مبروك الدولة تتحمل قيمة ( المحمول ) لي !!

[ثامر الناصر]

السلام عليكم


زيادة ( بدل المعيشة ) التي قررها مجلس الوزراء اليوم تعتبر نوعآ ما معنوية للمواطنين

والبعض يعتقد انها زيادة راتب وهي ( بدل ) اضافي مثل بدل الخطر وبدل التفرغ وبدل النقل التي توجد لدى الموظفين


حيث ان قرار الزيادة ( للرواتب ) لايزال لم يقرر كما يتوقع المواطنين طيلة الايام الماضية والتي يعتبرها البعض مواجهة لزيادة الاسعار التي تسابق عليها التجار مؤخرآ !!!

وانا اعتبر هذه الزيادة هي لتسديد قيمة اقساط ( المحمول ) والذي اخذته بالتقسيط والذي قسطه نفس قيمة الزيادة بالنسبة لي

ولانزال ننتظر زيادة للرواتب للموظفين مقارنة بباقي الدول المجاورة التي واكبت زيادة السلع بهذه الزيادة ..


يعني شي طيب طاح عني قيمة اللابتوب .. خير ياحكومتنا الغالية


..

وشكرا

[نهااار]

اهلا اخوي ثامر

ممكن توضح كيف يتم احتساب النسبه ؟ علشان نعرف كم الزياده ..

[كـامـو]

أهلا و سهلا بالناصر

طيب و اللي ما أشترى محمول وش يسوي. !!

بس تصدق وناسة فــ قطية الاستراحة قربت و نحول الزيادة لها :)



ممكن توضح كيف يتم احتساب النسبه ؟ علشان نعرف كم الزياده ..

أخوي نهار

كل مائة ريال فيها خمسة ريال و عليك الحساب.

و كل ألف ريال فيه خمسين ريال.


شكرا لك

[أمــاسي ونص]

<<<ياشين الي مايفهم ابد

[ثامر الناصر]

الزيادة بالفعل كل 1000 ريال فيها 50 ريال والحسابه بتحسب


..

سيبويه القحطاااني .. زين يعني نفعت مبروووووك شي طيب خخخخخخخخ


<<<ياشين الي مايفهم ابد


وراااه وش اللي لم يفهم بس >>>> ترانا فرحين بهالزيادة عاادي نشرح


وشكرا

[الفتى السمنسي]

أنا طلعت عندي 600وقررت التالي: السنه 365يوم يعني 365كيس صامولي ويبقى 235 نبي نضيفهن لقطية الإستراحه’’’’’’’تشااااااو

[نهااار]

أنا طلعت عندي 600وقررت التالي: السنه 365يوم يعني 365كيس صامولي ويبقى 235 نبي نضيفهن لقطية الإستراحه’’’’’’’تشااااااو


اخوي على الراتب الاساسي !!

اعد حساباتك من جديد !!

[الطاحونة]

وش الزيادة هذي ... !!!
يمكنكم فاهمين غلط وإلا أخذين الخبر من تلفزيون موزنبيق....!!!
.
.
طيب أنا آخذ كنديشة أقساط من الصيف الماضي يعني يبي يطيح القسط
هذا إذا كانت الزيادة صحيحة...!!
.
.
على العموم الله يسامحك يابو متعب... خليتنا ملطشة للي يسوى واللي مايسوى
في دول الخليج بعد الزيادة اللي ماتسوى...!!
.
.
عاد تصدقون لو أحنا بلا زيادة أنه أفضل لأن التجار الآن يسنون سواطيرهم للغلابة لزيادة أقرب مالها نكتة ماسخة...!!!

.
.

كلٍ يحب الأرض لا صارت أمة..

[هين هين]

وش الزيادة هذي ... !!!
يمكنكم فاهمين غلط وإلا أخذين الخبر من تلفزيون موزنبيق....!!!
.
.
طيب أنا آخذ كنديشة أقساط من الصيف الماضي يعني يبي يطيح القسط
إذا كان الزيادة صحيح...!!

على العموم الله يسامحك يابو متعب... خليتنا ملطشة للي يسوى واللي مايسوى
في دول الخليج...!!
.
.
عاد تصدقون لو أحنا بلا زيادة أنه أفضل لأن التجار الآن يسنون سواطيرهم للغلابة...!!!

.
.

كلٍ يحب الأرض لا صارت أمة..

الطاحونه
أكيد غلطانيين طاح الصفر يلي جنب الخمسه دور زين تراه صغير مره !!!!!!

هين هين

[توتي]

زييين اجول اروح للمعارض واطق لي بي ام اقساط اغدي الدوله تسدده عن :) << فاهمن غلط خخخخخـ

[الفتى السمنسي]

اخوي على الراتب الاساسي !!

اعد حساباتك من جديد !!

ضيقت صدري يانهاار ,راتبي الأساسي ماعرفه ,,بس أعطيك الراتب (13350)ريال وإحسبها لي تكفى’’’’’’’تشاااااااااااو

[ثامر الناصر]

ماشاء الله الفتى السمنسي

انت المفروض تبرع به للفقراء والمساكين لان راتبك يكفي ماشاء الله خخخخخخخخ

الله يهنيك به يارب

..

الا تحرون بكرا الجرايد وش بيكتبون عن هالزيادة >>> حرام انها تتصدر الصحف غدا وافشيلتاااه امام القطري والكويتي والاماراتي !!!

[الفتى السمنسي]

ماشاء الله الفتى السمنسي

انت المفروض تبرع به للفقراء والمساكين لان راتبك يكفي ماشاء الله خخخخخخخخ

الله يهنيك به يارب

..

!!!

ياخي ثامر لوكنت في الإمارات كان راتبي 30000الف ريال لأن التخصص له دور في ذلك والكرف اللي ذقته والغربه ’’’’’’’’تشااااااااااو

[توتي]

الفتى ترا كل يوم 25 من كل شهر انت صديقي :)

[اخر دلع]

اللهم اجرنا في مصيبتنا واخلفنا خيرا منها

وياشماتت ابله ضاضا فينا....

[ثامر الناصر]

ياخي ثامر لوكنت في الإمارات كان راتبي 30000الف ريال لأن التخصص له دور في ذلك والكرف اللي ذقته والغربه ’’’’’’’’تشااااااااااو


الله يعينك .. قل الحمد لله يابعدي >>> لو يعني راتبك 30000 كان الزيادة اكثر من الراتب تصير من القهر خخخخخخخخ

[جوان2007]

احمدو ربكم .. شي احسن من لاشي

اشكرو الحكومه الرشيده على هالزياده أدام الله عزها ,,

بس احمد ربي اننا ماحنب موظفين ولا نعرف يوم 25ولا ننتظره

[الاستشاري]

ياجماعه ترا الزياده هذي ليست كل شهر
بل في نهاية السنه اخر شهر تستلم اذا كان راتبك 8000 ..... 8400

والله فشيله

[مليت]

ياناس وراكم انتم تسذا ان جاكم خير قلتو مانبيه وان جاكم شر فرحتوبه هذا بالنسبه للزيادة ......
اما بالنسبه للاسعار لاتنسون ان ابومتعب سوى لجنة لمراقبة تجار السوق

[باونتي]

اقولـ


ماودهم يرفعون المكافاة


او اقول هونت

بس خلوهم ينزلونها منظمة

سلملم

[هامة حاسوبية]

http://filaty.com/i/710/f3dd562.h---11.gif


اللي يسأل عن كيفية معرفة الزيادة في راتبه فهي كالتالي :

الراتب × 5 ÷ 100 = مقدار الزيادة

فلو فرضنا إن راتبك ألف ريال فإن الزيادة تكون كالتالي : 1000 × 5 ÷ 100 = 50 ريال



http://filaty.com/i/710/f3dd562.hh----2.gif

[مهب الريح]

ليتهم لم يزودوا هذه النسبه , لأن التجار سيعلمون لا محاله بالزياده , ومن ثم يفرحون ويرفعون أصعار بضائعهم , الأمر الأكثر حيره أنه حتى الآن لم يصرح مصدر مسؤول في وزاره التجاره عن ارتفاع الأسعار

عجيب أمرهم !

كل الموده لكَ