ماادري هم دبش والا يستدبشووون !!!!!!

[عاشق ديرتي بريده]

بعض الاوقات اسمع كلام واقول اللي يتكلم عاقل والا مجنون !!!:mad:

1_ يجيك واحد يقول اذا اكلت بيض والا موز تجيني حكه وش الحل !!
ياخي ماتبي حل اترك البيض والموز !!:g2:

2_ يجيك واحد يقول اذا شلت شي ثقيل ذبحني ظهري من الوجع وش الحل !!
يااخي لاتشيل شي ثقيل وخلاص !!:g2:

3_ يجكيك واحد يروح للمستشفى ويأخذ موعد واذا دخل على الدكتور ويقوله يادكتور اذا نمت كثير مااقدر اقوم من وجع الراس !!
وشوله تروح لدكتور وتضيق على المسلمين ياخي لاتنام كثير وخلاص !!:for1:

4_ يقول اذا اكلت فول ذبحني بطني من الوجع !!

5_ يقول اذا اكلت شي فيه زيت كثير ذبحني القولون !!!


فعلا فيه اشياء تنقال والمفروض ماتنقال ولاادري اللي يقول الكلام هل هو عبيط والا يستعبط !!

واخر التقليعات واحد يقول يااخي اذا بديت اناقز توجعني ركبتي !!:confused:انا ماادري وشوله يناقز !!!

[شاطئ الراحة]

ما الهدف من الموضوع .. !

[عاشق ديرتي بريده]

ما الهدف من الموضوع .. !

مامن بعايد عن ذولاك !!!:confused:

[توتي]

1_ يجيك واحد يقول اذا اكلت بيض والا موز تجيني حكه وش الحل !!
ياخي ماتبي حل اترك البيض والموز !!

ياخي هو يحب الشكشوكه
تسان تبي تاخذ اجره دبر لوووه شكشوكه بدون بيض
والموز يازين طعمه حتى شكله يشهي الحريم :)
سو حمله انت ورخص التفاح السكري وابد انا اضمن لك الناس يتركن الموز :):)


2_ يجيك واحد يقول اذا شلت شي ثقيل ذبحني ظهري من الوجع وش الحل !!
يااخي لاتشيل شي ثقيل وخلاص !!

طيب منول مسموح انك تشري لك صبي :):):)
بس الحين منعوا هالشي وش نسوي حنا طيب :(:(
الا تسانك تبي تشيل عنه الله يحييك هو ماعنده احد يشيل عنه الثقيل

3_ يجكيك واحد يروح للمستشفى ويأخذ موعد واذا دخل على الدكتور ويقوله يادكتور اذا نمت كثير مااقدر اقوم من وجع الراس !!
وشوله تروح لدكتور وتضيق على المسلمين ياخي لاتنام كثير وخلاص !!

ياخي هذا عنده ثقل بالنوم علاجه التبرع بالدم ويمكن هو يبي يشوف جسمه يساعد على انه يتبرع او لا
وبعدين هو يقول ما اقدر اقولم شلون تبيه يقوم مبتسر ؟؟؟؟؟


4_ يقول اذا اكلت فول ذبحني بطني من الوجع !!

الشكوى لله الجود من الموجود :)

رح كل يوم انت واشر لوووه صحن تسبده وفكه من الفول ووجع البطن

5_ يقول اذا اكلت شي فيه زيت كثير ذبحني القولون !!!

كل شي زين طعمه لازم الزيت داخلن بوووه خصوصا من الطبخات

بس انت لاتدقق ياخي خل الناس يهرجون ترا الهرج ببلاش


فعلا فيه اشياء تنقال والمفروض ماتنقال ولاادري اللي يقول الكلام هل هو عبيط والا يستعبط !!

واخر التقليعات واحد يقول يااخي اذا بديت اناقز توجعني ركبتي !!انا ماادري وشوله يناقز !!!

ياخي هي وقفت على هالخرابيط ذي :(

نص الهرج اللي بالمؤتمرات ماله داعي انت لاتدقق وتصير شوكه بحلوق الناس
خلهم يهرجون ويستانسون
اما خويك ذا شكله شايب ومن قوم العجوز اللي تناقز علشان يقولون له اقعدي يابنت :):)
عساك بس منت مثله انت ؟



تحيتي

تصدق هذا احسن موضوع لك :):) << لا عاد امزح كلك ملح بس عليك بعض الطلعات خخخخخـ

[شاطئ الراحة]

أحسنت ..

كأنك تلوّح .. بأن لا هدف و لا مضمون في الموضوع ..


تحيتي لك و لـ ذولاك ..

[&نجدية كووول&]

وأنت صادق يا عاشق البعض ينطق كلمات والحل فيهن....

مثل هديه مجانيه :عمرك شايف هديه بفلووووووووووس....

أشوأن الكلام ببلاش>>مثل ماقال توتي خلهم يخرطوووووووون..

[الملز]

السلام عليكم

عاشق ديرتي اضحك الله سنك

ههههههههههههههههههههههه

كل جمله اخذ لي قسط من الضحك

لقد اتحفتنا بما هو صحيح من الواقع

ولكن فيه سؤال :

هل كل ما يتعارض مع صحتك تتركه ؟
وهل كل ما لا يناسبك ليس له علاج ؟
وهل تستطيع ان تترك التنفس اذا كان الهواء يمرضك ؟

فربما تكون عندي حساسية من شيئ معين مثل البيض ولها علاج هل انحرم من اكله واترك العلاج

وايضآ هناك حساسية تكون بسبب بالهواء في وقت اللقاح للزهور
وله علاج هل اترك الهواء او اتعالج هااااااااااه

ارشدني يالغالي

[توتي]

هل كل ما يتعارض مع صحتك تتركه ؟
وهل كل ما لا يناسبك ليس له علاج ؟
وهل تستطيع ان تترك التنفس اذا كان الهواء يمرضك ؟

فربما تكون عندي حساسية من شيئ معين مثل البيض ولها علاج هل انحرم من اكله واترك العلاج

وايضآ هناك حساسية تكون بسبب بالهواء في وقت اللقاح للزهور
وله علاج هل اترك الهواء او اتعالج هااااااااااه

زد عليهن

_ ياخي كل مالعبت كوره اتعب لييييييييش ؟؟

_ ياخي السفر دجه ومصاريف << وشوله تسافر طيب ؟؟

_ ابفكر بثانيات واجي اكملهن خخخخخخخـ

[توتي]

وعلى فكره تراي حتى انا عجزت امسك لي سالفه :(
كل يوم اتغير خصوصا هالاسبوعين ذولي شكل عندي فراغ موووب طبيعي بالعاطفه

[أمــاسي ونص]

واحد يقول يااخي اذا بديت اناقز توجعني ركبتي !!انا ماادري وشوله يناقز !!!
كركركركركركركركر
والله يانا اخذت شووووط من الضحك
حتى البوبو شكله نقد علي يقول وش عند امي تضحك قاعد يرافس بطني يييياااااطعمه الله يخليه لي ويجيبه لي يااارب قريب<< تقل طلعتي عن الموضوع

طيب نرجع يسلموو على الموضوع

[فتحي الشقاقي]

من قال هذي خرابيط ؟

هذا كلام سليم 100 %

خليني اشرحلك حبه حبه >> عشان اكلك اكل البرشومي هه

1_ يجيك واحد يقول اذا اكلت بيض والا موز تجيني حكه وش الحل !!
ياخي ماتبي حل اترك البيض والموز !!

مو شرط يترك الموز والبيض ،، احتمال يكون عنده حساسيه من هذي الاكلات وبالامكان يعالجها ..
وبهذي الحاله عادي ياكل موز وبيض ..
احيانن الحساسيه تكون معادله واذا المعادله هذي ركب على بعض تجي الحكه ،،>> خلك معي لا تطفش اوكي ؟
مثال /
واحد اذا اكل سمك مع لبن يحس بخمول او بهق في جسمه او حساسيه لذلك حاول انك تختار احدى الاكلتين والثانيه اجلها لبكرا ..
اليوم اشرب لبن .. وبكرا كل سمك او العكس
عرفت حبيبي ؟
يعني المسأله موازنه وكذا راح ياكل الي يعجبه
واحيانن تكون عنده حساسيه من اكله معينه وهذي يتركها على كلامك بس مو شرط ..

2_ يجيك واحد يقول اذا شلت شي ثقيل ذبحني ظهري من الوجع وش الحل !!
يااخي لاتشيل شي ثقيل وخلاص !!

حبيبي عضلات او اعصاب الظهر مشكله اذا كانت مرتخيه وماتعودت على شيل شي ثقيل وفجأة تنشد في وقت يكون فجأة .. بكذا راح يحس بالالم ،، بس لو الرجال متعود على تمارين يشد فيها عضلات ظهره وجسمه صدقني لو شال أي شي يتحمل رفعه راح يكون الوضع عادي لان جسمه سلين ورياضي واعصابه مشدوده ..
بكذا ماصار كلامك صحيح ،، يعني الواحد يمديه يشيل الي يبي بس مو فجأة بيصير رابمو زمانه ..

عرفت يا البي ؟

3_ يجكيك واحد يروح للمستشفى ويأخذ موعد واذا دخل على الدكتور ويقوله يادكتور اذا نمت كثير مااقدر اقوم من وجع الراس !!

لا مو صح

شوف حبيبي ،، الواحد اذا نام كثير تدري ليش راسه يوجعه ؟
لان الوساده الي نايم عليها فيها مشكله بسبب وهو / الراس سبحان الله العظيم يطلع منه افرازات وانت نايم وهذي الافرازات ضاره تتسبب في الألم ، الرأس مع استمرار ارتكازه على مكان واحد ومع الافراز هذا يصاب في نوع من الالتهاب الداخلي ..
الحين لو تاخذ دش وتنام على وساده بشرط تكون لها اسبوع ماتغيرت .. صدقني لما تصحى من النوم راح تحس ان راسك مدهن شوي من هذا الافراز .. يعني مو زي لما تروشت راسك تحس بنظافته ..
الاطباء ينصحون بأن ينام الواحد على وساده لمدة ثلاث ايام ومن ثم يغير القماس الي عليها وقوم بغسله او تبديله حتى يتخلص من هذا الافراز مالؤذي للرأس ..
الحين لو تلاحظ ان الشخص الي ينام كثير بس يتقلب في نومه
مره على بطنه ومره على جنبه الايمن ومره على جنيه الايسر ومره على ظهره ..هذا الشخص مهما نام لمدة طويله تأكد انه لما يصحى ما راح يحس بألم في راسه لانه لم يرتكز على جهه معيه يضع عليها رأسه حتى يصحى طوال نومه ..

ياليت تقول لخويك هذا يبدل الوساده كل ثلاث ايام او يخلي زوجته تبدل القماش الي عليها وتحاول يكون عندها عدد كثير من الاقمشه حتى تتمكن من التغير والغسل للقماش المستعمل ..
صدقني راح يزول الالم وبتدعيلي

فهمت ياعرزي ؟

4_ يقول اذا اكلت فول ذبحني بطني من الوجع !!

لانه مو متعود عليه .. بس صدقني لو تعود على الفول ماراح يوجعه بطنه
مايصلح الواحد يصير متعود على اكل معين ثم يدبها فول مره وحده ويكثر بعد ،، ثم يجي يقول بطني ..
وياليت الواحد اذا اكل فول يشرب شي غازي عشان يرتاح بطنه ..

انت معي ،، ولا مليت وانت تقرا .؟

على العموم انا مليت وانا اشرح ومشكلتي بسرعه اطفش لذلك بكتفي بهذا القدر ولكن لي تعليق اتمنى انك تقبله بصدر رحب في النهاية ..

بالنسبه للواحد الي يقول /
واخر التقليعات واحد يقول يااخي اذا بديت اناقز توجعني ركبتي !!انا ماادري وشوله يناقز !!!

ألم الركبه عند هذا الحاله من تأثير كحولي اثر مشروب قام بستعماله هذا الشخص ،،

ما ابي اشرح اخاف تقوم في تفقيع وجهي ثم ارجع اقول ليش اشرح من الاصل وقطها ميانه ..
لذلك انا بروح انام هه

تحياتي لك






..................................

[عاشق ديرتي بريده]

وهل تستطيع ان تترك التنفس اذا كان الهواء يمرضك ؟

وشلون نترك التنفس:4[1]:

فيه اشياء يقدر الواحد يعيش بدونها يعني اذا مااكلت بيض راح تموت بالتأكيد لا

وبعدين اللي عندهم حساسيه بوقت محدد مثل تلقيح النخل وغيره

دايم اقولهم نسق اجازتك تكون مع وقت هيجان الحساسيه واطلع من الديره

وموضروري تسافر بالصيف مع الناس !!!

<<< قعد يجرب انه يترك التنفس !!!

[ولــد نعمـة]

ماش ياعاااشق إلى الحين على خبري ماتغيرت .. أحيانا ودي اغولك لاقريتلك بعض المواضيع..
الحل أجل لاأقرآلك ولا أغولك .... صح ولا . صح..

تحياتي للكل..

[الحنتريش]

انا لامني ناظرت الشمس بالقايله توجعن عيوني تحريك وش العلاج ياعاشق هههههههه

[عاشق ديرتي بريده]

انا لامني ناظرت الشمس بالقايله توجعن عيوني تحريك وش العلاج ياعاشق هههههههه

لاتناظر الشمس بالقايله ناظرها المغرب عشان ماتوجعك عيونك:6[1]:

[رزه مرتزه]

موضوع يجب اغلاااقه ماله داعي...

[ماجد544]

^^^^^^

مثلك انا المفروض يغلق الموضوع او يحذف

[ŜξňuŌřĺŧa]

شـكــ وبارك الله فيك ـــرا لك ... لك مني أجمل تحية .