إرادياً وأنا أقرأ أضفت بعض الفقرات التي تجعل القارئ يغرق أكثر في القصة >> يعني باختصار ماأترك اللقافة http://www.getsmile.com/emoticons/smileys-91853/c0/bgrlaugh.gif

رزق الله الجميع ، فالحياة الآن صعـــــبة http://www.getsmile.com/emoticons/smileys-91853/aiw/cry.gif



http://filaty.com/i/710/f3dd562.hh----2.gif

[إخلاص]

الله يعين وش واقفن عليه الحين اكيد قطعة صفيح مادامهم اخذوا حتى الحديده اللي كنت واقفن عليه

يوم سألته عن الظرف وش كان جوابه ؟؟؟؟

[نـدى الـورد]

جيفارا

احمد ربك انك لاقي احد يسلفك حتى لو بمكالمه

وثق بالله أخ جيفارا بأن القادم سيكون أفضل وأجمل بعون الله

اتمنى ولكن كيف ونحن مغلفيين ب البطانه الفاسده؟
،،

[خطاوينا]

ههههههههههههههههههههههههههه
اما كفر بخمسمية شكلك تسوق قطار مهيب سيارة:36_1_1[1]

ايه طيارة.. تراها ريم بنت الوليد..
مو زيحالتنا نغير صيني بـ 120 ريال..
شاكر مرورك..

[هين هين]

جيفارا

محد ياخذ غير نصيبه بها الدنيا مالك الا الصبر والأحتساب الين الله يفرجها عليك وعلى المسلمين الصبر مفتاح الفرج

تحياتي
هين هين

[خطاوينا]

الله يعيننا والله شعب مغلوب على امره .,,,كل شي غلوه علينا

مير سددت للبنشري ولا للحين سيارتك مرهونه عنده

هلا بالنصراوي..
خالد قاضي يقول النصر راح يفوز الجمعةبفارق هدفين..
:
شعب مدعووووووس عليه..
قسمين.. شوية هوامير.. وغلابه كثر..
ابشرك افرج البنشري عن السيارة.. ههههههههههههه.. بس رهنت جوالي..

[خطاوينا]

*


الله يصلح الحال ..!!
الشعب أصيب بـِ هلوسهـ غير طبيعيهـ ..!!
ليتنا ماشفنا هاليوم الاغبر يوم الاسهمـ كانت الناس عايشهـ..!!
ومبسوطة وماعندهـ لامكدر ولامندر ..!!
اسلوب كتابي بطريقة ساخرهـ وتوصل للمعنى المطلوبـ بطريقة سلسهـ ..!!
لاهنت اخ جيفارا ..!!


*

جورينا 26 يناير تاريخ لا ينسى..
شبيه بـ 12 مايو.. و11 سبتمبر.. و 9 نيسان..
المؤلم وين؟؟ يكمن في أن كارثة الأسهم لم تكفهم فما زال مض دم المواطن مستمر..
شاكر مرورك..

[حزام الأمان]

الله عليك مبـــــــــــــــــدع ياخي اسلوبك راقي ممتع سلس .......الخ

وبالفعل احنا شعب غلابا شويه غلابا ...الله يصلح الحال ويرزقنا من حيث لا نحتسب
كل الي اقدر عليه ارفع كفوفي للسماء واطلب من الي ماتنام عينه ......

حزام الأمــــــــــــــــــان

[خـــــــــــــــالـــــــــد]

اخي جيفارا



اكتب عن الغلا


اكتب عن الرواتب


اكتب عن الخونه

الا الخساير بالاسهم لاتنبش جروحه


لاني احبك في الله و احبك مواضيعك و سيره الخسائر و الهوامير تجيب لي حمى القش القلاعيه الملتهبه و ما اقدر ادخلها



تحيتي لقلمك يا ساحر الحرف

[برود الثلج]

اتمنى ولكن كيف ونحن مغلفيين ب البطانه الفاسده؟
،،

أختي الكريمه أريج ،،
أن الله عز وجل لا يخفى عليه علم شيء ،،
وثقي بالله بأنه يمهلهم رويدٌ ولا يهملهم و بعون الله سيكون القادم أجمل وأفضل ،،

[نـدى الـورد]

كلامك يطمن

ونعم بالله

تسلم


,

[بنت البدائع]

مرحباً جيفارا ,,,

إسلوب أكثر من رائع كالعاده ,,

أصلح الله حالك وكل مسلم ,,

شدتني هذه النقطه ,,

إلا ويرد علي واحد صوته موووو غريب علي دوم يرد علي ويطلع لي في كل اتصال (عزيزي العميل لقد تم فصل الخدمة عن هاتفك لأنك لم تقم بتسديد الفاتورة)..
قلت أوريك وربي ما راح اسمع صوتك طول عمري..
بس اصبر علي أصرف شيك المالية..
لا ورااااح ازيد حدي الإتماني ووأوصله 500 ريال عناد فيك..

اللي أخبره يطلع ( المكالمه محظوره ,, مايطلع صوت رجّال يتكلم )
متعوده على هالحركه الغثيثه اللي دايم تجي وقت الزنقات http://www.getsmile.com/emoticons/smileys-91853/aiw/cry.gif

دمت بود ,,

[جمان البحر]

الله يعيننا وياك ..
صدق الاسهم ضيعت ناس واجد بس احد قدر يتعايش مع الوضع ويرمم نفسه شوي والبعض ظل على طيحته ..

في النهاية أشكرك على أسلوبك الأكثر من رائع وللأسف شكله فاتني مواضيع كثيرة عن الخونه لأني مادخلت المنتدى الفتره اللي راحت ..

[بــرمــودا]

برمودا يا صديقي.. علمني ووووش القصة.. شايف علي خطر..
والا ترى اني استنزفت جهدي..
همسة ولو مسج خااااص..
:

وأي خطر !!!!خطر كبير كان الله في عونك ,,فقط عليك بالإحتساب ,,,دمت بخير جفوري على وزن (وائل كفوري)

[مخرج تلفزيوني]

جيفار المجنون تحية عطره وبعد ..
بيني وبينك علاقة حب ومودة وتعلق عاطفي ؟؟؟؟؟؟؟؟!!!!!!
عاد لاتصدق .
جفوري اخ منك وحكاياتك .. من أول حرف أمسكها
ماأطلق النص إلا أنا مخلصه ..
مجنون بحق ..

بالنسبة لموضوعك ..
لا تعليق ..
قد يكون ماتتحدث عنه سهل ..
أمام ماتخبأ لنا الأيام القادمة ..

من جــــــــــــــــــــــــــد
لا تعليق ؟

[أبو أميرة]

أهلا بالغالي جيفارا


القشور !!

صحيت باكرا على صوت الساعة الخراشة التي أهداها لي مديري الجلف بعد أن مل من تأخري المستمر عن الدوام..

أها هذا اعتراف أنك مهمل وطريق خريص مهب السبب الرئيسي !!! <<< واحد بلشه ماينسى



اللب ,,,


حقيقة أنت متفائل جدا بوزارة المالية !! <<<<< انتبه لاياخذون اللي بخباك مب يعطونك !!!!


غلاء الشقق بالعاصمة الرياض أمر غير طبيعي بل أنه زاد عن حده ووصل إلى حد المبالغة <<<<< يمكن يقلدون الامارات ,,,,

بالاجارات وليست الرواتب !!

لا ألومك على لحسة مخك الملازمة لك فالأمور المالية العسره تصنع كل شيئ !!


ياربي ترزقني أنا وجيفارا خمسين مليون يورو <<< يورو أكثر من الدولار أو أنا غلطان ,,,



بالتوفيق ياحبيبي و لا تستعجل مره ثانية ,,,,,,

[خطاوينا]

جيفارا

ابشرك جتني رساله
علي الايميل تقول تعويض لكل من خسر في الاسهم
بمبلغ وقدره 6000 ريال احمدربك تركب كفارات
ومسجل بعد والباقي حطة لك بخيمة واسكن في الصحراء

لا كهرب ولا اجار ولا يحزنون
تبي الجد الصحراء افضل حليب نياق وتمر وصحة وهواء نقي..
شاكر مرورك..

[خطاوينا]

أسلوب راااااااااااااااااااااائع وشيق ،،

ماأجمل أحلام اليقظه ياأخ جيفارا فهي المتنفس الوحيد الذي نهرب إليه من ضغوطات الحياه،
ويارب مايشملها شغل النهابه ،،
وثق بالله أخ جيفارا بأن القادم سيكون أفضل وأجمل بعون الله ،،
وشكراً ،،
يوووووووه أحلام اليقظة..
ذكرتيني بقريب لي.. شكى لي مرة همومه وديونه وقسوة الحياة..
قلت له لا يهمك الاسبوع الجاي عندي بزنز يمكن يدخل لي عموله 5 ملايين..
وراح أحل كل مشاكلك.. بسدد ديونك وقروضك واشتري لك سيارة وكالة و50 الف ريال تسافر فيها تغير جووو..
سافر من عندي.. وبعد اسبوع اتصل وقال وووووش صار على الصفقه..
قلت بكل بروووووود اي صفقه كنت امزح.. وحبيت اعيشك اسبوع بكل سعادة..
تصدقين يقول اجمل اسبوع عندي كان اللي راح.. حلم فيه احلام وحل مشاكله واستانس..
:
شاكر مرورك..

[خطاوينا]

ولا إرادياً وأنا أقرأ أضفت بعض الفقرات التي تجعل القارئ يغرق أكثر في القصة >> يعني باختصار ماأترك اللقافة
هامه ما فهمت..
تقصدين اضفتي على القصة كم فقرة؟؟
على العموم شاكر مرورك وجلدك في متابعة ثرثرتي..

[خطاوينا]

الله يعين وش واقفن عليه الحين اكيد قطعة صفيح مادامهم اخذوا حتى الحديده اللي كنت واقفن عليه

يوم سألته عن الظرف وش كان جوابه ؟؟؟؟

قطعة صفيح والا حديد.. مصيره في بطون الهوامير..
شاكر مرورك..

[هامة حاسوبية]

http://filaty.com/i/710/f3dd562.h---11.gif



هامه ما فهمت..
تقصدين اضفتي على القصة كم فقرة؟؟


إيوه يعني وأنا أقرا أضيف تفاصيل من عندي ، كأني أكتب معك القصة http://www.getsmile.com/emoticons/smileys-91853/r/mdrbig.gif



http://filaty.com/i/710/f3dd562.hh----2.gif

[الحصان الأسود]

:)


جيفارا

أما عاد مافتحت الظرف إلا بالبنك عندي انك شاقه شق وداخل بوسطه من اول ماشفته خخخخ


والله يصلح الحال بس مع هالغلا ..

[الحصان الأسود]

مرحباً جيفارا ,,,

إسلوب أكثر من رائع كالعاده ,,

أصلح الله حالك وكل مسلم ,,

شدتني هذه النقطه ,,



اللي أخبره يطلع ( المكالمه محظوره ,, مايطلع صوت رجّال يتكلم )
متعوده على هالحركه الغثيثه اللي دايم تجي وقت الزنقات http://www.getsmile.com/emoticons/smileys-91853/aiw/cry.gif

دمت بود ,,


هههه

وهي بس على ذي :)

لاتدققين واجد ترى تتعبين ..

[خطاوينا]

جيفارا

احمد ربك انك لاقي احد يسلفك حتى لو بمكالمه

،،

الحمد لله الاصدقاء المريشين كثر ولا يقصرون في السلف..
وكمان ما يقصروووون في الإلحاح بالتسديد..

[خطاوينا]

جيفارا

محد ياخذ غير نصيبه بها الدنيا مالك الا الصبر والأحتساب الين الله يفرجها عليك وعلى المسلمين الصبر مفتاح الفرج

تحياتي
هين هين

الله يسلمك.. بس تراني في بيت ملك.. الموضوع استشعار لمعاناه فئة تعاني..
شاكر مرورك..

[خطاوينا]

الله عليك مبـــــــــــــــــدع ياخي اسلوبك راقي ممتع سلس .......الخ

وبالفعل احنا شعب غلابا شويه غلابا ...الله يصلح الحال ويرزقنا من حيث لا نحتسب
كل الي اقدر عليه ارفع كفوفي للسماء واطلب من الي ماتنام عينه ......

حزام الأمــــــــــــــــــان

غلابه وبس.. الغلب يبكي علينا..
بالتأكيد الفرج بيد الله لا بيد البشر..
شاكر مرورك..

[خطاوينا]

اخي جيفارا



اكتب عن الغلا


اكتب عن الرواتب


اكتب عن الخونه

الا الخساير بالاسهم لاتنبش جروحه


لاني احبك في الله و احبك مواضيعك و سيره الخسائر و الهوامير تجيب لي حمى القش القلاعيه الملتهبه و ما اقدر ادخلها



تحيتي لقلمك يا ساحر الحرف

عناد فيك بكتب قصتي مع الاسهم وربي تبكي..
خالد تدري متى دخلت السوق.. والله اني دخلته يوم الاربعاء والسبت كان الانهيار..
بعت فله لي ابيها لعش الزوجيه.. ودخلت السوق..
والله ما في حسابي من بقايا الفله الا 70 الف.. ونصها معلق في بيشة..
بكتب قصتي في روايه للتاريخ.. ههههههههههههههههههههههه..
ياخي ودي اصيح..
وخر لا عاد تمر علي..
الموضوع عن الإيجار وانت تجيب سيرة الاسهم..

[خطاوينا]

:
اللي أخبره يطلع ( المكالمه محظوره ,, مايطلع صوت رجّال يتكلم )
متعوده على هالحركه الغثيثه اللي دايم تجي وقت الزنقات
بنت البدائع.. تبين الجد في حياتي ما انفصل جوالي..
والسبب العمل يسدد الفاتورة..
وازيدك من الشعر بيت انا ساكن في بيت ملك.. وبخير وولله الحمد..
مو كل موضوع اكتبه يمسني بالضرورة..
غالبية المواضيع استشعار واحساس بمعاناه آخرين..
:
شاكر مرورك.

[خطاوينا]

الله يعيننا وياك ..
صدق الاسهم ضيعت ناس واجد بس احد قدر يتعايش مع الوضع ويرمم نفسه شوي والبعض ظل على طيحته ..

في النهاية أشكرك على أسلوبك الأكثر من رائع وللأسف شكله فاتني مواضيع كثيرة عن الخونه لأني مادخلت المنتدى الفتره اللي راحت ..

:
القضية ليست قضية اسهم.. البورصة ذات مخاطر عالية في كل دول العالم..
القضية أن ما فيه أحد حااااس في الغلابه..
اسعار المواد الغذلئية تواصل ارتفاعها.. والضرائب تزداد.. كل يوم طالع لنا ضريبة جديدة.. وأسعار الايجارات في ارتفاع مستمر..
في كل دول العالم حتى الفقيرة يتم علاج التضخم من خلال رفع الرواتب في المقام الأول..
في الأردن مثلا وهي الدولة الفقيرةرفعت الرواتب 100 % بينما نحن مجرد خمسة..
شاكر مرورك..

[خطاوينا]

وأي خطر !!!!خطر كبير كان الله في عونك ,,فقط عليك بالإحتساب ,,,دمت بخير جفوري على وزن (وائل كفوري)

الله يستر.. بس احسك تضخم الأمور..
<<<< بدأ يرقل..
شاكر مرورك..

[خطاوينا]

مخرج تلفزيوني.. حيااااك..

جيفار المجنون تحية عطره وبعد ..
تدري أن نعتي بالجنون يصيبني بالغرور..
دائما ما اصف طارق التايب بالمجنون..
وشافيز..
وهنية..
وأبو عبد الله الله يحفظه..
الجنون درجة عالية من الذكاء أرى أنها تتفوق على العبقرية..
انا عني اشوف نفسي بنصف مخ..

بيني وبينك علاقة حب ومودة وتعلق عاطفي ؟؟؟؟؟؟؟؟!!!!!!

حب ما عليش بس كيف تجي تعلق عاطفي.. تعتقد انا وصلنا مرحلة من الكبت..
لدرجة أن التماسيح يتعلقون في بعض..
اقول لا تتعلق في ولا اتعلق فيك..هههههه..

جفوري اخ منك وحكاياتك .. من أول حرف أمسكها
ماأطلق النص إلا أنا مخلصه ..
مجنون بحق ..
كلك ذوووووق..

بالنسبة لموضوعك ..
لا تعليق ..
قد يكون ماتتحدث عنه سهل ..
أمام ماتخبأ لنا الأيام القادمة ..
كل المؤشرات تقول أن 2008 عاااااااااااام غلب في غلب..
الله يستر ويحفظ الغلابة..
شاكر مرورك..

[خطاوينا]

أبو أميرة.. مرحبن بك..




أها هذا اعتراف أنك مهمل وطريق خريص مهب السبب الرئيسي !!! <<< واحد بلشه ماينسى
شف انا ودي اعترف لك علشان افك الغمووووض اللي في راسك..
بس خايف من العين خاصة وشبابنا يعاني من البطالة..
يعني سالفة الساعة الخراشة مختلفة تماما عن طريق خريص..
يعني انا لي دوامين..
اعترف اني مهمل في الحكومة.. لأن العالم كلها مهمله..
بس في القطاع الخااااص امشي زي الألف لأنهم ما عندهم يمه ارحميني..



حقيقة أنت متفائل جدا بوزارة المالية !! <<<<< انتبه لاياخذون اللي بخباك مب يعطونك !!!!
شف وزير المالية من أكثر الوزراء اخلاصاااا.. بس الكارثة وين تكمن.. في أنه مو وزير مالية.. وزير المالية واحد آخر..


غلاء الشقق بالعاصمة الرياض أمر غير طبيعي بل أنه زاد عن حده ووصل إلى حد المبالغة <<<<< يمكن يقلدون الامارات ,,,,

بالاجارات وليست الرواتب !!
لاحديث لنا في الرياض الا اسعار الايجارات..

لا ألومك على لحسة مخك الملازمة لك فالأمور المالية العسره تصنع كل شيئ !!
للأسف جيلنا كله ملحووووووووووووووس.. والسبب انا جينا في وقت صعب..
تخيل لو انا وياك زامن شبابنا ايام الملك خالد..
كان يسمونا الهوامير بدل الغلابه..

ياربي ترزقني أنا وجيفارا خمسين مليون يورو <<< يورو أكثر من الدولار أو أنا غلطان ,,,
يا رب.. من بؤك لباب السماء..

[أبو أميرة]

اعترف اني مهمل في الحكومة.. لأن العالم كلها مهمله..

بإمكانك تأليف مجلد كامل من منطلق هذه الجملة !! ,,,,,,, بالثمانيات ..


وزير المالية واحد آخر..

ماقلت لك نو سموكنق أربي !!!!

ابعد ياوليدي عن السياسة وترى القطاعات الخاصة ماتقبل الإجازة الاظطرارية ولو أنها من طرف أبو زعبل ! !