للحريم فقط ممنوع دخول الرجال (تسمعووووون)

[الماسة محتاسة]

اذا اردتي قتل زوجك من دون ان تتركي دليل ادخلي بسرعه


هلا وغلا بالحلوات اللي تبغا تخلص على زوجها بهدوء ولا من شاف ولا من دري تنفذ كل اللي اقلها عليه بحذافيره والخطه كالاتي على راسه وبال.....
شوفي معي الموضوع كيف تقتلين زوجك بهدوء

صدر مؤخرا كتاب في بريطانيا يرشد المراة المتزوجة

الى كيفية قتل زوجها دون اراقة دماء...... ومن دون


الوقوف امام المحاكم....

كل ماعليك اتباع هذه الخطوات

واهم وسيلة للقتل حسب الكتاب هي.......
************************
_احكي لزوجك قبل النوم مباشرة كل المشاكل والمآسي
الحزينة واجمعي له الاخبار التي تسبب أقلها ارتفاع الضغط
وأكبرها سكتة قلبية وتأكدي أن ينام وهو يفكر بهذه المآسي .....

_أطلبي منه القيام ببعض الأعمال المنزلية الخطرة مثل التكنيس بالمكنسة الكهربائية بعد ضرب أسلاكها لجعله يتكهرب طبعا لو تكهرب ذا قضاء وقدر وأنتي لا شفتي ولا دريتي مسكينه ترملتي صغيره ما عليكي الا تنزلي شوية دموع على المرحوم:36_1_4[1] او مثل صباغة واجهة المنزل اوتعديل اريل التلفزيون حتى يكون عرضة للسقوط. و اذا حصل المراد
وسقط تظاهري انك لم تنتبهي حتى تتاكدي من خروج اخر نفس ... ... ..وادعيله ربي يرحمه ويغمد روحه الجنه


_اكثري من وضع الدهون في الطعام وزيادة الملح والسكر
حتى يكون عرضة لامراض خطيرة مثل الضغط والسكر
وتصلب الشرايين والقلب ....

_احرصي على الا يراك سعيدة او مبتهجة.
اشعريه دائما بالاحباط وبانه رجل فاشل في حياته
اقنعيه ان وجوده في الحياة لاضرورة له
فهو مجرد رقم زائد :29_1_8[1].... ....ودايما كثري من هذه العبارات


_ اكثري من المشاكل مع اهله واقاربه واصدقائه ....
حتى لايبقى حوله احد:a16[1]:

- داومي على الشكوى من كل شي واي شي
من الاطفال ومن العمل ومن قلة المال ..

-اقيمي كل فترة حفلة لصديقاتك واكثري من الخروج
الى الحفلات.وضيعي نقوده التي يتعب في كسبها امام عينيه على المأكولات والمشاوي والهدايا
فأن لم يصب بجلطة فعلى الاقل سيجن ...

يقول الكاتب ..... (والعهدة على الكاتب..اللهم اني بريئة)

النتيجة مضمونة بعد اشهر


(ولا من شااااااااااف ولا من دررررررررري)


وش رايكم يابنات بهالنصايح:4_1_6[1]: :4_1_6[1]:..

اناأقوووول ليش رجالهم ماشين صح..يغيرون للولد ويرضعونه ويغسلون المواعين..

طبعا الموت حمر..




ملطوش مع بعض التعديلات

ترا الدعوى مزح:for6:

لاحد يصدق

[قلب الأسد]

الماسه :::: انا ابدخل وانا رجل بس وربي حرام هذا مجرم ليس زوج
كل هذا تعذيب .

[الذاهـبـة]

أعووووذ بالله ..

أنا انغثيت من القرآءة ..

ياقلبي إذا كذا تفكر في زوجها .. ليش متزوجته و باقية معه .. !!

عاد تبين الصراحة ..

فيه حريم تسوي أكثر من كذا ..

ماتقدر زوجها .. و إن سولفت عليه .. فكل سواليفها نكد ..

و إن تصرفت معاه .. فكل تصرفاتها نكد ..

و إن طبخت له .. وكلته نكد بنكد ..

بس كل هذا دباشة .. و قلة خبرة ..

موب سوء نية .. !



لالا من جد حلوة النصائح .. :)

[د / ماسنجر]

هلا وغلا بالحلوات
الحلوين مالنا رب يمكن حنا نقلب الخطه عليكن هههه


_ اكثري من المشاكل مع اهله واقاربه واصدقائه ....
حتى لايبقى حوله احد
عاد هذي انا اخبر ان تسع وتسعين بالميه من الحريم يقومن به

ومن ناحية فغي الراس !!
والله من وحده ووحده تفغا راس رجله بالطلبات وش عاد بالسواليف !!
لا وزيدي خطه زود :

كل ما بغى يطلع وطق ثوبه قولي الله يعدى عنك جب لنا وانت جاي خبز
الله يعدي عنك شف الجبن منتهيتن مدته وغير عليه راعي البقاله لاعبن عليك ترا بس يعطينا منتهي بغت تقضي مدتوه ( خليه من الحراره ياكل الجبن )
كل ما بغى يطلع قولي عطنا تسان معك اريل لهالبزران بيشرون من بسطة ام سند

الحريم إن كيدكن عظيم ...

همسة باذن الرياجيل : ترا الماسه حساسه صورة طبق اصل لمجالس بعض الحريم
خبركم اللي توهن معرسات مالهن كم شهر يقولون لاهل الخبره
رجلي ودي اخليه ما يقول لي لا ابد ورجلي ودي اخليه ينشر الثياب على الدرج ( من قوة انه مصيخته )
وهذيك تقول ودي رجلي يهمزن وذيك تقول انا ابي رجلي لا بغيت اهرج القاه قدامي ( حشى رجل آلي هو !! )...


ورداااااتي لراعي الكتاب ولا هين انتي يا الماسه منب معطيتس شيء سلاااام

[الماسة محتاسة]

اهلا فيك اخوي قلب ضب..
عاد هذا كلام الكاتب البريطاني..والظاهر انه عارف رجالهم انهم مجرمين..
وماينفع معهم الا العين الحمرا ..

[الماسة محتاسة]

اهلين فيك اختي الذاهبة..
الحمد لله اعجبتك النصايح :20[2]:
احمدي ربك واشكريه..هذي حالهم ذبح وذبيح..حتى عيالهم ماسلموا منهم..

[Tulane]

ي حرام والله مايسوى عليه الضعيف


بس نصائح من ذهب هع



تحيتي

[الماسة محتاسة]

اهلين فيك اخوي ماسنجر..
اولا.. وش مدخلك؟؟يعني عرفت الخطة..
نصيحتي لك اذا قالت لك زوجتك امسك المكنسة لاتطيع...
وبعدين ليش ما تعطين من ورداتك..هع
ورداااتي لك..

[The Free Man]

اححححححححححم

ياااااااا ولد

يا حريم تغطن

فري مان أز كومنق>> بدن يتهاوشن على الجلال :c7:


هذي ياطويلة العمر نصايح تنفع للي متزوجة شايب نايمن على 50 مليون

[أمــاسي ونص]

كركركركر

الله يرج عدوك والله نصايح من ذهب بس ماودنا نترمل نبيهم يمشون بشورنا ويقولون سم ولبيه

[فهد الحلوه]

خلاص قده انا الحين لها

[توتي]

والله من النجاسه :):)

[دينا]

خلاص ولا يهمك ياقمر انا لها <<راحت تطبق
8
8
هيه يالخبله تعالي وين هووولووه رايحه يالاخوووت
من تبي تطبقين بووه خابرتس ببيت اهلس
ياخزياه بنات اخر زمن << لو انتي مسكته سان احصن لس
بس من جد هذي مو حياة الزواج راحه مو عذاب
>>>>تقول الماسه كيف متحملها زواجها :)

[صـعب المنـــال]

هع هع هع
وعلى قولت اماسي كركركركر

صحيح لاقالو ان كيدهن عضيم

الماسه عاد تصدقين اهلي اليوم يقولون لي نبي نخطبلك فلانه وذكرولي وحده وهذي الوحده قد بغت تموتني يوم انا صغير طاب من الدور الثاني علشانها قلت لأهلي تبون تموتونن انتم

ويوم قريت موضوعك حرمت اني اتزوج خلاص

[أمــاسي ونص]

ليه تزوج وعين من الله خير
كركركركر

[ولـد بـــريدة]

الله يكفيــنا الشــر ......

ألــف شكــر لك أختي المحتــاسة مو ألمــاسة <<<<<<<< مقهــور

[الحنتريش]

هلا وغلا بالحلوات اللي تبغا تخلص على زوجها بهدوء ولا من شاف ولا من دري
وش دعوه يالماسه بالخواطر شي بس للحلوات؟
طيب الشينات مايدخلن؟
وشولوه جايتن تنصحين هالبنات روحي سوي هالحركات برجلتس دامتس ماتبينه
صدر مؤخرا كتاب في بريطانيا يرشد المراة المتزوجة
الى كيفية قتل زوجها دون اراقة دماء...... ومن دون
الوقوف امام المحاكم....
ايه هين راحن بناتنا وطي عز الله وهقتهن هذي وكتابه البريطاني وترملن كل حري السعوديه
احكي لزوجك قبل النوم مباشرة كل المشاكل والمآسي
الحزينة
هذي خلدزه بكن عاد وخصوصا لاجاء مبسوط تقولن ترا كلم راعي البيت يبي الاجار والرجال عندهم الاجار كابوس يهدد الحياة معنا واحد بالاستراحه لامنه قرب الاجار انقلب وجهه اصفر
اكثري من وضع الدهون في الطعام وزيادة الملح والسكر
حتى يكون عرضة لامراض خطيرة مثل الضغط والسكر
وتصلب الشرايين والقلب ....
بريطاني ماطاح مؤشر الاسهم عندهم والا تسان ماحط هالنقطه
على العموم يكفيهم طيحت المؤشر وفري مجهودتس لاتطبقين هالحركه الحين كل الرجال بهم ضغط وسكر وروماتزم بالاذان من كثر حتسي المحللين وخربطتهم



اكثري من المشاكل مع اهله واقاربه واصدقائه ....
حتى لايبقى حوله احد

هالحركه انتن فري قووووود به
خصوصا مع ام الزوج وخواته دايم مناقر تقل ديتسه قالت اختك وحطت مرت اخوك وامك وش تقصد يوم تقول هاك التسلمه انا ادري انه تلمح لشي والعجيز يحول نايمه واخونا يذن الجر ماذاق النوم من قرق مرته وحنحنته

مير لاتصدقن تراكن مخفات تطيرن بالعجه مثل (( الصيوح )) دينا
راحت تتطبق الخبله والمثل المصري يقول ظل راقل ولا ظل حيطه
مع ان احيانا ظل الشجره احسن من ظل بعض الرجال الي رجل بس بالاسم

[دلوعه وكلمتي مسموعه]

ههههههههههه..
الله يقلع بليسك..
اشوا اني مو رجال..
يهود حنا استغفر الله..

مشكوووووووووووره يالغلا.....

[الماسة محتاسة]

اهلين اختي كبرياء انثى..
اشكر لك مرورك..والحمد لله اعجبتك النصايح..

[الماسة محتاسة]

اححححححححححم

ياااااااا ولد

يا حريم تغطن

فري مان أز كومنق>> بدن يتهاوشن على الجلال :c7:


هذي ياطويلة العمر نصايح تنفع للي متزوجة شايب نايمن على 50 مليون


هههههه ضحكتني الله يقلع شيطانك..
لكن الظاهر ان بعض الشيبان ارحم من بعض الشباب..

[بيتها قلب زوجها]

والله فكرتن جيده اذا كان زعلان



هههههههههههههههه

[الماسة محتاسة]

اماسي ونص..لكن المشكلة اذا ماقال سم ولبيه؟؟وش الحل..

السعودي كله ذوق..شرفني مرورك..

توتي..يله عاد..شفتي..

دينا..تراي امزح لاتصدقين..الظاهر ان جامع الونيان يبي يمتلي..

صعب المنال..لا..لاتصدق اخوي..تزوج وتعوذ من الشيطان..
بس خلك عدال لايجيك شي ما يرضيك..هع

ولد بريدة..لاياخوي لاتنقهر ولاشي..ترا الدعوى مزح..
الله يخلي لنا رجالنا..

شرفني مروركم جميعا

[الماسة محتاسة]

اهلين اخوي الحنتريش..
ههههههههه
يعني برايك اننا مطبقين هالنصايح خلدزة..
الظاهر انه العكس والدليل ان اكثر اللي يرتادون العيادات النفسية هم الحريم..وش السبب :ash:؟؟؟؟؟؟
الله العالم انكم سامعين بهالنصايح وتطبقونها علينا..وحنا ياغافل لك الله..

[الماسة محتاسة]

دلوعة وكلمتي مسموعة..
لاياحبيبتي..فيه رجال يذبحون حريمهم..
انااعرف وحده صب عليها زوجها اسيد وماتت..
وهذي طريقة بعد..يمكن البريطاني ناسيها :c7:..
بيتها قلب زوجها..
مشكورة على المرور يالغلا..

[•°سـرىآ اللـيـل°•]

ألماااااااااااااااااااااااااسه هلااا والله ألبوووووووووووووو :d9:

وشلون بلنطانيا ؟؟ <<< داخله عرررررررررض :a16[1]:

شووفي أنا أول وحده بطبق كل اللي تقولين بس خلي الرجل يجي <<حااء ميم والناس نايمين < الدال سقط سهواً :b3:

تيب ألمااسه أنتي لازم تطبقين قبلنا ونشوف النتاايج ..

بس ياحسره عاد قالولك أنا بأخذ الراجحي بأخذ وااحد منتف خليه يكد علي وين أروح أنا وذري إذا ماات

الله لايجيب الشر ,, لاتذكريننا بالعرس خلينا بحالنا :o

عاد مهب مشكله أفكر بالموضوع مستقبلاً ..

لك شجراتي وورداتي وكل اللي تبين :11_4_101[ << كل هذي لك من قدك :D

[دينا]

مير لاتصدقن تراكن مخفات تطيرن بالعجه مثل (( الصيوح )) دينا


حنتريشووووه ........
لاتعيـــــر:(

بعدين ترى اسذب قصم مااطبقهن اصلن مااعرست <<ياشين البرائه :)
بنت عمتوو هي اللي تبي تعرس اوب انا <<ماتلاحظون انها اشغلتنا بالعريس وماهنا احد
ماقالت لوووه والله ياهي ماتمسك شي ومن جاب بنت عمس اصلن
الله يهاديس بس

[د / ماسنجر]

اهلين فيك اخوي ماسنجر..

ومرحبتين فيييتس


اولا.. وش مدخلك؟؟يعني عرفت الخطة..
ايه ايه عرفت وش عرفك < يبي يألف خطه للرجاجيل

نصيحتي لك اذا قالت لك زوجتك امسك المكنسة لاتطيع...
من قال لك ان بوه مكنسه بالبيت هههه كل الدنيا سيراميك .....

وبعدين ليش ما تعطين من ورداتك..هع
ورداااتي لك..
طيب لا تصيحين ههه

ورداتي لك سلاااام

[الماسة محتاسة]

ألماااااااااااااااااااااااااسه هلااا والله ألبوووووووووووووو :d9:

وشلون بلنطانيا ؟؟ <<< داخله عرررررررررض :a16[1]:

اهليييييييييين البووووووووووووووووووو
هههههههههههههههههههههههه
رجيتين الله يرجك..بلنطانيا تسلم عليك وتقول وينكم :6[1]:

شووفي أنا أول وحده بطبق كل اللي تقولين بس خلي الرجل يجي <<حااء ميم والناس نايمين < الدال سقط سهواً :b3:

اقوووول الله يرزقك الرجل اللي يحطك فووووق راسه ولايضطرك لهالنصايح..

تيب ألمااسه أنتي لازم تطبقين قبلنا ونشوف النتاايج ..

الظاهر اني ابسويها دامي عندهم ولامن شاف ولامن درى :4[1]:

بس ياحسره عاد قالولك أنا بأخذ الراجحي بأخذ وااحد منتف خليه يكد علي وين أروح أنا وذري إذا ماات

تصدقيييييين..توي اقتنع ان الوظيفة زينه :11_4_125v

لك شجراتي وورداتي وكل اللي تبين :11_4_101[ << كل هذي لك من قدك :D

شبعانة شجر وورد..
ابي نخل :18[1]:


نخلاااااااااتي لك..

[الماسة محتاسة]

ا


من قال لك ان بوه مكنسه بالبيت هههه كل الدنيا سيراميك .....

افهمها وهي طايرة..
يعني مهب لازم مكنسة..يمكن طاحونة او ميكرويف تجيك بكل براءة وتقول لك اشبكه الله يعافيك اخاف من الكهرب..
(العمر ياشامان)..

ورداتي لك سلاااام

عسبااااااااااني لك سلام

[بيسان]

من جد الله يعطيتس الف عافيه


تحيتي العطره

[@ الواصل @]

والله حررررررررررررررررررام يا الماسة ,,,,,,,,,, تحياتي

[الماسة محتاسة]

اهلين نمولة..
يعني اعجبتك النصايح :c9:..
شرفني مرورك يالغلا..

[الماسة محتاسة]

هلا اخوي الواصل..
لاتزعل علي..ترا نيتي زينة..
بس حبيت احذركم :f5:
مشكور عالمرور..