ياشباب وبنات ممكن دقيقه من وقتكم ..؟؟؟

[جمان البحر]

السلام عليكم ورحمة الله وبركاته ..

سأدخل في الموضوع مباشره بدون أي مقدمات ..

في أحد الأيام وجدت موضوع لعضوه من العضوات في الاستراحه فرددت عليها وكان لي رأيي الخاص والتي خالفني بها أعضاء(شباب)..

وهذا هو الرابط ...

مشكلتي مع الشاب في اسواق الراشد ‏ (http://www.buraydh.com/forum/showthread.php?t=129472)

وللأسف تم اغلاق الموضوع قبل أن أرد عليهم ...

ورأيي هو أنه مادامت الفتاة محتشمه حتى وان ظهرت عيناها ويداها فلن يتجرأ شاب على الاقتراب منها ...

ولكنهم خالفوني بذلك ..

وأنا وددت عرض الموضوع هنا لأن المنتدى مخصص للنقاشات على عكس الاستراحه ..

فأنا أريد آراء الشباب أنفسهم ..هل ماقاله الأعضاء من أن الفتاة قد تتعرض للمعاكسه وان كانت محتشمه ..؟؟

وكذلك الفتيات ..هل تعرضت احداهن لموقف معاكسه كما حدث لصاحبة الموضوع ..وهي محتشمه ..؟؟

[د / ماسنجر]

ورأيي هو أنه مادامت الفتاة محتشمه حتى وان ظهرت عيناها ويداها فلن يتجرأ شاب على الاقتراب منها ...

ولكنهم خالفوني بذلك ..
أختي .....
الشباب اللي طاحوا بامور الغزل والمعاكسات
بعضهم غصب عليهم ولكن عنده حياء وخوف شوي من الله فصعبه انه يجي لبنت متحشمه !!
لكن بعضهم ما يخاف الله والبنات بنظره كلهن واحد محتشمه ولا مو محتشمه يغازل وعادي الامر عنده
ولكن اغلب الشباب مجرد النظر للمحتشمه يغض بصره عنها ليه !!
لو سألتيه راح يقول لك : لان المحتشمه ما جت تغازل !! واحتشامه يدل على انه ساتره نفسه ....
لكن حنا نروح ونناظر الثانيات لأن غرضهن ( غالبهن ) غرضهن مهوب محمود يعني نسبه كثيره منهن جايات يدورن شباب .....
هذا هو الأمر مع أنه خطأ وحرام من البداية ....

:)
ورداتي لك سلااااام

[عجوز سمنسي]

[CENTER]جمان : شخصيا ارى ان تحجب الفتاة يعطيها وقارا

لكن لا ارى انه سيمنع الشاب من الاعتراض والمغازل اذا اشتهى الامر

فهو معه خربانة خربانة سواء تحشمتي او لا

لكن ربما سيتحرش بالاقل احتشاما اولا واذا لزم الامر فهو سيبدأ بالمحتشمة

لان هذولا شباب صايع بايعها بزبيبة ياستي
CENTER]

[جمان البحر]

أختي .....
الشباب اللي طاحوا بامور الغزل والمعاكسات
بعضهم غصب عليهم ولكن عنده حياء وخوف شوي من الله فصعبه انه يجي لبنت متحشمه !!
لكن بعضهم ما يخاف الله والبنات بنظره كلهن واحد محتشمه ولا مو محتشمه يغازل وعادي الامر عنده
ولكن اغلب الشباب مجرد النظر للمحتشمه يغض بصره عنها ليه !!
لو سألتيه راح يقول لك : لان المحتشمه ما جت تغازل !!
لكن حنا نروح ونناظر الثانيات لأن غرضهن ( غالبهن ) غرضهن مهوب محمود يعني نسبه كثيره منهن جايات يدورن شباب .....
هذا هو الأمر

:)
ورداتي لك سلااااام

يعني المسأله خاضعه لذمة الشاب ..
ولكن ياليتك سيرت على الرابط وقريت القصه وقلت لي وش رأيك هل من الممكن أن يكون فيه شاب يسوي كذا و مايخاف من هواش البنت له قدام الناس ..؟؟؟

[جمان البحر]

[CENTER]جمان : شخصيا ارى ان تحجب الفتاة يعطيها وقارا

لكن لا ارى انه سيمنع الشاب من الاعتراض والمغازل اذا اشتهى الامر

فهو معه خربانة خربانة سواء تحشمتي او لا

لكن ربما سيتحرش بالاقل احتشاما اولا واذا لزم الامر فهو سيبدأ بالمحتشمة

لان هذولا شباب صايع بايعها بزبيبة ياستي
CENTER]

أرجع وأقول نفس الكلام اللي قلته للدكتور مسنجر ..

[DaRk MoOn]

المحتشمه قد تتعرض الى المعاكسه وهذا نادر الحصووول ولكن الشباب لا يتوجهوون الي المحتشمه بالمعاكسه
بل الى غيرها لان الغير محتشمه تلفت انظار الشباب بزينتها ولبسها والمحتشمه تدل على انها تخاف على نفسها فلا تريد ان تلفت الانظار لها
فبالغالب المحتشمه لاتتعرض للمعاكسات نادر ماتتعرض لها بعكس التي تظهر زينتها الغير محتشمه وفي شباب مايفرق عنده المحتشمه وغيره واحد شبااب مايستحووون ويسببوون مشاكل وماهمهم اذا صار لهم مواقف محرجه شبااب مايعرفوون يفكروون

شكرا لكي

[تلميذة الحياة]

الفتاة المحتشمة أقل بكثير من الفتاة الغير محتشمة بالنسبة للمعاكسات ..:)

.

[د / ماسنجر]

ولكن ياليتك سيرت على الرابط وقريت القصه وقلت لي وش رأيك هل من الممكن أن يكون فيه شاب يسوي كذا و مايخاف من هواش البنت له قدام الناس ..؟؟؟
شوفي يا وخيتي
الأمر بالذمة مو على ذمة وبس الامر خطأ ولكن نتناقش حنا على الاقل او من اللي يفعل هالشيء
ما يمديني اقرا القصه لان وقتي مو لي .... ومنشغل مررره
لكن اقول لك
فيه بعض الشباب بايع سمعته وبايع قيمته عند الناس يسويها ليه لا .... أقول لك
واحد من اخوياي العزيزين علي مستقيم الحين قبل يقول قسما بالله يا ماسنجر اني ادخل للاسواق الفخمه لا شفت بنت لحالها يقول امشي جنبها وانا ساااكت وامسك ايدها وامشي ان كان فيها ريح ( ودها بهالشيء ) تقبل وتقول مثلا وين نروح او زي كذا !! وان كان ماتبي هالشيء تفك ايدي وتتركني وبعضهم يصارخون ويناظرونني الناس وانا اضحك واركض اروح باستهبال !! وكنت اسوي هالشيء بلا وعي ( دون ما يفكر قصده ) حتى اني ما كنت افكر بمكانتي وسمعتي امام الناس ....
شفتي كلامه هذا فئة
فبعضهم عادي يسويها انا ما ادري وش الحركه لكن تسوى الحركه وابشع منها
من ضمن الحركات البايخه من بعض الشباب اللي يهديهم هي التحرش بالمرأه بجسدها !!
يضربها مع اي منطقه وينحاش حتى لو تهاوشه بس يطيح اللي براسه
بعضهم يكشف وجه الحرمه وهي متغطيه لا صارت بنت مثلا ولابسه لثام يمرمن جنبها كانه مو يمها ويسحب الغطا وتصارخ و و و و بس ما همه هو ......
عرفتي كيف الحين !!
الشباب واجد والجرأه مستويات .....


معذرتن ع الاطاله :)



ورداتي لك سلام

[جمان البحر]

المحتشمه قد تتعرض الى المعاكسه وهذا نادر الحصووول ولكن الشباب لا يتوجهوون الي المحتشمه بالمعاكسه
بل الى غيرها لان الغير محتشمه تلفت انظار الشباب بزينتها ولبسها والمحتشمه تدل على انها تخاف على نفسها فلا تريد ان تلفت الانظار لها
فبالغالب المحتشمه لاتتعرض للمعاكسات نادر ماتتعرض لها بعكس التي تظهر زينتها الغير محتشمه وفي شباب مايفرق عنده المحتشمه وغيره واحد شبااب مايستحووون ويسببوون مشاكل وماهمهم اذا صار لهم مواقف محرجه شبااب مايعرفوون يفكروون

شكرا لكي

جيد ..
كلامك ككلام من سبقك ...
ولكنك وضحت أنه مهما كان.. المحتشمه لاتتعرض للمعاكسات بالقدر الذي تتعرض له غيرها ..

ولكن هل الشاب اللي مايفكر ويلاحق أي بنت قدامه حتى لو كانت محتشمه نسبته كبيره في المجتمع ؟؟؟


أشكرك على مشاركتك..

[جمان البحر]

الفتاة المحتشمة أقل بكثير من الفتاة الغير محتشمة بالنسبة للمعاكسات ..:)

.

وهذا رأي يضاف للأراء الموافقه لرأيي ..

تشرفت بردك ..

[هامة حاسوبية]

http://filaty.com/i/710/f3dd562.h---11.gif


تسجيل حضور

ولي عودة بإذن الله



http://filaty.com/i/710/f3dd562.hh----2.gif

[تلميذة الحياة]

ولكن هل الشاب اللي مايفكر ويلاحق أي بنت قدامه حتى لو كانت محتشمه نسبته كبيره في المجتمع ؟؟؟

قليله جداً في القصيم , وكبيرة في جدة والشرقيه ..

[DaRk MoOn]

قليله جداً في القصيم , وكبيرة في جدة والشرقيه ..

لا يا اختي قليله بالشرقيه مافي مقارنه بين الشرقيه وجده

شباااب الشرقيه محترميين وقليله المعاكسات بالشرقيه

[تلميذة الحياة]

لا يا اختي قليله بالشرقيه مافي مقارنه بين الشرقيه وجده

شباااب الشرقيه محترميين وقليله المعاكسات بالشرقيه
طيب آسسسسفه :)

[جمان البحر]

شوفي يا وخيتي
الأمر بالذمة مو على ذمة وبس الامر خطأ ولكن نتناقش حنا على الاقل او من

وأنا ماوضعت الموضوع الا لأجل أن نتناقش فيه ..



ما يمديني اقرا القصه لان وقتي مو لي .... ومنشغل مررره


أجل من الان احجز لهالموضوع موعد في قائمة أعمالك لأني أريد من الجميع قرائته قبل الرد ..


فيه بعض الشباب بايع سمعته وبايع قيمته عند الناس يسويها ليه لا .... أقول لك
واحد من اخوياي العزيزين علي مستقيم الحين قبل يقول قسما بالله يا ماسنجر اني ادخل للاسواق الفخمه لا شفت بنت لحالها يقول امشي جنبها وانا ساااكت وامسك ايدها وامشي ان كان فيها ريح ( ودها بهالشيء ) تقبل وتقول مثلا وين نروح او زي كذا !! وان كان ماتبي هالشيء تفك ايدي وتتركني وبعضهم يصارخون ويناظرونني الناس وانا اضحك واركض اروح باستهبال !! وكنت اسوي هالشيء بلا وعي ( دون ما يفكر قصده ) حتى اني ما كنت افكر بمكانتي وسمعتي امام الناس ....
شفتي كلامه هذا فئة
فبعضهم عادي يسويها انا ما ادري وش الحركه لكن تسوى الحركه وابشع منها
من ضمن الحركات البايخه من بعض الشباب اللي يهديهم هي التحرش بالمرأه بجسدها !!
يضربها مع اي منطقه وينحاش حتى لو تهاوشه بس يطيح اللي براسه
بعضهم يكشف وجه الحرمه وهي متغطيه لا صارت بنت مثلا ولابسه لثام يمرمن جنبها كانه مو يمها ويسحب الغطا وتصارخ و و و و بس ما همه هو ......
عرفتي كيف الحين !!
الشباب واجد والجرأه مستويات .....



لكن هل اللي ذكرتهم يتعرضون لفتاة محتشمه ...؟؟؟
واذا تعرضوا لها أنت قلت بنفسك اذا هاوشت يروح ويتركها مب مثل اللي قالت عنه غيدا هاوشته وتجمعوا الناس ولا أحد ساعدها وأزيدك من الشعر بيت ..كانت خايفه من الهيئه ..

[جمان البحر]

http://filaty.com/i/710/f3dd562.h---11.gif


تسجيل حضور

ولي عودة بإذن الله



http://filaty.com/i/710/f3dd562.hh----2.gif



لي الشرف بحضورك ..

بانتظار عودتك ..

[صالح الدوسري]

لابد البنت تفعل السبب بستر مفاتنها

[جمان البحر]

قليله جداً في القصيم , وكبيرة في جدة والشرقيه ..

قد يكون كلامك صحيحاً ..وللأسف لاعلم لي بأسواق الشرقيه وجده لأحكم ..

ولكن لو نظرتي الى المدينتين فان نسبة الغير محتشمات أكبر من القصيم وان تفاوتت بينهما ..

فتبعاً لذلك تقل نظرة الناس للمحتشمه ..فهنا لدينا تقاس بمن ترتدي العباءه على الرأس وتكون ذات أكمام عاديه ..

على عكس غيرنا وقد تحدثت في هذا الخصوص مع احد بنات جده والتي تردتي عباءه ذات أكمام وفي أطرافها صفين كريستالات وتقول انا عبايتي كذا لأن أبوي (مطوع) فسألتها هل هذا هو مقياس المحتشمه لديكم فقالت على الغالبيه نعم ..مع انه يوجد من ترتدي العباءه الاسلاميه بل والقفاز ..

[Queen of buraydh]

قلت رأيي هناك ..

وارجع اعيده هنا

اتحدىىى اذا شاب يقرّب من بنت متحشمه ومتستره ,!

[جمان البحر]

لا يا اختي قليله بالشرقيه مافي مقارنه بين الشرقيه وجده

شباااب الشرقيه محترميين وقليله المعاكسات بالشرقيه


أهلاً بحضورك مرة أخرى ..

وأهل مكة أدرى بشعابها ..أنت من الشرقيه وعارف طبعهم أكثر منا ..ولكن ماتفسيرك للموقف الذي تعرضت له غيدا ؟؟ هل هو خطأ منها ويشاركها فيه الشاب (كما هورأيي.) أم أن المساله تقع على الشاب وحده..؟؟؟

[جمان البحر]

لابد البنت تفعل السبب بستر مفاتنها

أهلاً بك ..ولكن ياليتك وضحت كلامك أكثر ..أريد اجابه على تساؤلي ..

[جمان البحر]

قلت رأيي هناك ..

وارجع اعيده هنا

اتحدىىى اذا شاب يقرّب من بنت متحشمه ومتستره ,!


أهلاً بك يامشرفتنا .

وأشكرك أختي كوين على ردك مره أخرى على الموضوع ..

ولكن ألا ليت من خالفوني في ذلك الموضوع يعلمون <<<ميخالف التحريف صح ..؟؟هههه..

[قلب الأسد]

انا كذلك اتحدى بأي شاب التحرش اومعاكسة بنت محتشمه
ولكن اللبس له دور ,اتذكر لبس مايسمى النقاب كان قديما
وكان شبه عادي اما الان فتبدل الى واسع وتغير الى برقع
يبين نصف الوجه ناهيك عن العبايه بأشكالها المنتوعه
لذلك لاتجدين بنت محتشمه وهي تلبس البرقع الواسع
بأختصار اللبس هو من يحدد للمعاكسه في الاسواق

[جمان البحر]

انا كذلك اتحدى بأي شاب التحرش اومعاكسة بنت محتشمه


وهذا رأي آخر موافق لكون أن الفتاة المحتشمه لاتتعرض للمعاكسه ..

ولكن اللبس له دور ,اتذكر لبس مايسمى النقاب كان قديما
وكان شبه عادي اما الان فتبدل الى واسع وتغير الى برقع
يبين نصف الوجه ناهيك عن العبايه بأشكالها المنتوعه
لذلك لاتجدين بنت محتشمه وهي تلبس البرقع الواسع
بأختصار اللبس هو من يحدد للمعاكسه في الاسواق

معك حق ...
وللأسف أنني حين سألت تلك العضوه قالت لبسها عادي ...أي لبس هو عادي بنظر من يلبسه ..ولم تشرح لي وللبقيه ماذاكان شكل عبائتها لتدافع عن نفسها ان كنت كما قال البعض أسأت الظن بها ..

ولا أرى في لبس النقاب او البرقع بأس مادام يغطى بغطوه لا تفتح الا في أوقات الضروره ..

أما العباءه فحدث ولا حرج ..أشكال وألوان تتفنن صاحباتها بتصميمها ...
ومع ذلك تجد كل واحده تقول بأن العباءه التي ترتديها عاديه بل قد يصل بها الحد الى ان تقول ساتره وأنها محتشمه ....

[الفيل المرح]

كلم توتي صحيح
البنت اشكاله تجذب

[جمان البحر]

كلم توتي صحيح
البنت اشكاله تجذب

أهلاً بك ..أيظاً أنت من المؤيدين لكون شكل الفتاة ولبسها هو الذي يجذب الشاب اليها ...

أشكرك على تعقيبك ...

[بيتها قلب زوجها]

الفتاة المحتشمة أقل بكثير من الفتاة الغير محتشمة بالنسبة للمعاكسات ..:)

.



انا معه في الكلام

[The Free Man]

جمان

في الأسبوع الماضي في طريق عودتي لليبت الساعة الثالثة فجراً

لفت نظري نساء يسيروا داخل احد الأحياء

دخلت لداخل الحي ابي اتأكد من اللي شفته

وبالفعل كانوا حرمتين ومعهن ولد يمكن عمرة 6 او 7 سنوات يسيرون داخل حي

للأمانة الحرمتين كانوا في قمة الإحتشام

بس هذا ما يكفي

يعني اعتقد ان نسبة وصولهم للهدف الي خرجوا من اجله وهم سالمين ضئيلة جدا

مهما كانت الضروف المحيطة بهم

اعتقد ان خروجهم بمثل هذا الوقت وسيرهم داخل الحي يعتبر مجازفة كبيرة

وعليهن تحمل تبعات المجازفة


تحياتي

[الحنتريش]

انا قلت رايي هناك ومازلت متمسك به وين مايروح الموضوع
ولا تعني كثرة المضادين لرايي اني غلط لان غالبا الحق مع القله
ترانا مجتمع تاخذنا الحميه والعاطفه
جمان تدرين ان الشباب الي يغازل وغاسلن وجهه بمرقه يصير معمي المخلب يعني لو تمر من عنده خشبه لابستن عباة لحقه
لي عوده مع قصتين وحده حاصله لي شخصيا والثانيه طريفه تسان تبينهن

[هامة حاسوبية]

http://filaty.com/i/710/f3dd562.h---11.gif


عزيزتي جمان البحر


قبل أن أتحدث يجب أن أنبـّه أنه لا يصح لنا الدخول في نوايا الأشخاص وتأويلها بالسوء

بشكل عام ... المعاكسات ... توجد في كل مكان

المعاكسات تتعرض لها الفتاة المحتشمة والمتبرجة

ولكن المتبرجات يتعرضن لعدد كبير من المعاكسات ولو حاولت إحداهن إظهار نفسها شريفة وحاولت جعل نفسها جريئة وتحدثت مع الشاب لصرفه عنها سيزداد تعامله معها سوءً ، لأنها بذلك تلعب على نفسها وليس عليه !!

فمالذي يجعلها تخرج للسوق بعباءة ضيقة تبرز مفاتنها وعينان كحيلتان وعدسات تتلألأ وضحكات تتعالى !

حجاب الفتاة هو دليلها دائما ، دليل أخلاقها ودينها وشرفها

لكن هذا لا يعني أن المحتشمة لا يمكن أن تتعرض للتحرش يوما ، وقد طرحت قبل عدة أشهر موضوعا عن ذلك بعنوان : شباب متعطشون ، ولكن بالتأكيد تعرضها للمعاكسات سيكون محدودا جدا



http://filaty.com/i/710/f3dd562.hh----2.gif

[فيصل...........]

ورأيي هو أنه مادامت الفتاة محتشمه حتى وان ظهرت عيناها ويداها فلن يتجرأ شاب على الاقتراب منها ...


عين العقل اختي

الفتاة المتحشمة تفرض احترامها
وتزيد من هيبتها ويبعد لاحتراش بها

[جمان البحر]

انا معه في الكلام

شخص آخر مؤيد ..

أشكرك على مرورك ...

[جمان البحر]

جمان

في الأسبوع الماضي في طريق عودتي لليبت الساعة الثالثة فجراً

لفت نظري نساء يسيروا داخل احد الأحياء

دخلت لداخل الحي ابي اتأكد من اللي شفته

وبالفعل كانوا حرمتين ومعهن ولد يمكن عمرة 6 او 7 سنوات يسيرون داخل حي

للأمانة الحرمتين كانوا في قمة الإحتشام

بس هذا ما يكفي

يعني اعتقد ان نسبة وصولهم للهدف الي خرجوا من اجله وهم سالمين ضئيلة جدا

مهما كانت الضروف المحيطة بهم

اعتقد ان خروجهم بمثل هذا الوقت وسيرهم داخل الحي يعتبر مجازفة كبيرة

وعليهن تحمل تبعات المجازفة


تحياتي

أخي ذا فري ..
على مايبدوا لي أنك فهمت مقصدي من الموضوع خطأ..
أنا أقصد أن الفتاة في الأسواق المليئه بالمتسوقين هل تتعرض للمعاكسات وهي محتشمه ..؟؟؟

أما ما ذكرت عن المرأتين فقد يكون لهما ظروفهما الخاصه فلم يجدا محرم ليوصلهما الى المنزل ولا تنس أنهما 2 ومعهما طفل ومحتشمات فقد يكون هذا يساعدهما .

وهما بالتأكيد مضطرتان لذلك وليس كمن تذهب الى السوق والتي بامكانها تأجيل ذهابها لحين تفرغ أحد أخواتها أو والدتها أو محارمها لها ..

[جمان البحر]

انا قلت رايي هناك ومازلت متمسك به وين مايروح الموضوع



لك الحريه في رأيك ولن يلزمك أحد بتغييره ..
وكذلك غيرك لهم آرائهم والتي يجب أن تحترمها وتبتعد في ردودك عن (الطنزه)..


ولا تعني كثرة المضادين لرايي اني غلط لان غالبا الحق مع القله
ترانا مجتمع تاخذنا الحميه والعاطفه


لاااااااااه ..والله ..
وشلون حكمت على أن القله هم داااااااااااائماً الصح ..
أحبب أصحح لك معلومتك بأن لكل موضوع ومشكله طابعها الخاص فان كان الحق مع القله أحياناً الا أنه في مشكلة أخرى يكون مع الكثره .
أي أن المسأله خاضعه لمدى صحة الشيء من عدمه ..


جمان تدرين ان الشباب الي يغازل وغاسلن وجهه بمرقه يصير معمي المخلب يعني لو تمر من عنده خشبه لابستن عباة لحقه


وهل يعني هذا أنهم كلللللللللل الشباب المغازلجيه بالطبع لا ..هم قله ونسبتهم 1من 1000...



لي عوده مع قصتين وحده حاصله لي شخصيا والثانيه طريفه تسان تبينهن

بانتظار قصصك ...


في النهايه يأخ الحنتريش أرجو منك أن تراجع نفسك في الكلام ولا تأخذك العزه بالاثم وتعمم على كل الشباب بأنهم يلاحقون البنات المحتشمات ..
وتعمم بأن كل من لوحقت من قبل شاب هي محتشمه ..

فأنا لم أرى غيدا والتي تسببت بالخوض في هذه المسأله قد ردت علي حين سألتها وبشكل مباشر عن شكل لباسها مع أن الصدفه جمعتني معها في الموضوع مرتين قبل اغلاق الموضوع ولم ترد ..

فلا يمكن أن أترك وجهة نظري التي قلتها عن لباسها الا حينما تأتي وتثبت لنا ماذا كانت تلبس ..

[جمان البحر]

http://filaty.com/i/710/f3dd562.h---11.gif


عزيزتي جمان البحر


قبل أن أتحدث يجب أن أنبـّه أنه لا يصح لنا الدخول في نوايا الأشخاص وتأويلها بالسوء




بالتأكيد لايصح لنا ذلك وكل مافعلته هو أنني قلت ماأراه في المجتمع ..
وأعترف بأنني تحسفت لأنني تسرعت حين اتهمتها بلبس ذلك اللباس ..
ولكني الان أجزم وأبصم بأنها مخطئه في لباسها والدليل هوأنها ردت على كلامي الغير مباشر بأن لباسها كان عادياً وكل شخص يرى مايلبسه عادياً وان كان في نظر غيره غير عادي ..
وأيظاً عدم ردها على سؤالي المباشر لها حين طلبت منها تحديد نوع لباسها أوعبائتها بمعنى أصح..
فكان بامكانها الرد علي دون أن تخاف فقد رأيتها في الموضوع مرتين ولم تجب على تساؤلي ..


بشكل عام ... المعاكسات ... توجد في كل مكان

المعاكسات تتعرض لها الفتاة المحتشمة والمتبرجة


هذا رأيك الخاص وأحترمه ..بالضافه الى أنه مهما تعرضت المحتشمه للمعاكسه فهي بنسبة أقل ...

والمحتشمه تكون واثقه من نفسها فلا تخاف من الهيئه كما هو حال الأخت واذا كانت فعلاً نهرته بلهجة صارمه فسيبتعد عنها ولو بعد فتره وليس أن تهرب هي منه ..

ولكن المتبرجات يتعرضن لعدد كبير من المعاكسات ولو حاولت إحداهن إظهار نفسها شريفة وحاولت جعل نفسها جريئة وتحدثت مع الشاب لصرفه عنها سيزداد تعامله معها سوءً ، لأنها بذلك تلعب على نفسها وليس عليه !!

فمالذي يجعلها تخرج للسوق بعباءة ضيقة تبرز مفاتنها وعينان كحيلتان وعدسات تتلألأ وضحكات تتعالى !


ها أنت تقولينها بنفسك ..بأن المتبرجات هن من يتعرضن للمعاكسات أكثر من غيرهن ولا يوجد وجه للمقارنه ..
وأجدك هنا تتفقين معي بخطأ الأخت غيدا بتصرفها ..

حجاب الفتاة هو دليلها دائما ، دليل أخلاقها ودينها وشرفها


بالتأكيد هذا كلام صحيح ولا غبار عليه ..ودليل على حسن تربية أهلها لها ..

لكن هذا لا يعني أن المحتشمة لا يمكن أن تتعرض للتحرش يوما ، وقد طرحت قبل عدة أشهر موضوعا عن ذلك بعنوان : شباب متعطشون ، ولكن بالتأكيد تعرضها للمعاكسات سيكون محدودا جدا
http://filaty.com/i/710/f3dd562.hh----2.gif


أعود وأقول ماقلته آنفاً ..قد تتعرض المحتشمه للتحرش ولكن ان قمت بنهر الشاب فسيذهب خصوصاً ان رأى من أمامه صارمة في موقفها ولن تخاف من أحد ...


أشكرك على مشاركتك معنا في رأيك ..

[جمان البحر]

ورأيي هو أنه مادامت الفتاة محتشمه حتى وان ظهرت عيناها ويداها فلن يتجرأ شاب على الاقتراب منها ...


عين العقل اختي

الفتاة المتحشمة تفرض احترامها
وتزيد من هيبتها ويبعد لاحتراش بها

أهلاً بك ..

هاهو شاب آخر غير من سبقوه يؤيدني في رأيي ..

أستغرب من بعض الأعضاء المكابره واتخاذ أسلوب التعميم ..

أخي فيصل أنت مؤيد لنا برأيك من واقع شاب عايش الوضع ويعرف الشباب وطريقة تفكيرهم ..

فأنا توقعت في البدايه من خلال ردود العضوين في ذلك الموضوع بأنني على خطأ لأنني لا أعلم شيئاً عن طريقة تفكير الشباب ..ولكن هاهم الشباب بأنفسهم يأتون ليؤيدوني برأيي ....

[غلا عمري]

بسم الله الرحمن الرحيم

قبل كل شئ انا اتفق مع كلام اختي جمان البحر ومافي احسن من كلامها ينقال

النقاب- البنطال-البرقع-المخصره-اللثمه-العطر- المشي واللعب بالجوال بالسوق- كلها اسباب والحافظ الله-

سلم فمك ووقوفك وقلمك اخت جمان على ماقلتي ولن اضيف
الله يحفظنا بحفظه ويحفظ بناتنا وحريمنا ويحفظك
ماجد

كذب ومستحيل الشباب يزعجوون كل البنات - باستثناء البنت الي عليها علامه استفهام وذكرت امثال كثيره

[خـــــــــــــــالـــــــــد]

اختي جمان البحر


الشاب قد يعاكس اي بنت ( محتشمه او غير محتشمه ) كــ جس نبض


فــ بعضهم يصد عن المحتشمه لانه عرف انها ليست من جنسه فلا فائده من اضاعه الوقت في المحاوله فالافضل البحث عن ضحيه اخرى .


و البعض اغواه الشيطان ليؤذيها بالمعاكسه حتى بالرغم من انها محتشمه ربما لان الممنوع مرغوب و هذا الشاب مستميت في المعاصي لايأبه بشيء و لله الحمد

او قد يكون اصرار كـ رد اعتبار لانها صدته


لكن الغالب ان المحتشمه لا يتجرأ هولاء التافهين على الاقتراب منها

شكرا لك

[جبل السكر]

السلام عليكم ورحمة الله وبركاته ..

ورأيي هو أنه مادامت الفتاة محتشمه حتى وان ظهرت عيناها ويداها فلن يتجرأ شاب على الاقتراب منها ...

ولكنهم خالفوني بذلك ..

وكذلك الفتيات ..هل تعرضت احداهن لموقف معاكسه كما حدث لصاحبة الموضوع ..وهي محتشمه ..؟؟


وعليكم السلام ورحمة الله وبركاتهـ

أهــلين أختــي جمــان حجـــاوب علــى تســـاؤلكــ
(نعـــــــــــم )

وحتى لاأحد يسيء الظن وهما كتير هنا أنــا وللـــه الحمـــد حجــابي كـــااامل ولاأظهـــر يــداي وأقدامي
وحتــى عينــاي لاأظهــرهم نهــائياً الحمدلله ونفس الشيء صديقاتي ولا سلمنا
ولا تقولي شبابنا وشبابكم لأن الشياب في وقتنا الحالي غير قبل سنوات فبمجرد رؤيتهـم للفتاهـ أياً كان حجابها
يبدأ بممارسة هبالهـ وغبائهـ طبعاً مش الكل الشاذين ومرضى القلوب فقط
والله ياجمان ماأخالف رأيكـ من الباب للشباكـ لا والله كل كلامي من الواقع
يعني مش معقول أتعرض وأشوف بعيني وأقول لا والله الشباب مايتعرضوا للفتاهـ المحتشمهـ ولابد من أختلاف الأراء في كل الأمور حسب نظرة الشخص للواقع وزي مابيقولوا (الإختلاف سنة الحياهـ :) )
ماأقول في النهايهـ إلا الحذر منهم مهما كان حجابكـ لاتغتري وتقولي ماأحد يتجرأ ويكلمني ويتعرض ليا لا والله الناس تغيرت كل مالها تبتعد عن الدين بسبب تطورات العصر الهائلهـ وطبعاً فيها من الفساد مافيها وطبعاً النافع مانعرف نوظفهـ بمكانهـ الصحيح لأننا (عــــرب)


تحيتي

[•°سـرىآ اللـيـل°•]

لاااا ااااااااااااااااا المحتشمه مايزعجه أحد ..

كلام الاخوان اللي قبلي عذراً مهب صحيح ..

لأن لو كانوا يتحرشوون حتى بالمحتشمه ماصار للحجاب خانه ..

أتركونا من اللي يستهبلون ويستخفون دمه قدام اصدقاهم ويمكن يوصلون للمحتشمه

هذولا مايشكلون شيء يعني شاذين .. مانتحدث عنهم .. أحنا نتكلم عن الاغلب ,,

مطلعتن لي عيونه ولابسه عبايه تاصته تص وتقول انا نيتي سليمه كذبتي ورب الكعبه ..

لمين هالزينه ..؟ بنات اتركن عنكن الخرط الفاضي والتبريرات اللي مالها داعي,,

للمعلوميه البنات ثلاث انواع ::

1) المحتشماات اللي صاينات انفسهن والله مايتجرأ أحد يقرب لهن .

2) اللي لبسه مش ولابد وتقول ان نيتي سليمه ومابي أغازل

صح هي ماتبي تغازل بس وده تتميلح قدام هالشباب وتوريهم كشخته وأغلب البنات من هالنوعيه ..

3) الضايعات الصايعات (الخربانات بالعربي الغزلنجيات) هذولي مايحتاج نتكلم عنهن معروفات.. ونسبتهن بعد قليله ..

يعني المشكله من النوع الثاني لانه الغالب مهب خربانه بس ماادري ليه تحب ترزز قدام عيال الخلق..<< عاد من زينهم اترزز لهم :b3:

عدم الثقه تعمل عمايل ,, وياخوفي إذا الله أضلهن ووقعن بمستنقعات الهوى ..

وتحياتي

[نـدى الـورد]

لكن بعضهم ما يخاف الله والبنات بنظره كلهن واحد محتشمه ولا مو محتشمه يغازل وعادي الامر عنده

لكن لا ارى انه سيمنع الشاب من الاعتراض والمغازل اذا اشتهى الامر

فهو معه خربانة خربانة سواء تحشمتي او لا

المحتشمه قد تتعرض الى المعاكسه

قليله جداً في القصيم , وكبيرة في جدة والشرقيه

هذه المقتطفات توضح لكِ ياجمان ما ذكرته في خاص لك

لان في نهاية الأمر المرأه المحتشمه ماهي الا اُنثى

يقصدها البعض لكي يجد ظالته ان وجدت

والإحتشام ليس كافي لحمايتها من الذئاب البشريه

:)


.

[الملاك الوردي]

لافرق بين متحجبة وملثمة

كما ان التعرض للمعاكسة ليس من قبل الشباب بل اننا نرى رجالا!!

لكن لايتعرض لذلك الا من كان لوحدة

وفي الغالب اذا لم تتحدث الفتاة ولم تلقي له بالا سينصرف من نفسة

[DaRk MoOn]

أهلاً بحضورك مرة أخرى ..

وأهل مكة أدرى بشعابها ..أنت من الشرقيه وعارف طبعهم أكثر منا ..ولكن ماتفسيرك للموقف الذي تعرضت له غيدا ؟؟ هل هو خطأ منها ويشاركها فيه الشاب (كما هورأيي.) أم أن المساله تقع على الشاب وحده..؟؟؟

اذا كانت البنت وحيده فليس خطأها ولكن لم اعلم ماحصل لغيداء لا اعرف تفاصيل ماحدث

اعتقد سواء كانت البنت محتشمه او غير محتشمه فالخطأ على الشباب

لان الغير محتشمه لا يعني انها تريد المعاكسه

شكرا

[الحنتريش]

لك الحريه في رأيك ولن يلزمك أحد بتغييره ..
وكذلك غيرك لهم آرائهم والتي يجب أن تحترمها وتبتعد في ردودك عن (الطنزه)..
انا ماجيت اطالب احد يغير رايه وبما انتس متحمسه للموضوع وجابيته للعام هذا اكبر دليل انتس تحاولين تقنعين الناس انتس صح بردودتس على الموضوع الاول
وتراي ماتطنزت او من زود الحماس عندتس والتمسك بالراي خلاتس ماتفرقين بين الطنزه والعبارات الطريفه؟

وشلون حكمت على أن القله هم داااااااااااائماً الصح ..
انا ماقلت دائما وارجعي للرد لاني كاتب غالباًً والله تعالي يقول (( وإن تطع اكثر من في الارض يضلوك السبيل)) والي يخليني احكم على الغالب هو الاتي:
1- الرسل والانبياء عليهم افضل الصلاة والتسليم لم يتبعهم الا القليل بدعواتهم
لله
2- المشائخ ببعض فتاويهم نجد اغلب العامه من المسلمين يستنكرون بعض
الفتاوى بسبب الجهل بها واحاطة المشائخ بما لم يحاط به عامة الناس
حيث ان الشيخ ابن باز رحمه الله قد افتى واحتج العالم الاسلامي بأسره
على تلك الفتوى بسبب جهلهم والان هم يتمشون بها
3- بالمجتمع النسائي دايم ماتلاقين التشكي والتعاطف ومن غالب النساء ولكن
تجدين قلة منهن الي تعترف بالتقصير وتستنكر مايفعله باقي النساء

أحبب أصحح لك معلومتك بأن لكل موضوع ومشكله طابعها الخاص فان كان الحق مع القله أحياناً الا أنه في مشكلة أخرى يكون مع الكثره .
أي أن المسأله خاضعه لمدى صحة الشيء من عدمه ..

صدز جمان لاقلت لتس معين تفهمين لاتزعلين
لاتصححين لاني فاهم عليتس بس ياليتس تشغلين مختس شوي وتفهمين لان المشاكل الاجتماعيه غالبا مانندفع للتأييد او الانكار دون النظر من عدة زوايا
والمشاكل الاجتماعيه دائما نتسرع بالحكم فيها دون تريث وتحقق
حنا نتكلم عن الغالب بارك الله فيتس الغالب الغالب الغالب
لازم نحكم العقل قبل العاطفه وانا اخوتس ولاتنسين اننا احياننا نتبع الاكثريه بدون مانتحقق من صحة الشئ من عدمها

وهل يعني هذا أنهم كلللللللللل الشباب المغازلجيه بالطبع لا ..هم قله

يارب اني ماقلت كل الشباب ومنين جبتيه ههههههه
كلامي واضح الله يصلحتس
قلت يغازل وغاسلن وجهه يعني حطيت واو التبعيه يعني يصير يغازل وهو مايستحي

جمان تدرين ان الشباب الي يغازل وغاسلن وجهه بمرقه يصير معمي المخلب يعني لو تمر من عنده خشبه لابستن عباة لحقه


في النهايه يأخ الحنتريش أرجو منك أن تراجع نفسك في الكلام ولا تأخذك العزه بالاثم وتعمم على كل الشباب بأنهم يلاحقون البنات المحتشمات ..
وتعمم بأن كل من لوحقت من قبل شاب هي محتشمه ..

هههههههههههههههههههاشوفتس قلبتي الموضوع علي
مااخذتن عزة ولا شي لاني ماعممت وارجعي لردودتس بالموضوع يوم ماكان بالاستراحه تلقين انتس انتي الي اتهمتي شخص بعينه
اما انا اقول اغلب ومازلت اقول اغلب الي الحين وانا اخوتس
وياليتس تراجعين انتي ردودتس وتقتنعين من الي يتهم ويعمم وترا مب عيب الخطاء ولكن العيب بالاصرار على الخطاء

فأنا لم أرى غيدا والتي تسببت بالخوض في هذه المسأله قد ردت علي حين سألتها وبشكل مباشر عن شكل لباسها مع أن الصدفه جمعتني معها في الموضوع مرتين قبل اغلاق الموضوع ولم ترد ..
ههههههههههههههههههههههههه وش دخل غيدا بين نقاشي معتس؟؟؟؟
احس انتس تصيحين وانتي تكتبين هالكلام وودتس يقفل الموضوع باسرع وقت
اتركي غيدا بحاله انا الي اناقشتس وانتي مازلتي متمسكه برايتس وتتهمينن باني اغازل المتحشمات واني مع الباطل

فلا يمكن أن أترك وجهة نظري التي قلتها عن لباسها الا حينما تأتي وتثبت لنا ماذا كانت تلبس

>>> فاطس ضحك ههههههههههه
يعني برايتس بتلبس مريلة مطبخ وهي رايحتن للسوق وبيده ليفة مواعين؟؟
مير هذا بينتس وبينه مالي شغل بهالامور واغديه تحط صوره ازين مع اني مقتنع انه لو جابت لتس اكبر دليل مارايح تغيرين وجهة نظرتس وهذا الواضح من حماستس وحبتس لفرض وجهة النظر مهما كان واقعها
وترا التمسك بوجهة النظر دون مبررات والنظر للموضوع من زاويه وحده يعتبر انغلاق فكري
اعرفي ياختي المثل حين قال (( صديقك من صدقك لا من صدٌقك))
يعني مب الي يطبل ويصحح كل ماقلتي
تحيتي يااختي القديره وتقبلي مروري لاني توي قايم من النوم وابفطر

[جمان البحر]

بسم الله الرحمن الرحيم
قبل كل شئ انا اتفق مع كلام اختي جمان البحر ومافي احسن من كلامها ينقال

اتفاقك معي ومع الأخوه لايدل الا على أنه مهما قيل فإن الشاب العاقل لن يقترب من الفتاه المحتشمه ...

النقاب- البنطال-البرقع-المخصره-اللثمه-العطر- المشي واللعب بالجوال بالسوق- كلها اسباب والحافظ الله-


معك حق هذه الأشياء هي من أهم الأسباب التي تدعو الشاب الى معاكسة الفتاه ..

سلم فمك ووقوفك وقلمك اخت جمان على ماقلتي ولن اضيف
الله يحفظنا بحفظه ويحفظ بناتنا وحريمنا ويحفظك
ماجد

آمين يارب العالمين ..

كذب ومستحيل الشباب يزعجوون كل البنات - باستثناء البنت الي عليها علامه استفهام وذكرت امثال كثيره

بالتأكيد هذا الكلام صحيح ..وأتحدى شاب من اللي خالفوا رأيي يتجرأ ويعاكس فتاه محتشمه ..

[البـــBADERـــدر B.D.Q]

اختي جمان البحر
بالنسبه للمعاكسات هي مرض شباب وبنات هالعصر وهالمرض تطور مره للدرجه انه اصبحت البنت هي من تضايق الرجال ولا احد يقول مهوب صحيح لاني شفت التصرفات ذي بعيوني :)

وبعدين من قال ان الي محتشمه يصير له تحرش وتضايق...!!!! :(
اقسم برب البيت ومن امر بعبادته ان الواحد لا شاف بنت محتشمه انه مايقدر يحط عينه بعين البنت
ياخي تعطيك بحجابه انطباع طهاره وعفه وشلون تبي تجرا وتحط عينك بعينه :(

والي يتحرش بانسانه محتشمه اعتقد ان هالرجال فيه خلل بعقله وفكريته :)

[جمان البحر]

اختي جمان البحر
الشاب قد يعاكس اي بنت ( محتشمه او غير محتشمه ) كــ جس نبض
فــ بعضهم يصد عن المحتشمه لانه عرف انها ليست من جنسه فلا فائده من اضاعه الوقت في المحاوله فالافضل البحث عن ضحيه اخرى .


أهلاً بك أستاذ خالد ...

أخيراً أتى من وضح الأمور جيداً ..
أخي خالد أنت الآن قلت ماأردت قوله لكن خانني التعبير في ذلك ..
فالشاب وان حاول معاكسة الفتاه المحتشمه ان رأى منها صدود لن يستمر في ذلك وليس كما دافع الأخوه مع تلك الفتاه وقالوا بأنه حتى وان صدته فلن يبتعد ..

و البعض اغواه الشيطان ليؤذيها بالمعاكسه حتى بالرغم من انها محتشمه ربما لان الممنوع مرغوب و هذا الشاب مستميت في المعاصي لايأبه بشيء و لله الحمد

او قد يكون اصرار كـ رد اعتبار لانها صدته



قد يكون كذلك ..ولكنهم القلة القليله ..واذا رأى منها اصراراً على ابتعاده عنها سيبتعد لامحاله ..

لكن الغالب ان المحتشمه لا يتجرأ هولاء التافهين على الاقتراب منها

شكرا لك

ها أنت في النهايه تثبت أن المحتشمه لايتجرأ الشاب على الاقتراب منها ..

[stop827]

أعتقد بأن المتحشمه لن يستطيع أحد الوصول اليها

[جمان البحر]

وعليكم السلام ورحمة الله وبركاتهـ

أهــلين أختــي جمــان حجـــاوب علــى تســـاؤلكــ
(نعـــــــــــم )

وحتى لاأحد يسيء الظن وهما كتير هنا أنــا وللـــه الحمـــد حجــابي كـــااامل ولاأظهـــر يــداي وأقدامي
وحتــى عينــاي لاأظهــرهم نهــائياً الحمدلله ونفس الشيء صديقاتي ولا سلمنا
ولا تقولي شبابنا وشبابكم لأن الشياب في وقتنا الحالي غير قبل سنوات

حياك الله أختي رواء ..
أحييك على التزامك بالحجاب الشرعي ..
ولكن لدي تساؤل لاعب بمخي لعب ..الحين وش جاب شبابنا وشبابكم ..؟؟؟
أنا ماتكلمت عن ان شباب القصيم أحسن من غيرهم نهائياً ..
وانما اللي قلته في ذلك الموضوع هو استغراب مني على كلامك ..
فحينما قلت ..الا ان كان أهل القصيم وشبابها غير
كان قصدي هو الاستغراب والدليل على ذلك هو كلمة الا ...

ولكن في اعتقادئي وان وجد الشباب المعاكسون للفتاه المحتشمه فهم قللللللللله واذا نهرتيهم يبتعدون ..




فبمجرد رؤيتهـم للفتاهـ أياً كان حجابها
يبدأ بممارسة هبالهـ وغبائهـ طبعاً مش الكل الشاذين ومرضى القلوب فقط
والله ياجمان ماأخالف رأيكـ من الباب للشباكـ لا والله كل كلامي من الواقع
يعني مش معقول أتعرض وأشوف بعيني وأقول لا والله الشباب مايتعرضوا للفتاهـ المحتشمهـ ولابد من أختلاف الأراء في كل الأمور حسب نظرة الشخص للواقع وزي مابيقولوا (الإختلاف سنة الحياهـ :) )


أختي رواء ..قد تكونين تعرضتي لهذا الموقف وبعض قريباتك لكن ليس بامكانك التعميم على جميع المحتشمات فأنا وقريباتي لم نتعرض لذلك ..
الله يحفظنا وياك من شر الشباب المعاكس..




ماأقول في النهايهـ إلا الحذر منهم مهما كان حجابكـ لاتغتري وتقولي ماأحد يتجرأ ويكلمني ويتعرض ليا لا والله الناس تغيرت كل مالها تبتعد عن الدين بسبب تطورات العصر الهائلهـ وطبعاً فيها من الفساد مافيها وطبعاً النافع مانعرف نوظفهـ بمكانهـ الصحيح لأننا (عــــرب)
تحيتي

أشكرك على نصيحتك ..
وأنا لم أغتر وأقول أنه لن يقترب مني أحد ...بل ما أقوله هو أنه وان اقترب مني شاب في المستقبل فأنا لن أعطيه المجال لذلك والهيئه ورجال الأمن في السوق سيقفون في صفي لأنهم يرون حجابي المحتشم ويعلمون بأني لست ممن تسمح للشباب بمعاكستها ..وأدعو ربي أن لاأتعرض لهذا الموقف ولا جميع المحتشمات في أي يوم من الأيام ..

[جمان البحر]

لاااا ااااااااااااااااا المحتشمه مايزعجه أحد ..

كلام الاخوان اللي قبلي عذراً مهب صحيح ..

لأن لو كانوا يتحرشوون حتى بالمحتشمه ماصار للحجاب خانه ..



كلامك عين العقل ...

أتركونا من اللي يستهبلون ويستخفون دمه قدام اصدقاهم ويمكن يوصلون للمحتشمه

هذولا مايشكلون شيء يعني شاذين .. مانتحدث عنهم .. أحنا نتكلم عن الاغلب ,,

بالتأكيد أن هؤلاء لايشكلون نسبة كبيره كما ضخمها الأخوه ..وهم كما قلتي يتميلحون واذا نهروا ذهبوا ..

مطلعتن لي عيونه ولابسه عبايه تاصته تص وتقول انا نيتي سليمه كذبتي ورب الكعبه ..

لمين هالزينه ..؟ بنات اتركن عنكن الخرط الفاضي والتبريرات اللي مالها داعي,,

صدقتِ..
ولبس هذا اللباس ليس دليل الاعلى ضعف الوازع الديني وسوء التربيه ..

للمعلوميه البنات ثلاث انواع ::

1) المحتشماات اللي صاينات انفسهن والله مايتجرأ أحد يقرب لهن .

2) اللي لبسه مش ولابد وتقول ان نيتي سليمه ومابي أغازل

صح هي ماتبي تغازل بس وده تتميلح قدام هالشباب وتوريهم كشخته وأغلب البنات من هالنوعيه ..

3) الضايعات الصايعات (الخربانات بالعربي الغزلنجيات) هذولي مايحتاج نتكلم عنهن معروفات.. ونسبتهن بعد قليله ..

يعني المشكله من النوع الثاني لانه الغالب مهب خربانه بس ماادري ليه تحب ترزز قدام عيال الخلق..<< عاد من زينهم اترزز لهم :b3:

عدم الثقه تعمل عمايل ,, وياخوفي إذا الله أضلهن ووقعن بمستنقعات الهوى ..

وتحياتي


تقسيمك أكثر من رائع ..

وللأسف أن معظم من ينتمين الى المجموعه الثانيه تقول أنا لبسي عادي ..
وين لبسك عادي وأنت لابسه عباءه ضيقه وعيونك طالعات واذا ناظرك رجال ما فكت ولا مجرد تفكير بأنك تغطينهن ..

[جمان البحر]

هذه المقتطفات توضح لكِ ياجمان ما ذكرته في خاص لك

لان في نهاية الأمر المرأه المحتشمه ماهي الا اُنثى

يقصدها البعض لكي يجد ظالته ان وجدت

والإحتشام ليس كافي لحمايتها من الذئاب البشريه

:).

أختي أريج ..
ماذكرته في خاص لها يؤيدنا في أن المحتشمه أقل من الغير محتشمه في المعاكسات ..
وأعتقد أن رد الأخ خالد وضح الكثير من الأمور فهو لمجرد جس النبض فان قبلت استمر وان نهرته وصدته يبتعد ..

[جمان البحر]

لافرق بين متحجبة وملثمة

كما ان التعرض للمعاكسة ليس من قبل الشباب بل اننا نرى رجالا!!

لكن لايتعرض لذلك الا من كان لوحدة

وفي الغالب اذا لم تتحدث الفتاة ولم تلقي له بالا سينصرف من نفسة

أشكرك على طرح رأيك ..
ولكن أنت قارنت المتحجبه بالمتلثمه فما مقياس الحجاب لديك ؟؟؟

وبالتأكيد أن المعاكسات لاتقتصر على الشباب بل تتعداها الى رجال متزوجون ولهم أبناء والا لما كنا سمعنا عن الخيانه الزوجيه ..

[جمان البحر]

اذا كانت البنت وحيده فليس خطأها ولكن لم اعلم ماحصل لغيداء لا اعرف تفاصيل ماحدث

اعتقد سواء كانت البنت محتشمه او غير محتشمه فالخطأ على الشباب

لان الغير محتشمه لا يعني انها تريد المعاكسه

شكرا

معك حق أخ دارك في كلامك ..ولكن أنا لم أسأل عن نية الفتاه بل أسأل عن الشاب نفسه هل يتجرأ ويعاكس المحتشمه ..
وأعتقد أن تقسيم سرى الليل يوضح بأن الغير محتشمه قد لاتريد المعاكسه ولكنها ينطبق عليها المثل القائل (على نفسها جنت براقش )..
فمن المفروض أن تستر نفسها ليبتعد عنها الشاب ..

وبامكانك العوده الى الرابط الموجود في الموضوع لتعلم ماهي القصه ..

[جمان البحر]

انا ماجيت اطالب احد يغير رايه وبما انتس متحمسه للموضوع وجابيته للعام هذا اكبر دليل انتس تحاولين تقنعين الناس انتس صح بردودتس على الموضوع الاول
وتراي ماتطنزت او من زود الحماس عندتس والتمسك بالراي خلاتس ماتفرقين بين الطنزه والعبارات الطريفه؟

[/color][/size][/align]

جيد ..
أنا ماجبت الموضوع للعام الا أن ذلك الموضوع أغلق وليس موضوعي لأطالب بفتحه..
وأنا لم أتمسك برأيي كما ذكرت والدليل على ذلك أنني غيرت رأيي الان قليلاً وهو أن المحتشمه (قد) تععرض للمعاكسه ولكن هذا الأمر يحدث بقله لا تحتاج أن نعمم عليها ..ولو لاحظت أن موضوعي هنا احتوى على من وافقني وعلى من خالفني وعاملت الجميع بحد سواء ..

قد تعتبر مزحك من باب الطرافه ولكن أنا أعتبره من باب الطنزه لأننا نتكلم بجديه والمسأله لا تحتمل وجود الطرافه ..


انا ماقلت دائما وارجعي للرد لاني كاتب غالباًً والله تعالي يقول (( وإن تطع اكثر من في الارض يضلوك السبيل)) والي يخليني احكم على الغالب هو الاتي:
1- الرسل والانبياء عليهم افضل الصلاة والتسليم لم يتبعهم الا القليل بدعواتهم
لله
2- المشائخ ببعض فتاويهم نجد اغلب العامه من المسلمين يستنكرون بعض
الفتاوى بسبب الجهل بها واحاطة المشائخ بما لم يحاط به عامة الناس
حيث ان الشيخ ابن باز رحمه الله قد افتى واحتج العالم الاسلامي بأسره
على تلك الفتوى بسبب جهلهم والان هم يتمشون بها
3- بالمجتمع النسائي دايم ماتلاقين التشكي والتعاطف ومن غالب النساء ولكن
تجدين قلة منهن الي تعترف بالتقصير وتستنكر مايفعله باقي النساء

ماشاء الله وهل هذا الموضوع مثل دعوة الأنبياء وفتاوى المشائخ ..؟؟
طيب وش رأيك أروح أسأل الشيخ سليمان الجبيلان العارف بأمور الشباب وأشوف وش رأيه وأنا متأكده أن رأيه راح يكون وسط مثل رأي خالد ..
أما النقطه الثالثه فهي لصالحي قبل أن تكون لصالحك ..
فأنا أستنكر من بعض النساء لبس العبائات الفاتنه ثم تأتي وتقول ماأبي أحد يعاكسني ....

صدز جمان لاقلت لتس معين تفهمين لاتزعلين
لاتصححين لاني فاهم عليتس بس ياليتس تشغلين مختس شوي وتفهمين لان المشاكل الاجتماعيه غالبا مانندفع للتأييد او الانكار دون النظر من عدة زوايا
والمشاكل الاجتماعيه دائما نتسرع بالحكم فيها دون تريث وتحقق
حنا نتكلم عن الغالب بارك الله فيتس الغالب الغالب الغالب
لازم نحكم العقل قبل العاطفه وانا اخوتس ولاتنسين اننا احياننا نتبع الاكثريه بدون مانتحقق من صحة الشئ من عدمها


طيب لو حكمنا بالعقل ..
اذا رحت للسوق أيهم اللي تشوف اللي يعاكسونهن أكثر المحتشمات ولا الغير محتشمات ..
بالتأكيد هن الأخيرات ..وبالتالي فان الأغلب للغير محتشمات ..
أنا ماتبعت أحد برأيي تبعت عقلي والمنطق وش يقولون ..
هل الأكثر هم المحتشمات ولالا ..

يارب اني ماقلت كل الشباب ومنين جبتيه ههههههه
كلامي واضح الله يصلحتس
قلت يغازل وغاسلن وجهه يعني حطيت واو التبعيه يعني يصير يغازل وهو مايستحي


طيب هنا أنت تقول أنهم يغازلون وغاسلين وجههم بمرق وهذولا القله وأنت قلتها بنفسك ..

اشوفتس قلبتي الموضوع علي
مااخذتن عزة ولا شي لاني ماعممت وارجعي لردودتس بالموضوع يوم ماكان بالاستراحه تلقين انتس انتي الي اتهمتي شخص بعينه
اما انا اقول اغلب ومازلت اقول اغلب الي الحين وانا اخوتس
[/color][/size][/align]

أنا اتهمتها بعينها لأنها كانت على خطأ ولا دافعت عن نفسها ..
وأرجع وأقولك هل أغلب اللي يتعرضن للمعاكسات هن المحتشمات ..؟؟؟
لأني قلت بردي ..
وتعمم بأن كل من لوحقت من قبل شاب هي محتشمه ..
وأنت رديت بكلمة الأغلب..

ياأخي أرجع كلامك عليك وأقول فكر بالمنطق والعقل هل الشباب يعاكسون المحتشمات أكثر من غيرهن ؟؟؟
طيب وردود الشباب ..؟؟وين تروح ؟؟؟


وياليتس تراجعين انتي ردودتس وتقتنعين من الي يتهم ويعمم وترا مب عيب الخطاء ولكن العيب بالاصرار على الخطاء

أنا ماأصريت على الخطأ ..وقد يكون لي رد هنا يعجبك ..


ههههههههههههههههههههههههه وش دخل غيدا بين نقاشي معتس؟؟؟؟
احس انتس تصيحين وانتي تكتبين هالكلام وودتس يقفل الموضوع باسرع وقت
اتركي غيدا بحاله انا الي اناقشتس وانتي مازلتي متمسكه برايتس وتتهمينن باني اغازل المتحشمات واني مع الباطل



لا والله مب جمان اللي تصيح علشان نقاش هي اللي ابتدت فيه بالعكس أنا فرحه بالموضوع واستمراره لأنه أطلعني على عدة أشياء كنت أجهلها ..

أنت رديت في موضوع غيدا وكان ردك علي هناك دفاعاً عنها فتحمل ردودي عليك والتي أذكرها فيها ..

أنا مااتهمتك بأنك تغازل لا والله أنا ماشفت منك هالشيء لكن اللي أقوله لو كنت تغازل هل راح تفكر بأنك تغازل المحتشمات ..؟؟


>>> فاطس ضحك ههههههههههه
يعني برايتس بتلبس مريلة مطبخ وهي رايحتن للسوق وبيده ليفة مواعين؟؟
مير هذا بينتس وبينه مالي شغل بهالامور واغديه تحط صوره ازين مع اني مقتنع انه لو جابت لتس اكبر دليل مارايح تغيرين وجهة نظرتس وهذا الواضح من حماستس وحبتس لفرض وجهة النظر مهما كان واقعها
وترا التمسك بوجهة النظر دون مبررات والنظر للموضوع من زاويه وحده يعتبر انغلاق فكري
اعرفي ياختي المثل حين قال (( صديقك من صدقك لا من صدٌقك))
يعني مب الي يطبل ويصحح كل ماقلتي
تحيتي يااختي القديره وتقبلي مروري لاني توي قايم من النوم وابفطر

بالتأكيد أنك تعرف أكثر مني بأن العباءه لها أنواع ..فأنا أسألها عن نوع عبائتها ..
لاعن لبسها تحت العباءه ..

أنا ماأحب أفرض وجه نظري على الغير لكن أنا متأكده بل وجازمه أن عبائتها ليست بالمحتشمه ...


ههههههههههههههههههه أضحكتني ..
أنا من نظرت للموضوع من جهة واحده أم أنتم ..؟؟
والدليل على ذلك هو أنني فتحت الموضوع للنقاش هنا لأرى ما ان كنت على صح أم خطأ ..فوجدتني بين الاثنتين (انتظر ردي بهذا الخصوص )

طيب فكر بعقلك واحكم هل يعقل ان الشاب سيتعرض للمحتشمه قبل غيرها ..؟؟؟؟؟؟؟؟؟؟؟؟؟؟؟؟؟؟

ومن رد علي هنا لم يطبل لي وانما ردوا علي بوجهة نظرهم الخاصه ...

[جمان البحر]

اختي جمان البحر
بالنسبه للمعاكسات هي مرض شباب وبنات هالعصر وهالمرض تطور مره للدرجه انه اصبحت البنت هي من تضايق الرجال ولا احد يقول مهوب صحيح لاني شفت التصرفات ذي بعيوني :)

وبعدين من قال ان الي محتشمه يصير له تحرش وتضايق...!!!! :(
اقسم برب البيت ومن امر بعبادته ان الواحد لا شاف بنت محتشمه انه مايقدر يحط عينه بعين البنت
ياخي تعطيك بحجابه انطباع طهاره وعفه وشلون تبي تجرا وتحط عينك بعينه :(

والي يتحرش بانسانه محتشمه اعتقد ان هالرجال فيه خلل بعقله وفكريته :)


حياك الله أخوي البدر ..

أشكرك على حماستك بالرد وصراحتك ..واحترامك للمحتشمه ..

لاأعلم ان كان مصاب بمرض نفسي أم لا ..ولكن بالتأكيد هو يشعر بنقص ويريد تعويضه بهذه الطريقه ..

[جمان البحر]

أعتقد بأن المتحشمه لن يستطيع أحد الوصول اليها

حياك الله ..
رأي جيد ولكن لا نستطيع البصم بذلك ..

[جمان البحر]

في النهايه من خلال ردود الأخوه اتضح لي أن المحتشمه (قد)تتعرض للمعاكسه ولكن هذا بنسبة 1من1000..
وبالطبع( أكثر )من تتعرض للمعاكسات هي من فئة الغير محتشمات ..وبنسبة تزيد عن المحتشمات كثيراً..

(و في رأيي هو أن المحتشمه يجب أن تكون واثقه من نفسها ولا تخاف من الهيئه ان حضروا فهي على حق وهذا واضح على محيّاها ولن يظلمها رجال الهيئه في شيء لا تريده ..والدنيا مازالت بخير فقد يسخر الله لها من يساعدها في المسأله حتى وان لم يكن بينهم أي صلة قرابه ..)
وهذا هو رأيي من بداية الموضوع والذي كتبته في ردودي على غيدا ومن خالفني الرأي في الموضوع الاخر وان كان في صيغة مختلفه ..

وأقول لمن خالفني الرأي ليفكر في الموضوع بالعقل لابالعاطفه ..
فمن المستحيل أن تزيد نسبة معاكسة المحتشمالت عن غير المحتشمات..

[الحنتريش]

اخت جمان خلينا نصدق مع انفسنا قبل ان نصدق مع الناس
بالبدايه انتي اتهمتي البنت وجزمتي بالاتهام وتقولين ان لبسه مب محتشم
وبعد ماشاركت انا وطلبت منتس عدم الاتهام قلتي انك تتغازل المتحشمات
ونقاشنا كله عن عدم الاتهام وعن ان الشباب الحين يغازلون المتحشمه او المتبرجه
والكبر هو من صفات ابليس حينما عصا امر ربه بالسجود لاادم عليه السلام

وأنا لم أتمسك برأيي كما ذكرت والدليل على ذلك أنني غيرت رأيي الان قليلاً وهو أن المحتشمه (قد) تععرض للمعاكسه

جدا حلو وانا اخوتس انتس اعترفتي وهالجمله تكفين لانتس اقتنعتي بكلامي وبوجهة نظري
وبما انتس غيرتي رايتس يجب انتس تعتذرين من الاخت غيدا فيمكن هي من ضمن الي قلتي عنهن انه قد تتعرض (المتحشمات)

قد تعتبر مزحك من باب الطرافه ولكن أنا أعتبره من باب الطنزه لأننا نتكلم بجديه والمسأله لا تحتمل وجود الطرافه ..
اعتبريه مثل ماتبين تبقى وجهة نظر واحترمها واقدرها وبما انتس تعتبرين انه مايحتمل الطرافه انا من وجهة نظري اعتبر وجود الطرافه شي مهم بالموضوع لرسم البسمه لا لتقليل قدرتس

ماشاء الله وهل هذا الموضوع مثل دعوة الأنبياء وفتاوى المشائخ ..؟؟
طيب وش رأيك أروح أسأل الشيخ سليمان الجبيلان العارف بأمور الشباب
انا اعطيتس مثل يبين انه في الغالب يكن الحق مع الاقلية
ولاتسالين الشيخ ولا شي انا عندتس اعلمتس والموضوع يبي تشغلين مختس وتحاولين تفهمين ولاتاكلين وانتي تقرين عشان تفهمين

أما النقطه الثالثه فهي لصالحي قبل أن تكون لصالحك ..

ههههههههههههههههههه منين لصالحتس
طيب خلين اجيب سبوره وقلم اشرح يمكن تفهمين
لو تزوج واحد على زوجته وراحت زوجته تشتكي لصديقاته او قريباته وهي تصايح وتبدا تهدد والله ماخليه تطب بيتي ومدري ايش تلقين اغلب الي عنده يأيدنه ويشجعنه ولكن به وحده تقول له ياغبيه اكبسي زوجته الثانيه لان الزواج صار وخلاص وامسكي العصا مع النص لايطلقتس وماتلقين من يضفتس انتي وبزرانتس
بهالقصه الاغلبيه والمطبلات كثاااااااااااااااااااااااار
اما الي على حق وحده يعني قليــــــــــــــــــــــــل
وتم الشرح بالتفصيل بان الكثره لاتدل على الحق

فأنا أستنكر من بعض النساء لبس العبائات الفاتنه ثم تأتي وتقول ماأبي أحد يعاكسني
معليش لو انتي تفكرين صح ماقلتي تسذا لان الي تلبس العبايه الفاتنه في الغالب تلبسه للفتنه والاستمتاع بفتن الشباب ومستحيل مستحيل تشتكي من المضايقه وهي تسذا

اذا رحت للسوق أيهم اللي تشوف اللي يعاكسونهن أكثر المحتشمات ولا الغير محتشمات ..
الغير متحشمات وانتي قلتي قد تتعرض المتحشمات للمعاسكات
وبعض الشباب الحين يفضل المتحشمه ولاتسالينن ليش لاني مادري بس يفضلون المتحشمه

أنا ماتبعت أحد برأيي تبعت عقلي والمنطق وش يقولون ..
معناها انتس تتبعين هوا النفس لانه هذا اتباع الهوى ولكن قولي حكمت مب اتبعت ولو حكمتي عقلتس قبل تشاكرين تسان احسن عشان ماتتهمين البنت
ويمديتس تحكمين عقلتس وتعتذين عن الاتهام فقط

أنا اتهمتها بعينها لأنها كانت على خطأ ولا دافعت عن نفسها ..
تعترفين وانتي تو تقولين انتس محكمتن عقلتس
يعني تبينه تجيب دبابه والا قنبله تفجر بالمنتدى او تلبس حزام ناسف مثلا عشان تدافع عن نفسه؟ بعد مااتهمتيه اكتشفت ان مالتس الا رايتس وريحت راسه

ياأخي أرجع كلامك عليك وأقول فكر بالمنطق والعقل هل الشباب يعاكسون المحتشمات أكثر من غيرهن ؟؟؟
الجواب فوق بس يبي تفتحين مختس قبل عيونتس وتركزين

طيب وردود الشباب ..؟؟وين تروح ؟؟؟
المحتشمه = حلاوه مغلفه
المتبرجه = حلاوه مكشوفه
فكل واحد يحب نوع من هالحلاو بس ناس يبي المكشوف عشان مايبي تعب وبه ناس يبون المغلف

أنت رديت في موضوع غيدا وكان ردك علي هناك دفاعاً عنها فتحمل ردودي عليك والتي أذكرها فيها ..
انا داري ان هذا الي فاقع مرارتس وتحسبينه دفاع بس انا قلت لتس لاتتهمين لانتس على طول اتهمتيه وردودتس ان ماوسعهن صدري احطهن بالبرحه اذا كانت تخصن وللفايده لعل وعسا تفهمين
يارب وش دخل غيدا بالموضوع هالحين هههههههههههه
(( انا واياتس نتناقش عن الشاب هو بس يلحق المتبرجه فقط والا بامكانه يلحق المتحشمه )) انسي غيدا وموضوعه خلي النقاش عام لاتجيبين طاري البنت ولاتذكرين شي مالي حق اجاوب باشياء تخصه
مير اتضح لي ان قصدتس فش خلق لااكثر من التمسك برايتس وتبيننا نقول انه متبرجه غصب والقصد كثرة بلبله عليه ولكن مب حاصل لانتس اعترفتي وتراجعتي بس مازلتي تكابرين بعدم الاعتذار

بالتأكيد أنك تعرف أكثر مني بأن العباءه لها أنواع
هنا تاكدين اني اعرف بعد وتراي مااعرف الا غداف بنات الخليج الي كود تربصينهن اسبوع بماء وشامبو وقماش التترو لاني منول اجيبهن لجدتي

أنا ماأحب أفرض وجه نظري على الغير لكن أنا متأكده بل وجازمه أن عبائتها ليست بالمحتشمه ...
ههههههههههههههههههههههههههه
ترا هذا مب اتهام ولا فرض وجهة نظر كاكاكاكاكاكاكاكاكاكاكاكاكاكاكا

فتحت الموضوع للنقاش هنا لأرى ما ان كنت على صح أم خطأ ..فوجدتني بين الاثنتين
بالبدايه كنتي خطاء 100% وتراجعتي وصرتي بين الاثنين وعقبال ماتفهمين وتصيرين مع الصح
دامتس اعترفتي وتراجعتي يجب ان تعتذرين وتسحبين الاتهامات
ولاتنسين قول الله تعالى (( الذين يرمون المحصنات))

طيب فكر بعقلك واحكم هل يعقل ان الشاب سيتعرض للمحتشمه قبل غيرها ..؟؟؟؟؟؟؟؟؟؟؟؟؟؟؟؟؟؟
اللهم اني جاوبت فوق بس شكلتس تكتبين مغمضه

في النهايه من خلال ردود الأخوه اتضح لي أن المحتشمه (قد)تتعرض للمعاكسه ولكن هذا بنسبة 1من1000..
وبالطبع( أكثر )من تتعرض للمعاكسات هي من فئة الغير محتشمات ..وبنسبة تزيد عن المحتشمات كثيراً..
هالرد يوضح انتس ماتبحثين بعقلتس عن الصواب بكثر ماتمشين مع الكثره لانتس اعترفتي انتس مع ردود الاخوه وانا منبهتس عنه يوم اعطيتس امثله عن الانبياء والمشايخ

وأقول لمن خالفني الرأي ليفكر في الموضوع بالعقل لابالعاطفه ..
فمن المستحيل أن تزيد نسبة معاكسة المحتشمالت عن غير المحتشمات..
من تقصدين؟ >>> مايدري من تقصد ههههههههههه
فكرنا بالعقل ومااقتنعتي وحاولت اخليتس تفكرين بعقلتس ولكنتس مصره على اتباع هوى عاطفتس مع الاغلبيه من الردود
اما عن قولتس ان المتحشمه تنادي الهيئه انا اقول لتس يمكن تناديهم ويمكن تصير تستحي او تخاف من تبعيات من سوء نية الزوج او الاخ اوغير ذلك وماتناديهم ومب كل المتحشمات ينادن الهيئه وربما ان المتسكعات ينادن الهيئه لابعاد الشبهه عنهن

[•°سـرىآ اللـيـل°•]

اختي جمان البحر
بالنسبه للمعاكسات هي مرض شباب وبنات هالعصر وهالمرض تطور مره للدرجه انه اصبحت البنت هي من تضايق الرجال ولا احد يقول مهوب صحيح لاني شفت التصرفات ذي بعيوني :)

مليوون صح ونجمه * إثبات للصحه ..

فيه بنات ملعن ,, أبليس متوذي منهن .. الله يهلكهن ...

بس لو فكرت ترى هالبنات بالأساس مافوقهن رجاال يربونهن ..

يعني نرجع بأن الرجل هو أساس الغلط ,,

اولاً:: في تبعه للبنات الصايعات لانه عرف يعطيهن اشكل مهب يدرج معهن بعدين يقول هن السبب في فتنتي ..

وثانياُ:: أنه ماربى بناته والا خواته وخلاهن يأذّن عيال الخلق..

يعني البلاااء من الرجااال .. :)

[أمــ الحب ــير]

مراحب خيتووو جمان ,,

صدق تعجبت لما أنغلق الموضوع مدري ليه .. لاكن حلو أنو فتحتيه هنا ...

بس فتحتي الموضوع وأنتي للحين مافهمتي شنقصد أنا واخوي الحنتريش ..

و أتضح لي من كلامك وردودك أنو تكلمتي عن شئ أنتي تجهلين فيه ..
وفوق هذا رميتي بالتهم ولازلتي مكابره على رأيك ..

أختي جمان مو عيب أنو نغلط بس العيب أنو نستمر في الغلط ونكابر ..

الله لماخلقنا ماخلقنا واحنا نعرف بكل حاجه ونبت بكل حاجه ونقيس الأمور حسب أهوائنا ..

عالعموم هذا نص ردي في الموضوع السابق ولم تجيبي عليه لذا أتيت به هنا ..


أخوي أسير الحب أول شيء أشكرك على لباقتك في الرد ..ولكنك على مايبدو أخذتك الحميه وقرأت ردي قراءه سطحيه خاليه من أي تمعن ..
ثاني شيء خلني أمشي وياك حبه حبه ..علشان أوضح لك أخطائك في فهم ردودي ..

مرحباأختي جمان ..
العفوو أختي ..
أولاً أنا لم تأخذني حميه لأحد ولم أقرأ ردك قرأه سطحيه بل قرأته بتمعن ورويه ..
نمشي حبحبه عشان توضحي لي ..




هل مقياس العقليه لديك هو أن أبرأ من أمامي دون النظر للطرف الاخر في القضيه؟؟؟

لو كانت الأخت غيداء مخطأه لما كتبت أساساً هنا ماحصل لها ...!!


نحن لم نستمع الا لرواية قطب واحد من أقطاب القضيه لذلك لانستطيع الحكم عليها بأنها بريئه من أي شيء ..

وأن كانت غير بريئه فما مقصدها من كتابت مثل هذه المواضيع ..؟؟

وهنا وقعتي في الخطأ مرة أخرى ..




لا أنا فاهمته زين ..وعارفه ان مقصدها هو ان بعض الشباب مايستحون ولكن لا يعني ذلك أن أصفق لها وأقول أنت على حق في كل ماقلتيه ..

طيب ممكن تفكرين في حل لها مانبغى صفقه منك ...!!




أنا ماشفتها ولاحتى انت ماشفتها لذلك حنا الان متعادلين ..

مولازم أشوفها أنا أطالع بعيني مثل حالتها وأكثر ..
وفاهم في الأمور هذي أكثر منك ..
ألا أذا أنتي أخبر مني ..!!؟؟هنا أقول stop


وكلامها بأن الناس مادافعوا عنها هو اللي خلاني أقول هالكلام لأن أي شخص يبي يشوفها محتشمه راح يحط في باله انه ممكن اخته المحتشمه تصير بمثل موقفها وراح يساعدها وياقف معها ..

أختي جمان هذا دليل منك أنو أنتي للحين تجهلين في المجتمع اللي
عايشه معاه وأنك ماقد صادفتي مثل الأشياء هذي ..
أي مساعده اللي تتكلمين عليها ..؟؟
زمن المساعدات ولى وراح أحنا بزمن الفرجه ,,
الناس جاهزين للفرجه عندك مسرحيه بتقدميها بيكونون أول الحاضرين ..
لاكن مساعده أنسي الكل يقول يالله نفسي ..


وغير كذا هي قالت انها خايفه من الهيئه ..وتأكد أن الهيئه لو رأتها محتشمه لن تأخذها معها اذاً لماذا هي تخاف من الهيئه ؟؟بل على العكس رجال الهيئه سيدافعون عنها ..

هاك أنتي تردين وتقولين لوأنها محتشمه ..!!!<< هذا خطأثاني

طيب شذنبها أذا كانت تخاف من الهيئه ..!!
وماتعرف تتصرف في مثل ذالأمور لأنها ليست خبيره فيهم ..!!

تكون مو محتشمه عدل ,,,



وواثق الخطى يمشي ملكاً ...يعني ماراح تخاف من الهيئه لانها واثقه من برائتها ونفسها ..

واثق الخطى ماقد عرف طريق الهيئات وغيره ..
عشان كذا خافت مابغت تعرف طريق الهيئه لأنها واثقه من برائتها ..

جمان أصابعك مو سوا وأذا أنتي ماتخافي غيرك يخاف لاتقيسي الناس
على نفسك ..



معك حق لكن كان من الأفضل لها أن تأخذ معها أحد ..
واعلم أنه لو لم يكن معها أحد فلن يقترب منها حينما هددته بالهيئه ..


والحق على عبدالحق << لازم أطالبه فيه على باله نسيت ..!!

لاحووول .. أسمحي لي أختي جمان أقولك بعد أنا مع وين تفهمين ..؟؟
أنا قلت لك في ردي السابق الله العالم وحده ..شنو ضروفها ..
ممكن يكون ماعندها أحد ..
ماتروح للسوق وغيره كذا ..
تردين تقولين من الأفضل أن تاخذ أحد معاها ..!!
خلاص بكلمها تاخذ جارتهم وعيالها المره الثانيه ولا تزعلين ..





هذه مشكلة القراءه السطحيه لردي ..


صدقتي دائماً نواجه مشكله في القرائه السطحيه ..


للأسف أنك لم تنتبه لعلامة التعجب التي وضعتها ..


أي علامه أكثر كلامك وردودك فيه علامات ..


والتي أقصد فيها استغرابي من كلام رواء الروح حيث أن الخير والشر في كل مكان ..وشباب القصيم يخطئون كغيرهم ..
وأقول لك ليست جمان هي من ترفع أناس وتنزل أناس وتعمم عليهم ..

فيه تناقض بكلامك .. جمان !!
الا ان كان أهل القصيم وشبابهم غير ..
هنا رد ..
أنا ماقلت ان شباب القصيم مطهرين ولا قلت دنيئين بالأخلاق وانما هم كغيرهم فيهم الصالح والطالح ..
وهنا تغير الرد ..
ممكن ترسيني على شط ..؟؟






بالتأكيد أن كل ديره فيها الخير والشر ويكون في علمك اني من أهم الأساسيات التي أنتهجها في فلسفتي الاجتماعيه هو هذه الجمله ..
الزين والشين والخير والشر في كل مكان..ولاللتعميم ..
وبامكانك سؤال أي عضو يعرف جمان في المنتدى العام ..
أو لأسهل عليك يوجد لي موضوع عن هذا الشيء ..

واساسياتك تناقضين فلسفتك ..!!
أنا لست من مرتادي القسم العام كثيراً
ولاكن أذا كانت فلسفتك هكذا ,,
فهي حتماً جديده (( فلسفه بلغة التناقض )) ..
سأقرأ عنها بكل تأكيد ..





لا أنا ماقلت ان اللي تلبس برقع أونقاب هي لعابه ..ويكون في علمك اني ألبس برقع أو نقاب اذا جيت أروح للسوق أو أي مكان ولاأعترف بالغطوه ..
ولكن لم أتعرض للمضايقات ..قد أكون أتعرض لنظره حينما أفتح النقاب وتظهر عيني ولكن أسارع بتغطيته وألتفت عن الرجل ..لأبين له أنني لست ممن أراد ..


حلو مافيه أعتراض على النقاب والبرقع .. وأنها من أهم الأسباب للمضايقات ..
يمكن أنتي ماتعرضتي لمضايقات مثل غيرك مع أنو لبستي برقع ..
بس غيرك محتشم وحتى برقع مالبس وتعرض لمضايقات ..
للمره الثانيه أقول لك لاتقيسي الناس على نفسك ..
خيتو جمان أنتي لوشفتي بعيونك كان ماقلتي ذالكلام ..



أنا ماأسأت الظن بأحد كل اللي قلته مجرد توقع وشيء مماشاهدته في الواقع وكان بامكانها أن تنفيه وتخبرنا ماذا ارتدت ..

لاحووووووول كيف ماأسأتي الظن لأحد .. وردك الأول عليها شتسمينه ..هجاء!!

أخبرتك ماذا أرتدت .. (( تقول لبسي عادي )) ..




ظهر الحق ...هذاك قلتها بنفسك البنات لهم دور ..

وأنا أخفيت الحق عشان يظهر ..
أيه قلت لك البنات فيهم حقهم مانبخس حق أحد ..كل وفيه شره ..

طيب ممكن توضحي لي مقصدك في عبارتك البنات لهم دور عندما ظهر الحق ..؟؟


وأنا جبت طاري ان الخطأ على الولد لحاله؟؟؟؟؟؟؟؟
أنا قلت ان البنت تكون مشتركه في هالشيء ..ووضحت كلامي هذا في ردي على رواء الروح ..

لابس خفت يطري عليك .. تقولي بس الولد ..!!
أنتبهي تراني بخلي الحنتريش يغازلك ويسبب لك مضايقات هه


على مايبدو انك أخذتك الحميه لبنات الشرقيه وعيالها ..
وأغضبتك هذه الجمله والتي فهمتها خطأ..

صدق والله يعني واضحه الحميه علي ..!!<< غريبه ماأشوف أنها واضحه علي ,,

لم تغضبني جملتك لأنها أساساً أتت على دفعتين ..
لكل دفعه معنى أذا وضحتيهم وضحي أيضاً أين تكمن حميتي في ردي ..؟؟



أعيد هذه الجمله لك ..فأنت لم تفهم مقصدي ..وأسأت الظن بي لمجرد أنك لم تنتبه لعلامة التعجب ..
هل يجب علي أن أسهب في الشرح لكي لايفهمني أحد خطأ..؟؟
ماذنبي اذا كنت قد وضعت اشاره تدل على استغرابي ...ويأتي من لا ينتبه للعلامات ويسيء الظن بي !!

وعلامة التعجب هذه ماذا تدل في كلامك ..؟؟
هل ستغير معنى كلامك المقصود ..؟؟
وأنا لم أسئ الظن فيك ولاكن أجبتك بماأحتواه كلامك من معنى ..
وأنا أنتبه جيداً لجميع العلامات .. حيث أنا أضعها كثيراً ..
ولاكن أنتي اللتي لم تفهمي لماذا توضع العلامات ..
توضع علامة التعجب عندما أخبرك بشئ غريب أو مفاجأ..!!<<هكذا ..
وليس كما وضعتيها أنتي ..



ايه ماقصروا بالرد علي ....لكن كلهم وأنت كذلك أخذتكم العزة وصرتوا تتكلمون عن طريق النظر بعين واحده..

لم تأخذني العزه أختاااااه ..

ولم أتكلم بعين واحده بل تكلمت بكلتيهما ...

قد تكوني أنتي تكلمتي بعين واحده ولم تنتبهي او ربما كنتي منهكه
عندما أردتي الرد ..






خيتووو جمان أسمحي لي أقولك أذا رديت المره الجايه بجيب وياي
عجراء وسبوره عشان أنا اللي بشرح لك مو انتي << لايروح بالك أنو راح أطقك
لامحشومه بس بخوفك أذا ماركزتي معاي ..
راح أشرح لك :
1- الفلسفه .. << وليست فلسفت التناقض ..
2- أصابعك مو سواسيه << طالعيني لاتطالعين أصابعك ..
3- علامات الترقيم .. (!)(؟)(,)(.)والبقيه ..

إذا أستجدت حاجه غير ذول مو مشكله كم جمونه عندنا مافيه غيرك ..
وأعتبريني أخوك الصغير يفهمك موضوع يمكن تجهلين أغلب جوانبه ..
وأنا وربي يعجبني حماسك وغيرتك بس الدنيا يقولون تعليم وانا اخوك..
وأنتي بنيه والبنيه تجهل فبعض أمور الشوارع ...

تقبلي مني كل الأحترام والتقدير ..





أرجو منك أختي جمان التروي عند الرد ..

تحيتي لك ,,

[لعيووووونك]

محتشمه أو خالعه كل ملابسه كل هذه الامور متقاربه لبعضها !
فيه شباب يخقون على لباس المرأة المكشوف وفيه نوعيه اخرى يتلذذون عندما يعاكسون المرأة المحتشمه التي طالعI من بيتها بدون محرم .. يعني الشيء بالعقل .. طالع بكل هذا الإحتشام والستر ولا معاها محرم .. أكيد هذي تحته خطين ومعرضه نفسها للشبهه .
أساس الشيء أن البنت ما تطلع لإي مكان ألا معاها محرم لها أبوها أو أخ لها يزيد من هيبتها .. مو تجيب لي بزر توه فاطم من أمه وتروح وياه لا !
أما من حيث غيداء .. لو هي عندها سرعة نباهه أو تفكير كان طقت هذا الشخص بدون أخذ اراء من أحد اخر .. بلا هيئه بلا هك .. الناس صارت منتالي كلن نفسي نفسي يحبون الفرجه والتشمت على خلق الله !
الزبدة أن غيداء سارت بطريقه السليم بس لو هي فارشه هذا الشخص بالإرض وطابة على بطنه وتعطيه كم ركبه .. كان تصير بنت عن ألف رجل من رجال الهئية !

وتحياتي والسلام قبل الختام

بايووووووووووووووووو

[جمان البحر]

اخت جمان خلينا نصدق مع انفسنا قبل ان نصدق مع الناس
بالبدايه انتي اتهمتي البنت وجزمتي بالاتهام وتقولين ان لبسه مب محتشم
وبعد ماشاركت انا وطلبت منتس عدم الاتهام قلتي انك تتغازل المتحشمات
ونقاشنا كله عن عدم الاتهام وعن ان الشباب الحين يغازلون المتحشمه او المتبرجه
والكبر هو من صفات ابليس حينما عصا امر ربه بالسجود لاادم عليه السلام


الحنتريش .انا مازلت مصره على أن لبسها غير محتشم ولا تقول لي انك اتهمتيها اتهام باطل ..
أما أنت ..للأسف اني ماادري وشلون أنت تستوعب الكلام..أنا سألتك سؤال وقلت لك لو كنت تغازل هل راح تفكر تغازل المحتشمات ؟؟؟
وأنت مسكتها وصرت تردد بأني اتهمتك ..
أقول روح هناك يا عمي قاعد تدور أي شيء علشان تخليه بصفك ..

جدا حلو وانا اخوتس انتس اعترفتي وهالجمله تكفين لانتس اقتنعتي بكلامي وبوجهة نظري
وبما انتس غيرتي رايتس يجب انتس تعتذرين من الاخت غيدا فيمكن هي من ضمن الي قلتي عنهن انه قد تتعرض (المتحشمات)

ما فيه داعي للأسف لأني باااااااااااصمه بأنها غير محتشمه ..
وأنا ماغيرت رأيي لأني سمعت كلامك وانما أضفت الى رأيي لأني سألت الناس اللي أحسهم فاهمين ويجابون بدون كبر وصدقتهم ..
وأنت ماقلت قد تتعرض المحتشمه للمعاكسه وانما جزمت وبصمت في كلامك وكأنك تقول خلاااااااااااص كلامي قرآن منزل من السماء ..

انا اعطيتس مثل يبين انه في الغالب يكن الحق مع الاقلية
ولاتسالين الشيخ ولا شي انا عندتس اعلمتس والموضوع يبي تشغلين مختس وتحاولين تفهمين ولاتاكلين وانتي تقرين عشان تفهمين


وأنا أقول لك أنت جايب كلامك من فرااااااااااااااااااغ مامعك أي دليل مقنع في هذه القضيه ..والأدله اللي ذكرتها كلها ما تدعم موقفك هنا ..
هههههههههههههههههههههه..تراي مااحب آكل وانا عند الكمبيوتر ..ولا مثل بعض ناس يكتبون وهم مابعد أفطروا واشتغل المخ عندهم ..
ههههههههههههههههههه منين لصالحتس
طيب خلين اجيب سبوره وقلم اشرح يمكن تفهمين
لو تزوج واحد على زوجته وراحت زوجته تشتكي لصديقاته او قريباته وهي تصايح وتبدا تهدد والله ماخليه تطب بيتي ومدري ايش تلقين اغلب الي عنده يأيدنه ويشجعنه ولكن به وحده تقول له ياغبيه اكبسي زوجته الثانيه لان الزواج صار وخلاص وامسكي العصا مع النص لايطلقتس وماتلقين من يضفتس انتي وبزرانتس
بهالقصه الاغلبيه والمطبلات كثاااااااااااااااااااااااار
اما الي على حق وحده يعني قليــــــــــــــــــــــــل
وتم الشرح بالتفصيل بان الكثره لاتدل على الحق


ولا هذا يساعدك ..لأن اللي ذكرته من الحريم مب من الرجال ..
وأنا مهما قلت موقفي صححححححححححح..

معليش لو انتي تفكرين صح ماقلتي تسذا لان الي تلبس العبايه الفاتنه في الغالب تلبسه للفتنه والاستمتاع بفتن الشباب ومستحيل مستحيل تشتكي من المضايقه وهي تسذا
لا أنت غلطان يلبسن ويجن يشتكن ..
لأنهن بس يبن الكشخه قدام الناس وبالأخص الشباب وينسن انه ممكن يتعرضن لمعاكسات ..

الغير متحشمات وانتي قلتي قد تتعرض المتحشمات للمعاسكات
وبعض الشباب الحين يفضل المتحشمه ولاتسالينن ليش لاني مادري بس يفضلون المتحشمه


طيب اذا صرت مب من اللي يعاكسون ولا تعرف ليش هم يعاكسون ليش تبي تخلينا نلتزم برأيك ..؟؟
رأيك شيء منه صح وشيء منه خطأ ..يعني أنا أبي آخذ الصح وأترك الخطأ ..

معناها انتس تتبعين هوا النفس لانه هذا اتباع الهوى ولكن قولي حكمت مب اتبعت ولو حكمتي عقلتس قبل تشاكرين تسان احسن عشان ماتتهمين البنت
ويمديتس تحكمين عقلتس وتعتذين عن الاتهام فقط


لا ما اتبعت هوا نفسي ..ليش ماتصير أنت اللي تتبع هوا نفسك ؟؟
أنا اتبعت العقل والمنطق مب ( القلب ) ..
تعترفين وانتي تو تقولين انتس محكمتن عقلتس
يعني تبينه تجيب دبابه والا قنبله تفجر بالمنتدى او تلبس حزام ناسف مثلا عشان تدافع عن نفسه؟ بعد مااتهمتيه اكتشفت ان مالتس الا رايتس وريحت راسه


وش أعترف به ؟؟
قالوا لك مسويه جريمه ..ههههههههههههههههههههههههههه..
أنا مازلت على كلامي تجاه غيدا ولا راح أغيره الا بعد حضورها ودفاعها عن نفسها بنفسها ...
ولا مسكت العصا بيد والنعله بيد وقلت له ياويلك تدافعين عن نفسك ..انا سالته سؤال ولا جاوبت وكان بامكانه تجاوب علشان أشوف هل في امكانيه اني أتراجع عن كلامي ولالا ..
واللي ماخلاه ترد هو انها على خطأ ولبسها مب محتشم ولا كانت ردت ولا اسكتت وكانت تدخل للموضوع وتهج ...

المحتشمه = حلاوه مغلفه
المتبرجه = حلاوه مكشوفه
فكل واحد يحب نوع من هالحلاو بس ناس يبي المكشوف عشان مايبي تعب وبه ناس يبون المغلف


بس ما يلاحق المحتشمه غير اللي في قلبه مرض ...وهم القله ...
يعني ماتقدر تعمم عالكل ...

انا داري ان هذا الي فاقع مرارتس وتحسبينه دفاع بس انا قلت لتس لاتتهمين لانتس على طول اتهمتيه وردودتس ان ماوسعهن صدري احطهن بالبرحه اذا كانت تخصن وللفايده لعل وعسا تفهمين
يارب وش دخل غيدا بالموضوع هالحين هههههههههههه
(( انا واياتس نتناقش عن الشاب هو بس يلحق المتبرجه فقط والا بامكانه يلحق المتحشمه )) انسي غيدا وموضوعه خلي النقاش عام لاتجيبين طاري البنت ولاتذكرين شي مالي حق اجاوب باشياء تخصه
مير اتضح لي ان قصدتس فش خلق لااكثر من التمسك برايتس وتبيننا نقول انه متبرجه غصب والقصد كثرة بلبله عليه ولكن مب حاصل لانتس اعترفتي وتراجعتي بس مازلتي تكابرين بعدم الاعتذار


خخخخخخخخخخخخخخخخخخخ..
وأوامر سموكم الملكي اللي قبل وش تقول به ؟؟
كل رد والثاني تقول اتهمتي البنت واعتذري له كأنك أبوه ولا مصلح اجتماعي ..
أنا مازلت مصره على رأيي بخطأ البنت ...
ومادمت تقول خليها على جنب ..اوكيه بخليها واتناقش انا وياك باللي تبي بس عطنا كلام واحد مب تشطح بنا من زاويه الى زاويه ..
هات رأيك كذا واضح من دون ماتمسك كل كلمه لي وتعلق عليه ..
وماشاء الله عليك صاير تقرأ أفكار الناس وعرفت وش انا أقصد هههههههههههههههههههه..
لا يااخيي ماقصدت هاللي تقوله ..قصدي من الموضوع واضح وذكرته ...
وهذاك ترجع وتقول اعتذري يعني انك مازلت تبينا ندخلها معنا بنقاشاتنا ..عجبي منك ..

أنا ماغيرت رأيي من ناحيتها لأني قلت لها كان استنجدتي بالهيئه وهي تقول انها كانت خايفه منهم واللي واثق من نفسه مايخاف من أحد لانه عارف انه على حق ..
لكني أضفت الى رأيي أشياء كنت أجهلها وبالعكس فرحت فيها لأنها راح تفيدني مستقبلاً ..

بالبدايه كنتي خطاء 100% وتراجعتي وصرتي بين الاثنين وعقبال ماتفهمين وتصيرين مع الصح
دامتس اعترفتي وتراجعتي يجب ان تعتذرين وتسحبين الاتهامات
ولاتنسين قول الله تعالى (( الذين يرمون المحصنات))


لا ماكنت على خطأ 100% لأني كنت ماأعرف بالموضوع زين ويوم سألت وعرفت خلاص لازم اني أمشي بالصح اللي عرفته ..

وبعدين وش قالوا لك ناقصه فهم أنا ..؟؟؟
لا .الحمدلله فاهمه زين ورأيي هذا واللي اتخذته عن سؤال ومعرفه باللي قاعد يصير لايمكن اني أغيره ..
هههههههههههههههههههههههههههه..
هذاك ترجع وتجيب طاريها ...ودي أدري ليش تناقض نفسك ..؟؟
تقول مانبيها بنقاشاتنا وترجع تقول اعتذري لها ...وقسم انك قاعد تناقض نفسك ..

هالرد يوضح انتس ماتبحثين بعقلتس عن الصواب بكثر ماتمشين مع الكثره لانتس اعترفتي انتس مع ردود الاخوه وانا منبهتس عنه يوم اعطيتس امثله عن الانبياء والمشايخ


لا أنا أبحث بعقلي بس قلت لك من قبل يوم سألت وعرفت اتبعت عقلي ..
ولا كان بامكاني أتبع الناس اللي قالوا ان المحتشمه لايمكن تتعرض للمعاكسه واللي كان رايي قبل لااعرف ..
ويكون في علمك ان اللي قالوا انها قد تتعرض للمعاكسه ينعدون عالاصابع ...

من تقصدين؟ >>> مايدري من تقصد ههههههههههه
فكرنا بالعقل ومااقتنعتي وحاولت اخليتس تفكرين بعقلتس ولكنتس مصره على اتباع هوى عاطفتس مع الاغلبيه من الردود
اما عن قولتس ان المتحشمه تنادي الهيئه انا اقول لتس يمكن تناديهم ويمكن تصير تستحي او تخاف من تبعيات من سوء نية الزوج او الاخ اوغير ذلك وماتناديهم ومب كل المتحشمات ينادن الهيئه وربما ان المتسكعات ينادن الهيئه لابعاد الشبهه عنهن

طيب هات تفكيرك اللي فكرته بالعقل مااشوفك جبته ..كلب اللي قاعد تسويه تقتبس كلامي وترد عليه بحذافيره من دون ما تذكر رأيك واااااااااااااااضح بأي مقطع ..

قد وقد وتكثر القدقدات <<<ماادري من وين جت ..
ايه المهم قد تكون تخاف وقد تستحي ووووو ..لكن في النهايه ماتخاف من الهيئه لو جو لانها عارفه انها مع الصح ..
ياحليلهم هالمتسكعات على قولتك ...وسيعات وجه طيب رجل الهيئه ماله عيون ويشوف لبسها ..
هي ممكن ماتخاف منه بس هو ماراح يخليها لأنه شاف لبسها الغير محتشم ..

[غيدا]

تعليقي يا جمانة على كلامك

يوم العرض الاكبر عند الله

سلااااام

[لعيووووونك]

تعليقي يا جمانة على كلامك

يوم العرض الاكبر عند الله

سلااااام

لا إله ألا الله
الشهود ملائكة.
والقاضي أحكم الحاكمين !

[برود الثلج]

بالمناسبه أحب أعلق بخصوص أسواق الراشد بالشرقيه تراه أشهر من نار على علم أنه حق مغازلات ويجون له من كل الأقطار البحرين ونجد والشمال والجنوب طبعاً بتوصيات الشباب والشابات ،،
ثانياً الحلال بين والحرام بين وبينهما شبهات وعلينا أتقاء الشبهات كم أوصانا المصطفى عليه صلوات ربي وسلامه ،،
وثالثاً : الأسواق من الأماكن البغيضه والمكرهه عند الله لأن الشيطان يقعد عند بوابات الأسواق وووووو أكمل / ي ....... الغراغ ؟؟


وياحفيدات عائشه و فاطمة رضي الله عنهما قرن في بيوتكن ولا تبرجن تبرج الجاهليه الأولى وأن أستلزمت عليكِ الحاجه فأخرجي بكامل حشمتك ووقارك بصحبة محرم بالغ عاقل وأتقين الله وكن عابدات سائحات ،،،،

والله الهادي إلى سواء السبيل ،،

[الحنتريش]

الان حصحص الحق
وشلون تبينن اطلع من الموضوع وانتي كل كلمه والثانيه تاكدين عن لبس البنت انه مب محتشم واتكلم عن العموم وانتي مع كل رد لتس على الاعضاء تفرحين اذا قالو مب محتشم ولو عممو الموضوع رجعتيهم للبنت نفسه
جمان تبين الصدز عاد؟
منول متوقع انتس تفكرين بافمتس واقول لعل وعسا تفهم بحكم قرب الفم للمخ اما الان اكتشفت انتس احد امرين اما مابتس مخ ابد وبمتسان المخ زبادي خربان او انتس تعاندين وبس
وبما انتس مازلتي مصره على انه ماتحشمت انسحب من النقاش لاني انفخ بقربتـ(ن) منشقه وماراح تفهمين لو افك راستس واحط المعلومه بوسط المخ يؤ قصدي بوسط الزبادي
احس ان الموضوع منزلته اما تصفية حساب او حقد على البنت لااكثر
جمان بس ابعطيتس بعض ردودتس على الاعضاء بالموضوع الي انتي حطيتيه للنقاش بالعام وترا الي يمشي مع كلام الناس ومايحكم عقله يسمى إمعه لانه يتبع النعيق ولا يتحقق من الحقائق
مع انتس انتي بنفستس جاوبتي تسائولاتس الي حطيتيهن بالموضوع وهن
رقم المشاركه 1 بالصفحة الاولى
ا
وأنا وددت عرض الموضوع هنا لأن المنتدى مخصص للنقاشات على عكس الاستراحه ..
فأنا أريد آراء الشباب أنفسهم ..هل ماقاله الأعضاء من أن الفتاة قد تتعرض للمعاكسه وان كانت محتشمه ..؟؟
وكذلك الفتيات ..هل تعرضت احداهن لموقف معاكسه كما حدث لصاحبة الموضوع ..وهي محتشمه ..؟؟

كل واحد قال وجهة نظره وبما فيهم انتي لانتس قلتي قد تتعرض المحتشمه للمعاكسه
بالصفحه رقم 5 مشاركه رقم 62
ا
غيرت رأيي الان قليلاً وهو أن المحتشمه (قد) تععرض للمعاكسه
هنا جاوبتي السؤال الاول بنفستس انه قد تتعرض مما يمنعنا باتهامها بالتبرج
اما الجواب على السؤال الثاني قالته تلميذة الحياة بالرد رقم7 بالصفحه 1
وهامه حاسوبيه بالمشااركه رقم 36 صفحه 3
هنا الرد رقم 41 صفحه 3
ا
وانتي قلتي انتس تلبسين البرقع والنقاب تسمحين لنا نقول انتس متبرجه؟؟!!
بالتأكيد لايصح لنا ذلك وكل مافعلته هو أنني قلت ماأراه في المجتمع ..
وأعترف بأنني تحسفت لأنني تسرعت حين اتهمتها بلبس ذلك اللباس
ولكني الان أجزم وأبصم بأنها مخطئه في لباسها
تقولين تحسفت بالحكم على لباسها وترجعين بنفس الوقت تأكدين عدم حشمتها!!!!!!!!
مشاركه رقم 70 صفحه 5

الحنتريش .انا مازلت مصره على أن لبسها غير محتشم ولا تقول لي انك اتهمتيها اتهام باطل

نفس المشاركه

ما فيه داعي للأسف لأني باااااااااااصمه بأنها غير محتشمه
واضح جدا انتس متحسفه على اتهام البنت من هالرد
المشاركه رقم 22 بالصفحه 2
ا
وقد تحدثت في هذا الخصوص مع احد بنات جده والتي تردتي عباءه ذات أكمام وفي أطرافها صفين كريستالات وتقول انا عبايتي كذا لأن أبوي (مطوع) فسألتها هل هذا هو مقياس المحتشمه لديكم فقالت على الغالبيه نعم
هذاتس قلتي ان عندهم العبايات المحتشمه به زركشه ويمكن هالشاب طاف بالمغازل ويحسب هالعبايه للي يغازل
مشاركه رقم 28 بالصفحة 2
ا
وللأسف أنني حين سألت تلك العضوه قالت لبسها عادي ...أي لبس هو عادي بنظر من يلبسه ..ولم تشرح لي وللبقيه ماذاكان شكل عبائتها لتدافع عن نفسها ان كنت كما قال البعض أسأت الظن بها

دام قالت لتس عاديه وش تبين اكثر اما كما قال البعض يبيله مترجم لانتس باكثر الردود تقولين انه غير متحشمه والحين صار الي يقوله البعض انتس اساتي له
مير اغديه تجيب صور عباته ونقابه تحطهن تشوفينهن مع اني متوقع لو تقسم لتس على القران انه متحشمه ماصدقتي
لكن شكلتس نغرتن منه ياجمانه
ومن هنا اجاوب تساؤلاتك
جـ 1 قد تتعرض المتحشمه للمضايقه من شاب صايع
جـ2 منب بنت ولكن اتوقع ماتسلم البنت لاصارت لحاله بسوق ضايع
جمان اعرفي ان الكبر اخرج ابليس من الجنه حين عصا امر ربه اذ امره ربه بالسجود
واتمنى انتس تراجعين اوراقتس وتراتس تتسالين عن هالعناد يوم القيامه لان كلامتس حجة عليتس (بقذف المحصنات) حينما تكونين بحاجة الحسنه الواحده
واتمنى انتس ماتعتبرين هالمناقشه دفاع او هجوم بقدر ماهي تنبيه لتس ومحبة اخت فالله لااكثر ومناصحه لان المؤمن مرأت اخيه واتمنى انتس تستغفرين وتعتذرين منه وتطلبين الحل واعرفي ان النصيحه العلنيه تسمى فضيحه
اما انتي يا غيدا اذا لي خاطر عندتس تحللين جمان وتنسين الي صار ولاتنسين ان المصطفى صلى الله عليه وسلم طعن في عرضه وهي (عائشه) ام المؤمنين رضي الله عنها
وأنه اوذي من يهود الطائف ومن كفار قريش ومع ذلك سامحهم وعفا عنهم
فكيف بنا نحن المقصرين ولاتنسين العفو عند المقدره
وترا لاحللتيه يجيتس اكثر اجر
خلاص اخر مشاركه لي بالموضوع لان الموضوع اخذ اكبر من حجمه وانتي متمسكه برايتس

[جمان البحر]

ليسمح لي الاعضاء بالرد على الحنتريش قبل الرد عليهم وبالاخص أسير الحب ..


أخوي الحنتريش ..
الحين وش فيك قاعد تحاول تقلب الطاوله علي ..؟؟؟

أنا قلت اني حطيت الموضوع لأني أبي أشوف هو أنا على صح ولا خطأ ووجدت ان اللي لهم خبره بالمجتمع أكثر مني حطوني في المنطقه المحايده ..
وودي أدري هالحين اذا انا مالي مخ اجل وش اقول عنك ..؟؟هالحين كل هاللي انا قاعده اقول وقاعد انت ترد علي بتشطيحات ماادري من وين تجيبهن ..
أنا مااتبعت أحد وقلت لك وبالفم المليان أنا الان أجزم بأن المتبرجات يتعرضن ل99%من المعاكسات بينما المحتشمات1% ..وبالسنه حسنه ..

وولله الحمد والمنه ماخبرت نفسي تابعة لاحد برأيه الا ان كنت أنت تبي تحكم علي بهالشيء هذا فهذا راجع لك ..

وانتي قلتي انتس تلبسين البرقع والنقاب تسمحين لنا نقول انتس متبرجه؟؟!!
ايه نعم البس النقاب لكن فوقه غطوه ماافتحها الا وقت الحاجه ووضحت هذا الشيء بأحد ردودي ...

أما كلامي باني تحسفت فانا تحسفت (في البدايه) وهالشيء واضح في ردي وفي اقتباسك له ..
لكن بعد ماسالتها السؤال ولا جاوبت بصمت ..

دام قالت لتس عاديه وش تبين اكثر اما كما قال البعض يبيله مترجم لانتس باكثر الردود تقولين انه غير متحشمه والحين صار الي يقوله البعض انتس اساتي له
مير اغديه تجيب صور عباته ونقابه تحطهن تشوفينهن مع اني متوقع لو تقسم لتس على القران انه متحشمه ماصدقتي
لكن شكلتس نغرتن منه ياجمانه
طيب وش مقياس العادي عنده ؟؟؟؟؟؟؟؟
ووش مقياس العادي عند الشاب اللي لاحقها ..؟؟
هههههههههههههههههههههههههههههههههههه..أجل انا صرت نغره منه ..!! وش عليه ياحسره ..
على ان فيه شاب لحقه بالسوق ولا علشانه ماعرفت تدافع عن نفسه اذا كانت على حق مثل ماهي تقول ..!!
الحمدلله ألف مره اللي رزقن عقل أعرف أختار فيه الصح من الخطأ ..

جـ 1 قد تتعرض المتحشمه للمضايقه من شاب صايع
قلتها (قد) يعني بنسبه بسيييييييييييييييطه ..

جمان اعرفي ان الكبر اخرج ابليس من الجنه حين عصا امر ربه اذ امره ربه بالسجود
واتمنى انتس تراجعين اوراقتس وتراتس تتسالين عن هالعناد يوم القيامه لان كلامتس حجة عليتس (بقذف المحصنات) حينما تكونين بحاجة الحسنه الواحده
واتمنى انتس ماتعتبرين هالمناقشه دفاع او هجوم بقدر ماهي تنبيه لتس ومحبة اخت فالله لااكثر ومناصحه لان المؤمن مرأت اخيه واتمنى انتس تستغفرين وتعتذرين منه وتطلبين الحل واعرفي ان النصيحه العلنيه تسمى فضيحه

أنا الى متى أبقول لك أنا ماكابرت وأكبر دليل هو اني عرضت الموضوع هنا وقبلت الأخذ والعطى فيه وغيرت جزئيه من رأيي ..
أما مسألة غيدا فخلاص ماأبي أتكلم أكثر فيها حامت كبدي وأنا أفهمك كلام وترجع ترد علي كأني ماقلت هالكلام قبل شوي ..

أما الاعتذار ليش أعتذر ..؟؟؟ مافيه سبب يدعو للاعتذار ...
لأني قلت رأيي من خلال قرائتي المتمعنه لقصتها وبعد مافصفصت كل جمله قالتها ..
واللي يبين صحة كلامي ولو تبين أجيب شواهد أجيب مع اني كد قلتهن ..

خلاص اخر مشاركه لي بالموضوع لان الموضوع اخذ اكبر من حجمه وانتي متمسكه برايتس
رأيي اللي أنت في البدايه تقول انك تبين أغيره أنا قلت لك اني غيرت جزئيه منه قبل لاترد علي ..
لكن اتضح لي من جملتك هذه انك تبين أغير رأيي تجاه غيدا ...لا أكثر ولا أقل ..


أشكرك على مشاركتك في الموضوع وأتمنى انك تراجع نفسك أكثر وتقرأ ردودي وردوك في كلا الموضوعين بتمعن ..وبالاخص ردودي وتفهم كل اللي ابي اقوله ..

[فيصل...........]

[quote=جمان البحر;1428051]أهلاً بك ..

هاهو شاب آخر غير من سبقوه يؤيدني في رأيي ..

أستغرب من بعض الأعضاء المكابره واتخاذ أسلوب التعميم ..

أخي فيصل أنت مؤيد لنا برأيك من واقع شاب عايش الوضع ويعرف الشباب وطريقة تفكيرهم ..

فأنا توقعت في البدايه من خلال ردود العضوين في ذلك الموضوع بأنني على خطأ لأنني لا أعلم شيئاً عن طريقة تفكير الشباب ..ولكن هاهم الشباب بأنفسهم يأتون ليؤيدوني برأيي ....[/quote
هههه

اتفق العرب علي الا يتفقون خلي في بالك هذا الشي
وانا عند رائي

[جبل السكر]

حياك الله أختي رواء ..
أحييك على التزامك بالحجاب الشرعي ..

أهلين أختي جمان
هـــادا واجب خيتــو أسأل العلي العظيم أن يرضى عن الجميع


ولكن لدي تساؤل لاعب بمخي لعب ..الحين وش جاب شبابنا وشبابكم ..؟؟؟
أنا ماتكلمت عن ان شباب القصيم أحسن من غيرهم نهائياً ..
وانما اللي قلته في ذلك الموضوع هو استغراب مني على كلامك ..
فحينما قلت ..

الا ان كان أهل القصيم وشبابها غير

كان قصدي هو الاستغراب والدليل على ذلك هو كلمة الا ...

سلامة مخكـ نوووني أنا قولت لاتقولي توقعت يتغير مسار الموضوع وتقولي مجتمعكم غير عن مجتمعنا وننسى الموضوع الأساسي <<<<< لاتاخدي في خاطركــ مجرد توقع :)

امممممممممم إنتي تستثني وبعــدها تتعجبــي!

ولكن في اعتقادئي وان وجد الشباب المعاكسون للفتاه المحتشمه فهم قللللللللله واذا نهرتيهم يبتعدون ..

قد يكون كذلكــ أسأل الله لهم الهدايه والصلاح


أختي رواء ..قد تكونين تعرضتي لهذا الموقف وبعض قريباتك لكن ليس بامكانك التعميم على جميع المحتشمات فأنا وقريباتي لم نتعرض لذلك ..
الله يحفظنا وياك من شر الشباب المعاكس..

وي معاذ الله أعمم أنا قولت كتيير ماقولت الكل!!

اللهم آمين يارب


أشكرك على نصيحتك ..
وأنا لم أغتر وأقول أنه لن يقترب مني أحد ...بل ما أقوله هو أنه وان اقترب مني شاب في المستقبل فأنا لن أعطيه المجال لذلك والهيئه ورجال الأمن في السوق سيقفون في صفي لأنهم يرون حجابي المحتشم ويعلمون بأني لست ممن تسمح للشباب بمعاكستها ..وأدعو ربي أن لاأتعرض لهذا الموقف ولا جميع المحتشمات في أي يوم من الأيام ..

لاشكر على واجبكـ خيتو والله يحفظكــ ويحفظ جميع فتيات المسلمين من كل سوء وأن يهدي شبابنا ويجعلهم قدوهـ حسنهـ لغيرهم

تحيتي ومحبتي

[•°سـرىآ اللـيـل°•]

محتشمه أو خالعه كل ملابسه كل هذه الامور متقاربه لبعضها !
فيه شباب يخقون على لباس المرأة المكشوف وفيه نوعيه اخرى يتلذذون عندما يعاكسون المرأة المحتشمه التي طالعI من بيتها بدون محرم .. يعني الشيء بالعقل .. طالع بكل هذا الإحتشام والستر ولا معاها محرم .. أكيد هذي تحته خطين ومعرضه نفسها للشبهه .
أساس الشيء أن البنت ما تطلع لإي مكان ألا معاها محرم لها أبوها أو أخ لها يزيد من هيبتها .. مو تجيب لي بزر توه فاطم من أمه وتروح وياه لا !
أما من حيث غيداء .. لو هي عندها سرعة نباهه أو تفكير كان طقت هذا الشخص بدون أخذ اراء من أحد اخر .. بلا هيئه بلا هك .. الناس صارت منتالي كلن نفسي نفسي يحبون الفرجه والتشمت على خلق الله !
الزبدة أن غيداء سارت بطريقه السليم بس لو هي فارشه هذا الشخص بالإرض وطابة على بطنه وتعطيه كم ركبه .. كان تصير بنت عن ألف رجل من رجال الهئية !

وتحياتي والسلام قبل الختام

بايووووووووووووووووو


بلاخررابيط البنت المحتشمه اتحدى أنساان يتجرأ ويقرب حولها حتتتتى لو مامعها محرم

ترى حنا أعرف بالبنات ماقد سمعت محتشمه تقول شباب تعرضوا لي..

تبطوون عظم توصلون لهن ولا بالكلام ولا بحركه من بعيد أتحدى كل من قال انا شاب يتجرا ويسويها..

بعدين خيرر اشوفك تبي البنت تتحارب مع عيال الخلق .!!!

لا هالشباب الصايع اللي ماتربى لهم هيئه تربيهم مو انا أجي أتوطى في بطونهم..

الرجل خصيمه رجل :b3: << أمحق رجل الاول لكن العرف يفرض علي مناداته برجل.

أنا صح يمكن اتكلم واهاوش بس اتضارب لاماصارت ورااه مااجيب مسدس احسن واقتله وافك المجتمع الاسلامي من شره :b3:

[منصورعبدالله]

باختصار...
البنت تعرف نفسها اذا هي تلفت الانتباه او لا...
سوا لبست نقاب او طلعت يدينها او غيره...


والله يستر على بنات المسلمين...

[شاطئ الراحة]

البعض من الشباب عينه معتاده على النظرة السيئة .. فـ التحرش منه موجود أياً كانت الفتاة متحشمة أو العكس !!


تحيتي لكِ

[علشانك بس]

الشاب اذا صار مشتهي يغازل بيغازل البنت لو كانت متحشمه ولابسه خيشه مو عبايه ,, هذي نقطه
النقطه الثانيه الشاب اذا شاف البنت متحشمه راح يبعد عنها ,, ويروح يدور وحده كاشخه وجايه تستعرض بالسوق مو تشتري

[غيدا]

اللهم فشهد اني سمحت الاخت جمان البحر في كل كلمة قالتها فيني هي وغيرهااا

واحتسب الاجر عندك

سلاااااام

اما ايش لبسه

زي بنات الناس عباية عادية ومن دون نقاب حتى

واقسم بالله العظيم على ذالك

ولا عطر ولا شي

والعباية غير مخصرة

تحياتي للجميع

[فيصل...........]

اللهم فشهد اني سمحت الاخت جمان البحر في كل كلمة قالتها فيني هي وغيرهااا

واحتسب الاجر عندك

سلاااااام

اما ايش لبسه

زي بنات الناس عباية عادية ومن دون نقاب حتى

واقسم بالله العظيم على ذالك

ولا عطر ولا شي

والعباية غير مخصرة

تحياتي للجميع

جزاك الله خير علي المسامحة
بس الثقة في النفس هي لاساس
والباقي خرابيط ليل

[المتلولس]

الله يهدي شباب المسلمين وبنات المسلمين اللهم أمين

[الحنتريش]

(( جاء الحق وزهق الباطل إن الباطل كان زهوقا ))
صدق الله العلي العظيم
ماقول لتس الان حصحص الحق لان الحق محصحص من زمان بس ماطعتين وركبتي راستس والحين خلاص وجب عليتس الاعتذار وسحب التهم وبالغصب بعد
هذا اذا كنتي تحكمين عقلتس مثل ماقلتي

اللهم فشهد اني سمحت الاخت جمان البحر في كل كلمة قالتها فيني هي وغيرهااا
واحتسب الاجر عندك
لله درتس ياشيخه واهنيتس على هالاخلاقيات الاسلاميه ودامتس حللتي الجميع لله ابشري بعوض الخير لانه من ترك شئ لله عوضة الله خير منه
وانا متاكد ان الاخت جمان بتعتذر طالما ان الموضوع للنقاش وانكشف غطاليسه الحين له وتاكدت ان اتهاماته طلعت باطله× باطله

اما ايش لبسه
زي بنات الناس عباية عادية ومن دون نقاب حتى
واقسم بالله العظيم على ذالك
ولا عطر ولا شي
والعباية غير مخصرة
عباة عاديه مب مخصره ولا مزركشه حتى بدون نقاب ومايسمونه احتشام وبعض ناس يلبسون نقابات وبراقع ويقولون حنا متحشمين :11[1]:
الله دنيا بعد قلبتي الموازين ومايحتاج تحلفين لانتس مب عند ركبت الشيخ وانا خوتس الي يبي يصدق يصدق والي مايصدق يشوف اقرب جدار او صبه

اهم شي انتس حللتي الي اتهموتس واثبتي ان المتحشمه يجيها مضايقات من ضعاف النفوس

[نـدى الـورد]

أختي أريج ..
ماذكرته في خاص لها يؤيدنا في أن المحتشمه أقل من الغير محتشمه في المعاكسات ..
وأعتقد أن رد الأخ خالد وضح الكثير من الأمور فهو لمجرد جس النبض فان قبلت استمر وان نهرته وصدته يبتعد ..

لي تعقيبين في موضوع غيدا

يوضح جوانب الخطأ والصوره اوضح


.

[أمــ الحب ــير]

لاحوووووول صار لي سنه أنتظر ردك وآخرتها مارديتي ..,,

مومشكله ننتظر ..

بس نسيت بقولك نقطه كنت بظيفها في ردي ..

من حكم خبرتي في مجال شغلي أستنتجت ردودي ..
يعني المسأله مو حميه أو فزعه أو أستهبال..




وجزاك الله خير أختي غيداء ..

[غيدا]

رسالتي الى الاخت جمان البحر

انت من اوقع نفسك في هذا الحرج واتمنى انه يكون لك درس

انك ما تحكمي على احد وانت ما سمعتي منه

وانا كنت برد على سؤالك في الاستراحة لما قلتي ايش لبسة

لكن للاسف انشغلت ولما رجعت لقيت الموضوع مقفل وانت فكرتي اني خايفه وهربت من الجواب

بعدين نقلتي الموضوع للعام ابغى افهم ليش

كل هذا تبي تبيني انك على حق وكلامك حق........

فيه غيرك قال رايه ومشى ليش انتي اصريتي على انك

تكوني الصح وانا وغيري على خطاء

وهذا واضح من ردودك على الي ايدوك حيث كنتي تقولين وهذا مؤيد وكانك فرحانه

اين نحن من الامام الشافعي حينما قال كنت احاج الشخص واتمنى ان الحق معه

جماااان انا لست ضد النقاش او الحوار ولكن ليس بهذه الطريقة

ان كنتي تريدين الاصلاح فليس بهذه الطريقة فيه رسائل خاصة وان كنتي تريدين الفائدة للجميع

نزلي مو ضوع خاص في الحشمة

واما قولك اني وضعته في الاستراحة لاني زي ما قال البعض فرحانة بقول خطاء

فقد وضعته بصراحة عنوه لامور منها ان الاستراحة بصراحة اكثر تفاعل في المنتدى وليس عندهم

انحيازية ويتابعو الموضوع واكثر الاعضاء فيهااا

بعكس بعض الاقسام ....

وكذالك اخت جمااان

لا اعرف لماذا اخذتي فكرة على طول اني غير محتشمة هل لاني من الشرقية

وان بنات الشرقية وبنات جدة ناس منفتحين وملابسهم غيررر

وان الاحتشام فقط في القصيم

انا قلت لك وحلفت لك اني حتى النقاب مالبس والعباية عادية

لكن ولد ما يستحي شافني وابلشني زي ما قلت

واسئل الله ان لا يوقعك بما وقعت

جمااان الخير والشر في كل مكان وكل بلد

لكن نصيحة لك المرة الجاية يا امورتي انتبهي لكل كلمة تقولينها او اتهام

فيه جنة ونار ومحاسبة وملائكة كرام يسجلو الكلاااام

عرفتي يا امورة

واذا تبي نصيحتي الحين روحي واتخبي تحت اجلال امك لانك الحين

بعتقادي مالك وجه تتكلمين او تردي

وانا كنت بقول لباسي لكن كنت ابغى اشوف اخرتها معاك لاني حاسه انك معتبرتها الورقة الاخيرة الي

كل دقيقة تقولينهااا

وكنت امل انك ترجعين

عن الي في راسك

لكن انت عنيدة ومالك الا رايك

واتمنى تكون لك ولغيرك درس يا امورة امهااا

ههههههههههههههههههههههههه

ههههههههههههههههههههههههه

سلااااااااام

[جمان البحر]

أشكر الأخت غيدا على أسلوبها الأكثر من رائع والواضح فيه لغة الاستهزاء ..

واتمنى تكون لك ولغيرك درس يا امورة امهااا

ههههههههههههههههههههههههه

ههههههههههههههههههههههههه



على كل حال بما أنك وضحت لبسك فأنا الان مالي كلام وكنت أردد من قبل اذا قلتي وش لبسك راح أسحب كلامي ..واللي مخليني مصره سابقاً هو انك مارديتي نهائياً وكل اللي قلتيه لبسي عادي على عكس الحين قاعده تناقضين نفسك وتصفين لبس محتشم الى أبعد الحدود..وأنا الحين مالي الاالظاهر واللي هو كلامك ..

والان أنا أسحب كلامي مب خوف منك أو من غيرك لكن لأن المؤمنين من أقوالهم وأنا عند قولي بأني سأسحب كلامي تجاهك أنت بالذات..مع أنني لازلت مصره على أن الفتاه المحتشمه لاتقع في المعاكسه الا بنسبه قليله وقد تكونين منهن ..

والانسان مب من صالحه يدخل في النيات وأنت بكيفك ان كنت صادقه أو كاذبه فهذا بينك وبين ربك ..

لا اعرف لماذا اخذتي فكرة على طول اني غير محتشمة هل لاني من الشرقية

وان بنات الشرقية وبنات جدة ناس منفتحين وملابسهم غيررر

وان الاحتشام فقط في القصيم


الحمد لله والشكر ..
أنا مب من النوع اللي تحكم على الشخص من خلال منطقته ولعلك تعودين الى ردودي على أسيرورواء في الاستراحه ..


ياأخوان أنا الان عندي اختبارات واذا خلصت راح أرجع وأرد عالكل لكن لو رديت الحين راح تكون ردودي عالسريع ...

الله يوفقني وياكم أجمعين ..

[ولـد بـــريدة]

الســلام عليكم ....

أولاً أبــدأ بتـوضيح أن الشــاب ... (( يخطــئ )) و أيضــاً الفتــاة (( تخطــئ ))

أنـــا إطلعت البـارح على كلا الموضوعيـين الســابق في الإستراحة و هذا الموضـوع ......

فاللي أقــدر أقــوله إن الشــاب مهمـا كـانت جراءاته و إستهباله فمن المستحيــل أن يجـد في مكـان واحد فتـاتان واحـدة ملتـزمة بالحجـاب الشرعي و إذا مشت في السـوق فتجـدها لا تظهـر أعيونهـا و لا تظهــر ماتلبــس تحت عبـائتها و لا تـأكل الشـاب بنظراتهـا ....
و يجــد الأخرى لابسه البرقـع المبين للخـد أو لابسـة اللثـام و إذا حـط عينه بعينهـا لم تصـد عنه و لم تستـر أعينها و فـوق هــذا تبـاعد بين خـطاه لتبيــن بنطــلونها أو تنورتــها القصيــرة أو ماسكـة الجوال (( يعني شوفوني )) و ممكن بعـد تلاقيهـا جالسة على الكرسي و حـاطه رجل على رجـل و مظهره البنطـلون و غيره ..

فمن المستحيــل أن يذهــب للمتحشمــة و يترك الأخــرى ........

أتكـلم من واقــع عمـلي القصيــر الســابق في أحــد الأســواق و اللي شفنـا فيه البلاوي و الفتن و الحمد لله الذي نجـانا منها

و أؤيــد في كـلامي كــلام أخي خـــالـــد حيـن قــال
اختي جمان البحر


الشاب قد يعاكس اي بنت ( محتشمه او غير محتشمه ) كــ جس نبض


فــ بعضهم يصد عن المحتشمه لانه عرف انها ليست من جنسه فلا فائده من اضاعه الوقت في المحاوله فالافضل البحث عن ضحيه اخرى .


و البعض اغواه الشيطان ليؤذيها بالمعاكسه حتى بالرغم من انها محتشمه ربما لان الممنوع مرغوب و هذا الشاب مستميت في المعاصي لايأبه بشيء و لله الحمد

او قد يكون اصرار كـ رد اعتبار لانها صدته


لكن الغالب ان المحتشمه لا يتجرأ هولاء التافهين على الاقتراب منها

شكرا لك

شــاكراً لكم و إن شــاء الله القـلوب صــافيـة و النوايـا سليمــة و الكـل يريــد الخيـر و الهـداية للمجتمــع بإذن الله ....

و الله من وراء القصــد

[جمان البحر]

مراحب خيتووو جمان ,,

صدق تعجبت لما أنغلق الموضوع مدري ليه .. لاكن حلو أنو فتحتيه هنا ...

بس فتحتي الموضوع وأنتي للحين مافهمتي شنقصد أنا واخوي الحنتريش ..

و أتضح لي من كلامك وردودك أنو تكلمتي عن شئ أنتي تجهلين فيه ..
وفوق هذا رميتي بالتهم ولازلتي مكابره على رأيك ..

أختي جمان مو عيب أنو نغلط بس العيب أنو نستمر في الغلط ونكابر ..

الله لماخلقنا ماخلقنا واحنا نعرف بكل حاجه ونبت بكل حاجه ونقيس الأمور حسب أهوائنا ..

عالعموم هذا نص ردي في الموضوع السابق ولم تجيبي عليه لذا أتيت به هنا ..



أخي أسير الحب ..
أعترف بأنني تكلمت في الموضوع في البدايه وأنا جاهله لجزئيه بسيطه منه ..(وذلك لعدم رؤيتي لأي شيء في من حولي )..

ولكن بعدما وضعت الموضوع هنا اتضح لي شيء رددته كثيراً في ردودي على الأخوه وأفردت له رد قبل ردك ..
وهو أن المحتشمه(قد) تتعرض للمعاكسات ولكن بنسبة بسيطه جداً لاتكاد تذكر أو تقارن بالمعاكسات الموجهه لغير المحتشمه ..

أما مسألة غيدا فقد انتهى الأمر فيها وعادت المياه لمجاريها فقد سحبت كلامي الموجه لها كما ذكرت في ردي عليها ووضحت سبب سحب الكلام وهو أنني وعدت بذلك على شريطة أن تذكر نوع لباسها ..
وأنا لم أكابر وانما ذكرت ما يلهمني به المنطق ..




خيتووو جمان أسمحي لي أقولك أذا رديت المره الجايه بجيب وياي
عجراء وسبوره عشان أنا اللي بشرح لك مو انتي << لايروح بالك أنو راح أطقك
لامحشومه بس بخوفك أذا ماركزتي معاي ..
راح أشرح لك :
1- الفلسفه .. << وليست فلسفت التناقض ..
2- أصابعك مو سواسيه << طالعيني لاتطالعين أصابعك ..
3- علامات الترقيم .. (!)(؟)(,)(.)والبقيه ..

إذا أستجدت حاجه غير ذول مو مشكله كم جمونه عندنا مافيه غيرك ..
وأعتبريني أخوك الصغير يفهمك موضوع يمكن تجهلين أغلب جوانبه ..
وأنا وربي يعجبني حماسك وغيرتك بس الدنيا يقولون تعليم وانا اخوك..
وأنتي بنيه والبنيه تجهل فبعض أمور الشوارع ...

تقبلي مني كل الأحترام والتقدير ..
[/FONT]

مايحتاج تشرح لي أي شيء ..
لأنك في النقطه الأولى مافهمت مقصدي من فلسفتي بالحياه وقلت لك ارجع لموضوع خاص بي عن هذا الموضوع ..

والنقطه الثانيه أنا عارفه هالشيء وخلاص المسأله انتهت بعدما وضعت الموضوع هنا قبل لاتحط مشاركتك هنا فما كان فيه داعي لاعادتها ..

أما النقطه الثالثه اذا كان مقصدك في علامة التعجب فما يحتاج تشرح لأني فاهمه وأنت فاهم اننا نحطها اذا أردنا التعجب أو استغراب شيء ما .
وأنا كنت مستغربه من كلام رواء في انها تعتقد أني راح أقول عيال القصيم أفضل من غيرهم ..

أما الاقتباس اللي اقتبسته من ردي هنا :
[quote]الا ان كان أهل القصيم وشبابهم غير ..

فأعتقد انك اذا بغيت تستغرب من كلام شخص باللهجه العاميه تستخدم (الا )
من باب انك تستغرب الكلام وتظهر انك ماصدقته .,..وجرب قل هالكلمه بلهجة استغراب وراح تشوف وشلون كان مقصدي منها ..

للأسف انك في هالنقطه اتبعت رد رواء وأنت مب عارف وش المقصد ولا حتى فكرت وفككت الكلام ...يعني مجرد قراءه سطحيه مثل ماقلت لك من قبل ..


أرجو أن أكون وضحت لك ماالتبس عليك ..والان الموضوع أصبح واضح جداً فلايحتاج أن نزيد الكلام فيه ...

[جمان البحر]

هنا كُذِّبت جمان وهنا تظهر براءتها ..

منذ فترة طويلة حدث هنا في هذا الموضوع نقاش مطول مع عضوين أحترمها كثيراً,, خالفاني في كلامي وخطئاني في ما قلته ..
ولكن سبحان من لا يرضى بالظلم لابد للحق أن يظهر في يوم من الأيام ...

أحد من خالفني في رأيه هو الأخ الحنتريش ...لن أتحدث عما قلته ولا عما قاله فكله موجود في هذا المتصفح ..
ولكن سأتحدث عن يوم انتصاري ..
فقبل فترة كنت أتصفح المنتدى فقط لتضييع الوقت ودخلت قسم بريدة الخاص والذي نادراً ماأدخله وأثناء ذلك رأيت عنوان أحد المواضيع .لم يجتذبني العنوان لتلك الدرجة ولكن من الكسل اقتادتني يدي إليه ..
قرأت الموضوع بشكل سريع ولم أكن أنوي قراءة الردود فقط قرأت مقتطفات من كل رد ..وكل الردود قرأتها من دون الحرص على معرفة أصحابها ..
قرأت رد الحنتريش من ضمن الردود ولم أكن أعلم أنه له نزلت بسرعة لأنتقل من القسم الى قسم آخر ..ولكن توقفت وعدت أدراجي الى الرد صاحب التوقيع الذي أعرفه جيداً ..
قرأت الاسم لأتأكد فقط بأن ما قرأته منذ قليل حقيقة وليس خيال ..قرأت الرد مرات عديدة وقرأت الاسم مرات أكثر ..
لا أخفي عنكم الشعور الذي انتابني لحظتها ..ابتسمت ابتسامة انتصار ثم ضحكت ..نعم ضحكت ,,, فهذا الرد أثبت صحة كلامي ونفى كل ما قاله أخوي الكبيرين الحنتريش وأمير الحب ..قرأت الرد للمرة الأخيرة ثم أضفته الى المفضلة حتى أحفظه من الضياع وأجده بسرعة عند حاجتي اليه ..
ومِن مَن ؟؟من أحدهما ..
ممن وقف في وجهي أمام الجميع وكذلك في الرسائل الخاصة ..
سبحان الله العقل مهما حدث سيعترف بالحق الذي رفض الاعتراف به مسبقاً لعناده ..

وحقيقة ترددت كثيراً في إنزال الرد وكنت أتقدم بخطوة وأتراجع عشرة خطوات ..
لكن في النهاية حسمت أمري و اخترت عرضه لكم..وأردت فقط عرض هذا الرد الذي يثبت أن الحق معي ..
تأكدوا أن جمان لم ولن تسكت عن حق لها هنا فقط سأثبت صحة كلامي ..

انتبهوا ..
لا أريد ردود ولا أريد تعليقات على ماقلته ..فقد اكتفيت مسبقاً من الردود والتي أثبتت صحة كلامي ولم يقف في وجهي الا هذان الشخصان ..
فأنا فقط أردت عرضه لكم لأريكم بأن الحق معي ولأثبت بأنني لم و لن أتفوه بإذن الله الا بما يعرفه العقل ..

أريحوا أنفسكم ولا تردوا على الموضوع لتسكتوني فأنا بالتأكيد سأنقطع عن المنتدى خلال الفترة القادمة ..

هذا هو الرد الذي كان للأخ الحنتريش وهو هنا يوافقني على كلامي ويعارض نفسه في هذا المتصفح ..

سبحان الله في هذا الرد قال الأخ الحنتريش كل ماقلته ونفاه هو وكذبني وتحداني وقال بأنني فتاة ولا أعرف كيف يفكر الشباب ..

هن الغلطانااااااااااااااااااااااااااااااااااااااااااا ااااات
بنات وبدون محرم والساعه 2 بالليل وبالثيل مب بوسط الحديقه مع العالم وش مطلعهن هناك؟!!!!
معروف ان الثيل يجتمعون به شباب او يمكن رايحاتن للصرافه الساعه 2؟
انتم كل شي تحلتونه على الشباب
انا مااظلم احد لكن البنت الي ترزز جواله والا تطير عيونه تناظر الولد علمن وراه؟؟؟؟!!!!
بعدين حركة اتصل على الشرطه والا على ولي امري صارت قديمه الحين
اتحدى اي شاب مهما كانت جرائته يتحرش ببنت ماسكه طريقه

انتبهوا كل مايهمني هو السطرين الأخيرات وأول جملة.. وبالتأكيد باقي الرد له مكانه ولكن هذا أكثرررررررر مايهمني ..

[ممدوح الشدادي]

كلام ســليم

[تالا miss,,,]

صراحه انكم مالكم حاجه الحين اللي يهمكم كل واحد يكذب ويصدق ويؤيد الثاني ......وبعدين ؟
المهم معالجة الموضوع لان الشباب بدوا يتمادون اكثر من قبل ...
البنت اللي مو محتشمه خلاص ملوا منه ؟يبون اللي متغطيااات ماشالله يبون يشوفون اللي تحت هالعباة ..هذا اللي نشوفه...
مع انه فيه من الشباب ماشالله مستحيل يناظر حرمه او اصلا يروح لمكان فيه حريم يخاف على نفسه
(طيب انا اللي معور راسي سؤال ابساله :اذا البنت ماسكه بايده جوال وش الغرض بنظركم ؟؟؟واذا صارت تناظر الرجال يعني وشو؟مافيهااا شي اذا مسكت الجوال كيفه بعد هالشي لكم فيه حكم والا لا يكون حرام بعد !!!
واللي يصير معي واللي اشوفه ان الشباب هنااا انواع الحركااات اللي ماله داعي تلقين الواحد معه اهله
واذا شاف بنت تركهم وراح يلاحق هالبنيه؟وش يبي الحين!ماشالله على اساس انه مايبي يترك اهله لحالهم ...
وانا هنااا حايمه كبدي من الشباب اللي بالحظاري والنخيل تقل مايفهمون ماغير مطامر وراء البناات
الى درجه تاصل بهم وساعة الوجه الى انهم يمسكون البنات ويبونهم يدخلنهم معهن جوا ,,,
يعني مامنهم سلامه على قولتكم ..
ماقول الا الله يهديهم ويهدينا حناا بعد
ترى البناات بهن حقهن الله يكفينا الشر ...
وابليس حريص يعني بعض الشباب تلقاه متندم وماوده يعاكس يبي علاج وحل وانشالله يهتدي ..
هنااا خلونا نحاول نحل المشكله كله ازين من اننا نجلس نلوم في بعضنا ..


مع اطيب تمنياتي لكم ...

[عازفة ألحان الليل]

اهلا جمان

الأمر لا يتعلق بالحشمة وانما يتعلق بالقلب والنية سواء من الشاب او الفتاة

سؤال لك

عندما يكون الشخص مريض اقصد مريض بتفكيرة



هل سيمنع حجاب الفتاة من هذا التفكير المرضي والوسوسة ؟؟؟

[عازفة ألحان الليل]

^
طبعا اقصد الحجاب المحتشم

[شاطئ الراحة]

جمــــــــــــان البحر ..



لكُل ساقط لاقط ... !!
أو ,, الطيور على أشكالها تقع .. !!

دائماً الشاب غير المستقيم لا يقبل بالفتاة المستقيمه إعتاد على التوافق و التطابق .. !!
فنادراً أن نجد فتاة محتشمة .. بلباسها و متعففه بمشيتها
تعيقها نظرة ساذج عابر لا يفقه من حياته إلا التخلص من شهوته بأي طريقة .. !!

أنا أستغرب حقيقة من يسلّط الضوء على الفتاة المحتشمة و يحاول بأن يدنّس كبريائها
برد لا يفي حق حشمتها و عفتها .. هل هو زياة مشاركة أم ماذا ..؟!


:

وقفة جادة من قلم رائع ..



تحيتي لكِ

,


في موضوعكِ ولادي يكتب بقلم بناتي لا يريد الحوار
بقدر أنه يُريد - يقهر البنات - بكُل سذاجة و غباء .. !!

عجبي !!

[الحنتريش]

قرأت رد الحنتريش من ضمن الردود ولم أكن أعلم أنه له نزلت بسرعة لأنتقل من القسم الى قسم آخر ..ولكن توقفت وعدت أدراجي الى الرد صاحب التوقيع الذي أعرفه جيداً ..

اشكرتس على متابعة توقيعي ياجمجوجه هههههههههه
وصلت رسالتس والرابط بس لي عوده بعد ماارجع لارض خادم الحرمين الشريفين ان شاء الله
لاني منب فاضي الحين ابتمتع بالسياحه وارجع ارد دام الموضوع شاغل فكرتس الي هالحد