حنينــي الوالده

[Queen of buraydh]

السلام عليكم ورحمة الله ..

بهالبرد تزيد الرغبه فأكل الاكلات الشعبيه خاصّه الحنيني << يم يم


بالنسبه لي الحنيني من افضل الاكلات الشعبيه لدي .. ومو اي حنيني .! لا لا :g1:

لازم حنيني الوالده :b3:


سبحان الله حاولت آكل حنيني ام الجيران لكن عجزت استسيغه ..

واليوم طلبت منّي الوالده اساعدها في تصليح الحنيني فبققت عيوني عشان اتعلم منها ..

وقلت بالمرّه اكتب لكم سر الطبخه :d8:


المقادير والطريقه مع بعض :a4:


قرصان + خبز بر يبللن بمويه + حليب طازج المراعي او اي نوع + زبده + ملح + عصير ليموون < اهم شي الليمون

بعد كذا نبدا نفرم بفرامة اللحم القرصان + الخبز + تمر بدون نواة او عبيط

وبعد ما نخلص فارمينه نرجع نفرمه ثانيه عشان يصير ناعم .. * افضل ولكم الحريه

بعدين يحمى ع النار بتيفال ويضاف عليه شوي زبده وليمووون وهني وعافيه .. :)

[عسوله]

يم يم تسلم يمين الوالده والله يحفظها من كل شر يااااااارب

كوين تسلمين ويعطيك العافيه يااااااارب على الاكله الحلوه ياقمر

[العبرى]

تسلم الأيادي كوين..

الحنيني طريقته سهله

وعمله جداً ممتع..

ياليت صور :)

يعطيك العافيه




تحيتي,,,

[هامة حاسوبية]

http://filaty.com/i/710/f3dd562.h---11.gif


مرحبا الساع

>> أدري إنكم تناظرونن بطرف عيونكم وتقولون : وش تبي ذي داخله قسم الطبخ ، شكله غلطانه بالوصف :c7:

بس الصراحه جايه أدلي بدلوي ، لأني قريت شي غريب علي

فبحسب معلوماتي >> إيه الله يستر بس :a1:

قرصان + خبز بر يبللن بمويه + حليب طازج المراعي او اي نوع + زبده + ملح + عصير ليموون < اهم شي الليمون


وش سالفة الخبز هنا ؟

وش يبي ؟

والحليب ؟

والليمون بعد ؟!

اللي أنا أعرفه إن الحنيني عبارة عن قرصان + عبيط + زبده مدري سمنة ، نسيت والله :c7:

والليمون ما له مكان عندنا أبد

هذا والله أعلم >> لا هالمره شكله داخله القسم الإسلامي :c7:



http://filaty.com/i/710/f3dd562.hh----2.gif

[أسيرة الذكريات]

اممم روعه ياكوين الله يحفظلك الوالده صراااحه امي تضبطه بس بطريقه ثانيه

[جورينا]

،

أهلين كوين .. !! يالله حيه القطوع :( ..

الله يخليك الوالدة يارب ..

تسلمين على احلىىى حلىىى ..!!

ان شاء الله بسوية لاني صراحه جربت حق هرفي

وحق هضيم ماش مالهن طعم .. ابد ..!!

الله يعطيك العافية غاليتي ..!!

>> أدري إنكم تناظرونن بطرف عيونكم وتقولون : وش تبي ذي داخله قسم الطبخ ، شكله غلطانه بالوصف

:eek:


اي والله صدقتي حسبت روحي غلطانه يوم شفت اسمك ياهامة :)

إن الحنيني عبارة عن قرصان + عبيط + زبده مدري سمنة ،

نفس اللي اعرفه الطريقة شكله طريقه جديدة !!

،

[جبل السكر]

امممم نبغـــى صــورهـ يـاأمــورهـ لأنــي مــاأعــرف كــيف حيطلــع شكلــو :f5:

تسلمـــي نووني علــى الطــريقهـ بجــربها ان شـاءالله واللــه يستــر
لاأخبـص الــدنيا :)


دمتي بخير

[Queen of buraydh]

يم يم تسلم يمين الوالده والله يحفظها من كل شر يااااااارب

كوين تسلمين ويعطيك العافيه يااااااارب على الاكله الحلوه ياقمر

هلا وغلا عسووولتي .. امين ويحفظك ياسوكره :)

[ميدوو]

الله على حنيني القصيم


صراحه للحين ما انسى الحنيني اللي اكلته بالقصيم صراحه شييييي ثاني


الف شكر على الوصفه اختي كوين

[جناان]

حنيني >> سال لعابه
ليتك
كوين ارفقتي صور >>عشان يغمى عليه

تسلمين
والله يخلي لكم الوالده

[إخلاص]

تسلمي على الحنيني:) :)

انا مع هامه وجورينا خابرتن الحنيني ما يدخل معه خبز ولا حليب لكن الليمون يدخل

[Queen of buraydh]

تسلم الأيادي كوين..

الحنيني طريقته سهله

وعمله جداً ممتع..

ياليت صور :)

يعطيك العافيه




تحيتي,,,


يعافي قلبك يااااارب

صور ؟ :( نسيت اصوره خساره ليتني مصوره الطريقه ..فاتت والله :)

تسلمين ياقمر على طلتك

[DaRk MoOn]

الله يعطييك العافيه

مشكووووره

[جعباصه]

شووووووووووووكرن

[Queen of buraydh]

http://filaty.com/i/710/f3dd562.h---11.gif


مرحبا الساع

>> أدري إنكم تناظرونن بطرف عيونكم وتقولون : وش تبي ذي داخله قسم الطبخ ، شكله غلطانه بالوصف :c7:

بس الصراحه جايه أدلي بدلوي ، لأني قريت شي غريب علي

فبحسب معلوماتي >> إيه الله يستر بس :a1:



وش سالفة الخبز هنا ؟

وش يبي ؟

والحليب ؟

والليمون بعد ؟!

اللي أنا أعرفه إن الحنيني عبارة عن قرصان + عبيط + زبده مدري سمنة ، نسيت والله :c7:

والليمون ما له مكان عندنا أبد

هذا والله أعلم >> لا هالمره شكله داخله القسم الإسلامي :c7:



http://filaty.com/i/710/f3dd562.hh----2.gif



هلا وغلا هامه حياك الله في المطبخ ..

لا لا لا

وشو ؟ الحليب والزبده والخبز واليمووووووون << اهم شي


كلها مهمات واساسيات .. انتي بس جربي هالطريقه واهلك بياكلون اصابيعهم وراه http://www.getsmile.com/emoticons/smileys-91853/aiw/delicious.gif

نورتي ياقوومر

[Queen of buraydh]

اممم روعه ياكوين الله يحفظلك الوالده صراااحه امي تضبطه بس بطريقه ثانيه

امين ويحفظ لك اميمتك :)

طيب حطي لنا طريقة الوالده خلي نشووف ..

نورتي حبوبه

[Queen of buraydh]

،

أهلين كوين .. !! يالله حيه القطوع :( ..

الله يخليك الوالدة يارب ..

تسلمين على احلىىى حلىىى ..!!

ان شاء الله بسوية لاني صراحه جربت حق هرفي

وحق هضيم ماش مالهن طعم .. ابد ..!!

الله يعطيك العافية غاليتي ..!!



:eek:


اي والله صدقتي حسبت روحي غلطانه يوم شفت اسمك ياهامة :)



نفس اللي اعرفه الطريقة شكله طريقه جديدة !!

،

هلا وغلا الله يحييك يا ابلا

زين سويه وارسلي لي
http://www.getsmile.com/emoticons/smileys-91853/_950/bouquet.gif

نورتينا ياقوشطه

[Queen of buraydh]

امممم نبغـــى صــورهـ يـاأمــورهـ لأنــي مــاأعــرف كــيف حيطلــع شكلــو :f5:

تسلمـــي نووني علــى الطــريقهـ بجــربها ان شـاءالله واللــه يستــر
لاأخبـص الــدنيا :)


دمتي بخير

اهليييييين رواء

انتم في الحجاز ماعندكم حنيني ؟؟ يمي سويه لا يفوتكم مره لذيذ

بس صوره ؟ شكله يطلع مفروم ناعم ينوكل بالملعقه .. يعني مو زي الحلى العادي يقطع ومدري ايش ..


ان شاءالله اذا سوينا مره ثانيه بصوره لك .. :)

[Queen of buraydh]

الله على حنيني القصيم


صراحه للحين ما انسى الحنيني اللي اكلته بالقصيم صراحه شييييي ثاني


الف شكر على الوصفه اختي كوين



وش يختلف فيه حنيني الرياض عن حنيني القصيم ؟ والا الرياض ماعندهم حنيني ؟ ياي من قوم وجدي :)

ان شاءالله تذوقه مره ثانيه

حياك اخ ميدو

[وليد الطريقي]

حنيني والله شي على هالصبح .... يخلي الواحد شبعااااااااان لحد الليل بس بشرط يكون لذيذ مو كلن يظبطة ولو عرفت المقادير .. النفس له دورة وخاصة بالحنيني

تحياتي

[جوهرة بريدة]

حبيبتي كوين هذي طريقة جديدة معليش ودي افهم بسألك كم سؤال

الحين الخبز + القرصان يبلل بماء والاا حليب والاا كلهن؟


والليمون والليمون متى أحطه عند الاعداد او آخر شي ؟

وهل يتغير اللون او زي الحنيني العادي؟ <<< عندي بزارين لاا تغير اللون مشكلة

وبعدين علمي جارتك الطريقة الجديده عشان ماترسلكم حنيني ماتستسيغينه هههههههههههههههههههه


الله يحفظك ويخليلك الماما :)

[العندليب]

كوين يامال العافية ..

نبي صورة ..

لأني مودي للمخيم حق المنتدى حنيني من شغل الوالدة (الله يحفظها) .. والماعون << أحلقوا عيني إذا عرفتوها

والماعون مع القحاش الله يستر عليه ..

أبجيب صورة خلوني أدور عليها ...

بس لحظه :: قضية الحليب والليمون ما نيب مقتنع فيها :(

[Queen of buraydh]

حنيني >> سال لعابه
ليتك
كوين ارفقتي صور >>عشان يغمى عليه

تسلمين
والله يخلي لكم الوالده

وه فديتك ليتك جارتي عشان ارسلك من حنيني الوالده ..

شكلك مثلي مغرمه فيه http://www.getsmile.com/emoticons/smileys-91853/c0/bgrlaugh.gif

بالنسبه للصور ما جا على بالي .. ان شاءالله مستقبلاً اصور
امين ويخليك لنا ياعسل

[Queen of buraydh]

تسلمي على الحنيني:) :)

انا مع هامه وجورينا خابرتن الحنيني ما يدخل معه خبز ولا حليب لكن الليمون يدخل

الله يسلمك ياقمر

جربي وبتشووفين الفرق ..:)

[Queen of buraydh]

الله يعطييك العافيه

مشكووووره


الله يعافيك خيوو دارك

[Queen of buraydh]

شووووووووووووكرن

عفووووووووووووووون :)

[Queen of buraydh]

حنيني والله شي على هالصبح .... يخلي الواحد شبعااااااااان لحد الليل بس بشرط يكون لذيذ مو كلن يظبطة ولو عرفت المقادير .. النفس له دورة وخاصة بالحنيني

تحياتي

انا اشهد انه ثقيل بس لذيذ :)
فعلاً مو اي احد يضبطه ويبغى له صبر .. انا بس ساعدت امي وفرمت معاها شوي طفشت :(

شاكره لك هذا التواجد ..

[Queen of buraydh]

حبيبتي كوين هذي طريقة جديدة معليش ودي افهم بسألك كم سؤال

الحين الخبز + القرصان يبلل بماء والاا حليب والاا كلهن؟


والليمون والليمون متى أحطه عند الاعداد او آخر شي ؟

وهل يتغير اللون او زي الحنيني العادي؟ <<< عندي بزارين لاا تغير اللون مشكلة

وبعدين علمي جارتك الطريقة الجديده عشان ماترسلكم حنيني ماتستسيغينه هههههههههههههههههههه


الله يحفظك ويخليلك الماما :)

اهلين وسهلين خيتو جواهر ..

ابشري بجاوبك على اسألتك وخوذي راحتك

الحين الخبز + القرصان يبلل بماء والاا حليب والاا كلهن؟

ياطويلة العمر امي تجيب قدر كبير << حق العزايم عشان امي تسوي كميه كبيره وتفرزه بالفريز

تحط فيه المويه + الحليب + الملح + الزبده (مذوبه )

وتغطس فيه القرصان بعد ما تقطعه قطع وتغطس فيه الخبز .. بعدين تبدا تفرم شوي قرصان وخبز وشوي تمر ..

والليمون والليمون متى أحطه عند الاعداد او آخر شي ؟

عصير الليمون تضيفه مع المويه والحليب والملح والزبده اللي تبلل فيهم الخبز والقرصان ..

وبعد اذا جيتي تسخنين الحنيني بالتيفال اذا تسخن تعصرين فوقه ليمون << عاشقة الليمون http://www.getsmile.com/emoticons/smileys-91853/aiw/delicious.gif

بالنسبه لـ لونه لا مايتغير هذا هو بني :)

اما جارتنا يابعد عمري مجتهده لكن ماكل مجتهد مصيب

نورتينا

[Queen of buraydh]

كوين يامال العافية ..

نبي صورة ..

لأني مودي للمخيم حق المنتدى حنيني من شغل الوالدة (الله يحفظها) .. والماعون << أحلقوا عيني إذا عرفتوها

والماعون مع القحاش الله يستر عليه ..

أبجيب صورة خلوني أدور عليها ...

بس لحظه :: قضية الحليب والليمون ما نيب مقتنع فيها :(


الله يعافيك ياخوي ..

وشو القحاش ؟؟

الله يجزاك خير اهرج عربي عندك ناس مايفهمون فرنسي http://www.getsmile.com/emoticons/smileys-91853/aiw/unsure.gif

ننتظر صورة حنيني امك اللي يخليها لك ..

لكن انا مستغربه كلكم مستغربين الحليب ..

معقوله ؟؟؟

احس بدونه الحنيني بيصير عجين :(

من يوم قلت ان الليمون مااقتنعت وانا غسلت ايدي http://www.getsmile.com/emoticons/smileys-91853/aiw/ohmy.gif

الليمون اسااااااااسي وربي اساسي ..

ننتظر الصوره :)

[العندليب]

من يوم قلت ان الليمون مااقتنعت وانا غسلت ايدي

كوين الليمون يكون فوقه بعد ما يخلص هذي معروفه :)

لكن اللي فهمته أنك تعصرون الليمون معه أثناء تصليحه :)

[جوهرة بريدة]

كوين قولي آمين

الله يخليك لعينن ترجيك انتي الهمتيني بموضوع الفرزنة

أحيانا كثيرة يطلبوني عيالي حنيني واصير مالي خلق اروح اسوي لهم برجر والاا اي شي <<<< أم فاشلة هههههههه
طيب حبيبتي معليش أسئلتي كثيرة

ابي الكميات طال عمرك

خصوصا الحليب والماء وكذلك الليمون والزبده <<<< وش بقى أجل

[إشراق]

ماشاء الله تبارك الله

الله يحفظ لك الوالده وتسلم يدينها

وتسلمين على الطريقه

[Queen of buraydh]

كوين الليمون يكون فوقه بعد ما يخلص هذي معروفه :)

لكن اللي فهمته أنك تعصرون الليمون معه أثناء تصليحه :)

ايه اشوه حسبتك لاغي الليمون نهائي

مافي فرق اثناء او بعد كل الطرق تؤدي الى روما :)

[Queen of buraydh]

كوين قولي آمين

الله يخليك لعينن ترجيك انتي الهمتيني بموضوع الفرزنة

أحيانا كثيرة يطلبوني عيالي حنيني واصير مالي خلق اروح اسوي لهم برجر والاا اي شي <<<< أم فاشلة هههههههه
طيب حبيبتي معليش أسئلتي كثيرة

ابي الكميات طال عمرك

خصوصا الحليب والماء وكذلك الليمون والزبده <<<< وش بقى أجل

آميـــــــــــــــــــــــن وياك حبوبه ..

بالنسبه للفرزنه لا يفوتك ترا الوالده ما تتعامل الا معها ونستخدم اكياس اللحم ونقفلها كويس عشان نكهة الفريز.. والطعم ما يتغير كأنه طازج ..

الله يخلي لك عيالك وهـ فديتهم يعرفون الحنيني ..

شوفي ياوخيتي .. الكميات مادري .. لان الوالده ماتقيس.. لكن بعطيك تقريبي من خلال اللي اشوفه .. وحسب كمية القرصان اللي بتسخدمينه والخبز << يعني يكفي لتبليل الكميه..


الحليب تقريباً ا جيك ( المتوسط )
المويه تقريباً نصف الجيك ..
الزبده تقريباً 3 الى 4 اصابيع
عصير الليمون تقريباً كأس
الملح على حسب الرغبه

وانتي تفرمين بالفرامه حاولي تحطين شوي قرصان وشوي خبز مو مبلول عشان مايصير الحنيني ليّن مره ..


واذا جربتيه تعالي خبريني عن رأيك فيه :)

[Queen of buraydh]

ماشاء الله تبارك الله

الله يحفظ لك الوالده وتسلم يدينها

وتسلمين على الطريقه

آمين يااارب

يسلم قلبك حبوبتنا اشرااق

[جوهرة بريدة]

آميـــــــــــــــــــــــن وياك حبوبه ..

بالنسبه للفرزنه لا يفوتك ترا الوالده ما تتعامل الا معها ونستخدم اكياس اللحم ونقفلها كويس عشان نكهة الفريز.. والطعم ما يتغير كأنه طازج ..

الله يخلي لك عيالك وهـ فديتهم يعرفون الحنيني ..

شوفي ياوخيتي .. الكميات مادري .. لان الوالده ماتقيس.. لكن بعطيك تقريبي من خلال اللي اشوفه .. وحسب كمية القرصان اللي بتسخدمينه والخبز << يعني يكفي لتبليل الكميه..


الحليب تقريباً ا جيك ( المتوسط )
المويه تقريباً نصف الجيك ..
الزبده تقريباً 3 الى 4 اصابيع
عصير الليمون تقريباً كأس
الملح على حسب الرغبه

وانتي تفرمين بالفرامه حاولي تحطين شوي قرصان وشوي خبز مو مبلول عشان مايصير الحنيني ليّن مره ..


واذا جربتيه تعالي خبريني عن رأيك فيه :)


أفدتيني كثيررررررر

مادري وشلون أكافئك لكن بدعيلك دعوة رسولنا الكريم عليه الصلاة والسلام


الله يرزقك خير الدنيا والآخرة